Энэ сарын 24-25-нд шилжих шөнө болсон хүчтэй цасан болон шороон шуурганы улмаас Улаангом дэд станцаас 20 км зайд байрлах, 110 кВ -ын 19, 20, 21 дүгээр цахилгаан дамжуулах агаарын шугам, Өмнөговь сумын чиглэлд 9 ширхэг тулгуур багана унаж гэмтсэний улмаас 25-ны өглөө орон нутгийн цагаар 7.00 цагаас эхлэн Увс аймаг гэрэл цахилгаангүй болсон юм. Одоогоор Өмнөговь сумын чиглэлд унасан 9 ширхэг тулгуур баганыг босгосноор Дөргөний цахилгаан станцаас аймгийн ЗДТГ, цахилгаан холбоо, Нэгдсэн эмнэлэг, хоёр дулааны станц зэрэг байгууллага гэрэл цахилгаанаар хангагдаад байна. Харин ОХУ-аас орж ирж байгаа 110 кв-ын 19, 20, 21 дүгээр цахилгаан дамжуулах агаарын шугамуудыг тайлж аван талбайг цэвэрлэсэн ба шинээр угсрах ажил одоогоор 50 гаруй хувьтай явагдаж байна. Эдгээр агаарын шугамуудыг босгочихвол баруун гурван аймаг тэр чигтээ гэрэл цахилгаанаар бүрэн хангагдах юм.
0 сэтгэгдэл