|

АЙМАГ, СУМЫН ИТХ-ЫН ТӨЛӨӨЛӨГЧДИЙН УУЛЗАЛТ БОЛОВ

 
АЙМАГ, СУМЫН ИТХ-ЫН ТӨЛӨӨЛӨГЧДИЙН УУЛЗАЛТ БОЛОВАрхангай /МОНЦАМЭ/. Аймгийн ИТХ-аас аймаг, сумдын ИТХ, ажлын алба, багийн ИТХ-ын дарга нарын уулзалт, спортын уралдаан тэмцээнийг энэ сарын 08, 09-ний өдрүүдэд Өлзийт суманд зохион байгууллаа. Энэхүү арга хэмжээг жил бүр уламжлан зохион байгуулах бөгөөд ирэх жилийн шилжин явах цомыг Хашаат сум авсан байна. Анх удаа болж буй төлөөлөгчдийн энэхүү уулзалтаар сумд өвлийн бэлтгэл ажлыг хэрхэн хангаж байгаа талаар мөн төлөөлөгчид сумандаа юу хийж ажиллаж байгаа талаар ярилцсан байна.

Тус уулзалтад 16 сумын 200 гаруй аймаг, сумдын иргэдийн Төлөөлөгчдийн Хурлын Төлөөлөгч, багийн Иргэдийн Нийтийн Хурлын дарга нар оролцжээ. Спортын тэмцээн нь олс таталт, гарбөмбөг, буудлага, буухиа гэсэн дөрвөн төрлөөр болж, багийн нийлбэр дүнгээр 1-р байрт Өлзийт сум, 2-р байрт Хашаат сум, 3-р байрт Батцэнгэл сумд тус тус орж, нөүтбүүк, өргөмжлал, мөнгөн шагналаар шагнуулсан байна.

Мөн арга хэмжээний үеэр Жерес ОУ-ын байгууллагын "Уур амьсгалын өөрчлөлтийг даван туулах чадварыг нэмэгдүүлэх” төсөл, Архангайн "Улаан загалмайн хороо”, аймгийн иргэдийн Төлөөлөгчдийн Хурлаас тус тус мэдээлэл хийж гарын авлага тарааж өгчээ.
Б.Гэрэлт-Од

371 сэтгэгдэл