Видео мэдээ - Өдөр тутмын мэдээ мэдээллийн вэб сайт

Хямд хувцасны найрлага дахь "чимээгүй хор"

zulaa — Mon, 06 Apr 2026 17:10:11 +0800

Closed Cases | Нүүрний филлер тарилга хийлгэсний улмаас баруун нүднийхээ харааг бүрмөсөн алдсан хэрэг

zulaa — Thu, 13 Nov 2025 16:40:39 +0800

Нийслэлд үйл ажиллагаа явуулдаг “Синдерелла” эмнэлэгт иргэн З 2022 оны 10 дугаар сарын 25-ны өдөр нүүрний филлер тарилга хийлгэсний улмаас баруун нүднийхээ харааг бүрмөсөн алдсан ноцтой хэрэг гарсан байна.

Хохирогч З нь олон улсын сургалт, курсуудыг дүүргэсэн мэргэжлийн багтай гэж танилцуулсан эмнэлэгт итгэж, гоо сайхны филлер тарилгыг хийлгэсэн бөгөөд эмчилгээний явцад шүүгдэгч М “GANA V PLLA” найрлагатай филлер бодис болон мохоо үзүүртэй 31G тариурын зүү ашиглан духны дээд хэсэгт тарилга хийх үед судсыг гэмтээснээс торлог бүрхүүлийн артерийн цусан хангамж тасалдсаны улмаас хараа нь бүрмөсөн алдагдсан байна.

Хохирогч хэлэхдээ,

“Хэн ч сохорно гэж мэдсэн бол ийм эмчилгээ хийлгэхгүй. Би мэргэжлийн эмчид итгэж зөвлөгөө авсан. Гэвч үр дүнд хараагаа алдсан. Миний тохиолдол бусдад анхааруулга болох ёстой” хэмээжээ.

Тэрбээр өнөөг хүртэл сэтгэл санааны хүнд байдалтай тэмцэж байгаа бөгөөд өөрийн түүхээрээ дамжуулан гоо сайхны эмчилгээ хийлгэхдээ болгоомжтой байх, зөвшөөрөлтэй мэргэжлийн эмчийг сонгох талаар олон нийтэд анхааруулж байгаа юм.

Энэхүү хэрэг анхан, давж заалдах, хяналтын шатны шүүхээр хэд хэдэн удаа хэлэлцэгдсэн.

Анхан шатны шүүх 2024 оны 4 дүгээр сарын 24-нд шүүгдэгч М-ыг “Хүний эрүүл мэндэд хүнд хохирол болгоомжгүй учруулсан” гэмт хэрэгт буруутай гэж үзэж, Эрүүгийн хуулийн 11.3 дугаар зүйлийн 1 дэх хэсэгт зааснаар гоо заслын эмчилгээ хийх эрхийг 2 жилээр хасч, зорчих эрхийг 1 жил 5 сарын хугацаагаар хязгаарлах шийтгэл оногдуулжээ. Хохирогч З хохирлоо нөхөн төлүүлэх эрхтэй болсон байна.

Шүүгдэгчийн өмгөөлөгч давж заалдах шатны шүүхэд гомдол гаргасан ч анхан шатны шүүхийн шийдвэрийг хэвээр үлдээсэн бөгөөд хохирогчийн гаргасан нэхэмжлэлийн зарим хэсэг бүрэн хангагдаагүй юм.

Хяналтын шатны шүүх мөн өмнөх шийдвэрүүдийг үндэслэлтэй гэж үзэн хэвээр үлдээжээ. Шүүхийн шийдвэрт дурдсанаар, шүүгдэгч М нь “Интермед” дээд сургуулийг төгсөж, арьсны эмчээр мэргэшсэн, мэргэжлийн үйл ажиллагаа эрхлэх зөвшөөрөлтэй байсан хэдий ч филлер тарилгын зөв аргачлалыг мөрдөөгүй, аюулгүй ажиллагааны шаардлагыг хангаагүйгээс хохирогчийн эрүүл мэндэд хүнд хохирол учруулсан нь тогтоогдсон байна.

Мөн хохирогчийн өмгөөлөгч Ч.Пүрэвсүрэнгийн гаргасан гомдолд дурдсанаар, “Синдерелла” эмнэлэг нь филлер болон тариурын зүүг БНСУ-аас шууд импортолсон нь тогтоогджээ. Энэ нь Эм, эмнэлгийн хэрэгслийн тухай хуулийн 7, 15 дугаар зүйлүүдийг ноцтой зөрчсөн гэж үзсэн бөгөөд эмнэлэг нь эмнэлгийн тусгай зөвшөөрөлтэй хэрнээ эм, хэрэгслийг хууль бусаар импортолсон нь Эрүүгийн хуулийн 20.14 дүгээр зүйлийн 4, 5 дахь хэсэгт заасан гэмт хэрэгт хамаарч болзошгүй нөхцөл байдал юм.

Шүүх, гэмт хэргийн улмаас учирсан хор уршгийг арилгуулах зорилгоор шүүгдэгч М-ээс 49.2 сая төгрөг, “Синдерелла” эмнэлгээс 190.7 сая төгрөг, нийт 240 сая төгрөгийг хохирогчид төлүүлэх шийдвэр гаргасан байна. Харин хохирогчийн Солонгос болон Непал улсад эмчилгээ хийлгэсэн зардлын баримт нотлох шаардлага хангаагүй тул хэлэлцэхгүй орхижээ.

Шүүхийн шийдвэрт зааснаар, хохирогч З ирээдүйд нотлох баримтаа бүрдүүлж, хуульд заасан үндэслэлээр дахин нэхэмжлэх эрхтэй үлдсэн байна.

Энэхүү хэрэг нь Монгол Улсад гоо сайхны эмчилгээний салбарт мэргэжлийн ёс зүй, аюулгүй ажиллагааны стандартын чухлыг онцолсон сургамж болж, иргэдэд эмчилгээний байгууллага, эмчээ зөв сонгох, эрсдэлээ урьдчилан тооцоолохын ач холбогдлыг дахин сануулж байна.

Б.Зул

www.BOLOD.mn

Хятад улс Мьянмар дахь мафийн гэр бүлийн 11 гишүүнд цаазын ял оноов

zulaa — Fri, 03 Oct 2025 12:55:27 +0800

Энхтайваны өргөн чөлөө дагуух автобусны буудлуудыг халаас зогсоолгүй болгож байна

zulaa — Wed, 28 May 2025 19:17:58 +0800

Д.Амарбаясгалан: УИХ-ын гишүүд хэт ЭМЗЭГ байгаад хэрэггүй. Гүтгэх, доромжлуулах олон нөхцөл байдлыг улстөрч хүн туулаад явдаг

zulaa — Fri, 02 May 2025 15:13:13 +0800

Хүннү Эйр компанийн хувьд Монгол Улсын агаарын тээврийн салбарт хоёр дахь шинэ агаарын хөлгийг нэвтрүүлж байгаа юм

zulaa — Thu, 24 Apr 2025 16:24:43 +0800

Ерөнхий сайд Л.Оюун-Эрдэнэ: Боловсролын чанар, хүртээмжийн асуудлыг төвлөрлийг сааруулах, нийслэл Улаанбаатар хотын түгжрэлийг бууруулах бодлоготой уялдуулж шийдвэрлэнэ

zulaa — Fri, 18 Apr 2025 18:12:40 +0800

Монгол Улсын Ерөнхий сайд Л.Оюун-Эрдэнэ: Боловсролын чанар, хүртээмжийн асуудлыг төвлөрлийг сааруулах, нийслэл Улаанбаатар хотын түгжрэлийг бууруулах бодлоготой уялдуулж шийдвэрлэнэ. Шуурхай штабын 8 удаагийн хуралдаанаас нийслэлд хэрэгжүүлэх томоохон төслүүдийн эрэмбэ, дарааг тогтоож хөрөнгө оруулалт, санхүүжилтийн асуудлыг тодорхой болгосон зэргээр багагүй үр дүн гарлаа.

Засгийн газар өнгөрсөн 7 хоногт

zulaa — Mon, 14 Apr 2025 14:15:01 +0800

- Экспортын хэмжээ өнгөрсөн 7 хоногоос нэмэгдэж 237 сая ам.долларт хүрлээ.
- Тавантолгойн дулааны цахилгаан станцын шүүхийн маргаан дуусч төслийн барилга угсралтын ажлын гүйцэтгэгч, санхүүжүүлэгчийг сонгон шалгаруулахтай холбоотойгоор хууль эрх зүйн орчинд өөрчлөлт оруулах арга хэмжээ авч ажиллахыг холбогдох сайд нарт даалгалаа.
- "Төгрөг нуур" нүүрсний ордтой холбоотой асуудлыг хууль хяналтын байгууллагаар шалгуулна.
- Хотхон, хорооллуудын дунд сургууль, цэцэрлэг барих концепцийг Боловсролын яам, НЗДТГ Шуурхай штабын хуралдаанд танилцууллаа.

Н.Учрал: УИХ-ын гишүүн Х.Баттулга та хэлсэн үгэндээ эзэн байгаарай. Надад баримт байна

zulaa — Thu, 10 Apr 2025 08:56:14 +0800

Н.Учрал: УИХ-ын гишүүн Х.Баттулга та хэлсэн үгэндээ эзэн байгаарай. Надад баримт байна. Баримт өөрөө ярьдаг гэдэг шүү. Намайг нотол гэсэн учир би нотолж байна

Н.Учрал: Х.Баттулгатай холбогддог “Төгрөг нуурын орд”-ын зөвхөн 5 хувь нь иргэн бүрд 25 мянган ам.доллар /87 сая төгрөг/ оногдох хэмжээний орд

zulaa — Mon, 31 Mar 2025 21:49:24 +0800

14 Мега төслийн нэгдүгээрт эрэмбэлэгдсэн Гашуунсухайт-Ганцмод боомтын хил дамнасан төмөр замын хэлэлцээрийг Улсын Их Хурал өнөөдөр соёрхон баталлаа

zulaa — Thu, 27 Mar 2025 19:58:14 +0800

Хамтарсан Засгийн газрын 14 Мега төслийн нэгдүгээрт эрэмбэлэгдсэн Гашуунсухайт-Ганцмод боомтын хил дамнасан төмөр замын Монгол Улс, БНХАУ Засгийн газар хоорондын хэлэлцээрийг Улсын Их Хурал өнөөдөр соёрхон баталлаа. Энэ нь Замын-Үүд, Эрээнээс хойш 70 жилийн дараах хоёр дахь хил холболтын төмөр зам болж байна. Энэхүү хэлэлцээрийг байгуулахад улс төрийн дэмжлэг үзүүлсэн Монгол Улсын Ерөнхийлөгч Ухнаагийн Хүрэлсүх, хэлэлцээрийг соёрхон баталж буй Улсын Их Хурлын дарга Дашзэгвийн Амарбаясгалан болон Улсын Их Хурлын эрхэм гишүүд, парламентад суудалтай улс төрийн намуудын удирдлагууд, Засгийн газрын ажлын хэсэг, салбарын эрдэмтэн судлаачид Та бүхэнд Засгийн газрын нэрийн өмнөөс талархал илэрхийлье!

Бүх төрлийн үйлчилгээний төлбөр, хураамжийг нэмэгдүүлэхгүй байхыг үүрэг болголоо

zulaa — Fri, 14 Mar 2025 18:46:42 +0800

Засгийн газрын хуралдаанаар олон улсын тарифын хямрал, геополитикийн болон худалдааны нөхцөл байдал хүндэрч байгаатай холбогдуулан үнийн өсөлтөөс сэргийлэх, инфляцийн өсөлтийг хязгаарлах зорилгоор төрөөс иргэн, хуулийн этгээдэд үзүүлж байгаа бүх төрлийн үйлчилгээний төлбөр, хураамжийг нэмэгдүүлэхгүй байхыг үүрэг болголоо

ХЗДХ-ийн сайд О.Алтангэрэл: Ухаа Худагийн ордын төрийн эзэмшлийн хувь хэмжээг тогтоох тогтоолын төслийг УИХ-д өргөн мэдүүлнэ

zulaa — Mon, 10 Mar 2025 11:38:22 +0800

Монгол Улсын Засгийн газраас стратегийн ач холбогдол бүхий ашигт малтмалын орд гэж УИХ-аас тогтоосон Ухаа Худагийн ордыг хувийн хэвшилд эзэмшүүлсэн хууль бус шийдвэрийг хуульд нийцүүлэх нь зүйтэй гэж үзсэн.

Үүнийг шийдвэрлэх эрх хэмжээ нь гагцхүү УИХ-д байгаа. Тийм учраас УИХ-ын тогтоол гаргах ёстой. Уг тогтоолоор олгогдсон эрх хэмжээний дагуу Монгол Улсын Засгийн газар "Энержи ресурс" ХХК-тай хэлэлцээ хийж, төрийн эзэмшлийн хувь хэмжээг тогтооно.

"Ухаа худаг" хууль бусаар MCS-д очсон гэдэг ЗГ-ын дүгнэлт гарлаа

zulaa — Wed, 26 Feb 2025 20:39:45 +0800

ХЗДХ-ийн сайд О.Алтангэрэл: Засгийн газрын хуралдаанд Тавантолгойн бүлэг ордын асуудалтай холбоотой Ажлын хэсгийн дүгнэлтийг танилцууллаа. Монгол Улсын Засгийн газрыг төлөөлж Үйлдвэр, худалдааны сайд, “Энержи ресурс” ХХК-ийг төлөөлж гүйцэтгэх захирал нар 2008 оны гуравдугаар сарын 21-ний өдөр гарын үсэг зурсан “Ашигт малтмалын тусгай зөвшөөрөл шилжүүлэх тухай гэрээ” гэх баримт бичиг нь стратегийн ач холбогдол бүхий орд газрын төрийн эзэмшлийн хувь, хэмжээг тогтоосон агуулгатай байгаа нь хуульд заасан УИХ-ын шийдвэрлэх эрхэд халдсан, хууль бус шийдвэр болсон гэсэн дүгнэлт гаргалаа. Мөн зарим шалгах нөхцөл байдал илэрсэн.

Батзандан яаж ажиллах ёстойг Учрал санууллаа

zulaa — Tue, 25 Feb 2025 13:58:13 +0800

Нүүрсний үнэ унаж байгаатай холбоотойгоор төсөвт тодотгол хийх үү гэдэг асуудал үүссэн

zulaa — Fri, 21 Feb 2025 18:13:51 +0800

Нүүрсний үнэ унаж байгаатай холбоотойгоор төсөвт тодотгол хийх үү гэдэг асуудал үүссэн. Харин энэ талаар Сангийн сайд Б.Жавхлан “Нүүрсний унаж байгаа нь тийм ч таатай зүйл биш. Харин Монгол Улс баталсан төсвийн хэмжээнд хөрөнгө оруулалт, бүх зардал, халамж, тэтгэвэр тэтгэмжээ санхүүжүүлэх бүрэн чадвартай байгаа. Уул уурхайн түүхий эдийн үнийн цохилт авсан ч даах бүрэн чадамжтай. Төсвийн тодотгол гэдэг нэг өглөө босоод хийчихдэг зүйл биш. Тиймдээ ч нэгдүгээр улирлын дүнгээ харахад орлогоос хамаарсан тодотгол хийх шаардлага гараагүй” гэв.

Б.Жаргалсайхан: Монголчууд юм үзээгүй зангаасаа болж дээр доороо хэрэлдэж алалцдаг учраас улс хөгжихгүй байна

zulaa — Thu, 16 Jan 2025 11:19:55 +0800

Жагсаал хийнэ гээд мөнгө авсан хүмүүс арга ядаж байна...

zulaa — Tue, 26 Nov 2024 17:53:22 +0800

“Хавдрын эсрэг үндэсний аян”-ыг энэ жил Баян-Өлгий, Баянхонгор аймагт хэрэгжүүлжээ

zulaa — Tue, 12 Nov 2024 11:57:12 +0800

Хамтарсан Засгийн газрын 2024-2028 онд хэрэгжүүлэх 14 мега төслийг танилцуулж байна - Төсөл-8 Гангийн үйлдвэр

zulaa — Mon, 04 Nov 2024 11:01:44 +0800

Ерөнхий сайд Л.Оюун-Эрдэнэ Улаанбаатар хотын бүтээн байгуулалтын талаар сэтгүүлчдийн асуултад хариуллаа

zulaa — Fri, 20 Sep 2024 17:34:36 +0800

Ерөнхий сайд Л.Оюун-Эрдэнэ: Хамтарсан Засгийн газар Бүсчилсэн хөгжлийн бодлого бүхий үйл ажиллагааны хөтөлбөр хэрэгжүүлнэ. Энэ хүрээнд нийгмийн бүхий л үйлчилгээг 20 минутад авах хот төлөвлөлтийн цогц шийдэлтэй “Улаанбаатар хотын 2040 он хүртэлх хөгжлийн ерөнхий төлөвлөгөө”-г боловсруулж, УИХ-д өргөн барихаар ажиллаж байна. Улаанбаатар хот нэгдсэн нэг л төлөвлөгөөгөөр хөгжих ёстой. Сүүлийн 30 жилд нийслэлд 11.5 их наяд төгрөгийн хөрөнгө оруулалт хийгдсэн байдаг. Тэгвэл Засгийн газраас 2024-2028 онд үүнээс 3 дахин их хөрөнгө оруулалт хийхээр төлөвлөж байна. Үүнд метро, орон сууцжуулалт, зам зэрэг томоохон бүтээн байгуулалтууд багтана. Бүтээн байгуулалтад оролцох хувийн хэвшлээ татварын бодлогоор дэмжинэ. Манай улсын зээлжих зэрэглэл ахисан сайхан мэдээ өнөөдөр ирлээ. Энэ бидэнд томоохон төслүүдээ хэрэгжүүлэхэд эерэг нөхцөл бүрдүүлнэ.

Хамтарсан Засгийн газар 2024-2028 онд 14 мега төсөл хэрэгжүүлнэ

zulaa — Wed, 18 Sep 2024 22:59:27 +0800

Төсөл-1

"Гашуунсухайт-Ганцмод" "Ханги-Мандал" "Шивээхүрэн-Сэхээ" хилийн боомтуудын хил дамнасан холболтын төмөр зам, ачаа тээврийн шилжүүлэн ачих терминалыг ашиглалтад оруулна.

Үр дүн: Экспортын хүчин чадлыг 40 сая.тн хүртэл, орлогыг 2 дахин, төмөр замаар нүүрс экспортлох хүчин чадлыг гурав дахин, зорчигч болон ачаа тээврийн нэвтрэх хүчин чадлыг хоёр дахин нэмэгдүүлнэ. Энэ холболтууд хийгдсэнээр Зүүн босоо тэнхлэгийг Бичигт-Эрээнцав, Баруун босоо тэнхлэгийг Шивээхүрэн-Арцсуурийн төмөр замын их бүтээн байгуулалт эхлэх суурь нөхцөл бүрдэнэ

Газрын тос боловсруулах үйлдвэр бол Хамтарсан Засгийн газрын хэрэгжүүлэх 14 мега төслийн нэг

zulaa — Sat, 14 Sep 2024 16:01:24 +0800

Энэ төсөл эдийн засгийн ач холбогдолтойгоос гадна геополитикийн, аюулгүй байдалтай холбоотой тусгаар улс байх том агуулга гэж ойлгож болно.

Газрын тос боловсруулах үйлдвэрийн бүтээн байгуулалтыг дөрвөн багцад хуваан хэрэгжүүлж буй бөгөөд 2027 онд ашиглалтад оруулахаар төлөвлөж байна. EPC 03 багцын ажил эхэлж байх үед Ерөнхий сайдын хувиар ирж танилцаад Засгийн газраас холбогдох шийдвэрүүдийг гаргаж байсан.Одоо үйлдвэрийн сүүлийн чухал хэсэг болох EPC 04 багц ажлыг яаралтай эхлүүлэх, тулгамдсан асуудлыг Энэтхэгийн Засгийн газартай тохироод УИХ-ын намрын чуулганаар хэлэлцүүлж, шуурхайлахыг чухалчилж байна.

АРХИНААС ГАРГАСАН ЧОНО 3 "ЗУУН ГУЛУУЗ" инээдмийн уран сайхны кино ?????, ?????????, ?????? кино санд шинээр нэмэгдлээ

zulaa — Mon, 27 May 2024 22:56:42 +0800

Утаатай тэмцэгчдийн "өчиг"

zulaa — Fri, 21 Jul 2023 11:54:43 +0800

Гэгээлэг нийгмийн үнэр | 100 хувь хаягдалгүй анхны эко үйлдвэр

zulaa — Thu, 20 Jul 2023 09:25:01 +0800

"Хүүхдийн 100 мянган төгрөгийг хамт амьдардаггүй эцэг, эх нь аваад хувьдаа ашиглаад байгаа тохиолдолд яах вэ?" талаар зөвлөгөө хүргэлээ

zulaa — Wed, 19 Jul 2023 09:26:35 +0800

"Манайд ирээрэй" нэвтрүүлэг /eposide-11/-The Coffee House Mongolia

zulaa — Tue, 18 Jul 2023 08:38:15 +0800

"Дагавар хүүхдэдээ тэтгэлэг өгөх үүрэг хүлээх үү" талаар зөвлөгөө хүргэлээ

zulaa — Mon, 17 Jul 2023 09:28:38 +0800

Хүүхдийн ертөнц - Амс хийх завгүй О.Амаржаргалын нэг өдөр

zulaa — Thu, 13 Jul 2023 10:08:02 +0800

Онцлох хүмүүс: Хүүхдийн сэргээн засахаар мэргэшиж суралцаж байгаа шавь нартайгаа энэ эмчилгээний аргыг эзэмшүүлэх, чадавхжуулах тал дээр ажиллах хүсэлтэй байгаа

zulaa — Wed, 12 Jul 2023 13:56:12 +0800

Шанхай хотын хот төлөвлөлтийн үзэсгэлэнгийн ордон нь Шанхай хотын хот төлөвлөлтийн хөгжил, хотын дүр төрхийг харуулах чухал цонх төдийгүй “Хотын цох” хэмээн нэрлэгджээ

zulaa — Mon, 03 Jul 2023 09:35:19 +0800

Petrichor | Гэгээлэг нийгмийн үнэр - Амьтад ч гэсэн эрхээ эдлэх эрхтэй

zulaa — Thu, 29 Jun 2023 20:14:12 +0800

"Нийгмийн төрх-Хуулийн зөвлөгөө" нэвтрүүлэг "Гэр бүл цуцлуулах" талаар зөвлөгөө хүргэлээ

zulaa — Wed, 28 Jun 2023 09:16:19 +0800

Онцлох хүмүүс: Ямарваа нэг ажил хийхэд хүндлэл маш чухал байдаг...

zulaa — Tue, 27 Jun 2023 11:15:14 +0800

Программчлалын улсын аварга багш С.Батжаргал: Амьдралд бууж өгдөггүй хүн хамгийн хол явдаг

zulaa — Wed, 14 Jun 2023 15:40:59 +0800

Petrichor | Гэгээлэг нийгмийн үнэр - Эрэлч нохойн алба

zulaa — Tue, 13 Jun 2023 17:52:16 +0800

Ши Жиньпин Улаансухайнд ажиллав

zulaa — Mon, 12 Jun 2023 12:03:36 +0800

Голомт банк “Infosys Finacle Innovation Awards”-аас “Ecosystem-led Innovation” шагнал хүртлээ

zulaa — Fri, 09 Jun 2023 09:28:14 +0800

Дижитал банкны шийдэл, программ хангамжийн үйлчилгээгээр салбартаа тэргүүлэгч, EdgeVerve Systems-ийн салбар Infosys Finacle компаниас жил бүр зохион байгуулдаг “Infosys Finacle Innovation Awards - 2023” арга хэмжээнд Голомт банкийг Нээлттэй банкны API платформыг амжилттай хэрэгжүүлж, Монгол Улсдаа өргөн цар хүрээг хамарсан, тогтвортой дижитал эдийн засгийг бий болгож байгааг нь өндрөөр үнэлж “Ecosystem-led Innovation” төрөлд шилдгээр шалгарууллаа. Энэ жилийн хувьд инновацид анхаарлаа хандуулан өөрчлөлт шинэчлэлд үргэлж бэлэн байж, дижитал шилжилтийг хурдтайгаар хийж буй дэлхийн шилдэг банкнуудыг нийт 10 төрөлд тодруулжээ.

Голомт банк 2020 оноос Монголын орчин үеийн банк, санхүүгийн салбарын шинэ өнгө төрхийг тодорхойлж, инноваци суурьтай Нээлттэй банкны бизнес загварыг үйл ажиллагаандаа цогцоор нь нэвтрүүлсэн бөгөөд харилцагч болон бизнесийн онцлогт тохирсон багц үйлчилгээг API системээр дамжуулан хүргэж, нийгэмд дижитал шилжилтийн соёлыг түгээх, эрүүл мэнд, боловсрол, хөдөө аж ахуй зэрэг бүхий л салбарыг хамарсан, өргөн цар хүрээтэй дижитал экосистем, дижитал эдийн засгийг бий болгож хамтдаа хөгжүүлэхийг зорьдог билээ.

Энэ талаар Голомт банкны Мэдээллийн технологи хариуцсан захирал М.Сайнбилэг “Хуваалцах нь хамгийн зөв шийдэл. SOA архитектур, Finacle core зэрэг банкны системийн функц, бизнес загваруудыг ашиглан боловсруулсан нээлттэй банкны API нь өөрсдийн бий болгосон сайн шийдлүүдээ өөр хоорондоо хуваалцах тухай юм. Голомт банк нээлттэй банкны платформ төдийгүй технологийн мэдлэг, давуу тал, бизнесийн туршлага, дэд бүтцээ харилцагчид, хамтрагч байгууллагуудтайгаа нээлттэй хуваалцаж, банкны үйлчилгээг дараагийн шинэ шатанд гаргах нэгдсэн экосистемийг бий болгохоор зорин ажиллаж байна" хэмээн онцолсон юм.

Амжилт бүрд хамт байдаг эрхэм харилцагч, хамтрагч түншүүд та бүхэндээ талархал илэрхийлье.

"Дэлхий дээр харь гаригийнхан амьдарч байна"

zulaa — Tue, 06 Jun 2023 10:31:25 +0800

Өнгөрсөн сарын 28-нд болсон "Харь гаригийнхан ба сүйрсэн нисдэг биетүүд” бага хурлын үеэр Стэнфордын их сургуулийн Профессор, Доктор Гарри Нолан "Харь гарагийн хүмүүс дэлхий дээр амьдарч байгаа” гэж хэллээ.

Хүүхдийн ертөнц | "Хөгжлийн бэрхшээлтэй хүүхдийн сэргээн засах хөгжлийн төв" хүүхэд болгоны онцлогт тохирсон аргаар хүүхдийг хөгжүүлж байна

zulaa — Fri, 02 Jun 2023 13:31:18 +0800

Хөгжлийн бэрхшээлтэй хүүхдүүдийн сурч боловсрох орчин нөхцөл нь хангалтгүй байгаагаас мянга мянган хүүхэд бусад хүүхдүүдийн адил сурч боловсрох эрхээ эдэлж чадахгүй нөхцөл байдал үүсдэг. Энэ хэрэгцээг хангах үүднээс "Хөгжлийн бэрхшээлтэй хүүхдийн сэргээн засах хөгжлийн төв" хүүхэд болгоны онцлогт тохирсон аргаар хүүхдийг хөгжүүлж байна.

Otoch.mn- Эмчийн зөвлөгөө подкаст Ep-14 /Улаанбурхан ба дархлаажуулалт/

zulaa — Fri, 26 May 2023 15:54:15 +0800

Та "КОД" бичиж сурахыг хүсэж байна уу? Тэгвэл бид танд www.accepted.mn сайтыг санал болгож байна

zulaa — Wed, 24 May 2023 18:13:35 +0800

Otoch.mn- Эмчийн зөвлөгөө подкаст Ep-13 /Салхин цэцэг өвчин/

zulaa — Fri, 12 May 2023 16:31:19 +0800

"Expert podcast" | Агаарын орон зайг Үндсэн хуулиар хамгаалах шаардлага ба төрийн "устсан" санах ой

zulaa — Wed, 03 May 2023 14:48:17 +0800

Otoch.mn- Эмчийн зөвлөгөө подкаст Ep-12 /Бага насны хүүхдийн таргалалт, хооллолт/

zulaa — Tue, 25 Apr 2023 17:56:11 +0800

1000 машин бүтээсэн урлаач

zulaa — Thu, 20 Apr 2023 09:57:33 +0800

Модель машин нь дэлхийд нэгт эрэмбэлэгддэг хобби ажээ. Олон улсад энэ төрлөөр бүтээл хийдэг, бүр бизнес болгон өргөжүүлсэн олон хүн бий. Тэдний нэг төлөөлөл болох Ү.Одонбаярыг “Зууны мэдээ” сонин “Авто ертөнц” буландаа онцолж байна.

“Нэг машин урлахад дөрвөн сарын хугацаа зарцуулдаг”

Ү.Одонбаярын урлангаар ороход шилэн хоргонд байрлуулсан олон янзын машин угтана. Ойртон очиж харвал төрөл бүрийн машинуудын модель загварыг урлаж, эгнүүлэн тавьсан нь энэ байв. Түүний урлангаар аялахад үнэхээр уйдамгүй. Учир нь эрт үеийн машиныг ч эндээс тольдох боломжтой юм. Ховор загварууд цөөнгүй байх ажээ.

Ү.Одонбаяр ажлын ширээнийхээ ард ЗИЛ-130 машин урлаж ихэд завгүй суух. Багахан хугацаанд хажуугаас нь ажиглаж суухдаа модель машин хийхэд их туршлага, мэдлэг, мэдрэмж, тууштай байдал гээд олон зүйл шаарддаг болох нь харагдана.

Гэрэлд хараад л, өө сэвийг нь уйгагүйгээр үрж янзлах юм. Тэрбээр "Нэг машин хийхэд багаар бодоход долоо хоногийн хугацаа зарцуулдаг" тухайгаа хэлж байсан юм. Харин нэг машины загварыг шинээр урлахад дөрвөн сарын хугацаа ордог байна. Ийнхүү машин бүр загвараасаа хамаараад харилцан адилгүй хугацааг зарцуулна. Тиймээс өдрийн ажлын хөлс, материал, ажлын байрны урсгал зардлаа тооцлоолж ханшаа тогтоодог байна.

Хамгийн үнэтэй загвар нь 30 сая хүрчээ.

Гадаадаас захиалж буй модель машины дундаж үнэ нь 150 мянга. Захиалагчид нь “Орос машины модель сонирхогчид” хэмээх группээр захиалга өгөхөөс гадна түүнтэй утсаар холбогддог гэж байв.

“1000 гаруй машины модель загвар гаргасан”

Ү.Одонбаяр анх 2019 онд урлангаа нээж байжээ. Өөрийн хоббигоо хөгжүүлэх зорилгоор эхлүүлсэн багахан хүслээс эхлэлтэй ажил нь өнөөдөр урлан болтлоо хөгжсөн түүхтэй. Өмнө нь тэрбээр автомашины модель цуглуулдаг байсан гэнэ. Өөрийн сонирхсон машины жижиг загвараа авчихаад түүнийг өөрийн гараар хийж үзэхсэн гэсэн хүсэлтэй байсан ч нэг л зориглож чадахгүй их удсан. Яг урлах гэхээр тухайн сонирхсон загвар байдаггүй ч юмуу ямар нэгэн хүндрэлтэй тулгардаг байж.

Ингээд удаан бодсны эцэст анх материал аваад машин хийхээр туршиж үзсэн гэдэг. Үүнээс их зүйлийг сурчээ. Ямар материалаар хийж болох, юуг анхаарах хэрэгтэй зэргээр олон зүйлийг мэдэж авсан байна. Энэ цагаас эхлээд өнөөдрийг хүртэлх хугацаанд 1000 гаруй машин урлажээ.

Ү.Одонбаярын ажлыг товчхоноор тайлбарлавал энгийн машиныг 43 дахин багасгасан модель загвар гаргадаг гэсэн үг. Анх музейн үзмэрт зориулж машинаа хийж эхэлсэн тухайгаа ярьж байсан юм. Түүний ажлын явцыг сонирхвол эхлээд машины захиалга авна. Үүний дараа нь шугам зургийг нь гаргадаг байна. Ингээд материалаа сонгож, загвараа гаргана. Дараа нь урлаж эхэлдэг ажээ. Машинаа хийхдээ төмөр, хуванцар, хайлш зэргийг ашигладаг гэж байсан юм.

Ү.Одонбаяр “Машины материалаа судлаад ихэвчлэн хойд хөршөөс оруулж ирдэг. Машин хийхдээ үйлдвэрийн модель, угсардаг загварын модель, гар хийцний загвартай модель гэсэн төрлүүдийг түлхүү ашигладаг” хэмээн ярьсан юм.

Түүнээс гадна модель машин хийж сурах хүсэлтэй олон залуус байдаг гэнэ. Тэдэнд мэддэг, чаддаг бүхнээ харамгүй зааж, сургажээ. Шавь нарынх нь хувьд зөвхөн ажлынхаа хажуугаар, чөлөөт цагаараа л машин урладаг аж. Харин Ү.Одонбаяр ажлаасаа гарч, бүхий л сэтгэл зүрхээ энэхүү урландаа зориулж буй ховор хүн юм.

Математикийн тооцоолол чухал

Тухайн бүтээлээ өөрийн гаргасан хэмжээгээрээ жижгэрүүлэхэд математикийн тооцоолол их чухал ажээ. Мөн өнгө гаргах, уусгаж будах хэрэгтэй гэж байв. Машины загварууд нь өөрийн гэсэн чимэглэл хэсгүүдтэй. Тэр болгоныг нь мэддэг байж урлах хэрэгтэй гэсэн.

Ү.Одонбаярын ажлын багаж нь хасуур, өрөм, олон төрлийн жижиг хөрөө, хуурай, зүлгээр, дөш, алх, хайч гээд олон. Гэхдээ бүгд жижиг хэмжээтэй байх аж. Ихэнх багажаа өөрөө хасаж, заримыг нь тааруулж ашигладаг байна.

Түүний урлан хөл хөдөлгөөн тасардаггүй гэнэ. Мөн монголд ганц загварууд ч цөөнгүй байдаг юм байна. Загваруудаа цөөн тоогоор гаргадаг учир их хурдан дуусдаг тухайгаа Ү.Одонбаяр ярьж байсан юм. Гэхдээ урлангийн ихэнх орлого нь ах, аав зэрэг ойр дотны хүмүүсийнх нь машин хийлгэх захиалга дээр тогтдог ажээ. Мөн орлогоосоо нийгмийн хариуцлагын хүрээнд тодорхой ажлууд зохион байгуулдаг байна.

Тухайлбал, жил бүр ахмадын баяраар группын гишүүдтэйгээ хамтран хандив цуглуулж, 20 ахмадад модель машин урлаж дурсгадаг гэж байв.

Бүхий л салбарын машин техникийг судалж, хийж үзэх нь түүний чадвартай салшгүй холбоотой. Тухайлбал "Таван Толгой" компани анх үйл ажиллагаагаа эхлүүлэхдээ дөрвөн техниктэй байжээ. Үүний хоёр загварын моделыг Ү.Одонбаяр хийж урландаа байрлуулсан байв. Тэрбээр ихэвчлэн XX зуунд үйлдвэрлэгдсэн машины загварыг урладаг онцлогтой. Тиймээс ирээдүйд энэхүү бүтээлүүдээ музей болгох зорилго тавьснаа ч бидэнд дуулгасан юм.

Баатарын НЯМСҮРЭНЭх сурвалж: “Зууны мэдээ” сонин

Otoch.mn- Эмчийн зөвлөгөө подкаст Ep-11 /Өрхийн эрүүл мэндийн төвийн эмчилгээ, үйлчилгээ/

zulaa — Mon, 17 Apr 2023 18:03:10 +0800

Д.Сумъяабазар: С.Амарсайхантай ЗГ-ын хуралдааны үеэр муудсандаа уучлал гуйсан

zulaa — Sat, 15 Apr 2023 11:20:37 +0800

Д.Сумъяабазар: С.Амарсайхантай ЗГ-ын хуралдааны үеэр муудсандаа уучлал гуйсан. Эв нэгдлээ бодсон хэрэг. Гэтэл С.Амарсайхан өөрийнх нь тухай бүх муу муухай мэдээллийг намайг түгээсэн, түүндээ уучлал гуйсан гэж ярьжээ. Онцгүй л юм. Дахиж энэ сэдвийг хөндөхгүй ээ. Орхилоо.

Otoch.mn- Эмчийн зөвлөгөө подкаст Ep-12 /Аутизм/

zulaa — Thu, 13 Apr 2023 14:36:55 +0800

Otoch.mn- Эмчийн зөвлөгөө подкаст Ep-9 /Хүүхдийн өвчлөл/

zulaa — Tue, 04 Apr 2023 11:01:18 +0800

Та гар утсаа бусдад өгч ашиглуулдаг уу?

khulan — Thu, 23 Mar 2023 17:51:04 +0800

Бусдыг хууран мэхлэх замаар гар утсыг нь авч, мэдээллийг нь хуулбарладаг тусгай программыг гар утсанд нь суулгаж дансан дахь мөнгийг нь авдаг, банк бус санхүүгийн байгууллагаас зээл авдаг байсан гэмт бүлэглэлүүдийг цагдаагийн байгууллагаас илрүүлсэн байдаг. Тэгвэл энэ төрлийн гэмт хэргийн эсрэг иргэдийн өөрсдийн сонор сэрэмжтэй байдал маш чухал болоод байгааг дараах сэрэмжлүүлгээр хүргэж байна.

Хэн нэгэнд утсаа өгч ашиглуулах, эсвэл гар утсаа алга болгоход таны нууц "нууц" биш болдог.

Сэрэмжлүүлэг: Банк хэзээ ч хувийн мэдээллийг и-мэйл хаягаар лавладаггүй

khulan — Tue, 14 Mar 2023 11:00:39 +0800

Манай улсад 2021 онд 5600 цахим гэмт хэрэг бүртгэгдэж 18 тэрбум төгрөгийн хохирол, 2022 онд 8500 цахим гэмт хэрэг бүртгэгдэж 21 тэрбум төгрөгийн хохирол учирчээ. Цахим залилангийн хэрэг сүүлийн жилүүдэд нэмэгдэж байгаатай холбогдуулан та бүхэнд дараах сэрэмжлүүлэг мэдээллийг хүргэж байна.

2023 ”Хаврын уянга” Хятад, Энэтхэг, Камбож, Монгол дөрвөн улсын хаврын баярын концерт

zulaa — Mon, 23 Jan 2023 18:18:04 +0800

Эрээн хот Монгол Улсын зочид жуулчдаа хүлээн авах бэлтгэлээ хийж байгаа талаар

zulaa — Mon, 09 Jan 2023 19:35:23 +0800

Малчин: Шөнийн жагсаалыг малчид даая!

zulaa — Wed, 14 Dec 2022 16:33:21 +0800

"Sun juniper"-хийлч Б.Баярцэнгэл: Хийл гоцлолтой амьд хөгжмийн хамтлаг Монголд манайхаас өөр байхгүй

zulaa — Mon, 14 Nov 2022 18:57:36 +0800

Нийгмийн төрх | "Баруун гарын дүрэм"

zulaa — Mon, 14 Nov 2022 17:30:40 +0800

ШУУД: Вьетнам засварынхан гэрийн тэжээвэр нохойгоор хоол хийж иддэг үү?

zulaa — Thu, 10 Nov 2022 15:10:59 +0800

Diego онгоцны даргын Үхань дахь түүх

zulaa — Wed, 02 Nov 2022 18:05:57 +0800

Тогтвортой амьдрал шаргуу хөдөлмөрөөр мөрөөдлөө биелүүлнэ

zulaa — Mon, 24 Oct 2022 18:32:54 +0800

Тогтвортой амьдрал шаргуу хөдөлмөрөөр мөрөөдлөө биелүүлнэ- Би дарга Ши Жиньпинтэй хамт

АНУ-ын Юта мужийн Америк иргэн Монгол хэлийг үнэхээр сайн сурчээ

zulaa — Sat, 15 Oct 2022 18:08:02 +0800

Хайр ийм энгийн "Marshies"

zulaa — Fri, 14 Oct 2022 15:14:05 +0800

Архангай аймгийн засаг даргын эсрэг иргэний зориг гарган тэмцэж байна

zulaa — Wed, 21 Sep 2022 19:34:55 +0800

Архангай аймгийн Засаг дарга М.Батжаргалын удаа дараа хууль зөрчиж буй үйлдлийг АТГ-т хандсан талаар мэдээлэл хийлээ.

Тэрбээр "Архангай аймгийн засаг дарга, Улсын харцага М.Батжаргалын засаг даргаар ажиллах хугацаандаа гаргасан хууль бус үйлдлүүдийг удаа дараа үйлдэж байна. Архангай аймагт ашигт малтмалын лизенц олгодог. Олгохдоо тодорхой ААН, иргэнд давуу байдал олгох байдлаар олгодог болсон.

Энэ жишиг Архангай аймагт тогтоод, нутагших тал руу орж байна. 2020 онд Цэнхэр сумын алтны уурхайн лизенцийг тухайн үеийн удирдлагууд хууль зөрчин, хуурамч тогтоол гаргах замаар олгож байсан. Энэ нь хэвлэл мэдээллээр нэлээд явсныг иргэд санаж байгаа байх.

Өөрөөр хэлбэл, 2016-2020 онд олгосон нөхцөлөөр дахин олгосон. Тухайлбал, 2021 оны арваннэгдүгээр сарын 8-ны өдөр иргэн М.Чимэддорж гэх хүний нэр дээр 2015 онд байгуулагдсан компани шилжүүлэгдсэн байдаг. Мөн оны арванхоёрдугаар сарын 28-ны өдөр аймгийн засаг даргад энэхүү дүгнэлт очсон байдаг.

Энэхүү дүгнэлтийг үндэслэн Иргэдийн төлөөлөгчдийн хурлын шийдвэр гаргасан. Гэтэл үнэндээ Иргэдийн төлөөлөгчдийн хурлын ирц бүрдээгүй бөгөөд хурал болоогүй. Хуралдаагүй байж олборлох шийдвэр гаргасан. М.Чимэддоржтой аймгийн засаг дарга М.Батжаргал холбоотой гэж үзэж байна. Ажлын дөрөвхөн өдөрт ашигт малтмал олборлох шийдвэрийг гаргасан.

Ийнхүү найздаа давуу эрх олгосон нь тогтоогдож байгаа юм. Архангай аймгаас сонгогдсон гурван гишүүнд асуудлуудаа хүргүүлсэн. Үүний үр дүнд Архангай аймагт АТГ-ын бүрэлдэхүүн ажиллаж байна. Надаас өөр тэмцэж буй хүн алга. Жижиг газар асуудлуудыг гаргаж тавьдаг зүрх зоригтой хүн байдаггүй. Энэ асуудалд би иргэний зориг гарган тэмцэж байна” гэв.

Монгол Улсын Ерөнхий сайд Л.Оюун-Эрдэнэ "Дорнын эдийн засгийн форум-2022" оролцож "Шинэ сэргэлтийн бодлого" танилцууллаа

zulaa — Thu, 08 Sep 2022 20:47:29 +0800

Хөдөө нутагтаа ийм тохилог орон сууцтай мал аж ахуйгаа эрхэлж амьдрах монгол залуус олширсоор байна

zulaa — Mon, 22 Aug 2022 18:04:00 +0800

“Гурвансайхан” компани Чех улсын компанитай хамтран уул бүс нутагт олборлолтын үйл ажиллагаа явуулахаар завдан байна

zulaa — Fri, 19 Aug 2022 16:53:32 +0800

Ард түмний гавьяат Г.Шомбо сарлагийг уламжлалт аргаар төрүүлж өв соёлоо таниулав

zulaa — Tue, 16 Aug 2022 18:52:21 +0800

“Бадрах энержи” ХХК-тай нийлж иргэдээ туршилтанд оруулж байгаа төрдөө малчид гомдолтой байна

khulan — Tue, 16 Aug 2022 18:38:40 +0800

Дорноговь аймгийн Улаанбадрах сумын экологийн асуудал сүүлийн жилүүдэд эрс доройтож, мал амьтны гаж төрөлт, үхэл хорогдол эрс ихсэж байсан бол эцэстээ ард иргэдийн эрүүл мэндэд ноцтой хор хохирол учрах болжээ. Үүнийг нутгийн иргэд Бадрах энержи ХХК-ийн уран олборлолтын үйл ажиллагаатай холбон ярьдаг юм. Яг л ураны хор хохирлоос үүдсэн гамшгийг харуулсан баримтат кино, нэвтрүүлэг дээр гардаг шиг зүйл бидэнд тохиолдож байна гэж нутгийнхан учирлаж яриад олон жилийн нүүрийг үзсэн байдаг.

Гэвч тэдний нөхцөл байдлыг нүдээр үзэх байтугай зовлонг тоож сонсох албан тушаалтан, эрх баригчид ч олддоггүй гэнэ. Малчдын гомдлын сургаар “Бадрах энержи” ХХК дээр очиж баахан ажилласан “нэр зүүгээд” буцдаг бололтой. Дүр эсгэсэн хяналт шалгалтын дүн бүрхэг гарах нь тодорхой. Ийм дүр зурагтайгаар олон жилийг үдсэн улаанбадрахчуудад уранаас өөр хардах зүйл байхгүй. Тиймээс тэд гадныхантай нийлж иргэдээ туршилтанд оруулж байна гэсэн гомдлыг төр засагтаа дайж байна.

Учир нь ураныг олборлож, газрын хөрснөөс ялгаж эхэлсэн нөхцөлд аюултай болж эхэлдэг бөгөөд өөрөө хүнд металл ихтэй чулуулаг газар ихээр тааралддаг учраас уран олборлож эхэлсэн цагт уран нь биш юм аа гэхэд, бусад хүнд металлууд нь орчин тойронд хор хөнөөл үзүүлж эхэлдэг. Мөн уран олборлолтын явцад газрын гүнд олборлолт явуулж байгаа тохиолдолд гүний ус хордож, ил уурхайн олборлолт бол хортой тоосонцор болон тархах аюул маш өндөр байдаг. Уран олборлолтын үед хамгийн ихээр хордож, хамгийн ихээр хохирдог нь жирэмсэн эхчүүд ба нярай хүүхдүүд гэх мэт олон улсын олон талын мэдээллүүд байна.

Эрдэмтдийн анх тооцоолсноор Монгол Улсын газрын дор 1.5 сая орчим тонн ураны нөөц байгаа хэмээн таамаг дэвшүүлсэн байдаг аж. Нийт ураны нөөцөөр тооцвол 70.8 их наяд ам.доллар олох боломжтой, цаашид дэлхийд ураны ханш өсөх тусам энэхүү ашиг нэмэгдэнэ гэж тооцоолсон гэдэг. Тэгвэл ашгаас гадна эрсдлийг хэрхэн тооцсон бэ? Ялангуяа хүний эрүүл мэнд, амь настай холбоотой эрсдлийн талаарх судалгаа, мэдээлэл, баримт байгаа бол нутгийн иргэдэд яагаад тайлбарлаж танилцуулдаггүй, тэдэнтэй бүр нүүр тулахыг ч хүсдэггүй юм бэ? Уран малчдын амьдралд нөлөөлөөгүй гэдгийг яагаад нотолж, зоригтой дуугарч чадахгүй байна вэ?

Арева компанийн 40 жилийн турш уран олборлолт явуулж буй Нигер улсын туршлагаас үзэхэд, тус улсад хамгийн ихээр түгсэн хүүхдийн өвчин эмгэг нь удамшлын гаж төрөлт, цус багадалт, төрөл бүрийн хорт хавдар болон амьсгалын замын архаг өвчин байдаг бөгөөд үүнийг уран олборлолттой холбож үздэг байна.

Тэгвэл манайд ч үүний эхлэл байж мэдэх үйл явдал болоод байна. Цувралын өмнөх хэсгүүдэд бид ундны ус, мал амьтан, эрүүл мэндийн байгууллага зэрэг асуудлыг хөндсөн. Харин энэ удаад уран урагт нөлөөлсөн байж болзошгүй асуудлыг онцоллоо. Хэвлий дэх үрд нь тохиолдсон хүнд асуудал бэрхшээлийг өөрийн биеэр мэдэрч яваа залуу малчин бүсгүйн яриаг товч тоймлон хүргэж байна.

