|

А.Батцэцэг, Б.Шоовдор нар Минскээс алтан медаль хүртлээ

А.Батцэцэг, Б.Шоовдор нар Минскээс алтан медаль хүртлээ

Беларусийн алдарт бөх Александр Медведийн нэрэмжит чөлөөт бөхийн олон улсын тэмцээн энэ сарын 14-16-нд Беларусийн нийслэл Минскт боллоо. 48 дахь удаагийн уламжлалт тэмцээнд 23 орны орны 300 гаруй тамирчин эрэгтэй, эмэгтэйчүүдийн тус бүр 10 жинд өрсөлдсөн байна.

Харин манай улсаас гавьяат дасгалжуулагч Цэндийн Баярсайханы удирдлага дор эрэгтэй нэг, эмэгтэй таван тамирчин хүч үзсэнээс гурав нь медаль хүртлээ. Тодруулбал,
59 кг-ын жинд ОУХМ Баатаржавын Шоовдор алт,
57 кг-д ОУХМ Алтанцэцэгийн Батцэцэг алт,
55 кг-д "Хилчин” спорт хорооны тамирчин ОУХМ Эрхэмбаярын Даваачимэг хүрэл медаль тус тус хүртэв.
Б.Шоовдор Минскт 1/4 шигшээд Беларусийн Анастасья Хучокыг 6:0-ээр, хагас шигшээд ОХУ-ын Юлья Албороваг 6:3-аар, алтан медалийн төлөөх барилдаанд Азербайжаны Татьяна Омельченког 4:0-ээр тус тус ялснаар аваргын тавцанд зогссон юм.
55 кг-д Э.Даваачимэг эзэн орны Залина Сидакова, БНХАУ-ын Луо Ланнуаныг ялсан ч хагас шигшээд ОХУ-ын Мария Гуровад 6:7-гоор ялагдсан. Тэгвэл хүрэл медалийн төлөөх барилдаанд эзэн орны Анастасья Ямененкаг оноогоор цэвэр (13:2) ялав.
А.Батцэцэг Минскт нийт дөрвөн барилдаан хийсэн бөгөөд 1/8 шигшээд АНУ-ын Бека Литерсийг, шөвгийн наймд Энэтхэгийн Поожа Жандаг тус бүр оноогоор цэвэр, хагас шигшээд АНУ-ын хашир туршлагатай бөх Келси Кэмпбеллийг 9:2-оор, алтан медалийн төлөөх барилдаанд энэ жилийн ОХУ-ын Ольга Хорошавцева 4:1-ээр ялсан юм.

Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл