|

Архангай аймгийн иргэдийн 6.3 хувь нь дөрөвдүгээр тундаа хамрагджээ

2022-02-25, 16:14

Архангай аймгийн иргэдийн 6.3 хувь нь дөрөвдүгээр тундаа хамрагджээ

 

Аймгийн Эрүүл мэндийн газраас вакцины хамрагдалтын хувь хэмжээг мэдээллээ. Аймгийн хэмжээнд вакцинд хамрагдвал зохих 60 гаруй мянган иргэдийн 86.7 хувь нь нэгдүгээр тунд, 82 хувь нь хоёрдугаар тунд, 46.3 хувь гуравдугаар тунд, 6.3 хувь дөрөвдүгээр тунд тус тус хамрагдсан байна. Аймгийн төв Эрдэнэбулган сумын тухайд вакцинд хамрагдвал зохих 15801 иргэн байна. Үүнээс нэгдүгээр тунд 14701 буюу 92,4 хувь, хоёрдугаар тунд 14319 буюу 90,6 хувь, гуравдугаар тунд 5372 буюу 37,5 хувь, дөрөвдүгээр тунд 528 буюу 9,8 хувь нь дархлаажуулалтад хамрагдсан байна. Архангай аймгийн Шуурхай штабаас коронавирусний өнөөдрийн байдлаарх нөхцөл байдлын мэдээллийг өглөө. 

   Сүүлийн 24 цагийн хугацаанд 40 тохиолдол шинээр бүртгэгдэж, нийт тохиолдол 16793 боллоо. Энэ хугацаанд 66 хүн эдгэрсэн ба нас баралт гараагүй байна. Өнөөдрийн байдлаар гэрээр 194, тусгай эмнэлгүүдэд 163 хүн эмчлүүлж байна. Аймгийн хэмжээнд коронавирусний тархалтын байдал буурч байгаа хэдий ч аль болох олон хүнтэй газраар явахгүй байх, амны хаалтаа тогтмол зүүж, гараа сайн угаах, дархлаажуулалтдаа идэвхтэй хамрагдахыг уриаллаа. 

0 сэтгэгдэл

Санал асуулга

Архангай аймагт хамгийн их тулгамдаж байгаа асуудал аль нь вэ?

Бүгд