Насанд хүрэгчдийн аймгийн аварга шалгаруулах сагсанбөмбөгийн тэмцээнийг Архангай аймаг дахь Цагдаагийн газар байгуулагдсаны түүхт 80 жилийн ойг угтан тус газрын нэрэмжит болгон зохион байгууллаа. Тэмцээнийг иргэд чөлөөт цагаа зөв боловсон өнгөрүүлж, эрүүл аюулгүй орчинд амьдрах, спортоор хичээллэх дадал зуршлыг бий болгох, цагдаа олон нийтийн хамтын ажиллагааг сайжруулах зорилгоор явуулжээ.Тус тэмцээнд эрэгтэй 20, эмэгтэй 12 багийн 260 гаруй тамирчид хурд хүч авхаалж самбайгаа сорин өрсөлдсөнөөс эрэгтэй төрлийн 1 дүгээр байрт Спортын сургууль, 2 дугаар байрт ЭБС-ийн 2 дугаар баг, 3 дугаар байр Цагдаагийн газрын баг тамирчид орсон бол эмэгтэй төрөлд 1 дүгээр байрт Нэгдсэн эмнэлэг, 2 дугаар байрт 4 дүгээр сургууль, 3 дугаар байр МУБИС-ийн баг тамирчид орлоо.
Харин шилдэг тоглогчоор спортын сургуулийн биеийн тамирын багш Э.Хүрэлшагай, Нэгдсэн эмнэлгийн эмч Б.Халиун нар шалгарав.
Б.Гэрэлт-Од
90 сэтгэгдэл