Салбар салбарт амжилттай ажиллаж яваа төгсөгчдийн төлөөлөл Эрдэнэбулган сумын ахлах ангийн 300 гаруй сурагчийг хамруулсан "Мэргэжлийн зөв сонголт-Бидний ирээдүй” сэдэвт хэлэлцүүлгийг хийлээ.
1999 оны төгсөгчид аж үйлдвэржилтийн инженерчлэл, мэдээллийн технологи, нягтлан бодох бүртгэл, аудиторын мэргэжил, ирээдүйн мэргэжилтнүүдийн зайлшгүй эзэмших чадвар ба ирээдүйн мэргэжлийн чиг хандлага, багш, эмч болон уул уурхайн техник технологи, инженер техникийн ажилтны мэргэжлийн тухай, эрх зүйчээс хуульч болох нь гэсэн сэдвүүдээр илтгэл тавьж, сурагчдад мэдээлэл өгөв.
Уулзалт хэлэлцүүлэгт оролцож байгаа сурагчид ирээдүйд сонгох мэргэжилтэйгээ холбогдуулан сонирхсон асуултдаа хариулт авав.
Төгсөгчид "Энэхүү уулзалт үр дүнтэй боллоо. Бид жил бүр сурагчдад төдийгүй салбар бүрийн залуусыг хамруулан уулзалт хэлэлцүүлгийг хийнэ” гэв. Тэд төрөлх сургуулийнхаа номын санд гадаад хэл, уран зохиолын номуудыг хандивлалаа.
1-р сургуулийн 1999 оны төгсөлтийн 20 жилийн ойн баяр энэ намар болно.
1 сэтгэгдэл