|

Архангайд 30 гаруй айлын гэр хашаа нурж, иргэд гэмтжээ

Архангайд 30 гаруй айлын гэр хашаа нурж, иргэд гэмтжээЭнэ сарын 25-нд Архангай аймгийн Өндөр-Улаан, Хашаат сумдын нутагт түр зуурын, хүчтэй салхитай, усархаг аадар бороо орсноос 30 гаруй айлын гэр, хашаа нурж, байшингийн дээвэр хууларсан байна.

Энэ үед иргэд гэмтэл авчээ. Аймгийн Онцгой байдлын газрын мэдээлснээр иргэд хөнгөн зэргийн бэртэж, нурсан гэрүүдийг барьсан гэнэ. Гэр нь нурсан 24 иргэнийг сумын эмнэлэгт түр байрлуулж, 48 настай иргэн С, 80 настай иргэн Д нарын биеийн байдал хүндэвтэр, эмчилгээ хийлгэж байгаа тухай мэдээллийг долдугаар сарын 25-ны өдрийн 21:30 цагт хүлээн авчээ. Oдоогийн байдлаар хохирлын хэмжээний тухай нарийн тоон мэдээлэл тогтоогдоогүй байна

22 сэтгэгдэл