Өнөөдөр өглөө НҮБ-ын командлал өнгөрсөн долоо хоногт Хойд Солонгосоос оргож ирсэн цэргийн бүрэн видео бичлэгийг хэвлэл мэдээллийнхэнд дэлгэжээ.
НҮБ-ын командлалын мэдээлснээр оргосон цэргийн араас хөөж явахдаа Хойд Солонгосын харуулууд 1953 онд байгуулсан гал зогсоох хэлэлцээрийг зөрчиж, хилийн шугамыг давсныг баталсан байна.
Видеоны эхэн хэсэгт жип төрлийн машинтай цэрэг хил рүү хурдтай давхин ирж байгааг харуулжээ. Харуулууд машины дугуйг буудаж хагалсны дараа цэрэг машинаасаа бууж, хилийн шугам руу гүйсэн байна. Энэ үед Хойд Солонгосын харуулууд араас нь буудаж байгаа юм. Ингэхдээ нэг харуул нь хилийн шугамыг давж алхаад дараа нь буцаж байгаа дүрс бичлэгт үлджээ.
Энэ үед Өмнөдийн харуулын цэргүүд бөөгнөрч, болж байгаа үйл явлдыг ажиглаж байв. Дараа нь шархдаж унасан цэрэгт Өмнөд Солонгосын цэргүүд мөлхөн хүрч, чирэн өөрийн талд авчирсан байна.
Олон удаагийн хагалгаа хийлгэсний дараа оргодол цэргийн биеийн байдал сайжирч байгааг өчигдөр эмнэлгийнхэн мэдээлжээ.
Эх сурвалж: Korea Herald
20 718 сэтгэгдэл