Цуврал№8

Эх сурвалж: BOLOD.MN

Тээвэрчид үнийн өсөлттэй холбоотойгоор чингэлэг тээврийг зогсоохыг Л.Халтар сайдаас шаардав

zulaa — Mon, 15 Aug 2022 16:34:10 +0800

С.Мөнхчулуун: Үндэслэлгүйгээр зээлийн шимтгэл авсан банкуудаас иргэд мөнгөө буцаан авах боломжтой

zulaa — Mon, 15 Aug 2022 16:21:28 +0800

Арилжааны банкууд иргэдэд зээл олгохдоо 0.5-1 хувийн шимтгэл тооцож авдаг. Гэтэл энэхүү шимтгэлийг үндэслэлгүйгээр авч, хууль зөрчиж байсныг Шударга өрсөлдөөн, хэрэглэгчийн төлөө газраас хийсэн хяналт шалгалтаар тогтоожээ. Улмаар ШӨХТГ-аас 9 банкинд тус бүр 20 сая төгрөгийн торгууль ногдуулж, 30 хоногийн хугацаатай албан даалгавар хүргүүлээд байгаа юм.

ШӨХТГ хяналт шалгалтыг анх бүх төрлийн зээл дээр авч буй 1 хувийн шимтгэлийн хүрээнд эхлүүлсэн боловч зөрчлийн хэрэг нээх шаардлага үүссэн учраас тодорхой хугацаандаа багтаж гүйцэтгэхийн тулд шалгалтын хүрээг хумьж ипотекийн зээл гэсэн нэг ангилал дээр ажиллажээ. Гэхдээ цаашид бүх төрлийн зээлийн шимтгэлийг үндэслэлтэй тогтоо гэдэг шаардлагыг тавьж ажиллах юм. Банкууд зээлийн шимтгэлийн хэмжээгээ тогтоохдоо үндэслэлээ ил тод нээлттэй мэдээлэх үүрэг хүлээдэг байна. Одоогоор дээрх банкуудаас ямар нэгэн мэдээлэл өгөөгүй учраас иргэд шимтгэл төлөх шаардлагагүй гэлээ.

Мөн тухайн банкуудад өмнө нь үндэслэлгүйгээр шимтгэл төлж зээл авсан иргэд мөнгөө буцааж авах боломжтой гэдгийг ШӨХТГ-ын дарга С.Мөнхчулуун хэлж байна. Гэхдээ банкуудын зүгээс ШӨХТГ-ын шийдвэрийг хүлээн зөвшөөрөхгүй гэдэг байр суурийг илэрхийлж байгаа юм байна. Тэгэхээр энэ асуудал эцэслэн шийдвэрлэгдсэн үед буюу тухайн банк ШӨХТГ-ын шийдвэрийг хүлээн зөвшөөрч байгаа тохиолдолд иргэн зээл авсан банкиндаа хүсэлт гаргаад мөнгөө авах боломжтой болох юм байна.

Ч.Лодойсамбуу: Эх орныхоо төлөө явдаг хүн гэж байхгүй

zulaa — Thu, 04 Aug 2022 15:18:08 +0800

BOLOD ДОЛОО ХОНОГИЙН ТОЙМ: Омикроны тав дахь давалгаа эхэлж, төмс хүнсний ногооны үнэ НЭМЭГДСЭН долоо хоног

zulaa — Mon, 25 Jul 2022 13:52:34 +0800

Bolod.mn сайт долоо хоног бүрийн ням гарагт улс төр, эдийн засаг, нийгмийн хүрээнд болж өрнөсөн онцлох үйл явдлыг тоймлон хүргэдэг уламжлалтай. Эдгээр өдрүүдэд иргэдийн бухимдлыг хүргэсэн асуудал бол хүнсний голлох бүтээгдэхүүн болох төмсний үнийн өсөлт байлаа. Нэг кг тутамдаа 4500-5000 төгрөгт хүрсэн хүнсний ногооны үнийн ирэх долоо хоногоос тогтворжиж эхлэх талаар Засгийн газраас мэдээлэв. Түүнчлэн манай улсад ковидын шинэ хувилбар болох омикроны 5 дахь давалгаа эхэлсэн болохыг ЭМЯ-наас мэдээлсэн. Эдгээр болон бусад онцлох үйл явдлуудыг BOLOD.MN сайтын тоймоос хүлээн авч үзнэ үү.

Хүүхдээ цэцэрлэгт хамруулах саналыг “E-Mongolia”-гаар дамжуулж зохион байгуулахыг даалгалааЗасгийн газрын хуралдаанаар 2022-2023 оны хичээлийн жилийн бэлтгэл ажлыг эрчимжүүлэхийг Ерөнхий сайд Л.Оюун-Эрдэнэ даалгалаа. Үүнд,

Цэцэрлэгт хүүхдээ суралцуулах нийслэлийн иргэдийн саналыг “Е Mongolia” төрийн үйлчилгээний нэгдсэн платформоор дамжуулж зохион байгуулах,
улсын хэмжээнд ЕБС-иудыг гурван ээлжээр хичээллүүлэхгүй байх,
80-аас дээш хувийн гүйцэтгэлтэй баригдаж байгаа боловсролын байгууллагын барилга байгууламжийг 2022 оны 08 дугаар сарын 25-ны дотор бүрэн ашиглалтад оруулан улсын комисс ажиллуулах, гүйцэтгэгч нарт санхүүжилтийг саадгүй олгох, үнийн өсөлтөөс шалтгаалсан төсөвт өртгийн нэмэгдэл нь магадлалын дүгнэлтээр баталгаажсан бол ирэх оны төсвийн төсөлд тусган шийдвэрлүүлэх,
бүх шатны боловсрол, сургалтын байгууллагын их болон урсгал засварыг 08 дугаар сарын 25-ны дотор дуусгах зэргийг Ерөнхий сайдын албан даалгавраар холбогдох албан тушаалтнуудад даалгалаа.

Мөн орон нутгийн хөгжлийг дэмжих, “Шинэ сэргэлтийн бодлого”-ын хүрээнд зарим их, дээд сургуулийн үндсэн эрдмийн хичээлийг аймаг, сумдад оруулах, төрийн өмчийн их, дээд сургуулиудын бүтэц, нэршлийг шинэчлэх болон нийслэлийн авто замын түгжрэлийг бууруулах зорилгоор цэцэрлэг, ерөнхий боловсролын сургууль, мэргэжлийн болон техникийн боловсрол, сургалтын байгууллага, их, дээд сургууль, коллежийн 2022-2023 оны хичээлийн жилийн эхлэх хугацаанд өөрчлөлт оруулах, хичээл сургалтын үйл ажиллагааны төлөвлөгөөнд нэгдсэн зохицуулалт хийх санал боловсруулж танилцуулахыг үүрэг болголоо.

“Эрт ургацын төмс нийлүүлж эхэлсэн тул үнэ тогтворжиж эхэлнэ”

Өргөн хэрэглээний хүнсний ногоо болох төмс, лууван, байцааны үнэ өсөж кг тутамдаа 4500-5000 төгрөгт хүрсэн. Хүнсний бүтээгдэхүүний үнийн өсөлтийг шатахууны үнийн өсөлт болон хил гааль хаасан асуудалтай холбон тайлбар өгсөн. Харин Засгийн газраас Сэлэнгэ аймгийн Орхон сумаас эрт ургацын төмс нийлүүлж эхэлсэн бөгөөд ургац хураалт эхэлж, нийлүүлэлт тогтвортой болсноор үнэ тогтворжино гэдгийг мэдээлэв. ХХААХҮЯ-аас мэдээлснээр улсын хэмжээнд 570 мянган га талбайд ногоо тариалсан бөгөөд төмсний дотоодын хэрэгцээг 100 хувь хангахад хүрэх аж. Одоогоор Улаанбаатар хотын хэмжээнд өдөрт 10 тонн ногоо нийлүүлж байгаа нь үнэ буурах нөхцөлийг бүрдүүлнэ гэв.

ЭМЯ: Омикроны тав дахь давалгаа эхэллээ

Эрүүл мэндийн яамнаас сүүлийн долоо хоногт Омикроны халдвар нэмэгдэж буйтай холбогдуулан цаг үеийн мэдээлэл хийсэн. Омикроны BA.4, BA.5 хувилбар нь анх 2022 оны гуравдугаар сард Өмнөд Африкийн бүгд найрамдах улсад бүртгэгдсэн. Улмаар бусад тивүүдэд тархалт өгч одоог хүртэл намжаагүй байна. Дэлхийн дахинд сүүлийн таван долоо хоногийн турш тохиолдлын тоо өссөн.

Зарим улсад хөл хориогоо сэргээж эхлээд байгаа бөгөөд АНУ-д өнгөрсөн долоо хоногт хамгийн өндөр буюу 2,345 нас баралт бүртгэгдсэн.

Манай улсад энэ оны долдугаар сард нэг нас баралт бүртгэгдсэн байна. Халдварлах чадвар өндөр байгаа учраас BA.5 хувилбарын эзлэх хувь богино хугацаанд эрчимтэй нэмэгдэнэ гэсэн таамаглалыг олон улсын эрдэмтэд гаргажээ. Манай улсын хувьд ХӨСҮТ-ийн генийн дараалал тогтоох лабораторийн шинжилгээний дүнгээс харахад BA.4, BA.5 хувилбарын эзлэх хувь нийт халдварын 10 орчим хувь байгаа аж. Цаашид энэ сарын сүүл гэхэд 80-90 хувь руу орно бөгөөд Омикроны BA.4, BA.5 хувилбар нь халдварын сүүлийнх биш гэдгийг анхааруулж байна” хэмээн мэдээллээ.

Энэхүү халдвараар өвчилсөн хүүхэд мөн хуцуулж ханиах шинж тэмдэг илүү түлхүү байна. Хүүхдүүдэд илүү тод шинж тэмдэгтэй хүнд өвдөх эрсдэл байгаа ба үүн дотроо хавсарсан өвчтэй хүүхдүүдэд эрсдэл бас үүсч байна.

АИ-92 автобинзенийн үнэ он дуустал нэмэгдэхгүй

АИ-92 автобензиний үнэ энэ он дуустал тогтвортой байна гэж Уул уурхай, хүнд үйлдвэрийн яамнаас мэдээллээ. Тодруулбал, тус зүгээс өнгөрсөн 4-6 сард ОХУ-ын Роснефть компанитай олон удаагийн хэлцэл хийсний үр дүнд өнөөдөр нэг тонн АИ-92 автобензинийг 840 ам.доллароор буюу дэлхийн зах зээлийн ханшаас 25-30 хувийн хямд үнээр худалдан авч дотоодын зах зээлд борлуулж байна.

Үүний үр дүнд АИ-92 автобензиний үнэ өнөөдрийг хүртэл литр нь 2,390 төгрөгт хадгалагдаж байна.

Мөн Ерөнхий сайд Л.Оюун-Эрдэнэ ОХУ-ын Гадаад хэргийн сайд С.Лавровыг манай улсад айлчлах үеэр өргөн хэрэглээний АИ-92 авто бензиний үнийг энэ он дуустал нэмэхгүй байх талаар ярилцаж, хэлэлцээр үр дүнд хүрсэн.

Цаашид өргөн хэрэглээний АИ-92 автобензиний үнийг нэмэхгүй байх тал дээр Засгийн газар, УУХҮЯ-ны зүгээс ОХУ, БНХАУ-тай хэлцээр хийн ажиллаж байна хэмээн мэдээлэв.

Цэргүүдийг зөвшөөрөлгүй ажлуулсан “Галтууд” ХХК-ын удирдлагуудад эрүүгийн хэрэг үүсгэжээ

Өмнөговь аймагт байрлах Зэвсэгт хүчний 167-р ангийн хугацаат цэргийн алба хаагч 19 настай Н нь 2022 оны долоодугаар сарын 13 нд барилгын хажуунаас нас барсан байдалтай олдсон харамсалтай хэрэг гарсан билээ. Талиийгаач цэрэг тус ангийн штабын дарга Н.Баяраагийн найзууд болох Д.Төрбаяр, Б.Баярчимэг нарын эзэмшлийн “Галтууд” ХХК-ын хармагийн талбайд ажиллаж байх үеэр энэхүү харамсалтай хэрэг гарсан юм. Галтууд компани арван цэрэг ажиллуулж байсан бөгөөд ангийн захирагч нь мэдээгүй байсан гэх мэдээллийг хэвлэлд өгсөн юм.

Уг хэргийг Өмнөговь аймгийн цагдаагийн хэлтэст шалгаж буй бөгөөд цэргүүдийг ажиллуулсан "Галтууд" ХХК-ын удирдлагуудад эрүүгийн хэрэг үүсгэжээ.

