|

Баянзүрх дүүргийн Эрүүл мэндийн төвийн "Эрдэм шинжилгээний хурал"-ын шилдгүүд тодорлоо

Баянзүрх дүүргийн Эрүүл мэндийн төвийн "Эрдэм шинжилгээний хурал"-ын шилдгүүд тодорлоо

 

Баянзүрх дүүргийн Эрүүл мэндийн төвөөс НЭМГ-ын 80 жилийн ойн баярыг тохиолдуулан "Эрдэм шинжилгээний бага хурал" 2018.04.11-ний өдөр амжилттай зохион байгууллаа. Тус бага хурлын шүүгчээр ЭМТөвийн дарга Ж.Энхзул, Нийгмийн эрүүл мэндийн орлогч Т.Урнаа, зочин шүүгчээр НЭМГ-ын Уламжлалт, сэргээн засах, сувилал хариуцсан мэргэжилтэн Д.Цэнджав нар ажилласан юм. 
Баянзүрх дүүргийн Эрүүл мэндийн төвийн дарга Ж.Энхзул: "Энэхүү бага хурлын зорилго нь эмч, эмнэлгийн тусгай мэргэжилтэн, мэргэжлийн үйл ажиллагаандаа судалгаа, дүн шинжилгээтэй ажиллах, бусдад танилцуулах боломжийг нээж өгч, мэдлэг ур чадварыг хөгжүүлэхэд оршиж байгааг онцлон" албан ёсоор нээснийг мэдэгдлээ.   

Уг эрдэм шинжилгээний бага хуралд өрсөлдөхөөр нийгмийн эрүүл мэндийн болон эмнэлгийн тусламж, үйлчилгээ гэсэн хоёр гол сэдвээр Баянзүрх дүүргийн Эрүүл мэндийн төвийн Зөвлөх Поликлиник , Салбар амбулатори №1, 2 болон ӨЭМТ-үүдийн эмч, эмнэлгийн тусгай мэргэжилтнүүд гээд нийт 30 гаруй илтгэгч бүртгүүлсэн юм. Үүнээс шалгарсан 22 илтгэлийг эрдэм шинжилгээний бага хурлын үеэр танилцуулж, шилдгүүдийг шалгарууллаа.  

Нэгдүгээр байрт: Зөвлөх Поликлиникийн хүүхдийн их эмч С.Эрдэнэчимэгийн "БЗД-ийн ЭМТ-ийн хүүхдийн кабинетаар үйлчлүүлсэн хүүхдүүдийн өвчлөлийг судалсан байдал" сэдэвт илтгэл, харин сувилагч нарын тэргүүн байранд "Эрүүл Өрх" ӨЭМТөвийн сувилагч Ш.Мөнгөнзагас  "Өрхийн сувилагчийн ажлын ачааллыг тодорхойлох нь" илтгэл шалгарч тэргүүн байрын эздээр тодорлоо.

Хоёрдугаар байрт:  17-р хорооны "Орхон Түшээ Мөрөн" ӨЭМТөвийн дарга Б.Анхтуяагийн "БЗД-ийн 17-р хорооны нярай хүүхдийн дундах эмгэг шарлалтын тархалт, фото эмчилгээний үр дүн, иргэдийн сэтгэл ханамжийг судлах нь" илтгэл, Сургалтын менежер Т.Оюун-Эрдэнэ  "ӨҮЗЭК-ийн үйлчлэх хүрээний оюутан, залуучуудын нөхөн үржихүйн эрүүл мэндийн талаарх мэдлэг, хандлага, дадал, эрүүл мэндийн тусламж үйлчилгээний хэрэгцээг тодорхойлох нь" сэдэвт илтгэл 

Хоёрдугаар байрт:  17-р хорооны "Орхон Түшээ Мөрөн" ӨЭМТөвийн дарга Б.Анхтуяагийн "БЗД-ийн 17-р хорооны нярай хүүхдийн дундах эмгэг шарлалтын тархалт, фото эмчилгээний үр дүн, иргэдийн сэтгэл ханамжийг судлах нь" илтгэл, Сургалтын менежер Т.Оюун-Эрдэнэ  "ӨҮЗЭК-ийн үйлчлэх хүрээний оюутан, залуучуудын нөхөн үржихүйн эрүүл мэндийн талаарх мэдлэг, хандлага, дадал, эрүүл мэндийн тусламж үйлчилгээний хэрэгцээг тодорхойлох нь" сэдэвт илтгэл

Гуравдугаар байрт: Амбулатори №1-ийн дүрс оношлогооны эмч Г.Ганчимэгийн "Жирэмсний пренаталь хэт авиан оношлогооны үйл ажиллагаанд үнэлэлт өгөх нь" илтгэл, "Нэмүүлэн" ӨЭМТөвийн нийгмийн ажилтан Б.Наранчимэгийн "БЗД-ийн 23-р хорооны Бага насны хүүхэдтэй эцэг, эхчүүдийн дархлаажуулалтын талаарх мэдлэг, хандлагын талаар хийсэн судалгаа" илтгэлүүд тодорсон бол шүүгчдийн тусгай байранд 20-р хорооны "НОВА" ӨЭМТөвийн сувилагч Д.Энхсайханы "Дархлаажуулалтын талаарх эцэг эх, асран хамгаалагч нарын мэдлэг хандлагыг илрүүлэх нь" сэдэвт илтгэл тус тус шалгарлаа. 


Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл