|

Нийт нутгийн 50 орчим хувьд цасан бүрхүүл тогтоод байна

Нийт нутгийн 50 орчим хувьд цасан бүрхүүл тогтоод байна

 


Цаг уур, орчны шинжилгээний газраас мэдээлж буйгаар нийт нутгийн 50 орчим хувьд нь цасан бүрхүүл тогтоод байна.

Өнгөрсөн 12-р сарын 31-ний байдлаар гаргасан зудын эрсдлийн зургаас үзвэл Баян-Өлгий, Увс, Ховд, Завхан, Говь-Алтай, Хөвсгөл, Булган, Орхон, Сэлэнгэ, Дархан-Уул, Дорнодын ихэнх, Баянхонгор, Өмнөговь, Архангай, Өвөрхангай, Төв, Хэнтий, Сүхбаатар аймгийн зарим сумдын нутгаар 0-5 см зузаан цастай байна.
Мөн Увсын Давст, Тэс, Түргэн, Хяргас, Завханы Баянхайрхан, Яруу, Тэс, Цагаанчулуут, Цагаанхайрхан, Тосонцэнгэл, Цэцэн-Уул, Булганы Сэлэнгэ, Дашинчилэн, Тэшиг, Сэлэнгийн Орхон, Орхонтуул, Дархан-Уулын Дархан, Төв аймгийн Цээл сумдын нутгаар 6-10 см, Баян-Өлгийн Алтай, Даян, Увсын Малчин, Баруунтуруун, Зүүнговь, Улаангом, Завханы Баян-Уул, Улиастай, Хөвсгөлийн Хатгал, Улаан-Уул, Сэлэнгийн Ерөө (Бугант) сумдын нутгаар 11-18 см зузаан цас тогтож, бусад нутгаар цасгүй байна.
 Montsame.mn

0 сэтгэгдэл