|

ШҮЛХИЙГЭЭС СЭРГИЙЛЭХ БОГ МАЛЫН ВАКЦИНЖУУЛАЛТ 83 ХУВЬТАЙ БАЙНА

ШҮЛХИЙГЭЭС СЭРГИЙЛЭХ БОГ МАЛЫН ВАКЦИНЖУУЛАЛТ 83 ХУВЬТАЙ БАЙНААрхангай /МОНЦАМЭ/. Бог малын гоц халдварт шүлхий өвчин гарсан Өгийнуур, Хашаат, Хотонт, Төвшрүүлэх сум, хил залгаа Батцэнгэл сумын хэмжээнд нийт 1.4 гаруй сая толгой өвчинд мэдрэмтгий мал байгаа юм. Энэ сарын 13-ны байдлаар 405363 толгой малыг вакцинжуулалтад хамруулж, вакцинжуулалтын ажил 83.6 хувьтай байна.

Тухайлбал, Хашаат суманд Цайдам багийн Лүн-Овоо гэдэг газарт голомтын болон сэжигтэй бүсийн шүлхий өвчнөөс урьдчилан сэргийлэх вакцинжуулалтын тарилгыг 71 өрхийн 80000 толгой бог малд хийж дуусчээ.

Хотонт сумын Хөөвөр багийн Худгийн толгойн өвөр, Хаалгын ар, Хөөврийн зүүн дэнжийн голомтын болон сэжигтэй бүсэд 15 өрхийн 9797 толгой бог мал байгаа бөгөөд нэг багийн 56 өрхийн 25468 толгой бог малыг вакцинжуулж, вакцинжуулалтын ажил 64 хувьтай байгаа юм.

Б.Гэрэлт-Од

69 сэтгэгдэл