|

Энэ өдрийн зурхай /2017.12.27/

Энэ өдрийн зурхай /2017.12.27/

 

Өнөөдөр аргын тооллын 2017 оны арванхоёрдугаар сарын 27. Лхагва гараг. Билгийн тооллын XVII жарны "Алтан унжлагат" хэмээгч Гал тахиа жилийн Өвлийн дунд хар хулгана сарын 9. Буд гараг.  Дэлгэрүүлэгч одтой, нэг цагаан мэнгэтэй, шар хулгана өдөр.

                          Барилдлага: Рашаан 
                          Шүтэн барилдлага: Хурьцахуй 
                          Суудал: Ус 

Өдрийн наран 8 цаг 43 минутад мандан, 17 цаг 07 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, хүүхэд үрчлэн авах, улааны үйл, хур оруулах, дарханы үйлд сайн. Төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Үс шинээр үргээлгэх буюу засуулбал өвчин өчүүхэн ирнэ...

* * *ӨРНИЙН ЗУРХАЙ * * *


ХОНЬ (3/21-4/19)

Сэтгэл санаа өөдрөг байна. Ажлын эрч хүч маш их байна. Үр дүн ч их байна. Найз нөхөдтэйгөө уулзаж, тэдэнтэй хуваалцсан сайхан мэдээнүүд таны бие болоод сэтгэл санааг сэргээнэ. Бүтэлгүй, гутранги үзэлтэй хүмүүсээс зайлсхий.


ҮХЭР (4/20-5/20)

Гэнэтийн үйл явдал болон цагаа олсон мөч танд боломж олгоно. Бусад хүмүүсээс урьдчилан шийдэх гэж яарч оролдох хэрэггүй. Хүмүүсийн хэлснээс өөрт чухал гэснийг тусгаж авах хэрэгтэй. Хэрэв бизнесийн уулзалт маргаантай болбол олон төрлийн санаанууд эргэлдэх болно. Эрхзүйн зөвлөгөө авч уулзалт хэлэлцээрээ түр зогсоох хэрэгтэй. Тэгвэл илүү амжилттай болно. Асуудлыг тань шийдсэн гайхалтай зүйл болж магадгүй. Юу хэлснээ ухамсарлаж өөрийн илүүд үзэж буй зүйлээ хамгаалах хэрэгтэй .


ХАМТАТГАХ (5/21-6/21)

Ажлын тань шагнал, урамшуулал төсөөлөөгүй байхад ирэх болно. Таны төлөө ар талд чинь ажиллаж байгаа хүний ашиг тус мэдрэгдэх болно. Хайртай дотны хүмүүстээ анхаарал хандуулж, тэднийг өөрийнхөө хувьд хичнээн чухал хүн болохыг ойлгуул.


 МЭЛХИЙ  (6/22-7/22)   

Өнөөдөр маш завгүй өдөр болох болно. Урлал спорт таны анхаарлыг маш их татах бөгөөд та ямар ч зүйл хийсэн маш бүтээлч байж чадна. Өнөөдөр өөрийнхөө шинэ авьяасыг нээн илрүүл. Магадгүй олон жилийн өмнө мартагдсан таны зарим авъяас чадвар сэргэж ч мэднэ. Та баярын ширээ бэлтгэх, гэр орон чимэглэх зэрэг ажилд маш сайн тохирно. Гэхдээ бүх зүйл дээр манлайлагч байх гэж хичээх хэрэггүй.


АРСЛАН (7/23-8/22)   

Өөрийнхөө дор ажилладаг хүмүүс мэргэжил нэгтнүүдтэйгээ харилцаа муудах магадлалтай. Хэрүүл маргаан ч гарч болзошгүй. Таны бие улмаар муудна. Тамир тэнхээ оруулах эм бүү хэрэглэ. Эргэн тойрныхондоо дарамт бүү үзүүл. Тэднийг ойлгохыг хичээ. Ажил үүрэгтээ анхаарлаа төвлөрүүл.


