ОХУ-ын Батлан хамгаалах яам Украинд хоёрдугаар сарын 24-нөөс хойш явуулсан тусгай ажиллагааны үеэр Украины нутаг дэвсгэрт Оросын армийн хэдэн хүн амиа алдсан болохыг зарлалаа.
Украины нутаг дэвсгэрт долоо хоногийн дотор Оросын 498 цэрэг амь үрэгдэж, 1597 цэрэг шархадсан байна. Мөн Украины хүчний байгууллага, цэргийн албан хаагч болон болон үндсэрхэг үзэлтнүүдээс 2870 гаруй хүн амь үрэгдэж, 3700 орчим хүн шархаджээ.
Украинд явуулж байгаа тусгай ажиллагааны талаар мэдээлэл өгөхдөө Оросын Батлан хамгаалах яам цэргийн үүргээ гүйцэтгэж яваад амиа алдсан Волгоград мужийн оршин суугчдын гэр бүл, төрөл төрөгсөд, ойр дотныхонд болон Волгоград мужийн захирагч гүн эмгэнэл илэрхийлжээ.
Мэдээллийг танилцуулсан хошууч генерал Конашенков "зарим хэвлэл мэдээллийн хэрэгслээр Оросын Зэвсэгт хүчин тоолж баршгүй хохирол амссан тухай мэдээ гарч байгаа нь санаатай, ташаа мэдээлэл” гээд Украйн ойрын үед цөмийн зэвсэг ашиглаж болзошгүй, НАТО-гийн баазууд руу цөмийн зэвсэг, тэдгээрийг тээвэрлэх машинууд орж ирж магадгүй талаар мэдэгджээ.
0 сэтгэгдэл