“Play time”-ын үеэр хар тамхи хэрэглэсэн таван хүнийг илрүүлж, нэг оргодлыг барьжээ

Цагдаагийн ерөнхий газрын Хар тамхитай тэмцэх газраас "PLAYTIME-2022" хөгжмийн наадмын үеэр наадамд оролцож байсан 30 иргэдээс мансууруулах эм, сэтгэцэд нөлөөлөх бодис хэрэглэсэн эсэх биологийн дээж авах ажиллагааг зохион байгуулжээ.

Шалгалтын дүнд Эрүүгийн хуулийн 20.7 дугаар зүйлд заасан Мансууруулах эм, сэтгэцэд нөлөөлөх бодисыг хууль бусаар ашиглах гэмт хэргийн шинжтэй 3, хэрэглэж мансуурсан 5 хүний үйлдлийг, мөн цагдаагийн байгууллагаас эрэн сурвалжлагдаж байсан 1 оргодол этгээдийг тус тус илрүүлэн мөрдөн шалгах ажиллагааг үргэлжлүүлж байна.

Машинтайгаа сураггүй болсон эмэгтэйн цогцос Хэрлэн голоос олджээ

Энэ сарын 18-ны өдөр машинтай явж байгаад сураггүй болсон эмэгтэйн цогцос өчигдөр /2022.07.19/ Хэрлэн голын уснаас олджээ. Тодруулбал, Багануур дүүргийн онцгой байдлын газарт иргэн С автомашинтай явж байгаад алга болсон тухай дуудлага ирүүлсэн байна.

Дуудлагын дагуу онцгой байдлын алба хаагчид эрэн хайх ажиллагаа явуулжээ. Дорноговь аймгийн Замын-Үүд сумын харьяат иргэн 65 настай эмэгтэй С нь “Приус-20” загварын суудлын автомашинтай Хэнтий аймгийн Цэнхэрмандал сумын нутагт явж байгаад шаварт суусан гэх ба иргэн С нь машин дотроо байгаагүй байна. Улмаар аврагчид, эрэн хайх ажиллагааг эхлүүлж Хэрлэн голоор завьтай урсаж, явган болон автомашинаар нийт 40 км газар хайгаад эмэгтэйн унаж явсан машинаас 30 км зайд Хэрлэн голын уснаас цогцсыг нь олж, Хэнтий аймгийн Цагдаагийн газарт шилжүүлэн өгчээ.

Улаанбадрахын малыг "алсан" гэх селений стандарт хэмжээг хэн өөрчилсөн бэ?

khulan — Mon, 18 Jul 2022 14:10:09 +0800

Монголын малд селений илүүдэл хордлого гэж урьд өмнө нь хэзээ ч гарч байгаагүй. Харин Дорноговь аймгийн Улаанбадрах сумын малчин Б.Норсүрэнгийн малд хийсэн шинжилгээгээр ураны уурхайн нөлөөлөл байгааг илрүүлж, хаягдлын цэгүүдэд байх ёстой хэмжээнээс хүнд металлын хордлого болон цацрагийн хэмжээ өндөр гарсан нь малын үхэлд нөлөөлсөн, селений илүүдэл хордлого байгаа нь илэрсэн гэж 2014 онд Улсын Мал Эмнэлэг Ариун Цэврийн Төв Лабораторийн дэд захирал, Ерөнхий эмч МЭУхааны доктор С.Цэрэнчимэд ярьсан байдаг. Гэвч тухайн дүгнэлтээ Ерөнхий сайд Н.Алтанхуягт танилцуулаад 3 хонож байтал гэнэт дахин комисс томилж судалгаа хийлгээд селений илүүдэл байна, гэхдээ урантай холбоогүй гэсэн мэдээлэл гаргаж байжээ. “Ер нь эрүүл мэндийн гол индикатор нь мал” гэж С.Цэрэнчимэд доктор хэлсэн байдаг.

Б.Норсүрэн малчны 20 тугал 2012 онд эмнэлзүйн тодорхой шинж тэмдэггүйгээр үрэгдсэн, түүнээс хойш улаанбадрахчуудын мал олноороо зулбах, зулбан төл гарах болсон гэх зэргээр малын өвчлөл, хорогдол эрс ихэсчээ. Улмаар тухайн үед “Бадрах-Энержи” компанийн “Хил хязгааргүй мал эмнэлэг” малаас дээж авч аймгийн мал эмнэлэгт өгч хэсэг хугацаанд дарж байгаад эцэст нь шаардлага хангахгүй байна гэх шалтгаанаар устгалд оруулж мөн л малын өвчлөлийн шалтгааныг тогтоож чадаагүй гэнэ.

Энэ мэтчилэн малчдад хардлага төрүүлэх олон шалтгаан байдгийг хэлж байна. Байгаль орчинд халтай, тодруулбал маш их хэмжээний загийг үгүй хийж ажиллагаагаа эхлүүлсэн гэх уран олборлох төслийг малчид эрс эсэргүүцэж ирсэн бөгөөд усны хомсдолд орсон говь нутгийн амьтад, тэр дундаа идэш тэжээлээс болж Улаан номонд орсон тэмээ ч устах аюул нүүрлэхийг үгүйсгэх аргагүй хэмээн тэд халаглаж сууна.

Нийгмийн хариуцлагын хүрээнд “Бадрах-Энержи” ХХК-иас эдийн засгийн дэмжлэг болгож нутаг оронд нь 1.2 тэрбум төгрөгийн хөрөнгө оруулалтыг хийсэн гэх боловч энэ мөнгөний багахан хэсгээр сумын төвд барилгын засварын ажил хийгдсэнээс өөр нүдэнд үзэгдэж, гарт баригдах зүйл хийгээгүй хэмээн нутгийн иргэд ярьж байсан юм.

Селен гэдэг элемент нь хүн, амьтны биед маш бага хэмжээгээр хэрэгтэй боловч өчүүхэн төдий ихдэхэд хор, багасвал аюултай болдгийг нэгэн судлаач тайлбарласан байдаг юм. Тэгвэл дээр дурьдсан шинжилгээгээр селений хэмжээ их гарсан гэдэг нь ураны давхарга гүний усны судлын доор байрладаг тул уран олборлотын явцад гүний ус хордсон байх өндөр магадлалтай аж.

Дорноговийн ураны орд нь геологийн талаасаа “Roll Front” гэх ангилалд багтдаг бөгөөд ийм ордын ураны хүдэр нь Ferroselit (FeSe2), Cелен (Se) зэрэг селений нэгдлүүдтэй хамт байдаг юм байна.

Эх сурвалж: bolod.mn

"Улаанбадрахын усны сөрөг нөлөөгөөр ураг эндэх, ургийн гажигтай хүүхэд төрөх болсон"

khulan — Thu, 07 Jul 2022 19:44:30 +0800

Дорноговь аймгийн нутагт уран олборлож эхэлснээс болж ургийн гажигтай хүүхдүүд төрж буй талаар яг гурван жилийн өмнө иргэний нийгмийн байгууллагууд хамтран мэдээлэл хийж байв. Тэдний хэлснээр 2012 оноос эхэлж Дорноговь аймгийн Улаанбадрах суманд гажигтай төл гарч эхэлсэн бол яваандаа энэ нь малчин эмэгтэйчүүдэд нөлөөлж ургийн эндэгдэл, ургийн гажигтай төрөлт бий болжээ. Тухайлбал, нэг голын дөрвөн эмэгтэйн жишээг дурдаж болно. Мөн малчин Г.Ариунболдын охины хоёр ихэр ураг хэвлийдээ амьгүй болж байсан. Харин дараа нь ургийн гажигтай хүүхэд төрсөн бөгөөд бяцхан үр нь өнөөдөр хоёр дахь хагалгаандаа орохоор эцэг эхтэйгээ Улаанбаатарт ирээд байгаа юм. Энэ бол “Бадрах-Энержи” компанийн хэрэгжүүлж буй төсөл, ураны нөлөөлөл байх өндөр магадлалтай гэж нутгийн иргэд үздэг юм билээ. Хэрэв үүнд уран буруугүй бол түүнийг нотлох шаардлагатай. Улаанбадрах сумын малчид, иргэд нутаг оронд нь хэрэгжиж буй ураны төсөл хүн, малын ургийн гажигтай холбоогүй юм бол түүнийг нотлох нотолгоог л шаардаж байна.

2020 онд Засгийн газрын хэрэг эрхлэх газрын дарга Л.Оюун-Эрдэнийн тушаалаар байгуулагдан ажилласан ажлын хэсгийн дүгнэлтээр тухайн бүс нутгийн худгийн 90 хувьд нь хүнцлийн агууламж зөвшөөрөгдөх хэмжээнээс их байжээ. /Хүнцлийн тухай ЭНД дарж үзнэ үү/ Гэхдээ энэ бол урантай холбоогүй гэж тайлбар хийсэн байдаг. Тэгвэл тэдгээр бохирдуулагч элементүүд хаанаас эх үүсвэртэй юм бэ гэдгийг баталгаажуулсан баримттай тайлбар алга. Тиймээс энэ асуудлыг эцэслэж төрөөс дорвитой арга хэмжээ авахгүй бол малчид тэмцлийн хурц хэлбэрт шилжихэд бэлэн гэдгээ мэдэгдээд байгаа юм.

Цуврал №6

Үргэлжлэл бий...

Эх сурвалж: bolod.mn

Б.Хөхөө: Төр дүр эсгэсэн хяналт, шалгалтаар малчдыг 10 жил мэхэлж байна

khulan — Thu, 07 Jul 2022 14:09:38 +0800

Дорноговь аймгийн Улаанбадрах сумын Аргалант багийн нутагт ураны Зөөвч-Овоо ордын төслийг хэрэгжүүлж буй “Бадрах Энержи” ХХК-ийн туршилтын үйлдвэрлэл/олборлолтын үйл ажиллагаатай холбоотой олон ноцтой асуудлыг малчид гэрчилдэг. Тэгвэл Байгаль орчин, аялал жуулчлалын сайдын тушаалаар байгуулагдсан холбогдох мэргэжлийн байгууллага, хууль хяналтынхнаас бүрдсэн ажлын хэсэг өнгөрсөн долоо хоногт буюу зургадугаар сарын 24, 25-ны өдөр “Бадрах-Энержи” ХХК-ийн ажилтай танилцаад буцсан. Тухайн ажлын хэсгийн бүрэлдэхүүнд багтсан Дорноговь аймгийн “Эвийн хүч эх нутгийн төлөө” ТББ-ын тэргүүн Б.Хөхөө ажлын хэсэг ямар байдлаар ажилласан талаар ярьсан юм. Мөн ажлын хэсгийнхэнд бодит байдлын талаар ойлголт өгөх зорилгоор малчид өвчилсөн мал авчирсан байв. Гэвч тэд малчдын нөхцөл байдалтай бус зөвхөн "Бадрах-Энержи" ХХК-ийн үйл ажиллагаатай л танилцах төлөвлөгөөтэй иржээ. Тиймээс эдгээр малыг нийслэлд авчран төхөөрч, шинжилгээнд өгөхөөр болсон юм. Ерөнхийдөө улиг болсон шалгалт, шинжилгээний дүгнэлт, түүнчлэн малчдад ирдэг дарамт шахалт малчдыг халшрахад хүргэдэг байна.

Бусад орнууд ураны байгаль орчны үнэлгээ хийдэг мэргэжлийн хүрээлэн, институттэй. Дор хаяж 5-10 жил судалгаа явуулж байж үйлдвэрлэл, олборлолт хийх зөвшөөрөл олгодог аж. Гэтэл манайд байгаль орчин болоод хүн амд цацрагийн хор нөлөөлөл ямар байх талаар байгаль орчны нарийвчилсан үнэлгээ хийдэг ураны мэргэжлийн байгууллага байхгүй гэнэ. Чадвар муутай үнэлгээний компаниуд үнэлгээ хийсэн байдлаар явдаг юм байна.

Цуврал №5

Үргэлжлэл бий...

Эх сурвалж: bolod.mn

Б.Энх-Амгалан: Төрөөс "Бадрах-Энержи" ХХК-тай холбоотойгоор малчдын эсрэг бодлого явуулж байна

khulan — Mon, 04 Jul 2022 16:02:02 +0800

Мал мутацилагдах, малын гаж төл гэх мэт зүйлийг ярихаар нөгөө л Улаанбадрах гэнэ.

