"2018 онд Канадын иргэн Роберт Ллойд Шелленбергийг 15 жилийн хорих ялаар шийтгэсэн боловч энэ шийтгэлийг хэт хөнгөн гэж үзсэн" хэмээн БНХАУ-ын Шүүхээс даваа гарагт мэдээлжээ.
БНХАУ-ын мэдээллийн технологийн "Huawei” компанийн Санхүү хариуцсан захирал Мэн Ваньжоуг АНУ-ын хүсэлтээр Канадын хууль сахиулагчид өнгөрсөн оны 12 дугаар сард баривчилснаас хэдэн долоо хоногийн дараа шүүхийн энэ шийдвэр гарсан юм.
Харин Канадын Ерөнхий сайд Жастин Трюдо БНХАУ-ын Шүүхийн гаргасан дээрх шийдвэрийг зэмлэн буруушаасан мэдэгдлийг даваа гарагт хийсэн байна.
Канадын иргэн ямар хэрэг үйлдсэн бэ?
Канадын иргэн36 настайР.Шелленберг нь БНХАУ-ын боомт хотоос Австрали руу 222 килограм метамфетамин бодисыг хууль бусаар хил давуулахаар төлөвлөж байсан гэх хэргээр БНХАУ-д баривчлагдаж, өнгөрсөн оны 11 дүгээр сард 15 жилийн хорих ялаар шийтгүүлсэн байна.
Харин энэ долоо хоногийн даваа гарагт Далянь хотын Дээд шүүх Канадын иргэнд цаазын ял оноож, түүний бүх хөрөнгийг хураан авах шийдвэр гаргасан ажээ.
Шүүхийн шийдвэрийг зарлахын өмнөР.Шелленберг,"би мансууруулах бодисын наймаачин биш, БНХАУ-д жуулчны хувиар ирсэн" гэж хэлснийг "AFP” агентлаг уламжилжээ. Түүнд давж заалдах 10 хоногийн хугацаа байгаа юм байна.
0 сэтгэгдэл