|

Таны мэдлэгийн санд: Хөлний массаж

 Таны мэдлэгийн санд:  Хөлний массаж

Хөл гэдэг хүний бүх жинг тээж явдаг тул хятад хүмүүс хөлийг "Хоёр дахь зүрх” гэдэг. Иймээс ч Хятадын уламжлалт анагаах ухаанд хөлний массаж чухал байр суурь эзэлдэг. Эрүүл мэндийг хамгаалах хамгийн энгийн арга бол хөлний массаж болно. Хөлний массаж нь бие организмийг тайвшруулан амраахаас гадна ачааллыг багасгаж өгдөг.

хөлний массаж

Хөлийн уланд хүний бүх дотор эрхтэнтэй холбоотой мэдрэлийн цэгүүд байдаг. Үүнийг шинжлэх ухааны хэлээр биологийн идэвхитэй цэг гэж хэлдэг. Эдгээр цэгийг иллэг хийж цочироож өгсөнөөр таны эрүүл мэндэд ихээхэн ач холбогдолтой эмчилгээ болдог байна.

«Мод үндэснээсээ, Хүн хөлнөөсөө хөгширдөг» гэж Хятадууд ярьдаг. Хөлний массаж хийхэд, бие эрүүлжих, бодисын солилцоо сайжрах, бүх эд эрхтэн зэрэг амрах сайн талуудтай.

хөлний массаж

Зураг дээр: Хөлний массаж хийхэд хэрэглэх ургамалын ханд ба лосьон их хэрэглэдэг нь усан эмчилгээ хийх нэг эх сурвалж болдог.

Хөлний массаж хийх арга хэлбэр олон янз байдаг бөгөөд дарах, илэх, үрэх, тонших, базах зэрэг үйлдлийг тодорхой шат дараалалтай хийнэ.

Хүний хөлөнд биологийн идэвхитэй цэгүүд байрлах бөгөөд тэдгээр нь эд эрхтэнтэй нарийн нягт мэдрэлийн судлаар холбоотой байдаг. Хятадын уламжлалт анагаах ухааны судар бичгүүдэд хөлийн уланд 62 биологийн идэвхитэй цэг байдгийг тодорхойлсон байна.

Хөлийн массаж нь физиологийн маш нарийн процессийг өдөөж өгдөг бөгөөд төв мэдрэлийн системд онцгой үүрэг гүйцэтгэнэ. Хөлний массаж хийхэд бие организмд 3 төрлийн мэдрэмж төрнө. Үүнд:

  • Мэдрэлийн тайвшралд орох,
  • Бүх биеийн алжаал тайлагдах
  • Дотор эрхтэнүүдийн үйл ажиллагаа сэргэж, цочирол авах гэх мэт.

Хятадын хөлний массаж ойролцоогоор 100 минут үргэлжлэнэ. Зөөлөн тухлаг буйдан дээр хэвтүүлээд Хятад цайгаар дайлна. Учир нь хөлний массаж хийж байхад хүний бие организмд шингэн зүйл их шаардагддаг.

хөлний массаж

Зураг дээр: Ургамалын хандтай бүлээн усаар угаасны дараа хөлний массаж хийж байна.

Дараа нь ургамалын хандтай бүлээн усанд хөл угааж, тусгай лосьон, тос, крем түрхэж иллэг хийнэ.

Арга билгийн зарчмийг баримтлан заавал эсрэг хүйстэн массаж хийнэ. Эмэгтэй хүн массаж хийлгэвэл массажист нь эрэгтэй хүн байна. Туршлагатай массажист үйлчлүүлэгчдийнхээ эрүүл мэндийн байдал, ядаргааг амархан таниж мэдээд, аль цэг дээр илүү үйлчилгээ үзүүлэхээ сайн мэддэг.

Хятадын хөлний массажийн бас нэг чухал хэлбэр бол чулуун дээгүүр алхуулах үйлдэл юм. Сайн талуудын хажуугаар сөрөг нөлөө бас байдаг гэдгийг мартаж болохгүй. Зөв хийвэл тус болно. Буруу хийвэл ус болно. Өлөн буюу хоол идсэний дараа массаж хийлгэх нь сайн үр дагавар өгөхгүй.

хөлний массаж

Зураг дээр: Хөлний массажны нэг хэлбэр чулуун дээр алхах ширдэг.

Вений судасны бүдүүрэлттэй, сүрьеэ өвчинтэй, халдварт өвчинтэй бол хөлний массаж хийлгэх нь хорт үр дагавартай.

Хөлний массаж хийлгэж байхдаа спиртийн ундаа хэрэглэх, кофе уух, давсархаг хурц хоол идэхгүй байх нь чухал.

Сүүлийн үед хөлийн массаж хийдэг төрөл бүрийн багаж худалдаанд гарч хүмүүс гэртээ өөрсдөө хөлийн массаж хийн амрах болжээ.

Хөлний массаж

Зураг дээр: Хөлний массажны аппарат. Энэ машины тухай мэдээлэлтэй дэлгэрэнгүй танилъя гэвэл энэ холбоосоор орж үзээрэй.

Хөлний массаж Тайландад хамгийн их эрэлттэй үйлчилгээ болдог гэнэ. Энэ бас л нэг бизнес санаа юм даа.


1 сэтгэгдэл