Гэтэл чухам юуны учраас ийм асуудал гараад байна вэ гэхээр тодорхой хариу өгөх хүн байхгүй. Энэ асуулт малчдын дунд арван жил хариултгүй явж ирлээ. Тухайн малын үхэл, хорогдолын шалтгааныг тодруулахаар мал эмнэлэг, мэргэжлийн хяналтад малчид хандахаар нэг бол шаардлага хангахгүй дээж байна гэнэ, эсвэл тухайн дээж ор сураггүй алга болдог байна. Аймгийн эмнэлгээс гаргадаг энэ мэт шалтгууд нь эцсийн дүндээ Улаанбадрахын ард иргэдээс ураныг буюу "Бадрах-Энержи" ХХК-ийг бодлогоор хаацайлж байна гэх хардлагыг төрүүлэх болжээ. Асуултын хариулт мухарлагдаагүй цагт уран хэзээд учир шалтгаан нь байх болно.

Цуврал №4

Үргэлжлэл бий...

Эх сурвалж: bolod.mn

"Ус нь хортой Улаанбадрахын малыг махны ченжүүд мэдэхийн дээдээр мэднэ"

khulan — Fri, 01 Jul 2022 17:29:23 +0800

Үндсэн хуулиар олгогдсон амьд явах, эрүүл, аюулгүй орчинд амьдрах, эрүүл мэндээ хамгаалуулах гэх мэт хүний язгуур эрх, цаашлаад үндэсний баялаг болсон мал төрийн хамгаалалтанд байна зэрэг хуулийн үндсэн заалтууд зарим бүс нутагт онц ноцтойгоор зөрчигдөөд олон жилийн нүүрийг үзжээ. Түүнчлэн хүнсний аюулгүй байдал Дорноговь аймгийн Улаанбадрах сумын нутагт ор тас орхигдсон гэдгийг эндээс харж болох юм. Тухайлбал, сүүлийн үед олны анхаарлыг татаж буй малын гаралтай бүтээгдэхүүн, тэр дундаа мах ямар ч хяналтгүйгээр Улаанбаатар хот руу нийлүүлэгддэг гэх бас нэгэн баримтыг энд дурьдаж байна.

Цуврал №3

Үргэлжлэл бий...

Эх сурвалж:bolod.nb

Чернобыль шиг ураны уршиг хүрээгээ тэлж Хатанбулаг суманд ажиглагдаж эхэлсэн

khulan — Wed, 29 Jun 2022 10:15:38 +0800

/2018 оны байдлаар/

Дорноговь аймгийн Улаанбадрах сумын ард иргэдтэй уулзаж, бодит байдлын талаар мэдээлэл авсныг бид цувралаар хүргэж байгаа билээ. Тэгвэл урантай холбоотой асуудал зөвхөн Улаанбадрах сумаар зогсохгүй бусад сумдад нөлөөлж эхэлсэн гэдгийг Хатанбулаг сумын малчин ярьж байна.

Цуврал №2

Үргэлжлэл бий...

Эх сурвалж: BOLOD.MN

"Бадрах-Энержи" ХХК туршилт нэрийн дор хууль бус олборлолт хийснээс хойш ураны хор уршиг эхэлсэн

khulan — Tue, 28 Jun 2022 10:21:19 +0800

Дорноговь аймгийн Улаанбадрах сумын иргэд, малчид “Бадрах-Энержи” ХХК-тай холбоотой ураны асуудлаар олон баримтыг дэлгэсээр ирсэн.

Хамгийн сүүлд тэдний зүгээс тус компанийн үйл ажиллагааг зогсоох шаардлагыг Ерөнхий сайд Л.Оюун-Эрдэнэд энэ сарын 24-ний өдөр хүргүүлж, хэрэв шаардлагыг хэрэгжүүлэхгүй бол урьд өмнө хэзээ ч байгаагүй ХУРЦ тэмцлийг хийх болно гэдгээ мэдэгдсэн юм.

Үүнтэй холбогдуулан манай сурвалжлах баг асуудлыг тодруулахаар Дорноговь аймгийн Улаанбадрах суманд ажиллалаа.

Цуврал №1

Үргэлжлэл бий...

Эх сурвалж: BOLOD.MN

Олон унтраалгатай өрөөнд гацсан залуугийн түүх

zulaa — Tue, 07 Jun 2022 12:41:33 +0800

"Miss Mongolia" тэмцээн нь 18 дахь жилдээ зохион байгуулагдаж 2022 оны үндэсний ялагчаа тодрууллаа

zulaa — Mon, 06 Jun 2022 18:53:48 +0800

Монгол Улсын хэмжээнд 150 гаруй охид бүсгүйчүүдийн дунд зохион байгуулагдсан "Мисс Монголиа 2022" үндэсний ялагч, Miss International Heritage тэмцээнд эх орноо төлөөлөн оролцох эрхээр Б.Хүслэн тодорлоо. Харин удаах байранд МУБИС-ын Сэтгүүл зүйн тэнхимийн 2-р дамжааны оюутан Б.Сувданзаяа тодорч Дэлхийн Оюутан Миссийн тэмцээнд эх орноо төлөөлөн оролцох эрхтэй боллоо. Мөн түүнчлэн Спорт Миссээр Г.Анужин, Фото миссээр Б.Буянжаргал, Мисс Бикини номинацид Б.Сувданзаяа Авъяаслаг миссээр М.Номин-Эрдэнэ тус тус шалгарлаа. 18 дахь жилдээ зохион байгуулагдсан "Мисс Монголиа 2022" тэмцээнд оролцсон нийт үзэсгэлэн гоо охид бүсгүйчүүддээ халуун баяр хүргэж аз жаргал хүсэе.

"Тэр хэн бэ?" ярилцлагын нэвтрүүлэг | Todko Samson: Би яг одоо ирээдүйгээсээ цаг зээлэн алхаж явна

zulaa — Mon, 06 Jun 2022 16:58:44 +0800

Хүүхдийн ертөнц | 4 настай бяцхан хүү бие даан дэлгүүр явав ?

zulaa — Fri, 03 Jun 2022 14:09:56 +0800

Мелитополь хотын иргэд: Газар нутаг маань Фашист, Нацистуудаас чөлөөлөгдөхийг хүсч байна /Украины Мелитополь хотоос хийсэн сурвалжлага/

zulaa — Thu, 24 Mar 2022 13:55:39 +0800

ХААН Банк 3х3 сагсан бөмбөгийн стандарт талбайг 21 аймаг, 2 дүүрэгт байгуулж байна

zulaa — Mon, 08 Nov 2021 15:56:38 +0800

ХААН Банк 30 жилийн ойгоороо нийгмийн хариуцлагын хүрээнд Монголын нийт хүүхэд залуустаа зориулан 3х3 сагсан бөмбөгийн стандарт талбайг 21 аймаг 2 дүүрэгт байгуулж байна. Ингэснээр монгол хүүхэд бүр энэ спортоор багаасаа хичээллэх боломжтой болж байгаа юм.

#ДэлхийгээХайрлая

zulaa — Mon, 26 Apr 2021 12:58:49 +0800

Батарейг бид өдөр тутмын амьдралдаа олон зүйлд хэрэглэж, дуусмагц нь хогийн савандаа хаячихдаг. Гэтэл энэ нь хөрс, ус агаарыг бохирдуулснаар усны

Нууцлаг ертөнцийн “Budda”

zulaa — Fri, 23 Apr 2021 17:34:19 +0800

Эртний нүүдэлчдийн өдөр тутмын амьдрал, төв Азийн үндэс угсаанаас сэдэвлэсэн хэв шинж, түүх соёлын онцлогийг орчин үеийн чиг хандлагатай сүлсэн

БНСУ-н “Сон Медикал Центр” эрүүл мэндийн багц шинжилгээ, бүх төрлийн эрүүл мэндийн үйл ажиллагаа явуулж байна

zulaa — Mon, 12 Apr 2021 12:33:27 +0800

Сон Медикал эмнэлэг нь, нэг урсгалтай нэгдсэн шинжилгээний төвдөө, Лабораторийн бүх төрлийн шинжилгээ /бактерлоги, иммунологи, гематологи,

Н.Магсармаа: Би толинд хөлөө хараад баярласандаа уйлсан

zulaa — Mon, 29 Mar 2021 13:41:27 +0800

Манай улсад үе мөч, тэр дундаа тулгуур эрхтний өвчлөл цөөнгүй тохиолддог. Энэ төрлийн эмчилгээ, мэс ажилбарын арга технологи жилээс жилд

Сон Медикал: Гэмтэл, бэртэл, буруу хэвшлээс үүдэлтэй хавсарсан өвчлөлөөс сэргийлэхийг зөвлөж байна

khulan — Mon, 15 Mar 2021 18:30:39 +0800

Аливаа бэртэл, гэмтэл олон янзын шалтгаантай байдаг ч эцсийн үр дагавар нь бүгд эрсдэл дагуулдаг.

Гэмтлээс улбаалан дотор эрхтнүүдэд нөлөөлж хавсарсан өвчлөлүүд үүсч болох тул ямар ч гэмтлийн тохиолдолд яаралтай эмнэлгийн байгууллагад хандах шаардлагатай.

Мөн бидний дунд түгээмэл тохиолдох нурууны суулт, ясны сийрэгжилт зэрэг нь зөвхөн өндөр настнуудад тулгардаг асуудал биш учраас яг өнөөдрөөс эхлэн та оношилгоо, шинжилгээ хийлгэн ясны бат бэх байдалдаа анхаарлаа хандуулахыг "Сон Медикал Центр Улаанбаатар” эмнэлгийн хамт олон зөвлөж байна.

МУБИС-ын багш бэлтгэх хөтөлбөрийн шинэчлэл, хөтөлбөрийн чанарын баталгаажуулалтын талаар...

nomun — Fri, 05 Feb 2021 15:30:57 +0800

Э.Одбаяр: Улсын эдийн засгийг 10 гаруй жил гацааж буй Ерөнхийлөгч Х.Баттулгад хууль үйлчлэхгүй байна

nomun — Tue, 26 Jan 2021 16:08:49 +0800

Түүхээ худалдсан түүхчид!!!

zulaa — Wed, 16 Dec 2020 19:05:36 +0800

Шударга тоглоцгооё

zulaa — Wed, 02 Dec 2020 21:28:49 +0800

Авлигын Эсрэг Олуулаа Нэгдье

zulaa — Mon, 30 Nov 2020 18:41:08 +0800

АВЛИГА - Хожихгүй нүүдэл

zulaa — Wed, 25 Nov 2020 16:11:30 +0800

Vipexpo.mn сайт “Худалдаа” ангиллаа танилцуулж байна

zulaa — Sat, 03 Oct 2020 22:43:34 +0800

Бизнес эрхлэгч хувь хүн болон албан байгууллагын нэгдсэн сурталчилгааны ВИПЭКСПО.мн сайт "Худалдаа” ангиллаа танилцуулж байна.

Б.Баярбаатар: Өвөрхангай аймгийн намын хороо цагдаагийн байгууллагад хандсан

nomun — Tue, 09 Jun 2020 18:57:03 +0800

Өвөрхангай аймгийн Бат-Өлзийт суманд сонгуулийн сурталчилгааны нээлтэд урлагийн тоглолт болсон гэх мэдээлэл цахим орчинд тархаад байгаа. Өөрөөр хэлбэл, МАН Өвөрхангай аймагт сонгуулийн хууль зөрчсөн эсэх асуудлаар тус намын НБГ-ын дарга Б.Баярбаатар мэдээлэл өглөө.

Тэрбээр "Өвөрхангай аймагт болсон асуудлаар аймгийн намын хорооноос тодруулга авсан. Ямар нэгэн байдлаар МАН-ын 3 нэр дэвшигчид холбогдолгүй гэж мэдээлсэн.

2020.06.02-нд сонгуулийн сурталчилгаа эхэлснээс хойш өнөөдрийг хүртэл манай намын нэр дэвшигчид Бат-Өлзийт суманд очиж, иргэд, сонгогчидтой уулзалт зохион байгуулаагүй. Хуваарийн дагуу энэ сарын 10-ны өдөр очиж, уулзалт зохион байгуулна.

АН-аас мэдээлэл хийхдээ Өвөрхангай аймгийн 3 нэр дэвшигч хууль зөрчсөн тогтоогдсон мэтээр нийтэд мэдээлсэн. Хуулийн дагуу аль нэг улс төрийн хүчин энэ зөрчлийг тогтоохгүй. Хуулийн байгууллага нотлох баримт дээр үндэслэж асуудлыг тогтооно. Өвөрхангай аймгийн намын хорооноос болсон асуудлаар цагдаагийн байгууллагад хандсан.

Энэ бол танил технилоги. 2012 онд Өвөрхангай аймгийн сонгогчид мартаагүй” гэлээ.

