Фото мэдээ - Өдөр тутмын мэдээ мэдээллийн вэб сайт

Дэлхийн хамгийн үзэсгэлэнтэй 10 их сургууль

zulaa — Mon, 11 May 2026 11:00:24 +0800

Дэлхий дээрх зарим их сургуулиуд зөвхөн хичээл заадаг газар биш, харин өөрсдөө жинхэнэ үзмэр шиг санагддаг. Эртний барилга, уужим ногоон талбай, онцгой уур амьсгал нь тэднийг жуулчдын очих дуртай газруудын нэг болгодог. Ийм сургуулиудад суралцахаас гадна зүгээр алхаж явахад хүртэл онцгой мэдрэмж төрдөг гэвэл хилсдэхгүй.

1. Москвагийн улсын их сургууль

1755 онд байгуулагдсан энэ сургууль Оросын боловсролын нэгэн бэлгэ тэмдэг гэж хэлж болно. Төв байр нь асар өндөр, сүрлэг тул хотын бараг хаанаас ч харагддаг. Кампус нь өргөн, ногоон орчинтой, олон барилга байгууламжтайгаараа жинхэнэ “жижиг хот” шиг.

2. Тринити коллеж

1592 онд байгуулагдсан энэ сургууль Ирландын хамгийн алдартай нь. Чулуун зам, эртний барилгууд нь яг л кинон дээр гардаг шиг уур амьсгал бүрдүүлдэг. Харин “Long Room” номын санг нь орж харвал үнэхээр гайхшрахгүй байхын аргагүй.

3. Гренобль-Альпийн их сургууль

Альпийн уулсын дунд байрладаг учраас байгальтайгаа төгс зохицсон. Цэвэр агаар, уулын үзэмж, орчин үеийн барилгууд нийлээд суралцахад маш таатай орчныг бүрдүүлдэг.

4. Уппсалын их сургууль

Шведийн хамгийн нэр хүндтэй сургуулиудын нэг. Эртний барилга, том танхимууд нь сүрдэм атлаа дотно мэдрэмж төрүүлдэг. Энд зөвхөн хичээл орохоос гадна соёлын арга хэмжээнүүд ч их болдог.

5. Гданьскийн политехникийн их сургууль

Улаан тоосгон барилга, нарийн хийцтэй фасад нь анх харахад л анхаарал татна. Техникийн чиглэлээрээ алдартай ч архитектурын хувьд ч бас үнэхээр сонирхолтой.

6. Орхусын их сургууль

Данид байрлах энэ сургууль нам гүм, тайван орчноороо ялгардаг. Нуур, ногоон талбай, шаргал өнгийн барилгууд нь маш дулаан, тав тухтай уур амьсгал бүрдүүлдэг.

7. Ростокын их сургууль

1419 онд байгуулагдсан, Германы эртний сургуулиудын нэг. Готик хэв маягийн барилгууд нь түүхэн мэдрэмж төрүүлж, далайд ойрхон байрлал нь бүр ч онцгой болгодог.

8. Коимбрагийн их сургууль

Португалын бахархал болсон энэ сургууль хуучин хааны ордонд байрладаг. Ялангуяа “Joanina” номын сан нь барокко хэв маягийн жинхэнэ урлагийн бүтээл гэж хэлж болно.

9. Саламанкагийн их сургууль

Испанийн хамгийн эртний сургуулиудын нэг. Барилгын фасад дээрх нарийн сийлбэрүүдийг харахад жинхэнэ уран барилгын гайхамшиг гэдэг нь шууд мэдрэгдэнэ.

10. Болоньягийн их сургууль

1088 онд байгуулагдсан дэлхийн хамгийн эртний их сургууль. Улаан тоосгон барилгууд, дундад зууны уур амьсгал нь энд очсон хүнд цаг хугацаагаар аялж байгаа мэт сэтгэгдэл төрүүлдэг.

Фото сурвалжлага | Нүүдэлчин фестивал 2025

zulaa — Mon, 25 Aug 2025 09:33:13 +0800

Бодит байдлыг харах “тусгай шил”-ээр “Stereotype” үзэсгэлэнг тольдоорой

zulaa — Tue, 25 Feb 2025 20:48:54 +0800

Бидний эргэн тойронд байж л байдаг сандал, ширээ, түлхүүр, хүүхдийн тоглоом... Аль хэдийнээ нүдэнд дасаж, онцгойлон “өртөхөө” ч больж, анхнаасаа ийм л байх ёстой мэт хүн бүр хүлээн зөвшөөрчихсөн. Сандал бол ийм, ширээ бол ийм. Энэ бүгд яг энэ хэвээрээ л байх ёстой гэсэн бодол. Яг ийм замаар бидний дотор хэвшмэл ойлголт буюу стереотип үүсдэг.

Өөрөөр хэлбэл, стереотип нь тодорхой бүлэг хүмүүс, үзэгдэл эсвэл юмсын талаарх өнгөц хэр нь нийтлэг ойлголттой байхыг хэлдэг. Гэхдээ эдгээр нийтлэг тодорхойлолт яагаад бий болсон, эсвэл бий болох боломжтой талаар бидний өдөр тутам хэрэглэдэг энгийн эд юмсыг төлөөлүүлэн уран бүтээлч А.Болормаа “Stereotype” үзэсгэлэндээ онцолжээ.

Энэ нь түүний эх орондоо гаргаж буй анхны бие даасан үзэсгэлэн бөгөөд ХААН галерейд 2-р сарын 15-нд нээлтээ хийсэн юм. Үзэсгэлэнд дэлгэсэн бүтээлүүдийн хувьд Монголд сүүлийн жилүүдэд тун ховор хийгдэж буй өнгөт модон бар, хулдаасан бар болон холимог техникээр бүтсэн, интерактив гэдгээрээ онцлогтой.

А.Болормаа нь СУИС-ийн Дүрслэх урлагийн академийг график зургийн чиглэлээр суралцаж төгсөн, Норвеги улсын Агдерийн их сургуульд урлаг судлалаар магистрын зэрэг хамгаалсан. Мөн Норвегийн Берген хотын Дүрслэх урлагийн академийн мэргэших сургалтад суралцан, олон төрлийн уран бүтээлийн арга техник эзэмшсэн уран бүтээлч бөгөөд 2018 онд Монголд ирснээсээ хойш Дүрслэх урлагийн академид багшаар, 2025 онд СИТИ их сургуулийн Архитектур дизайны сургуулийн График дизайны тэнхимийн эрхлэгчээр ажиллаж буй юм.

Тэрбээр үзэгчдийн оролцоотой, анаглиф арга техникийг ашиглан тогтсон стереотип, нийтлэг ойлголт, хязгаарлагдмал дүрслэлийг давсан бодит байдал, олон талт үзэл баримтлал бий гэдгийг бүтээлээрээ дамжуулан илэрхийлэхийг зорьжээ.

Бодит байдал нь олон талт, хувь хүний онцлог, нөхцөл байдлыг агуулсныг угтаа бид дотроо мэдэж байдаг ч ихэнхдээ санаж сэрэх, мэдрэхээ умартан урагшилсаар байдаг. Зүйрлэвэл яг л энэхүү үзэсгэлэнгийн танхимд буй улаан, цэнхэр өнгийн нүдний шил зүүчхээд тайлж бодит байдлыг харахын оронд улам бүр цааш алхах мэт. Эсвэл эсрэгээрээ бидэнд бодит байдлыг харах “тусгай шил” дутсан ч байж болох юм.

Бага насны хүүхдүүдэд үсэг цээжлүүлэхэд хэрэглэдэг зурагтай карт байдгийг та санаж байна уу? Аяганы зураг үзүүлээд аяга гэхэд ордог “А” гээд цээжилдэг. Тэгвэл тэр а үсэг ердөө л үгэнд нь байдаг л үсэг болохоос аягыг бүхэлд нь илэрхийлэхгүй шүү дээ. Энгийн нэг үсгээс гадна өөр үсгүүд нийлж байж л аягыг, шоог эсвэл морь гэсэн бүтэн утга бүтээдэг.

Юмсыг эсвэл хүмүүсийг ч гэлтгүй та өөрийгөө, бодол, мэдрэмжээ шинээр танин мэдвэл ямар сонирхолтой байх бол? Нялх хүүхэд юмс үзэгдлийг ажиглан судлан мэдэрч хүртэж байж танин мэддэгтэй адил та ч дотоод хүүхдээ сэрээн эргэн тойрноо, дэргэдэх хүмүүсээ үгүй бүр танихгүй хүмүүсийг ч, өөрийгөө ч шинээр танин мэдэх зорилгоор фильтер бүхий нүдний шилээ тайлаад юмсын жинхэнэ өнгийг харна уу.

“Stereotype” үзэсгэлэн ХААН Банк цамхгийн 3-р давхарт байрлах ХААН галерейд 2025 оны 2-р сарын 28-ныг дуустал ажлын өдрүүдэд 09:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.

Иргэд гашуудаж, ажилчид ослын талбайд ажилласаар

zulaa — Tue, 31 Dec 2024 10:24:44 +0800

Өмнөд Солонгосын иргэд онгоцны осолд амиа алдсан иргэдээ хүндэтгэн, эмгэнэл илэрхийлсээр байна. Мүан спортын цогцолборт 179 иргэнийг дурсаж цэцэг байрлуулжээ.

Тус улсад долоо хоногийн хугацаатай гашуудал зарлаж, төрийн далбаануудыг хагас буулгасан. Харин ажилчид ослын шалтгааныг тогтоохоор ажиллаж байна. Тэд 179 талийгаачийн 141-ийн хэн болохыг тогтоожээ.

Онгоц гэдсээрээ газардсаны дараа хоёр метр өндөр, бетон байгууламж мөргөж дэлбэрсэн. Иймд олон хүн хэрэв тэр бетон байгаагүй бол осол гарах байсан уу гэж асууж байна. Тэрхүү бетон байгууламж нисэх зурвасын төгсгөлөөс 250 метрийн зайтай бөгөөд дээр нь навигацын системийг байршуулсан байжээ.

Эргэн тойрон нь хогоор дүүрсэн энэ байгууламжийг өнгөрсөн онд барьсан. Нисэх зурвасын төгсгөл хэсгийн газар налуу тул бетон байгууламжийг зориуд өндөр барьжээ. Нэг нисгэгч “Би өмнө нь ийм зүйл харж байгаагүй” гэсэн нь олон нийтийн анхаарлыг бетон байгууламж руу чиглүүлсэн аж.

БНСУ дахь бүх Боинг 737-800 хөлгийг үзлэг хяналтад оруулж эхэлжээ.

Эр сурвалж: Yonhap

Зураач А.Чадраабалын “Infinite Source” үзэсгэлэн ХААН Галерейд дэлгэгдлээ

zulaa — Wed, 07 Aug 2024 17:08:57 +0800

ХААН Галерейд зураач А.Чадраабалын "Infinite Source" бие даасан уран бүтээлийн үзэсгэлэн нээлтээ хийлээ. Энэхүү үзэсгэлэн нь хүн төрөлхтний хувьсан өөрчлөлтийн гайхамшиг, нүүдэлчдийн ахуй соёл, уламжлал бүхий бүтээлүүдийг дэлгэн харуулж буйгаараа онцлогтой.

Удам дамжсан зураач А.Чадраабал нь уран бүтээл бүрдээ монголчуудын өв соёл, ёс заншлыг гүн гүнзгий шингээдэг ба байгаль болон эцэг малын дүр төрхийг онцгойлон харуулдгаараа олноо танигдсан юм.

"Infinite Source" үзэсгэлэнд цаг хугацаа, орон зай, технологийн хурдацтай хөгжлийн нарийн төвөгтэй шинж чанарыг оюунлаг хүн төрөлхтөнтэй зэрэгцүүлэн дүрсэлжээ. А.Чадраабал үзэсгэлэнгийнхээ талаар "Миний зургууд ухаант хүний оюуны хүчийг шинэ эринд авчран, ертөнцийн талаарх ухаарал, гэгээрэл, сансрын эрчим, гэгээн мэдрэмжийг тусган харуулахыг зорьдог" хэмээн танилцуулсан байна. Тэрээр энэхүү бүтээлүүдийнхээ санааг дэлхийг тойрон өөрийн үзэсгэлэнгүүдээ туурвих явцдаа олж нээсэн аж. Тиймдээ ч тухайн газар орны байгалийн онцлог, оршин суугчдын соёл, ёс заншлыг судлан, тэдгээрийг уран зурагтаа шингээжээ.

Энэхүү үзэсгэлэнд дэлгэгдсэн бүтээлүүд нь өнгө, хэлбэр, материалын өвөрмөц хослолыг ашиглан бүтээгдсэн нь үзэгчдийн анхаарлыг татаж байна. Зурагт дүрсэлсэн өнгөний солонгон хослол, хэлбэр дүрсний сонирхолтой зохицол нь урлаг сонирхогчдод гайхалтай мэдрэмж төрүүлж, оюун санааны эрчим хүч өгөх нь дамжиггүй.

"Infinite Source" үзэсгэлэн ХААН Банк цамхгийн ХААН Галерейд 2024 оны 8-р сарын 25-ныг дуустал ажлын өдрүүдэд 9:00-18:00 цагийн хооронд үнэ төлбөргүй нээлттэй бөгөөд урлаг сонирхогч та бүхнийг хүрэлцэн ирэхийг урьж байна.

Хамтын өсөлт төгөлдөр – ХААН Банк

Торгон дээр буусан бодлын тэмдэглэл

khulan — Wed, 20 Mar 2024 18:47:16 +0800

Уран бүтээлч Луо Чи

Бодол, мэлмийд төсөөлсөн бүхнээ нүднээ ил буулгаж чаддаг нь гагцхүү уран бүтээлч хүн заяагдсан хамгийн гайхалтай чадвар юм. Уран бүтээлчийн толгойд “нэрэгдэж” гагц охь шимийг нь л шүүж, оюун бодол, харах нүдийг нь хамтад нь баясгах чадвартай бүтээл туурвина гэдэг хүндхэн сорилт болдог нь лавтай.

Португал улсад амьдардаг Хятадын нэн орчин үеийн чиглэлээр бүтээлээ туурвигч уран бүтээлч Луо Чи “Итиопын тэмдэглэл” бие даасан өрөг урлагийн үзэсгэлэнгээ ХААН галерейд олон нийтэд дэлгэжээ.

Энэхүү үзэсгэлэн бүхэлдээ торгон хэвлэлийн хэсгээс бүрдэх бөгөөд энгийн атлаа гүн гүнзгий утга агуулга бүхий хийсвэр ертөнцийг дүрсэлсэн аж. Торгон хэвлэл дээрх зургуудыг сайн ажваас тодорхой бус эртний бичиг мэт уран бичлэг дүрс тэмдэг, түүний хажууд дундад зууны үеийн хаад, хатад, хуяг дуулгат баатар эрс, бурханчилсан хүний дүрс, хээ, тэмдэг зэрэг нь нэгэн орон зайд оршин зурагдсан нь бодолд л биеллээ олох шидэт ертөнцийг өөрийг эрхгүй санагдуулна.

Уран бүтээлч Луо Чи бүтээлүүддээ өрнөдийн дундад зууны үеийн урлагийн хэлбэр, өнгө төрх болон Дорнын эртний бичээс, уран бичлэгийн хэв маягаас санаа авч өөрийн бодлын ертөнцөө бодит болгосноороо онцлог юм. Нөгөөтэйгүүр Хятадын уран бичлэг, чөлөөт бичлэгийн арга барилаар бүтээлээ туурвисан нь баригдмал үзэл бодлын чөлөөт дүрслэл мэт сэтгэгдэл төрүүлнэ.

Өнгөрсөн, одоо, ирээдүй гурван цагийн огтлолцол болсон “Итиопын тэмдэглэл” үзэсгэлэн ХААН Банкны төв оффисын 3-р давхарт байрлах ХААН галерейд 2024 оны 3-р сарын 29-нийг дуустал 09:00-18:00 цагийн хооронд нээлттэй байна.

Хангайн хасар банхрыг олон улсад таниулна

zulaa — Tue, 16 Jan 2024 15:01:50 +0800

“МонголианАрт” олон улсын уран баримлын симпозиум амжилттай өндөрлөж, үзэсгэлэнгээ нээлээ

khulan — Wed, 30 Aug 2023 10:42:25 +0800

Соёл урлаг, хэвлэл мэдээллийн төслийн менежмент, зөвлөгөө НҮТББ болон “НордАрт” - олон улсын дүрслэх урлагийн үзэсгэлэн хоорондын хамтын ажиллагааны хүрээнд олон улсын нэр хүндтэй уран бүтээлчдийг Монголд урьж оролцуулсан “МонголианАрт” олон улсын уран баримлын симпозиум 8-р сарын 4-нөөс 8-р сарын 21-ний хооронд Тэрэлж байгалийн цогцолбор газарт байрлах “Гүрү Эко” цогцолборт амжилттай зохион байгуулагдсан билээ.
Симпозиумын үеэр туурвигдсан томоохон бүтээлүүдийн “Public Art - Urban Sculpture” үзэсгэлэн 8-р сарын 24-ний өдөр ХААН Банк цамхгийн гадна талбай болон Хаан Галарейд нээгдлээ.
Нээлтийн ажиллагаанд тус симпозиумын албан ёсны түнш НЗД-ын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн, ХБНГУ-аас Монгол Усад суугаа Онц бөгөөд Бүрэн эрхт элчин сайд Хэлмут Кулитц, Төслийг санаачлагч, зохион байгуулагч, Монгол Улсын Соёлын элч О.Оюунтуяа, дэмжигч ХААН Банкны Өмчийн харилцааны газрын захирал О.Тэмүүлэн оролцлоо.
Энэ үеэр Элчин сайдХэлмут Кулитц “Урлагт аливаа соёл болон хэлний хил хязгаар гэж үгүй бөгөөд орчуулах шаардлагагүй бүх нийтийн хэл юм. Сүүлийн есөн жилийн хугацаанд Монгол Улс болон НордАрт үзэсгэлэнгийн хоорондын хамтын ажиллагаа хэрхэн цэцэглэн хөгжиж байгааг хараад үнэхээр их урам зориг авч байна” гэв.
Мөн НЗД-ын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн “Энэхүү олон улсын уран баримлын симпозиумын арга хэмжээ нь Монгол Улсын Засгийн газраас зарласан “Монголд зочлох жил”-тэй уялдан холбогдож байгаа бөгөөдцаашид олон жил зохион байгуулагдана гэдэгт итгэж байна. Эдгээр бүтээлүүд нь улаанбаатарчуудын нүд, сэтгэлийг баясгаж, нийслэл хотын гудамж, зам талбайг чимэхээр болж байгааг харахад таатай байна” гэлээ.
Энэ жилийн “МонголианАрт” уран баримлын симпозиумын үзэсгэлэнд Монгол, Герман, Итали, Испани, Болгар, Эстони, Өмнөд Солонгос зэрэг долоон орны есөн уран бүтээлч оролцож байгаагаас симпозиумын үеэр зургаан уран барималч Монголын байгалийн боржин чулуу, ган, төмрөөр томоохон бүтээлүүдээ туурвиж, гурван уран бүтээлч нь бэлэн бүтээлээрээ үзэсгэлэнд оролцож байна.
Үзэсгэлэнгийн куратороор О.Оюунтуяа, Ц.Солонго нар хамтран ажилласан бөгөөд ХААН цамхгийн гадна талбайд байршсан томоохон бүтээлүүд болон ХААН Галерейд тавигдсан уран бүтээлүүд нэн орчин үеийн баримлууд нийтийн хүртээл болж байгаагаараа онцлог боллоо. Уран бүтээлчид Монгол орны байгалийн сайханд онгодоо хөглөн, түүх соёлоос төрсөн сэтгэгдэл мэдрэмжээ өөрсдийн бүтээлдээ шууд тусган буулгажээ. Өмнөд Солонгосын уран бүтээлч Ёнгсун Жан “Надад Монгол гэхээр хамгийн түрүүнд хээр тал, салхи, элсэн цөл, нарны хурц туяа санаанд ордог. Би энэ удаагийн Монгол дахь симпозиумд эдгээр төсөөллөө ашиглан “Шиморин Бризз” сэдэвт бүтээлээ туурвиж байна. Говь хэмээх хязгааргүй элсэн цөлд сэвэлзүүр салхи эрх дураараа хийсэж буй ийм дүрслэлийг өөрийн жижиг ган цагариг холбоос бүхий бүтээлээрээ илэрхийлэхийг хичээлээ” хэмээв.
Болгарийн уран бүтээлч Лилия Поборникова “Би Монголд анх удаа ирээд байгалийн сайхан орчинд ажиллаа. Миний баримлын нэр бол “Уулзвар”. Хоёр төрлийн дүрсийг зохицуулж хослуулснаар бид амьдралдаа янз бүрийн сонголт хийж төрөл бүрийн зам жимийг гаргадаг гэсэн утга агуулсан. Миний бүтээл анхны загвараасаа өөрчлөгдсөн. Учир нь хүрээлэн буй орчноосоо өөр онгод мэдрэмж аваад түүнийгээ бүтээлдээ шингээж бүтээлийнхээ анхны санаагаа өөрчлөн, авчирсан загвар моделиосоо ялгаатай болсон” хэмээн бүтээлүүдийнхээ туурвилын талаар хуваалцсан юм.
МонголианАрт олон улсын уран баримлын симпозиум нь Монгол Улсын ба олон улсын шилдэг уран бүтээлчдийн хоорондын мэргэжлийн туршлага, соёлын солилцоо, оюутан залуучууд, иргэдэд урлаг соёл, гоо зүйн боловсрол олгох, мөн гадаад сурталчилгаа, соёлын аялал жуулчлалд хувь нэмэр оруулж олон улсын уран бүтээлчид болон НордАрт-ын Зүүн Өмнөд болон Төв Азийн жуулчид, үйлчлүүлэгчдийн урсгалыг Монгол улс руу татах онцгой ач холбогдолтой.
“МонголианАрт” олон улсын уран баримлын симпозиумын үзэсгэлэн нь ХААН Банк цамхгийн олон нийтэд нээлттэй орчинд, харин НордАрт-ын уран бүтээлчдийн хамтарсан үзэсгэлэн Хаан Галерейд 9-р сарын 30-ыг хүртэл олны хүртээл болно. Уран бүтээлүүд дээр байршигдах Dynamic QR код бүхий интерактив коммуникаци сурталчилгаагаар дамжуулан уран нбүтээлийн тухай бүхий л талын мэдлэг, мэдээллийг англи болон монгол хэл дээр авах боломжтой.
Энэхүү арга хэмжээ нь 2024 онд тохиох Монгол Улс, ХБНГУ-ын хооронд дипломат харилцаа үүсэж хөгжсөний 50 жил, НордАрт, Монгол Улс хоорондын хамтын ажиллагааны 10 жилийн ойг тус тус угтан зохион байгуулагдаж байгаа бөгөөд 2024 оноос эхлэн Монгол Улсад цаашдаа гурван жил тутамд зохион байгуулагдана.

Хамтын өсөлт төгөлдөр - ХААН Банк

“Аялагч”-тай аялал илүү тав тухтай

khulan — Mon, 03 Jul 2023 15:54:29 +0800

Аялал зугаалгын цаг хэдийнэ ирж, амралтын урт өдрүүд эхэллээ. Гэтэл таны аяллын хэрэгсэл авч явахад хэр авсаархан, эвтэйхэн бэ гэдгээс хамаарч аяллын тань тав тух хангагдана. Энэ хэрэгцээ шаардлагад нийцүүлэн "Гүрэн ньюс” компани аяллын майхны багцаа аялалд дуртай хүн бүрт зориулж байна.

Аялалд хэрэгтэй бүхнийг багтаасан "Аялагч” багцад:

- Ачаа /Машины дээврийн тавцан/ - 2,640,000₮ - 3,915,000₮

- Майхан, хулсан шал, хийлдэг гудас - 1,410,000₮ - 1,988,000₮

- Саравч - 517,500₮ - 545,000₮

- Агуулах хайрцаг - 543,500₮ /Бэхлэгч - 55,000₮ - 109,000₮/

- Усны сав - 274,000₮

- Шавраас гаргагч - 241,000₮

- Угсардаг ширээ /шавраас гаргагч 2ш, хөл 4ш, холбогч 2ш/ - 532,000₮

- Тулгуурын хайрцаг - 240,500₮ - 306,500₮

- Шат - 262,500₮

- Салхи бууруулагч - 110,000₮

Давуу тал:

- Бат бөх, хураахад хялбар, орон зай хэмнэнэ

- Салхи, ус, бороо нэвтрэхгүй

- Ялаа, шумуулны хамгаалалттай

- Дэвсгэр нь 2 талтай /нэг тал нь сэрүүн чанарын хулсан материалтай, нөгөө тал нь дулаан чанарын хөвөн даавуун материалаар хийгдсэн/

- Угсрахад түргэн, хураахад хялбар

- Эко материалтай

- Усны сав нь хийн даралттай

- 25 литр ус хадгална

- Хулгайгаас сэргийлэх цоожтой

Мэдээж багцын зориулалтаар үйлдвэрлэгддэг учраас дээрх хэрэгсэл бүр өөрийн гэсэн зориулалтын орон зайтай тул иж бүрнээр нь авбал илүү авсаархан, эмх цэгцтэй байх болно гэдгийг онцолж байна. Эдгээр бүтээгдэхүүн, хэрэгслүүд нь багц, хэмжээнээс хамаараад үнийн ялгавартай бөгөөд хэрэв багцаараа шаардлагагүй гэвэл зөвхөн өөрт хэрэгцээтэйг сонгон авах ч боломжтой юм.

Багцын үнэ дунджаар 6,500,000₮

Дэлгэрэнгүйг ЭНД ДАРж ShopShop.mn фэйсбүүк хуудаснаас үзээрэй.

Захиалах, холбоо барих утас: 93185050

Таны "Аялагч”-тай аяллын алтан шар зам өлзийтэй байх болтугай!

Фото сурвалжлага: Зураач Б.Энхчулууны анхны бие даасан "Өтний нүх" үзэсгэлэнгээс...

zulaa — Wed, 14 Jun 2023 13:11:57 +0800

Түүний бүтээлүүдэд дэлхийн алдартай, нөлөө бүхий хүмүүсийн дүрүүд нэгэн хавтгай дээр бууж, түүх, шашин, дайн, нийгмийн анги давхарга болон ёс суртахууны сэдвүүдээр бүтээлээ туурвисан нь үнэхээр сонин содон юм.

Фото сурвалжилга: Бүх нийтээр ном унших соёлыг түгээн дэлгэрүүлж, номоор дамжуулан хүүхэд залуусыг соён гэгээрүүлэх зорилготой 33 дахь удаагийн "Номын баяр" боллоо

zulaa — Wed, 31 May 2023 16:38:16 +0800

Фото сурвалжилга: "Нуранги" гэрэл зургийн үзэсгэлэн

zulaa — Fri, 26 May 2023 11:24:31 +0800

Фото сурвалжилга: /2023.05.23/ Эсэргүүцлээ илэрхийлсэн жагсагчид төв талбайд 2 дахь өдрөө

zulaa — Thu, 25 May 2023 13:51:57 +0800

Фото сурвалжлага: Амьдарч байгаа орчноо сайжруулахад иргэн таны оролцооч гэсэн чухал

zulaa — Mon, 22 May 2023 14:14:57 +0800

Фото сурвалжлага: Тархин доторх хог оо хаа хамаагүй сийчих нь бидний амьдарч байгаа нийгмийг хогийн сав болгож байна

zulaa — Tue, 09 May 2023 16:15:17 +0800

ФОТО: Ахмад багш, чөлөөт уран бүтээлч Д.Нинагийн анхны бие даасан “Nina 41” үзэсгэлэнгээс...

zulaa — Fri, 28 Apr 2023 15:26:13 +0800

Түүний урласан нэхмэл хүүхэлдэйн бүтээл бүр гайхамшигт түүхүүдийг өгүүлнэ

Мөсний загасчлалын аварга шалгаруулах тэмцээн Өгий нуурт болжээ

zulaa — Mon, 20 Mar 2023 13:52:02 +0800

“Өгий цом-2023” мөсний загасчлалын аварга шалгаруулах тэмцээний бүртгэл Өгий нуурт хоёр үеэр болж Уламжлал ёсоороо хувинтай загасчлал хийжээ.

Тэмцээнийг Big fish дэлгүүр, Tok барилга угсралтын компани, Buddy shop, Ecoflow Mongolia, Total-One stop tools station, Gan auto service байгууллагууд дэмжин ажиллаж, нийт 19 баг, 95 тамирчин өрсөлдөж аваргуудаа тодруулсан байна. Багийн дүнгээр:

1-р байр "Номадс клуб".

Алтан медаль, Өгий цом-Аваргын цом, өргөмжлөл, тэмцээний дурсгалын аяга, ивээн тэтгэгч ТОК компанийн мөнгөн шагнал 1`000`000 төгрөг, ECOFLOW ваучер.

2-р байр "Про-40 клуб".

Мөнгөн медаль, өргөмжлөл, тэмцээний дурсгалын аяга, зохион байгуулагчийн мөнгөн шагнал 500`000 төгрөг, ивээн тэтгэгч БИГФИШ дэлгүүрийн нэрэмжит шагнал, ECOFLOW ваучер.

3-р байр "Найзууд клуб".

Хүрэл медаль, өргөмжлөл, тэмцээний дурсгалын аяга, зохион байгуулагчийн мөнгөн шагнал 300`000 төгрөг, ивээн тэтгэгч TOTAL брэндийн нэрэмжит шагнал, ECOFLOW ваучер.

Гадаадын зочид Хятадын ололт амжилтын үзэсгэлэнгээр зочиллоо

zulaa — Wed, 02 Nov 2022 19:17:15 +0800

27-ны өдөр 128 улс, Хятадад суугаа олон улсын байгууллагын дипломат төлөөлөгч, 30 гаруй орноос Хятадад суугаа Элчин сайдын яамны бизнесийн албаны дарга нар, Бээжин дэх шинжлэх ухааны судалгааны байгууллага, дээд боловсролын байгууллагын гадаадын мэргэжилтнүүд, харьяа нэгж зэрэг 300 гаруй хүн Хятадын ололт амжилтын үзэсгэлэнг үзэж сонирхлоо. Гадаадын зочид Хятад улс сүүлийн 10 жилд хийсэн асар их амжилтыг чин сэтгэлээсээ биширч байгаагаа илэрхийлж байв.

Үзэсгэлэнд ХКН-ын XVIII их хурлаас хойших нам, улс орны их ололт амжилт, их өөрчлөлтийг онцлон харуулсан бөгөөд оршил танхим, төв иж бүрэн үзэсгэлэнгийн талбай, орон нутгийн үзэсгэлэнгийн талбай, үзэсгэлэнгийн талбай зэрэг 6 талбартай. Үзэсгэлэнгийн үзмэрийн талбай, гадаа үзэсгэлэнгийн талбай, интерактив үзэсгэлэнгийн талбай нь 30.000 гаруй квадрат метр талбайтай, баялаг өнцөгтэй, бүрэн утга агуулга бүхий зураг, бодит объект, загвар зэрэг 6.000 гаруй үзэсгэлэнгийн элементүүд байдаг. Гадаадын зочид тайлбарыг ихэд сонирхон, янз бүрийн үзмэрийн өмнө саатан туршлага хуримтлуулж, санал бодлоо солилцов.

Найруулагч:	Saraa
Эх сурвалж:	www.xinhuanet.com

Мянган нутгийн “уран гар”

zulaa — Mon, 15 Aug 2022 17:24:02 +0800

Мянган нутгийн “уран гар”

Бугат хотын Дархан Муумянган холбоот хошууны Батхаалга суурингаас гараад Жимстэй уул - Баянбогд овоо – Баян-Овоо ( Хятад улсын газрын ховор элементийн нутаг) - Баатар эгч дүүс Лүнмэй, Юйрунгийн гэр музей - Шар чулуун сүмийг дамжин 70 гаруй километр яваад Цагаан овооны энгэрт байрлах Мянган сууринд хүрлээ. Мянган суурин нь нутгийнхаа овоо ордыг түшиж байрласан байлаа. “Энэ газар нутаг нь их шүтлэг тахилгатай юм” гэж хамт явсан Уяхан дүү танилцуулла. Байшингийнхаа оройг монгол гэрийн онцлог бүхий дугуй бөмбөгөр оройтой загвараар барьсан нь жижигхэн энэ сууринг өвөрмөц болгожээ.

“Хавт Хасарын зан заншлын үзэсгэлэн” хэмээх гэр музей нь энэ нутгийн түүх соёл, амьдрал ахуйн ул мөрийг дэлгэн үзүүлж байгаагаараа илүү өвөрмөц санагдлаа. “Хавт Хасарын зан заншлын үзэсгэлэн”-г ажиллуулж буй жар дөхөж яваа Мөнгөндалай сайхан яриа хөөрөөтэй хүн байлаа.
1952 онд Дархан болон Муумянган хэмээх хоёр хошууг нийлүүлэн Дархан Муумянган холбоот хошуу байгуулагджээ. Энэ хошууны нэг хэсэг болох Муумянган нутгийн түүхийн хувьд нутгийн иргэд Хавт Хасарын хойчис бөгөөд Хавт Хасарын тайлга тахилгын зан заншлын үйл ажиллагааг гүйцтэгдэг байна. Мөнгөндалайтайтай хамт “Хавт Хасарын зан заншлын үзэсгэлэн” гэр музейгээр тойрон үзхийн дагуу Муумянган нутгийн түүх соёл, амьдрал ахуйн талаар танилцасан юм.
Модон хавтсаар хадсан гэр музейд Хавт Хасарын үр хойчсын энэ нутагт нүүдэллэж ирсэн, Муумянган хэмээх нэрийдэл, энэ нутгийн баатрууд, малчин түмний мал сүргийг хэрхэн хамгаалж байсан түүхийг зургаар тайлбарлв. Зуун жилийн түүхт хуучин монгол гэр, гэр доторх тавилгуудыг нэг нэгээр нь үлгэр түүхтэй нь ярьж өгөв. Модон хөлтэй оёдлын машин, авдар хорго, хувцас хунар, эдлэл хэрэгсэл гээд Мөнгөндалайн дээдсээс нь өвлүүлж үлдээсэн эдлэл хэрэгслийг тухайн цаг үед байснаар нь сэргээн тавьсан нь дээр үеийн Мянган нутгийн айл гэрийн ахуй амьдралыг үзүүлэхийг зорьсон нь илхэн харагдана. Таван хошуу мал, араатан амьтан гээд амьтны загвар хийж бүтээн нутгийнхаа байгаль газар зүйн онцлогийг дэлгэн үзүүлжээ. Мал аж ахуй тариалан үйлдвэрлэлийн багаж хэрэгсэл гээд дээр зуунд энэ нутгийн малчин тариачдын эдэлж хэрэглэж байсан эд зүйлс ч байлаа. Энд дэлгэн үзүүлж байгаа бүх зүйлийн эх сурвалж, гарал үүслийг нь тодорхой цаг хугацаатай нь нарийн танилцууллаа.

Үүний зэрэгцээ үр хүүхдэд энэ нутгийн амьтан голтон, уул усны уугуул төрхийг багасган үзүүлж, байгаль орчин нутаг усаа хамгаалахын ач тусыг ойлгуулахаар зорьсон нь түүний гэр музей ажиллуулсны хамгийн гол зорилго нь байв. Гэр музейн дунд хэсэгт жигдрүүлж тавьсан үндсэн сийлбэрүүд онцгой харагдана.
“Гэр музей доторх үндсэн сийлбэр болон амьтны загварыг би гараараа хийж бүтээсэн. Бусад нь хөгшин бид хоёрын хоёр талын аав ээж, төрөл садны эдэлж хэрэглэж байсан эд зүйлс” гэв.
Бид үндсэн сийлбэрийн хаажууд очлоо. Үнэндээ Мөнгөндалай нутаг ус, түүх соёл, амьтны загвар, үндсэн сийлбэрийн тухай хичээлийг бидэнд заасан гэхэд хилсдэхгүй.

Өөрийн уран сэтгэмж уран хийцээрээ бүтээсэн бүтээлээрээ бахархаж түүнээсээ хязгааргүй их таашаал хүртдэг энэ хүн үндсэн сийлбэрийн тухай, ямар их хүч хөдөлмөр, ухаан тамир, уран сэтгэмж хэрэгтэйг бидэнд ойлгуулсан юм.
Уулын гуу жалга, хөдөө хээрээс өгрөхүй модон үндэс малтаж аваад хэдэн өдөр, хэдэн сар цаашилбал жил, хоёр жилээр ажиглаж суух нь түүнийг хязгааргүй их уран сэтгэмжийн ертөнц рүү дагуулдаг байна. Өөрөө ажиглаж суухаас гадна бусдаар ч ажиглуулан ярилцаж сийлбэр бүтээлээ сэтгэдэг. Урьдаар юу сийлж бүтээж болохыг ажиглаж таньж мэдэх нь маш чухал юм. Үндсэн сийлбэр гэдэг нь хасаж болохоос биш нэмж болдоггүй. Үндсээ цэвэрлэж арчлахдаа санамсаргүй хугалж эвдэлбэл тэр хэдэн өдрөөр гасалж зовно. Хөгшин нь “Өгрөхүй үндэсний төлөө ухаангүй зовж бие зовлоо” гэж зэмлэнэ.
Тэрээр 10 гаруй жил үндсэн сийлбэр урлаж сийлсний дотор “Бүргэд” хэмээх сийлбэр нь 40 мянган юаньд хүрч борлуулагджээ. Зарж худалдахын төлөө үндэс сийлдэггүй нь түүний гэр музейд дэлгэн тавьсан үндэс сийлбэрүүд бидэнд хариулт өгч байлаа.
Нэг үндсээр нэг л сийлбэр бүтээнэ. Энэ хорвоод адилхан зүйл байдаггүй. Тэрээр хөгшиндөө “Чиний өвгөн Мөнгөндалай энэ дэлхий дээр ганц байдагтай адил миний олж авчирсан үндэс ч ганц, давтагдашгүй зүйл болно” гэж үргэлж ярина.
Хошуу нутгийнхаа Цагдаагийн албанд ажиллаж байгаад 2014 онд тэтгэвэрт гарч хайртай дуртай ажлаа оролдож байгаа тэрээр хэдэн малаа бараадан нам засгийнхаа туслалцаа дэмжлэгээр Мянган сууриндаа буцан ирж, сууриндаа гэр музей нээж, өөрийн гэсэн үндэс болон арьсан сийлбэрийн газартай болов.
Уран сэтгэмжтэй гарын ур дүйтэй тэрээр арьсан сийлбэр бас хийнэ. Хошууныхаа Монгол эмнэлгийн газартай хамтран хуян шар усны физик эмчилгээний багаж төхөөрөмж хийх тусгай эрх авахаар хүсэлт гаргаснаа хэлээд багажаа гарган үзүүлж байлаа.
Дуртай болохоор хайртай байдаг. Тиймээс үндэс болон арьсан сийлбэрийн бүтээлээ үнэ төлбөргүй дэлгэн үзүүлэхээс биш өндөр үнэ хаялцаж зарахыг бодоогүй. Өвлүүлэн үлдээх, үзүүлэн таниулахын төлөө урлаж бүтээдэг Мянган нутгийн “уран гар” маань хэдэн малаа усална гээд сурвалжилга өндөрлөхтэй зэрэгцэн давхиулан одлоо.

Зохиогч:	Нийтлэл: Ш.Цогзолмаа, Ц.Урантунгалаг, Т.Буянхишиг
Найруулагч:	Ш.ЦОГЗОЛМАА

"Нүүдэлчин" фестивальд "тухалсан" 21 аймгийн хүндэтгэлийн өргөө

zulaa — Mon, 15 Aug 2022 11:52:38 +0800

"Нүүдэлчин" Дэлхийн Соёлын Фестивальд нүүдэллэн ирсэн 21 аймгийн хүндэтгэлийн өргөөний зургуудаас хүргэж байна. Горхи-Тэрэлжийн байгалийн цогцолбор газарт энэ сарын 12-14-ний өдөр болж байгаа энэхүү фестивальд 21 аймгийн 1400 гаруй шилдэг өвлөн уламжлагчид оролцож буй юм.

Архангай аймгийн хүндэтгэлийн өргөө

Баян-Өлгий аймгийн хүндэтгэлийн өргөө

Баянхонгор аймгийн хүндэтгэлийн өргөө

Булган аймгийн хүндэтгэлийн өргөө

Говьсүмбэр аймгийн хүндэтгэлийн өргөө

Дархан-Уул аймгийн хүндэтгэлийн өргөө

Дорноговь аймгийн хүндэтгэлийн өргөө

Дорнод аймгийн хүндэтгэлийн өргөө

Дундговь аймгийн хүндэтгэлийн өргөө

Завхан аймгийн хүндэтгэлийн өргөө

Орхон аймгийн хүндэтгэлийн өргөө

Өвөрхангай аймгийн хүндэтгэлийн өргөө

Өмнөговь аймгийн хүндэтгэлийн өргөө

Сүхбаатар аймгийн хүндэтгэлийн өргөө

Сэлэнгэ аймгийн хүндэтгэлийн өргөө

Увс аймгийн хүндэтгэлийн өргөө

Улаанбаатар хотын хүндэтгэлийн өргөө

Ховд аймгийн хүндэтгэлийн өргөө

Хөвсгөл аймгийн хүндэтгэлийн өргөө

Хэнтий аймгийн хүндэтгэлийн өргөө

Эх сурвалж:Nomads World Cultural Festival

"Баян хангай дэлхий гоо үзэсгэлэнгээ гайхуулж мэлмий баясгав"

khulan — Mon, 18 Jul 2022 16:27:40 +0800

"Буудаллах газраа зорин иртэл билэг дэмбэрэлтэй, бас азтай ховор тохиол болж баян хангай дэлхий гоо үзэсгэлэнгээ гайхуулж мэлмий баясгав аа" хэмээн гайхамшигт агшинг хуваалцаж буй Л.Дашийн /#D45H360/ бүтээлийг та бүхэнд сонирхуулж байна.

Хөвсгөл аймгийн Тосонцэнгэл сум

/2022.07.17 Ням гараг 17:50/

Эх сурвалж: Л.Даш

Хувийн санхүүгээ удирдан зорилгодоо хүрэх алхмууд

khulan — Thu, 24 Feb 2022 12:03:45 +0800

Өөрийн зорилгодоо хүрэхэд зориулан хадгаламж үүсгэн, хуримтлалаа тооцох, хянах зэрэг үйлчилгээг хамгийн хялбараар шийдэх боломжийг танд зөвлөе.

Khan Bank аппликэйшний "Зорилтот хадгаламж” шинэ цэсээр та 8 ангиллын хүрээнд өөртөө зорилго үүсгэн хадгаламж нээх, автомат хуримтлалд бүртгүүлэх, хуримтлалын явцаа харахаас гадна хянаж болно. Тухайлбал, та ирэх зуны амралтаараа Хавай руу аялахаар зорилго тавилаа гэж бодъё. Зорилтот хадгаламждаа та нэр өгч, өдөр бүр, долоо хоног тутам, сар болгон автоматаар мөнгө хийж байхаар тохируулан хуримтлал үүсгэж болно. Магадгүй боловсролдоо анхаарах, байр, машин авах, хүүхдүүдийнхээ ирээдүйд зориулах гэхчлэн хадгаламжийн зорилго өөр өөр байж болно. Хамгийн гол нь аппликэйшний энэхүү шинэ цэс таны хувийн санхүүгийн туслагчийн үүрэг гүйцэтгэж, зорилгод тань туслах болно.

Санхүүгийн эерэг дадлыг төлөвшүүлэх, мөрөөдлөө бүтээх алхмаа өөртөө хамгийн амраар шийдээрэй.

Япон дахь хаягдсан барилга байгууламжуудын нууцлаг төрх

zulaa — Wed, 12 Jan 2022 15:21:21 +0800

Он цагийн хаягдаж хоцорсон төрөл бүрийн барилга байгууламжуудыг нээн илрүүлж судлах өнөө цагт олон хүний сонирхол болоод байна.

Хүнд мартагдсан эд зүйлс он цаг өнгөрөх тусам хэрхэн өөрчлөгддөг вэ?

zulaa — Thu, 30 Dec 2021 16:36:03 +0800

Өчигдөрхөн таны анхаарлыг татаж байсан зүйл өнөөдөр ор тас мартагдсан байх тохиолдол зөндөө гардаг биз дээ? Ийм маягаар бидний тархинаас зүгээр

"Архангай түншлэл" үзэсгэлэн худалдаа эхэллээ

nomun — Thu, 21 Oct 2021 16:50:22 +0800

"Архангай түншлэл-2021" үзэсгэлэн худалдаа өнөөдөр эхэллээ. Үзэсгэлэнд аймгийн 17 сумын болон Улаанбаатар, Дархан-Уул, Хөвсгөл аймгийн 130 гаруй иргэн, аж ахуйн нэгж цагаан идээ, гар урлал, төмс, хүнсний ногоо, жимс, жимсгэнэ, модон эдлэл, оёдол зэрэг төрлөөр оролцож байна.

Нээлтийн үйл ажиллагаанд аймгийн ИТХ-ын дарга Б.Батжаргал, Засаг дарга М.Батжаргал, ХХААГ-ын дарга П.Гомбодорж нар оролцлоо.

Үзэсгэлэн худалдаа энэ сарын 21, 22-ны өдрүүдэд үргэлжилнэ.

Венесуэл улсын мөнгөн тэмдэгтийн ханш хэрхэн унасныг зургаар тодорхой харуулжээ

saikhnaa — Tue, 22 Sep 2020 10:49:36 +0800

Одоогийн байдлаар тус улсын инфляцийн түвшин 25.000 хувьд хүрээд байгаа юм.
XX зууны эхээр газрын тосны анхны ордоо нээж байсан Венесуэл өдгөө дэлхийн хамгийн том газрын тосны экспортлогчдын нэг болжээ. Өмнө нь тус улс кофе, какао гэх мэт хөдөө аж ахуйн бүтээгдэхүүн экспортлогчид байсан хэдий ч газрын тосны экспорт нь Засгийн газрын төсвийг дангаар бүрдүүлэх болсон. Гэвч 1980-аад оны үед нефтийн үнэ буурсны дараа тус улсын гадаад өр нэмэгдсээр эцэст нь урт хугацааны эдийн засгийн хямралд хүргэсэн
Инфляц аажмаар өссөөр 1996 онд 100 хувьд хүрч, 1995 онд ядуурлын түвшин 66 хувь болж өссөн байна. 1998 онд нэг хүнд ногдох ДНБ 1963 оныхтой ижил түвшинд хүрч байсан ч 2000-аад оны эхээр газрын тосны үнэ эргэн сэргэхэд Венесуэлийн эдийн засаг дагаж сэргэсэн юм. Венесуэлийн Засгийн газар эдийн засгийг дэмжиж, нийгмийн халамжийг нэмэгдүүлсэн популист бодлого боловсруулсан бөгөөд энэ нь тэгш бус байдал, ядуурлыг бууруулсан юм. Гэтэл хэт популист бодлого нь тус орны эдийн засгийг тогтворгүй болгож ажилгүйдэл эмх замбараагүй байдал нэмэгдэх шалтгаан болсон байна.

Тогтворгүй эдийн засагтай Венесуэл улсад хямрал үүсэж, инфляц, бараа бүтээгдэхүүний хомсдол, ажилгүйдэл, ядуурал, өвчин, хүүхдийн эндэгдэл, тэжээлийн дутагдал, гэмт хэрэг огцом өссөн. 2017 онд Венесуэл зээлээ эргүүлэн төлөх чадваргүй гэдгээ зарласан бөгөөд 2018 онд эдийн засгийн хямрал нь гиперинфляцид хүрсэн байна. Энэ оны эцэс гэхэд инфляцийн түвшин 1.000.000 хувьд хүрнэ гэж эдийн засагчид таамаглах болжээ. Өдгөө тус улсад нэг доллар 2.5 сая боливартай тэнцэж буй юм.
Ингээд танд Венесуэлийн мөнгөний ханш хэрхэн унасныг зургаар харьцуулан харуулав.

ФОТО: Хөвсгөл, Говь-Алтай, Завхан, Архангай аймагт цас оржээ

nomun — Sat, 12 Sep 2020 14:10:46 +0800

Өнгөрсөн шөнө Хөвсгөл, Говь-Алтай, Завхан, Архангай аймагт цас орсон байна.

Амралтын өдрүүдэд ихэнх нутгаар үүлэрхэг. Шөнөдөө баруун болон төвийн аймгуудын ихэнх нутгаар, өдөртөө баруун болон говийн аймгуудын нутгийн зарим газар, төвийн аймгуудын нутгийн ихэнх нутаг, зүүн аймгуудын нутгийн баруун хэсгээр бороо, нойтон цас орно хэмээн Цаг уур, орчны шинжилгээний газраас мэдээллээ.

А.Хишигдалайгийн шинэ өнгө төрх

zulaa — Sat, 05 Sep 2020 18:43:53 +0800

Дэлхийн топ 10 хот

saikhnaa — Tue, 21 Apr 2020 12:15:52 +0800

Дэлхийн хотуудын жагсаалтын талаарх үнэлгээний олон агентлаг байдаг. Үүний дотор Их Британийн Глобал болон дэлхийн хотуудын судалгааны сүлжээ буюу Globalization and World Cities Study Group and Network нь дэлхийн үнэлгээний нэрт агентлаг юм, тэдний гаргадаг "Дэлхийн хотуудын жагсаалт" нь хамгийн нэр хүнд бүхий жагсаалт болж байна. Уг агентлаг хотуудын олон улсын нээлттэй байдал, дэлхийн хэмжээн дэх нэр нөлөө, хүн амын хэмжээ зэрэг 9 талд үндэслэж, ерөнхийлсөн жагсаалтыг гаргадаг. Үнэлдгээ нь чанга шалгууртай байдгаараа хүмүүсийн анхаарлыг маш их татдаг юм.

Нью Йорк

Лондон

Тэгвэл хамгийн сүүлийн үеийн жагсаалтыг толилуулахад тэдгээр нь тус тус Нью Йорк, Лондон, Хонконг, Бээжин, Сингапур, Шанхай, Сидней, Парис, Дубай, Токио болно. Хятадын Хонконг, Бээжин, Шанхай 3 хот багтан орсноор дэлхийн топ 10 хотод хамгийн олон багтан орсон орон болжээ.

Хонконг

Бээжин

Сингапур

Шанхай

Сидней

Парис

Дубай

Токио

http://mongol.cri.cn/

http://mongol.cri.cn/news/hot/256/20200421/455735.html?fbclid=IwAR37B8kOJMQrursTGkRUHTgS0P5fy5zojb3KAQQhRpdE8J55GhjDP8vVS_E

1300-аад оны язгууртан Монгол эмэгтэйн цүнх - Дэлхийд анхных

saikhnaa — Tue, 07 Jan 2020 13:30:25 +0800

Лондонд одоо гарч буй үзэсгэлэнгийн тухай Би-Би-Си-гийн мэдээ. Соньхон болохоор нь орчуулж тавилаа. Уншаад онгирч омогшихгүй гэж үү.

14-р зууны үеийн эмэгтэй хүний гоёлын эд зүйл өнөөгийн Иракийн хойд хэсгээс олдсон нь дэлхий дээрхи хамгийн эртний гар цүнх байх магадлалтай бөгөөд эдүгээ Лондоны Курто галерейд гарч буй шинэ үзэсгэлэнгийн гол үзмэр болоод байна.

Гуулиар давтаж, алт, мөнгөөр жийжүүдэн үйлдсэн энэ цүнх нь цорын ганц хийц учир судлаач мэргэжилтнүүд чухам юу болохыг нь тогтооход бэрхшээлтэй байжээ. Ажлын цүнх, бичиг баримтын уут, тохом богц гэхчлэн олон янзаар таамаглаж байсан энэ цүнхийг одоо л 1300 онд Мосульд хийсэн эмэгтэй хүний гар цүнх болохыг тогтоосон аж.

Цүнхний дээр дүрсэлсэн ихэнхи хээ угалз нь лалын уламжлалт хээ дүрслэл боловч харин ордны ахуй амьдралыг дүрсэлсэн байдлаас харвал Мосулын уран дархчууд Монгол ИлХаант улсын шинэ эзэн хаадынхаа сэтгэлд нийцүүлэхийг эрмэлзсэн нь илт.

Цүнхний хавтсан дээрхи ордны үйл явдлыг дүрсэлсэн нь: "Монгол хувцастай, өдөт малгай асаасан эр, эм хоёр сэнтийд залрах агаад зардас, бараа бологч нар тойрсон байхын зүүн захад нь шонхорч, баруун захад бийваач, мөн талд дэвүүрч байх ажээ."

Цүнх зөөгч шивэгчин: "Цүнх мөрөвчилж, баруун гартаа толь, зүүндээ алчуур барьсан шивэгчинг дүрсэлсэн байх нь язгууртан эмэгтэйн зүсээ сэргээх юмс болно. Эмэгтэй хүнтэй шууд холбож ойлгож болох эд зүйл мөн гэдэг нь гайхалтай юмаа" гэж үзэсгэлэнгийн дэглэгч Рашель Уард хэлжээ. Британийн номын санд хадгалагдаж буй гар бичмэлүүдэд Монгол язгууртан эмэгтэйг ямагт дэргэдээ цүнхтэй байгаагаар дүрсэлсэн байдаг учир ийн холбох учир ч бас буй.

Энэ ордны үйл явдлын зурагт эзэн хаан буюу язгууртан ноёныг хатны хамт байгаагаар дүрсэлдэг нь Монгол соёлд эмэгтэй хүн ямар үүрэг, байр суурийг эзэлж байсныг харуулж байна. Монголын ноёрхлын өмнөх болоод хожуу үеийн лалын шашны соёл урлагт эмэгтэй хүнийг ингэж дүрслэх нь маш ховор" гэж үзэсгэлэнгийн дэглэгч мөн тэмдэглэжээ.

Орчин цагийн Прадагийн өвөг энэ гар цүнхний ганган тансаг гадар нь үнэхээр атаархал төрүүлэм ур хийцтэй. Харин доторхийг нь үзэж болохгүй учир нууц хэвээр үлдлээ.

Энэ тухайд үзэсгэлэнгийн дэглэгч "Энэ цүнхний дотор юу байсан бэ гэвэл таны, эсвэл миний цүнхний дотор юу байдагтай л адил. Хүнд үзүүлмээргүй байдаг биз дээ" гэлээ.
https://www.bbc.com/news/blogs-magazine-monitor-26288958…

Энэ оны 2-р ээлжинд татагдсан цэргүүдээ үдлээ

Mart — Fri, 18 Oct 2019 10:16:53 +0800

2018 оны 2-р ээлжийн цэрэг халагдан ирж, 2019 оны 2-р ээлжийн цэргүүдийг үдлээ.

Цэцэрлэг хотын намар

Mart — Wed, 09 Oct 2019 16:23:18 +0800

Цэцэрлэг хотын намар

Зун орсон цас

Mart — Tue, 14 May 2019 11:34:05 +0800

Зун орсон цас. Архангай аймгийн Хангай, Цахир, Тариат сумын нутаг.

Фото:Зөрчлийн тухай хуулийн танилцуулга

Mart — Fri, 22 Mar 2019 10:20:25 +0800

Фото:Токио хотын шөнийн гудамж

Mart — Wed, 30 Jan 2019 12:45:12 +0800

Италийн гэрэл зурагчин Давиде Сассо Япон улсын Токио хотын шөнийг гэрэл зурагт буулгажээ. Тэрбээр "Япон улсад хайртай.Би Япон улсад амьдрахыг мөрөөддөг” гэжээ.

Түүний бусад гэрэл зургуудыг нь харахыг хүсвэл instagram хаягаар нэвтэрч үзэх боломжтой.

ФОТО: Сар хиртэлт дэлхийн улс орнуудад хэрхэн харагдсан бэ?

Mart — Tue, 22 Jan 2019 14:00:43 +0800

Өчигдөр буюу даваа гарагийн өглөө сар хиртэх үзэгдэл болсон. Их Британи улсад сүүлийн 10 жилийн хугацаанд анх удаа нар хиртэх үзэгдэл ажиглагдсан байна.

"Гэр бүлийн хүчирхийллийн эсрэг" гэрэл зургийн үзэсгэлэн гарав

nomun — Wed, 09 Jan 2019 12:18:46 +0800

"Жэрэс”ОУ-ынТББ-ын"Уур амьсгалын өөрчлөлтийг даван туулах орон нутгийн хөтөлбөр” /CEMAATERR/төслийн хүрээнд гэрэл зурагчин, санаачлагч Régis Defurnaux-ийн"HURT”гэр бүлийн хүчирхийлэлтэй тэмцэхсэдвээрхгэрэл зургийн үзэсгэлэнг Архангай аймгийн Цэцэрлэг хотод өнөөдөрГэр бүл, хүүхэд, залуучуудын хөгжлийн газартнээлээ.

Тэрээр Монголд гэр бүлийн хүчирхийлэлд өртсөн хүүхэд, эмэгтэйчүүдийн зургийг өөрсдийнх зөвшөөрлөөр авсан байна. Тэрбээр энэ 20 зургаараа Монголын нийгэмд ийм хүчирхийлэл маш их байдаг, түүний мөрөөр ямар нэг арга хэмжээ авч ажиллах нь чухал гэдгийг харуулахыг зорьжээ.

CEMAATERR төслийн хүрээндЦэцэрлэг хотод гэр бүлийн хүчирхийлэлд өртсөн иргэдэд зориулсан Түр хамгаалах байрыг барьжашиглалтад оруулж байгаабөгөөд энэ үзэсгэлэн төслийн хамтын ажиллагааны нэгэн том хэсэгнь гэдгийг зохион байгуулагчид хэлж байна.

Морины үс засах нь нэг төрлийн урлаг болжээ

zulaa — Mon, 07 Jan 2019 17:01:18 +0800

Морины үсийг урлаг болтол нь засдаг энэ эмэгтэй элдэв хээнцэрлэлд дуртай хүмүүсийн жинхэнэ шүтээн нь болж байгаа гэнэ шүү. Олны дунд морины үсчин хэмээн алдаршаад буй Мэлоди Хэймс морьдын бие дээр гайхамшгийг бүтээдэг байна. 32 настай энэ бүсгүй таван жилийн өмнө Морины үсчин брэндийг үүсгэн байгуулсан бөгөөд өдгөө дэлхий даяар алдартай болжээ.

Фото: Монголын намар Орос гэрэл зурагчны дуранд

Mart — Fri, 07 Dec 2018 11:10:33 +0800

Оросын гэрэл зурагчин Даниил Коржонов энэ намар Монгол орноор аялж баруун хязгаарын казах түмний ахуй амьдралаас хальснаа буулгажээ. Мөн говийн газруудыг ч гэрэл зургаар дүрсэлжээ.

Юан гүрний үеийн Монголчууд

Mart — Tue, 04 Dec 2018 09:53:15 +0800

Жүжигчин Шүүдэрцэцэгийн төрсөн өдрийн зургуудаас

munkhbat — Fri, 16 Nov 2018 14:01:23 +0800

Жүжигчин Шүүдэрцэцэгийн төрсөн өдрийн баярт олны танил хүмүүс цөөнгүй ирсэн байна. Түүний баярт энэ өдрийн зургуудаас хүргэж байна.

Одод мэс заслын өмнө ба дараа

munkhbat — Tue, 06 Nov 2018 12:15:01 +0800

Олны танил бүсгүйчүүд гоо сайхны хагалгаанд орж аажмаар сайжирсаар байдаг билээ. Тэдний мэс засалд орохоос өмнө болон дараа ямар болсныг хүргэж байна.

ФОТО: Шатахууны үнийн өсөлтийг эсэргүүцсэн иргэд жагсаж байна

munkhbat — Mon, 05 Nov 2018 10:18:34 +0800

Шатахууны үнийн өсөлтийг эсэргүүцсэн иргэд яг одоо Сүхбаатарын талбайн хоёр талын замыг хааж, жагсаал зохион байгуулж байна. Тус жагсаалд нийт 40-50 гаруй машин оролцож, Төрийн ордныг тойрон явж байгаа бөгөөд тав хоногийн турш өглөө 08-11 цаг хүртэл ийнхүү эсэргүүцлээ илэрхийлэх тухайгаа мэдэгдээд байгаа юм.

Гэрэл зургийг Г.Аюуш

Хамгийн өндөр орлоготой талийгаач одод

munkhbat — Fri, 02 Nov 2018 15:49:35 +0800

Үхэл попын хаан агсан Майкл Жексоны ашиг, орлогийг бууруулж чадсангүй. Тэрээр үхсэн ч, түүний орлого өссөөр байгаа нь оддын жагсаалтаас харж болох юм. Түүний орлого дөрвөн жилийн турш оддын ашиг орлогийг тэргүүлжээ.

Сүүлийн нэг жилийн хугацаанд түүний EMI Music Publishing-гийн хувийг худалдсанаас олсон ашиг 400 сая доллар болжээ.

Жагсаалтын хоёрдугаарт дуучин Элвис Пресли оров. Жил бүр түүний цомог дэлхий даяар нэг сая гаруй хувь борлуулагддаг байна. Түүний амьдарч байсан эдлэн газрыг жил бүр 650 мянга гаруй хүн үзэж сонирхдог нь Цагаан ордныг үзэхийг сонирхогчдоос арай цөөхөн гэнэ. 42 насандаа зүрхний шигдээс өвчнөөр өөд болсон Пресли өнгөрсөн нэг жилийн хугацаанд 40 сая доллар олсон байна.

87 насандаа зүрхний өвчнөөр нас барсан тамирчин Арнольд Палмер жилийн хугацаанд 35 сая доллар олжээ.

Хүүхэлдэйн кино бүтээгч агсан Чарльз Шульц нэг жилийн дотор 34 сая долларын орлого олсон байна.

Харин хөгжимчин, дуучин агсан Боб Марли өөрийнх нь нэрээр нэрлэгдсэн брэнд бүтээгдэхүүнүүдийн борлуулалтаас 23 сая доллар олжээ.

Зохиолч Доктор Сьюзийн номыг сүүлийн нэг жилийн хугацаанд 4,8 сая хувийг худалдаалж 16 сая долларын орлого олсон байна.

91 насандаа зүрх нь зогссон хэвлэлийн магнат Хью Хэфнер жилийн дотор 15 сая долларын орлого олсон аж. Хүүхдүүд нь түүний эдлэн газрыг зарснаар ийм орлого бий болсон гэнэ шүү.

Холливудын нэрт жүжигчин агсан Мэрилин Монро шинэ лицензийн гэрээнүүдийн ачаар жилийн дотор 14 сая долларын орлого олжээ.

Дуучин Принцийн Purple Rain гэдэг нэртэй цомог урьдын адил сайн борлуулалттай байгаа юм. Сүүлийн 12 сарын хугацаанд 250 мянга гаруй ширхэг цомог борлогджээ.

Домогт "Битлз” хамтлагийн ахлагч агсан Жон Ленноны цомгууд жил бүр хоёр сая орчим хувиар борлогдож, 12 сая долларыг олдог гэнэ.

Танд хэрэгтэй санаа: Гэрийнхээ таазыг гэрэлтүүлээрэй

munkhbat — Fri, 02 Nov 2018 14:58:39 +0800

Автомашинаараа 41 орноор аялсан хосууд эх орондоо ирлээ

munkhbat — Fri, 02 Nov 2018 13:45:20 +0800

Улаанбаатар хотоос Лондон орох зорилготойгоор энэ оны тавдугаар сарын 24-ны өдөр автомашинтайгаа гарсан хосууд аяллаа амжилттай дуусган аравдугаар сарын 31-ны өдөр эх орондоо ирлээ. Ази, Европын 35 улсаар аялах төлөвлөгөө зохион замдаа гарсан Ш.Түвшинжаргал, Д.Амарзаяа нар таван сарын турш амжилттай аяласан байна.

Тэд аялалд явах зардлаа Сидней хотод ажиллаж байж олжээ. Аяллын нийт зардлаа тун удахгүй гарган, бага зардлаар хэрхэн олон газар үзэж болох талаар өөрсдийн туршлагаа олон нийттэй хуваалцаж, аяллын бичлэгээ нэвтрүүлэг болгон цацах төлөвлөгөөтэй байна.

Хосууд аяллын турш машиндаа хооллож, унтаж байсан бөгөөд 41 улс орноор аялж нийтдээ 46,000 км замыг туулжээ. Эх орондоо ирээд хамгийн түрүүнд цээж дүүрэн амьсгалсан байна.

Энэ тухайгаа П.Амарзаяа "Цээжээ дүүртэл амьсгална гэдгийг мэдэрсэн. Эх орондоо хүн тэгж амьсгалж чаддаг юм билээ” хэмээсэн бол түүний нөхөр Ш.Түвшинжаргал "Би хамгийн сайхан газрыг олсон. Үүнтэй хэн ч маргахгүй байх гэж би бодож байна. Энэ бол таны, миний, чиний хаана эхэлсэн, хаана шатаж дүрэлзэх ,хаана дуусах тэр л газар хамгийн сайхан. Бид хоёр тэндээ байна” хэмээн эх орондоо ирсэн сэтгэгдлээсээ хуваалцжээ.

19 настай дэлхийн хамгийн уян налархай биетэй охин

munkhbat — Fri, 26 Oct 2018 11:59:49 +0800

Мария Пуччарелли (Maria Pucciarelli) АНУ-н Нью-Йорк хотод амьдардаг. Одоо дөнгөж 19 настай бөгөөд гайхалтай уян хатан биеэрээ олныг гайхшруулж, дэлхийн хамгийн уян уран нугараачдын нэг болж чаджээ. Тэрээр гимнастикийн спортоор 14 настайгаасаа хичээллэж эхэлсэн бөгөөд Мариа өдөрт дор хаяж дөрвөн цаг дасгал, сургуулилт хийдэг. Тэрээр Instagram хаягнаа хэдийнээ 36 мянган дагагчтай болжээ. Та бүхэн түүний гайхалтай зурагнуудыг сонирхоно уу

Одоо тэрээр маш олон төрлийн шоу үзүүлбэр, арга хэмжээ болон зураг авалтанд тасралтгүй уригдаж оролцдог. Тэрбээр анх интернэтээс төрөл бүрийн дасгалын бичлэг дуурайн хийж уян хатан болохын тулд хөдөлмөрлөж иржээ. Түүнд хамгийн их нөлөөлсөн хүмүүс нь алдарт "Cirque du Soleil" циркийн уран нугараачид гэнэ. Түүний ийм уян хатан болоход нь дасгалжуулагч нь хамгийн их нөлөөлсөн бөгөөд Мариаг сууж босохыг нь хүртэл зааварчилдаг байсан гэнэ.

ЖҮДОГИЙН ”ЯЛАГДАШГҮЙ ГҮНЖ” ДАРЬЯ БИЛОДИД ГЭЖ ХЭН БЭ...

munkhbat — Wed, 24 Oct 2018 16:18:00 +0800

Спорт сонирхогчдын анхааралд хамгийн ихээр өртөөд буй 17 хон настай Украйны тамирчин Дарья Билодид ур чадвар болон гоо үзэсгэлэнгээрээ шуугиулах болжээ. Түүний аав болон ээж хоёул жүдоч бөгөөд тэрээр багаасаа эргэлт буцалтгүй жүдод дурлан уйгагүй хөдөлмөрлөсөөр 17 хон насандаа хамгийн ажилттай яваа жүдочдийн жагсаалтыг тэргүүлж явна.

Тэрбээр Өсвөр үе, залуучуудын ангиллын тэмцээнд дийлдээгүй түүнийг "акул”-уудтай хэрхэн барилдахыг олон хүн сонирхон, чих тавин хүлээж байв. Зарим бөх багадаа онцгойрсон ч насанд хүрээд амжилт нь саардаг ч Украин охин тэгсэнгүй. Түүний өрсөлдсөн насанд хүрэгчдийн ангиллын анхны тэмцээн нь Европын цомын аварга байлаа. Тэмцээнд торолгүй түрүүлэн, дараа нь Европын аварга болж, олны итгэлийг амжилтаар хариулав.

Сайн барилдахаас гадна гойд үзэсгэлэнтэй учир түүнийг спортоос өөр салбарыхан ч тун их сонирхдог. Мэргэжлийн боксчин, WBC холбооны дэлхийн аварга асан М.Бриедисийн промоутер, англи мэргэжилтэн А.Сиеста гэхэд түүнийг сонирхож буй хүмүүсийн нэг. Тэрбээр нэгэн хэвлэлд ярилцлага өгөхдөө "Хэрэв би Белодедын менежер болох юм бол түүнийг Холливудын од болгоно” гэсэн удаатай.

Олны итгэж байсанчлан Дарья Билоди үнэхээр 17 насандаа Дэлхийн аварга болж чадлаа. Казахстаны нэрийн өмнөөс барилдах болсон Монголын тамирчин Г.Отгонцэцэгт 2017 онд ялагдсан ч түүнээс хойш Г.Отгонцэцэгийг энэ удаагийн Дэлхийн аварга шалгаруулах тэмцээний барилдаантай нийлээд дөрвөн удаа яллаа.

Жүдо бөхийн ертөнцөд ийм нэгэн шинэ од мэндэлж байгааг хүлээн авна уу!

2018 оны дэлхийн хамгийн үзэсгэлэнтэй 10 эмэгтэй

munkhbat — Tue, 23 Oct 2018 10:31:40 +0800

Энэ жагсаалтад багтсан бүсгүй болгон өөрийн ажилладаг салбартаа тэргүүлсэн, хамгийн үзэсгэлэнтэй эмэгтэйчүүд юм.

1. Дипика Падуконе

Дипика Падуконе бол дэлхийн хамгийн өндөр цалинтай жүжигчдийн нэг. Тэрбээр "Bajirao Mastani”, "Piku” болон бусад кинонуудад гайхалтай дүрүүдийг бүтээж чадсан. Анхны Холливудын кино нь "xXx: Return of Xander Cage” байсан бөгөөд Энэтхэгт сэтгэцийн эрүүл мэндийн тухай мэдлэгийг бий болгохын тулд өөрийн загварын сүлжээг ашиглан "Live Laugh Love” хэмээх санг байгуулсан юм.

2. Скарлетт Иоханссон

Америкийн жүжигчин, загвар өмсөгч, дуучин тэрбээр бага байхдаа л жүжигчний карьераа эхлүүлсэн юм. Билл Мюррейгийн хамт "Lost in Translation" кинонд тоглосон нь түүний асар их амжилтын гараа болжээ. Уг кинонд тоглохдоо тэр дөнгөж 17 настай байсан ч их сургуулиа хэдийн төгссөн эмэгтэйгийн дүрийг бүтээсэн юм.

3. Анжелина Жоли

Анжелина Жоли Холливудын хамгийн өндөр цалинтай жүжигчин хэмээн нэрлэгдэж байсан. Тэрбээр Лара Крофттын дүрийг бүтээж нэр алдарт хүрч байв. Жүжигчнийхээ ажлын хажуугаар хүүхдийн эрх, хүний болон эмэгтэйчүүдийн эрхийн асуудлаар идэвхтэй ажилладаг нэгэн. Тэрбээр дэлхий даяар хүмүүнлэгийн үйлсэд хувь нэмэр оруулж, "Jolie-Pitt” санг байгуулсан.

4. Лиза Хейдон

Лиза Хейдон "Aisha” киногоороо Болливудын анхны дүрээ бүтээж байв. Түүнчлэн "Queen” кинонд тоглосоноороо илүү олон хүмүүст танигдаж чаджээ. Кинонд тоглохоос гадна загвар зохион бүтээгч, загвар өмсөгчөөр ажилладаг.

5. Бейонсе Жизель Нөвлэс-Картер

Тэрбээр Грэммигийн шагналд хамгийн олон удаа нэр дэвшсэн бүсгүйчүүдээс хоёрт бичигддэг. Бейонсег шүтэн бишрэгчид нь 'Queen B' гэж нэрлэдэг бөгөөд дэлхийн хамгийн алдартай уран бүтээлчдийн нэг юм. Алдартай хип-хоп уран бүтээлч "Jay-Z”-тэй гэрлэсэн.

6. Прияанка Чопра

Прияанка Чопра 2000 онд Дэлхийн мисс болж байсан. 2015 онд ABC телевизийн цуврал болох "Quantico”-д тоглосон.Тэрбээр Энэтхэгт хамгийн өндөр цалинтай жүжигчдийн нэг. "Time" сэтгүүл түүнийг дэлхийн хамгийн нөлөө бүхий 100 хүний нэг хэмээн нэрлэсэн байдаг.

7. Эмма Уатсон

Тэрбээр дэлхийн хамгийн нөлөө бүхий алдартнуудын нэг юм. Мөн кино урлагт ажиллахаасаа гадна өөрийн боловсролд ихээхэн анхаарал хандуулдаг нэгэн. Харри Поттерын цувралаас гадна "The Perks of Being a Wallflower", "Noah", "The Beauty and the Beast" зэрэг кинонуудад дүр бүтээсэн.

8. Эмилия Кларк

Энэ гайхамшигт эмэгтэй HBO-ийн "Game of Thrones" цувралын Дейенерис Таргариен дүрээрээ дэлхийд танигдсан. 2016 оны арваннэгдүгээр сард тэр "Star Wars Han Solo Anthology"-д гол дүрийг бүтээсэн.

9. Махира Хан

Тэр бол Пакистаны хамгийн алдартай, хамгийн өндөр цалинтай жүжигчдийн нэг юм. Жүжигчний гараа нь "Bol" гэх романтик кинонд бүтээсэн дүрээс нь эхлэлтэй. Мөн тэр Шарук Кан гэх алдартай жүжигчинтэй цуг анхныхаа Болливуд кинонд тоглож байв.

10. Энн Хэтэуэй

Түүний жүжигчний гараа "Гүнжийн өдрийн тэмдэглэл” кинонд бүтээсэн Миа Термаполисын дүрээс эхтэй. Мөн "The Devil Wears Prada”, "Love and Other Drugs”, "Rachel Getting Married", "One day" зэрэг кинонуудаараа алдартай. Кристофер Ноланы "Dark Knight Rises” кинонд Муур эмэгтэйн дүрийг бүтээж байсан.

Никки Минажийн загварын "өөрчлөлт"

munkhbat — Wed, 17 Oct 2018 14:13:31 +0800

Монгол орны баруун хязгаарт авсан зураг тэргүүн байранд шалгарчээ

munkhbat — Tue, 16 Oct 2018 17:01:38 +0800

Олон улсын гэрэл зурагчдын дунд жил бүр зохион байгуулагддаг "All About Photo” уралдааны 2018 оны шагналтнуудыг тодруулсан байна. Тус уралдааны тэргүүн байранд Их Британий гэрэл зурагчин Тарик Зайдигийн Монгол орны баруун хязгаарт авсан Казах өндөр настан анч бүргэд, ач хүүтэйгээ морины нуруун дээр байгаагаар дүрслэгдсэн гэрэл зураг тэргүүн байранд орсон байна. Тэргүүн байранд орсон гэрэл гэрэл зурагчныг $5,000-ын мөнгөн шагналаар шагнасан байна.

1-р байр

2-р байр

3-р байр

4-р байр

5-р байр

Дэлхийн аварга М.Анхцэцэгийн хайр хүрэм нэгэн агшин

munkhbat — Mon, 15 Oct 2018 17:06:43 +0800

Хүндийн өргөлтөөр дэлхийд Монгол улсынхаа нэрийг гаргасан М.Анхцэцэг УДЭТ-ийн жүжигчин Б.Золжаргалтай ханилж саяхан буюу 2018 оны 10-р сарын 03-ны өдөр бүл нэмсэн юм.

Шинэхэн аав, жүжигчин Б.Золжаргал эхнэр, хүүгээ эмнэлгээс гаргахдаа тунчиг омогшин улсын дугаараа "Би аав болсон” хэмээн өөрчилсөн байна.

Залуу хосын энэхүү аз жаргалтай агшин олон хүнд баяр баясгалан, хайрыг мэдрүүлсэн юм.

Тэгвэл нярайлаад удаагүй тамирчин бүсгүйн хувьд "2018.10.03 Б.Золжаргалынх гэдэг нэгэн айл бүл нэмж бид гурвуулаа болсон амьдралын хамгийн жаргалтай өдрүүдийн минь нэг Хүү бид хоёрыгоо сарнайнд умбуулж хүлээж авсан хамгийн сайн хань сайн аав чамдаа баярлалаа хязгааргүй их хайртай шүү. Мөн чин сэтгэлээсээ тусалж эсэн мэнд амаржуулж хөөрхөн үртэй минь уулзуулсан Гурван гал эмнэлгийн хамт олон тэр дундаа эх барих эмэгтэйчүүдийн тасгийн хамт олон болон Үйлст, Мэндбаяр эмч нартаа гүнээ талархал илэрхийлье. Би нь биеэ тэнхрүүлээд Токиогийн олимпын бэлтгэлдээ орноо” хэмээсэн юм.

"American music awards" улаан хивсны ёслолын зурагнууд

munkhbat — Thu, 11 Oct 2018 13:32:37 +0800

Лос-Анжелес хотын Microsoft театрт 46 дах удаагийн American Music Awards шагнал гардуулах ёслол өчигдөр/10.10/ зохион байгуулагдлаа. Тус наадмын улаан хивсний ёслолд алдартнууд хэрхэн гоёж ирснийг сонирхуулж байна.

Женнеифер Лопез

Тэйлор Свифт

Карди Би

Рита Ора

Кэрри Андервуд

Пост Малон

Камила Кабелло

Сиара

Хайди Клум

Ашли Симпсон

Тайра Бэнкс

Амбер Херд

Дуа Липа

The Chainsmokers

Маколей Калкин

Шон Мендес

Дэлхийн хамгийн үнэтэй кофе

munkhbat — Wed, 10 Oct 2018 16:29:21 +0800

Тайландын хойд нутагт дэлхийн хамгийн үнэтэй, чанартай кофенуудын нэгийг зааны ялгадсаар үйлдвэрлэдэг байна. Зааныг арабика сортын кофены үрээр хооллодог ба энэ нь ходоодонд 15-70 цаг боловсрогдох явцдаа ходоодны хүчил нь кофены уургыг задлаж гашуун амтыг нь арилгаж маш зөөлөн баялаг амттай болгодог байна.

Кофены үнэтэй байдаг шалтгаан нь түүхий эдний хорогдол буюу алдагдал ихтэй байдаг. 30кг түүхий кофены үрээр зааныг хооллоод, гарсан кофег нь хуураад бэлэн бүтээгдэхүүн болгоход 1кг болдог ба үнэ нь ойролцоогоор 1100 доллар байдаг.

Гэр ахуйн зөвлөгөө

munkhbat — Wed, 10 Oct 2018 14:25:26 +0800

Бид өдөр тутамдаа амьдралынхаа хэв маягийг өөрт амар хялбар болгохын тулд үргэлж шинийг сэдэж, санаачилж байдаг. '

Ингэхдээ өөрсдөө ч үүнийгээ мэдэлгүйгээр амьдралын явцад аливаа зүйлийг амар хялбараар хийх аргыг сэдэж олсон байдаг юм. Тэгвэл магадгүй таны санаанд ороогүй байж болох зарим хэрэгтэй зөвлөгөөг зураг, тайлбартайгаар хүргэе.

Өмдний өлгүүрийн чимхэгч хэсгийг чипс, элдэв ууттай зүйлийн амыг таглахад хэрэглэж болно

Өмдний цахилгаан буугаад байвал түлхүүрний оосорны бөөрөнхий төмрийг ашиглаж болно

Уух дуртай дарсаа хүйтнээр уухын тулд хүйтэн мөс/хүйтэн ус хийхийн оронд урьдчилж хөлдөөсөн усан үзэм хийж уугаарай

Хэт богино долгионы халаагч дотроо амсар томтой савтай зүйлийг ингэж халааж болно

Хүүхэд тань өсч том болон ор нь багадсан бол өөр зорилгоор үргэлжлүүлэн ашиглаж болно

Мебель эдлэл дээрх жижиг зураас сэвийг хушгаар арчвал мэдэгдэхгүй болно

Гар утсаа хурдан хугацаанд цэнэглэхийг хүсвэл "airplane mode” гэсэн горимон дээр тавьбал маш түргэн цэнэглэгдэх болно

Тог тасарсан, харанхуй үед өрөө тасалгааг илүү гэрэлтүүлэхийн тулд гар чийдэнгээ савтай усанд ингэж бэхэлбэл илүү гэрэл гэгээтэй болно

Газар бүрийн эрчүүдийн ... адил

Mart — Wed, 10 Oct 2018 11:28:14 +0800

Инстаграм дахь хамгийн их хандаль авсан зураг

munkhbat — Mon, 08 Oct 2018 13:16:22 +0800

Одоо үед хүмүүс Инстаграмыг асар их ашигладаг болоод байна. Тэр дундаа одууд өөр аливаа нэгэн олон нийтийн сүлжээнээс илүүтэйгээр инстаграм хуудас ажиллуулах нь ихэсчээ. Та бүхэнд хамгийн их хандалттай зургуудыг "Didyouknowfacts" дээр гарсан байснаар хүргэж байна.

10. Криштиану Роналду найз бүсгүй болон хүүгийн хамт. 11,307,426 лайк!

9. Дахиад л Роналду. Найз бүсгүйнхээ хамтаар. 11,337,222 лайк.

8. Криштиану Роналду дахиад. 11,458,285 лайк.

7. xxxtentacion - Түүний нас барахаасаа өмнө оруулсан сүүлийн зураг. 11,582,049 лайк.

6. Кайли Женнер 21 насныхаа төрсөн өдрөөр охин Стормитойгоо хамт. 12,248,446 лайк.

5. ДАХИАД Криштиану Роналду. Тэр ч үнэхээр инстаграмын од юм аа! 12,253,627 лайк.

4. Ариана Гранде өөрийн инстаграм хуудсандаа Мак Миллерийн хүндэтгэлийг дурсан хийсэн зураг. 12,684,982 лайк.

3. Кайли Женнер болон нэг ой хүрсэн Сторми. 13,074,344 лайк.

2. Жастин Бибер өөрийн сүйгээ зарласан зураг. 13,148,311 лайк.

1. Хамгийн их лайктай зургаар Кайли Женнерийн уг зураг тодорчээ. Кайли, Криштиану хоёр үнэхээр л инстаграмыг эзэлсэн хоёр аж. Түүний уг зураг 18,029,591 лайктай.

Модель О.Ариунзул томдсон хувцсаар гангарах дуртай

munkhbat — Thu, 04 Oct 2018 14:28:53 +0800

Дорнод нутгийн үзэсгэлэн мисс О.Ариунзул сүүлийн үед өөртөө томдсон хувцас өмсөх тун дуртай болсон гэнэ. Учир нь нөхрийнх нь хувцас түүнд маш их таалагддаг учраас стиль имиджийг нь тохируулан тийнхүү хувцаслах болжээ.

Дуучин Б.Амархүүгийн эхнэр болсноосоо хойш багагүй хэл, аманд орох болсон түүний алхам тутам олны анхааралд байдаг. Тэрээр шаггүй дуулах авьяастай бөгөөд нэг удаа нөхөртэйгээ хамт дуулаад тайзан дээр солгойрсон хэмээн шүүмжлүүлсэн удаатай. Түүнээс хойш олны өмнө дахин дуулаагүй. Харин өнгөрсөн хугацаанд хүү А.Анандаа харж, чөлөөт цагаараа гэр бүлийн хамт гадаад улс орнуудаар аялсан шигээ хэсэг хугацаанд амарч авсан ажээ.

Загварлаг хатагтай Ө.Содгэрэлийн гутлын сонирхолтой сонголтууд

munkhbat — Wed, 03 Oct 2018 12:41:53 +0800

Монголын загварын ертөнцийн сайхан бүсгүйчүүдийн тэргүүн эгнээнд бичигддэг нэгэн бол Ө.Содгэрэл. Загварынхан дундаа чамгүй өндөр боловсролтойд тооцогддог тэрээр дэлхийн 10 гаруй оронд үйл ажиллагаагаа явуулдаг "Buro247" сэтгүүлийн Монгол дахь захирлын албыг хашдаг бөгөөд хаана ч энгийн бөгөөд загварлаг харагдахаа мартдаггүй нэгэн. Тэрээр яг одоо Парист загварын долоо хоногийг сонирхож яваа бөгөөд энэ удаагийн "MNTM" шоунд оролцохгүй гэнэ.

Загварын тал дээр маркетинг, менежмент хийхдээ тун ч гаргууд тэрээр гутлын хорхойтон ажээ. Өөрийнхөө овог нэрийг гутландаа мөнхлөн багагүй шүүмжлэлд өртөж байсан удаатай тэрээр энэ жилийн трэндээс ч мөн хоцорсонгүй. Ингээд түүний гутлын хамгийн сонирхолтой сонголтуудаас хүргэж байна.

Монгол улсын бахдам сайхныг гадын ийнхүү онцолжээ

munkhbat — Tue, 02 Oct 2018 11:49:52 +0800

Гэрэл зурагчин Фредерик Лагранж өөрийн 17 жилийн эрэл хайгуулын үр дүнд бүтсэн Монголын тухай өгүүлэх эдгээр гэрэл зургуудаар ном гаргахаар болжээ. Түүний номыг Италийн хэвлэлийн компани "Дамиани" 11 сард хэвлэх юм байна.

Түүний авсан фото зургуудыг uk.businessinsider сайтад онцолжээ.

Фредерик Лагранжийн авсан Монгол орны 17 жилийн түүхийг өгүүлэх гэрэл зургуудаас хүргэе.

“21-р зууны нүүдэлчин Монгол” гэрэл зурагт

Mart — Fri, 28 Sep 2018 12:11:11 +0800

АНУ-ын гэрэл зурагчин Фредерик Лэгрэнж "21-р зууны нүүдэлчин Монгол” гэрэл зургийн үзэсгэлэнгээ гаргажээ.

Түүний 2001 оноос хойш 17 жилийн турш Монголд 13 удаа ирж авсан гэрэл зургуудыг сонирхуулъя.

"Монгол бол маш амар амгалан, анир чимээгүй байдал нь миний сэтгэлийг татсан. Яг л бясалгал шиг тийм л сайхан нам гүм. Америктай харьцуулбал Монголд энэ мэдрэмж бодит мэдрэгддэг” хэмээн Фредрик Лагранге ярьжээ.

Монгол Улсын Ерөнхий сайд У.Хүрэлсүхийн АНУ-д хийж байгаа айлчлалын зургуудаас

Mart — Thu, 27 Sep 2018 09:47:22 +0800

Гэрэл зургийг Г.Ган-Өлзий

Эх сурвалж: Монцамэ агентлаг

БНСУ-ын Элчин сайдын нэрэмжит 6 дахь Таеквондогийн цомын тэмцээн

Mart — Mon, 24 Sep 2018 13:37:05 +0800

БНСУ-ын Элчин сайдын нэрэмжит зургаа дахь удаагийн Таеквондогийн цомын тэмцээн энэ сарын 24-25 өдрүүдээд спортын төв ордонд эхэллээ. Уг тэмцээнд аймаг нийслэл дүүргээс ниит 22 клубын 350 гаруй тамирчид авхаалж самбааа хурд хүчээ сорьж байна.

Эх сурвалж: www.polit.mn

Сонирхолтой фото

Mart — Fri, 21 Sep 2018 10:23:22 +0800

Одоо маш хурдан нүдээ анивчаад үзээрэй.

Оффисын ердийн шал юм

Та ширээн дээр гар утас, хөзөр байгаа юу?

Толгойгоо зүүнээс баруун тийш нь сэгсрээд хараарай

Энэ сандал уу эсвэл коктэйл уу?

Зургийг ажиглаарай. Дэлхийг уруу нь харуулсан мэдрэмж төрж байна уу?

Толгойгоо зүүн баруун тийш нь сэгсрээд хараарай

Зураг дээрхийг (харанхуй байвал зохимжтой) ажигла. Дунд хэсэгт байгөө цагаан цэгэн дээр хараагаа төвлөрүүлэн ажиглаарай. Та удахгүй улаан тойрог нь тодорч, эргэн тойронд тойрог байна гэдгийг та анзаарах болно.

Монголд 8 жилийн өмнө бүх зүйл өөр байсныг батлах 16 баримт

Mart — Thu, 20 Sep 2018 15:41:35 +0800

1.Одоогоос найман жилийн өмнө Монгол Улсын Ерөнхийлөгч асан Н.Энхбаярыг хэн ч камер луу "таван салаа боов” гаргаж, бас дээр нь тэгтлээ турна гэж төсөөлж ч байгаагүй биз.

2. "Атар” талх 650 төгрөгийн үнэтэй байв.

3. 2011 онд Арго багш Ард түмний гавьяат цолоор шагнуулж, олон хэлний номоо гаргасаар байсан билээ.

4. Тухайн үед ард түмэн Л.Гүндалайг УИХ-ын гишүүн л гэж мэддэг байснаас, урлагийн салбарт хүч үзнэ гэж төсөөлж ч байгаагүй нь лавтай.

5. Зургаан жилийн өмнө дуучин Рокит Бэй "Нэг өдрийн хаан” тоглолтоо хийж байв.

6.  Тэр үед найруулагч Б.Баатар, Ч.Ундрал нар аз жаргалтай гэр бүл байлаа.

7. Зургаан жилийн өмнө ам.долларын ханш чангаран "1267” хүрч олныг сандаргаж байлаа. Одоо 2600 төгрөг болсон ч гайхах хүнгүй болж.

8. Тэгэхэд Б.Обама манай Ерөнхийлөгчийн нүүрийг гараараа халхалж байсан бол одоо Доналд Трамп түүнийг эрх мэдлээрээ "халхалчихаад” байна.

9.  Монгол Ардын Нам энэ үед Монгол Ардын Хувьсгалт Нам байлаа.

10. Тухайн үед продюсер Рагу Монголын хөгжмийн салбарын хүндтэй эрхэм байлаа. Харин одоо тэр ор сураггүй алга болжээ.

11. Тэр үед нэвтрүүлэгч С.Чимгээ МҮОНТ-дээ ажилладаг байлаа. Харин одоо "Монгол HD” гэх нэр хэдийнэ түүний илэрхийлэл болсон билээ.

12. Жүжигчин А.Орхонтуул гэх жаахан охин "Орхидос” киногоор "Academy awards 2011” наадмаас шилдэг эмэгтэй жүжигчний шагнал хүртэн, шуугиулж байв.

13. Тухайн үед Монголын загвар өмсөгч бүсгүйчүүдийн мөрөөдөл "Гоёл” наадам хэвээр байлаа. 2011 оны топ моделиор Э.Сэлэнгэ шалгарч байв. Харин одоо монгол моделууд дэлхийн тайзнаа гарч байна.

14. Найман жилийн өмнө буюу "Монгол тулгатны 100 эрхэм” нэвтрүүлгийн анхны дугаар цацагдахаас өмнө хүмүүс П.Анужинг зөв хооллолтын багш, "Макробиотик XXI зуун” номын зохиолч гэдгээр мэддэг байв.

15. Тэр үед айл бүхэн цэнхэр дэлгэцээр "Тусгай салаа” киног шимтэн үздэг байлаа.

16. Найман жилийн өмнө "iPhone 4” гар утас барьсан хүмүүс "од” болдог байв.

Эх сурвалж: UB.LIFE

Дэлхий дээр унаж байсан ховор солирууд

munkhbat — Wed, 01 Aug 2018 09:57:12 +0800

Нөхөрсөг шог

munkhbat — Tue, 24 Apr 2018 15:18:50 +0800

Амьд гарах арга ухаан

munkhbat — Fri, 30 Mar 2018 10:29:12 +0800

Мартын 8-наар эмэгтэйчүүд шударга ёсыг шаардан жагслаа

tonshuul — Fri, 09 Mar 2018 10:01:31 +0800

2018 оны хаврын “Бүргэдийн баяр” арга хэмжээ боллоо

tonshuul — Tue, 06 Mar 2018 09:54:14 +0800

МУ-ын Нийслэлийн Аялал Жуулчлалын Газар, Улаанбаатар Аялал Жуулчлалын Холбоо, Монголын Бүргэдчид холбоо зэрэг байгууллага нэгж хамтран, 2018 оны 3 дугаар сарын 4-нд "Чингис хааны хүрээ” аялал жуулчлалын цогцолборт 2018 оны хаврын "Бүргэдийн баяр” арга хэмжээг зохион явууллаа. Тус арга хэмжээнд МУ-ын Баян-Өлгий аймгийн Казак үндэстний бүргэдчид 20 гаруй анч бүргэдийнхээ хамт оролцсон бөгөөд 4-ний өдрийн байдлаар гадаад дотоодын 500 гаруй хүн үүнийг үзэж сонирхсон байна.

Бүргэдээр ан хийх уламжлал нь Төв Азийн нүүдэлчдийн дунд 6000 жилийн өмнөөс үүсч хөгжин, өнөөг хүртэл хадгалагдаж ирсэн түүхтэй бөгөөд энэ уламжлалыг хамгийн сайн хадгалж ирсэн орон бол МУ гэж эрдэмтэн судлаачид үздэг байна.

Монгол Улсын аялал жуулчлалын хамгийн сонирхолтой арга хэмжээний нэг болох "Бүргэдийн баяр” арга хэмжээг 2000 оноос эхлэн зохион байгуулсаар ирсэн бөгөөд үүний зорилго нь МУ-ын үндэстний цөөнх болсон Казакчуудын бүргэдээр ан хийх уламжлал, зан заншлыг сэргээн хөгжүүлэх, хойч үеийнхэнд өвлүүлэн уламжлах, гадаад дотоодын жуулчдад танилцуулан сурталчлах, аялал жуулчлалын брэнд бүтээгдэхүүн болгоход чиглэгдэж байгаа аж.

Баялаг түүхтэй энэ уламжлалт арга хэмжээг дэлхий дахинд сурталчилж, МУ-ыг зорих жуулчдын тоог нэмэгдүүлэх зорилгоор, "Бүргэдийн баяр” арга хэмжээг жил бүрийн хаврын 3 дугаар сарын 4-5-нд Улаанбаатар хотод, намрын 10 дугаар сарын эхний 7 долоо хоногийн амралтын өдрүүдэд Баян-Өлгий аймагт тус тус зохион байгуулдаг байна.

