Монголын үндэсний бөхийн холбооноос зохион байгуулах сар шинийн баярт зориулсан цуврал барилдаан хоёрдугаар сарын 11-нээс эхэлнэ. Цуврал барилдаан аймаг, цэргийн цолтой болон залуу бөхчүүдийн 256 бөхийн барилдаанаар эхэлнэ.
МҮБ-ийн холбооноос гаргасан цуврал барилдааны хуваарийг хүргэе.
-Хоёрдугаар сарын 11-ний 14.00 цагаас Дашчойлин хийдийн нэрэмжит Майдар бурханы авшиг түгээх аймаг цэргийн цолтой болон залуу 256 бөхийн барилдаан,
-Хоёрдугаар сарын 12-ны 12.00 цагаас Тарвалин хийдийн нэрэмжит сумын цолтой болон залуу бөхчүүдийн ээлжит барилдаан,
-Хоёрдугаар сарын 13-ны 12.00 цагаас Манба дацан хийдийн нэрэмжит аймаг, цэргийн начин цолтой бөхчүүдийн ээлжит барилдаан,
-Хоёрдугаар сарын 14-ний 12.00 цагаас Өсвөр болон Нийтийн монгол шандастаны ээлжит барилдаан,
-Хоёрдугаар сарын 15-ны 12.00 цагаас Сар шинийн баярт зориулсан Улс, аймгийн алдар цолтой 256 бөхийн барилдаан тус тус болно.
Улс, аймгийн алдар цолтой бөхчүүдийн барилдаанд зодоглох бөхчүүд хоёрдугаар сарын 14, 15-ны өдрүүдэд цолны үнэмлэхтэйгээ, өөрийн биеэр Бөхийн өргөөнд очиж, бүртгүүлэхийг Монголын үндэсний бөхийн холбоо анхааруулжээ.
0 сэтгэгдэл