МАН-аас Баянгол дүүрэгт нэр дэвшигчид сонгуулийн сурталчилгааны нээлтээ онлайнаар хийлээ

nomun — Wed, 03 Jun 2020 11:37:17 +0800

Өчигдөр /2020.06.02/ 2020 оны Улсын Их Хурлын ээлжит сонгуулийн сурталчилгаа улс орон даяар албан ёсоор эхэллээ. Энэ удаагийн УИХ-ын сонгуульд нийслэлийн төвийн зургаан дүүргийн нэг Баянгол дүүргийн 26 дугаар тойрогт УИХ-ын гишүүн, Эдийн засгийн байнгын хорооны дарга Ж.Ганбаатар, УИХ-ын гишүүн Д.Лүндээжанцан, эдийн засагч, судлаач Х.Ганхуяг нар Монгол Ардын Намаас нэр дэвшиж илгээгдсэн билээ. Уг 2020 оны УИХ-ын сонгуулийн сурталчилгааны онлайн нээлтийн арга хэмжээг нээж УИХ-ын гишүүн Ж.Ганбаатар үг хэллээ.

"Сайн байцгаана уу, та бүхэн сайхан зусацгааж байна уу. Манай Баянгол дүүрэгт УИХ-ын сонгуулийн сурталчилгааны нээлтийн үйл ажиллагаа улсын онцгой комиссоос тогтоосон дүрэм, журмын дагуу онлайнаар эхэлж байна. Би 2016 онд Баянгол дүүргийн 5, 6, 7, 9, 21 дүгээр хорооноос иргэд, сонгогчдынхоо итгэлийг хүлээн УИХ-ын сонгуульд ялалт байгуулж, иргэдээ төлөөлөн УИХ-ын гишүүнээр сонгогдсон. 2016 онд уулзалт хийгээд явж байхад Баянгол дүүргийн иргэд, сонгогчид надад зарим зүйлийг онцгойлон захидаг байсан. Тэднийхээ захиасыг биелүүлж ажиллахаар дөрвөн жилд хичээсэн, чадсан гэж бодож байна. "Та төрийн мөнгөнд бүү хутгалдаарай. Бизнесийн эрх ашгийг төрийн эрх ашгийн дээр тавьж болохгүй шүү. Тендер, концесс авч болохгүй. Хууль бус зүйлтэй холбогдож болохгүй” гэж иргэд, сонгогчид маань захидаг байсан. Би ч амлаж, амлалтаа биелүүлэхийг хичээж ажилласан. Өнөөдөр би 2020 оны УИХ-ын сонгуульд УИХ-ын гишүүн Д.Лүндээжанцан, эдийн засагч, судлаач Х.Ганхуяг нартай нэр дэвшиж байгаадаа баяртай байна.

Манай Баянгол дүүргийн хойд хэсгээр утааны асуудал маш их тулгамдаж байсан. У.Хүрэлсүхийн Засгийн газар нийслэлийн утааны асуудлыг цэгцлэхээс эхлээд олон чухал шийдвэрүүдийг гаргаж хэрэгжүүлсэн. Нийслэл, Баянгол дүүргийн утааны асуудал 50 хувь буурсан. Шинэ төрлийн коронавирус "Ковид-19” халдварын эсрэг арга хэмжээг дэлхийд үлгэр жишээгээр зохион байгуулахаар хичээж ажилласан. Төмөр зам, дулааны цахилгаан станц, шинэ гүүр, зам барих гэх мэт олон ажлыг бид хийж гүйцэтгэлээ. Бидэнд хууль дүрэм, ярих хэлэх зүйл багадаагүй. Бид, манай баг Монгол Ардын Намаас дэвшүүлсэн мөрийн хөтөлбөрийнхөө хүрээнд дараах зүйлийг хийхээр хичээж ажиллана.

Нэгдүгээрт, нийгэмд шударга ёсыг тогтоохын төлөө ажиллана. Хоёрдугаарт, төрийн албаны хариуцлагын тогтолцоог сайжруулах ёстой. Төрийн албанд хариуцлагын тогтолцоо алдагдаж байгааг хүн бүхэн ярьж байгаа. Төрийн албанд орсон хүмүүст хэчнээн хариуцлагатай албанд ажиллахаар орж буйг нь эхнээсээ ойлгуулах ёстой. Гуравдугаарт, иргэдийн хөдөлмөр эрхлэх сонирхлыг дээшлүүлэх ёстой. Иргэд аж ахуй эрхлээд, хөдөлмөр эрхлээд сайхан амьдарна, төр надад итгэнэ, таны бизнес таны хичээл зүтгэлийг төр дэмжинэ гэдгийг хууль эрх зүйн хүрээнд бий болгож дэмжиж ажиллана. Дөрөвдүгээрт, иргэдийн сайн сайхан, ая тухтай амьдралын төлөө бид ажиллана. Баянгол дүүргийнхэн их зүйлийг хүсээгүй. Баянгол дүүргийн иргэд тансаглалыг хүсээгүй. Баянгол дүүргийн иргэд хүн шиг амьдрахыг хүсэж байгаа. Баянгол дүүргийн иргэд бусад дүүргийн иргэдтэй адилхан амьдрахыг хүсэж байгаа. Баянгол дүүргийн иргэд ээ, Баянголчууд аа, хүчээ нэгтгэе гэж уриаллаа.

2020 оны УИХ-ын сонгуульд МАН-аас нэр дэвшигчдийн нэг нь УИХ-ын гишүүн Д.Лүндээжанцан. Тэрбээр 2020 оны УИХ-ын сонгуулийн сурталчилгааны онлайн нээлтэд үг хэлэхдээ "Би 2016-2020 онд нийслэлийн Баянгол дүүргийн 70 дугаар тойрогт УИХ-ын гишүүнээр ажиллалаа. 2016 онд гарахдаа Үндсэн хуулийн шинэчлэл хийнэ гэсэн том зорилгыг өмнөө тавьж сонгогчиддоо амласан. Сүүлийн 20 орчим жил ярьж гурван парламент дамжин хэлэлцэгдсэн Үндсэн хуулийн нэмэлт өөрчлөлтийн төслийг боловсруулах ажлын хэсгийн ахлагчаар ажиллаж, улмаар хэлэлцүүлгийн шатанд эхийг баригчаар ажиллан батлуулсан. Үндсэн хуулийн нэмэлт өөрчлөлт бол Монгол Улсад шударга ёсыг бий болгох, иргэдийн амьдралын чанарыг дээшлүүлэх, улс орныг эрс хурдацтай хөгжүүлэх суурь нөхцөлийг бүрдүүлэхэд чиглэгдсэн. Энэ дагуу 40 гаруй хуулийг нэн тэргүүнд батлан гаргах шаардлагатай болоод байгаа юм. Ийм ч учраас МАН-ын 2020-2024 оны мөрийн хөтөлбөрт "Амьдралын чанар ба дундаж давхарга” гэдэг асуудал суурь үзэл баримтлал болж байна. Манай намын мөрийн хөтөлбөрт хүний хөгжлийн бодлого, эдийн засгийн бодлого, засаглалын бодлого, ногоон хөгжлийн бодлого, нийслэл ба бүс, орон нутгийн хөгжлийн бодлого гэсэн таван бүлэг, 34 дэд бүлэг, 742 заалттай юм. Тэгэхээр энэ бүх зүйлийг хэрэгжүүлсэн цагт сая Монгол Улсын хөгжил, дэвшил, хүн ардын маань аж амьдралын түвшин, амьдралын чанарт ямар хэмжээний өөрчлөлт гарах вэ гэдгийг энэ сонгуулийн кампанит ажлын үед иргэд, сонгогчид та бүхэндээ илүү тодорхой тайлбарлах болно.

Энэ удаад бид засаглалын бодлогын хүрээнд хоёрхон зүйлийг онцолж хэлье. Нэгдүгээрт, байгалийн баялгийн үр өгөөжийг иргэддээ тэгш, шударга хүртээх эрх зүйн нөхцөлийг энэ ондоо багтааж бий болгох шаардлагатай байна. Хоёрдугаарт, шүүхийн тогтолцоо ил тод, нээлттэй, шударга, алагчлалгүй, зөвхөн хуульд захирагддаг хараат бус бие даасан тогтолцоог бий болгох эрх зүйн үндсийг мөн энэ ондоо яаралтай бий болгох шаардлагатай байна. Энэ хоёр зорилтыг хэрэгжүүлэх болон бусад зорилтыг хэрэгжүүлэхийн төлөө сонгогч та бүхэнтэйгээ хамтран ажиллахад манай нам бэлэн байна” хэмээлээ.

2020 оны УИХ-ын сонгуульд МАН-аас нэр дэвшигч эдийн засагч, судлаач Х.Ганхуяг сонгуулийн сурталчилгааны онлайн нээлтэд үг хэллээ.

Тэрбээр "Эрхэм журмын нөхөд, эх орноо гэсэн иргэд та бүхний энэ өдрийн амар амгалан айлтгая. Би сонгуулийн хандивын аянаараа "Төрийн бүх эрх мэдэл компаниудын биш, бүлэглэлүүдийн биш зөвхөн ард түмний гарт байх ёстой” гэж уриалсан юм. Би 2016 онд нам дамжсан бүлэглэлүүдийн эсрэг тэмцлээ эхлүүлж байсныг та бүхэн сайн мэднэ. 2017 онд Засгийн газрын хэрэг эрхлэх газрын дарга Л.Оюун-Эрдэнэ намайг хамтдаа тэмцэхийг урьсан байдаг. Тэр цагаас бид хамтдаа тэмцлийг үргэлжлүүлээд явж байгаа. Тэмцэл амжилттай явж, бидний тэмцсэн бүлэглэлүүдийн сүүлч АН-д бугшсан хэвээрээ байна. Зуу зуун сая төгрөг төлж өөрсдийнхөө нөлөөний хүмүүсийг төр засаг руу явуулж бүлэглэлүүдийн эрх ашгийг хамгаалахаар АН явуулж байна. Энэ сонгуулиар ард түмэн ялах уу, 49 хувь ялах уу, ард түмэн ялах уу, бүлэглэлүүд ялах уу, шударга ёс ялах уу гэдэгт сонголт хийх сонгууль болох юм. Улс төрийн сонгууль бол төрийн бодлогыг тодорхойлох, хэрэгжүүлэхийн төлөөх өрсөлдөөн байдаг. Бодлого нь улс төрийн намын шийдвэрээр гарч, тэр нь төр засагтаа хэрэгждэг байх нь зөв тогтол юм. Энэ нь улс төрийн намын давуу тал билээ. Өнгөрсөн хугацаанд хүнээ мартсан 30 жил байсан. Бид хэчнээн их байгалийн баялагтай ч гэсэн хүн рүүгээ наалдаж өгөхгүй байсан. Тиймээс сүүлийн нэг жилийн хугацаанд Засгийн газрын хэрэг эрхлэх газрын харьяанд "Алсын хараа 2050” бодлогыг боловсруулсан юм. Энэ нь хүний хөгжил, байгалийн баялгийн хуваарилалт, боловсролын чанар, эрүүл мэндийн хүртээмжийг сайжруулах бодлогын суурь болж чадсан. Иргэдийн ихэнх нь хуримтлалгүй, зээлээс зээлийн хооронд амьдарч байна. Нийгэмд эрс шийдэмгий зоригтой энэ бодлогыг цаашид хэрэгжүүлэх шаардлага буйг бидэнд нотолж байна. Энэ тэмцэл, шийдэлд Баянголчууд бид манлайлан оролцох ёстой. Нэг бүлэглэлээс Баянгол дүүргээ салгаж авъя. Та бүгдэд хичээе гэж уриалж байна” гэлээ.

Дашрамд дурдахад, энэ удаагийн УИХ-ын сонгуульд Монгол Ардын Намаас туршлагатай, шударга, ёс суртахуунтай улс төрчдөө сонгож, хариуцлагын гэрээ байгуулан оролцож байгаа билээ. Нийслэлийн Баянгол дүүрэг засаг захиргааны нэгжийн хувьд 25 хороотой. 2020 оны УИХ-ын сонгуульд Баянгол дүүрэгт Монгол Ардын Намаас нэр дэвшигчид тус дүүргийн 230 орчим мянган иргэн, 62.5 мянган өрхийн төлөөлж болж УИХ-д тэдний дуу хоолойг хүргэж, хууль батлалцах үүрэгтэй болох юм.