Энергийн хууль

Хамт байхад хөгжилтэй, урам сэргээсэн, ойлгоцоход хялбар, цаанаасаа нэг л дулаахан хүмүүс байдаг даа. Тийм хүнтэй хамт байхад бид өөрсдийнхөө талаар эерэг сайнаар бодохоос гадна, салаад явахаар бэлэгтэй хоцорсон мэт сэтгэл дүүрч, урам зориг, эрч хүчээр цэнэглэгдсэн байдаг. Тэд бол ертөнцийн энергийг цацруулагчид бөгөөд өөрсдийнхөөрөө жаргалтай байж чаддаг учир уулзаад өнгөрөх төдийд л бусдыг аз жаргалаар цэнэглэж амжина.

Харин үүний эсрэг орчин тойрондоо эвгүй сэтгэгдэл төрүүлж байдаг хүмүүс бас байна. Тийм хүмүүс хажууд байхад нэг л дарамттай, энерги нь түрэмгий бөгөөд эзэрхэг. Тийм улстай уулзаад өнгөрсний дараа хүн өөртөө итгэлгүй болж, хамаг урам зориг нь бөхөн унтарч, сэтгэл нь хоосорсон байдаг. Тэд бол сөрөг энерги цацруулагч, энергийн вампирууд юм. Тэд гадагшаа үзэн ядалтын дохио байнга илгээж байдаг бөгөөд бусдад ийн нөлөөлж буйгаа тоодоггүйн цаад шалтгаан нь дотроо өөрсдийгөө ч мөн үзэн яддагт оршино. Гэхдээ харамсалтай нь өөрийгөө ийн үзэн ядаад яваагаа мэдэхгүй бусдыг л үзэн ядаж байна хэмээн андуураад явдаг байна...

ОРЧЛОН ЕРТӨНЦ БОЛ ТАНЫ ЦАЦРУУЛСАН ЭНЕРГИЙГ Л БУЦААН ӨӨР РҮҮ ЧИНЬ ЦАЦАЖ БАЙДАГ СТАНЦ ЮМ.

Sandra Ann Taylor

(Англи хэлнээс орчуулсан Д. Болортуяа)