|

Прокурорт “пялдагадсан” гишүүд

Прокурорт “пялдагадсан” гишүүд

Хууль зүйн байнгын хорооны хуралдаанаар  Улсын Ерөнхий прокурорт Б.Жаргалсайханыг дэмжлээ. Б.Жаргалсайхан нь 1988 оноос эхлэн прокурорын байгууллагад хяналтын прокуророос газар, хэлтсийн дарга хүртэлх албан тушаал хашиж буй, удам дамжсан хуульч.  Тэрээр өдгөө  Улсын ерөнхий прокурорын туслах, Зөрчил шалган шийдвэрлэх ажиллагаанд хяналт тавих хэлтсийн даргаар ажиллаж буй юм. Хууль зүйн байнгын хорооны хуралдааны үеэр гишүүд түүнд хандаж үгээ хэллээ.  Зарим гишүүн нэлээд тал зассан, пялдага  үгнүүдийг ч хэлж байна.

УИХ-ын гишүүн Ж.Батзандан: -Өмнөх прокурорудыг яагаад хугацаанаас нь өмнө чөлөөлснийг та мэднэ. С.Зоригийн хэргийг шийдвэрлэхдээ хүнийг хилс хэргээр шийдвэрлэсэн нь эрүүдэн шүүсэн бичлэгүүдээс тодорхой боллоо. Б.Содномдаржаа, Т.Чимгээ нарыг даруй чөлөөлөөрэй.  Монгол төрөө цэгцлэх цаг болсон.  МАНАН МАФИ-аас  Монголоо аврах цаг болсон.  Ажилд чинь амжилт хүсье.

УИХ-ын гишүүн Д.Батнасан: -Б.Жаргалсайхан прокурорыг дэмжиж байна.  Системийн боловсон хүчин орж ирж байна. Ард түмэн хэнд итгэх вэ.  Хуулийн засаглалд итгэж байна.  Та сайн ажиллана биз.  Өнөөдөр хүн бүхэн айдастай байна. Намайг хэн тагнаж, чагнаж байгаа бол, утасны яриа чагнаж байгаа болов уу.  Та Ерөнхий прокуророор томилогдоод энэ асуудлаар УИХ-д мэдээлэл өгөөрэй. Хувь хүнтэй холбоотой асуудал байвал хаалттай хэлэлцсэн ч болно. Захиалгаар тагнаж, чагнадаг асуудлууд байгаа шүү, энэ тал дээр анхаараарай.

УИХ-ын гишүүн Б.Мөнхбаатар: – Прокурорын байгууллагад ажиллаж байгаагүй атлаа хуульч гэсэн мэргэжилтэй хүмүүс энэ суудалд очдог байлаа.  Энэ бол прокурорын байгууллагын улстөржих нэг үндэс болсон.  Харин энэ удаа яг хуулийн дагуу орж ирж байна.  Нэр дэвшигч энэ салбарт бага нэгжээс эхлээд ажилласан байна.

УИХ-ын гишүүн Ц.Гарамжав: – Энэ мэргэжлийн ажлыг олон жил хийсэн хүн орж ирж байна.  Сайн ажиллана гэдэгт итгэж байна.  Монголын нийгэм, эдийн засагт бий болсон  хуулийн байгууллагын доройтолтой тэмцэж ажиллаарай.

УИХ-ын гишүүн Д.Ганболд: – Б.Жаргалсайхан прокурор яг энэ салбартаа сургуулийг нь төгсөөд тасралтгүй ажилласан хүн байна.  Бидний хэлээд байдаг Мэргэжлийн Засгийн газар гэдэг шиг үнэхээр хууль, шүүхийн байгууллагад цэвэр агаар орох боломж нээгдэж байна гэж харж байна.  Хаана сахилга хариуцлага дэг, журам байна тэнд олон асуудал эмхэрдэг.  Түүний дараа түмэн олондоо шударгаар ажиллана.

Эх сурвалж:www.polit.mn  


Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

0 сэтгэгдэл