Архангай аймагт 2022-2023 оны өвөл, хавар нэмэгдэл тэжээлд 700,7 мянган толгой мал орж, байран маллагаанд 50,2 мянган толгой мал өвөлжинө. Улсын тусгай хамгаалалттай бүс нутагт энэ өвөл Чулуут, Хангай, Булган, Цэнхэр, Тариат, Цахир сумын 315 өрхийн 197.8 мянган толгой мал өвөлжихөөр байна.
Хашаат, Хотонт, Цэцэрлэг сумын 59 өрхийн 36.1 мянган толгой мал Булган аймгийн Могод, Гурванбулаг сум, Төв, Дорнод, Хөвсгөл аймагт отроор явна. Харин Өлзийт суманд Увс аймгийнМалчин сумаас 1 өрхийн 110 толгой бод, 756 толгой бог мал отроор ирэхээр бүртгүүлжээ. Аймаг дотроо Жаргалант, Хашаат, Тариат сумын 110 өрхийн 59.4 мянган толгой мал Өндөр-Улаан, Цэцэрлэг, Өлзийт, Өгийнуур, Хотонт сумын нутагт тус тус отроорөвөлжиж, хаваржих төлөвтэй байгааг аймгийн ХХААГ-аас мэдээллээ.
0 сэтгэгдэл