|

"Номхон далай дамнасан түншлэл"-ээс АНУ гарлаа

ВАШИНГТОН. /VOA/. "Номхон далай дамнасан түншлэл” /НДДТ/ чөлөөт худалдааны хэлэлцээрээс АНУ-ыг албан ёсоор гаргах тухай тусгай зарлигт тус улсын Ерөнхийлөгч Дональд Трамп гарын үсэг зурлаа.

НДДТ-ээс АНУ-ыг гаргах болно гэж тэрбээр сонгуулийн кампанит ажлын үеэр нэг бус удаа амлаж байсан юм.

АНУ-аас гадна Австрали, Бруней, Канад, Чили, Япон, Малайз, Мексик, Шинэ Зеланд, Перу, Сингапур болон Вьетнам гэсэн 11 улс Ерөнхийлөгч Барак Обамагийн засаг захиргааны үед уг хэлэлцээрт гарын үсэг зурж байжээ. Энэхүү чөлөөт худалдааны хэлэлцээрийг АНУ батлаагүй тохиолдолд хэрэгжих боломжгүй юм.

Д.Трамп өөрийн гаргасан шийдвэрээ "Америкийн ажилчин ангийнхны хувьд маш чухал шийдвэр” гэж тодорхойллоо.

Г.Доржханд

Эх сурвалж: МОНЦАМЭ.МН

123 сэтгэгдэл