|

С.Амарсайхан: Тээврийн цагдаагийн албанд бодитой хөрөнгө оруулалт хийхийг зорих болно

 

С.Амарсайхан: Тээврийн цагдаагийн албанд бодитой хөрөнгө оруулалт хийхийг зорих болно

 

"Тээврийн Цагдаагийн Албаны 2018 оны тайлангийн хурал”-д  Нийслэлийн ИТХ-ын дарга С.Амарсайхан уригдан оролцож, тус байгууллагын  хамт олон, салбарын бие бүрэлдэхүүнд амжилт хүслээ.

 

Тээврийн Цагдаагийн Алба нь өнгөрөгч оныг амжилт бүтээл өндөртэй үдэж байгаа ч алдаа оноондоо ийнхүү дүгнэлт хийн, ирэх 2019 онд нийслэлчүүдийн аюулгүй орчинд ажиллаж амьдрах нөхцөлийг улам сайжруулахаар төлөвлөсөн зүйл олон байгаа гэдгийг тус албаны дарга, Цагдаагийн хурандаа Д.Амарсайхан хэллээ.

 

 

Тэрээр Хууль зүй Дотоод хэргийн сайдын 2018 оны 08 дугаар сарын 21-ний өдрийн А/159, Цагдаагийн Ерөнхий Газрын даргын мөн өдрийн А/208 дугаар тушаалаар тус албаны бүтэц зохион байгуулалт өөрчлөгдөж Монгол улсын нутаг дэвсгэрт замын хөдөлгөөний аюулгүй байдлын талаарх хууль тогтоомжын хэрэгжилтийг хариуцан зохион байгуулах, төмөр зам, иргэний агаарын тээвэр дэх цагдаагийн газар, хэлтсийг харъяалан удирдах нутаг дэвсгэр хариуцсан цагдаагийн байгууллагыг мэргэжил арга зүйн удирдлагаар хангах чиг үүрэг бүхий нэмэлт цагдаагийн алба болон өргөжсөн. Иймд тус алба нь өнөөдрийн байдлаар 4 газар, 17 хэлтэс, 11 тасагтайгаар үйл ажиллагаагаа явуулж байгааг дурьдлаа. Бүтэц зохион байгуулалт өргөжсөн нь тус албанд хийж хэрэгжүүлэх, харьяалах олон асуудлыг бий болгож улмаар хүлээх хариуцлага өндөрссөн гэдгийг онцолж байлаа.

 

Нийслэлийн ИТХ-ын дарга С.Амарсайхан тэдэнд хандаж хэлсэн үгэндээ  "Нийслэлийн иргэдийн амар тайван аюулгүй байдлыг бий болгоход цаг наргүй ажиллаж байгаа тус албаныхан зөвхөн дээрх асуудлыг хариуцахаас гадна Монгол улсын үндэсний аюулгүй байдал болсон төмөр зам, агаарын тээвэр, авто замын аюулгүй байдлыг хангах замаар нийгэм эдийн засгийн аюулгүй байдлыг давхар хариуцаж байгаа. Иймд Нийслэлийн Гэмт Хэргээс Урьдчилан Сэргийлэх ажлыг зохицуулах зөвлөлийн ажлын хүрээнд тус албаны асуудалд онцгойлон анхаарч нэн тэргүүнд шийдвэрлэх шаардлагатай байгаа асуудлуудыг шийдвэрлэж өгсөн.

 

Тухайлбал алба хаагчдын цалин хөлс, хувцас хангалт, тоног төхөөрмж зэргийг онцгойлон анхаарсан нь эргээд та бүхний тав тухтай орчинд бүтээмж өндөртэй ажиллах боломжыг бүрдүүлж байгаа гэж ойлгож байна. Иймд ирэх 2019 онд нийслэлийн зүгээс "хэлбэр хөөсөн” хөрөнгө оруулалт бус илүү бодитой, үр өгөөжөө өгсөн хөрөнгө оруулалтыг хийхээр зорин ажиллаж байна” гэв.

 


 

Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

1 сэтгэгдэл