|

Шри Ланкад хөл хорио тогтоожээ

 

Шри Ланкад хөл хорио тогтоожээ

 

КОЛОМБО. /АР/. Шри Ланкад лалын шашинтнуудын эсрэг хүч хэрэглэх явдал газар авч буйтай холбоотойгоор даваа гарагт шөнийн цагаар улс даяар хөл хорио тогтоосон байна.

Лалын сүмүүд болон лалын шашинтнуудын эзэмшдэг дэлгүүрүүд эсэргүүцэгчдийн хөлд өртөх болсон ажээ. Цагдаагийн газрын төлөөлөгчийн мэдээлснээр, нэг хүн амиа алдсан байна. Цагдаа нар тосгодод цугласан олон зуун хүнийг тараахын тулд агаарт хий буудаж, нулимс асгаруулагч хий ашиглажээ.

Өнгөрсөн сард Улаан өндөгний баярын үеэр лалын шашинт босогчид сүмүүд, зочид буудлуудад цуврал дэлбэрэлт үйлдсэний улмаас 250 гаруй хүн амиа алдсанаас хойш тус улсад эмх замбараагүй байдал үүссэн юм.

Ерөнхий сайд Раниль Викремесингхе даваа гарагт мэдэгдэхдээ, одоо үүсээд буй эмх замбараагүй байдал нь өнгөрсөн сард болсон халдлагуудыг мөрдөн шалгах ажиллагаанд хүндрэл учруулж байна хэмээгээд, тайван хүлээцтэй байхыг ард иргэддээ уриалжээ. 

22 сая хүн амтай Шри Ланка улсын олонх болох сингалууд нь буддын шашин шүтдэг бол тэдний дөнгөж 10 орчим хувийг лалын шашинтнууд эзэлдэг байна. Цагдаа нар Улаан өндөгний баярын үеэр болсон цуврал халдлагад лалын шашинт хоёр бүлэглэлийг буруутгасаар байгаа аж. Уг халдлагын хариуцлагыг "Лалын улс" бүлэглэл хүлээсэн боловч ямар нэг нотлох баримтыг олон нийтэд дэлгээгүй юм.


Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл