Тэгвэл сурагчдын амралтыг сунгах шийдвэр зөвхөн нийслэлийн Ерөнхий боловсролын сургуулиудад хамаатай юм байна. Харин хөдөө орон нутгийн сурагчдын амралтыг сунгаагүй тул хуваарийн дагуу хичээллэх ажээ.
Ийн ялгаатай шийдвэр гарсанд Завхан, Ховд аймгуудаас сурагчдын амралтыг сунгах асуудлаар БСШУСЯ-нд хүсэлт ирүүлсэн байна. Уг хүсэлтийг нь харгалзан үзэж, Завхан, Ховд аймгийн ЕБС-ийн сурагчдын амралтыг сунгахаар болжээ.
БСШУСЯ-ны зүгээс мэргэжлийн байгууллагын санал, ид хүйтрэл, ханиад томуу зэргээс шалтгаалан нийслэлийн ЕБС-ын сурагчдын амралтыг сунгахаар шийдвэрлэсэн байна. Мөн ирэх долоо хоногт төвийн нутгаар цаг агаар эрс хүйтрэх төлөвтэй байгаатай холбогдуулаад дээрх шийдвэрийг гаргасан аж.
Энэ талаар БСШУСЯ-ны Бодлогын хэрэгжилтийг зохицуулах газрын дарга М.Мөнхбаатар "Амралт сунгаснаас болж зуны амралтын хуваарьт өөрчлөлт орохгүй. Амралтын зөрүү долоо хоногийг гуравдугаар улирлын амралтаас хасах боломжтой.Энэ талаар дахин хуралдаж шийдвэрлэнэ" гэв.
10 сэтгэгдэл