Өнгөрсөн долоо хоногийн чуулганы нэгдсэн хуралдаанаар Захиргааны Ерөнхий хуулийн нэмэлт, өөрчлөлтийг хэлэлцэн баталсан. Ингэснээр УИХ-аас чиглэл өгсний дагуу улс төрийн шийдвэрийг хэрэгжүүлэх зорилгоор гаргасан Засгийн газрын шийдвэрийг Захиргааны шүүх хянахгүй. 2015 онд баталж, 2016 оны 7 дугаар сарын 1-нээс мөрдөж эхэлсэн Захиргааны ерөнхий хуулийн 3.1.7-д зааснаар захиргааны байгууллагын улс төрийн ямарваа нэгэн буруу шийдвэрийн эсрэг иргэд, иргэний нийгмийн төлөөллүүд гомдол гаргаж, Захиргааны хэргийн шүүхээр хянуулдаг байсан зохицуулалтыг ийнхүү өнгөрсөн долоо хоногт өөрчилсөн юм.
Энэ нь Ерөнхийлөгчийн хориг тавьж магадгүй гэсэн мэдээлэл ор үндэслэлгүй мэдээлэл биш, Төрийн ордонд хориг тавигдах асуудал хүчтэй яригдаж байгааг баталсан мэдээлэл болов.
Тэгвэл уг хуульд Ерөнхийлөгч Х.Баттулга хориг тавьж магадгүй гэх мэдээллийг өчигдөр ЗГХЭГ-ын дарга Л.Оюун-Эрдэнэ баталлаа. Тэрбээр "Захиргааны Ерөнхий хуулийн нэмэлт өөрчлөлтийг хэлэлцэн баталсан нь нийгэмд эмзэглэл бий болгож байгааг ойлгож байна. Нэг хэсэг хувийн хэвшил хэт туйлширч, Захиргааны хэргийн шүүхээ даваад төрөө хэт сул болгосон асуудал байсан. Үүнийг цэгцлэхийн тулд энэ хуулийг гаргахаар өөр арга байгаагүй. Гэхдээ миний харагдаж байгаагаар энэ хуулинд хориг тавигдаж магадгүй нөхцөл байдал байгаа юм билээ" гэсэн юм.
Энэ нь Ерөнхийлөгчийн хориг тавьж магадгүй гэсэн мэдээлэл ор үндэслэлгүй мэдээлэл биш, Төрийн ордонд хориг тавигдах асуудал хүчтэй яригдаж байгааг баталсан мэдээлэл болов.
Ерөнхийлөгч чуулганы хуралдаантай өдрүүдэд хориг тавьбал 14 хоногийн дотор холбогдох байнгын хороо, чуулганаар хэлэлцэх учиртай. Гишүүдийн 66.6 хувь нь буюу гуравны хоёр нь хүлээж авсан тохиолдолд хоригийг хүлээж авсанд тооцдог. Хэлэлцүүлгийн эдгээр өдрүүдэд УИХ-аас баталсан хууль, шийдвэрийн хэрэгжилт түр түдгэлздэг билээ.
Б.Аз
5 сэтгэгдэл