|

Монголын 49.3 мянган иргэн БНСУ-д амьдарч байна

 

Монголын 49.3 мянган иргэн БНСУ-д амьдарч байна

 

УИХ-ын гишүүн, Төрийн байгуулалтын байнгын хорооны дарга Д.Лүндээжанцан, УИХ-ын гишүүн, УИХ дахь Ардчилсан намын бүлгийн дарга Д.Эрдэнэбат, УИХ-ын гишүүн Ц.Мөнх-Оргил, Засгийн газрын Хэрэг эрхлэх газрын дэд дарга У.Бямбасүрэн, Өвөрхангай аймгийн ИТХ-ын дарга А.Ишдорж болон бусад албаны хүмүүс 2018 оны 12 дугаар сарын 17, 18-ны өдөр БНСУ-ын Үндэсний ассамблейн нийтийн сонсголын зохион байгуулалтын талаар туршлага судаллаа. Төлөөлөгчид БНСУ-ын Үндэсний ассамблейн гишүүн, БНСУ, Монголын найрамдлын бүлгийн дарга Канг Чанг Ил, дэд дарга Ким Доо Гван болон албаны бусад хүмүүстэй уулзаж, хоёр орны харилцаа, хамтын ажиллагаа болон цаашид авч хэрэгжүүлэх арга хэмжээний талаар санал солилцов.

Түүнчлэн БНСУ-ын Үндэсний ассамблейн гишүүн, Эх орончдын намын дарга Чо Вон Жинтой уулзан тус улсын нийтийн сонсголын зохион байгуулалт болоод зорилго, түүнийг үр дүнтэй хэрэгжүүлэх арга зам, иргэд, олон нийтийн оролцоог хангах талаар харилцан санал солилцож, тус ассамблейн Хүрээлэн буй орчин, байгалын зохицуулалтын байнгын хорооны нийтийн сонсголын зохион байгуулалтын үйл явцтай танилцлаа.

Төлөөлөгчид энэ үеэр Монгол Улсаас Бүгд Найрамдах Солонгос Улсад суугаа Элчин сайдын яаманд ажиллаж, иргэдийн санал хүсэлтийг сонсож, тулгамдсан асуудлын талаар тодруулан, холбогдох байгууллагад уламжлахаар тогтлоо. 2018 оны 12 дугаар сарын байдлаар манай улсын 49,300 гаруй иргэн Бүгд Найрамдах Солонгос Улсад ажиллаж, амьдарч байна.


Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл