Менежмэнтийн хувьчлалаар Д.Сосорбарамын өмчид очсон "Ард кино театр"-ыг өдгөө иргэд нураахыг эсэргүүцэж, орон сууцны хороолол барих төслийг эсэргүүцээд байгаа юм. Тэгвэл уг асуудалтай холбоотойгоор эсэргүүцэл илэрхийлээд буй иргэн Р.Батбуян мэдээлэл өглөө. Тэрбээр "Миний бие иргэн хүний хувьд Монгол Улсын хууль дүрмийг зөрчөөд ард түмний, улсын өмчийг хааж, хашдаг, өмчлөл нэрийн дор улсын өмчийг хувьдаа авч зориулалтын бусаар ашиглаж байгаа хүмүүсийн эсрэг үгээ хэлж байгаа юм. Өмнө жил би энэ тухай тэмцэл өрнүүлж байсан. "Эх орон нэгдэл”-ийн зүгээс Сосорбарамын Ард кино театрыг нураахыг эсэргүүцэж байна. Аливаа үйл ажиллагаа хууль дүрмийн дагуу явагдах ёстой. Гэтэл Сосорбарам Ард кино театрыг буулгах зөвшөөрөл аваагүй мөртлөө, буулгах гэж байгаа. Энэ чинь үндэсний өв болсон барилга. Манайхаас бусад оронд ийм өв болсон барилгаа хамгаалдаг. Хүн бүрийн мэдэхээр Ард кино театр бол анхны кино театр. Ард түмний өмч. Үүнийг өмч хувьчлалын нэрийдлээр Сосорбарам хувьдаа авч, зориулалтын дагуу ашиглаагүй. Авсан даруй түрээсийн үйл ажиллагаа явуулж байсан. Түүнээс гадна энд казино байгуулсан. Сосорбарам хэвлэл мэдэллээр хэлэхдээ "энэ бол миний өмч, би худалдаж авсан” гэж байсан. Худалдаж авсан баримтаа үзүүлэх хэрэгтэй” гэлээ.
.jpg)
0 сэтгэгдэл