|

Ж.Энхбаяр: Намын удирдлагууд наадам, зугаалгаа одоо зогсооё

Ж.Энхбаяр: Намын удирдлагууд наадам, зугаалгаа одоо зогсооё

Ерөнхийлөгчийн сонгуульд ялагдсан МАН-ын дарга М.Энхболд ирэх есдүгээр сард Бага хурлаа хуралдуулж, улмаар их хурлаа товлосны дараа хариуцлага хүлээх асуудлыг ажил хэрэг болгох төлөвлөгөөтэй байгаагаа сошиал хуудсаараа мэдэгдсэн. Тэгвэл нам дотор нь өөр байр сууриуд олон байна. Тухайлбал, Ж.Энхбаяр гишүүн МАН-ын дарга М.Энхболд, Ерөнхий нарийн бичгийн дарга Д.Амарбаясгалан болон намын удирдах зөвлөлд хандан шаардлага хүргүүлжээ. Тэрбээр "Алдаа оноогоо дотроо шийдвэрлэж чаддаг өөрийн гэсэн мөрдөх дүрэмтэй, баримтлах зарчимтай нам бол "Монгол Ардын Нам” билээ.

Улс орны хувь заяаг энэ чухал цаг үед үүрч байгаа улс төрийн хүчний хувьд бид өнөөдөр өмнөхөөсөө илүү хариуцлагатай, бусдаас илүү сахилга баттай байх ёстой. Иймээс намын удирдлагууд наадам, зугаалгаа одоо зогсооё! Намрын их ажлаас өмнө намын дотоод асуудлаа түргэн шуурхай эмхлэх нь зүйтэй.

Гадна жагсаж байгаа нь ч дотор суугаа нь ч асуудалд бодитой хандаж шат шатандаа алдаа оноогоо ярилцъя. Төрийн эрх барьж байгаа улс төрийн хүчний нуруун дээр улс эх орон, ард түмний хувь заяа байдаг учир өнөөдөр МАН-ын дотоод асуудал ард түмэнд хамаатай гэдгийг бүх шатандаа ухамсарлая.

Намын удирдах зөвлөл яаралтай хуралдаж, бага хурлыг 08-р сарын 10-ны дотор хуралдуулж дотоод асуудлаа цэгцлэхийг нийт гишүүдийнхээ өмнөөс шаардаж байна” гэсэн байна.


1 сэтгэгдэл