|

Ногооны үнэ огцом унаж байна

 

Ногооны үнэ огцом унаж байнаЭнэ хоногт өмнөх долоо хоногтой харьцуулахад хүнсний ногооны үнэ 9.5-41 хувиар унажээ. Тухайлбал монгол төмс 41.0 хувиар буурч 1095 төгрөгөөр, лууван 37.9 хувиар буурч 1575 төгрөгөөр, байцаа 24.0 хувиар буурч 1410 төгрөгөөр, хүрэн манжин 31.3 хувиар буурч 2225 төгрөгөөр, хятад сонгино 9.5 хувиар буурч 1190 төгрөгөөр тус тус худалдаалагдаж байна.

Нийслэлийн хүнсний томоохон зах, дэлгүүрт "Алтан тариа” савласан нэг кг гурилын үнэ дээд зэрэг нь 1250-1500 төгрөг, 1-р зэргийнх 950-1200 төгрөг, 2-р зэргийнх 800-1000 төгрөг байна. Худалдан авагч олон байдаг "Хүчит шонхор”, "Таван эрдэнэ”, "Бөмбөгөр”, "Баянзүрх”, "Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн "Алтан тариа” гурилын үнэ 1250-1400 төгрөгийн үнэ ханштай байна.

Харин "Барс” хүнсний захад дээд зэргийн "Алтан тариа” гурил 1250 төгрөг, 1-р зэргийн гурил 950 төгрөгөөр тус тус зарагдаж байна. "Атар” талх хүнсний зах, дэлгүүрт 1100-1210 төгрөгийн үнэтэй байна. "Бөмбөгөр”, "Оргил”, "Хүчит Шонхор”, "Хархорин” хүнсний захуудад "Атар” талхыг хамгийн хямд буюу 1100 төгрөгөөр, харин "Сансар” супермаркетад хамгийн өндөр үнээр буюу 1210 төгрөгөөр худалдаалж байна.

http://erennews.mn/index.php?view=article&type=item&val=11957


595 сэтгэгдэл