Цагаан сарын өмөх хэд хоногт цаг агаар тогтуун сайхан байлаа. Гэвч маргаашаас эхлэн тэнгэр хангай тийм ч таатай байхгүй бололтой. Тодруулбал, Цаг, уур орчны шинжилгээний газраас гаргасан хоёрдугаар сарын цаг агаарын урьдчилсан мэдээгээр шинийн 2-нд буюу маргааш баруун болон төвийн нутгаар, шинийн 3-нд төв хэсгээр цас орж, цасаар шуурч хүйтрэхийг анхааруулж байна. Нийт нутгаар цас орохгүй ч хүйтний эрч чангарах юм байна.
Сар шинийн баярын өдрүүдэд хот, хөдөөг зорих иргэдийн хөдөлгөөн эрс нэмэгддэг учраас зорчигч нар цаг агаарын төлөв байдлыг харгалзан замд гараарай. Түүнчлэн хавар болж, гол мөрний мөс уясч байгаа учир орон нутгийн замд зорчихдоо гол, мөрөн, нуурын мөсөн дээгүүр зорчихгүй байх, автомашины аюулгүй байдлаа бүрэн хангаж замд гарахыг албаныхан зөвлөж байна.
0 сэтгэгдэл