1. Эхлээд өөрийн царайны төрхт тохирсон хэмжээ, хэлбэрийг сонгох хэрэгтэй.
Хөмсөгийг гурван хэсэгт хуваадаг бөгөөд эхний өтгөн хэсгийн төгсгөл хамрын зах хэсэгтэй нэг шугаманд байх ёстой. Харин нумарсан хэсэг дунд хэсэт байрлаж төгсгөл хэсэг нүдний өнцгөөс бага зэрэг илүү гарсан байна.
2. Өтгөн хөмсөгтэй болох
Хөмсөгний сийрэг хэсгийг тень, харандаа эсвэл гелээр будна. Хар бараан өнгийн үстэй бол үсний өнгөнөөс 2 өнгөөр цайвар өнгө, шаргал үстэй бол 2 өнгөөр бараан өнгийг сонгоорой.
3. Хөмсгөө шивүүлэхээс татгалз
Төгс хөмсөгний хэлбэр хүний ясны хэлбэрээс хамаардаг. Хөмсгөө шивүүлбэл хэлбэрийг илүү тодотгох юм шиг санагдаж байгаа байх. Гэхдээ шивсэн хөмсөг хүнийг ууртай, гайхсан мэт, мөн илүү хөгшин харагдуулдаг. Тиймээс төрөлхийн хөмсөгний хэлбэрээ засч сураарай.
4. Үснийхээ өнгөтэй тохируул
Хэрэв та үсний өнгөө байнга өөрчилдөг бол хөмсөгний өнгө ч мөн дагаж өөрчлөгдөж байх ёстой. Хөмсгөө будахдаа мэргэжлийн хүнд хандаарай. Гэртээ будах хэрэггүй.
5. Төрөлхийн мэт харагдуул
Гоё хөмсөгтэй харагдахын тулд заавал хэт нарийн засах албагүй. Зэрлэгээ зулгаалгүйгээр 3 сар болгоод үзээрэй. Хэт сондгойг нь л зулгааж болно. Ингээд өргөн хөмсгөө өөрт тохируулан янзлаарай.
6. Зөв чимхүүр хэрэглэ
Дугуйрсан үзүүртэй чимхүүр хэрэглэдэг үү эсвэл шулуун чимхүүр үү? Мэргэжилтнүүд шулууныг ихэвчлэн хэрэглэдэг. Хазгай байрлалтай бариад хөмсөгний үзүүрлүү чиглүүлэн татна.
7. Хөмсөгний дээд хэсгийг зулгаадаг уу?
Ихэнхдээ хөмсөгний доод хэсгийн зэрлэгийг зулгаадаг харин дээд хэсгээ хэт их засвал гунигтай харагдуулна.
8. Ямар үед чимхүүр хэрэглэхгүй вэ
Дөнгөж ургаж, цухуйж буй хөмсөгийг зулгааж болохгүй. Арьсаа гэмээж, сорив үлдээхийг хүсэхгүй байгаа биздээ. Харин нэг хоёр хоног хүлээгээд гүйцэт ил гарч ирэх үед чимхүүр хэрэглэж болно.
9. Мэргэжлийн хүнд ханд
Хэрэв та хөмсгөө өөрөө хэрхэн засахаа мэдэхгүй байвал мэргэжлийн гоо сайханчаас туслалцаа аваарай. Таньд тохирох хэлбэрийг сонгож өгнө гэдэгт итгэлтэй байна.
10. Нүдээ нээлттэй байлга
Сормуусаа дэрвийлгэснээр нүдийг илүү том харагдуулдаг. Сормуусаа будахын өмнө дэрвийлгэх хэрэгтэй
11. Сормууны будагны багсаа зөв сонго
Сормуусны будаг сормуусыг илүү өтгөн, урт харагдуулдаг. Резинэн багс хамгийн нарийн сортуусыг ч угнаас үзүүр хүртэл нь бүрхэж будах давуу талтай. Хуванцар багс маш цэвэрхэн, будаагүй мэт харагдуулж буддаг. Харин мяндсан ширхэгтэй багс сормуусыг өтгөн харагдуулж, үзүүр хэсгийг урт харагдуулдаг.
12. Сормуус будах үед бөөгнөрхөөс сэргийл
Сормуусаа аймшигтай аалз шиг харагдуулахыг хүсэхгүй байгаа биз дээ. Сормуусны багсаа будгандаа дүрээд цаасан алчуур дээр өнхрүүлчихээд будаж болно. Өөр нэгэн арга бол маш цэвэрхэн, зууралдаагүй багсаар нойтон сормуусаа будаад үзээрэй.
13. Буухаас сэргийл
Өдөрийн төгсгөлд сормуусны будаг чинь буусан байдаг уу? Нарийн сормуусны багс будаг буух эрсдлийг багасгадаг. Тиймээс урд хэсэг нь нарийн сормуусны багс сонгоорой.
14. Хиймэл сормуус
Хиймэл сормуус наахдаа хөмсөгний чимхүүр ашиглан наана. Цавуугаа өтгөрөх үед чимхүүрээр нүдний ирмэг дагуу цэвэрхэн наана.
15. Сормуус уртасгагчийн сайн, муу талууд
Сормуусаа уртасгаснаар 2,3 долоо хоногийн турш урт, өтгөн, гоёмсог сормуустай явж чадах нь. Гэхдээ энэ үед сормуусаа будах боломжгүй. Мөн сормуусаа байнга хуурай байлгах шаардлагатай болдог.
0 сэтгэгдэл