Батлан хамгаалах яамны Төрийн нарийн бичгийн даргын тушаал, Төв аймгийн ЗДТГ-ын Цэргийн штабын даргын удирдамжийн дагуу тус аймгийн нутаг дэвсгэрт харуул хамгаалалтын чиглэлээр үйл ажиллагаа явуулж буй компаниуд, худалдаа үйлчилгээний төвүүд, хувь хүн, оёдлын цех, аж ахуйн нэгж, албан байгууллагуудад энэ сарын 12-13-ний өдрүүдэд хяналт шалгалтын ажлыг явууллаа.
Зөрчил гаргасан хувь хүн, аж ахуйн нэгжид Зөрчлийн тухай хуулийн 15 дугаар зүйлийн 21.3 дахь хэсэгт зааснаар Төрийн алба хаагчийн дүрэмт хувцас, цол, таних тэмдгийг хэрэглэх эрхгүй этгээд хэрэглэсэн бол дүрэмт хувцас, цол, таних тэмдгийг хурааж, 500 нэгжтэй тэнцэх хэмжээний торгууль оногдуулахыг сануулж, анхааруулж ажиллалаа.
0 сэтгэгдэл