|

Махны экспортыг 50 мянган тоннд хүргэж, малчин өрхийн орлогыг нэмэгдүүлнэ

Махны экспортыг 50 мянган тоннд хүргэж, малчин өрхийн орлогыг нэмэгдүүлнэ

 

 "Тогтвортой хөгжил-нүүдлийн мал аж ахуй” олон улсын найм дахь удаагийн чуулган хоёр дахь өдрөө үргэлжлэв. Чуулганд оролцогчдод хандан Монгол Улсын Ерөнхий сайд У.Хүрэлсүх мэндчилгээ дэвшүүлснийг түүний Эдийн засгийн зөвлөх Н.Энхбаяр танилцууллаа. Ерөнхий сайд мэндчилгээндээ, Монгол Улсын зүгээс бусад улс оронтой харилцан ашигтай хамтын ажиллагааг хэрэгжүүлснээр бүс нутгийнхаа хүнсний худалдаа, үүний дотор экологийн цэвэр хүнсээр хангах үйлсэд оруулах хувь нэмрээ цаашид ихээхэн нэмэгдүүлэх нөөц боломжтой гэдгийг онцолсон байна.

Манай Улс Тогтвортой хөгжлийн үзэл баримтлалын зорилт, Засгийн газрын үйл ажиллагааны хөтөлбөртөө хүн ардаа эрүүл, аюулгүй хүнсээр хангах зорилтыг тусган хэрэгжүүлж байна. Мал аж ахуйн салбар нь хүн амыг хүнсээр, боловсруулах үйлдвэрийг түүхий эдээр хангах чухал үүргийг гүйцэтгэдэг. Өнгөрсөн оны байдлаар хөдөө аж ахуйн салбар ДНБ-ий 14.5 хувийг үйлдвэрлэж болохыг дурджээ. Тэрбээр "Засгийн газраас хүнс, хөдөө аж ахуй, хөнгөн үйлдвэрийн салбарын тогтвортой хөгжлийг хангах тодорхой зорилт тавин ажиллаж, мал аж ахуйн үйлдвэрлэлийн үр ашгийг нэмэгдүүлэх, эдийн засгийн эргэлтийг сайжруулах, дэвшилтэт техник, технологийн шинэчлэл хийх, инновацийг нэвтрүүлэх зорилгоор "Төрөөс малчдын талаар баримтлах бодлого”, "Монгол мал” үндэсний хөтөлбөрийн хэрэгжилтийг эрчимжүүлнэ. Мөн Засгийн газраас баталсан "Мах, сүүний аян”-ыг зохион байгуулж бэлчээрийн болон эрчимжсэн мал аж ахуй, фермерийн аж ахуйг зохистой хослуулснаар мах, махан бүтээгдэхүүний экспортыг дэмжиж, жилд экспортлох хэмжээг 50 мянган тоннд хүргэж, малчин өрхийн орлогыг нэмэгдүүлнэ” гэжээ.

Б.Саруул

Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл