Спорт - Өдөр тутмын мэдээ мэдээллийн вэб сайт

Н.Өсөхбаярын допингийн шинжилгээний хариуг хүчингүй болголоо

zulaa — Mon, 18 May 2026 10:29:56 +0800

Өнгөрсөн жил Үндэсний их баяр наадамд үзүүрлэж, Улсын гарди цол хүртсэн Н.Өсөхбаяртай холбоотой допингийн маргаан эцэслэлээ. Түүний цолыг хураах шийдвэр гараад байсан ч Спортын арбитрийн шүүхээс уг шийдвэрийг хүчингүй болгох шийдвэр гаргажээ.

Үйл явдлыг эргэн сануулахад, 2025 оны наадмаар Н.Өсөхбаяр 8 давж үзүүрлэн Улсын гарди цол хүртсэн. Наадмын дараах допингийн шинжилгээний хариу "Эерэг" гарсан тул Баяр наадмын зохион байгуулах салбар хорооноос түүний цолыг хураах саналыг Ерөнхийлөгчид хүргүүлж, улмаар цолыг нь хураагаад байсан билээ.

Н.Өсөхбаяр уг шийдвэрийг эс зөвшөөрч шүүхэд гомдол гаргасан. Спортын арбитрийн шүүх хэргийг хэлэлцээд, шинжилгээний хариуг “Илт гажсан” гэж үзэж, өмнөх бүх шийдвэрүүдийг хүчингүй болгосон байна.

Шүүхийн шийдвэр 14 хоногийн дотор албажих бөгөөд үүний дараа Н.Өсөхбаярын Улсын гарди цол болон барилдах эрхийг нээх асуудал Үндэсний баяр наадмыг зохион байгуулах хорооны түвшинд дахин хэлэлцэгдэх хүлээлт үүсэж байна.

“Даам 2026” тэмцээнд 17 аймаг, есөн дүүргийн 400 гаруй тамирчин оролцож байна

zulaa — Wed, 08 Apr 2026 17:18:44 +0800

НЗДТГ, нийслэлийн Биеийн тамир спортын газар, нийслэлийн Даамны холбоо хамтран долоон насны ангиллаар зохион байгуулж буй даамны тэмцээний нээлт болж байна. "ДААМ 2026" тэмцээн нь оюуны спортыг түгээн дэлгэрүүлэх, бүх насны оролцогчдыг хамарсан өргөн цар хүрээтэй зохион байгуулагдаж буйгаараа онцлогтой.

Энэхүү тэмцээнээр дамжуулан өсвөр үеийнхэнд сэтгэн бодох чадвар, тэвчээр, стратеги төлөвлөлтийг хөгжүүлэх, залуучууд болон насанд хүрэгчдийн ур чадварыг дээшлүүлэх, ахмад үеийн туршлагыг залгамжлуулах чухал ач холбогдолтой юм.

Нийслэлийн Биеийн тамир, спортын газрын дарга С.Саранцэцэг “Энэхүү тэмцээнд даамны спортоор хичээллэж буй зургаан настай балчраас наян настай буурал хүртэл олон тамирчин оролцож байна. Бид нийслэлд спортын үйл ажиллагааг үе шаттай зохион байгуулдаг. Даамны спортоор хичээллэж байгаа хүмүүсийн тоо жилээс жилд нэмэгдэж байна. Даамны спортын цаашдын хөгжилд хувь нэмэр болох үүднээс энэ өдөрлөгийг зохион байгуулж буй.

Тэмцээнд оролцогчдын 60 хувь нь хүүхэд, 40 хувь нь насанд хүрэгчид байна. Спорт бүр өөрийн гэсэн онцлогтой. Оюуны спорт хүүхдийн сэтгэн бодох чадварыг сайжруулахаас гадна тэвчээртэй болгох, сууж сургах зэрэг эерэг нөлөөтэй байдаг. Даамны өдөрлөг өнөөдөр 17:00 цагт өндөрлөнө” гэв.

Нийслэлийн Даамны холбооны УЗ-ийн гишүүн Ц.Алтанхуяг “Өнөөдрийн тэмцээнд 17 аймаг, есөн дүүргийн 400 гаруй тамирчин оролцож байна. 100 буудалт даамны төрлөөр анх удаа Төв талбайдаа зохион байгуулагдаж байгаа энэ тэмцээнд Монгол Улсын өнцөг булан бүрээс ирсэн шидэг тамирчид оюун ухаанаа уралдуулж байна. Даамчид бид их баяртай байна” гэлээ.

Трансжендер тамирчдыг олимпод эмэгтэйчүүдтэй өрсөлдөхийг хориглолоо

zulaa — Fri, 27 Mar 2026 11:17:45 +0800

Олон улсын олимпын комисс (IOC) пүрэв гарагт /2026.03.26/ мэдэгдэл хийхдээ нэг удаагийн генийн шинжилгээгээр хүйсийг нь тодорхойлсон биологийн хувьд эмэгтэй тамирчид л олимпын наадамд эмэгтэйчүүдийн спортын төрлүүдэд өрсөлдөнө гэжээ. Өмнө нь трансжендер тамирчид тухайн улсын олимпын хороо нь зөвшөөрөл олгосон тохиолдолд өрсөлдөж болдог байсан юм.

Трансжендер тамирчид эмэгтэйчүүдийн эсрэг өрсөлдөх нь шударга эсвэл шударга бус эсэх асуудал сүүлийн хэдэн жил ихээхэн маргаан, мэтгэлцээн өрнүүлсэн. Ийнхүү олимпын хороо шийдвэр гаргаснаар олон улсын спортын холбоод мөн адил арга хэмжээ авах магадлалтай юм.

2028 онд Лос-Анжелест болох олимпын эмэгтэйчүүдийн төрөлд өрсөлдөх хүсэлтэй бүх тамирчин SRY генийн шинжилгээ өгөх шаардлагатай болно. Олимпын хороо “Баримт, нотолгоо дээр үндэслэн Олон улсын олимпын хороо SRY ген нь амьдралын туршид тогтмол илэрдэг, аливаа тамирчин эрэгтэй хүний бэлгийн хөгжилд орсон гэдгийг харуулдаг нарийвчлал өндөр нотолгоо гэж үзэж байна” хэмээжээ.

Тестийг шүлс, амны хөндийн арчдас эсвэл цусны дээжээр хийнэ. Олон улсын олимпын хороо мэдээлснээр тамирчин тус шинжлигээг ганц удаа л өгөх шаардлатай аж.

Эх сурвалж: Reuters

"Астана дэлхийн цом-2025" тэмцээнээс мөнгөн медаль хүртлээ

zulaa — Tue, 21 Oct 2025 09:40:34 +0800

Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025" тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.

Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна.

Баг тамирчид тус тэмцээний өөрийгөө хамгаалах болон тулааны төрлөөс 2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм.

Г.Ган-Орхон Азийн аварга боллоо

zulaa — Mon, 13 Oct 2025 09:51:58 +0800

Йордан улсын Амман хотод биллиардын спортын нэг төрөл болох хэйболын Азийн аварга шалгаруулах тэмцээнийг энэ сарын 4-7-нд зохион байгуулахад олонулсынхэмжээниймастер(ОУХМ) Н.Дэлгэрхүү, Д.Дамдинжамц, Э.Ариунцэцэг, Г.Ган-Орхон нар улсаа төлөөлж оролцлоо. Эмэгтэйчүүдийн ангилалд “Champions” клубийн тамирчин, улсын аварга Г.Ган-Орхон тус төрөлд тив, дэлхийн медальтнуудыг хожиж тэргүүлсэн Монголын анхны эмэгтэй тоглогч болов. Тэрбээр Ираны тамирчин Мансуре Норабадмотлагийг 6:3, Тайландын тоглогч, дэлхийн алт, мөнгөн медальт Вараттанун Сукриттанесыг 6:1, Энэтхэгийн тамирчдаас Азийн аварга, дэлхийн мөнгөн медальт Ами Каманиг 6:2, дэлхийн аварга Анупама Рамачандраныг 6:1-ээр буулган авч хагас шигшээд шалгарчээ. Алтан медалийн төлөөх тоглолтод тэрбээр дэлхийн гурван удаагийн аварга, Азийн мөнгөн медаль Вараттанун Сукриттанесыг 4:3-аар илүүрхэж, тивийн аварга боллоо. Үүнээс өмнө Улаанбаатарт өнгөрсөн сард болсон “Joy heyball International оpen Mongolia stop” олон улсын нээлттэй тэмцээнд зургаан орны 192 тамирчинтай өрсөлдөн, тэргүүн байрын төлөө “Monjoy billiard”-ын тоглогч, улсын аварга Г.Лувсандоржийг ялж, аваргын цом гардсан юм. Энэ удаа Монголын багаас Д.Дамдинжамц, Э.Ариунцэцэг нар шигшээ наймд шалгарсан амжилтаар ОУХМ цолны болзол хангалаа.

“Khan Cup” 3х3 сагсан бөмбөгийн тэмцээний улсын аваргууд тодорлоо

zulaa — Wed, 03 Sep 2025 13:13:34 +0800

ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.

Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.

Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.

Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог бөгөөд орон даяар нийт 510 багийн 2000 гаруй хүүхдийг хамруулсан юм.

ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.

Спортын өсөлтийг дэмжигч – ХААН Банк

“Khan Cup” 3х3 сагсан бөмбөгийн тэмцээний ялагчид бямба гарагт тодорно

zulaa — Thu, 28 Aug 2025 16:29:14 +0800

ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.

Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.

ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.

ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.

Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.

Спортын өсөлтийг дэмжигч – ХААН Банк

Баяр наадамд барилдах эрхгүй 16 бөх ХЭН БЭ?

zulaa — Fri, 04 Jul 2025 11:43:18 +0800

Монголын допингийн эсрэг үндэсний байгууллагаас 16 бөхийг улсын болон аймаг, сумдын баяр наадамд барилдуулахгүй байх зөвлөмж гаргасан. Зөвлөмжид дурдсан бөхчүүдийн жагсаалтад улсын цолтой нэг бөх, аймгийн цолтой долоо, сумын цолтой найман бөх байгаа аж. Ингээд хориотой бодис илэрсэн бөхчүүдийг танилцуулъя.

СУМЫН ЗААН Д.ОТГОНБАЯР

Хэнтий аймгийн Өмнөдэлгэр сумын харьяат "Хан Хэнтий аварга" дэвжээний бөх сумын заан Дэлгэрбаярын Отгонбаяр бол хориотой бодис илэрсэн 16 бөхийн нэг юм.

Түүний хувьд 2024 оны арваннэгдүгээр сарын 28-нд шинжилгээ өгч, шээсний шинжилгээгээр допинг илэрсэн гэдгийг албаныхан мэдээлсэн байдаг.

Ингэснээр түүний барилдах эрхийг 2027 оны арваннэгдүгээр сарын 27-ны өдрийг хүртэл гурван жилээр хассан юм. Сумын зааны барилдах эрх нь хоёр жилийн дараа сэргэнэ.

СУМЫН ЗААН Д.ОРГИЛОХ

Увс аймгийн Малчин сумын харъяат, "Баатар хангарьд" дэвжээний бөх, сумын заан Дагвадоржийн Оргилохоос допингийн төрлийн бодис илэрсэн талаар албаныхан мэдээлсэн. Түүний хувьд 2024 оны арваннэгдүгээр сарын 29-нд допингийн шинжилгээ өгч, 2025 оны гуравдугаар сарын 5-нд хариу нь гарсан байна. Урьдчилсан байдлаар түүний барилдах эрхийг түдгэлзүүлжээ.

Ингэснээр хориглосон бодис илэрсэн бөхчүүдийн хэргийг шийдэж дуусах хугацаанд аливаа спортын үйл ажиллагаанд оролцуулахгүй гэж түдгэлзүүлдэг байна.

Д.Оргилох нь үндэсний бөхөөр хичээллэхийн зэрэгцээ чөлөөт бөхөөр хичээллэж багагүй амжилт гаргаж, энэ жил чөлөөт бөхийн Улсын аварга шалгаруулах тэмцээний 97 кг-ийн жингээс хүрэл медаль хүртсэн байна.

СУМЫН ЗААН А.БАЯРТОГТОХ

Дараагийн бөх бол Өмнөговь аймгийн Манлай сумын харьяат, "Ажнай" бөхийн дэвжээний бөх Адъяагийн Баяртогтох. Түүний хувьд 2024 оны арванхоёрдугаар сарын 5-нд допингийн шинжилгээнд хамрагдаж, 2027 оны арванхоёрдугаар сарын 4-нийг хүртэл гурван жил барилдах эрхээ хасуулсан байна.

АЙМГИЙН АРСЛАН Г.МӨНХБАЯР

Архангай аймгийн арслан Галбадрахын Мөнхбаяр. Тэрбээр 2024 оны арванхоёрдугаар сарын 5-нд допингийн шинжилгээ өгч, хориотой бодис илэрчээ. Түүний барилдах эрхийг 2025 оны нэгдүгээр сарын 10-наас эхлэн урьдчилсан байдлаар түдгэлзүүлсэн байна.

АЙМГИЙН ХАРЦАГА Б.ГАНЗОЛБОО

Төв аймгийн Эрдэнэсант сумын харьяат “Алдар спорт хороо”, “Эрхэм хүслэн констракшн” ХХК, Дүнжингарав дэвжээний бөх, аймгийн заан Буянтогтохын Ганзолбоо. Тэрбээр 2024 оны аравдугаар сарын 15-нд допингийн шинжилгээ өгч, хориотой бодис илэрчээ. Түүний барилдах эрхийг 2024 оны аравдугаар сарын 15-наас 2028 оны аравдугаар сарын 14-нийг хүртэл дөрвөн жилийн хугацаагаар хассан байна.

СУМЫН ЗААН Г.ПҮРЭВБААТАР

Увс аймгийн Зүүнхангай сумын харьяат, “Сүлд” спорт хороо, “Увс нуур” дэвжээний бөх, сумын заан Ганбаатарын Пүрэвбаатар нь 2024 оны арванхоёрдугаар сарын 13-нд шинжилгээ өгч, хориотой бодис илэрчээ.

Түүний барилдах эрхийг 2025 оны дөрөвдүгээр сарын 1-нээс эхлэн урьдчилсан байдлаар түдгэлүүлсэн байна.

Түүний хувьд 2024 онд сумын цолтон болон залуу бөхчүүдийн 119 дэх удаагийн ээлжит барилдаанд 544 бөх уран мэх, авхаалж самбаа сорин барилдаж, 10 даван анх удаагаа түрүүлж байв.

АЙМГИЙН АРСЛАН Ч.БЯМБАДОРЖ

Өвөрхангай аймгийн Хужирт сумын харьяат аймгийн арслан Чулуунбатын Бямбадорж нь 2024 оны арванхоёрдугаар сарын 21-нд өгч, хориотой бодис илэрчээ. Тэрбээр 2025 оны гуравдугаар сарын 21-ний өдрөөс 2027 оны гуравдугаар сарын 20-ны өдрийг хүртэл хоёр жилийн хугацаанд барилдах эрхээ хасуулсан байна.

Тэрбээр 2024 онд Ардын хувьсгалын 103, Өвөрхангай аймаг үүсэн байгуулагдсаны түүхт 93 жилийн ойн баяр наадмаар хүчит 128 бөхийн барилдаанд түрүүлж, аймгийн арслан цол хүртжээ.

АЙМГИЙН ЗААН Э.МӨНХБОЛД

Дундговь аймгийн Дэлгэрхангай сумын харьяат, "Хур Харцага" дэвжээ болон "Алдар" спорт хорооны тамирчин, аймгийн заан Эрдэнэбаярын Мөнхболд нь 2025 оны нэгдүгээр сарын 24-нд допингийн шинжилгээ өгсөн бөгөөд хориотой бодис илэрчээ. Ингэснээр 2025 оны хоёрдугаар сарын 15-наас 2028 оны хоёрдугаар сарын 14-нийг хүртэл гурван жил барилдах эрхээ хасуулжээ.

СУМЫН ЗААН Б.ЦЭРЭНСУМЪЯА

Говь-Алтай аймгийн Баян-Уул сумын харьяат, сумын заан Буян-Өсөхийн Цэрэнсумъяагийн хувьд 2025 оны хоёрдугаар сарын 24-нд допингийн шинжилгээ өгч, хориотой бодис илэрсэн байна.

Түүний барилдах эрхийг энэ оны гуравдугаар сарын 14-нөөс эхлэн түдгэлзүүлжээ.

Ингэснээр хориглосон бодис илэрсэн бөхчүүдийн хэргийг шийдэж дуусах хугацаанд аливаа спортын үйл ажиллагаанд оролцуулахгүй гэж түдгэлзүүлдэг байна.

СУМЫН ЗААН Б.ХАШ-ЭРДЭНЭ

Баянхонгор аймгийн сумын заан Бямбабазарын Б.Хаш-Эрдэнэ нь 2025 оны хоёрдугаар сарын 24-нд допингийн шинжилгээ өгч, допинг илэрсэн байна. Тэрбээр 2025 оны гуравдугаар сарын 24-нөөс эхлэн 2027 оны гуравдугаар сарын 23-ныг хүртэл хоёр жилийн хугацаанд барилдах эрхээ хасуулжээ.

СУМЫН ЗААН Б.БУЯНДОРЖ

Завхан аймгийн сумын заан Баярсайханы Буяндорж 2025 оны хоёрдугаар 24-нд шинжилгээ өгч, гуравдугаар сарын 10-нд хариугаа авчээ. Түүнээс хориотой бодис илэрсэн учраас энэ оны гуравдугаар сарын 24-нөөс 2028 оны гуравдугаар сарын 23-ныг хүртэл гурван жил барилдах эрхээ хасуулсан байна.

Мөн Төв аймгийн сумын заан Ууганбаярын Одбаяр, Төв аймгийн арслан Болоржавын Отгонбаатар, Дундговь аймгийн заан Бөхбатын Ананпүрэв, Өмнөговь аймгийн улсын начин Шоовдорын Дарханбат нараас допингийн зөрчил илэрсэн талаар МОНАДА-аас мэдээлсэн юм. Хэрвээ допинг илэрсэн нь батлагдсан тамирчинг улсын болон аймаг, сумдын баяр наадамд оролцуулсан тохиолдолд тухайн тамирчны тэмцээнд үзүүлсэн амжилт, бай шагнал, цолыг хүчингүй болгож, тэмцээний байр эзэлсэн дараалалд холбогдох өөрчлөлтийг нөхөн оруулах шаардлагатай болдог гэдгийг анхааруулжээ.

Хакүхо М.Даваажаргал: Би сүмод хайртай, гаргасан шийдвэртээ харамсахгүй байна

zulaa — Mon, 16 Jun 2025 16:52:21 +0800

Японы мэргэжлийн сүмогийн 69 дэх их аварга Хакүхо М.Даваажаргал Японы сүмогийн холбооноос гарч буй тухайгаа албан ёсоор зарлаж, хэвлэлийн хурал (2025.06.09) хийжээ.

Токиод болсон хэвлэлийн хурлын үеэр тэрбээр “Би 25 жилийн турш сүмод хайртай байсан. Гэхдээ дараагийн мөрөөдлөө биелүүлэхийн тулд Японы сүмогийн холбооноос гарч байна” хэмээсэн. Хакүхогийн дасгалжуулагчаар ажиллаж байсан Ёкозүна Асахифүжи хэвлэлийн хуралд хамт оролцов. Тэрбээр “Би түүнийг зогсоож чадаагүй. Үүний төлөө би сүмо сонирхогчдоос гүнээ уучлалт гуйж байна" гэж хэлжээ.

Хакүхо М.Даваажаргал “Энэ спорт дэлхийд өгөх зүйл ихтэй” гэдгийг онцолж цаашид сүмог дэлхийд сурталчлан таниулахын төлөө зүтгэнэ. Сүмог олимпын төрөл болгохыг мөрөөдөж буйгаа хэлээд гаргасан шийдвэртээ харамсахгүй байгаагаа илэрхийлэв. Мөн 25 жилийн туршид баярлалаа гэж тэр нэмж хэлжээ.

Эх сурвалж: NHK Japan

Монгол Улсын гавьяат тамирчин Ц.Раднаа "World Masters Games" тэмцээнээс таван алтан медаль хүртжээ

zulaa — Mon, 26 May 2025 08:35:30 +0800

Энэ сарын 17-ноос 30-ныг дуустал Тайванийн Тайпэй болон Шинэ Тайпэй хотод ахмадын олимп буюу "World Masters Games" болж байна.

Дөрвөн жилд нэг удаа болдог тус тэмцээн цар тахлын улмаас 2021 онд болоогүй юм. Хамгийн анх 1985 онд Канадын Торонто хотод нээлтээ хийж байсан тус наадамд өдгөө 35 спортын төрлөөр 108 орны 25,049 ахмад тамирчин хурд хүч, авхаалж самбаагаа сорьж буй.

Манай улсаас хөнгөн атлетикийн төрөлд Монгол Улсын гавьяат тамирчин Ц.Раднаа гүйлтийн төрөлд таван алтан медаль хүртлээ.

Тодруулбал өдгөө 91 настай Ц.Раднаа гуай богино зайн 100, 200, 400 метр болон дунд зайн 800, 1,500 метрийн зайд түрүүлжээ. Өчигдөр эрэгтэйчүүдийн 800 метрийн уралдаанд 80+, 85+, 90+ насны таван тамирчин оролцоход Ц.Раднаа 3:43.30 минутад замаа дуусгаснаар тав дахь алтан медалиа хүртсэн аж.

Ц.Раднаагийн замаа дуусгасан хугацаа:

100 метрийн 90+ насны ангилалд: 17.69 секунд
200 метрийн 90+ насны ангилалд: 36.33 секунд
400 метрийн 90+ насны ангилалд: 1:32.05 минут
800 метрийн 90+ насны ангилалд: 3:43.30 минут
1,500 метрийн 90 насны ангилалд: 7:59.41 минут

“Лос Анжелес-2028” зуны олимпын хөтөлбөрийг баталжээ

zulaa — Mon, 14 Apr 2025 08:51:03 +0800

ОУОХ /IOC/ -ноос “Лос Анжелес-2028” зуны олимпын хөтөлбөрийг баталлаа.

ОУОХ-ны гүйцэтгэх зөвлөлөөс “Лос Анжелес-2028” Олимпын наадмын хөтөлбөр, тамирчдын квотыг баталжээ. Энэ удаагийн олимпын наадам нь нийт 351 медалийн тэмцээнтэй буюу “Парис 2024” олимпын наадмаас 22-оор илүү байх бөгөөд “Лос-Анжелес-2028” олимпын наадмын зохион байгуулах хорооноос санал болгосон таван спортын төрөлд нэмэлт 698 квот хуваарилсан байна.

Түүхэнд анх удаа багийн бүх спортын төрөлд эрэгтэй багтай ижил тооны эмэгтэй баг байх бөгөөд усан поло спортын төрөлд хоёр эмэгтэй баг нэмэгдснээр 12 эмэгтэй, 12 эрэгтэй багтай болж байна.

Медалийн тэмцээний боломж, шинэчлэл:

Усанд сэлэлтийн төрөл: эрэгтэй, эмэгтэй тамирчдын 50 метрийн араар даллах, эрвээхэй, мэлхий сэлэлтийн төрлүүд Инглвуд цэнгэлдэх хүрээлэнгийн усан санд /Inglewood Stadium/ болно.
Сэлүүрт завь: Эмэгтэй гоцлол (CW1x), эрэгтэй гоцлол (CM1x) болон холимог давхар сэлүүрт (CX2x) далайн эргийн спринт төрөлд дебютээ хийнэ.
Спорт авиралт: Bouding болон Lead төрлүүдийг тус тусад нь медалийн төрөл болгохоор болжээ.
Сагсан бөмбөгийн 3х3 төрөл: “Токио 2020” олимпод эрэгтэй, эмэгтэй тус бүр 8 баг оролцон анхны тоглолтоо хийсэн бөгөөд энэ төрөл нь эрэгтэй болон эмэгтэй төрлөөс тус бүр 12 багтай болж өргөжиж ээ.

Хамгийн өндөр орлоготой хөлбөмбөгчдийн жагсаалтыг Криштиану Роналду тэргүүллээ

zulaa — Tue, 29 Oct 2024 09:27:05 +0800

Forbes сэтгүүлээс гаргадаг уламжлалт жагсаалтыг Саудын Арабын "Аль-Наср" багийн довтлогч Криштиану Роналду тэргүүлж явна. Португал довтлогч энэ жил 285 сая доллар олно гэж шинжээчид үзэж буй. Орлогын дийлэнх хэсэг буюу 220 сая нь түүний цалин бол үлдсэн мөнгийг зар сурталчилгааны гэрээнээс авах юм.

Орлогоор тэргүүлсэн хөлбөмбөгчдийн жагсаалтад түүнчлэн "Интер Майами» клубын аргентин довтлогч Лионель Месси (135 сая), "Аль-Хиляль" -ийн бразил довтлогч Неймар (110 сая) , "Аль-Иттихад» клубын франц довтлогч Карим Бензема (104 сая), "Реал"-ын Килиан Мбаппе (90) нар багтжээ.

Хамгийн өндөр орлоготой хөлбөмбөгчдийн дөрөв нь Саудын Арабын клубуудад тоглож байгааг Forbes онцолжээ.

Хөдөлмөрийн баатар, Гавьяат тамирчин Э.Содномпилжээ Азийн аварга боллоо

zulaa — Tue, 01 Oct 2024 19:13:17 +0800

Киргизстаны нийслэл Бишкек хотод пауэрлифтингийн Ази тивийн аварга шалгаруулах тэмцээн есдүгээр сарын 21-28-ны өдрүүдэд болоход 10 орны 300 орчим тамирчин өрсөлдлөө.

Энэ тэмцээнээс Монголын пауэрлифтингийн нэгдсэн холбооны баг тамирчид 15 алт, зургаан мөнгө, дөрвөн хүрэл медаль хүртэж, багийн нийлбэр дүнгээр дэд байрт оржээ.

Тус тэмцээний шилдэг тамирчин өргөмжлөлийг манай улсаас Э.Содномпилжээ, Г.Оргилболд, Ц.Отгондалай, П.Баяр, Х.Энхтүвшин, Х.Амарсанаа нар хүртсэн байна. Тэднээс онцолбол, Үндэсний шигшээ багийн тамирчин, паралимпын алт, мөнгө, хүрэл медальт, дэлхийн гурван удаагийн аварга, дэлхийн цомын зургаан удаагийн алтан медальт, Хөдөлмөрийн баатар, гавьяат тамирчин, Э.Содномпилжээ хэвтээ шахалтын -120 кг-ын жинд цээжнээс 250 кг-ыг шахсанаар алтан медаль хүртлээ.

Э.Содномпилжээгийн энэ оны олон улсын тэмцээний дөрөв дэх медаль бөгөөд тэрбээр 2024 онд дэлхийн цомоос алт, мөнгө, “Парис-2024” паралимпын наадмаас мөнгөн медаль хүртсэн бол Азийн АШТ-ээс алтан медаль хүртлээ.

ХААН Банкны нэрэмжит 3х3 сагсан бөмбөгийн тэмцээний Дархан-Уул аймгийн шилдгүүд тодорлоо

khulan — Mon, 09 Sep 2024 16:00:08 +0800

Хурд, хүч, авхаалж самбаагаараа өрсөлдсөн 3х3 сагсан бөмбөгийн тэмцээн орон даяар 16 аймагт ЕБС-ийн 9-12-р ангийн сурагчдын дунд энэ өдрүүдэд ид үргэлжилж байна. ХААН Банк нийгмийн хариуцлагын хүрээнд 30 жилийн ойгоороо хүүхэд залууст бэлэг барьж аймаг бүрд 3х3 сагсан бөмбөгийн стандарт талбай 2021 онд байгуулж өгсөн бөгөөд ХААН Банкны нэрэмжит 3х3 сагсан бөмбөгийн тэмцээнийг орон даяар жил бүр уламжлал болгон зохион байгуулж байгаа билээ.

Энэ жилийн хувьд НҮБ-ын Хүүхдийн сантай хамтран тусгайлан Дархан-Уул, Сүхбаатар, Хөвсгөл аймгийн сурагчдын дунд 3х3 сагсан бөмбөгийн тэмцээнээс гадна уулзалт, өдөрлөг зохион байгуулж буйгаараа онцлог юм.

Дархан-Уул аймгийн тэмцээнд ахлах ангийн сурагчдаас бүрдсэн нийт 34 баг оролцож, гал авалцсан ширүүн өрсөлдөөн өрнөж, шилдгүүдээ тодруулсан. Тус тэмцээнд эрэгтэй 24 баг, эмэгтэй 10 баг хурд хүч, авхаалж самбаагаа сорин оролцсоноос эрэгтэйчүүдийн ангилалд Дархан-Уул аймгийн Оюуны ирээдүй цогцолбор сургуулийн баг, эмэгтэйчүүдийн ангилалд 15-р сургуулийн баг тус тус тэргүүлсэн юм.

Тэмцээний нээлтэд ХААН Банкны Гүйцэтгэх захирал Р.Мөнхтуяа болон НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан нар хүрэлцэн ирж, тоглолтыг үзэж сонирхсон юм. Мөн Монголын Үндэсний дээд лигийн тамирчид болох С.Өрнүүнбилэг, Г.Цэлмэг нар урилгаар очиж тамирчны карьер төлөвлөлт, багийн спортын сэтгэл зүйг хэрхэн бэлтгэх талаар туршлагаасаа хүүхдүүдэд хуваалцаж, илтгэл танилцууллаа. Мөн контент бүтээгч Цогтоо буюу Д.Ганцогт өсвөр насны хүүхдүүдийн сэтгэл зүй, нөхөрлөлийн үнэ цэн, өөрийгөө хайрлах, үнэлэх тухай мэдээлэл өгч, залуу сагсан бөмбөгчдийн асуултад хариулж, чөлөөт ярилцлага өрнүүлсэн юм.

Тэмцээний үеэр ХААН Банкны Гүйцэтгэх захирал Р.Мөнхтуяа “Орон даяар зохион байгуулж буй ХААН Банкны нэрэмжит 3х3 сагсан бөмбөгийн тэмцээн хүүхэд залуусын эрүүл мэнд, спортын амжилтыг дэмжихэд томоохон хувь нэмэр оруулж байгаа гэдэгт итгэлтэй байна. ХААН Банк нийгмийн сайн сайхны төлөөх хариуцлагатай үйл ажиллагаагаа цаашид ч үргэлжлүүлсээр байх болно” хэмээн онцоллоо. НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан тэмцээний ач холбогдлыг онцлон “Залуучуудын бие бялдрын хөгжлийг дэмжих спортын арга хэмжээ нь тэдний нийгэмд эзлэх байр суурийг нэмэгдүүлэх, хөгжих боломжийг олгож байгаад баяртай байна" хэмээсэн юм.

ХААН Банкны нэрэмжит 3х3 тэмцээн, уулзалт өдөрлөг Хөвсгөл аймагт 2024 оны 9-р сарын 15-нд, Сүхбаатар аймагт 9-р сарын 22-ны өдөр болох бөгөөд оролцох хүсэлтэй хүүхдүүд дэлгэрэнгүй мэдээллийг аймаг, орон нутаг дахь ХААН Банкны салбараас авах боломжтой.

Ташрамд дурдахад, Монгол Улсын 21 аймаг, Улаанбаатар хотын 8 дүүрэг болон бусад томоохон байршлуудад ХААН Банк олон улсын стандартад нийцсэн 3х3 сагсан бөмбөгийн нийт 31 талбай бүтээн байгуулсан бөгөөд өнгөрсөн хугацаанд сагсан бөмбөг сонирхогч 3600 гаруй хүүхэд, залуус тус тэмцээнд оролцжээ.

Бид нийгмийн сайн сайхны төлөөх үйлсэд үргэлжлүүлэн хувь нэмрээ оруулсаар байна.

Хамтын өсөлт төгөлдөр – ХААН Банк

ХААН Банкны нэрэмжит 3х3 сагсан бөмбөгийн тэмцээн 3 дахь жилдээ болно

khulan — Wed, 21 Aug 2024 14:45:00 +0800

2021 онд ХААН Банк 30 жилийн ойн хүрээнд нийгмийн хариуцлагыг хэрэгжүүлэгч ХААН Банк сангаараа дамжуулан 21 аймаг, Зүүнхараа, Замын-Үүд болон нийслэлийн найман дүүрэгт 3x3 сагсан бөмбөгийн жишиг талбай байгуулж, иргэддээ бэлэг болгон өргөн барьсан нь спортод дуртай залуусын хувьд шинэ боломжийг нээж өгсөн юм.

Тиймдээ ч ХААН Банк жил бүрийн намар орон нутгийн сагсан бөмбөг сонирхогч залуусын дунд өөрийн нэрэмжит 3х3 сагсан бөмбөгийн тэмцээнийг зохион байгуулдаг уламжлал тогтоосон билээ. Энэ жилийн хувьд, 2024 оны 9 дүгээр сарын 1-нээс 9 дүгээр сарын 22-ны өдрүүдэд 16 аймгийн ЕБС-ийн 9-12 ангийн сурагчдаас бүрдсэн залуу сагсчид, шилдэг багуудын тэмцээн ХААН Банк сангаас байгуулсан 3x3 талбай дээр өрнөх тул сагсан бөмбөгт хайртай хүүхэд залуусыг тэмцээнд оролцохыг урьж байна.

Тэмцээн зохион байгуулах өдрүүдийн хуваарь, багуудын мэдүүлэг болон техникийн зөвлөгөөний мэдээллийг орон нутгийн ХААН Банкны Төв салбаруудаас авах боломжтой.

Тэмцээн болох аймгууд:

Хэнтий
Зүүнхараа
Багахангай /Төв/
Баянхонгор
Дорноговь
Замын-Үүд
Дундговь
Сэлэнгэ
Булган
Увс
Завхан
Говь-Алтай
Өвөрхангай
Дархан-Уул
Сүхбаатар
Хөвсгөл

Тэмцээнд оролцох багуудын шаардлага

Зөвхөн орон нутгийн ерөнхий боловсролын сургуулийн 9-12-р ангийн эрэгтэй 2 баг, эмэгтэй 1 баг энэхүү тэмцээнд оролцох боломжтой. Тус тэмцээн нь орон нутгийн хүүхэд залуучуудад спортын авьяасаа харуулах, бие бялдраа хөгжүүлэх, болон найз нөхдийн хүрээнд хөгжилдөх сайхан боломжийг олгох зорилготой. Оролцох баг 3 үндсэн тоглогч, 1 сэлгээний тоглогчтой байхаас гадна, аймаг бүрийн ЕБС-ээс хоёр эрэгтэй, нэг эмэгтэй баг өрсөлдөнө.

Шагналын сан

Эрэгтэй, эмэгтэй баг тус бүрт мөнгөн шагнал, өргөмжлөл, медаль олгох ба шилдэг багууд дараах шагналуудыг хүртэнэ:

I байр: 1,000,000 төгрөг
II байр: 700,000 төгрөг
III байр: 500,000 төгрөг

ХААН Банкны нэрэмжит 3x3 сагсан бөмбөгийн тэмцээн орон нутгийн хүүхэд залууст спортын урам зориг өгч, тэдний ирээдүйн спортын амжилтын эхлэл болдог гэдэгт бид итгэлтэй байна. Тиймээс энэ жилийн тэмцээн ч мөн адил гайхалтай өрнөж, Монгол орны өнцөг булан бүрд спортын баярын уур амьсгал түгэх болно!

Хамтын өсөлт төгөлдөр – ХААН Банк

Кубын домогт бөх Михайн Лопес 42 насандаа Олимпод түрүүлж, зодог тайллаа

zulaa — Wed, 07 Aug 2024 11:41:35 +0800

Улаанбаатар, 2024 оны наймдугаар сарын 7 /МОНЦАМЭ/. Оросын алдарт бөх Александр Карелинаас хойш төрсөн өнөө цагийн Кубын төдийгүй дэлхийн шилдэг тамирчин Михайн Лопес 42 насандаа Олимпын наадамд түрүүлж, зодог тайллаа.

Сонгомол бөхийн домогт тамирчин тэрбээр “Афин-2004” наадмаас эхлэн олимпын наадамд оролцсон юм. Ингэхдээ 2004 онд медаль хүртэж чадалгүй, тавдугаар байрт оров.

Харин 2008 оноос эхлэн таван олимп дараалан ганцаарчилсан төрлөөр алтан медаль хүртсэн цор ганц тамирчин болж, түүхэнд нэрээ мөнхөллөө. Тэр финалын барилдаанд Чилийн бөхийг 6:0-ээр ялсны дараа үзэгчдийн өмнө дэвжээн дээр зодог тайлж, хүндэтгэл үзүүлэв. Түүний хувьд Токиогийн олимпод өрсөлдөгч нартаа нэг ч оноо алдаагүй түрүүлж байлаа. Лопес олимпод тав түрүүлээд зогсохгүй ДАШТ-д тав, дэлхийн цомд гурав, Пан Америкийн наадамд тав, Пан Америкийн аварга шалгаруулах тэмцээнд ес түрүүлсэн нэгэн.

Тэр 196 см өндөр, 130 кг жинтэй. “Эррадурагийн үлэмж биетэн” хочтой Лопес түрүүлснийхээ дараа ярихдаа “Энэ медалийг би ч гэлтгүй дэлхий нийт, эх орон минь хүссэн. Олимпын наадмын манлайд хүрсэндээ баяртай байна. Энэ амжилт бол миний гэр бүл, хүн бүхний тусламжтай шаргуу хөдөлмөрлөсний шагнал. Энэ миний амьдралын хамгийн том ялалт байлаа. Надаас зөвлөгөө авахаар ирдэг залуучуудад би маш их урам зориг өгдөг. Одоо би дэлхий нийтэд урам зориг өгмөөр байна. Би залуу үеэ бэлтгэмээр байна” гэжээ.

https://montsame.mn/mn/read/349086

Батцэнгэл сумын 100 жилийн ойд улсын начин Л.Отгонбаатар түрүүлж, арслан Р.Пүрэвдагва үзүүрлэлээ

zulaa — Mon, 22 Jul 2024 19:19:11 +0800

Архангай аймгийн Батцэнгэл сумын 100 жилийн ойн баяр наадам өргөн дэлгэр болж өндөрлөлөө.

Ойн баяр наадмын хүчит бөхийн барилдаанд 126 бөх зодоглосноос Архангай аймгийн Батцэнгэл сумын харьяат, “Сүлд” спорт хороо, УСУГ, “Агро нэгтгэл” ХХК, “Бөхбилэгт” дэвжээний бөх, улсын начин Л.Отгонбаатар түрүүлж, Архангай аймгийн Булган сумын харьяат, “Алдар” спорт хороо, “Алтан Дорнод Монгол” ХХК, “Бөхбилэгт” дэвжээний бөх, улсын арслан Р.Пүрэвдагва үзүүрлэв.

Ташрамд сонирхуулахад, Бөхийн өлгий нутаг болсон Батцэнгэл сумаас нийт 18 улсын цолтон төрөн гарчээ. Домогт аварга Галсанхүүгийн Вандан, Дархан аварга Гэлэгжамцын Өсөхбаяр, хүчит заан Д.Хишигдорж, Д.Лувсан, улсын харцага Г.Батбаяр, Т.Мөнгөнцоож, Б.Зоригтбаатар тэргүүтэй шилдэг бөхчүүд төрсөн гарсан байна.

Б.Баттүшиг: “Парис-2024” олимпын наадмын үеэр тамирчдаа дэмжих, улсаа сурталчлах зорилгоор “Монголиан хаус” эвент хотхон байгуулна

zulaa — Wed, 03 Jul 2024 13:32:51 +0800

Энэ удаагийн дугаарын нэгэн сэдэв нь “Парис-2024 олимпын наадам. Бид Монголын Үндэсний Олимпын Хорооны Ерөнхийлөгч Батболдын Баттүшигийг зочноор урин ярилцлаа.

Тэрбээр Монголын Үндэсний Олимпын Хорооны Тэргүүн дэд Ерөнхийлөгчөөр 2017, Ерөнхийлөгчөөр 2022 оноос сонгогдон ажиллаж байгаа бөгөөд Олон Улсын Олимпын хорооны гишүүнээр 2020 оноос өнөөг хүртэл ажиллаж байна.

- Та бизнесийн салбарын төлөөлөл төдийгүй спорт-олимпизмыг Монголд Улсад түгээн дэлгэрүүлэхэд хувь нэмрээ оруулж буй нийгмийн зүтгэлтэн болжээ. Энэ жил олимпын жил учраас асуухгүй, ярихгүй өнгөрч болохгүй нэг сэдэв бол Олимп. Монголын баг, тамирчдын олимпын амжилтыг хэрхэн төсөөлж байгаа вэ?

- Олимпын өмнө баг, тамирчдын амжилтыг урьдчилан хэлэхээс үнэндээ болгоомжилж байна. Бодит байдлыг дэвэргэх, эсвэл дэгстүүлэх, хүлээлт үүсгэх нь тамирчдад сэтгэлзүйн хувьд эерэг сөрөг, тал талын нөлөө үзүүлдэг. Монгол Улс 1964 оны Токиогийн олимпод анх оролцож эхэлснээс хойш зуны олимпын наадам бүрд амжилтаа ахиулж, олимпын наадамд оролцох тамирчдын тоо, өвлийн олимпын наадамд алгасахгүй оролцсоор ирсэн амжилт давтагдах нь эргэлзээгүй.

Цар тахлын үед ч бид хүнд нөхцөл байдлыг даван туулж, амжилтаа хадгалж “Бээжин-2022” өвлийн олимпын наадамд хоёр тамирчнаа оролцуулсан нь амжилт байсан. Монгол Улс 3,5 сая хүн амтай хэдий ч Олимпын 30 медальтай. Монголоос хамаагүй их хүн амтай зарим улс орны баг, тамирчдаас медалийн тоо, чанараар илүү амжилт үзүүлсэн байдаг. Үүнийг би дэлхийн амжилтын нэг гэж ойлгодог. Монголчууд цаанаасаа спортын авьяастай ард түмэн гэж боддог.

Франц улсад болох энэ удаагийн олимпын наадамд манай багийн эрэгтэй, эмэгтэй тамирчдын тооны харьцаа бараг 50:50 хувьтай байгаа нь Олон Улсын Олимпын Хорооны дэвшүүлж буй жендерийн тэгш байдлын зарчим, НҮБ-ын баримтлалыг бид бодит байдалд хэрэгжүүлж чадаж байгаагийн нэг илрэл юм. Мөн “Парис-2024” олимпын наадмын үеэр Монгол Улсаа дэлхийд сурталчлах томоохон арга хэмжээ төлөвлөн Парис хотын “La Vilette” цэцэрлэгт хүрээлэнд “Монголиан хаус” байгуулж, монгол гэрээ барин тайз засаж, үндэсний өв уламжлал, соёл, ёс заншлаа сурталчлах эвент зохион байгуулах юм.

Бид тэнд монгол гэртээ зочдыг хүлээн авч, Олимпын наадмын 16 хоногт улсаа сурталчилна. Уг эвентүүдийг МҮОХ-ны ажлын хэсэгтэй хамт Модерн Номадс ХХК-ийн М.Есөнмөнх захирал болон Тэнгэр ТВ тэдний баг хамт олон зохион байгуулахаар сүүлийн хэдэн сарын турш уйгагүй ажиллаж байна. Үүнд Монгол Улсын Засгийн газар, НЗДТГ, Соёлын яам, Гадаад харилцааны яам, Монгол Улсаас Бүгд найрамдах Франц улсад суугаа ЭСЯ хамтран зохион байгуулж байна.

Мөн үндэсний агаарын тээвэрлэгч МИАТ компани Монголын багийн олимпын үеийн нислэгийн тийзэнд хөнгөлөлт үзүүлэхийн зэрэгцээ “Парис-2024” Олимпын наадамд оролцох баг тамирчдын спортын хувцас хэрэглэлийг Япон улсаас үнэ төлбөргүй тээвэрлэх асуудлыг шийдвэрлэлээ. Монголын Үндэсний Олимпын Хорооноос санаачлан хэрэгжүүлж буй дэлхий дахинд Монгол Улсыг сурталчлах “Монголиан Хаус” төсөл болон Монголын баг тамирчдаа дэмжин хамтран ажиллаж буй байгууллага, компаниудад чин сэтгэлийн талархал илэрхийлье.

“Монголиан Хаус” хотхондоо Олон Улсын Олимпын Хорооны зуу гаруй гишүүдээс урих төлөвлөгөөтэй байна. Тэдний дунд зарим улсын төрийн тэргүүнүүд, төр засгийн өндөр албан тушаалтнууд, бизнесмэнүүд цөөнгүй бий.

Бидний бас нэгэн том зорилго бол Олон Улсын Олимпын Хорооны 2027 оны чуулганыг, цаашлаад 2030 оны Залуучуудын олимпын наадмыг Монгол Улсад зохион байгуулах саналыг дэвшүүлэх амбиц юм.

Залуучуудын олимпын наадам 2018 онд Аргентин улсад болсон. 2022 оных Африкийн Сенегалд болох байсан ч олимпын наадам зохион байгуулахад бэлэн биш байсан учраас 2026 онд зохион байгуулахаар болсон юм. Тун удахгүй 2030 онд зохион байгуулах улс орнуудын саналыг хүлээж авна. Тийм учраас Монголд залуучуудын олимпын наадам зохион байгуулах боломж, бололцоо байгаа гэж харж байна.

Олимпын наадмыг зохион байгуулахад нь ямар ч өндөр хөгжилтэй улс оронд эдийн засаг, санхүүгийн ачаалал, дарамт ихтэй байдаг бол залуучуудын олимпын наадмын тамирчдын зардлаас эхлээд бүх зүйлийг зохион байгуулагч тал биш Олон Улсын Олимпын Хороо дэмжиж ажилладаг. Тийм учраас “Монголиан хаус” төслийн нэг том зорилго нь улсаа сурталчлах, тамирчдаа дэмжих, мөн том арга хэмжээнүүдийг эх орондоо зохион байгуулах эрх авах ажил дээр дэмжлэг авах юм. Тэгж чадвал Хүй долоон худагт ч юм уу улсаас дэмжиж санал болгох газарт нь шинэ цэнгэлдэх хүрээлэн байгуулах, ойролцоо нь тамирчдын хотхон байгуулах бололцоо гарна. Дараа нь тэдгээр хотхон, хорооллыг иргэдэд ипотекийн зээлээр өгөх, дэд бүтцийг тавьж өгөх гэх зэрэг бүтээн байгуулалтыг давхар шийдсэн бусад Олимп хийсэн орнуудын амжилтай жишээ бий. Олимпизм бол зөвхөн спортын хөгжлийг дэмжих бус спортоор дамжуулан тухайн улс орны нийгэм, эдийн засагт ямар үр өгөөжтэй вэ, төр засагт ямар дэмжлэг болох вэ, хүн амын эрүүл мэндийг яаж хамгаалах вэ гэдэгт бодлого, үйл ажиллагааны зорилгоо чиглүүлдэг.

- Та Монголын Үндэсний Олимпын хорооны Ерөнхийлөгч, мөн Олон Улсын Олимпын Хороонд гишүүнээр сонгогдсон. Монголд мэргэжлийн спортын болон олимпизмын үзэл санааны хөгжлийг хэрхэн үнэлж, цаашдын ирээдүйг нь хэрхэн төсөөлж байна вэ?

- Монгол Улс Олон Улсын Олимпын Хорооны гишүүнтэй Азийн цөөхөн улс орны нэг юм. Олон Улсын Олимпын Хорооны дүрэм, Харти, олимпын төрөлд ямар спортыг оруулах, олимп зохион байгуулах эрхийг аль улсад өгөх зэрэгт санал өгөх томоохон Олимпын бодлогын шийдвэр гаргалтад санал өгөх эрхтэй гэсэн үг юм.

Олон Улсын Олимпын Хороо Монгол Улсаас хоёр дахь удаагаа гишүүн сонгосон нь энэ юм. Өмнө нь Ш.Магван гуай 1977-2007 он хүртэл сонгогдон ажиллаж, түүнээс хойш хүндэт гишүүнээр байгааг монголчууд мэдэх байх. Миний бие 2007 оноос хойш 13 жилийн дараа буюу 2020 онд тус хорооны гишүүнээр сонгогдсон. Монголын Үндэсний Олимпын Хорооны тэргүүн дэд Ерөнхийлөгчөөр 2017 оноос, өдгөө ерөнхийлөгчөөр нь сонгогдон ажиллаж буй нийт хугацаандаа нэлээн хэдэн олимпын ард гарчээ.

Монголд спорт нийгмийн том сэдэв болж хараахан чадаагүй л байна. Олимп болохоор л хэдэн тамирчнаа ярьдаг, бусад үед нийтийн биеийн тамир, спорт олон нийтэд хүрдэггүй байсан. Олон улсын тэмцээн зохион байгуулахад үзэгчид цөөн байгаа нь олон нийтийн дунд спорт төдийлөн дэлгэрээгүй байгаагийн нэг илрэл юм. БНСУ, БНХАУ, Япон зэрэг улс орнуудаар жишээлээд харахад тэнд олимпын спортын олон төрөл үндэсний спортын хэмжээнд хөгжсөн байдаг. Ямар нэг тэмцээн боллоо гэхэд хүмүүс ажлаасаа чөлөө аваад ирж үздэг. Тэмцээний заал, талбай үзэгчдээр дүүрсэн байдаг. Гэтэл манайд олон улсын томоохон тэмцээн уралдаан болж байхад үзэгч байдаггүй. Хөдөө орон нутагт зарим спортын төрөл огт хөгжөөгүй, хоёр гурван төрөл арай илүү хөгжсөн байдаг.

Спортын төрлүүд нийтийг хамран биеийн тамир хэлбэрээр эхлээд хөгжиж байж тэр явц дундаас мэргэжлийн тамирчид төрдөг. Ямар гоц гойд авьяастай хүүхэд энэ байдлаас болоод авьяасаа нээж чадахгүй үлдэж байгааг бид мэдэхгүй шүү дээ. Тийм болохоор бид энэ талд илүү анхаарч, Олон Улсын Олимпын Хорооноос хэрэгжүүлж буй олимпын үнэт зүйл болон боловсролын хөтөлбөрийг хэрэгжүүлэх зорилготой байгаа.

Олимпыг хөгжүүлэх боловсролын хөтөлбөр буюу яаж багаар хамтарч ажиллах вэ, яаж ёс зүйг төлөвшүүлэх вэ зэрэг агуулгыг нэвтрүүлнэ гэсэн үг.

Одоогоор орчуулгын шатанд явж байна. Өнөөдөр и-спорт эрчимтэй хөгжиж буйн зэрэгцээ бараг бүх хүүхэд электрон тоглоом, дэлгэцийн хамааралд орчихсон ийм үед тэднийг биеэр хийж гүйцэтгэдэг спортод татах, сурталчлах ёстой. Спорт, биеийн тамир, эрүүл мэндийг яаж уялдаатай авч үзэх вэ, ямар бодлогоор үүнийг бий болгох вэ гэдэг асуудал юм. Монголын Үндэсний Олимпын хороо яагаад өнөөдөр Эх нялхсын эрүүл мэндийн төвтэй, яагаад Олон улсын эмэгтэйчүүдийн байгууллагатай түншлэх гээд байна вэ гэдэг нь учир шалтгаантай.

Олон Улсын Олимпын Хорооны зорилго, үйл ажиллагааны нэг чиглэл бол хүн төрөлхтөнд яаж эрүүл мэндээ хамгаалах вэ, хэрхэн бие бялдрын хувьд эрүүл чийрэг, яаж зөв хооллолтыг дадал хэвшил болгох вэ гэдгийг түгээн дэлгэрүүлэх, НҮБ-ын бодлогын хөтөлбөрүүдтэй уялдуулан хэрэгжүүлэх явдал юм. Энэ нь Olympic Agenda 2020+5 дээр дэлгэрэнгүй орсон байгаа. Ганцхан олимпод тамирчдаа бүртгүүлэх, эрх өгөх асуудал биш юм. Тийм учраас эх орондоо ч үүнийг хэрэгжүүлэх нь зүйтэй гэж бодож байгаа.

- Парисын олимпын дараагаас дахиад шинэ чиглэлд үйл ажиллагаагаа идэвхжүүлнэ гэсэн үг үү?

- Төр, захиргааны байгууллага, хувийн хэвшил, компаниудтай илүү уялдаатай ажиллана. Тухайлбал, нийслэлтэй хамтран цэнгэлдэх хүрээлэн байгуулах ажлыг ярилцаж байна. Залуучуудын олимпын нээлтийг 20 мянган хүнтэй цэнгэлдэх хүрээлэнд хийгээд зогсож баймаар байна. Магадгүй дараа нь дэлхийн хэмжээний дуучин, оддын тоглолтыг тэнд хийж болно. Монгол бол ийм боломжтой улс орон. Одоо Наадам ч болох гэж байна. Иймэрхүү томоохон спорт урлагийн сайхан стадионтой болох цаг нь болсон. Жил бүр олон мянган жуулчид ирэхэд Наадмын билет хайгаад явахгүй Монголчууд ч олноороо Наадмын нээлтээ үзэх боломжтой болно гэж бодож байна.

- Та цаашдын ажил карьераа хэрхэн харж байна вэ. Спортын хөгжил, бизнес хоёроо хослуулах уу, алийг нь түлхүү анхаарах вэ?

- Бизнесийн өсөлт, спортын хөгжлийг хамтад нь харж байна. Ямарваа холбоог удирдан авч явахад сайн бодлогоос гадна төлөвлөсөн, зорьсон ажлыг хийж гүйцэтгэхэд хөрөнгө, санхүүжилт тун чухал байдаг. Тэгэхээр өөрийнхөө зүгээс бизнесээ сайн явуулж байж спортын холбоод, тэмцээн хийхэд ивээн тэтгэх байгууллагууд нэмэгдэж, Олимпын хорооны шинэ үйл ажиллагаа, Монголиа Хаус шиг төслүүд маань амжилттай явна. Үүнд үндэсний компаниудын өсөлт, хөгжил ч чухал нөлөөтэй. Бизнесүүд үр ашигтай, үндэсний компаниуд амжилттай хөгжиж байж тэдгээрийн түншлэл дээр спортын хөгжил урагшилдаг нь бүхий л улс орнуудын жишиг юм. Олон Улсын Олимпын Хороо бол ТОП түнш буюу “The Olympic Partner” гэж дэлхийн компаниудыг түнш болгож, Тоёота, Самсунг, Алибаба гэх мэт хувийн компаниудаас маркетинг түншлэлийн гэрээгээр том хөтөлбөрүүдээ явуулж байгаа.

“Парис-2024” олимпын үеэр ажиллуулах “Монголиан хаус” хотхоны газрын түрээсийн төлбөрөөс эхлээд зардлууд гарч явсан. Түнш байгууллагууд орж байж энэ ажил маань явж байна. Дээр дурдсан төрийн байгууллагууд дээр нэмээд Хас банк, Скайтел, Моннис, Петровис зэрэг хувийн хэвшлүүд маань Монголиа Хаус төслийг анхнаас нь дэмжиж ажиллаж байна. “Olympic Council of Asia” буюу Азийн Олимпын Зөвлөлийн ерөнхий нарийн бичгийн даргад хүртэл танилцуулж дэмжлэг аваад байна. Мөн бид өөрсдийн бизнесийн үйл ажиллагаанаас спорт холбоод буюу тамирчдыг тогтмол дэмжиж байна. Бид үүгээрээ үлгэр дуурайлал болгон үндэсний компаниудаа спорт, олимпизмын хөгжилд уриалахыг хичээдэг. Тухайлбал, шинэ цэнгэлдэх хүрээлэн байгуулах ажилд ТОП компани, аж ахуйн нэгжүүдийг оролцохыг уриалж байгаа.

Цаашид олон хувийн хэвшил нэмэгдэнэ гэдэгт итгэлтэй байна. Бид энэ удаа амжилттай зохион байгуулбал, “Харбин-2025” Азийн Өвлийн Наадам, “Милан Кортина-2026” Өвлийн Олимп, “Лос Анжелес-2028” Зуны Олимп дээр үргэлжлүүлэн “Mongolia House” төслөө хийж, Дэлхийн Экспо шиг Монгол улсаа сурталчлах том боломж гэж харж байгаа.

Монголчууд Парис руу 32 тамирчнаа илгээнэ

zulaa — Fri, 21 Jun 2024 14:34:37 +0800

Хүн төрөлхтний эв найрамдлын бэлгэ тэмдэг зуны спортын XXXIII наадам эхлэхэд ердөө 34 хоногийн хугацаа үлджээ. Монгол Улсын шигшээ багийн хувьд олимпын эрх олгох тэмцээн албан ёсоор дууссан. Манай тамирчдын оролцох боломжтой олимпын эрх олгох тэмцээнийг Туркийн Анталия хотод болж өндөрлөсөн байт харвааны Дэлхийн цом отголсон. Уг тэмцээнд Монголын найман харваач оролцсон ч эрхээ нэмэгдүүлж чадаагүй.

Тэгвэл Олон улсын усан спортын холбооноос Парисын олимпын бассейн усан замд уралдах тамирчдыг баталгаажуулсан бөгөөд манай улсад эрэгтэй, эмэгтэй тус бүр нэг эрх өгчээ. Харин Парис руу илгээх тамирчнаа Монголын усан спортын холбооноос шийдвэрлэх бөгөөд удахгүй зарлах аж. Энэхүү олимпод усанд сэлэлтийн төрлөөр олон улсын хэмжээний мастер Б.Энхтамир, Б.Энххүслэн нар оролцох боломж хамгийн өндөр байгаа юм. Б.Энхтамирын хувьд хэдхэн хоногийн өмнө Хонконгт болсон олон улсын тэмцээнээс хоёр алт, нэг мөнгөн медаль хүртсэнээр 758 оноотой болжээ. Түүний оролцсон энэхүү тэмцээнд 750 гаруй тамирчин өрсөлдсөн нь чансаа өндөр байсныг илтгэж байгаа юм. 2024 он гарснаас хойш МҮОХ болон, спортын салбарын удирдлагууд ярихдаа “Энэ удаагийн олимпод 45-50 эрх авах боломжтой” хэмээн ярьсан. Гэвч тэдний мөрөөдөл талаар өнгөрөв. Гэхдээ энэ нь удирдлагуудын буруу биш. Тухайн спорт холбоодтой шууд холбоотой. 2024 оны олимптой жилд спортын салбарын төсөв өмнө жилүүдээс харьцангуй өндөр байсан. Тэр байтугай өмнө олимпын циклүүдэд төсөвлөсөн мөнгөн дүнгээс ч их. Энэ нь манай улс спортын салбарт, тэр тусмаа олимпод хэрхэн ач холбогдол өгснийг нотолгоо юм. Тэгвэл манай улс энэ удаа 32-хон эрхтэйгээр Парисыг зорих болж байна. Энэ бол бараг эцсийн тоо. Дахин эрх нэмэгдэх магадлал 50 хувьд ч хүрэхгүй. Монголчууд сүүлийн таван олимпод 20-43 тамирчнаа илгээж байв. Ялангуяа “Рио-2016”, “Токио-2020” наадамд 43 тамирчин эрх авч оролцсон дээд амжилт. Энэ жил үүнийг давуулан биелүүлэх боломж байсан уу гэвэл байсан. Харамсалтай нь холбоодын зохион байгуулалтад алдаа гарах шиг. Сүүлийн таван олимпод хэрхэн оролцсоныг товч хүргэе.

Афин-2004: Монголчууд энэ олимпод жүдо, чөлөөт бөх, буудлага, хүндийг өргөлт, усанд сэлэлт, бокс, хөнгөн атлетик гэсэн долоон төрөлд 20 тамирчны бүрэлдэхүүнтэй оролцож, нэг хүрэл медаль хүртэв.

Бээжин-2008: Энэхүү олимпод чөлөөт бөх, жүдо, буудлага, бокс, хөнгөн атлетик, усанд сэлэлт, хүндийг өргөлт гэсэн долоон төрөлд 28 тамирчны бүрэлдэхүүнтэй оролцов. Анхны олимпын аваргаа өлгийдсөн түүхэн олимп юм. Хоёр алт, хоёр мөнгө медаль авч, монголчуудыг огшуулсныг бид өнөөдөр хүртэл мартаагүй явна.

Лондон-2012: Таван медаль хүртэж медалийн тоогоороо Монголын олимпын түүхэнд дээд амжилт тогтоосон байдаг. Уг олимпод буудлага, байт харваа, чөлөөт бөх, жүдо, бокс, усанд сэлэлт, хөнгөн атлетик гэсэн долоон төрөлд 29 тамирчинтай оролцов. Өмнөх хоёр олимпоос ялгаатай нь хүндийг өргөлтийнхөн өнжиж, байтынхан нэмэгдсэн юм.

Рио-2016: Энэ удаагийн олимпод байт харваа, бокс, буудлага, хөнгөн атлетик, жүдо, чөлөөт бөх, хүндийн өргөлт, таеквондо, усанд сэлэлт гэсэн спортын есөн төрөлд 43 тамирчинтай оролцож, хоёр медаль хүртэв. Таеквондогоор анх удаа эрх авсан нь энэ.

Токио-2020: Байт харваа, бокс, буудлага, хөнгөн атлетик, жүдо, чөлөөт бөх, хүндийг өргөлт, усанд сэлэлт, 3х3 сагсан бөмбөг, ширээний теннис гэсэн 10 төрлөөр оролцлоо. Энэ нь Монголын олимпын түүхэн дэх анхны тохиолдол болов. Ингэхдээ ширээний теннис, сагсан бөмбөгийн 3х3 төрлөөр анх удаа эрхээ аван өрсөлдсөнөөрөө онцлогтой. Токиогоос бид дөрвөн медаль авсан юм. Харин таеквондочид өнжив. Мөн 43 тамирчин оролцсон нь 1980, 2016 оны дээд амжилттай зэрэгцсэн юм.

Парис-2024: Байт харваа, бокс, буудлага, хөнгөн атлетик, жүдо, чөлөөт бөх, хүндийг өргөлт, усанд сэлэлт, дугуйн спорт гэсэн есөн төрөлд 32 тамирчин илгээхээр болов. Үүнээс эрэгтэй 15, эмэгтэй 17 тамирчин байна. Өмнөх олимпуудаас ялгаатай нь дугуйн спортоор эрхээ авсан нь сайшаалтай. Бусад нь уламжлалт төрөл. Харин эрэгтэй боксчид энэ удаа өнжсөн нь хамгийн муу мэдээ. Түүнчлэн сүүлийн жилүүдэд жигдхэн хөгжиж буй таеквондо, сагсан бөмбөгийн 3х3 төрлөөр эрх авч чадсангүй. Мөн ширээний тенниснийхэн Токиод үзүүлсэн амжилтаа үргэлжлүүлж чадаагүй нь харамсалтай.

Уламжлал ёсоороо жүдочид оролцогчдын тоогоороо тэргүүлж байна. Уг төрөлд манай 10 тамирчин зодоглоно. Гэхдээ энэ нь өмнөх хоёр олимптой харьцуулахад буурсан үзүүлэлт. Токиод 11, Риод 13 жүдоч барилдаж байв. Эрэгтэйчүүдийг бүтэн багаараа оролцоно хэмээн таамаглаж байсан нь талаар өнгөрсөн. Түүнчлэн эмэгтэйчүүдийн 63, 70 кг-д эрх авч чадаагүй.

Тэгвэл олимпоос эрэгтэйчүүд нь медаль авч чадахгүй яваа ч Монголын топ-4 спортын нэг чөлөөт бөхийнхөн найман эрх авлаа. Энэ нь өмнөх олимпуудаас бас л буурсан үзүүлэлт. Токиод ес, Риод 10 тамирчин барилдаж байв. Энэхүү төрөлд эмэгтэйчүүдийн амжилт тогтмол байгаа бол эрэгтэйчүүдийнх бууралттай. Риод зургаан эрэгтэй тамирчин барилдаж байсан бол Парист ердөө гурван бөх зодоглох нь. Токиод ч мөн эрэгтэй жүдоч л эрх авсан билээ.

Хүндийг өргөлтийнхөн бэртэл гэмтлээс шалтгаалан эрхгүй хоцрох шахсан. Гэвч Хятад, Венесуэл, АНУ-ын хүндийг өргөлтийн холбооноос 81 кг-ын жинг сонгоогүй. Түүнчлэн Франц улс зохион байгуулагч орны хувиар шууд эрхээ авсан. Ийм хүчин зүйлийн ачаар дэлхийн чансааны 13 дугаар байрт эрэмбэлэгдсэн М.Анхцэцэг гавьяат дөрвөн байр огшиж Парисыг зорих эрхтэй болсон юм. Уг нь энэ төрөлд 2-3 эрх авах боломжтой байсан ч тийм зүйл болсонгүй.

Боксын төрөлд ердөө хоёрхон эмэгтэй тамирчин оролцоно. Энэ бол дэндүү харамсалтай тоо. Олимп болон дэлхийн аваргатай Монголын топ спортын төрөл. Гэвч хариуцлагагүй удирдлагын буруугаас нэг тэмцээнээ салхинд хийсгэж, нөгөө боломжоо ашиглаж чадсангүй. Дасгалжуулалт хоцрогдсоны тод жишээг бид Бангкокийн тэмцээнээс харлаа. Риод зургаа, Токиод хоёр эрэгтэй тамирчин эрх авч байв. Харин энэ удаа нойл. Манай медаль авах шаанстай гол төрөл байсан. Хэрвээ өмнөх тэмцээнийг салхинд хийсгээгүй бол магадгүй 2-3 эрх авах байсныг үгүйсгэхгүй. Эрэгтэй тамирчид болон дасгалжуулагчдын бүрэлдэхүүнд эрс шинэчлэлт хийх шаардлагатай болжээ. 2028 оны Лос-Анжелесийн олимпод боксын спортыг багтаахгүй байх магадлал одоогоор өндөр байна. Хэрвээ тийм зүйл болбол Монголын эрэгтэй боксчдын хувьд харамсалтай.

Сүүлийн жилүүдэд монголчуудыг огшоож, сэтгэл хөдлөлийг нь дээд цэгт нь хүргэж буй спортын төрөл бол 3х3 сагсан бөмбөг. Эмэгтэйчүүд өнгөрсөн олимпод оролцсон бол энэ удаа эрэгтэйчүүд өрсөлдөх боломж 90 хувьтай байлаа. Харамсалтай нь боломжоо өөрсдөө салхинд хийсгэв.

Бусад төрлийн тухайд биелүүлэх ёстой нормоо л биелүүлэв. Дугуйчдыг сайшаах нь зүйн хэрэг. Тэд энэ удаа онцгой байсныг зориуд дурдах нь зөв биз.

Ийнхүү монголчуудын оролцох олимпын эрхийн тэмцээн хаагдаж, тоо ч эцэслэгдлээ. Одоо ганц, хоёр төрлийг эцсийн байдлаар баталгаажуулж зарлах л үлдэж байна.

https://itoim.mn/a/2024/06/21/sport/mui?7038e068de185f00e4ef6c7f7692987a

Парисын олимпод зориулсан виза картууд цөөн тоогоор гаргалаа

khulan — Tue, 21 May 2024 14:38:13 +0800

Спортын гайхамшгийг хүн төрөлхтөнд тунхаглан зарладаг XXXIII дахь удаагийн зуны олимпын наадам Парис хотноо эхлэхэд 68 хоног үлдлээ. Шилдгийн шилдэг 1000 гаруй тамирчин хурд хүч, авьяас чадвараа сорин өрсөлдөх өдрийг дэлхий нийтээрээ хуруу даран хүлээж байгаа энэ цаг мөчид ХААН Банк спортын үнэнч шүтэн бишрэгчдэдээ зориулан дахин давтагдашгүй загвартай, Монголын анхны LED гэрэлтэй төлбөрийн картыг Олон улсын олимпын хорооны тусгай зөвшөөрөлтэйгөөр харилцагчдадаа санал болгож байна.

Парисын олимпод зориулан эдгээр картыг цөөн тоогоор хэвлэсэн бөгөөд харилцагч та дебит картыг ХААН Банкны бүх онлайн сувгаар, кредит картыг өөрт ойр байрлах салбарт хандан захиалж, өөрийн хаягаар хүргүүлэн аваарай.

Виза энгийн дебит картын дэлгэрэнгүй мэдээлэлтэй танилцах бол энд дарна уу
Виза энгийн кредит картын дэлгэрэнгүй мэдээлэлтэй танилцах бол энд дарна уу

Мөн ХААН Банкнаас виза карттай харилцагчдадаа зориулан“МӨРӨӨДӨЛ БИЕЛЭХ МӨЧИЙН ТӨЛӨӨ”урамшуулалт аяныг сарын өмнөөс зарлаад байгаа билээ.

Харилцагч та 2024.04.01 - 2024.05.31-ний хооронд ХААН Банкны болон гадаадын ПОС төхөөрөмжид VISA картаа уншуулах, олон улсын вэбсайтаас онлайн худалдан авалт хийсэн 300,000₮ тутамд нэг тохирлын эрх авч аянд оролцох боломжтой юм. Аяны хугацаанд нэг харилцагч хэдэн ч тохирлын эрх авах боломжтой бөгөөд нийт 4 харилцагчийг Парисын олимп үзэх эрхээр урамшуулахаас эхний 2 харилцагч аль хэдийнэ тодроод буй. Хоёр дахь ээлжийн тохирлыг 2024 оны 6-р сарын 7-ны өдөр ХААН Банкны албан ёсны фэйсбүүк хуудсаар шууд дамжуулан тодруулна. Шууд дамжуулалтыг уламжлал ёсоор хөндлөнгийн аудитын хяналт дор явуулна.

Харилцагч та тохирлын эрхээ шалгахыг хүсвэлбанканд бүртгэлтэй утаснаасаа 131917 дугаарт "tohirol" эсвэл "tokhirol" гэсэн мессеж илгээгээрэй. Хүн төрөлхтний эв нэгдлийн бэлгэ тэмдэг болсон олимпын наадам үзэх гайхалтай урамшуулалт аянд хамтран ажиллаж буй VISA -д баярлалаа.

Жич: Байгууллагын VISA картаар тус урамшуулалд хамрагдах боломжгүй.

Хамтын өсөлт төгөлдөр – ХААН Банк

Л.Анхзаяа ДАШТ-ээс хүрэл медаль хүртлээ

egshig — Tue, 21 May 2024 09:29:06 +0800

АНЭУ-ын Абу Даби хотод жүдо бөхийн насанд хүрэгчдийн дэлхийн аварга шалгаруулах тэмцээн тавдугаар сарын 19-24-нд болж байна.

"Реал Мадрид" Аваргуудын лигийн тэмцээний финалд шалгарлаа

nomun — Thu, 09 May 2024 11:43:21 +0800

Испанийн “Реал” клубын хөлбөмбөгчид талбай дээрээ Германы “Бавариа” багийг 2:1 харьцаагаар ялснаар Аваргуудын лигийн цомын төлөөх финалд шалгарч үлдлээ. Тоглолт лхагва гарагт Мадрид хотын “Сантьяго Бернабеу” цэнгэлдэх хүрээлэнд болсон юм. Мадридын багийн тоглогч Хоселу 88 дахь минутанд болон хоёрдугаар үеийн төгсгөлд шүүгчийн олгосон нэмэлт цагийн эхний минутанд тус тус гоол оруулсан байна. Харин зочин багийн Альфонсо Дэвис 68 дахь минутанд гоолджээ. Хоёр багийн эхний тоглолт Мюнхенд болж, 2:2-ын харьцаагаар тэнцээгээр өндөрлөсөн юм.

Одоо “Реал Мадрид” баг Германы Дортмунд хотын “Боруссиа”-тай Аваргуудын лигийн цомын төлөө Лондон хотын “Уэмбли” цэнгэлдэх хүрээлэнд 6 дугаар сарын 1-нд тоглоно. Ташрамд дурдахад, өчигдөр “Бавариа”-гийн довтлогч Томас Мюллер тус багийн бүрэлдэхүүнд 151 дэх тоглолтоо хийснээр Аваргуудын лигийн тэмцээнд нэг багийн бүрэлдэхүүнд хамгийн олон тоглолтод оролцсон Испанийн хөлбөмбөгчин Хавигийн амжилтыг давтлаа. Т.Мюллер 2007 оноос хойш “Бавариа”-д тоглож байгаа бөгөөд 2013 ба 2020 онуудад Аваргуудын лигийн тэмцээнд түрүүлж байсан юм. Сонирхуулахад, өчигдөр “Бавариа”, “Реал” хоёр 2018 оноос хойш анх удаа Аваргуудын лигт учраа таарч тоглолоо. Тухайн үед хагас шигшээд “Реал” баг хоёр тоглолтын нийлбэр дүнгээр (2:1, 2:2) өрсөлдөгчөө буулган авч, улмаар финалд “Ливерпуль”-ийг ялж Аваргуудын лигийн цомыг хүртэж байв.

Парисын олимп үзэх харилцагчдад батламжаа гардан авлаа

khulan — Fri, 12 Apr 2024 18:38:42 +0800

Спортын гайхамшгийг хүн төрөлхтөнд тунхаглан зарладаг 33 дахь удаагийн зуны Олимпын наадам Парис хотноо эхлэхэд 106 хоног үлдлээ. Энэхүү наадамд 32 спортын төрлөөр 1000 гаруй тамирчин хурд хүч, авьяас чадвараа дайчлан өрсөлдөнө. Монголын баг тамирчид ч эхнээсээ Олимпын эрхээ өвөртөлсөөр буй.

Хүн төрөлхтний эв нэгдлийн бэлгэ тэмдэг гэгддэг энэхүү гайхалтай наадмыг үзэх ХААН Банкны 3 харилцагч батламжаа гардан авлаа.

ХААН Банк нийт харилцагчдынхаа дунд санхүүгийн зөв дадал зуршлыг таниулах, хуримтлалтай болгох зорилгоор хадгаламжийн урамшуулалт аяныг 2023 оны 10-р сарын 15-наас 2024 оны 3-р сарын 31-нийг хүртэлх хугацаанд зарласан билээ. Энэ хугацаанд зургаан сар болон түүнээс дээш хугацаатай төгрөгийн хадгаламжаа сунгах эсвэл орлого нэмсэн 100,000 төгрөг тутамд харилцагчид нэг тохирлын эрх олгосон юм. Нийт 6 харилцагчийг Парисын олимп үзэх эрхээр урамшуулахаас эхний 3 харилцагчийг 2024 оны 1-р сарын 10-ны өдөр ХААН Банкны албан ёсны фэйсбүүк хуудсаар шууд дамжуулан тодруулсан.

Тэгвэл аяны хоёрдугаар ээлжийн тохирол буюу 2024 оны 1-р сарын 1-нээс 3-р сарын 31-ний хооронд аяны болзол ханган тохирлын эрх авсан оролцогчдоос ийнхүү дахин гурван харилцагчийг шууд дамжуулан тодрууллаа.

Тогтмол хуримтлал үүсгэж, санхүүгийн зөв дадлыг өөртөө болон гэр бүлдээ хэвшүүлж аянд оролцсон нийт харилцагчдадаа болон тохирлын эздэдээ халуун баяр хүргэж, цаашдын ажил үйлсэд нь амжилт хүсье.

Ташрамд дурдахад та Khan Bank аппликэйшнээрээ хугацаатай хадгаламжийн дансаа нээж ирээдүйнхээ төлөө хуримтлуулах боломжтой шүү. Бидний санал болгоц буй хадгаламжийн төрлүүдээс өөрийн хүсэл зорилгод нийцэхийг сонгон хадгаламжаа өсгөөрэй. Дэлгэрэнгүй нөхцөл мэдээлэлтэй ЭНД дарж танилцана уу.

Хамтын өсөлт төгөлдөр – ХААН Банк

ХААН Банк сан Монголын Парабочигийн спортыг 5 дахь жилдээ дэмжин ажиллаж байна

khulan — Wed, 20 Mar 2024 15:13:32 +0800

ХААН Банкны нийгмийн хариуцлагыг хэрэгжүүлэгч ХААН Банк сан 2019 оноос Монголын Парабочигийн холбоотой хамтран хүүхэд залуучуудыг урт хугацаанд үр дүнтэй дэмжих, тус спортыг түгээн дэлгэрүүлэх, тамирчдыг дотоодын болон олон улсын тэмцээнд оролцоход санхүүгийн дэмжлэг үзүүлэн ажиллаж байна.

Энэ хүрээнд 2024 оны 3-р сарын 14, 15-ны өдөр Парабочигийн улсын аварга шалгаруулах тэмцээнийг хамтран байгуулж, Өмнөговь, Хэнтий, Дорнод аймаг болон нийслэлийн ерөнхий боловсролын 70, 55, 25, 63-р сургуулийн 63 тамирчин авхаалж самбаагаа сорилоо.

ХААН Банкны Үйл ажиллагаа хариуцсан дэд захирал Д.Ариунбат “ХААН Банк сан спортоор хичээллэх сонирхолтой тусгай хэрэгцээт хүүхэд, залуучуудын нийгмийн оролцоог нэмэгдүүлэхэд дэмжлэг үзүүлэн тууштай хамтран ажиллаж байгаадаа баяртай байна. Энэ жилийн хувьд бид Парабочигийн улсын аварга шалгаруулах тэмцээнээс гадна олон улсын хоёр удаагийн тэмцээнд Монголын баг тамирчдыг оролцоход санхүүгийн дэмжлэг үзүүлэхээр болсон. Монголын парабочигийн холбоо, шигшээ багийн дасгалжуулагч С.Алтанхундага болон баг тамирчид, уг спортоор хичээллэж буй нийт хүүхэд залуустаа спортын өндөр амжилт хүсье” хэмээн тэмцээний үеэр онцолсон юм.

Парабочигийн холбооны ерөнхийлөгч С.Отгонбат: “40 жилийн өмнө олимпын нэг хэсэг болж байсан Парабочигийн спорт өдгөө Монгол Улсад үүсэж хөгжөөд 7 дахь жилдээ золгож байна. Бидний зүгээс спортоор дамжуулан хүүхдүүдийн бие бялдрыг сайжруулж, оюун ухааны тэлэх үүднээс жил бүр зохион байгуулдаг улсын аварга шалгаруулах тэмцээндээ улам ач холбогдол өгч, хичээнгүй ажилласаар ирсэн. Тамирчид маань их өрсөлдөөнтэй, тэмцээндээ маш сайн оролцлоо” гэлээ.

Манай улс энэ төрлийн спортоор 2016 онд 100-д эрэмбэлэгдэж байсан бол өдгөө 47-д болж урагш ахисан бөгөөд 2026 оны Азийн аварга шалгаруулах тэмцээн, 2028 онд АНУ-д болох паралимпод Монголын баг тамирчид оролцох зорилго тавиад буй.

ХААН Банк сан 2007 онд байгуулагдсан цагаасаа хойш өнөөдрийг хүртэл нийгмийн хариуцлагын хүрээнд боловсрол, эрүүл мэнд, байгаль орчин, соёл урлаг, спорт, хүүхэд хамгаалал, нийгмийн эмзэг бүлгийнхэнд чиглэсэн нийт 510 төсөл, хөтөлбөрийг 12.5 тэрбум төгрөгөөр санхүүжүүлэн амжилттай хэрэгжүүлээд байна.

Хамтын өсөлт төгөлдөр – ХААН Банк

The MongolZ Шанхайд eXTREMESLAND-д түрүүллээ

zulaa — Mon, 29 Jan 2024 14:53:04 +0800

Улаанбаатар, 2024 оны нэгдүгээр сарын 29 /МОНЦАМЭ/. Цахим спортын CS2 төрлийн eXTREMESLAND тэмцээн гурван өдөр Хятадын Шанхай хотноо үргэлжилж, өчигдөр аваргаа тодрууллаа.

Нийт 50 мянган ам.долларын шагналын сантай энэхүү тэмцээнд Монгол Улсаа төлөөлөн The MongolZ болон монгол тамирчдаар цөмөө бүрдүүлсэн Тайландын NKT тэргүүтэй Азийн шилдгүүд өрсөлдсөн. Ийнхүү найман багаас The MongolZ баг түрүүлж, 2016 оноос хойш болж буй eXTREMESLAND-д аваргалсан анхны монгол баг боллоо.

Тэд финалд Хятадын Lynn Vision-ийг 2:0-ээр буулган авсан юм. Харин хагас шигшээд Team NKT-ийг, хэсэгтээ ACME, Tyloo зэрэг багийг хожжээ. Ингэснээр тэд 25 мянган ам.долларын эзэн болж байна. Тайландын Team NKT багийн хоёр Узбекистан тамирчин визний асуудлаар Шанхайг зорьж чадаагүй бөгөөд тэднийг орлон ATOX багийн dobu болон MiQ гэсэн монгол тамирчид тоглож, хагас шигшээд шалгарав.

The MongolZ түрүүлэхээсээ нэг хоногийн өмнө IEM Chengdu 2024-ийн Азийн сонгон шалгаруулалтын финалд Tyloo-д хожигдож, харамсалтай нь Чэндүд болох томоохон тэмцээний эрхээ алдсан билээ.

Одоо тэднийг Польшид болох IEM Katowice 2024 тэмцээн хүлээж байна. Нөгөөдөр эхлэх тэмцээний эхний тоглолтоо The MongolZ-ийн залуус Бразилын FURIA-ийн эсрэг хийнэ. Өнгөрсөн жил хоёр баг учраа тааран тоглоход The MongolZ ялж, шуугиан тарьж байсан түүхтэй.

Э.Дэлгэрмаа, Д.Отгонжаргал, Э.Бэхбаяр нар Загребт барилдана

nomun — Thu, 04 Jan 2024 13:12:42 +0800

Хорватын нийслэл Загреб хотод чөлөөт бөхийн дэлхийн чансааны оноо олгох олон улсын тэмцээн энэ сарын 10-14-нд болно. Энэ тэмцээнд Үндэсний шигшээ багийн дасгалжуулагч Т.Сүхбаатар, Ц.Цогтбаяр нарын удирдлага дор эмэгтэйчүүдийн 50 кг-ын жинд дэлхийн аваргын хошой мөнгө, нэг хүрэл медальт, гавьяат тамирчин Д.Отгонжаргал, 68 кг-ын жинд дэлхийн аваргын мөнгө, “Ханжоу-2022” Азийн наадмын хүрэл медальт Э.Дэлгэрмаа нар зодоглоно. Түүнчлэн эрэгтэйчүүдийн 61 кг-д АНУ-д амьдарч буй дэлхийн аваргын хүрэл медальт, гавьяат тамирчин Э.Бэхбаяр оролцох ажээ.

Дэлхийн чансааны оноо олгох тэмцээнд олимпын эрх авсан тамирчид оролцох, цаашлаад медаль хүртсэн тохиолдолд чансаа нь ахих ба чансаагаар дээгүүрт жагссан тамирчид олимпын наадамд хэсэг толгойлох боломж бүрддэг юм. Өнөөдрийн байдлаар Э.Дэлгэрмаа дэлхийн чансааны дэд байрт, Д.Отгонжаргал дөрөвдүгээрт байрт бичигдэж байна.

Тэд өнгөрсөн жил Сербийн нийслэл Белград хотод болсон ДАШТ-ээс хоёул мөнгөн медаль хүртэж, “Парис-2024” зуны олимпын наадамд оролцох эрхээ авсан билээ.

ОУОХ-ны Гишүүн, МҮОХ-ны Ерөнхийлөгч Б.Баттүшигтэй хийсэн ярилцлага

zulaa — Thu, 26 Oct 2023 19:07:20 +0800

- Таны энэ өдрийн амгаланг эрье. Өнгөрсөн өдрүүдэд болсон ОУОХ-ны Чуулганд Таоролцсон байсан. Олимпын хөдөлгөөнд ямар онцлох асуудлуудыг хэлэлцэж шийдвэрлэсэн бэ?

- ОУОХ-ны 141-р Чуулган энэ сарын 14-17-ны өдрүүдэд Энэтхэг улсын Мумбай хотноо зохион байгуулагдлаа. Чуулганаар флаг-футбол, крикет, лакросс, сквош болон бейсбол/софтбол нийт 5 спортын төрлийг “Лос-Анжелес 2028” Олимпын хөтөлбөрт шинээр оруулахаар хэлэлцэн баталлаа. Мөн Олимпын хартид Олимпизмын үндсэн зарчимд нийтлэг байдал, спортоор хичээллэх хүний эрхийг илүү тодотгосон нэмэлт өөрчлөлт оруулсан зэрэг олон чухал асуудлуудыг хэлэлцэж шийдвэрлэсэн нь онцлог байлаа. Түүнчлэн энэ удаагийн Чуулганаар ОУОХ найман шинэ Гишүүнээр бүл нэмсэн.

Улс эх орондоо олон улсын спортын томоохон арга хэмжээнүүдийг зохион байгуулах нь спортын хөгжилд болон эдийн засагт маш чухал ач холбогдолтой байдаг. Энэ удаагийн Чуулганаар ч мөн 2027 оны ОУОХ-ны чуулганыг Монгол улсад зохион байгуулах, 2030 эсвэл 2034 онд Залуучуудын Олимпын наадмыг эх орондоо хүлээн авах хүсэлтэй байгаагаа дахин илэрхийлээд ирлээ.

- Та МҮОХ-ны Ерөнхийлөгчөөр сонгогдоод жил хагасын хугацаа өнгөрсөн байна. Энэ хугацаанд МҮОХ-ноос өрнүүлсэн онцлох үйл ажиллагаануудаас дурдвал?

-МҮОХ-ны VIII Чуулган 2022 оны 3 дугаар сарын 28-ны өдөр хуралдаж, шинэ удирдлага бүтэц бүрэлдэхүүнээ сонгосон. Энэ хугацаанд бид ОУОХ-ны зөвлөмжийн дагуу сайн засаглалыг хөгжүүлэх үүднээс Гүйцэтгэх зөвлөл дэх эмэгтэй гишүүдийн тоог нэмэгдүүлэн хүйсийн тэгш байдлыг хангах зэрэг хэд хэдэн нэмэлт өөрчлөлтүүдийг оруулж чадсан.

МҮОХ-ны зүгээс өнгөрсөн 8 дугаар сарын 12-19-ны өдрүүдэд Улаанбаатар хотноо сүүлийн жилүүдэд зохиогдсон анхны томоохон наадам болох Зүүн азийн залуучуудын наадмыг бүхий л талаар дэмжин, зохион байгуулах хороо, Төр засгийн байгууллагууд болон бусад холбогдох байгууллагуудтай нягт хамтран ажиллаж, наадамд оролцсон баг тамирчид сэтгэл өндөр байлаа.

Мөн МҮОХ-ноос 9 дүгээр сарын 16-17-ны өдрүүдэд Монголын анхдугаар элсний наадам Дундговь аймгийн Мандалговь хотноо амжилттай зохион байгууллаа. Анхдугаар элсний наадамд 4 аймаг, 3 их дээд сургууль, 2 спортын хороо, 5 спортын клуб нийт 14 байгууллагын 120 гаруй тамирчид бадминтон, волейбол, текбол, бөхийн төрлөөр ур чадвараа сорин өрсөлдсөн. Цаашид уг элсний наадмыг илүү өргөн хүрээтэйгээр тогтмол зохион байгуулахаар төлөвлөн ажиллаж байна.

Цар тахлын улмаас нэг жилээр хойшлоод байсан Азийн наадам маань 9 дүгээр сарын 23-наас 10 дугаар сарын 8-ны өдрүүдэд БНХАУ-ын Ханжоу хотноо өрнөж МҮОХ-ноос нийт баг тамирчдын зохион байгуулалтыг хариуцан ажиллалаа.

МҮОХ-ноос Ханжоу 2022 Азийн наадамд оролцсон Монголын баг тамирчдын нэгдсэн дүн, тайланг хэлэлцэх хэлэлцүүлгийг ойрын хугацаанд зохион байгуулахаар төлөвлөж байгаа.

ОУОХ-ны Эв санааны нэгдэл, Азийн олимпын зөвлөлийн олон хөтөлбөрүүдийг хэрэгжүүлэхээр бид хүсэлтээ илгээж, спорт холбоодод хүртээмжтэй байлгах тал дээр анхааран ажиллаж байна.

Спортын хөгжилд гадаад харилцаа нэн чухал. Бид гадаад харилцаандаа түлхүү анхааран ажиллаж байна. Бусад орнуудын өндөр хөгжсөн спортын төрлүүдээс туршлага солилцох, баг тамирчдыг хамтарсан бэлтгэлд хамруулах нь өндөр үр дүнтэй ажил болдог.

Мөн бас нэгэн онцлох ажил бол “Mongolia house” төсөл. Бид ирэх Парис 2024 Олимпын үеэр Монголын соёл, ёс заншил, брэндээ сурталчилсан Монгол гэр барьж гадаадын зочид төлөөлөгчид, тамирчидад сурталчлах төслийг хэрэгжүүлж байгаа. Миний бие өнгөрсөн долоо хоногт Парис хотноо “Mongolia house” төслийг хэрэгжүүлэх тухай гэрээ байгуулсныг дуулгахад таатай байна.

- Ханжоу 2022 Азийн наадамд оролцсон манай 2 тамирчнаас допинг илэрсэн тухай олон улсын допингийн шинжилгээний газраас мэдээлсэн. Мөн Монголын Допингийн Эсрэг Үндэсний Байгууллагад үүссэн нөхцөл байдалтай холбогдуулан Олимпын наадамд Монгол улс цагаан туг дор оролцох эрсдэлтэй зэрэг олон мэдээлэл гарсан. Энэ тал дээр МҮОХ-ны байр суурь ямар байна вэ?

- Азийн наадамд оролцсон манай 2 тамирчнаас допинг илэрсэнд харамсаж байна. Тухайн тамирчин “B” сорьцоо шинжилгээнд хамруулах, спортын арбитрын шүүхэд хандах эрх нь нээлттэй байдаг. МҮОХ-ны зүгээс тамирчдынхаа эрх ашгийг хамгаалах, шударга өрсөлдөөнийг дэмжих тал дээр Дэлхийн Допингийн Эсрэг Байгууллага (ДДЭБ)-ын кодекс, дүрмийг анхааран ажиллаж байгаа.

Сүүлийн үед олон нийтийн мэдээллийн хэрэгслээр допингийн асуудалтай холбогдуулан МҮОХ-г Монголын Допингийн Эсрэг Үндэсний Байгууллага (МДЭҮБ)-ыг татан буулгах эрхтэй, МҮОХ нь допингийн асуудлаар байр сууриа илэрхийлэхгүй, анхаарахгүй байна гэсэн ташаа мэдээлэл ихээхэн гарсан. Энэ асуудлаар МҮОХ-ны зүгээс албан ёсны мэдэгдэл хийсэн байгаа.

МҮОХ нь ДДЭБ-ын кодексийн 20.5.1 дэх заалтын дагуу МДЭҮБ-ын дотоод хэрэгт хөндлөнгөөс шууд оролцох нь дүрмээр хориотой байдаг. Бид энэхүү асуудал хөндөгдөж эхэлсэн цагаас МДЭҮБ-д удаа дараа албан ёсоор хандаж, хамтран ажиллаж асуудлыг шийдвэрлэх гэж чармайлт гаргаж ирсэн. Төр засаг, БТСУХ-той хамтран энэхүү асуудалд анхаарал хандуулж, Допингийн эсрэг үндэсний дүрэм батлах үндэсний зөвлөлийн бүрэлдэхүүнд манай Тэргүүн дэд ерөнхийлөгч Ч.Наранбаатар, Дэд ерөнхийлөгч О.Одбаяр нар ажиллаж байна.

Асуудлыг зөв зүйтэй шийдвэрлэх, дахин давтагдуулахгүй байх, хэрхэн шийдвэрлэх талаар ДДЭБ болон эрх бүхий байгууллагуудтай хамтран ажиллаж ирсэн. МҮОХ-ны зүгээс тамирчдад допингийн тухай мэдээлэл өгч, олон улсын холбоодоос тавигдаж байгаа шаардлагын дагуу допингийн онлайн сургалтад хамруулан ажилладаг.

Уг асуудал анх, “Токио 2020”, “Бээжин 2022” Олимпын наадмуудад оролцсон тамирчдын шинжилгээний төлбөр төлөгдөөгүй, тамирчдаас шинжилгээ авсан төлбөрийг БТСУХ болон МДЭҮБ шийдэж чадалгүй удсанаас үүдэлтэй.

Энэ асуудлын хүрээнд МҮОХ-ноос өнгөрсөн 7 дугаар сарын 4-нд МДЭҮБ-д үүсээд буй нөхцөл байдал, асуудлын тухай сануулга албан бичиг хүргэсэн. Харин Ж.Хатанбаатар дарга 8 дугаар сарын 4-нд бидний сануулгыг эрс эсэргүүцсэн няцаалт тайлбар ирүүлсэн.

Харин ДДЭБ-аас хэрэв асуудлыг шийдэж чадахгүй бол 9-р сард болсон ДДЭБ-ийн Гүйцэтгэх зөвлөлийн хурлаар хэлэлцэж, Монголын баг цагаан туг дор оролцох эрсдэлтэй болсон тухай мэдэгдэл ирүүлж байсан.

МҮОХ-ноос ДДЭБ-д хүсэлт гаргаж, төр засгийн байгууллагуудад төлбөр төлөх гарц гаргалгааг цаг алдалгүй дэвшүүлж, бүхий л чиглэлээр холбогдох байгууллагуудтай хамтран ажилласныг дахин дурдмаар байна. МҮОХ нь тухайн асуудлыг цэгцэлж, холбох гүүр нь болсон гэж хэлж болно.

Саяхан Үндэсний бөхийн холбооны Тэргүүн Ц.Магалжав хэвлэлд ярилцлага өгсөн байсан. Уг ярилцлагад, үүсээд буй допингийн асуудал нь МҮОХ-ноос шалтгаалсан гэх илт ташаа мэдээлэл яригдсанд харамсаж байна. Ц.Магалжав Тэргүүн өнгөрсөн наадмын өмнө надтай уулзсан. МҮОХ-ны зүгээс ч үндэсний спортын төрлүүд тэр дундаа үндэсний бөхийн спортыг дэмжиж ажилладаг. Миний өмнө дурьдсан Парис 2024 олимпын наадмын үеэр хийгдэх “Mongolia House” төслийн үйл ажиллагааны үеэр үндэсний бөхийн спортыг дэлхий дахинд сурталчилах талаар ярилцаад ирсэн.

Үндэсний бөхийн холбоо тогтмол допингийн асуудалд холбогдож түүнийгээ өнөөг хүртэл шийдэж чадахгүй маргаан гомдол дагуулж байгаад монгол бөхдөө хайртай хэн бүхэн санаа зовж байгаа. Тус холбоо тамирчдаа допингоос хамгаалж, урьдчилан сэргийлэх талаар МДЭҮБ-тай хамтран ажиллах үндсэн үүрэг чиглэлтэй байдаг. Холбооны хийх ёстой гол ажлын нэг нь энэ. Гэвч асуудал арилахгүй давтамжтай гараад байгаа нь Монголын үндэсний бөхийн холбоо ДДЭБ-ын кодексын хүрээнд допингийн эсрэг тэмцэх ажлаа зохих түвшинд хангалттай хийж чадаж байгаа эсэх нь учир дутагдалтай байгааг харуулж байна.

МДЭҮБ-ын хувьд ДДЭБ-аас допингийн эсрэг байгууллага нь хараат бус байх ёстой бөгөөд МҮОХ-ны гишүүн байгууллага байх нь ашиг сонирхлын зөрчилтэй гэсэн зөвлөмж өгсөн. Иймд МҮОХ-ноос МДЭҮБ-ийн гишүүний эрхийг түдгэлзүүлэх эсэх дээр цаашид нягтлах болно.

Дашрамд хэлэхэд, МҮОХ-ноос Ханжоу 2022 Азийн наадмын үеэр Б.Бат-Эрдэнэ сайд болон ДДЭБ-ын Ерөнхий захирал Оливер Нигли нарын албан уулзалтыг зохион байгуулсан. Ирэх оны 1-р сард болох ДДЭБ-ны Гүйцэтгэх зөвлөлийн хурлаас өмнө МДЭҮБ-ын дүрмийг сайжруулж, Допингийн тухай ерөнхий хуультай болох тал дээр санал бодлоо солилцсон байгаа.

- МҮОХ-ны газрын тухай асуудал олны анхаарлыг татсан сэдэв болоод байна. Энэ талаар таны байр суурь ямар байгаа вэ?

- Анх 2012 оны МҮОХ-ны Гүйцэтгэх зөвлөлийн шийдвэрээр МҮОХ-ны зарим газрыг спорт холбоодод спортын зориулалтаар ашиглахаар шилжүүлсэн байдаг юм байна лээ.

Харин одоо яригдаад байгаа МҮОХ-ны Ерөнхий нарийн бичгийн дарга Э.Бадар-Ууганы эмнэлэг байрлах объект болон газар нь 2017 онд намайг МҮОХ-д ороход хувийн өмчийн газар байсан. Энэ тухай Э.Бадар-Ууган даргатай уулзаж, олон нийтэд хандан мэдээлэл тайлбар өгөхийг зөвлөсөн. Илүү дэлгэрэнгүй мэдээллийг түүнээс өөрөөс нь авсан нь зөв байх.

Миний бие 2017 онд МҮОХ-ны Тэргүүн дэд ерөнхийлөгчөөр, 2022 оны Чуулганаар Ерөнхийлөгчөөр сонгогдсон.

МҮОХ-ны ард байрлах бейсбол, рагби, софт теннисний холбоодод анх 2012 онд спортын зориулалтаар ашиглахаар шилжүүлсэн нийт гурван га орчим газар байгаа. Шинэ удирдлага ажлаа хүлээн авахад тэрхүү газрын зориулалтыг өөрчилсөн байсан тул бид ямар нэгэн байдлаар оролцох нь хууль эрх зүйн хувьд боломжгүй болсон. Гэсэн ч бид тус газруудыг спортын чиглэлээр үлдээх, ашиглах тухай удаа дараа албан бичиг, зөвлөмжийг холбогдох байгууллагуудад хүргэж байгаа.

Бид энэхүү асуудлыг гаргаж, дэвшүүлж эхэлсэн цагаас хойш МҮОХ-ны удирдлага руу чиглэсэн илт гүтгэлгийн чанартай буруу ташаа мэдээллүүд гарч эхэлсэн.

МҮОХ-ны үйл ажиллагааг буруу ташаа мэдээллээр гүтгэж байхын оронд спортын төлөө сэтгэл гарган, бидэнд тусалж тус газрын зарим хэсгийг ч болтугай спортын зориулалтаар үлдээхэд дуу хоолойгоо нэгтгэхийг уриалж байна.

Спортын барилга байгууламжийг сайжруулан нэмэгдүүлснээр дараа дараагийн Азийн томоохон наадмууд болон Залуучуудын олимпын наадмыг эх орондоо зохион байгуулах боломж бүрдэнэ гэж бид дүгнэж байгаа. Үүний хүрээнд МҮОХ-ноос спортын барилга байгууламжийн нарийвчилсан судалгааг гаргаж, шат дараалалтай бүтээн байгуулалт өрнүүлэх ажлыг эхлүүлэхээр хэлэлцэж байна. Тухайлбал Хөшигийн хөндий, Хүй долоон худаг зэрэг газрын дэд бүтцийг хангах судалгаа хийж, олон төрөлт спортын цогцолбор буюу “Олимпик арена” байгуулахыг зорьж байгаа. Томоохон спортын цогцолборыг хотоос зайдуу байгуулснаар Улаанбаатар хотын авто замын түгжрэлд нэмэлт дарамт үзүүлэхгүй бөгөөд, гэр хорооллыг орон сууцжуулах зэрэг олон эерэг үр дагавартай гэж дүгнэж байна.

“Чандмань-Оргил”-ын Б.Батдаваа Азийн цомоос хүрэл медаль авав

zulaa — Mon, 17 Jul 2023 16:15:52 +0800

Хонконгод болж буй Азийн цомын тэмцээний залуучуудын 66 кг жинд барилдсан “Чандмань-Оргил” дэвжээний Б.Батдаваа хүрэл медаль хүртжээ. Тэрбээр нэгдүгээр тойрогт хийлж, ялалт авсан байна. Хоёрдугаар тойрогт тус тэмцээнд жингээ толгойлон барилдсан Саудын Арабын Алрували Сабтиг цэвэр ялжээ. Гуравдугаар тойрогт Шинэ Зеландын Хайнес Конрадыг цэвэр ялж, зооны аваргын төлөө барилдаанд Өмнөд Солонгосын Ан Хунвүүд ялагдсан байна. Харин хүрэл медалийн төлөө Монголынхоо Далайбаатарыг ялж хүрэл медаль хүртжээ. Одоо тэрбээр Макаод болох тэмцээнд оролцоно.

Д.Мөнхболд: Энэ жил хийсэн шинжилгээнээс гурван бөхөөс допин илэрсэн

zulaa — Mon, 03 Jul 2023 11:34:46 +0800

Наадам дөхөхөөр Үндэсний бөхийн допингийн асуудал дэгддэг. Сүүлийн хэдэн жилийн наадмаар шөвгөрсөн бөхчүүдээс допинг илрээд байгаа нь бүр л асуудал дагуулаад байгаа.

Өнгөрсөн 20 жилийн хугацаанд нийт 38 бөхөөс допинг илэрчээ. Улсын аварга Э.Оюунболдоос Цагаан сарын барилдааны дараа авсан шинжилгээнээс допин илрэч барилдах эрхийг нь найман жилээр хассан бол үүний дараа Монголын бөхийн холбооны хүсэлтээр 11 бөхөөс авсан шинжилгээнээс мөн л хоёр бөхөөс допинг илэрсэн байна.

Тэгвэл энэ жилийн наадмаас эхлээд ганцхан улсын наадамд түрүүлж, үзүүрлэсэн бөхчүүдээс допингийн шинжилгээ авахгүй, аймгийн наадамд шөвгөрсөн бөхчүүдээс шинжилгээ авдаг болж байгаа. Аймаг, сумдын наадмаар цол олгодог хэрнэ бөхчүүдээс шинжилгээ авдаггүй учраас энэ жилээс эхлэн аймгийн наадамд шөвгөрсөн бөхчүүдээс шинжилгээ авдаг болох юм.

Бөхчүүдэд допингийн шинжилгээ хийхэд Монголын бөхийн холбооны хүсэлтээр Допингийн эсрэг байгууллага БНСУ руу сорьц явуулж шинжилгээ хийлгэдэг байна.

Допингийн эсрэг байгууллагын гүйцэтгэх захирал Д.Мөнхболд “512 бөх барилдсан жил дөрөв давсан хүн бүрээс допингийн шинжилгээ авдаг. Энэ жил 32 бөхөөс шинжилгээ авна гэсэн үг. Дэлхий дээр 27 улсад 30 ширхэг Дэлхийн допингийн эсрэг итгэмжлэгдсэн лаборатори байдаг. Заавал итгэмжлэгдсэн лабораториор шинжилгээ хийлгэдэг. Манай улс БНСУ-ын лаборатори шинжилгээ хийлгэдэг. Манай явуулсан шинжилгээний хариу 14 хоногоос сар гаруй хугацааны дотор цувраад ирчихдэг. Манайх Монголын үндэсний бөхийн холбооны хүсэлтээр шинжилгээ авдаг. Жилд дунджаар хоёр удаа хүсэлтийн дагуу шинжилгээ авдаг. Энэ жил сар шинийн барилдаанд шөвгөрсөн 16 бөхөөс шинжилгээ авсан. Мөн дараа нь МҮБХ-оос энэ хүмүүсээс шинжилгээ авна уу гэж 11 бөхийн нэртэй хүсэлт ирүүлж шинжилгээ хийлгэсэн. Үүнээс хоёр бөхөөс допинг илэрсэн.

Шинжилгээний зардлыг МҮБХ-оос төлөөд шинжилгээгээ хийлгэдэг. Үнийн хувьд тэмцээний үеийнх, тэмцээний бус үеийнх гэсэн хоёр өөр байдаг. Нэг хүний зардал 579 ам.доллар байдаг” гэлээ.

Д.Рагчаа: Архангайгаас улсын цолонд тулчихсан таван залуу бөх бий

zulaa — Tue, 27 Jun 2023 12:06:52 +0800

“Зууны мэдээ” сонин “Дугаарын зочин” буландаа Архангай аймгийн Булган сумын харьяат улсын гарьд Д.Рагчааг урилаа.

-Бөхбилэгт дэвжээ “Алтан цом”-ын эзэн болсон. Багийн бэлтгэл сайн байсан нь харагдаж байсан?

-Монголын үндэсний бөхийн холбоо “Premier sports network” хамтран “Алтан цом”-ын төлөөх барилдаан зохион байгууллаа. Нутаг нутгийн шилдэг хүчтэнээс бүрдсэн багууд бүтэн найман сарын турш өрсөлдсөн юм. Архангай аймгийн баг тэргүүлж “Алтан цом” гардан авсандаа баяртай байна. Бөхчүүд маань энэ жилийн хувьд амжилттай барилдаж түрүүлсэн. Мөн “Алтан цом”-ын барилдаандаа зориулж бэлтгэлээ ч сайн базаасан.

-Энэ цаг үед үзэгчдийг уран барилдаанаар цэнгүүлж буй хүчтэнүүд арын сайхан хангай нутагт олон бий дээ?

-Архангай аймаг үндэсний бөхийн өлгий нутаг шүү дээ. Зүлэг ногоон дэвжээндээ алдар, амжилтаа мандуулсан хүчтэн олон байгааг онцолмоор байна. Манай аймгаас төрсөн улсын цолтнуудыг тоолоод баршгүй олон бий. Ардын хувьсгалаас хойш улсын цолтой 120 гаруй бөх төрсөн.

-Улсын баяр наадам ойртож байна. Танай нутгаас төрийн наадмын түрүү бөх тодрох болов уу?

-Нутгийнхаа залуусын дээлний захыг мушгиж, амжилт гаргахыг нь хүлээж байна даа. Манай арын сайхан хангай нутгаас энэ жил аймгийн арслан цолтой, улсын цолонд тулчихсан таван залуу бөх бий. Мөн улсын заан, гарьд цолонд зүтгэх хэд хэдэн ирээдүйтэй хүчтэн байгаа шүү. Төрийн наадамдаа түрүүлэх чансаатай байгаа гэдэгт итгэж байна. Улсын баяр наадамд бөх хүний бүтэн жилийн хөдөлмөрийн үр шим гардаг. Тиймээс хэн илүү хичээж, ухаан зарсан нь цолонд хүрнэ.

-Амжилт гаргахын тулд бэлтгэл чухал. Архангай аймгийн бөхчүүд хэзээнээс бэлтгэлдээ гарсан бэ?

-Мэдээж бэлтгэл, сэтгэлзүй чухал нөлөөтэй. Манай нутгийн бөхчүүд энэ сарын 14-нөөс улсын баяр наадмын бэлтгэлдээ гарсан. Наадмаас өмнөхөн бэлтгэлээсээ бууна даа. Тэгээд л улсын наадамдаа зодоглоно. Нутгийнхаа хүчтэнүүдийг өндөр амжилт гаргана гэдэгт итгэлтэй байна.

-Улсын баяр наадмын дараа бөхчүүд бусад наадмуудад очиж барилддаг юм билээ?

-Монгол Улсын ууган дөрвөн аймгийн нэг болох Архангайн түүхт 100 жилийн ой тохиож байна. Ойд зориулсан баяр наадам ирэх сарын 26,27,28-ны өдрүүдэд болно. Одоогоор 256 бөх барилдах төлөвтэй байгаа боловч, бусад аймгийн бөхчүүд өргөнөөр оролцож 512 бөх барилдах боломжтой. Нутгийн 100 жилийн ойгоор олон сайхан цолтон төрөөсэй гэж бодож байна.

Г.АНУЖИНЭх сурвалж: “Зууны мэдээ” сонин

"Манчейстер Юнайтед" зургаан тэрбум доллараар клубийг зарах хэлэлцээг шейхтэй хийж байна

zulaa — Mon, 26 Jun 2023 13:42:54 +0800

Катарын шейх Жасим бен Хамадо Аль Тани тэргүүтэй консорциум клубийг худалдан авах хэлэлцээрийн онцгой эрхийг олгох талаар "Манчестер Юнайтед" клуб хэлэлцэж байгаа гэнэ. Энэ талаар холбогдох эх сурвалжаас авсан мэдээлэлтэйгээр Ройтерс дамжуулжээ.

Эх сурвалжийн мэдээлснээр, зургаан тэрбум гаруй доллараар үнэлэгдэж буй хэлэлцээрийн үр дүн хэрхэн гарах нь одоогоор тодорхойгүй байгаа гэнэ. Хөлбөмбөгийн клубийг тэрбумтан Жим Рэтклифф ч худалдан авах сонирхолтой байгаа бөгөөд харин клубийнхэн шейхийн саналд "илүү нааштай хандаж байгаа" гэж эх сурвалж өгүүлжээ.

Манчестер Юнайтед клубийг худалдан авах хэлэлцээр өрнөж буй энэ үед тус клубийн нэгж хувьцаа Нью-Йоркийн бирж дээр 15 хувиар өсөж, 25,53 доллар болсон байна. Катарын шейх энэ клубийг худалдан авах хүсэлтэй байгаа талаарх мэдээлэл энэ оны хоёрдугаар сард гарч байлаа. Тухайн үед хэлэлцээрийн үнэ 4,5 тэрбум евро байв. Харин дөрөвдүгээр сард шейх энэ клубийн төлөө 6,3 тэрбумыг амалж, улмаар зургадугаар сард 7,5 тэрбум долларын санал тавьж, энэ нь эцсийн санал хэмээж байлаа.

Г.Бямбасүрэн

http://www.shuud.mn/a/550353

"Алтан цом"-ын эзнээр тодорсон Архангайн бөхчүүд 200 сая төгрөг гардлаа

zulaa — Mon, 05 Jun 2023 14:10:50 +0800

Монголын үндэсний бөхийн холбооны үндэсний “Алтан цом”-ын төлөөх барилдаан зургаан сарын турш үргэлжилж, өндөрлөлөө. 21 аймаг, 9 дүүргийг хамарсан Монгол бөхийн бүх гал, багуудын нийт 32 багийн 192 хүчтэн оролцсон "Алтан цом"-ын төлөөх барилдааны сүүлийн шатанд Булган болон Архангай аймгийн бөхчүүд хүч үзэн, 16:9-өөр Архангайчууд ялалт байгуулж, анхны алтан цомын эзэн боллоо. Харин багийн барилдаанд ялсан баг тус бүр барилдаан бүрийн дараа 5.000.000 төгрөг авч байсан бөгөөд барилдааны нэг давааг 100.000 төгрөгөөр тооцож урамшуулал олгосон юм.

"Алтан цом"-ыг 200 сая төгрөг дагалдсан бол дэд байрт шалгарсан Булган аймгийн багт 50 сая төгрөг олгожээ.

Үндэсний "Алтан цом"-ын загварыг уран барималч, зураач МУСТА Ж.Түмэнчулуун гаргасан бол уран дархан Б.Алтангэрэл хагас жилийн хугацаанд бүтээн туурвисан байна. Үнэт чулуун суурин дээр Их Юань гүрний үеийн Алтан хундагыг байрлуулж, Идэр залуу дөрвөн аваргаар түшүүлсэн энэхүү Алтан цом нь 0.6 метр өндөр, 43 кг жинтэй бүтээгджээ.

"Алтан цом"-ын суурийг хар ногоон өнгийн үнэт чулуугаар хийсэн нь Монгол бөхийн зүлэг ногоон дэвжээ үүрд оршихыг бэлгэдсэн бөгөөд найман талт суурь нь Монгол орны дөрвөн зүг, найман зовхисыг бэлгэдсэн байна. Мөн чулуун суурийн 3 давхар үе нь Монгол бөхийн өнгөрсөн, одоо, ирээдүй гурван үеийн бэлгэдэж, бүхий л цаг үед Монгол бөхийн дэвжээ хад чулуу мэт бат оршин байхын илэрхийлэл юм. Найман тал, 3 үетэй энэхүү чулуун суурин дээр нийт 24 ширхэг мөнгөн хавтанг байрлуулсан байна.

Архангай аймгийн баг Өвөрхангай аймгийг яллаа

nomun — Tue, 04 Apr 2023 10:24:47 +0800

Монголын Үндэсний Бөхийн Холбооны Үндэсний “Pepsi” “Алтан цом”-ын төлөөх шигшээ барилдааны дөрөвдүгээр тойргийн барилдаанд Архангай Өвөрхангай аймгийн багууд учраа тааран барилдсанаас Архангай аймгийн баг 15:10-аар ялалт байгуулж, дөрвөн тойргийн дараах байдлаар дөрөв дэх ялалтаа авлаа.

Архангай аймгийн багш улсын харцага Б.Зоригтбаатар /2/, улсын харцага О.Мөнх-Эрдэнэ /5/, аймгийн хурц арслан С.Сүхбат /3/, цэргийн арслан Л.Отгонбаатар /0/ гуравдугаар тойргоос сэлгээнд сууж, түүний оронд орж барилдсан улсын арслан Р.Пүрэвдагва /3/, аймгийн арслан Э.Мөнхжаргал /2/ нийт 15 даваа авсан бол Өвөрхангай аймгийн багт улсын харцага Б.Цэдэнсодном /3/, улсын харцага Ц.Бямба-Отгон /3/, улсын начин Б.Сангисүрэн /0/ гуравдугаар тойргоос сэлгээнд сууж, түүний оронд орж барилдсан аймгийн арслан Ж.Наранбаатар /2/, улсын начин Б.Лхагвадорж /0/, аймгийн арслан Т.Довчинсэмбээ /2/ нийт 10 даваа авсан юм.

Өнөөдөр 20:00 цагаас Завхан, Төв аймгийн багууд барилдана.

МОНГОЛЫН ҮНДЭСНИЙ БӨХИЙН ХОЛБОО

Швед 2030 оны өвлийн олимпыг зохион байгуулах боломжийг судална

nomun — Fri, 10 Feb 2023 11:05:55 +0800

Шведийн Олимп, Паралимпын хороод 2030 оны өвлийн олимпын наадмыг зохион байгуулах боломжийг судлахаар болсон талаараа лхагва гарагт мэдэгдлээ.

Олон улсын олимпын хороо /ОУОХ/ уг наадмыг зохион байгуулах хотыг сонгох хугацаагаа хойшлуулаад байгаа энэ үед Скандинавын орон дээрх мэдэгдлийг хийжээ.

2021 онд Токио хотод болсон зуны олимптой холбоотой дуулиан гарахаас өмнө 2030 оны өвлийн наадмыг Японы Саппоро хотод зохион байгуулах магадлал өндөр байсан юм. Мөн АНУ-ын Солт-Лейк хотын эрх баригчид 2034 оны олимпыг зохион байгуулахыг эрмэлзэж байгаагаа илэрхийлсэн байна.

Харин Шведийн Олимп, Паралимпын хороод болон Спортын холбоо 2030 оны өвлийн олимпыг зохион байгуулах боломжийг судлах ажлыг эхлүүлж, судалгааныхаа тайланг ирэх дөрөвдүгээр сарын 20-ны өдөр танилцуулна гэж мэдэгджээ.

1912 оны зуны олимпыг зохион байгуулж байсан Швед өвлийн спортод өндөр амжилт үзүүлдэг ч өвлийн олимпыг зохион байгуулж байгаагүй юм. Тус улс өвлийн наадам зохион байгуулах эрхийн төлөө найман удаа өрсөлдөж байжээ.

Э.Хулан

Эх сурвалж: "Монцамэ" агентлаг

Архангай аймгийн баг шигшээ барилдааны эхний тойргийн ялалтаа авлаа

zulaa — Mon, 06 Feb 2023 09:05:48 +0800

Монголын Үндэсний Бөхийн холбооны Үндэсний "Pepsi АЛТАН ЦОМ"-ын төлөөх шигшээ барилдааны нэгдүгээр тойргийн дөрөв дэх барилдаанд Архангай – Завхан аймгууд учраа тааран өрсөлдсөнөөс Архангай аймгийн баг 15:10-аар ялалт байгуулав.

Архангай аймгийн багт улсын гарди М.Бадарч /4/, улсын харцага Б.Зоригтбаатар /3/ улсын харцага О.Мөнх-Эрдэнэ дөрөвдүгээр тойргоос сэлгээнд сууж, оронд нь орж барилдсан улсын арслан Р.Пүрэвдагва /2/, аймгийн хурц арслан С.Сүхбат /2/, аймгийн арслан Э.Мөнхжаргал /4/, нийт 15 даваа авсан бол Завхан аймгийн багт улсын заан М.Лхагвагэрэл /3/, улсын харцага Л.Лха-Очир /3/, улсын харцага Ш.Пүрэвгарьд /4/ улсын начин Б.Чимэдвандан /0/, улсын начин Т.Дүгэрдорж /0/, нийт 10 даваа авсан юм.

Улсын начин Т.Дүгэрдорж, аймгийн хурц арслан С.Сүхбат нарын гуравдугаар тойргийн барилдаан удааширч үндсэн цаг дууссан тул Үндэсний бөхийн барилдааны дүрмийн дагуу Цэцүүд хэлэлцээд аймгийн арслан С.Сүхбатыг идэвхээр давсан гэж шийдвэрлэлээ.

Барилдсан бөхчүүд давааны мөнгөө авах бөгөөд ялсан баг 3.000.000 төгрөгийг Архангай аймгийн нэгдсэн эмнэлгийн Эмчилгээ эрхэлсэн дэд захирал н.Энх-Амарт шууд гардуулж өгсөн бол хожигдсон баг 2.000.000 төгрөгийг “Ихэр зүрхэнд амьдрал бэлэглэе” аянд хандивлах юм.

Архангай аймгийн багийн дасгалжуулагчаар улсын гарди Д.Рагчаа, улсын начин Ч.Ганзориг, Завхан аймгийн багийн дасгалжуулагчаар МУГД, улсын начин Б.Адъяахүү нар ажиллалаа.

Маргааш өдөр 12:00 цагаас “Жем интернэшнл” группийн нэрэмжит “Улсын харцага цолны хүндэтгэл” Улс, аймгийн алдар цолтой 256 бөхийн барилдаан болно.

МОНГОЛЫН ҮНДЭСНИЙ БӨХИЙН ХОЛБОО

Улсын гарди М.Бадарч нэг өдрийн зайтай түрүү, үзүүр хүртэв

zulaa — Mon, 30 Jan 2023 10:49:40 +0800

Малчин телевизийн 10 жилийн ойд зориулсан Улс, аймгийн алдар цолтой 256 бөхийн барилдаанд Арангай аймгийн Цэнхэр сумын харьяат, “Алдар” спорт хороо, “Нутгийн буян” групп, “Бөхбилэгт” дэвжээний бөх, улсын гарди Мягмарын Бадарч 8 даван түрүүлж, Баянхонгор аймгийн Баянбулаг сумын харьяат, “Хүч” спорт хороо, “Мөнхийн үсэг” групп, “Нэгдэл” клуб, “Их Богд” дэвжээний бөх, улсын үнэн зоригт харцага Нацагсүрэнгийн Золбоо үзүүрлэлээ.

Их шөвгийн дөрөвт Сэлэнгэ аймгийн Цагааннуур сумын харьяат, Цагааннуур сумын харьяат, “Алдар” спорт хороо, “Атар трейд” ХХК, “Таван-Хан” дэвжээний бөх, шинэ, залуу улсын арслан Б.Орхонбаяр, Өвөрхангай аймгийн Төгрөг сумын харьяат, “Алдар” спорт хороо, “Нутгийн буян” групп, “Их Монголын хүчтэн” дэвжээний бөх, улсын харцага Ц.Бямба-Отгон нар шалгарлаа.

Дунд шөвгийн наймд улсын харцага Х.Гантулга, улсын начин Д.Хүдэрбулга, улсын начин Д.Цэрэнтогтох, аймгийн арслан А.Нармандах нар үлдэв.

Ирэх долоо хоногт буюу 2023 оны хоёрдугаар сарын 1-ний өдрийн 20:00 цагаас Алтан цомын төлөөх цувралын шигшээ найман багийн барилдаан эхэлнэ.

Эхний өдөр 20:00 цагаас Увс болон Булган аймгууд барилдах бол

хоёрдугаар сарын 2-нд 20:00 цагаас Баян-Өлгий – Өвөрхангай,

хоёрдугаар сарын 3-нд 20:00 цагаас Төв – Баянхонгор,

хоёрдугаар сарын 4-нд 16:00 цагаас Архангай – Завхан аймгууд учраа тааран барилдана.

Мөн хоёрдугаар сарын 5-нд 12:00 цагаас "Жем Интернэшнл" ХК-ийн нэрэмжит "Улсын харцага цолны хүндэтгэл"-ийн улс, аймгийн алдар цолтой 256 бөхийн барилдаан болно.

О.Доржсамбуу: Би анх аав, ах нарынхаа зодог шуудгаар гангардаг байлаа

zulaa — Tue, 17 Jan 2023 10:19:20 +0800

Б.Нямсүрэн

“Зууны мэдээ” сонин энэ удаагийн "Дугаарын зочин"-оор Архангай аймгийн Батцэнгэл сумын харьяат сумын заан О.Доржсамбууг урилаа.Тэрбээр дөрөв дэх үеийн бөх ажээ.

-Та багаасаа бөхөөр хичээллэжээ. Мэдээж бөхийн удамтай учир үүнээс өөр сонирхол, сонголт байгаагүй байх, тийм үү?

-Би анх волейболоор хичээллэж байсан. Ээжийн маань төрсөн дүү волейболын багш. Тиймээс гуравдугаар ангиасаа гар бөмбөг сонирхсон. Харин 14 наснаасаа барилдаж эхэлсэн. Мэдээж аав, өвөө, ах нарынхаа барилдааныг харж, үлгэр дуурайлал авдаг байлаа. Тиймээс эдгээр эрхэм хүмүүс шигээ бөх болъё гэж шийдээд үндэсний бөхөөр анх хичээллэж эхэлсэн. Бага байхад ч нутгийнхан намайг “Энэ хүүхэд бөх болно” гэж хэлж, ерөөдөг байсан. Мөн үндэсний бөхөөс гадна жүдо бөхөөр бэлтгэл хийж, өсвөр залуучуудын тэмцээнд оролцож байсан туршлага бий.

-Монгол бөхийн ген удам дамждаг. Таны өвөө, аав, ах нар нь аймгийн цолтой бөхчүүд байдаг гэсэн үү?

-Аав минь Архангай аймгийн Батцэнгэл сумын харьяат аймгийн арслан Х.Оргилсайхан гэж хүн бий. 18 наснаасаа эхлэж барилдсан. Ид барилдаж байхдаа чөлөөт болон үндэсний бөхийг хослуулан хичээллэсэн. 1997 онд Залуучуудын УАШТ-д түрүүлж байсан юм билээ. Мөн улсын аваргаас ч медаль хүртэж байсан гэдэг. Харин 1999 онд сумын заан болсон. 2002 онд аймгийнхаа наадамд түрүүлж, арслан цол хүртсэн түүхтэй. Харин өвөө маань Д.Хэнмэдэх гэж бөх хүн байсан. 1940 онд Архангай аймгийн Батцэнгэл суманд түрүүлсэнээр сумын заан цол авсан. Мөн аймгийн наадамд долоон удаа шөвгөрсөн, сумын наадамд 10 удаа түрүүлж байсан гэдэг. Барилдааны хувьд их хурдан шуурхай барилдаантай байсан гэж сонссон. Мөн өвөөгийн маань аав н.Дамдин гэж сумын заан цолтой бөх хүн байсан юм билээ. Ингээд би энэ удмын дөрөв дэх үеийн бөх. Энэ сайхан хүмүүсийн үргэлжлэл болж, зүлэг ногоон дэвжээндээ зодоглож байгаадаа үргэлж талархдаг.

-Аавынх нь талд барилддаг бөх олон юм. Харин ээжийнх нь талд бөхийн удам бий юу?

-Ээжийн маань тал мөн л бөхийн удамтай. Ж.Дагва-Очир ах маань 2017 онд дархан аварга Г.Өсөхбаяраар тав давж, улсын начин болсон байдаг.

-Эдгээр бөхчүүд өөрсдийнх нь араас бөхийн удмыг нь залгамжилж яваа танд юу гэж захиж, сургадаг вэ?

-Даруу байдлыг эрхэмлэж, бэлтгэлээ тууштай, сайн хийхийг зөвлөдөг. Спорт тэр дундаа бөхөөр хичээллэх нь бие бялдрын зөв хөгжлийг олж авна. Мөн бөх хүний давуу тал нь хүн байх төлөвшилд сургадаг юм болов уу.

-Та өнгөрсөн жил сумын заан болсон. Өгийнуур сумын наадамд түрүүлсэн гэсэн үү?

-Анхны цолоо өнгөрсөн жилийн наадмаар авсан. Манай Батцэнгэл сумын наадам Өгийнуур сумын наадмаас хэд хоногийн өмнө болсон юм. Тухайн үед би шөвгийн дөрөвт үлдээд унасан. Гэтэл намайг давсан бөх Өгийнуур сумын наадамд барилдана гэдгийг нь сонсоод тэр наадам дээр л даагаа нэхэж, давъя гэж бодсон. Миний бодсоноор бид ч таарч, би давсан. Ингээд сумын заан цол хүртсэн. Би цолонд хүрээгүй байхдаа аав, ах нарынхаа зодог шуудгаар гангардаг байлаа. Харин сүүлд сумын заан болоод шинэ зодог шуудагтай болсон шүү.

-Амжилт гаргахад багш чухал үүрэгтэй. Одоогоор ямар багшийн удирдлага дор бэлтгэлээ хийж байна?

-Анх 2020 оюутан болж хотод ирсэн. Өнгөрсөн онд “Алдар” спорт хороонд Ц.Хосбаяр багшийн удирдлага дор чөлөөт бөхөөр хичээллэсэн. Гавьяат тамирчин, цэргийн арслан Л.Отгонбаатар ахтайгаа бэлтгэл хийдэг. Харин үндэсний бөхөөр Улсын гарди Д.Рагчаа, Улсын начин Ч.Ганзориг багш нарынхаа удирдлага дор бэлтгэлээ хийж байна.

-Залуу бөхийнхөө хувьд ирээдүйгээ хэрхэн хардаг бол?

-Миний хэтийн зорилго бол улсын том цолонд хүрэх. Зүүлэг ногоон дэвжээндээ сайхан барилдаж, удмынхаа нэрийг өндөрт өргөмөөр байна. Үүний тулд бэлтгэлээ тогтмол хийж, сэтгэл зүйгээ ч сайн бэлтгэх ёстой. Мөн өөрөөсөө том цолтой бөхчүүдтэй сайн барилдаж, туршлага хуримтлуулмаар байна.

Эх сурвалж: "Зууны мэдээ" сонин

Монгол залуу Японы сүмогийн оюутны аварга боллоо

nomun — Tue, 08 Nov 2022 11:30:05 +0800

Японы оюутны аварга шалгаруулах сүмо бөхийн тэмцээн өчигдөр Токио хотын “Рёогокү Кокүгикан” ордонд боллоо. 100 дахь удаагийн ганцаарчилсан барилдаанд Ниппон спортын шинжлэх ухааны их сургуулийн дөрөвдүгээр дамжааны оюутан Батжаргалын Чойжилсүрэн түрүүлэв.

Тэрбээр тус нэр хүндтэй тэмцээнд аваргалсан гурав дахь монгол сүмоч. Түүнээс өмнө 94 дэх удаагийн барилдаанд Миторюү Б.Төрболд, 98 дахь удаагийнхад Оошёоүма П.Дэлгэрбаяр нар түрүүлж байв.

ХААН Банкны нэрэмжит 3х3 сагсан бөмбөгийн тэмцээн орон даяар амжилттай болж өндөрлөлөө

zulaa — Fri, 07 Oct 2022 14:56:28 +0800

Монголын тамирчид FIBA 3х3 сагсан бөмбөгийн Дэлхийн аварга шалгаруулах тэмцээнд 2018 онд анх оролцсоноос хойш богино хугацаанд өндөр амжилт гаргаж 3х3 сагсан бөмбөгийн эрэгтэй баг 2022 онд дэлхийн хэмжээнд есдүгээрт эрэмбэлэгдсэн билээ. Монголын тамирчид мөн 2020 онд түүхэндээ анх удаа олимпод багийн спортоор, тэр тусмаа 3х3 сагсан бөмбөгийн төрөлд оролцсон нь цаашдаа ч энэ спортоор амжилт гаргах ирээдүй байгааг харуулсан юм. Энэхүү амжилтыг үнэлэн Монгол Улс 2023 онд олон улсын болон дэлхийн хэмжээний 3х3 сагсан бөмбөгийн тэмцээнүүдийг эх орондоо зохион байгуулах эрх аваад буй.

ХААН Банк нийгмийн хариуцлагын хүрээнд урлаг, спортыг тууштай дэмжиж ирсэн бөгөөд Монгол Улсад багийн спортыг хөгжүүлэх, хүүхэд залуусын чөлөөт цагаа зөв боловсон өнгөрүүлэх, спортоор хичээллэх сонирхлыг нь дэмжих, цаашлаад их спортын ертөнцөд эх орныхоо нэрийг дуурсгах ирээдүйн аваргуудыг бэлтгэх үйлсэд хувь нэмрээ оруулах зорилгоор өнгөрсөн онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан билээ.

Тэгвэл энэ жил ХААН Банк Сангаас орон нутгийн сагсан бөмбөг сонирхогч, ерөнхий боловсролын сургуулийн 9-12 дугаар ангийн сурагчдын дунд ХААН Банкны нэрэмжит 3х3 сагсан бөмбөгийн тэмцээнийг зохион байгуулж, тус бүр эрэгтэй эмэгтэй ангилалд аварга багуудаа шалгарууллаа.

Тэмцээний тэргүүн байр эзэлсэн баг 1,000,000 төгрөг, дэд байр 700,000 төгрөг, гутгаар байр 500,000 төгрөгийн шагнал хүртсэн юм.

ХААН Банкнаас компанийн нийгмийн хариуцлагын хүрээнд хэрэгжүүлж буй энэхүү төсөл хүүхэд залууст чөлөөт цагаа зөв боловсон өнгөрүүлэх боломж олгон, их спортын ертөнцөд эх орноо төлөөлөх тамирчдын мөрөөдөл, тэмүүлэлд хүч нэмэх орон зай болно гэдэгт итгэж байна.

Хамтын өсөлт төгөлдөр - ХААН Банк

Монголын анхны ХАДАНД АВИРАЛТЫН НААДАМ 2022 оны 09 дүгээр сарын 23,24,25-ний өдрүүдэд Горхи-Тэрэлж байгалийн цогцолбор газарт болох гэж байна

zulaa — Thu, 22 Sep 2022 21:47:37 +0800

Монголын анхны ХАДАНД АВИРАЛТЫН НААДАМ 2022 оны 09 дүгээр сарын 23, 24, 25-ний өдрүүдэд Горхи-Тэрэлж байгалийн цогцолбор газарт болох гэж байна
Хаданд авиралтын наадам нь:

Чөлөөт хадны авиралт
Бооцоот авиралт
Сонирхогчдын авиралт
Хаднаас буух
Йога
Латин америк бүжиг, чөлөөт бүжиг , Cover night
Нуувч олох аяллын тэмцээн
Хаданд авиралтын анхан болон дунд шатны сургалтууд,
Амьд хөгжмийн тоглолт, DJ шоу зэрэг энтертайнмент үйл ажиллагаагаар дүүрэн шинэ цагийн спорт хөгжим хосолсон наадам болох гэж байна.

АЯЛЛЫН ХӨТӨЛБӨР

Тасалбар

Төрөл: 1 хүн - 60,000 ₮

Төрөл: Найзуудын багц 5+1 - 300,000 ₮

Төрөл: VIP - 150,000 ₮

Ulaanbaatar Climbing Festival 2022

Зохион байгуулагч
Уулчдын Үндэсний Холбоо
Хаана
Тэрэлж байгалийн цогцолбор газарт
Хэзээ
2022.09.23
Цаг
10:00

Ulaanbaatar Climbing Festival – 2022 нь Red Rock амралтын газраас цааш ердөө 1.8 км-т байрлах бөгөөд замаасаа урагш гараад 300 метрт байрлаж байна. Мөн google map дээр “Climbing Rock” гэж хайхад байршил гарч ирнээhttps://goo.gl/maps/cuB7kyoDNZkA4UnAAТасалбар: https://joinme.mn/products/climbingfestival-2022Дэлгэрэнгүй мэдээллийг :99001415Ulaanbaatar Climbing Festival Facebook хуудсаар авна уу Хөтөлбөрт хаданд авиралтын сургалт, хамгаалалттай авиралт хийх, амьд хөгжмийн хамтлагийн тоглолт, мэргэжлийн ДЖ шоу зэрэг багтсан. Хамтлагууд: The Lemons, Nisvanis, A sound, Bulsara, Аравт, Аяс хамтлагууд ая дуугаа өргөнө.

Чөлөөт бөхийн үндэсний шигшээ баг Белградыг зорив

nomun — Wed, 07 Sep 2022 10:54:35 +0800

Монголын чөлөөт бөхийн үндэсний шигшээ багийн тамирчид есдүгээр сарын 10-18-нд Сербийн нийслэл Белградад болох насанд хүрэгчдийн Дэлхийн аварга шалгаруулах тэмцээнд оролцохоор өнөөдөр өглөө эх орноосоо мордов. Манай эрэгтэй бөхчүүд 1963 онд, эмэгтэй бөхчүүд 2001 онд Болгарын нийслэл Софид болсон ДАШТ-ээс эхлэн мөрөө гаргасан бөгөөд 7 алт, 21 мөнгө, 41 хүрэл, нийт 69 медалийг эх орондоо авчираад байна.

Эрэгтэйчүүдийн 52, эмэгтэйчүүдийн 33 дахь удаагийн тэмцээнд чөлөөт бөхийн үндэсний шигшээ багийн ахлах дасгалжуулагч гавьят дасгалжуулагч Ц.Баярсайхан, үндэсний шигшээ багийн дасгалжуулагч, гавьяат дасгалжуулагч Т.Сүхбаатар, Б.Баяраа, гавьяат тамирчин Ц.Цогтбаяр, ОУХМ Б.Батзориг, спортын мастер С.Мөнхдуулдах нарын удирдлага дор эрэгтэй, эмэгтэй бүтэн багаараа оролцох юм.

Манай тамирчдаас ОУХМ Ө.Батзул таван жил дараалан дэлхийн дэвжээнд зодоглоно. Тэгвэл ОУХМ Э.Даваачимэг дөрөв, гавьяат тамирчин С.Цэрэнчимэд гурав, ОУХМ М.Лхагвагэрэл, Д.Отгонжаргал, Б.Бат-Эрдэнэ, Г.Ганхуяг, Э.Дэлгэрмаа, Э.Даваанасан нар хоёр дахь удаагаа, үлдсэн 11 тамирчин дэлхийн шилдгүүдтэй анх удаа нүүр тулах юм. Монголын бөхчүүддээ Белградын дэвжээнээс олон медаль хүртэж, гялалзтал барилдахыг хүсч захыг нь мушгих үлдлээ гэж Монголын чөлөөт бөхийн холбооноос мэдээллээ.

Тэмүүлэл бэлэглэх 3х3 сагсан бөмбөгийн шинэ талбайнууд

zulaa — Mon, 25 Jul 2022 14:45:15 +0800

Дэлхийн спорт болсон сагсан бөмбөгийн спортод амжилт гаргах цаг Монголын ирээдүй болсон хүүхэд залууст ойрхон харагдаж байгаа билээ. Энэ спортоор хичээллэж буй залуусын хүсэл мөрөөдлийн нэг хэсэг нь дэлхийд эх орныхоо нэрийг мандуулах биз ээ. Олон улсын хэмжээнд ч монгол залуусын төлөөллийг 3х3 сагсан бөмбөгийн дэлхийн шилдэг 60 тамирчны тоонд оруулаад буй. Сагсан бөмбөгийн спортод залуусаар тогтохгүй эмэгтэй тамирчид ч амжилтын жимийг гаргасаар байна. Тухайлбал, “Токио-2020” олимпын наадамд манай эмэгтэй баг тамирчид улсаа төлөөлөн энэ төрлөөр хүч үзсэн нь монголчуудыг баярлуулж, дэлхийн спорт сонирхогчдын анхааралд өртсөн. 10 хүрэхгүй жилийн хугацаанд гудамжны спортоос олимпын наадмын нэгэн төрөл болтлоо хөгжиж чадсан сагсан бөмбөгийн энэхүү төрөл нь монгол залуусын хувьд хүртээмжтэй, сонирхон дурладаг спорт нь болж чаджээ.

Энэ чиг хандлагыг дагахын зэрэгцээ хүүхэд, залуусын эрүүл мэнд, амьдралын зөв дадал хэвшилд хувь нэмрээ оруулахаар ХААН Банк Сан нийгмийн хариуцлагын хүрээнд 2021 онд 21 аймаг болон нийслэлийн Багануур, Багахангай дүүрэгт 3х3 сагсан бөмбөгийн талбай байгуулах ажлыг амжилттай зохион байгуулсан юм. Тэгвэл 2022 онд нийслэлийн долоон дүүрэг, Зүүнхараа, Замын-Үүд суманд 3х3 сагсан бөмбөгийн жишиг талбайг байгуулах ажлыг эхлэн одоогоор эхний долоон талбайг хүлээлгэн өгөөд байна. Ирэх 8-р сард Чингэлтэй, Сүхбаатар дүүрэгт энэхүү ажлыг гүйцэтгэснээр улсын хэмжээнд нийт 30 талбайг бүтээн байгуулах юм.

ХААН Банк Сангийн байгуулсан уг сагсан бөмбөгийн талбайнууд олон улсын стандартад нийцсэн резинэн зөөлөвчтэй шал, материал, тоноглолоор хийгдсэн бөгөөд тэнд тоглох хүүхэд, залуусын эрүүл мэнд, аюулгүй байдалд онцгой анхаарч, мэргэжлийн байгууллагуудтай энэ тал дээр хамтран ажилласан.

Нийгмийн хариуцлагаар түүчээлэгч ХААН Банк түүхт 30 жилийнхээ ойг тохиолдуулан бүтээн байгуулсан 3х3 сагсан бөмбөгийн талбайнуудаа Улаанбаатар хотын дүүрэг, аймгуудын ЗДТГ, биеийн тамир спортын хороо, ерөнхий боловсролын сургуулиуд зэрэгт хүлээлгэн өгч байгаа бөгөөд хүлээн авсан холбогдох газрууд цаашдын ашиглалт, арчилгаанд хяналт тавин ажиллана.

ХААН Банкнаас компанийн нийгмийн хариуцлагын хүрээнд хэрэгжүүлж буй энэхүү төсөл чөлөөт цагаа зөв боловсон өнгөрүүлэх боломжийг хүүхэд залууст олгон, их спортын ертөнцөд эх орноо төлөөлөх тамирчдын мөрөөдөл, тэмүүлэлд хүч нэмэх орон зай болж, амьдралын чанарыг дээшлүүлэх, эрүүл тэнцвэртэй амьдралыг эрхэмлэсэн нийгмийг бүтээхэд тусална гэдэгт итгэлтэй байна.

Хамтын өсөлт төгөлдөр-ХААН Банк

Аймгуудын наадамд хэн хэн түрүүлж, үзүүрлэв?

zulaa — Thu, 21 Jul 2022 20:34:48 +0800

Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадам Монгол орны 21 аймаг, 330 сумдад зохион байгуулагдаж байгаа билээ.

Өнөөдрийн байдлаар 16 аймаг, 2 дүүргийн баяр наадмууд долоон даваатай явагдаж үзүүр, түрүүгээ шалгаруулаад байгаа. Энэхүү хүчит бөхийн барилдаанд хаанахын хэн түрүүлж, үзүүрлэн, Их шөвөгт үлдсэн талаар та бүхэнд танилцуулж байна.

Архангай аймаг – Хашаат сумын харьяат цэргийн начин С.Сүхбат түрүүлж, аймгийн арслан цол хүртсэн бол Батцэнгэл сумын харьяат сумын заан Э.Түмэндэмбэрэл үзүүрлэн аймгийн заан цол хүртжээ. Харин их шөвөгт Ихтамир сумын харьяат сумын заан Ө.Шийрэв, Хотонт сумын харьяат сумын заан Б.Шатар нар үлдэж, аймгийн харцага цол хүртлээ.

Багануур – Увс аймгийн Давст сумын харьяат цэргийн начин Э.Мөнх-Эрдэнэ түрүүлж, аймгийн арслан цол хүртсэн бол Өвөрхангай аймгийн Хархорин сумын харьяат Ч.Хасчулуу үзүүрлэн цолоо бататгалаа. Харин их шөвөгт Архангай аймгийн Чулуут сумын харьяат улсын начин Б.Амарзаяа, Хөвсгөл аймгийн Галт сумын харьяат сумын заан С.Зинамядар үлдэн аймгийн харцага цол хүртжээ.

Баян-Өлгий аймаг – Булган сумын харьяат аймгийн харцага Б.Төмөрбаатар түрүүлж, аймгийн арслан цол хүртсэн бол Баяннуур сумын харьяат аймгийн начин Е.Көптилек үзүүрлэн аймгийн заан цол хүртжээ. Харин их шөвөгт Алтай сумын харьяат сумын заан Н.Амаржаргал, Бугат сумын харьяат Х.Оразахын нар үлдэж, аймгийн харцага цол хүртжээ.

Баянхонгор аймаг – Баацагаан сумын харьяат сумын заан Б.Түвшинтөгс түрүүлж, аймгийн арслан цол хүртсэн бол Богд сумын харьяат аймгийн начин Ч.Даш үзүүрлэн аймгийн заан цол хүртжээ. Их шөвөгт Баянлиг сумын харьяат сумын заан Б.Билэгдэмбэрэл үлдэж, аймгийн харцага цол хүртлээ.

Булган аймаг – Могод сумын харьяат сумын заан М.Эрхэмбаяр түрүүлж, аймгийн арслан цол хүртсэн цол Бүрэгхангай сумын харьяат аймгийн начин Д.Пүрэвдорж үзүүрлэн аймгийн заан цол хүртжээ. Их шөвөгт сумын заан О.Рэнцэн-Очир, Х.Нямдорж нар үлдэж, аймгийн харцага цол хүртэв.

Говь-Алтай аймаг – Дэлгэр сумын харьяат аймгийн заан Д.Ганцоож түрүүлж, аймгийн арслан цол хүртсэн бол Төгрөг сумын харьяат аймгийн начин Д.Баатархүү үзүүрлэн цолоо ахиулжээ. Их шөвөгт аймгийн начин Х.Алтангэрэл, Б.Лхагва-Очир нар үлдэж, аймгийн харцага цол хүртэв.

Говьсүмбэр аймаг – Сүмбэр сумын харьяат аймгийн заан Б.Үүрцайх түрүүлж, аймгийн арслан цол хүртсэн бол Хөвсгөл аймгийн Шинэ-Идэр сумын харьяат Х.Бөхбаяр үзүүрлэн аймгийн заан цол хүртлээ. Харин их шөвөгт Сүхбаатар аймгийн Онгон сумын харьяат аймгийн начин Ж.Цэгц, Увс аймгийн Тэс сумын харьяат Г.Бандибаатар нар үлджээ.

Дархан-Уул аймаг – Увс аймгийн Тэс сумын харьяат Б.Өсөхбаяр түрүүлж, аймгийн арслан цол хүртсэн бол Шарынгол сумын харьяат аймгийн заан Ж.Бадрал үзүүрлэн цолоо бататгажээ. Их шөвөгт Хан-Уул дүүргийн харьяат залуу бөх Д.Дашням, Төв аймгийн Угтаалцайдам сумын харьяат аймгийн начин Х.Мягмарсүрэн нар үлджээ.

Дорнод аймаг – Архангай аймгийн Батцэнгэл сумын харьяат аймгийн начин Э.Нандин-Эрдэнэ түрүүлж, аймгийн арслан цол хүртсэн бол Хөвсгөл аймгийн Арбулаг сумын харьяат аймгийн заан Г.Бат-Эрдэнэ үзүүрлэн цолоо бататгажээ. Харин их шөвөгт Өвөрхангай аймгийн Гучин-Ус сумын харьяат залуу бөх Т.Мөнгөншагай, Дорнод аймгийн Сэргэлэн сумын харьяат Э.Мөнхзоригт нар үлджээ.

Завхан аймаг – Идэр сумын харьяат аймгийн заан А.Нармандах түрүүлж, аймгийн арслан цол хүртсэн бол Идэр сумын харьяат аймгийн начин Ц.Хашбат үзүүрлэн аймгийн заан цол хүртжээ. Их шөвөгт Хөвсгөл аймгийн Шинэ-Идэр сумын харьяат аймгийн заан Л.Энхбат, Дөрвөлжин сумын харьяат аймгийн начин С.Бат-Орших нар үлджээ.

Налайх дүүрэг – Увс аймгийн Ховд сумын харьяат Л.Энхсаруул түрүүлж, аймгийн арслан цол хүртсэн бол Малчин сумын харьяат Т.Батсүрэн үзүүрлэн аймгийн заан цол хүртжээ. Их шөвөгт Өвөрхангай аймгийн Бүрд сумын харьяат М.Намхайринчэн, Увс аймгийн Сагил сумын харьяат Д.Ядамсүрэн нар үлджээ.

Орхон аймаг – Архангай аймгийн Тариат сумын харьяат С.Майнбаяр түрүүлж, аймгийн арслан цол хүртсэн бол Говь-Алтай аймгийн Баян-Уул сумын харьяат Б.Гаажадамба үзүүрлэн аймгийн заан цол хүртжээ. Харин их шөвөгт Булган аймгийн Тэшиг сумын харьяат аймгийн заан О.Мөнх-Ирээдүй, Өвөрхангай аймгийн Нарийнтээл сумын харьяат аймгийн начин М.Гантулга нар үлджээ.

Өмнөговь аймаг – Ноён сумын харьяат сумын заан М.Буяндэлгэр түрүүлж, аймгийн арслан цол хүртсэн бол Баяндалай сумын харьяат аймгийн харцага Т.Төгсдөлгөөн үзүүрлэн цолоо ахиулжээ. Их шөвөгт Номгон сумын харьяат аймгийн хурц арслан М.Адъяахүү, Ханбогд сумын харьяат аймгийн начин Т.Дашжамц нар үлджээ.

Сэлэнгэ аймаг – Мандал сумын харьяат аймгийн заан Э.Бат-Эрдэнэ түрүүлж, аймгийн арслан цол хүртсэн бол Сант сумын харьяат аймгийн харцага Б.Ганбаяр үзүүрлэн аймгийн заан цол хүртжээ. Их шөвөгт Цагааннуур сумын харьяат сумын начин Ц.Лхагвамягмар, Орхонтуул сумын харьяат аймгийн заан С.Оргилбаатар нар үлджээ.

Төв аймаг – Эрдэнэсант сумын харьяат аймгийн харцага Н.Дашдаваа түрүүлж, аймгийн арслан цол хүртсэн бол Заамар сумын харьяат аймгийн харцага Л.Даваажамц үзүүрлэн аймгийн заан цол хүртжээ. Их шөвөгт Өндөрширээт сумын харьяат сумын заан Х.Шинэбилэг, Баянхангай сумын харьяат сумын заан Э.Чойням нар үлдэж, аймгийн цолонд хүрчээ.

Увс аймаг – Түргэн сумын харьяат аймгийн харцага Б.Нямсамбуу түрүүлж, аймгийн арслан цол хүртсэн бол Цагаанхайрхан сумын харьяат аймгийн харцага Т.Төгсжаргал үзүүрлэн аймгийн заан цол хүртжээ. Их шөвөгт Цагаанхайрхан сумын харьяат аймгийн начин Т.Мөнх-Эрдэнэ, Малчин сумын харьяат сумын заан Ц.Мөнх-Эрдэнэ нар үлджээ.

Ховд аймаг – Дөргөн сумын харьяат аймгийн заан Г.Дармаажанцан түрүүлж, аймгийн арслан цол хүртсэн бол Манхан сумын харьяат аймгийн начин Б.Даваадалай үзүүрлэн аймгийн заан цол хүртжээ. Их шөвөгт Булган сумын харьяат аймгийн харцага Б.Анхжаргал, Чандмань сумын харьяат сумын заан У.Батцоож нар үлджээ.

Хэнтий аймаг – Баян-Адарга сумын харьяат Н.Баяржаргал түрүүлж, аймгийн арслан цол хүртсэн бол Галшар сумын харьяат сумын заан Б.Тожил үзүүрлэн аймгийн заан цол хүртжээ. Их шөвөгт Дэлгэрхаан сумын харьяат сумын заан Ц.Чинзориг, сумын заан Б.Боорчи нар үлдэж, аймгийн цолонд хүрчээ.

Одоогийн байдлаар Багахангай дүүрэг, Дундговь, Дорноговь, Өвөрхангай, Сүхбаатар, Хөвсгөл аймгуудын баяр наадам болоогүй байна.

Жүдоч О.Цэцэнцэнгэл “Загреб-2022” Гран при тэмцээнээс мөнгөн медаль хүртжээ

nomun — Mon, 18 Jul 2022 11:33:32 +0800

Хорват улсын Загреб хотноо 2022 оны 7 дугаар сарын 16-17 болсон ОУЖБХ /IJF/-ны цуврал“Загреб-2022” /2022 Zagreb Grandprix/ Гран при тэмцээний +100 кг жинд Монголын жүдоч Одхүүгийн Цэцэнцэнгэл мөнгөн медаль хүртлээ.

Тус тэмцээний эхний өдөр 66 кг-д ОУХМ Баянмөнхийн Нармандах, эмэгтэйчүүдийн 57 кг-д Мөнхцэдэвийн Ичинхорлоо нар тус тус хүрэл медалийн эзэд болсон юм. Харин 2 дахь өдөр эмэгтэйчүүдийн 63 кг жинд Болдын Ганхайч хүрэл медаль, эмэгтэйчүүдийн +78 кг-д 22 настай Амарсайханы Адъяасүрэн хүрэл медалийнн эзэн болж Монголын шигшээ баг 1 мөнгө, 4 хүрэл медаль хүртэж, багаараа 12 дугаар байрт шалгарлаа.

Цагаан өвлийн ногоон олимп

nomun — Mon, 07 Feb 2022 09:36:21 +0800

43 жилийн хичээл зүтгэл, долоон жилийн нөр их бэлтгэл, 14 жилийн хүлээлтийн дараа "Бээжин-2022" өвлийн XXIV олимпийн наадмын хөшиг нээгдэж эртний түүхт Бээжин хотын тэнгэрт олимпийн бамбар бадамлан аслаа. 2022 оны хоёрдугаар сарын 4-20-нд өмнөд хөрш БНХАУ-д болж буй хүн төрөлхтний эв нэгдлийн бэлгэдэл болсон олимпод 91 орны 2890 гаруй тамирчид долоон спортын (биатлон, бобслей, керлинг, хоккей, тэшүүрийн төрлүүд, цанын төрлүүд, чарга) 15 төрөлд 109 цогц медалийн төлөө өрсөлдөж байгаа юм.

2015 оны долдугаар сарын 31-нд Малайзын нийслэл Куала Лампур хотод болсон ОУОХ-ны 128-р чуулганаар 2022 оны XXIV өвлийн олипмийг зохион байгуулах хотоор Бээжин хот тодорсныг албан ёсоор зарласан юм. Олимп зохион байгуулах эрхийн төлөө зургаан хотын дунд өрсөлдөөн өрнөж сүүлийн шатанд 44:40 гэсэн саналын харьцаагаар Казакстаны Алмата хотыг ялж Бээжин шалгарсан юм.

Улмаар 2015 оны арванхоёрдугаар сарын 15-нд "Бээжин-2022" XXIV өвлийн олипмп зохион байгуулах хороо албан ёсоор байгуулагдсанаар бэлтгэл ажил тасралтгүй өрнөж сүүлийн хоёр жил гаруй хугацаанд дэлхий нийтийг хамарсан цар тахлын хүнд сорилтыг амжилттай давж спортын их гэр бүлийн анд нөхдөө хүлээн авахад бэлэн болжээ.

"Бээжин-2022" өвлийн олимпийн:

-Лого: Өвөл(冬) гэсэн ханз үсгийн загварт үндэслэсэн.

-Уриа үг: Ирээдүйн зүг хамтдаа

-Бэлгэдэл амьтан: Дүнь Дүнь хэмээх нэртэй хулсны баавгай

-Бамбар: Нисэх (飞) гэсэн нэртэй, навчны хэлбэрт үндэслэсэн

-Сүлд дуу: Ирээдүйн зүг хамтдаа

27000 САЙН ДУРЫНХАН АЖИЛЛАЖ БАЙНА

Энэ удаагийн олимпид одоогоор 91 орны тамирчид оролцох эрхээ хангаад байгаа бөгөөд Гайти, Саудын Араб улсууд анх удаа өвлийн олимпийн наадамд оролцож байгаа бол Пенчан-2018 онд оролцсон улсуудаас БНАСАУ оролцохгүй бол "Бээжин-2022" онд оролцох эрхээ авч хараахан чадаагүй дөрвөн улс байгаа нь Өмнөд Африк, Сингапур, Того, Тонго болно.

Дэлхийн олон улс орны тамирчдад 12 төрлийн үйлчилгээнд туслан зөвлөх үүрэг гүйцэтгэхээр 27000 сайн дурынхан олимпийн тосгон болон спортын ордонд бэлэн ажиллаж байна.

"Бээжин-2022” өвлийн олимпийн уулын цана, бобслей, скелетоны төрлүүд Бээжингийн Яньчинд дүүрэгт, харин Бээжингээс 180 км зайд орших Хэбэй мужийн Жанчхүү буюу түүхнээ чуулалт хаалга, хаалган хот гэж нэрлэгдэж ирсэн Жанжякоү хотод гүйлтийн цана, цанын хоёр төрөлт, трамплин, биатлон, фристайл, сноубордын төрлүүдийн тэмцээн явагдах бол Бээжинд олимпийн нээлт, хаалтын ёслолын ажиллагаа, тэшүүр, шорт-трек, уран гулгалт, хоккей, керлингийн тэмцээн болохоор төлөвлөжээ.

Нээлт, хаалтын ёслолын ажиллагаа "Бээжин-2008” зуны олимпийн гол цэнгэлдэх хүрээлэн "Шувууны үүр”-т болсон бөгөөд Бээжин хот нь зуны болон өвлийн олимпийг зохион байгуулах анхны хот болох юм. "Бээжин-2008” зуны олимпийн усан спортын гол ордон болсон "Water Cube”-ийг "ICE Cube” болгон өөрчлөн ашиглажээ.

БЭЭЖИН ЗУНЫ ОЛИМПОД 43 ТЭРБУМ АМ.ДОЛЛАР ЗАРЦУУЛЖ БАЙСАН БОЛ ӨВЛИЙНХ 3.9 ТЭРБУМ АМ.ДОЛЛАРААР "БҮТЖЭЭ”

Олимпийн уралдаан тэмцээнийг дээр дурдсан гурван бүсийн 12 ордон цогцолборуудад 16 хоногийн турш эв нэгдэл спортын их цэнгэл үргэлжлэх болно.

2008 оны зуны олимпод 43 тэрбум ам.доллар зарцуулж байсан бол 2022 оны өвлийн олимпийн төсөв харьцангүй бага буюу 3.9 тэрбум ам.доллар орчим гэсэн урьдчилсан төсөөлөл гаргаад байна. Учир нь уралдаан тэмцээн болох ихэнх спортын ордон, цэнгэлдэх хүрээлэн, дэд бүтцийн байгууламж нь өмнө нь ашигласан болон хуучин байгууламжаа шинэчлэн зассан бөгөөд шинээр дөрвөн спортын уралдаан тэмцээний байгууламж барьсан нь тэшүүрийн ордон, чарга болон бобслейн зам, трамплин харайлтын цогцолбор, уулын цанын зам юм.

Энэ удаагийн өвлийн олимп нь цар тахлын амаргүй үед, тэр тусмаа Омикрон хувилбарын давалгаа ид дэгдэж буй цаг үед зохиогдож байгаа болохоор маш хатуу, нарийн чанд дэглэмд нээлт хаалт, уралдаан тэмцээнүүд болон бусад албан ёсны соёлын арга хэмжээнүүд явагдана гэдгийг БНХАУ-ын Олимпийн наадмын зохион байгуулах хорооны зүгээс нэлээд эртнээс анхааруулан сануулсаар байна.

Цар тахлын дэгдэлтийн нөхцөл байдлаас шалтгаалан гадаадын үзэгч, хөгжөөн дэмжигчдийг олимпийн тосгонд оруулахгүй, зөвхөн урьдчилан тасалбар худалдан авсан Хятадын дотоодын үзэгчдийг халдвар хамгааллын маш нарийн тодорхой шалгуурын дагуу уралдаан тэмцээнд үзэгчээр оруулж буй юм.

Жан И Мө: НЭЭЛТ "БИ-ЭЭС БИД”, "ТҮҮХИЙГ ӨГҮҮЛЭХЭЭС ИРЭЭДҮЙГ ЗОРИХ” АГУУЛГАТАЙ

"Бээжин-2022" өвлийн XXIV наадмын нээлтийн ёслолын ерөнхий найруулагчаар Хятадын алдарт найруулагч Жан И Мө ажиллажээ. Тэрбээр мөн "Бээжин-2008" зуны XXIX наадмын нээлтийн ёслолын ерөнхий найруулагчаар ажиллаж Хятадын олон мянган жилийн түүх соёлын дээжээс даян дэлхийн олон зуун сая үзэгчдэд тун амжилттай толилуулж чадсан юм.

Авьяаслаг найруулагчийн удирдлагааар 3000 гаруй урлаг соёлынхон 100 минутад нээлтийн ёслолыг төгс гүйцэтгэхээр 2019 оны гуравдугаар сараас эхлэн бэлтгэж нээлтийн дохио эхлэх мөчийг хүлээж байлаа. "Бээжин-2022" нээлтийн ёслолын агуулга, философи нь "Бээжин-2008” -аас нэлээд ялгарах бөгөөд "БИ-ээс БИД”, "Түүхийг өгүүлэхээс Ирээдүйг зорих” гэсэн байдлаар өөрчлөгдөж байгааг найруулагч онцолж байна.

Олимпийн бамбарыг дэлхийн 25 улс орны харьяалал бүхий 14-86 насны төлөөлөл болсон 1200 хүн дамжуулан гүйсээр нээлтийн үдэш уудам тэнгэрт бадамлан ассаныг дэлхий нийт харлаа.

Хятад судлаач, орчуулагч Х.Баатархүү

ХААН Банк 3х3 сагсан бөмбөгийн стандарт талбайг 21 аймаг, 2 дүүрэгт байгуулж байна

zulaa — Mon, 08 Nov 2021 15:56:38 +0800

ХААН Банк 30 жилийн ойгоороо нийгмийн хариуцлагын хүрээнд Монголын нийт хүүхэд залуустаа зориулан 3х3 сагсан бөмбөгийн стандарт талбайг 21 аймаг 2 дүүрэгт байгуулж байна. Ингэснээр монгол хүүхэд бүр энэ спортоор багаасаа хичээллэх боломжтой болж байгаа юм.

МЗХ тамирчдын төлөөлөлд шагнал гардууллаа

khulan — Sat, 24 Jul 2021 16:45:32 +0800

Дэлхийн спортын их наадам "Токио-2020” наадам нээлтээ хийсэн өдөр Монголын Залуучуудын Холбооны төлөөлөл Монголын баг тамирчдын төлөөлөлд амжилт хүсэн, шагнал гардууллаа.

Тус холбооны зүгээс Токиогийн наадамд Монгол Улсаа төлөөлөн оролцож буй хүндийн өргөлтийн тамирчин Мөнхжанцангийн Анхцэцэг, Эрдэнэбатын Билэгсайхан нарт "Тамирчны алдар”, дасгалжуулагч Цэнхэржавын Хосбаярт "Залуу үеийг халамжлан хүмүүжүүлэгч” шагналаар шагнасныг МЗХ-ны дэд ерөнхийлөгч А.Анхбат гардуулан өгч, нийт залуучуудынхаа өмнөөс амжилт хүслээ.

Дашрамд сануулахад, Азийн анхны Залуучуудын байгууллага байгуулагдсаны 100 жилийн ой энэ жил тохиож буй. МЗХ нь үе, үеийнхээ туршид Монголын хүүхэд, залуучуудыг хамарсан бүх нийтийн спортын олон арга хэмжээг зохион байгуулсаар ирсэн юм.

Токиогийн тэнгэрт Монгол Улсын Төрийн далбаа, олон, олноор мандаж, Монголын маань баг тамирчид амжилт бүтээл дүүрэн байх болтугай.

Монголын баг, тамирчид олимпод оролцох 21 эрх аваад байна

nomun — Tue, 13 Apr 2021 14:45:01 +0800

Казахстаны Алматы хотод болсон Ази тивийн олимпын эрх олгох чөлөөт бөхийн тэмцээнээс Монголын 5 тамирчин эрхээ авлаа. Ингэснээр Токиогийн олимпод оролцох 21 эрх Монгол улсынх болоод байна.

Одоогоор эрхээ авсан баг тамирчид:

Буудлага. Ц.Анударь хийн гар буу, эмэгтэй
Буудлага. Э.Даваахүү хийн гар буу, эрэгтэй
Буудлага. О.Есүгэн урт буу, эмэгтэй
Буудлага. О.Гүндэгмаа спорт гар буу, эмэгтэй
Чөлөөт бөх эрэгтэй 65 кг /Т.Тулга эрхийг авчирсан ч олимпод хэн явахыг холбоо нь шийднэ/
Чөлөөт бөх эмэгтэй 68 кг /С.Батцэцэг эрхийг авчирсан ч олимпод хэн явахыг холбоо нь шийднэ/
Чөлөөт бөх эрэгтэй 125 кг /М.Лхагвагэрэл эрхийг авчирсан ч олимпод хэн явахыг холбоо нь шийднэ/
Чөлөөт бөх эмэгтэй 50 кг /Ц.Намуунцэцэг эрхийг авчирсан ч олимпод хэн явахыг холбоо нь шийднэ/
Чөлөөт бөх эмэгтэй 53 кг /Б.Болортуяа эрхийг авчирсан ч олимпод хэн явахыг холбоо нь шийднэ/
Чөлөөт бөх эмэгтэй 57 кг /Б.Хонгорзул эрхийг авчирсан ч олимпод хэн явахыг холбоо нь шийднэ/
Чөлөөт бөх эмэгтэй 76 кг /О.Бурмаа эрхийг авчирсан ч олимпод хэн явахыг холбоо нь шийднэ/
Марафон гүйлт. Б.Мөнхзаяа, эмэгтэй
Марафон гүйлт. Ц.Бямбажав, эрэгтэй
Марафон гүйлт. Б.Сэр-Од, эрэгтэй
Байт харваа. Б.Отгонболд, эрэгтэй
Бокс. Б.Чинзориг, эрэгтэй 63 кг
Бокс. М.Мягмаржаргал, эмэгтэй 75 кг
Бокс. Э.Цэндбаатар, эрэгтэй 57 кг
Ширээний теннис. Б.Болор-Эрдэнэ, эмэгтэй
Ширээний теннис. Э.Лхагвасүрэн, эрэгтэй
3х3 сагсан бөмбөгийн эмэгтэй баг (4 тоглогчтой одоогоор хэн дөрөв явах нь тодорхойгүй байна)

Олимпод оролцох шүүгч:

Л.Одгэрэл. Хүндийг өргөлт
Э.Саруул. Байт харваа
Т.Энхцэцэг. Жүдо

Ирэх олимпод нийт 206 орны 11091 тамирчин хурд, хүчээ сорьж, 33 спортын 50 төрлөөр 339 иж бүрэн медалийн төлөө өрсөлдөнө.

Манай тамирчдын хувьд цаашдаа жүдо (11-12 эрх), чөлөөт бөх (5 эрх), хөнгөн атлетикийн марафон гүйлт (2-3 эрх), хүндийг өргөлт (1 эрх), таэквондо (1 эрх), 3х3 сагсан бөмбөг (эрэгтэй баг) зэрэг төрлөөр эрхээ нэмэгдүүлэх боломжтой.

Мөн усанд сэлэлтийн төрлөөр хоёр тамирчинд (эрэгтэй нэг, эмэгтэй нэг) Олон улсын олимпийн хороо, Олон улсын усан спортын холбооноос урилга ирүүлэх өндөр магадлалтай.

Хөдөөгийн багш нарын спортын наадамд Архангай аймаг тэргүүллээ

nomun — Tue, 03 Nov 2020 11:38:27 +0800

"Хөдөөгийн багш нарын спортын XVIII наадам”-ыгАрхангай аймагт 10-р сарын 29-31-ний өдрүүдэд зохион байгууллаа. Тэмцээнд 14 аймгийн ЕБС-ийн 600 гаруй тамирчин волейбол, сагсан бөмбөг, шатар, теннис, шагайн харваа зэрэг таван төрөлд оролцож, шилдгүүдээ шалгаруулсан байна. Багийн дүнгээр 1-р байрт Архангай аймаг, 2-р байрт Дархан-Уул аймаг, 3-р байрт Сэлэнгэ аймаг тус тус оржээ.

2021 оны багш нарын спортын XIX наадмыг Өвөрхангай аймагт зохион байгуулахаар болж, тугийг гардуулсан байна.

Энэ тэмцээн нь багшийн хөгжлийг дэмжин, шинэ санаа, арга зүй, технологийг түгээн дэлгэрүүлж, турушлага солилцох, хөдөөгийн сургуулиудын хамтын ажиллагааг хөгжүүлэхэд оршиж байгаа аж.

Тэрүнофүжи Ган-эрдэнэ, Үзсэн хүн хүртэл нулимс дуслуулмаар ялалт байлаа

nomun — Mon, 03 Aug 2020 13:20:31 +0800

Одоогоос яг 5 жилийн өмнө тэр алдрын оргилд байлаа. Дээд зиндаанд түрүүлж Арслан цол хүртэн, дараагийн аваргаар нэрлэгддэг байв. Харамсалтай нь 2 өвдөг болон тохойндоо хүнд гэмтэл авч олон удаагийн мэс засалд орсон. Дээр нь сахрын өвчин, бөөрний чулуу, элэгний эмчилгээ хийлгэв.

Сумогийн дүрэм хатуу. Барилдаж чадахгүй л бол урьд нь ямар сайн бөх байсан, гавъяа байгуулсан нь хамаагүй. Ган-эрдэний цол унасаар доороосоо 2 дох зиндаа буюу Жонидан зиндаанд багачуудтай хамт эрэмбэлэгддэг болов.

Арслан цолтой байхад өндөр цалин, 2-3 туслах, ордон руу өөрийн машинтай орох эрх гэх мэт өндөр хангамж эдэлдэг байсан хүн өөрөө цалин ч үгүй, дээд цолтой хүнийхээ туслах болж, хоол цэвэрлэгээнд гүйдэг болно. Хоол идэхдээ хүртэл зиндаагаараа бага нь хамгийн сүүлд хоолонд хүрнэ. Амжилттай байхад хошууран дагадаг олон найз нөхөд, дэмжигчид алга болж, саяхан туслах байсан нөхөр нь өөрөөс нь илүү цолтой болж загнаж зарж эхлэнэ.

Ихэнхи цолтой бөхчүүдийн хувьд Pride нь үүнийг тэсвэрлэдэггүй тул Жюрё зиндаанаас унангуут зодог тайлж орхидог.

Ган-эрдэнэ харин бууж өгсөнгүй, бэртлээ гүйцэд эдгээлгүй Жониданаас буцаж барилдан, Санданмэ, Макүшита, Жюрё зиндааг туулан жил гарангийн дараа буцаж Макүчи буюу дээд зиндаандаа эргэн ирж чадлаа. Ирэх ирэхдээ шууд түрүүлж чадлаа. Үүгээрээ тэр олон зуун жилийн түүхтэй Сумогийн ертөнцөд өөр хэний ч чадаагүй амжилтыг гаргалаа.

Ямар их өвдөлт, гутрал гутамшиг, зовлон бэрхшээлийг туулсныг өөрөөс нь өөр хүн ойлгохгүй биз.

Та амьдралын хүнд шуурганд уруудаж, няцаж бууж өгөх гэж байгаа бол яг одоо босоод сөрж алх, Эцсээ хүртэл шантралгүй тэмцсэн хүнд инээх өдөр ирдэг юм.

Тэрүнофүжи үүнийг л бидэнд үлгэрлэж үзүүллээ. Баярлалаа Ган-эрдэнэ.

Архангайн баяр наадамд сумын заан Х.Очирхуяг түрүүлж, аймгийн арслан цол хүртлээ

nomun — Tue, 14 Jul 2020 12:10:15 +0800

Архангай /МОНЦАМЭ/. Архангай аймаг байгуулагдсаны 97 жилийн баяр наадмын үндэсний бөхийн барилдаанд улс, аймгийн алдар цолтой 128 бөх барилдсан.

Үзүүр, түрүүнд Цэнхэр сумын харьяат, Бөхбилэгт дэвжээний бөх, сумын заан Х.Очирхуяг, Хайрхан сумын харьяат, Бөхбилэгт дэвжээ, Соёмбо спорт хорооны бөх, аймгийн начин Б.Мөнхбаяр нар тунаж барилдсанаас Цэнхэр сумын харьяат, Бөхбилэгт дэвжээний бөх, сумын заан Х.Очирхуяг түрүүлж "Аймгийн арслан", Хайрхан сумын харьяат, Бөхбилэгт дэвжээ, Соёмбо спорт хорооны бөх, аймгийн начин Б.Мөнхбаяр үзүүрлэж "Аймгийн заан" цолыг тус тус хүртлээ.

Мөн Хайрхан сумын харьяат Бөхбилэгт дэвжээ, Соёмбо спорт хорооны бөх, сумын заан О.Баярбаасан, Жаргалант сумын харьяат, Бөхбилэгт дэвжээний бөх, сумын заан С.Пүрэвжанцан нар "Аймгийн начин" цолыг хүртсэн юм.

Канад Улс олимпын наадамд тамирчдаа илгээхгүй гэв

saikhnaa — Mon, 23 Mar 2020 14:09:57 +0800

Канад Улс Олимпын наадмын товыг нэг жилээр хойшлуулахгүй бол тамирчдаа илгээхгүй гэдгээ мэдэгдээд байна.

Тус улсын Ерөнхий сайд Жастин Трюдо "Хэдийгээр Олимпын наадмыг хойшлуулна гэдэг маш төвөгтэй гэдгийг ойлгож байгаа ч бидний хувьд тамирчид болон бусад хүмүүсийн эрүүл мэнд, аюулгүй байдал илүү чухал" хэмээн өчигдөр мэдэгдэл хийхдээ хэллээ.

Олон Улсын Олимпын Хорооны зүгээс Токиогийн Олимпын наадмыг шууд цуцлах төлөвлөгөөгүй байгаагаа илэрхийлсэн ч хойшлуулах асуудлыг ярилцаж байгаа гэдгээ мэдэгдсэн байна. Энэ асуудлыг ирэх сарын 15-наас өмнө шийдвэрлэхээр болжээ.

Еaglenews

М.Анхцэцэг Дэлхийн цомын тэмцээнээс мөнгөн медаль хүртлээ

nomun — Thu, 12 Mar 2020 13:15:28 +0800

Хүндийн өргөлтийн Дэлхийн цомын тэмцээн АНУ-ын Охио мужийн Коламбус хотноо болж өндөрлөлөө. "Токио 2020" олимпийн эрхийн оноонд тун чухал нөлөөтэй уг тэмцээнд манай 2 тамирчин дасгалжуулагч Ц.Хосбаярын удирдлага дор амжилттай оролцлоо.

Дэлхийн аваргын хошой хүрэл медальт М.Анхцэцэг огцом болон түлхэлттэй өргөлтөөр алт, мөнгө, нийлбэр дүнгээр мөнгөн медаль хүртлээ. Тэгвэл Дэлхийн цомын аварга Э.Билэгсайхан тавдугаар байр эзэлсэн байна.

Бөх тайлбарлагч А.Ганболд: Бавуугийн Лхагвасүрэн гуай “Өсөхбаяр миний зүрхний бөх” гэж хэлсэн нь сайхан санагддаг

zulaa — Fri, 28 Feb 2020 11:57:49 +0800

Архангай аймгийн Батцэнгэл сумын харьяат МУСТА, үндэсний бөхийн улсын ахлах тайлбарлагч А.Ганболдтой ярилцлаа.

Энэ улсад бөх шиг хэрэггүй юм алга, баялаг бүтээхгүй, ажил хийхгүй, татвар төлөхгүй...

saikhnaa — Thu, 30 Jan 2020 11:08:50 +0800

Энэ цагаан сараар бөхчүүд барилдахгүй гэж мэдэгдэл хийлээ. Ашгүй дээ, нэг ч гэсэн бухимдлаасаа салах нь. Эмч, багш, нийтийн тээврийнхэн ажил хаясан бол ойлгож болно. Учир нь тэд хүнд (нийгэмд) хэрэгтэй юм хийж байна. Харин дүрэмгүй, ёс зүйгүй, үзэгчээ огт хүндэлдэггүй, бүр ядахад үнэн, уран хурц барилдаангүй ийм зовлогонуудын ноцолдооныг үзсэн ч яалаа, байсан ч яалаа.

Ер нь жил бүр наадмын бөх үзэх бүрт урам хугарч, нэг тийм доромжлуулсан юм шиг санагдах болсоор удаж байна. Битүү найраа, хэдэн хөлстэй бөх мөнгөтэй л ноцолдоод байна. Манай ядаж байгаа эдийн засагт хамгийн хэрэггүй, огт тус нэмэргүй улс бол энэ их олон, гүзээтэй монгол бөх мөн. Лам нарын дараа орох нийгмийн хамгийн бэртэгчин, хамгийн увайгүй сувьдаг анги давхарга бол энэ бөхчингүүд шүү. Яагаад гэж үү? Баялаг огт бүтээхгүй, ажил хийхгүй, татвар төлөхгүй.

Бөх нэртэй том цүнх үүрч монгол дээл өмссөн бүхэн нэг, нэг мөнгөтэй компаниар бэлэн тэжээлгээд хэвтэж байна. Төрийн байгууллагад данстай нь хурандаа цолтой шүү. Архи ууна. Замын цагдаа зодно. Рекет хийнэ. Хаана газрын маргаан болно, тэнд цамцны захаа босгосон хэдэн бүдүүн бөх зогсч байна. Сонгуулиар нам намын бөгс долоож гүйнэ. Яацарсан ч улс юм дээ. Ядаж барилдах ажлаа сайн хийхгүй юм. Тахимаа өгөхгүй. "Би оочоогүй, унаагүй” гээд түмэн амьтны нүдэн дээр орилж бархираад хэвтчихнэ. Зүлэг ногоон дэвжээн дээрээ зодолдож нүдэлдээд нэгнээ алах шулахаа шахна.

Арай л хутга барьж дайрахгүй юм даа. Завьждах, нугаслах зэрэг мэх тренд боллоо. За, сүүлийн хэдэн жил бол бөх гэхээр л бөөлжис цутгатал хэрүүл хийлээ. Цаг цөвүүн болоход чивтэй чавганц үзнэ гэсэн бошго байдаг юм гэсэн. Үнэн байх. Тэр чивтэй чавганц гээч нь монгол бөхөд шүглэсэн бололтой. Талцаж байгаад хэрүүлийн бузар болвол болохоор хэрэлдлээ дээ. Юун хийморь, лундаа мундаа, баяр наадмын манлай, үнэн хүчит, харьшгүй цаашаа зүгээр... Одоо тэгээд барилдахаа больж байгаа юм байна. Ашгүй, ашгүй. Угаасаа жудаг ярьсан энэ жудаггүй хүмүүсээс монголын нийгэм залхаж байна.

Ямар бөх, хэнд хандив тусламж өргөв. Ганц ширхэг мод тарилаа, ядарсан зүдэрсэн, өвдөж зовсонд ингэж тэгж тусалсан бөх гэж сонсов уу. Мэдэхгүй юм. Ундармаа гэж жүжигчин эмэгтэй төрөх эмнэлэг тохижуулжээ л гэнэ. Улсын ямар сайн бөх аль эмнэлгийн ханан дээр өөрийн хөрөнгөөр ганц лааз будаг нялав аа. Байхгүй. Өвөрмонголоос нэг аварга нь хэдэн зуун саяын шагнал авлаа л гэсэн. Хэнд, ямар хандив, тусламж, дэмжлэг үзүүлэв.

Монгол бөхийн томчууд нь дэлхийн бусад улс орны тамирчид, соёл урлагийн зүтгэлтнүүд шиг нийгмийн хариуцлагаа яаж ухамсарлаж байгаа юм. Зүгээр л авах, идэхийн бөөн хар шунал. Одоо энэ Үндэсний бөхийн холбооны хэрүүл нь ч гэсэн алсуураа явж явж тэр Бөхийн өргөөг авах гэсэн жалга довны шунал л юм билээ. Өнөөдөр монгол бөх гээч нь ёс суртахуун, бөхийн хөгжил, утга агуулгын хувьд уналтынхаа хамгийн доод цэгт хүрээд байна.

Хамгийн аюултай нь тэд хэзээ ч энэ байдлаа хүлээн зөвшөөрөхгүй, ойлгон ухамсарлах, шинэчлэгдэн зохион байгуулагдах чадамжгүй болох нь илт байна. Тиймээс яг энэ үед нь улс тэднээс салах хэрэгтэй. Яаж гэж үү? Бид тэднийг, нийгмийн эдгээр шимэгчдийг тэжээхээ болино гэсэн үг. Тиймээс, надад нэг санал байна. Одоо энэ хэрүүл хийгээд байгаа хоёр холбоог шүүхийн шийдвэрээр татан буулгая. Бөхийн өргөөг төр хурааж авах хэрэгтэй. Тэгээд бас нэг бөх нь байрыг нь авчихсан монгол циркчдээ орох оронтой болгоё. Өнөөдөр монголын нэрийг дэлхийд тахалж байгаа энэ салбар төвлөрсөн байр болон төрийн дэмжлэггүйгээс болоод устаж мэдэхээр боллоо. Цөөн, сэтгэлтэй хэдхэн хүний нуруун дээр л монголын цирк одоохондоо оршин тогтнож байна. Монгол бөхийн өргөө бол яг тайзны хувьд хуучин циркээс хамаагүй том, бэлтгэл сургуулилт, тоглолт хийхэд хамгийн тохиромжтой цогцолбор.

Угаасаа энэ өргөө монголын ард түмний хандив тусламжаар боссон байшин. Тиймээс төр нь мэдээд улсад хэрэгтэй, ашигтай салбараа өөд нь татаж яагаад болохгүй гэж? Энэ удаад эзэн нь юмаа мэдэж эрэг нь усаа хашья. Эзэн гэдэгт төр болон хандив өргөсөн ард иргэдийг хэлж байна. Мөн баяр наадмын хуульдаа өөрчлөлт оруулаад бөхийн цолыг заавал Ерөнхийлөгчийн зарлигаар биш шинээр эмхлэгдсэн төрийн бус байгууллага нь шийдвэрээ гаргаад олгоод явахад л болно. Яахав Ерөнхийлөгч медалийг нь зүүгээд өгдөг л юм байгаа биз.

Тэгэхгүй бол түрүү бөхийн шээс болгон дээр Монгол төрийн тэргүүний зарлиг хүчин төгөлдөр байх эсэх нь шийдэгддэг болчих гээд байна аа. Бусад спортын болон бөхийн төрлүүдээс үндэсний бөхийг ийнхүү хуульчлан онцгойлон авч үзэх ямар шаардлага, шалтгаан байгаа юм бэ. Юм ховор, үзэж харах юмгүй хуучны цагт бол бөх хамгийн сайн сайхан зүйл байжээ. Хүү төрвөл бөх болоорой ч гэдэг байж. Харин одоо ямар ч эцэг эх хүүдээ хэл сайн сураарай, мэдлэгтэй болоорой л гэж хүснэ.

Ингэхэд ер нь монгол бөх яг спорт мөн үү? Гадагшаа энэ төрлөөрөө тэмцээн уралдаанд явахгүй. Тогтмол барилдахгүй. Бүх спорт чансаатай. Тийм хатуу зэрэглэл монгол бөхөд байхгүй. Байсан ч тэр нь хэлбэрийн төдий. Бүтэн жил нэг ч тэмцээнд орохгүй, бэлтгэл хийхгүй яваад байж болно. Монгол бөх ганцхан удаа хэзээ ч юм гаргасан амжилтаараа насан турш эрэмбэлэгдэнэ. Жингийн болон насны ангилал байхгүй.

Тэгэхээр спорт гэхээсээ илүү зугаа цэнгэл юм биш үү дээ. Бод л доо, дэлхийн чансааг 48, 57-кг д тэргүүлж байсан гавьяат М.Уранцэцэг, Д.Сумьяа нар нэг жил огт барилдахгүйгээр айраг тараг, цолны найр хэсээд явахад дараагийн амжилт байтугай татами дээр дахиж гарах уу үгүй юү гэдгээ шийдэх болно. Гэтэл монгол бөхөд болохоор бусад спортод мөрддөг хатуу дүрэм журам бүгд эсрэгээрээ байна шүү. Жилд барилдах нормыг нь дүрмээр тогтоогоод өгөхөөр "Наадахыг чинь настай хүн биелүүлэхэд хэцүү” гээд шилээ шөргөөх аварга байх. Сайхан, сайхан. Тэгэхээр найраа, хэрүүлийн бузар, допингийн маргаан нь дийлдэхгүй байгаа энэ монгол бөх гээчийг эмхэлж цэгцлэх цаг нь болжээ.

Б.ЭРДЭНЭСОЛОНГО

ЭХ СУРВАЛЖ: http://mongolcom.mn/

Ардын засгийн дөрөв дэх аварга Санжмятавын Шагж

saikhnaa — Wed, 04 Dec 2019 18:24:21 +0800

1921 оны Ардын хувьсгалаас хойш Ардын засгийн жилүүдэд төрсөн анхны аварга нь одоогийн Архангайн Батцэнгэл сумын харьяат Вандан (1920-иод оны эхээр/) хоёр дахь аварга нь Хэнтий аймгийн Баянхутаг сумын "босоо” Самдан (1925 он), гурав дахь, дөрөв дэх нь Архангайн Цахир сумын "буур” Н.Жамьян (1928 он), Завханы Тосонцэнгэл сумын "цэргийн” С.Шагж (1930 он) юм. С.Шагжаас хойш Монгол бөхийн зүлэг ногоон дэвжээнээ Улсын аварга цолтон төрөхийг наадамчин олон 11 жил хүлээсэн. 1941 онд Б.Түвдэндорж (Булган, Хангал) аварга болсноор Монгол бөхийн хамгийн дээд цолтнуудын цуваа үргэлжилсэн түүхтэй.

Завхан аймгийн Булнай сумын Зэргээ, Нам бууц, Нүхэн хад, Замын хясаагаар нутагтай хөх Санжмятавынд 1903 оны туулай жилийн намар нэгэн хүү мэндэлсэн нь хожмоо Монгол бөхийн эрхэм дээд аварга хэмээх цолонд хүрсэн Шагж юм. Хөх Санжмятавынх эрэгтэй хүүхэд олонтой, тэдгээр нь бүгд барилддаг айл байж. Монгол Улсын аварга С.Шагж нь цэрэгт явахаасаа өмнө Ардын хувьсгалын 14, 15 жилийн ойн баярыг тэмдэглэсэн хошуу наадамд 1925, 1926 онд дараалан түрүүлсэн. Анхлан түрүүлэхдээ шөвгийн наймд өөрийн төрсөн ах "хул” хэмээх Хайдавтай тунаж барилдан орхиж, улмаар үзүүр түрүүнд "дөш” Л.Ренчинсамбууг (1936 оны улсын заан) хаяж байлаа. Хойтон жил нь хошуу наадмын шөвгийн дөрөвт мөн өөрийн төрсөн ах Нанзад тулгаттай тунаж орхиод долоогийн даваанд аймаг сумандаа ид цоорч гарч ирж байсан Дулмаа шонхорыг өвдөг шороодуулан түрүүлсэн билээ. Дашрамд дурдахад, аваргын ах хул Хайдавын зээ Г.Баттогтох нь 1977 оны Үндэсний бөхийн УАШТ-ий хүүхдийн барилдаанд Завхан аймгаас шалгаран ирж барилдаж байсныг бөхийн хорхойтнууд санаж байгаа биз ээ. Хожмоо Эрдэнэт хотод Орхон аймгийн үндэсний бөхийн аварга шалгаруулах тэмцээнд түрүүлж аймгийн арслан болсон. Нэмж хэлэхэд, Санжмятавын Нанзад тулгат нь төрсөн дүү С.Шагжийгаа 1930 онд 10 давж түрүүлэн аварга болоход засуулыг нь хийж байсан бөгөөд өөрөө бас зодоглон дөрөв давж начны даваанд өвдөг шороодсон хүчтэн.

ХАЙНАГИЙН ШАР ӨРГӨДӨГ ШИНЭ ЦЭРЭГ

Санжмятавын Шагж 1926 оны намар цэрэгт татагдан Гаалийн хороонд алба хашиж эхэллээ. 1926 оны Улсын заан, Ардын хувьсгалын партизан Гүрийн Дэндэв шинэ цэрэг С.Шагжийн тухай нэгэн сайхан дурсамж ярьсныг уншигч танд сонирхуулъя. Партизан Г.Дэндэв цэргийн дарга байж. Буянт-Ухаад цэргийн карантин гарч байтал хөдөө аймгаас сайн барилддаг нэг залуу цэрэгт татагдаж иржээ гэлцсэн нь Шагж байжээ.Нэг өдөр Шагжийг сорих болж сайн барилддаг дарга, цэрэг арваад хүн түүнтэй цувран барилдахад Шагж цөмийг хаяжээ. Үүний хойно дахин сорих болж цэргийн ундны ус зөөдөг ягаан шарыг өргүүлэх болоход Шагж зодог шуудгаа өмсөөд өрж зогссоноо ухасхийн нэг гараа өвчүүн доогуур нь оруулж, нөгөө гараа цавин доогуур нь оруулж хөндийрүүлээд үүдэн хоймор чинээ явжээ.Хоёр дахин ингэж өргөхөд үнэхээр хүчтэй бөх юм гэж цугларагсад гайхсан байна.

С.Шагж Улсын наадамд 1927 онд анх удаа зодоглож учраа болгоноо уран мэх уралдуулан хаясаар есийн даваанд 1926 оны Улсын заан Булганы М.Данзансодовт амлуулж барилдан давлаа. Үзүүр түрүүний 10-ын даваанд Өвөрхангайн мээтэн О.Аюурт заан цолтой байхад нь унаж үзүүрлэн шууд Улсын арслан цолонд хүрсэн билээ. Түрүү бөх мээтэн хэмээх О.Аюур заан цолоо ахиулж мөн л Улсын арслан болсон юм. Гаалийн хорооны цэрэг ийнхүү амжилттай сайн барилдаж арслан болсноос хойш олон түмэн "Цэргийн Шагж арслан”, "Жанжны бөх” хэмээн нэрийдэж эхлэв. Бүх цэргийн жанжин Х.Чойбалсан түүнийг Босоо Самдан аваргатай барилдуулж хүчийг нь сорихоор Хан Хэнтий аймгийн наадамд барилдуулахаар дагуулж очлоо. Ардын цэргийн 1-р дивизионы тугийг Өндөрхаан уулнаа наймдугаар сарын 8-нд тахиж аймгийнхтай хамтатган хийсэн өргөн дэлгэр наадамд хурсан олон Босоо Самдан аварга, Цэргийн Шагж арслан хоёрын барилдахыг тэсч ядан хүлээж байв. Эр бяр тэгширсэн 28 насандаа яваа Босоо Самдан, бөх хүн бүдүүн өвсөнд гэгч болон шөвгийн дөрөвт амласан Цэлнавааны Цэрэн заанд ойчсоноор 1920-иод онд Монгол бөхийн зүлэг ногоон дэвжээг эзэгнэж явсан гайхамшигт энэ хоёр хүчтэний ноцолдолгоог үзэх хувь наадамчдад дутсан хэрэг болов.Наадмын тухай "Үнэн” сонин 1927 оны есдүгээр сарын 3-ны ¹21-дээ "…наадмын тавдугаар өдөр хур буун…Жанжны бөх цэргийн Шагж гэгч наадмын түрүүг авч урьд олгосон цолон дээр нь баярлах бардам түрэмгий цол олгожээ” гэж мэдээлсэн нь бий.

С.Шагж аварга нь цэрэгт байхдаа Улаанбаатар хотноо Гаалийн хороо, эх орныхоо торгон хил-Хөвсгөл аймгийн хойд хязгаар дахь Гаалийн хороонд алба хашиж байв. Ардын хувьсгалын партизан, зохиолч Ж.Дамдин 1966 онд хэвлүүлсэн "Монгол бөх” номондоо аваргын бяр чадлыг харуулсан үйл явдлыг нүдээр үзсэнээ тэмдэглэсэн билээ."Тэр үед(буюу гучаад оны үед) Улаанбаатар хотноо Гаалийн хороо гэж аян жингийн элдэв бараа хураасан нэгэн их газар байсан юм.Одоогийн Залуучуудын ордон байгаагийн урд дэвсэг дээр Гаалийн хорооны улаан байшин байх бөгөөд эргэн тойрон шавар хэрэмтэй, дотроо олон жижиг байшин, том саравчин агуулах зэрэг зүйлтэй байлаа.Аян жингийн цуваа тэр их хашаанд орж ирэх сацуу тэдний ачаа барааг нь хүлээн авч задгай том агуулахад хураадаг бөгөөд тийм ажилд Шагж, Банзар, Бат-Очир(1932 оны Улсын арслан, Малига бүргэд хэмээх) нарын гурван сүрхий бөх томилогдон ажиллаж байсан нь одоогоор бол нэгэн томхон баазын ачаа ачигч, буулгагч гэсэн үг байжээ. Тэд том томоороо тэн болгож боосон хятад барааг шүүрэн авч агуулахын дотор дээш дээш нь үе үеэр нь шидлэн овоолж байдагсан…бас тэрэн дээр Гаалийн хорооны том хашааны гол сахиулаар дэлхийд алдартай 2 метр 45 санжийн өндөр биетэй Далай чойнхор вангийн Өндөр Гонгор гэгч маш их сүртэй хүн зогсч байсан нь бүр улам ч сүрлэг болгодог байлаа.Гэтэл нэгэн удаа ирсэн аянчны нэг тэмээ тэр хашаан дотроос гэгээн цагаан өдрөөр гэнэт алга болж билээ.Тэр битүү хэрмэн хашаанаас тэмээ байтугай хулгана гарахад бэрх. Гэтэл хашаан дотор тэмээ байх газаргүй тул хүмүүс эцэстээ бараг гэр байшинг хүртэл шагайж эрэх нь шахсаар нэгэн санамсаргүй газраас олж ихэд гайхав.Энэ нь хэрмэн хашааны баруун хойд өнцөгт , хойд талын хананаас дэлэм хэр зайтайгаар баруун хананд нь тулгаж барьсан нэг муу шавар байшин байсан бөгөөд түүний арын хавчиг зайг дээгүүр нь пин дээвэр хийж хэрэмтэй үргэлж болгон битүүлээд мухарт нь жаахан өвс хийн хадгалж байсан тэр нүхээр нөгөө тэмээ чихэн оржээ.Аян жинд ядарч, өлссөн тэмээ цааш зүтгэн нилээд гүн орж мухрын өвснөөс идсэн боловч эргээд гарч чадахгүй болсон байв. Үүнийг хэрхэн гаргах билээ гэж хүмүүс хөл хөдөлгөөн болж байхад мань гурван эр ирээд,

-Яахав, хөлс их өгвөл бид гаргахыг бодъё хэмээн тэмээний эзэнтэй хэлцэн тохирч хоёр нь тэмээний хөлөөс тэврэн гэдсэн доогуур орж, Шагж нь наана үлдэж хоёр хөлөөс нь тэврэн барьж аваад гурвуул дуу нийлүүлэн тэр хоёр нь өргөж, Шагж тэнхээгээрээ угзарсанд тэмээ бахирч, дээвэр нурж, нөгөө байшингийнх нь арын хана дотогш цөмрөөд тэмээнийх нь хоёр бөөрний арьс зулга татагдан гарч ирж байсан удаатай” гэж бичсэн юм.

Хэдийгээр С.Шагж нь цэргийн гэсэн тодотголтой байсан ч 1928, 1929 оны Улсын наадамд баруун талын тэргүүн магнайд босохдоо Улсын Бага хурлын даргын нэрийн өмнөөс барилдсан байна. С.Шагж нь 1928 онд арслан цолоо ахиулж Улсын аварга болно, түрүүлнэ гэсэн итгэл дүүрэн барилдсан боловч наадмын 512 бөхөөс долоо давж дөрөвт шалгараад наймын даваанд урьд жилийн наадмын түрүү бөх мээтэн О.Аюур арслантай тунаанд таарч хүч үзээд хоёр дахиа өвдөг шороодсон юм. Тэрээр 1929 онд 600 бөх барилдахад есийн даваанд Луу гүний Вандан аваргыг хаяж үзүүр түрүүнд Босоо Банзартай үзүүр түрүүнд шалгарлаа. Наадамчин олон С.Шагжийг айдаггүйгээ авдрандаа хийлээ, алдарт Ванданг хаяснаар аваргад хүрэх замаа нээлээ гэлцэж байсан ч Босоо Банзартаа уначихваа.Ингээд хойтон жилийн наадам хол байна даа, хол байна, гэвч даагаа нэхнэ , түрүүлж аварга болно доо гэсэн бодол өвөртөлсөөр явах болов.

С.ШАГЖ АВАРГЫН ДАРХАН МЭХ НЬ ТОНГОРОО

Энэ наадмын дараа Архангай аймгийн наадамд очиж барилдаад үзүүр түрүүнд Арвайхээрийн Банди заанд(1938 оны Улсын арслан) ойчоод үзүүрлэсэн байна. Аймгийн наадмын дараа Дашинчилэнд (одоогийн Булганы) олон газрын морь бөх цугларсан нижгэр тот наадам хийх зар таржээ. С.Шагж энэ наадмаар Ц.Банди заанаас даагаа нэхэхээр очлоо.Тэгээд ч санасандаа хүрч түүнийг үзүүр түрүүнд хаяж түрүүлэв. Ц.Банди арслан энэ тухай "Аймгийн наадамд бид хоёр үзүүр түрүүнд үлдлээ.Гол мэх ижил, хоёулаа тонгорно.Хоёр биенээ ээлжлэн тонгорсоор яваад хөлийн цэц хүрдэг.Засуулууд буцаадаг.Шагж бид хоёр ээлжлэн тонгорсоор би унагаж түрүүллээ. Би буцахдаа Дашинчилэн сумын наадамд барилдах болов.Шагжийг буцсан гэж бодоод тоосонгүй барилдаж энэ наадамд надаас өөр хэн түрүүлэх вэ гэж бодож хоёрын давааны үеэр айраг их уугаад их л додигор байв.Гэтэл Шагж хүрээд ирж.Ингээд бид хоёр үзүүр түрүүнд үлдэж мөн тонгоролцож явалцсаар би ойчоод өгөв өө.Дараа нь би айргаар бөөлжиж тун ч сандарсан юм” дурсан суудагсан. С.Шагж нь ингэж 1929 онд Ц.Бандиас аймгийн наадмын даагаа нэхэж чадсан бол 1930 онд Улсын баяр наадмаар Босоо Банзар арслангаас даагаа нэхэн үзүүр түрүүнд хаяж Монгол бөхийн аварга цолыг авсан түүхтэй. Тус наадамд 864 бөх зодоглосон бөгөөд С.Шагж цолны эрэмбээр есийн даваанд шөвгийн дөрөвт үлдэж шинээр заан цолны болзол биелүүлсэн Мөнгөнторьтын Л.Чимэдийг(1935 оны Улсын арслан) амлан хаясан бол тунаанд хүч үзсэн Б.Банзар арслан Булганы Г.Дэндэв зааныг өвдөг шороодуулсан юм.

Үзүүр түрүүний 10-ын даваанд улсын арслан цолтой С.Шагж, Б.Банзар нарын хэн давсан нь аварга болох байв. Санжмятавын Шагж шийдэмгий сайхан барилдаж учраагаа давснаар Ардын засгийн дөрөв дэх аварга цолыг авсан.

1930 оны Улсын наадмаар С.Шагжид унаж үзүүрлэн аварга цолонд хүрч чадаагүй Баясахын Банзар арслан 1977 онд "Спортын мэдээ” сонины (¹51) сурвалжлагч, яруу найрагч Б.Орхонсэлэнгэд (Гарди магнай киноны Жигмэдэд тоглосон жүжигчин) өгсөн ярилцлагадаа "Арслан цол авчихаад аваргын төлөө санаа байлаа.1930 оны наадамд 1000-аад бөх барилдахад шалгараад аварга цол авахад ганц даваа үлдээд байхад Завханы харъяат Цэргийн Шагж гэдэг олонд алдаршсан бөхөд би унасан юм. Аварга цолонд хүрэхэд ганцхан гишгэлт дутсан даа” хэмээн өгүүлсэн билээ. Улсын аварга С.Шагж нь 1929 онд эр цэргийн албаа өндөрлүүлсэн бөгөөд 1930 онд улсад түрүүлэхдээ нутгаасаа ирж барилдсан юм. Тиймээс ч Улсын наадмын оноо дансанд түүний төрсөн нутаг Шажинбатсэвжидгацал уулын хошууг нь товчлон Шажинбатын Шагж арслан гэж буйр босгосон байдаг.

Цагийг эзэлсэн их хүчтэн С.Шагж аваргын төрсөн ганц хүү Даваасамбуу "Миний төрсөн эцэгтэй нэгэн голд төрж өсөн сум хошууны наадамд барилдаж явсан улсын заан Г.Ренчинсамбуу гуай, сумын заан А.Эрдэнэ-Очир гуай нарын олон хүн "Шагж 1930 онд Улсын баяр наадамд түрүүлэхдээ цэргээс халагдсан байсан. Шагж улсад очиж барилдаад түрүүлж, аварга болоод ирж гэнэ хэмээн манай Шажинбат сэвжидгацал хошууныхан нутаг нугаараа шуугиж байлаа гэж ярьдагсан” нэгэнтээ хуучилсан. Тэрбээр 1932 онд төрсөн, жолооч мэргэжилтэй нэгэн бөгөөд Цэргийн нисэх, барилгын анги, Төмөр замд алба хашин, 1967 оноос 1972 он хүртэл АИХ-ын Тэргүүлэгчдийн Ж.Самбуу даргын, 1974 оноос 1983 онд Үнэн сонины Ц.Намсрай эрхлэгчийн тэрэг барьж байгаад, улмаар 1990 онд гавьяаныхаа амралтанд гарчээ. Засгийн газрын авто баазынхан болон "Үнэн” сонины хууччуул "Ханх (ханхгар) Даваасамбуу юу” гээд андахгүй байна лээ.

Б.Ерэнтэй

Эх сурвалж: "Монголын үнэн" сонин

Төрийн албан хаагчид спортоор өрсөлдөж дүнгээ гаргав

Mart — Tue, 29 Oct 2019 10:13:40 +0800

АймгийнЗДТГ-аас санаачлансумдын ЗДТГ-ын албан хаагчдын дунд уламжлал болгон зохион байгуулдаг спортын тэмцээн өнгөрөгч амралтынөдрүүдэд боллоо.

Албан хаагчид гар болон сагсан бөмбөг, олс таталт гэсэн гурвөн төрөлт тэмцээнээр өрсөлдөж, дүнгээ гаргалаа.Тэмцээнд 11 сумын тамирчид хурд хүч, авхаалж самбаагаа сорин өрсөлдсөнөөс гар бөмбөгийн тэмцээнд Хотонт сумын тамирчид эрэгтэй, эмэгтэй ангилал тус бүрд тэргүүлсэн бол сагсан бөмбөгийн тэмцээнд Өлзийт сумын эрэгтэйчүүд, Батцэнгэл сумын эмэгтэйчүүд тус тус тэргүүлсэн. Олс таталтын тэмцээнд Өлзийт сумын алба хаагчид тэргүүн байр эзэллээ. Багийн нийлбэр дүнгээр Ихтамир сумын ЗДТГ-ын баг тамирчид тэргүүн байр эзэлж, шилжин явах цомын эзэд боллоо.

Энэ тэмцээн нь сумдын ЗДТГ-ын албан хаагчдыг спортын үйл ажиллагаанд идэвхтэй оролцуулах, чөлөөт цагийг зөв боловсон өнгөрүүлэх, эв нэгдэл, нийгмийн идэвх санаачилгыг өрнүүлэх, спортын ур чадварыг нэмэгдүүлэх, спортоор тэргүүлэгч баг хамт олныг шалгаруулах зорилгоор жил бүр явуулж хэвшсэн байна.

Мессигийн гэмтлийн онош тодорчээ

Mart — Thu, 26 Sep 2019 10:26:40 +0800

Испанийн Ла лигийн зургаадугаар тойргийн "Вильярреал”-тай (2:1) хийсэн тоглолтод гэмтэл авсан "Барселона” багийн довтлогч Лионель Месси эмнэлгийн үзлэг шинжилгээнд оржээ.

Зүүн гуяны булчингийн суналт гэсэн онош гарсан бөгөөд 31 настай аргентин залуу хэзээ талбайдаа эргэн ирэх нь одоогоор тодорхойгүй байна.

Шинэ улирлын гурван тоглолтод оролцож нэг гоолын дамжуулалт өгсөн Месси "Вильярреал”-тай хийсэн тоглолтод л гараанд гарсан хэдий ч гэмтэл аван талбайг чөлөөлсөн юм.
Эх сурвалж www.wikimon.mn

Чөлөөт бөхийн улсын аварга шалгаруулах тэмцээн Архангайд хоёр дахь удаагаа болов

Mart — Mon, 27 May 2019 11:30:27 +0800

Чөлөөт бөхийн 2019 оны залуучуудын Улсын аварга шалгаруулах тэмцээн тавдугаар сарын 23-25-нд Архангай аймгийн Цэцэрлэгт боллоо. Эрэгтэйчүүдийн 38, эмэгтэйчүүдийн 13 дахь удаагийн тэмцээнийг Архангай аймгийн чөлөөт бөхийн холбоо, Биеийн тамир спортын газар, "Арж” групп, Монголын чөлөөт бөхийн холбоо хамтран зохион байгуулж, нийслэл, дүүрэг, хөдөө, орон нутгийн 25 байгууллагын265 гаруй тамирчин эрэгтэй, эмэгтэйчүүдийн тус бүр 10 жинд хурд, хүч, авхаалж самбаагаа сорин өрсөлдөв.

Тэмцээний хоёр дахь өдөр залуучуудын ДАШТ-ий хүрэл медальт Орхон аймгийн "Ирээдүйн одод” сургуулийн тамирчин ОУХМ Б.Бат-Эрдэнэ, "Хилчин” спорт хорооны тамирчин ОУХМ Б.Энхцэцэг, 23 хүртэлх насны Азийн аварга Баянхонгор аймгийн "Хонгор нутаг” дэвжээний тамирчин Б.Хонгорзул, Ө.Пүрэвсүрэн нар улсын хошой аварга болцгоов. Тэгвэл "Хасу-Мегастарс”-ын Н.Наранхүү, О.Сүлдхүү, Б.Билгүүн, "Аварга" сургуулийн Б.Баянсүх, "Алдар"-ын Ч.Отгонтуяа, "Говийн бөх”-ийн Д.Цогзолмаа нар анх удаа аваргалжээ. Энэ жил манай залуу тамирчдыг долдугаар сард Тайландад болох Азийн АШТ, наймдугаар сард Эстони улсад болох ДАШТ хүлээж байна.

Залуучуудын УАШТ-ий эрэгтэйчүүдийн багийн дүнг гавьяат дасгалжуулагч Ц.Баярсайхан дасгалжуулагчтай Дархан-Уул аймгийн "Хасу-Мегастарс” клуб тэргүүлж, С.Мөнхдуулдах дасгалжуулагчтай Баянхонгор аймгийн "Хонгор нутаг” дэвжээ удаалж, ОУХМ Д.Гомбодорж дасгалжуулагчтай "Хангай хүчтэн” клуб гуравдугаар байрт оров.

Эмэгтэйчүүдийн багийн дүнг гавьяат дасгалжуулагч Т.Сүхбаатар, М.Мөнхбат дасгалжуулагчтай "Женко” клуб, гавьяат дасгалжуулагч Ц.Хосбаяр дасгалжуулагчтай "Алдар” спорт хороо, спортын мастер Ё.Батдархан дасгалжуулагчтай Дархан-Уул аймаг, "Хасу-Мегастарс” клуб эхний гурван байрыг эзэллээ.

Монголын баг тамирчид долоон алт, долоон мөнгө, 11 хүрэл медаль хүртлээ

nomun — Tue, 21 May 2019 10:20:23 +0800

Буриадын ерөнхийлөгчийн нэрэмжит чөлөөт бөхийн "Байгаль опен” олон улсын тэмцээн энэ сарын 17-19-нд үргэлжилж өнгөрсөн нямд өндөрлөв. Энэ тэмцээн рүү манай чөлөөтийнхөн ёстой л "бэлчсэн дээ”. Зуу гаруй хүнтэй баг очсон. Зорилго нь тэнд жинхэнэ "байлдан дагуулалт” хийнэ гэсэн юм байх. Тэр зорилгодоо ч бараг хүрсэн гэж болно. Монголын баг тамирчид долоон алт, долоон мөнгө, 11 хүрэл медаль хүртлээ гэсэн мэдээ ирэв. Уг тэмцээн жирийн нэг уулзалт төдий тэмцээн биш. ОХУ, Монгол, Доминикан, БНСУ, Унгар, Казахстан, Тажикстан зэрэг 13 орны 440 гаруй бөх чуулж эрэгтэйчүүд 10, эмэгтэйчүүд зургаан жинд өрсөлдсөн байна.

Тэр дундаас манай бүсгүйчүүд тун сайхан амжилт үзүүлэв. Зургаан жингийн тавд нь түрүүлсэн гэдэг онцгой амжилт байлгүй яахав. Үүнийг тодруулбал, 50 кг-д Ц.Намуунцэцэг,, 53 кг-д Э.Сумъяа, 62 кг-д Ө.Пүрэвсүрэн, 68 кг-д гавьяат тамирчин О.Насанбурмаа, 76 кг-д гавьяат тамирчин О.Бурмаа нар алтан медалийн эзэн болжээ.

Нэг сонирхолтой тохиолдол гэвэл 68 кг-ын жинд Монголын гурван бүсгүй медалийн тавцанд зэрэгцэн зогслоо. Энэ нь О.Насанбурмаа ээлжит түрүүгээ авсан бол ОУХМ Х.Болортуяа мөнгө, Азийн АШТ-ий хошой хүрэл медальт, ОУХМ Э.Цэвэгмэд хүрэл медаль хүртсэн хосгүй сайхан дүр зураг юм. Харин энэ жинд "Лондон-2012” олимпийн наадмын хүрэл, ДАШТ-ий хошой алт, нэг мөнгөн медальт, Хөдөлмөрийн баатар С.Батцэцэг шагналт байрт шалгарав.

Бас нэгийг онцолбол олон жил манай эмэгтэй чөлөөтийн хүнд жингийн өнгийг тодорхойлж явсан гавьяат тамирчин О.Бурмаа нэг хэсэг завсарлагаатай байсны дараа энэ тэмцээнд торолгүй түрүүлсэн нь ясны тамирчин гэдгээ харууллаа. Тэгвэл бас бүсгүйчүүдээс Н.Анударь, Ө.Хонгорзул, Х.Болортуяа, Г.Ариунжаргал нар мөнгөн медаль, Б.Чимгээ А.Батцэцэг, П.Шинэхүү, Б.Шоовдор, Д.Түмэнхүслэн, Э.Цэвэгмэд, Г.Уртнасан нар хүрэл медалийн эзэн болж, эмэгтэй багийн амжилтыг өндөрт өргөхөд хувь нэмрээ оруулав.

Харин эрэгтэйчүүдээс 61 кг-д Т.Түвшинтулга, 86 кг-д Г.Ганхуяг, 125 кг-д Д.Хүдэрбулга нар мөнгөн медаль хүртэв. Уг нь тэд сүүлчийн өдөр алтан медалийн төлөө барилдсан юм. Гэтэл нэг нь ч өрсөлдөгчөө ялж чадаагүйгээс үзүүрт үлдэцгээв. Чөлөөтийнхөн маань тэмцээн бүхэнд ингэж оролцдог бол сайхан даа. Даангүй бүсгүйчүүд хүчтэй байна шүү.

Эх сурвалж: "Зууны мэдээ” сонин

2500 гаруй хүүхэд урлагийн 5, спортын 7 төрөлд өрсөлдлөө

nomun — Wed, 15 May 2019 11:50:11 +0800

Архангай /МОНЦАМЭ/. Аймгийн Засаг даргын 2016-2020 оны үйл ажиллагааны хөьөлбөрт Боловсролын салбарт Багшийн хөгжил, ирээдүй 1+1 гэсэн 2 хөтөлбөрийг хэрэгжүүлж байгаа. Хүүхэд бүрийг урлаг, спортын аль нэг төрлөөр заавал хөгжүүлэх нь "Ирээдүй 1+1" хөтөлбөрийн гол зорилго юм.

Энэ хөтөлбөрийн хүрээнд "Хүүхдийн урлаг, спортын наадам-2019”-ыг хоёр дахь удаагаа энэ сарын 10, 11-нд Цэцэрлэг хотноо зохион байгууллаа. Урлаг спортын наадамд Архангай аймгийн 19 сумын 24 ЕБС, 34 цэцэрлэгийн 2-18 насны нийт 2500 гаруй хүүхэд урлагийн 5 төрөл, спортын 7 төрөлд авьяас чадвар, хүч чадлаа сорин өрсөлдөж, шилдгүүдээ шалгаруулсан юм.

Урлагийн төрөлд "Шилдэг Сургууль, Цэцэрлэг”-ээр Эрдэнэбулган сумын 1, 4-р сургууль, 2-р цэцэрлэг, Өндөр-Улаан сумын цэцэрлэг шалгарсан бол "Шилдэг багш”-аар Өндөр-Улаан сумын ЕБС-ийн багш Д.Алтанхундага, "Шилдэг үзүүлбэр”-ээр Хотонт сумын "Дэлбээ” хамтлаг "Гранпри" шагналын эзэн боллоо. Спортын төрөлд "Шилдэг сургууль”-аар Эрдэнэбулган сумын 1-р сургууль, Спортын төрөлжсөн сургалттай сургууль шалгарсан бол "Шилдэг багш”-аар Спортын төрөлжсөн сургалттай сургуулийн багш Б.Батдэлгэр тодорчээ.

Баку гранд слам: Д.Амартүвшин, Ё.Басхүү нар хүрэл медаль хүртлээ

nomun — Sat, 11 May 2019 11:37:40 +0800

Жүдо бөхийн Бакугийн Гранд слам тэмцээн өчигдөр Азербайжаны нийслэл Баку хотод эхэллээ. 57 орны 449 жүдоч оролцож буй уг тэмцээнд манай улсаас эрэгтэй 10, эмэгтэй 4 тамирчин оролцож байна.

Өчигдөр тэмцээний эхний өдөр манай 7 жүдоч татамид гарсанаас МУГТ Д.Амартүвшин, ОУХМ Ё.Басхүү нар хүрэл медалийн болзол хангалаа.

60 кг-ын жинд Д.Амартүвшин эхний тойрогтоо гоц мөргөж, Туркменстан, Болгарын жүдочыг ялж хэсгийн аварга болсон. Зооны аваргын төлөө Гүржийн бөхөд ялагдан, хүрэл медалийн төлөө Францын бөхийг ялсанаар медалийн тавцанд гарлаа.

66 кг-ын жинд Ё.Басхүү Болгар, Монте-негро, Бразилийн бөхчүүдийг ялж, Азербайжаны Н.Шикализадад ялагдан, хүрэл медалийн төлөө Азербайжаны И.Алиевыг ялжээ.

Өнөөдөр манай 5 бөх дэвжээнд гарна.

Л.Отгонбаатар Азийн аварга болж Эмиратын дэвжээнд дэвлээ

nomun — Tue, 23 Apr 2019 10:26:14 +0800

Арабын нэгдсэн Эмират улсын Фужирах хотноо жүдо бөхийн Ази, номхон далайн бүсийн аварга шалгаруулах тэмцээн өнөөдөр гуравдахь өдрөө үргэлжлэн явагдлаа.

Өнөөдөр хүнд жингийн барилдаанууд явагдсан бөгөөд

-90 Э. Мөнхжаргал

-100 Л. Отгонбаатар

+100 Ө. Дүүрэнбаяр

-78 О. Мөнхцэцэг С. Шүрэнчимэг

+78 Э. Гандиймаа нар барилдав.

Манай бөхчүүдээс Л.Отгонбаатар финалд БНСУ-ын бөх Вон Жон Хүнтэй барилдан ялсанаар аваргын алтан медалийн эзэн боллоо.

Азийн аварга шалгаруулах тэмцээнээс манай баг 3 алт, 2 мөнгө, 3 хүрэл медаль хүртээд байна. Маргааш багийн барилдаан болсоноор Азийн АШТ өндөрлөнө.

Ч.Амар

Өсвөрийн чөлөөт бөхийн улсын аварга шалгаруулах тэмцээнд Өлзийт сумын тамирчид амжилттай оролцжээ

Mart — Mon, 22 Apr 2019 15:24:26 +0800

4-р сарын 17-21-ний хооронд Хэнтий аймагт болсон Өсврийн Чөлөөт бөхийн Улсын аварга шалгаруулах тэмцээнд Архангай аймгийн баг тамирчид амжилттай оролцлоо.

Өлзийт сумын харъяат Ганбатын Оюундарь 46 кг-ын жинд Алтан медаль

Өлзийт сумын харъяат Баатархүүгийн Хонгорзул 43 кг-ын жинд хүрэл медаль

Өлзийт сумын харъяат Батбаатарын Орших -92 кг-ын жинд хүрэл медаль хүртсэн байна.

Архангай аймгаас тус тэмцээнд нийт 23 тамирчин оролцсон бөгөөд багаараа 4-р байранд шалгарлаа. Багийн барилдаанд аймгийн баг 3-р байранд шалгарсан.

Дасгалжуулагч багшаар П.Пүрэвцогт, Ч.Мөнхбат, Ч.Энхболд, М.Батзориг нар ажилласан байна.

Жүдо Азийн АШТ: О.Ууганбаатар, Ц.Цогтбаатар нар Азийн аварга боллоо

nomun — Mon, 22 Apr 2019 09:17:56 +0800

Арабын нэгдсэн Эмират улсын Фужирах хотноо жүдо бөхийн Ази, номхон далайн бүсийн аварга шалгаруулах тэмцээн өнөөдөр хоёрдахь өдрөө үргэлжлэн явагдлаа.

Манай улсаас эрэгтэй ес, эмэгтэй найм, нийт 17 тамирчин 13 жинд хурд хүчээ авхаалж самбаагаа сорин өрсөлдөж байна. Эхний өдөр нэг мөнгө, 3 хүрэл медаль хүртсэн бол өнөөдөр 2 алт 1 мөнгөн медаль хүртэв.

Эмэгтэйчүүдийн -63 кг жинд Б.Ганхайч мөнгөн медаль, эрэгтэйчүүдийн -73 кг жинд Ц.Цогтбаатар БНСУ-ын жүдоч Ан Чан Римыг цэвэр ялж Азийн аварга боллоо. Мөн 81 кг-ын жинд О.Ууганбаатар Узбекстаны Ш.Болтабоевыг цаг дуусах мөчьэй зэрэгцэн ялж Аваргын алтан медаль хүртлээ.

Ч.Амар

Чөлөөт бөхийн Азийн АШТ-д оролцох бөхчүүд тодорлоо

nomun — Sat, 13 Apr 2019 11:46:57 +0800

Бөхийн төрлүүдийн 2019 оны насанд хүрэгчдийн Азийн аварга шалгаруулах тэмцээн дөрөвдүгээр сарын 23-28-нд БНХАУ-ын Шэнси мужийн төв Шиань хотод болно. Чөлөөт бөхийн эрэгтэйчүүдийн 32, эмэгтэйчүүдийн 22 дахь удаагийн Азийн АШТ-д оролцох Монгол Улсын шигшээ багийн бүрэлдэхүүн тодорлоо. Энэ удаагийн Азийн аваргад манай улс чөлөөт бөхийн төрөлд эрэгтэй, эмэгтэй бүтэн багаараа, сонгомол бөхийн төрөлд хоёр тамирчин оролцох бөгөөд "Лондон-2012” олимпийн наадмын хүрэл, ДАШТ-ий хошой алт, нэг мөнгөн медальт, гавьяат тамирчин С.Батцэцэг, ДАШТ-ий алт, мөнгөн медальт, залуучуудын дэлхийн аварга, гавьяат тамирчин С.Цэрэнчимэд, өсвөр үе, залуучууд, 23 хүртэлх насны ДАШТ-ий медальт, Азийн наадам болон Азийн АШТ-ий медальт А.Батцэцэг, Азийн АШТ-ий хүрэл медальт Э.Гантуяа, З.Болортунгалаг гэсэн туршлагатай тамирчдаас гадна залуучууд зодоглохоор болов. Манай бүрэлдэхүүний дийлэнхийг манай өсч яваа залуу тамирчид бүрдүүлж байгаа бөгөөд Азийн аваргад хүч үзэх 20 тамирчны 12 нь тивийн шилдгүүдтэй анх удаа нүүр тулна. Эрэгтэйчүүдийн 10 жингийн дундаж нас 22 байгаа бөгөөд Азийн аваргын ганц ч медальтай бөх байхгүй.

Түүнчлэн өнгөрсөн сард Улаанбаатарт болсон 23 хүртэлх насны Азийн АШТ-д сонгомол бөхийн 55 кг-д хүрэл медаль хүртсэн М.Даваабанди, 67 кг-д мөнгөн медаль хүртсэн Г.Ханбүргэд нар хүч үзэхээр болсон. Манай бөхчүүд хамгийн сүүлд сонгомол бөхийн төрлөөр 18 жилийн өмнө буюу 2001 онд хүч үзэж байв.

Монголын шигшээ багийн ахлах дасгалжуулагчаар Б.Баттулга, дасгалжуулагчаар Ц.Баярсайхан, А.Цэдэнсодном, ОУХМ Б.Батзориг, Ө.Ууганбаяр, эмчээр Баатар, шүүгчээр Ц.Сэрээтэр нар ажиллах юм.

Манай эрэгтэй бөхчүүд Тоорил ханы хүрээ жуулчны баазад, бүсгүйчүүд "Хасу-Мегаватт” компанийн "Эко” спорт цогцолборт, сонгомол бөхийн хоёр тамирчин ӨМӨЗО-ны Хөх хотод тус тус бэлтгэлээ базааж байна. Эрэгтэйчүүд дөрөвдүгээр сарын 21, эмэгтэйчүүд үүнээс хоёр хоногийн дараа урд хөрш рүү мордох бол сонгомол бөхийн хоёр тамирчин 25-нд Хөх хотоос шууд Шианийг зорино.

АЗИЙН АВАРГАД ЗОДОГЛОХ МОНГОЛЫН БҮРЭЛДЭХҮҮН:

Эрэгтэйчүүдийн 57 кг: Нармандахын Насанбуян

61 кг: Цэвээнсүрэнгийн Цогбадрах

65 кг: Төмөр-Очирын Тулга

70 кг: Энхтуяагийн Тэмүүлэн

74 кг: Батсуурийн Отгонбаяр

79 кг: Дэнзэншаравын Төгс-Эрдэнэ

86 кг: Ганбаатарын Ганхуяг

92 кг: Баасанцогтын Өлзийсайхан

97 кг: Өлзийсайханы Батзул

125 кг: Мөнхтөрийн Лхагвагэрэл

Эмэгтэйчүүдийн 50 кг: Цогт-Очирын Намуунцэцэг

53 кг: Батбаатарын Энхцэцэг

55 кг: Болормаагийн Дөлгөөн

57 кг: Сүхээгийн Цэрэнчимэд

59 кг: Алтанцэцэгийн Батцэцэг

62 кг: Энхбатын Гантуяа

65 кг: Зоригтын Болортунгалаг

68 кг: Соронзонболдын Батцэцэг

72 кг: Ганбатын Ариунжаргал

76 кг: Найгалсүрэнгийн Загардулам

Сонгомол бөхийн 55 кг: Мөнх-Эрдэнийн Даваабанди

67 кг: Ганхуягийн Ханбүргэд

Шинэ чансааг О.Хангай харцага тэргүүлжээ

nomun — Fri, 12 Apr 2019 12:29:58 +0800

Монголын үндэсний бөхийн холбооноос "Урвуулагч” хэмээх шороон гахай жилийн барилдаанаас эхлэн дөрөвдүгээр сарын 7-нд болсон барилдааны үзүүлэлтээр бөхчүүдийн шинэ чансааг гаргажээ.

Энэ хугацааны чансааг Монгол Улсын харцага О.Хангай 83132 оноогоор тэргүүлсэн бол Монгол Улсын аварга Ч.Санжаадамба, улсын гарьд Б.Гончигдамба, улсын арслан Ц.Содномдорж, улсын харцага Б.Бат-Өлзий нар эхний тавд бичигджээ.

Мөн улсын арслан П.Бүрэнтөгс, улсын начин Д.Анар, улсын арслан Р.Пүрэвдагва, улсын аварга Н.Батсуурь, улсын арслан Э.Оюунболд нарын бөхчүүд 6-10 дугаар байрт эрэмбэлэгдсэн байна.

ЖҮДО: М.Уранцэцэг мөнгөн медаль хүртэв

nomun — Mon, 08 Apr 2019 10:24:20 +0800

Турк улсын Антальяа хотноо Олон улсын жүдо бөхийн холбоо /IJF/-ны цувралын ээлжит "Антальяа Гран при-2019” тэмцээн үргэлжилж байна.

Дөрөвдүгээр сарын 5-7-нд болж буй тэмцээний эхний өдөр эмэгтэйчүүдийн 52 кг-д дэлхийн аварга, гавьяат тамирчин М.Уранцэцэг мөнгөн медаль хүртлээ. Энэ удаагийн тэмцээнд 6 тивийн 75 орны эрэгтэй 293, эмэгтэй 188 жүдоч хүч, ур чадвараа сорин өрсөлдөж байгаагаас манай улсаас эрэгтэй 11, эмэгтэй 8 жүдоч оролцож байна.

Дэлхийн аварга нарт хүндэтгэл үзүүллээ

nomun — Thu, 04 Apr 2019 15:41:08 +0800

Бүгд найрамдах Польш улсын Торун хотноо гуравдугаар сарын 24-30-ны өдрүүдэд Хөнгөн атлетикийн мастеруудын Дэлхийн аварга шалгаруулах тэмцээн /ДАШТ/ зохион байгуулагдсан билээ.

45, 50, 60, 70, 80, 90 хүртэлх насны ангиллаар дэлхийн 88 орны 500 гаруй тамирчид өрсөлдсөн тэмцээнд Монгол Улсаа төлөөлөн 13 тамирчин оролцов.

Өдгөө 85 настай иргэн Ц.Раднаа 400 метр, 60 метрийн саадтай гүйлт, гурвын харайлтын төрөлд аваргын алтан медалийг хүртэж, 400 метрт дэлхийн рекорд шинэчлэн тогтоосон бол 81 настай иргэн Т.Цэрэндолгор нь шидэлтийн таван төрлөөр 1 алт, 4 мөнгөн медаль хүртсэн юм.

Монголын үндэсний олимпийн хороо /МҮОХ/-ны Ерөнхий нарийн бичгийн дарга Э.Бадар-Ууган Хөнгөн атлетикийн мастеруудын ДАШТ-ээс медаль хүртсэн тамирчдыг өчигдөр хүлээн авч хүндэтгэл үзүүлэн, Монголын Үндэсний Олимпын Хорооны одонг зүүж өгчээ.

Эх сурвалж: МҮОХ

Т.Ариунболд эзэнтэй Архангай Алтан Дорнодын Дайчид баг Үндэсний Лигийн 3 удаагийн АВАРГА багаар шалгарлаа

zulaa — Thu, 04 Apr 2019 12:48:58 +0800

Монголын үндэсний сагсан бөмбөгийн холбооноос жил бүр зохин байгуулдаг "ХОРИН НЭГЭН АЙМГИЙН ҮНДЭСНИЙ ЛИГ 2018-2019" оны улирлын аварга шалгаруулах сагсан бөмбөгийн финалийн шатны тоглолтууд өчигдөр

Архангайн шигшээ баг Идэрчүүдийн гар бөмбөгийн аварга болов

zulaa — Mon, 25 Mar 2019 13:29:20 +0800

Архангай /МОНЦАМЭ/.Идэрчүүдийн хангайн бүсийн аварга шалгаруулахволейболынтэмцээн Эрдэнэт хотод боллоо.Тус тэмцээнд хангайн бүсийн зургаан аймгийн эрэгтэй долоон баг, эмэгтэй зургаан баг оролцож, аваргын төлөө өрсөлдсөн юм.

Хакүхо М.Даваажаргал 15 давж 42 дахь түрүүгээ авлаа

Mart — Mon, 25 Mar 2019 09:20:35 +0800

Японы мэргэжлийн сүмо бөхийн хаврын тэмцээн өчигдөр өндөрлөлөө. Гуравдугаар сарын башёд 69 дэх их аварга Хакүхо М.Даваажаргал өвдөг шороодолгүй 15 давж түрүүллээ. Тэрээр 15 дахь өдөр нутаг нэгт их аварга Какүрюү М.Анандыг давжээ. Их аварга Хакүхогийн хувьд тэрээр өнгөрсөн 2018 оны есдүгээр сарын башёд мөн өвдөг шороодолгүй түрүүлсэн юм. Харин арваннэгдүгээр сарын башёг гэмтлийн улмаас өнжиж өнгөрсөн нэгдүгээр сарын башёд мөн тааруухан амжилт үзүүлж сүүлийн өдрүүдэд барилдаагүй юм.

Гуравдугаар сарын башёд Хакүхо их аваргатай эн тэнцүү өрсөлдөх бөх гараагүй бөгөөд түүний араас хамгийн ойрхон нэхэж 14 даваа, нэг унаатайгаар тэмцээнийг өндөрлөсөн маэгаширагийн дөрөв дэх бөх Ичиножёо А.Ичинноров ирэх сард саняакү буюу өндөр цолд хүрэх магадлалтай болжээ. Их аварга Какүрюү М.Ананд 10 даваа, таван унаатайгаар тэмцээнийг өндөрлүүлсэн бол нэгдүгээр сарын башёгийн тэргүүн бөх Тамаваши Б.Мөнх-Оргил энэ сард тааруухан барилдаж таван даваа, 10 унаатайгаар тэмцээний дуусган, цолоо хураалгах нь тодорхой болсон байна.

Европын хөлбөмбөгийн холбоо К.Роналдуд хэрэг үүсгэжээ

Mart — Wed, 20 Mar 2019 10:07:10 +0800

Европын хөлбөмбөгийн холбоо Италийн "Ювентус” багийн довтлогч Криштиану Роналдуд тамирчны сахилга бат, ёсзүйг зөрчсөн хэргээр шийтгэл хүлээлгэхээр зэхэж байна. Тэрээр "Аваргуудын лиг”-ийн шөвгийн 16 багийн хариу тоглолтод Испанийн "Атлетико” багт гурав дахь гоолоо оруулсныхаа дараа дасгалжуулагч Диего Симеоне руу эвгүй үйлдэл гаргасан юм. Эхний тоглолтод "Атлетико” 2:0-ээр хожсоны дараа дасгалжуулагч Диего Симеоне "Ювентус”-ын тоглогчид руу бэлэг эрхтэн дүрсэлсэн эвгүй хөдөлгөөн, доромжилсон үйлдэл харуулсан бөгөөд Европын хөлбөмбөгийн холбооны зүгээс түүнийг ёсзүйгүй үйлдэл гаргасан хэмээн 20 000 еврогоор торгоод байсан юм. Гэтэл Роналду хожлын гоол /Эхний тоглолтод Атлетико 2:0-ээр хожиж, хариу тоглолтод "Ювентус” 3:0-ээр хожсон/ оруулсныхаа дараа энэхүү үйлдлийг Диего Симеонед харуулсан бөгөөд илүү томыг дүрсэлж харуулан доромжилсон юм.

Эх сурвалж: eagle.mn

Их аварга Хакүхо 10 даваатай Харү башёг тэргүүлж байна

Mart — Tue, 19 Mar 2019 17:28:09 +0800

Японы мэргэжлийн сүмо бөхийн Харү башё буюу хаврын тэмцээн өндөрлөхөд таван өдрийн барилдаан үлдсэн 10 дахь өдөр 69 дэх Их аварга Хакүхо М.Даваажаргал, Тамаваши Сэкиваке Б.Мөнх-Оргилыг давснаар 10 даваатай тэргүүллээ хадгалж үлдлээ.

Харин Тамаваши 4 даваа, 6 унаатай болов. Ес дэх өдрийн барилдаанд Озэки Гоэйдог давж, 50 хувийн амжилтаа үзүүлсэн"Үлэмж биет” гэгддэг Ичиножёо А.Ичинноров энэ өдөр Озэки Такаясүг хүч бяраар илүүрхэн давж 9 даваа нэг унаатай болов. Харин энэ өдөр 71 дэх Их аварга Какүрюү М.Ананд, Такакейшёод унаснаар 2 унаатай болов. Энэ өдөр өрсөлдөгчдөө давсан Озэки Гойэдо, Такаясү нар 8 даваа, 2 унаатай байна. Озэки асан Котошёогикү 8 даваатай байгаа юм.

montsame.mn

Улсын гарди Б.Гончигдамба түрүүллээ

Mart — Mon, 18 Mar 2019 11:27:20 +0800

Зэвсэгт хүчний 98 жилийд зориулсан улс аймгийн алдар цолтой 256 бөхийн барилдаан Монгол бөхийн өргөөнд амжилттай зохион байгуулагдлаа. Тус барилдаанд у.ар Э.Оюунболд, у.г Б.Гончигдамба, у.з М.Өсөхбаяр, Н.Түвшинбаяр нараар магнайлуулсан хүчит бөхчүүд хүч сорьсноос Завхан аймгийн Их-Уул сумын харъяат, "Алдар" спорт хорооны тамирчин, Монгол улсын гарди Б.Гончигдамба найм даван түрүүлж, Хэнтий аймгийн Өмнөдэлгэр сумын харъяат ЦЕГ-ын "Хүч" спорт хорооны тамирчин, Монгол улсын арслан Э.Оюунболд долоо даван үзүүрлэв. Шөвгийн дөрөвт Булган аймгийн Сайхан сумын харъяат "Булганхангай" бөхийн дэвжээ, "Женко" клубын бөх, Монгол улсын заан Н.Түвшинбаяр, Говьсүмбэр аймгийн Сүмбэр сумын харьяат, "Аварга" дээд сургуулийн бөх аймгийн арслан Э.Мөнхбаатар нар шалгарлаа.

“Дөл” тэмцээний аймгийн аварга шалгарав

nomun — Thu, 14 Mar 2019 11:09:10 +0800

Архангай /МОНЦАМЭ/.Монгол цэргийн өдөр, Зэвсэгт хүчний 98 жилийн ойг угтан аймгийн ЗДТГ-ын Цэргийн штабаас хууль хүчний байгууллага, иргэд, сурагчдын дунд олон ажил зохиож байгаагийн нэг нь аймгийн аварга шалгаруулах цэрэг-спортын "Дөл” тэмцээн юм.

Аймгийн аварга шалгаруулах "Дөл” тэмцээний цэрэг-спортын есөн төрөлд Эрдэнэбулган сумын 1, 2, 3, 4, Спортын сургалттай сургууль, Ихтамир сумын ЕБС, МСҮТ гээд долоон сургуулийн баг тамирчид хоёр өдрийн турш өрсөлдөж, өнөөдөр дүнгээ гарган аваргаа тодруулсан байна. "Дөл” тэмцээний аймгийн аваргаар Итамир сумын ЕБС-ийн баг орсон бол дараагийн байруудад 4-р сургууль, Спортын төрөлжсөн сургалттай сургуулийн багууд орсон байна.

Тэмцээн нь ЕБС-ийн ахлах ангийн сурагчдад цэрэг, эх оронч хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэлзүйн бэлтгэл, тэсвэр хатуужил олгож, эх орноо батлан хамгаалах бэлтгэл эзэмшүүлэх, монгол цэргийн залгамж халааг бэлтгэх зорилготой бөгөөд энэ жилээс аймгийн Засаг даргын нэрэмжит болгож буйгаараа онцлогтой болсон юм.

"UFC"-ийн од Конор Макгрегорыг дээрмийн хэргээр баривчилжээ

Mart — Tue, 12 Mar 2019 13:19:56 +0800

Холимог тулааны урлагийн анхны холбоо болох "UFC"-ийн од Ирландын тамирчин Конор Макгрегор өчигдөр АНУ-ын Майами хотын цагдаагийнханд баригдсан талаар "www.dailymail.co.uk" сайт мэдээллээ.

Тамирчин залууг "бусдыг дээрэмдсэн" хэргээр баривчилсан гэдгээ цагдаагийн газраас уламжлав.

Тэрбээр "Fontainebleau Miami Beach" гэх таван одтой зочид буудалд буудалласан аж.

Конор өчигдөр зочид буудлаасаа гарч явахад түүний нэгэн шүтэн бишрэгч зөвшөөрөлгүй зургийг нь авсанд уурлаж, гарт утсыг нь булаан авч, газар шидсэнийхээ дараа эзэнд нь өгөхгүй авч явжээ. Шүтэн бишрэгч түүнээс утсаа авч чадаагүй учир ийнхүү цагдаад хандахад хүрчээ.

Уг хэргээс хагас цагийн дараа цагдаагийнхан Конорыг дээрмийн хэргээр баривчилсан аж. Хохирогчийн утас 1,000 ам.доллар байсан ба уг хохирлыг Конороор бүрэн төлүүлэхээр болжээ.

Өдгөө 30 настай Конор өнгөрөгч онд өрсөлдөгч тамирчныхаа сууж явсан автобус руу дайрч, танхайрсан юм. Энэхүү дайралтын дараа шүүхээс тамирчинг уур бухимдлаа барьж сурах тусгай сургалтад хамруулахаас гадна таван өдрийн хугацаатай нийгэмд тустай хөдөлмөр хийх шийтгэл оноож байв.

Дэвид Бекхэмийн хүрэл хөшөөг босгожээ

Mart — Tue, 05 Mar 2019 10:05:41 +0800

Английн хөлбөмбөгчин асан Дэвид Бекхэмийн хүрэл хөшөөг "Мэжор” лигээс Лос-Анжелес Галакси цэнгэлдэх хүрээлэнгийн хажууд босгожээ. Дэвид Бекхэм "Мэжор” клубт 2007-2012 онуудад тоглож байсан бөгөөд "Мэжор” лиг түүхэндээ анх удаа тоглогчдоо хөшөө босгосон нь энэ юм.

Хөшөөний нээлт гуравдугаар сарын хоёронд "Мэжор” лигийн шинэ улирлын нээлтийн тоглолтын өмнө болсон бөгөөд уг арга хэмжээнд Дэвид Бекхэм эхнэр Виктория Бекхэмийн хамт оролцсон байна.

Бадминтоны өсвөрийн аваргууд шалгарав

nomun — Mon, 04 Mar 2019 12:31:30 +0800

Архангай аймгийн Бадминтоны өсвөр үеийн аймгийн аварга шалгаруулах тэмцээнийг өнгөрсөн амралтын өдрүүдэдаймгийн Бадминтоны холбоо, Биеийн тамир спортын газар,Лаборатори 1-р сургуультай хамтран зохион байгууллаа.Тус тэмцээндоролцох хүүхдийн тоо жилээс жилд өсч байгаа бөгөөд энэ жил11 байгууллагын170 гаруй тамирчид оролцож аваргуудаа шалгарууллаа.

Тамирчид нийт 96 медалийн төлөө өрсөлдөж, төрөл тус бүр дээрээ аваргуудаа шалгаруулсан. Харин багийн дүнгээр9 алт,4 мөнгө,5 хүрэлмедалиарЛаборатори 1 сургуультэргүүлж,4 алт,4 мөнгө,4 хүрэлмедалиарСпортын төрөлжсөн сургалттай ЕБС2-р байрт,1 алт,2 мөнгө,2 хүрэлмедальтайгаарЖаргалант сумын баг3-р байрт тус тусшалгарчээ.

Архангай аймагтБадминтоны спортыгхөгжүүлэх зорилгоор холбоог 2011 онд байгуулсан ба өдгөө бусад 18 суманд биеийн тамирын багш нараар дамжуулан бадминтоны сургалтыг тасралтгүй зохион байгуулж байна. Үүний үр дүнд бадминтоноор хичээллэх хүүхэд болоод насанд хүрэгчдийн тоо эрс нэмэгджээ. Энэ спортоор хичээллэснээр хөдөлгөөний дутагдлаас бүрэн ангижирч ялангуяа нүдний хараанд сайнаар нөлөөлдөг байна.

М.Уранцэцэг дэлхийн чансааг тэргүүлэв

Mart — Thu, 28 Feb 2019 10:02:21 +0800

Олон улсын жүдо бөхийн холбооноос Германы "Их дуулга” тэмцээний дараа бөхчүүдийн шинэчилсэн чансааг гаргалаа.

Эмэгтэй жүдочдоос Гавьяат тамирчин М.Уранцэцэг 48 кг-ын жинг 6218 оноогоор тэргүүлсэн бол Японы Фүна Тонаки 6206 оноогоор удаалжээ. Энэ жинд барилдаж байгаа Г.Наранцэцэг 41, Э.Гэрэлмаа 51, Б.Хорлоо 85, Э.Уртнасан 119-р байрт бичигдлээ.

Дэлхийн аварга М.Уранцэцэг 2019 оны эхний "Их дуулга”-д 52 кг-д барилдсан бол өнгөрөгч долоо хоногт Германд болсон тэмцээнийг өнжсөн юм. Гэвч гавьяатын хувьд шинэчилсэн чансааг тэргүүллээ.

52 кг-ын жинд залуу жүдоч Л.Сосорбарам 34-р байр руу дэвшлээ. Тэрбээр Германы "Их дуулга”-с мөнгөн медаль хүртсэнээр чансаагаа 20 байраар ахиуллаа.

57 кг-д олимпийн мөнгөн медальт Д.Сумъяа Японы Ёшида Цүкаса, Косовогийн Нора Гякова нарын араас гуравт бичигдсэн бол Л.Энхрийлэн 30-р байрт байна. Харин 63 кг-д Б.Мөнгөнчимэг 11, Б.Ганхайч 25, Ц.Хулан 85, А.Цолмон 143, М.Бундмаа 150-р байрт бичигдсэн байна.

Жеймс Хардений 30+ онооны цуврал төгсгөл боллоо

Mart — Wed, 27 Feb 2019 10:54:06 +0800

АНУ-ын Үндэсний сагсан бөмбөгийн холбооны "Хьюстон Рокетс" баг талбай дээрээ "Атланта Хаукс" багийг хүлээн авч, 119:111 харьцаагаар буулган авчээ.

Энэ тоглолтод "Хьюстон Рокетс" багийн бүх од, хамгаалан тоглогч Жеймс Харден 28 оноо авснаар түүний 30+ онооны цуврал төгсгөл болсон юм. Тэрбээр өнгөрсөн сарын 23-нд "Нью-Йорк Никс"-ийн эсрэг хийсэн тоглолтод 61 оноо цуглуулсан нь түүний карьертаа авсан хамгийн өндөр оноо болсон юм. Энэ улиралд тэрбээр 32 тоглолтод дараалан 30-аас дээш оноо авсан гайхалтай амжилтыг үзүүлсэн юм. Энэхүү 32 тоглолтод тэрбээр 41.1 оноог дундчилсан байна.

Харин "Атланта Хаукс" багийн эсрэг хийсэн тоглолтод "Хьюстон Рокетс"-ийн холбон тоглогч Крис Пол, хамгаалагч Эрик Гордон нар чамлахгүй амжилттай тогложээ. Уг тоглолтод Крис Пол 20 оноо авч, 8 оновчтой дамжуулалт өгсөн бол Эрик Гордон 16 оноо авчээ.

Т.Есүхэйтөмөр

Эх сурвалж: Монцамэ агентлаг

“Эх орончдын өдөр”-т зориулсан барилдаанд 256 бөх хүч үзнэ

Mart — Tue, 26 Feb 2019 10:07:40 +0800

"Урвуулагч” хэмээхШаргачин гахай жилийн эхний барилдаан болох"Эх орончдын өдөр”-т зориулсанулс,аймгийн алдар цолтой 256 бөхийн барилдаан 2019 оныгуравдугаар сарын 01-ндБөхийн өргөөнд болно.

Энэхүү барилдаандхүчээ сорихбөхчүүдийгхоёрдугаар сарын 27, 28-нд 10-17 цагийн хооронд цахимаар бүртгэнэ.Монголын үндэсний бөхийн холбооноос нийслэлчүүд бөх сонирхогч,дэмжигчид,бөхчүүд та бүхнийгБөхийн өргөөндөөөргөнөөр хүрэлцэн ирэхийг урьж байна.

Их дуулгаас дөрвөн жүдоч медаль хүртлээ

Mart — Mon, 25 Feb 2019 09:39:54 +0800

Жүдо бөхийн Дюсселдорфын их дуулгын тэмцээн өндөрлөлөө. Тус тэмцээнд манай улсаас 19 тамирчин оролцсон. Тэднээс дөрвөн тамирчин медаль хүртлээ. Тодруулбал,

57 kг-ын жинд Хөдөлмөрийн баатар Д.Сумъяа хүрэл

66kг-ын жинд ОУХМ Ё.Басхүү хүрэл

+100kг-ын жинд ОУХМ Ө.Дүүрэнбаяр хүрэл

52kг-ын жинд ОУХМ Л.Сосорбарам мөнгөн медаль хүртлээ.

ДБНХ-ноос П.Орхоны барилдах эрхийг 4 жилээр хассан байна

Mart — Thu, 21 Feb 2019 09:27:15 +0800

Дэлхийн бөхийн нэгдсэн холбоо /UWW/-ноос Монгол Улсын гавьяат тамирчин Пүрэвдоржийн Орхоны барилдах эрхийг 4 жил буюу 2022 оны 9 сарын 19 хүртэл хасахаар болсноо мэдэгдлээ.

П.Орхон "Жакарта-2018” Азийн зуны спортын XVIII наадмын чөлөөт бөхийн эмэгтэйчүүдийн 62 кг-д бүх өрсөлдөгчөө илүүрхэн ялж, алтан медалийн эзэн болсон юм. Гэвч түүнээс допинг илрэн А сорьц болон Б сорьцоор батлагдан барилдах эрхийг хасахаар болсон. Харин П.Орхон "Би допингийн төрлийн зүйл хэрэглээгүй, гадны нөлөөтэй надад нотлох баримт бий” гэдэг ч UWW-гээс ийнхүү шийдвэрээ гаргажээ.

П.Орхон нь Алдар спорт хороо, Аваргууд академийн бөх бөгөөд энэ жил 26 настай, Азийн АШТ-ий мөнгө, залуучуудын ДАШТ-ий хүрэл, цэргийн ДАШТ-ий мөнгөн медальт, Иван Ярыгиний нэрэмжит "Алтан Гран при”-гийн хошой аварга, Бакугийн "Алтан Гран при”-гийн мөнгө, Парисийн "Алтан Гран при”-гийн хүрэл, Испанийн Гран пригийн алт, Польшийн нээлттэй тэмцээний хошой аварга, "Mongolia Open” ОУТ-ий гурван удаагийн аварга, Монгол Улсын хошой аварга тамирчин юм.

Д.Өлзийсайхан

Эх сурвалж: Монцамэ агентлаг

Холимог тулаанч Х.Амартүвшин АНУ-д ялалт байгууллаа

Mart — Wed, 20 Feb 2019 10:27:52 +0800

ММА буюу холимог тулааны спортын тамирчин Хүүхэнхүүгийн Амартүвшин АНУ-д болсон Chosen Few хэмээх тулааны аварга шалгаруулах тэмцээнд хүч үзлээ.

Х.Амартүвшингийн хувьд холимог тулаанаар Монгол Улсдаа гурван удаа аварга болж байсан бол олон улсын тавцанд 10 дахь тулаанаа хийсэн нь энэ байлаа.

Өдгөө 33 настай тэрбээр жүдо бөх, рагбигаар мөн хичээллэдэг туршлагатай тамирчин билээ.

Х.Амартүвшин энэ удаад дээд жиндээ өрсөлдлөө. Тодруулбал 77 кг-ийн жинд тулалдсан бөгөөд түүний өрсөлдөгч нь 180 см өндөртэй АНУ-ын тулаанч Дарин Олир байлаа.

Манай тулаанч улаан булангаас гарч, 3 тойргийн турш тулааныг байлдан дагуулж эрчтэй, тэсрэлттэй байснаар шүүгчдээс илүү үнэлгээг авч чадлаа.

Ийнхүү тэрбээр Chosen Few-14 тэмцээнд ялалт байгуулж, Монголын тулаанчдаас MMA-ийн төрөлд Америкад аварга болсон анхны тамирчин болон түүхэн амжилтыг үзүүллээ. Х.Амартүвшин 10 олон улсын дэвжээнд 10 тулаан хийхдээ 6 ялж, 4 ялагдаад байгаа юм.

24barimt.mn

К.Дюрант хамгийн үнэ цэнэтэй тоглогчоор шалгарлаа

Mart — Tue, 19 Feb 2019 10:11:29 +0800

Үндэсний сагсан бөмбөгийн холбооны 2019 оны Бүх оддын тоглолт гурав дахь өдрөө үргэлжилж өнөөдөр өндөрлөлөө. Тэмцээний сүүлийн өдөр хамгийн их үзэгчдийн үзэх дуртай бүх оддын тоглолт болсон. Энэ жилийн тоглолтонд Леброн Жеймсийн баг өрсөлдөгч Яннис Антетокунмпогийн багийг 178:164-ийн харьцаатайгаар хожлоо. Тоглолтын эхний хагаст Грек тоглогч Яннисын тэргүүлсэн баг 95 оноо авсан бол Леброны баг 82 оноо авсан. Харин тоглолтын хоёрдугаар хагаст Леброны баг эргэн ирэлт хийж тоглолтыг эргүүлснээр энэ жилийн тоглолтод ялалт байгуулсан байна. Өнгөрсөн жил тэдний баг өрсөлдөгчдөө хожигдож байсан билээ.

Энэ удаагийн тоглолтонд Леброны багаас К.Дюрант 31 оноо авч багаа тэргүүлсэн бол Л.Жеймс, К.Леонард нар 19 оноо, К.Ирвинг 13, Ж.Харден 12 оноо авч сэлгээнээс тоглосон К.Томпсон 20 оноо, Д.Лиллард 18, Б.Бейл, К.Таунс нар 11, Б.Симмонс 10 оноо авчээ. Харин Д.Уэйд 7, Э.Дэвис 5, Л.Алдриж 2 оноо авчээ. Энэ жилийн хамгийн үнэ цэнэтэй тоглогч ч хожил байгуулсан тэдний багаас тодорсон бөгөөд К.Дюрант 31 оноо авч өөрийн карьертаа 2 дахь удаагаа үнэ цэнэтэй тоглогч болсон байна. Тэрээр өмнө нь одоогоос 7 жилийн өмнө бүх-оддын тоглолтын үнэ цэнэтэй тоглогч болж байсан юм.

undesten.mn

Холимог тулаанч О.Пүрэв хилийн чанадыг зорилоо

Mart — Fri, 15 Feb 2019 16:38:36 +0800

Холимог тулааны спортын шилдэг тамирчин О.Пүрэв дэлхийн дэвжээнд өрсөлдөхөөр өнөөдөр Улаанбаатараас морджээ.

Одоогоос хоёр долоо хоногийн өмнө "АСА Цирк”-т зохион байгуулсан олон улсын холимог тулааны аварга шалгаруулах тэмцээний хамгийн дуулиант оролцогчоор тодорч байсан билээ. Олон нийтийн дунд "Пүрэвийн мухлаг”-ийн эзэн гэдгээрээ танил болсон холимог тулаанч тэмцээний зардлаа олохын тулд шаргуу хөдөлмөрлөж байсан нь олны талархалыг хүлээсэн юм.

"АСА Цирк”-т болсон энэ тэмцээний 57 кг-д О.Пүрэв Казахстаны тамирчин Г.Сагдатовичийг ялсан бөгөөд түүнд Т.Ганболд захиралтай "Алтан дорнод Монгол Корпорейт Хотел” ХХК-ийн хамт олон туслалцаа үзүүлэхээр болсон.

Өөрийгөө "Амьдралын төлөө тулалддаг нэгэн” хэмээн тодорхойлсон О.Пүрэв анх удаагаа дэлхийн хэмжээний тэмцээнд хүчээ сорихоор ийнхүү хилийн чанадыг зорилоо.

Д.Өлзийсайхан

Эх сурвалж: Монцамэ агентлаг

Э.Содномпилжээ Дэлхийн цомд түрүүлэв

Mart — Wed, 13 Feb 2019 09:58:34 +0800

Арабын нэгдсэн Эмират улсын Дубай хотод пара пауэрлифтингийн Дэлхийн цомын тэмцээн хоёрдугаар сарын 8-12-ны өдрүүдэд боллоо.

Тэмцээний сүүлийн өдөр буюу өнөөдөр хэвтээ шахалтын эрэгтэйчүүдийн 107 кг-ын жинд өрсөлдсөн Гавьяат тамирчин Э.Содномпилжээ 240 кг-ыг өргөсөн амжилтаар аваргын алтан медалийг хүртлээ.

"Рио 2016” паралимпийн хүрэл, ДАШТ-ий алт, мөнгөн медальт, Азийн аварга, Азийн наадмын алтан медальт, Гавьяат тамирчин Э.Содномпилжээ 2019 оны анхны тэмцээнийг алтан медалиар эхлүүллээ.

Аймаг цэргийн цолтой бөхчүүдийн барилдаанд Бүрнээгийн Баянмөнх 8 даван түрүүллээ

nomun — Mon, 04 Feb 2019 09:28:54 +0800

Зүүнхүрээ Дашчойлин хийдийн нэрэмжит "Майдар бурханы авшиг түгээх" АЦЦБЗалуу 256 бөхийн барилдаанд Ховдын арслан Бүрнээгийн Баянмөнх 8 даван түрүүлж, Хонгорын Б.Эрдэнэхүү хурц үзүүрлэв. Их шөвөгт Хөвсгөлийн Ц.Сандагдорж, Увсын Цэ.Мөнхбаяр нарын бяртай, иртэй арслангууд шалгарлаа.

МҮБХ-ноос жил бүр уламжлал болгон гардуулдаг "Аймгийн шилдэг арслан" шагналыг Хөвсгөл аймгийн ахмад арслан Ө.Цогтоод МҮБХ-ны гүйцэтгэх захирал, улсын заан Б.Сайнбаяр гардууллаа.

Дунд шөвгийн наймд а.х.а Ө.Сүхбат, а.а Б.Хашбат, Н.Мустафа, Х.Цогтгэрэл нар үлдэв. 15 дахь удаагаа зохион байгуулагдаж буй энэхүү уламжлалт барилдаанд амжилттай барилдсан залуус төд удалгүй улсын цолны өндөр босгоор алхдаг сайхан уламжлалтай.

“Реал Мадрид” хагас шигшээд үлдлээ

Mart — Sat, 02 Feb 2019 10:33:31 +0800

Урд шөнө Европын шилдэг лигийн нэг Испанийн эзэн хааны цомын төлөөх тэмцээний шөвгийн наймын хариу тоглолтууд явагдаж хагас шигшээд өрсөлдөх багуудын нэрс тодорлоо. Шөвгийн наймын сүүлийн тоглолт "Жирона” – "Реал Мадрид” багуудын хооронд болсон байна. Эхний тоглолт өнгөрөгч долоо хоногт Мадрид хотноо болоход "Реал Мадрид” 4:2-ын харьцаатай хожсон юм. Харин хариу тоглолтод өрсөлдөгчөө талбайд нь 3:1-ийн харьцаатай хожиж, 2014 оноос хойш "Копа дел Рей”-н хагас шигшээд үлдээгүй гэх хар цувралаа зогсоолоо. "Реал Мадрид” хамгийн сүүлд таван жилийн өмнө энэхүү тэмцээнд түрүүлж байсан билээ.

Хариу тоглолтод Франц довтлогч Карим Бензема хоёр гоол оруулж "Реал Мадрид” клубийн бүх цаг үеийн мэргэн буучдын жагсаалтын 6-р байранд дэвшсэн байна. Энэхүү жагсаалтыг Криштиано Роналду 438 тоглолтонд оролцож 459 гоолтойгоор тэргүүлдэг аж. Харин үлдсэн нэг гоолыг залуу тоглогч Маркус Льоренте оруулжээ. Тэгвэл "Жирона”-ийн нэр төрийн гоолыг Педро Порро оруулсан юм. 2009 оны зун 36 сая еврогоор Испанид ирсэн Бензема түүнээс хойш "Реал Мадрид”-ын төлөө 446 тоглолтод оролцохдоо 209 гоол оруулаад байна.

"Копа дел Рей”-н хагас шигшээд "Барселона”, "Бетис”, "Валенсиа”, "Реал Мадрид” багууд шалгараад байгаа бөгөөд энэ шатны сугалаа өнөө орой болно. Хагас шигшээгийн эхний тоглолтууд хоёрдугаар сарын зургаанд болох бол хариу тоглолт энэ сарын 27-нд болохоор товлогджээ.

Маргааш UFC тулаантай

Mart — Sat, 02 Feb 2019 10:21:59 +0800

Холимог тулааны шилдэг холбоо UFC-гийн ээлжит FIGHT NIGHT энэ ням гарагт Бразил улсын "Кастелон” цэнгэлдэхэд явагдана. Энэ үдшийн гол тулаанаар Рафаел Ассунсао болон Марлон Мораес нарын тулаан нэрлэгдэж байгаа юм.

Ассунсао 27-5-0 гэсэн амжилттай байгаа бөгөөд сүүлд UFC 226-д Роб Фонттой тулалдаж шүүгчийн шийдвэрээр ялалт байгуулсан. Харин Марлон Мораес 21-5-1 гэсэн амжилттай ба сүүлийн тулаандаа мөн ялалт байгуулаад байгаа шилдэг тулаанчид юм.

Энэ удаагийн Fight Night үндсэн тулаанууд:

Ливиниа Соуза 11-1 vs Сара Фрота 0-0-0

Жонни Уолкер 1-0-0 vs Жастин Ледет 9-1-0

Чарлес Оливэйра 24-8-0 vs Дэвид Тэймур 8-1-0

Дэмиан Майа 25-9-0 vs Лаймэн Гүүд 20-4-0

Жосе Алдо 27-4-0 vs Рэнато Мойкано 13-1-1

Рафаел Ассунсао 27-5-0 vs Марлон Мораес 21-5-1

Уг тулааны дараа UFC234 тоот тулаан 02 сарын 10-нд Австрали улсын Мелбурн хотод зохион байгуулагдах бөгөөд гол тулаан Роберт Уиттэйкер болон Кэлвин Гастелүм нарын хооронд өрнөх юм.

Эх сурвалж: GOGO.MN

Роналдо гэмээ цайруулжээ

Mart — Thu, 31 Jan 2019 13:43:07 +0800

Криштиано Роналдо өнгөрсөн амралтын өдөр болсон тоглолтын өмнө бие халаалт дээр хаалга бөмбөг цохихдоо цаана нь зогсож байсан эмэгтэйн нүүрийг онож, хамрыг нь гэмтээж, нүдний шилийг хагалчихжээ.

"CR7-гийн цохисон бөмбөгт өдөр бүр оноогдоод байхгүй. Дашрамд дуулгахад, би оройн зоогонд уригдана гэж найдаж байгаа шүү” гэж бүсгүй бичээд зургаа оруужээ.

Үүний дараагаар Криштиано Роналдо түүнтэй холбогдож, бэлтгэлдээ урьсны зэрэгцээ өмсгөлөө дурсгаж, гэмээ цайруулжээ.

Муайтай боксчин Б.Халиун Азийн аварга болов

Mart — Mon, 28 Jan 2019 10:00:48 +0800

Тайландын Нан хотод энэ сарын 26-нд буюу өнгөрсөн бямба гарагт Азийн Муайтайн холбооны ерөнхийлөгчийн ивээл дор Азийн мэргэжлийн муайтай боксын аваргын төлөөх тулаанууд боллоо.

Эмэгтэйчүүдийн 48 кг-д ОУХМ Б.Халиун Тайландын тамирчинг хожиж, мэргэжлийн муайтайн боксын Ази тивийн аваргын бүсний эзэн боллоо. Тэрбээр муайтайн боксын насанд хүрэгчдийн ДАШТ-ээс мөнгөн медаль хүртсэн бөгөөд Монгол Улсын болон Бүх ард түмний спортын наадмын аварга юм.

Б.Халиун дасгалжуулагч О.Алтанпүрэвийн удирдлага дор олон улсын тэмцээнд оролцож, өндөр амжилт гаргаж байгаа шилдэг тамирчин юм. Тэд 10 гаруй жил хамтран бэлтгэл хийж, муайтайн Ази тивийн аваргын бүсийг ийнхүү эх орондоо авчирлаа.

montsame.mn

Тамаваши Б.Мөнх-Оргил хүүтэй болсон өдрөө Хацү башёд түрүүллээ

Mart — Mon, 28 Jan 2019 09:59:06 +0800

Японы мэргэжлийн сумо бөхийн Хацү башёгийн 15 дахь өдөр Эндог давснаар Тамаваши Б.Мөнх-Оргил 13 даваа, 2 унаатай энэ башёд түрүүлж, Японы Эзэн хааны цомыг анх удаагаа хүртэж байна.

Ийнхүү Тамаваши Б.Мөнх-Оргил 34 нас насандаа мэргэжлийн сумо бөхийн дээд зиндаа буюу Макүүчид түрүүлж Эзэн хааны цомын эзэн боллоо. Б.Мөнх-Оргилын хувьд яг энэ өдөр түүний 2 дахь хүү нь төрсөн онцгой содон баяртай үйл явдал давхацсан юм. Энэ өдөр Б.Мөнх-Оргилын аав, ээж нь энэ сумогийн ордонд хүрэлцэн ирсэн байв.

Хацү башёгийн сүүлийн өдрийн барилдаанд Озэки Такаясү, Кайсэйг давж 9 даваатай болж, Кайсэй 10 даваа, 5 унаатай башёг өндөрлүүллээ. Харин Хацү башёгийн 15 дахь өдөр Озэки Гойэдо, Сэкиваке Такакейшёог давж 9 даваа, 6 унаатай болж, ирэх башёд Озэки цол хүртэх өндөр магадлалтай байсан Такакейшёо 11 даваа, 4 унаатай энэ башёг дуусгасан юм. Энэ башёд Ичиножёо А.Ичинноров, Шодайд унаснаар 6 даваа, 9 унаатай Хацү башёг өндөрлүүллээ.

montsame.mn

Н.Төгсцогт мэргэжлийн боксын IBO холбооны аварга боллоо

Mart — Mon, 28 Jan 2019 09:27:09 +0800

Мэргэжлийн боксын рингэд хүч үзэж буй Монгол Улсын гавьяат тамирчин Н.Төгсцогт хөнгөн жингийн дэлхийн аваргын төлөө Доминикан улсын боксчин Клаудио Марреротой тулалдаж ялалт байгууллаа. Тоглолт АНУ-ын Нью-Йоркийн "Barclays center”-т өчигдөр /2019.01.27/ болж, Н.Төгсцогт ялалт байгуулснаар мэргэжлийн боксын IBO холбооны 57,2 кг-ын аваргын бүсийг зүүсэн анхны монгол тамирчин болов.

"Barclays Center”-т Монголын 200 гаруй хөгжөөн дэмжигчид цуглан "King Tug”, "Уухай” хэмээн дэмжиж байв. Хөгжөөн дэмжигчдийн дунд олимпийн аварга, Хөдөлмөрийн баатар Э.Бадар-Ууган, үндэсний бөхийн аварга Ч.Санжаадамба, жүжигчин Э.Цолмонбаяр болон АНУ-д ажиллаж, амьдарч буй, чөлөөт бөхийн тамирчид байжээ.

Монгол сумочдоос дахин нэг цолтой бөх төрөв

Mart — Tue, 22 Jan 2019 11:27:45 +0800

Токио хотноо үргэлжилж буй Японы мэргэжлийн сумо бөхийн Хацү башёд Хакүхо аварга ганцаараа түрүүлж байгаа энэ үед нэгэн таатай мэдээ сонордуулахад, Мичинокү дэвжээний бөх Кирибаяма Бямбачулууны Лхагвасүрэн Жюүрёо зиндаанд дэвшин барилдах болзлоо хангажээ.

Өчигдөр Макүшитагийн нэгээс босон барилдаж буй Кирибаяма Б.Лхагвасүрэн, Таканофүжиг давснаар 4 дэх даваагаа авлаа. Улмаар Кирибаяма сүүлийн хоёр барилдаанаас үл хамааран Жюүрёо зиндаанд дэвшинэ. Ийнхүү монгол сумочдоос дахин нэг цолтой бөх төрж байна.

Тэрбээр 23 башё /3 жил 9 сар /барилдсаны эцэст зиндаа ахиж цолтой бөх болж байгаа юм. Түүний хүндэлдэг сумоч нь 71 дэх Их аварга Харумафүжи Д.Бямбадорж билээ.

Д.ӨлзийсайханЭх сурвалж: Монцамэ агентлаг

Архангай Алтан Дорнодын Дайчид ялалт байгууллаа

zulaa — Fri, 18 Jan 2019 10:09:47 +0800

Үндэсний Лигийн хоёрдугаар тойргийн ээлжит тоглолт Архангай-Алтан Дорнодын Дайчид болон Сүхбаатар-Альянс-тех багуудын хооронд боллоо. Хоёр багийн хувьд эхний тойрогт таарч тоглоход Архангай Дайчид баг эцсийн мөчид ялалт байгуулаад байсан юм.

Б.Чинзориг, Э.Цэндбаатар нар тивийн шигшээнд багтжээ

nomun — Tue, 15 Jan 2019 09:24:53 +0800

Боксын үндэсний шигшээ багийн гишүүн, ОУХМ Б.Чинзориг, ОУХМ.Э.Цэндбаатар нар Ази тивийн шигшээ багт багтжээ.

Тэд ирэх сарын 2-нд Чех улсын нийслэл Прага хотноо болох АЗИ-ЕВРОП тивийн халз тулаанд оролцохоор бэлтгэлээ базааж байгаа аж. Манай тамирчдыг Алдар спорт хороон дасгалжуулагч МУГД.А.Гантулга дасгалжуулж байна.

Тэд Чех улсад халз тулаанаа дуусгаад Унгар, Болгар улсуудад зохиогдох олон улсын тэмцээнүүдэд Үндэсний шигшээ багтайгаа хамт оролцоод эх орондоо ирэхээр төлөвлөжээ.

Б.ОД

Маргааш гурван Их аваргатай Хацү башё эхэлнэ

Mart — Sat, 12 Jan 2019 12:54:57 +0800

Японы мэргэжлийн сумо бөхийн Хацү башё Токио хотод маргааш /2019.01.13/ нээлтээ хийх Хацү башёд 69 дэх Их аварга Хакүхо М.Даваажаргал, 71 дэх Их аварга Какүрюү М.Ананд болон 72 дахь Их аварга Кисэносато нарын аваргууд барилдана.

Их аваргуудаас гадна Озэки Такаясү, Гоэйдо, Гүржийн бөх Точиношин болон Сэкивакэ Такакейшёо, Тамаваши Б.Мөнх-Оргил нарын өндөр цолтнууд энэ башёд хүчээ сорино. Мөн Макүүчи буюу Дээд зиндаанд Ичиножёо А.Ичинноров, Чёошёома Г.Мөнхсайхан нар барилдана.

Харин Жюүрёо зиндаанд Дайшёохо Р.Шижирбаяр, Азүмарюү С.Тодбилэг, Миторюү Б.Төрболд, Араваши Э.Дөлгөөн, Кёкүшюүхо Т.Эрдэнэбаатар нар барилдах бөгөөд нийтдээ 20 гаруй монгол бөх барилдахаар болжээ.

Ням гарагт эхлэх Хацү башёгийн эхний өдрийн оноолт гарсан бөгөөд Их аварга Хакүхо, Комосүби Миёогирюүтэй, Их аварга Кисэносато Комосүби Митакэүмитэй оноолт таарсан бол Их аварга Какүрюү Маэгаширагийн нэгээс барилдах Точиоозантай барилдана. Озэки Такаясү Ичиножёотой, Гоэйдо Нишикигитэй барилдах юм. Хацү башё нэгдүгээр сарын 13-27-нд Токио хотод болно.

montsame.mn

Х.Цагаанбаатар мөнгөн медаль хүртлээ

Mart — Wed, 09 Jan 2019 10:57:11 +0800

Жүдо бөхийн насанд хүрэгчдийн улсын аварга шалгаруулах тэмцээн Сэлэнгэ аймгийн Спортын ордонд болж байна.

Долоо дахь удаагийн Улсын аварга шалгаруулах тэмцээнийг Сэлэнгэ аймгийн Сүхбаатар сумын уугуул, ОХУ-ын Буриад улсын гавьяат дасгалжуулагч Д.Эрдэнэбатын нэрэмжит болгон зохион байгуулж байгаа. юм.

Тэмцээний хоёр дахь өдөр эрэгтэйчүүдийн -90 кг жинд барилдсан МУГТ Х.Цагаанбаатар мөнгөн медаль хүртлээ.

Тэрбээр "Сүлд” спорт хорооны тамирчин Э.Мөнхжаргалд цаг дуусахаас таван секундын өмнө цэвэр ялагдлаа.