ОХИН (8/23-9/22)

Ганц бие охинынхон зөрүүд дураараа байх тул анхааралтай бай. Эрх мэдэлтэй хүмүүсийн талаарх таны хандлага хоёрдмол байна. Хэн нэгний сөрөг үйлдэл нь хүсэл сонирхлын зөрчил байгааг илтгэнэ. Албан тушаалаас шалтгаалан их ажилд цаг заваа зарцуулах шаардлагатай болох бөгөөд хайртай хүмүүсийнхээ хүсэл сонирхлыг сонсохгүй, зөвлөлдөхгүйгээр зарим нэг зүйлсийг өөрийнхөөрөө хийнэ. Гэвч эцэст нь энэ нь буруудна.


ЖИНЛҮҮР (9/23-10/22)   

Од эрхэсийн зүгээс таниас амьдралын эрхэм чухал хүмүүстээ анхаарал хандуулахыг шаардана. Та энэ асуудлыг үл өөрчлөгдөх зүйл болж хувиргахыг хүсэх болно. Гэхдээ аминч зан, дүрсхийсэн уур цухалаа барьж байх нь зүйтэй.


ХИЛЭНЦ (10/23-11/21)   

Ажлын эрч сайн байна. Янз бүрийн ажлыг өөдрөг явуулахад тохиромжтой. Хянамгай байж хүч чадлаа дэмий саармагжуулахаас зайлсхий. Сайн мэдээ авснаар харьцаа сайжирна. Гэр бүлдээ ихээхэн хүч чадал, цаг зав зарцуулах шаардлага гарна. Амьсгалын замын өвчин тусч болзошгүй байна.


НУМ (11/22-12/21)

Өнөөдөр таны бүтээлч сэтгэлгээ өндөр байна. Хэдийгээр хийсвэр хандлага давамгайлж болох авч таны уран сэтгэмж нэмэгдэх болно. Эерэг зүйлийн тухай бодсон ч бусдын гаргах хуурч хандлагаас болгоомжил. Хэрэв чухал баримт бичиг дээр гарын үсэг зүрах шаардлага гарвал хуулийн мэргэжилтнээс зөвлөгөө ав. Ганц бие нумуудын хувьд амрагийн явдлын сэжүүр байна. Хэн нэгэн таныг хуурахаар оролдож болох юм.


МАТАР (12/22-1/19)

Хэрэв таны хөрөнгө амралтын өдрүүдээр тань багасч байвал та үргэлж бүтээлч бай. Хэрэв та баярын өдрүүдээр хамаатнууд болон найз нөхдийндөө зочлохоос төвөгшөөж байгаа бол түр ч болов тэвчих хэрэгтэй. Хэрвээ та хэн нэгэнд туслах өртэй бол сайн үйл хэрэг хийж хариуг нь өг.


ХУМХ (1/20-2/18)

Хөл хөгжөөнтэй өдөр. Од эрхэсийн нөлөөгөөр таны санхүүгийн асуудал таатай байх болно. Чухал гэрээ хэлэлцээр байгуулах, алдар нэр хүссэн төлөвлөгөө зохиоход тохиромжтой үе. Бодит боломжийг тодорхойлох болон ажилд орох төсөл хэрэгжүүлэхийн тулд та мэдээж тодорхой үүрэг даалгавруудыг гүйцэтгэх хэрэгтэй. Та төлөвлөж байсан зүйлдээ өөрийн бодож байснаас ч илүү хүч чармайлт, цаг заваа зориулах бололтой. Оройг найз нөхөдтэйгөө уулзаж, өөрт тохиолдсон зүйлийн талаар болон төлөвлөгөөнийхөө тухай илэн далангүй ярилцаж зөвлөгөө ав.


ЗАГАС (2/19-3/20)

Анхааралтай байх өдөр. Шинэ ажлын нөхцөл байдал харилцаа холбооны талаар бодолгүй одоо байгаа амьдралдаа анхаарлаа хандуул. Гэртээ засвар хийн хуучин зүйлсээ эмхлэх нь шинийг хүлээж авах бэлтгэл болно. Таны сайн найзуудын нэг нь хайртай хүнээсээ салсанаасаа болж зовж шаналж байж мэднэ. Найздаа цаг заваа зориулан дэмжлэг өгөх нь түүнийг сэтгэлзүйн хувьд түргэн эдгэрэхэд туслах бөгөөд мөн та хоёрын харилцаа холбоог бэхжүүлэх болно.


Сэтгэгдэл бичих

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent

1 сэтгэгдэл