ОХУ-ын Тагнуулын ерөнхий газрын офицер байсан Сергей Скрипаль болон түүний охин Юлияг гуравдугаар сарын 4-нд Солсбери хотод хордуулсан нь олон улсад шуугиан тарьсан билээ. Скрипалийг "А234” бодисоор хордуулсан хэрэгт ОХУ холбоотой гэж Лондоны эрх баригчид үзэж байгаа бол Москва үүнийг эрс эсэргүүцэж байгаа юм.
Солсбери хотын "Prezzо” зоогийн газарт эрэгтэй, эмэгтэй хоёр хүний бие гэнэт муудсан гэдгийг цагдаа нар ням гарагийн орой нотолсон байна. Гэхдээ тэднийг мэдрэлийн тогтолцооны үйл ажиллагааг саатуулдаг бодисоор хордуулаагүй аж.
"Энэ тохиолдол нь гэмт хэрэг эсэх нь одоогоор тогтоогдоогүй ба мөрдөн шалгах ажил үргэлжилж байгаа. Солсбери хотын тойргийн эмнэлэг хэвийн ажиллаж байна” гэж Уилтширийн цагдаагийн газраас мэдээлжээ. Солсберид саяхан болсон хэрэгтэй холбогдуулан урьдчилан сэргийлэх боломжит бүх арга хэмжээг авсан гэж цагдаа нар онцлон хэлсэн байна. Дээр гарсан хэргийг одоогоор томоохон хэрэг гэж үзэхгүй байгаа аж.
Д.Жаргал
Эх сурвалж: Монцамэ агентлаг
0 сэтгэгдэл