"Бүргэдийн баяр" арга хэмжээ нь тэмцээний хэлбэрээр явагддаг бөгөөд арга хэмжээний эхэнд тэмцээнд оролцогч бүргэдчид үндэсний хувцсаараа гоёж, морь унан, бүргэдээ гарын шуун дээрээ суулгаж, бүргэдтэй парад хийдэг бөгөөд шүүгчдээс тэдний уламжлалт зан заншлыг хадгалж буй байдал, хувьцас чимэглэл, дизайн зэргийг нарийн шалгаж, хамгийн сайхан үндэсний хувцас, морь, бүргэдийн тоноглолтой оролцогчдыг шалгаруулдаг. Үүний дараа, бүргэдийн ан хийх чадварыг шалгах тэмцээн зохиодог байна.

Бүргэчид бүргэдээ уулын оройд байрлуулж, эзэн нь уулын бэлээс дуудахад, бүргэд нь эзнээ таньж гарын шуун дээр нь нисэн ирж суух ёстой. Хамгийн богино хугацаанд сүрлэг дэвж, эзнийхээ шуун дээр суусан байдалд үндэслэн, шүүгчдээс тэдэнд оноо өгч, бас хиймэл амьтныг газраар чирэн давхиж, бүргэдийн анг харах, агнах чадварыг нь шалгадаг байна.

Тус арга хэмжээний үеэр бас Көкпар буюу тулам булаалдах, газраас зоос шүүрэх зэрэг Казакчуудын уламжлалт тоглоомыг сонирхож болохоос гадна, үндэсний хувцас гоёлоор чимж гангарсан Казакчуудын зан заншил, ахуйн соёлтой гүнзгий танилцах боломжтой юм.

Эх сурвалжийн мэдээнээс үзвэл, бүргэдээр ан хийх уламжлалт зан үйлийг 2010 онд ЮНЕСКО-ийн "Хүн төрөлхтний биет бус соёлын өв”-ийн жагсаалтанд албан ёсоор бүртгэжээ.

Энэ оны хаврын "Бүргэдийн баяр" арга хэмжээ 2 хоног явагдаж, 5-ны үдээс хойш өндөрлөнө.

/ХОУР-гаас МУ-д суугаа сэтгүүлч О.Дарамбазар мэдээлэв/

Монгол орны аймгуудын 7 гайхамшиг

zulaa — Mon, 26 Feb 2018 10:45:14 +0800
Дэлхийн "7 гайхамшиг" гэж байдагтай адил Монгол Улсын аймаг бүр өөр өөрсдийн "7 гайхамшиг"-ийг тодруулжээ. МҮХАҮТ-ийн дэргэдэх Аялал жуулчлалыг хөгжүүлэх зөвлөл 2011 оны гуравдугаар сарын 28-нд Монгол Улсын Ерөнхий сайдын ивээл дор "Аялал жуулчлал ба өрсөлдөх чадвар 2011” үндэсний зөвлөгөөнийг зохион байгуулсан бөгөөд тус зөвлөгөөний үеэр аялал жуулчлалын шинэ бүтээлийг нээн илрүүлэх, Монгол орны онцлог, байгалийн гайхамшигт газрыг тодорхойлж, эх орондоо төдийгүй олон улсад сурталчлах тухай ярилцсан юм.

Монголын өвөл гадны зурагчны нүдээр...

zulaa — Mon, 26 Feb 2018 10:22:46 +0800

Монголын өвөл хатуу ширүүн бөгөөд -20-45°C хүртэл хүйтэрдэг. Ихэнх жуулчид энэ хүйтнээс айж зуны улиралд л Монгол орныг зорьдог болохоор өвлийн улирлын үзэсгэлэнг төдийлөн харж чаддаггүй гэжээ. Ингээд уншигч танд Dheera хэмээх аялагч гэрэл зурагчины фото тэмдэглэлийг хүргэе.

Монгол гэрийн Интерьерийн өвөрмөц шийдлүүд

zulaa — Thu, 22 Feb 2018 14:22:30 +0800

Монгол орны үзэсгэлэнт байгалиуд №1

munkhbat — Tue, 20 Feb 2018 10:33:40 +0800

БАГА ТҮРГЭНИЙ ХҮРХРЭЭ
Баян-Өлгий аймгийн нутагт Хотон, Хурган нуурын баруун эрэг, Түргэний уулсын дунд хэд хэдэн хүрхрээ буудаг. Тэдний дотроос хамгийн том нь Бага түргэний амны хүрхрээ юм.

Нийт 36 метр өндөр эгц хаднаас буух бөгөөд их бага гэсэн хоёр хүрхрээ үүсгэн шаталсан маягтайгаар унадаг. Их хүрхрээ нь 23 метр өндөр, Бага хүрхрээ нь 13 метр өндөр. Эргэн тойрон нь байгалийн үзэсгэлэн төгс нутаг бөгөөд аялагч жуулчдын очих дуртай газруудын нэг ажээ

АЛТАЙН НУРУУНЫ ТЭГШ ӨНДӨРЛӨГ БУЮУ ҮХЭГ
Алтайн нурууны Монгол, Хятад, Казахстан, Оросын хил залгаж дамнасан уулсын тэгш шилийг нийтэд нь "Үхэг” хэмээдэг. Орос хэлэнд "Укок” болон хувирчээ. Үхэгийн ноён оргил нь Монголын нутагт байх 4374м өндөр Хүйтэн оргил юм. Үргэлжлээд Белуха уул байх агаад энэ нь Алтайн БНУ-ын нутагт хамаарна. Үхэгийн баруун төгсгөлийг Өмнөд Алтай, Таван богд, Соёны нуруу эзэлдэг бол хойд хэсгийг Өмнөд Чуй нуруу тусгаарладаг. 1864 онд Орос, Манжийн хилийг тогтоох Чугучакийн гэрээнд Үхэгийн тухай дурджээ.

Оросын эрдэмтэн И.Ф.Бобковын удирдсан судалгааны экспедици 1860 онд Үхэгийн тэгш шилд ирсэн бөгөөд Чингистай тосгоноос Ак-Алахи голыг өгсөн энд иржээ. Газарзүй болон ургамал, хөрс, эрдсийн судалгаа хийсэн. 1878 онд М.В.Певцовын баг ирж 200 гаруй ургамлын төрөл, 100 гаруй төрлийн эрдэс, уулын чулуулаг цуглуулаад буцжээ. 1888 оны үед П.К.Козловын судалгааны багийнхан ирж Үхэгээс Ховд хүртэлх уулсын тэгш өндөрлөгийг судалжээ. Дараа нь В.В.Резниченкогийн экспедици мөстлөгийн судалгаа хийж геологийн тогтоцын хувьд харьцангуй том дөрвөөс доошгүй мөстлөг Алтайд болсныг олж тогтоожээ. Мөн үргэлжлүүлээд Резниченкогийн хөвгүүд болох ах дүү Тронов нар Алтайн өмнөд хэсгийн мөстлөгийг судалж "Алтайн уулсын бүхий л мөстлөгийн төв нь Таван богд уулсын зангилаа мөн” хэмээн тодорхойлжээ. 1905 оноос эхлэн Томскийн их сургуулийн профессор В.В.Сапожниковын баг судалгаа хийж Алтай таван богдын 5 оргил тус бүрд өөрсдийн харснаар нэр өгч байжээ. Мөн Потанины нээсэн мөсөн голыг ч Сапожников нээжээ.
1950-1960 онд Алтай Саяны уулсын системтэй судалгаанууд хийгдэж эртний болон одоогийн мөстлөгийн байдлыг судалсан ажлаар Е.В.Девяткин, Н.А.Ефимцев, Ю.П.Селиверстов, И.С.Чумаков, Е.Ф.Лунгерсгаузен, М.Г.Гросвальд, З.А.Титова, Л.Н.Ивановский, М.В.Тронов, В.С.Ревякин, В.П.Галахов, В.П.Голещихин нарын судалгааны бүтээлүүд гарч, Томскийн Технологийн Их Сургуулийн геологи-геоморфологийн салбарын П.П.Пилипенко, Д.В.Богданов, А.А.Иностранцев, В.А.Обручев, М.А.Усов, В.А.Хахлов, А.И.Родыгин нарын олон алдартай эрдэмтэдийг төрүүлжээ. Эдгээр эрдэмтэдийн судалгаан дээр тулгуурлан Баруун Сибирийн геологичид Алтайн том хэмжэний зураг гаргажээ.
1980-аад оноос Алтайн Улсын Их Сургуулийн профессор В.С.Ревякин, В.В.Рудской нар Алтайн нуруу, Үхэгийн судалгааг удирдан хийсэн бол 1990 оноос хойш Санкт-Петербургийн Их Сургуулийн профессор Ю.П.Селиверстовын удирдлагаар Зүүн өмнөд Алтай болон Тувагийн баруун өмнөд хэсгийн Алтайг судалж иржээ. Эдгээр судалгааны ихэнхийг Оросын Газарзүйн Нийгэмлэг ивээн тэтгэж, Нийгэмлэгийн Дэд ерөнхийлөгч профессор К.В.Чистяков өөрөө олон жилийн турш удирдаж байгаа нь Алтайн нурууны мөстлөгийн судалгаанд Оросын эрдэмтэд ямар их ач холбогдол өгч байгаагийн тод жишээ юм.
Сүүлийн 30 жилийн дотор А.С.Ревушкин, Н.В.Ревякина, В.В.Бутвиловский, Ю.П.Селиверстов, В.П.Галахов, В.Е.Арефьев, Р.М.Мухаметов, К.В.Чистяков, В.В.Рудской, Р.В.Камелин, А.Н.Рудой, З.В.Лысенкова, А.Г.Редькин, С.Г.Платанова нарын эрдэмтэд төрөн гарчээ.
Алтай Таван Богд бол бараг төв хэсэгт оршдог бөгөөд газар хөдлөлтийн идэвхтэй бүсэд хамаардаг учраас газарзүйн өөрчлөлт байнга явагдах магадлалтай байдаг байна. 1963-1991 онд Алтай, Соёны уулсад 3.5 магнитудаас дээш газар хөдлөлт 1485 удаа болсон байна.
Үхэг гэдэг нь монгол хэлэнд нүүдэл хийх үед нялх хүүхдийг агуулж тээх зориулалттай авдар мэт таггүй савыг хэлдэг байна. Бас нэгэн утга нь гал тогооны хэрэглэл хадгалах шүүгээ-г хэлдэг ажээ. Магадгүй энэхүү аливааг агуулах сав гэдэг утгаар нь Алтайн нурууны мөстлөгийн тэр их нөөц, ургамал эрдсийг агуулдаг учраас "Үхэг” гэж нэрлэсэн бололтой.
Эх сурвалж Ganaa.mn блог

АЛТАЙ ТАВАН БОГД - МОНГОЛ УЛСЫН ҮНДЭСНИЙ ЦОГЦОЛБОРТ ГАЗАР
Монгол Алтайн нурууны баруун захад хойноосоо урагш сунамал байдалтайгаар, Монголын баруун захаас Говь-Алтай аймгийн нутгийг өнгөртөл 900 гаруй километр үргэлжилдэг. Монгол Алтайн нурууны уулархаг их мужид өндөр уулсаар хүрээлэгдэн Хотон, Хурган, Даян, Ховд, Хар салаа, Цагаан салаа, Сонгинот, Ёлт зэрэг голуудын ай сав оршино. Монгол Алтайн нуруунд Монгол орны мөсөн голуудын 96 хувь нь оршдог. Монголын хамгийн том мөсөн гол болох Потанины мөсөн гол нь Цагаан голын эх хавиас 20 километр үргэлжлэн орших бөгөөд нийт талбай нь 24 хавтгай дөрвөлжин километр. Монгол Алтайн нурууны хамгийн нам цэг нь 1800 метрт орших Хурган нуур юм. Уулын хар хүрэн хөрс, нуга намгийн хөрс зонхилохоос гадна хад асгатай. Алтайн нурууны таван их оргилыг нэрлэвэл, Хүйтэн оргил 4374 метр, Найрамдал оргил 4082 метр, Малчин оргил 4037 метр, Бүргэд уул 4068 метр, Өлгий оргил 4050 метр юм.

Хад чулуун дээр нь сүг зургууд, элдэв тамга тэмдэг, үсэг зурлага элбэг байдаг. Эдгээр нь 2500-3000 жилийн өмнөх түүх соёлын өв юм. Алтайн нурууны буган хөшөө нь Хангайн нурууны буган хөшөөнөөс ялгарах зүйл байдаг ба тэр нь бугын оронд адууг зурсан байдаг. Мөн адил сэлэм зурсан байх бөгөөд хөшөөний нүүрэн талын дээд өнцөгт том нар, жижиг сар, заримдаа нарыг харвасан сум сийлсэн байдаг. Тус цогцолбор газарт эртний болон Хүннү, Түрэг, Уйгар, Монголын эзэнт гүрний үед хамаарах цаг үе нь нарийн сайн тогтоогдоогүй булш бунхан их байдаг. Могойт, Онхотын хөндийд 30 гаруй хүн чулуутай булш бий. Хотон нуурын орчимд 2 хүн чулуутай, дүрс хэлбэр нь маш сонирхолтой булш бунхан байдаг бол Шар булаг, Ёлтын Харбайн салаа, Чихэртэй, Жаланаш, Сонгинотын орчимд хүн чулуу бүхий булшнууд байдаг. Казак, Тува үндэстний өлгий нутаг учраас тэдгээрийн ахуй амьдрал, зан заншил, амьдрах арга барилтай танилцуулах зорилгоор аяллын хөтөлбөрийг баяжуулах бүрэн боломжтой. Тус бүс нутагт уулын спортын аяллыг түлхүү хөгжүүлсээр ирсэн бөгөөд Хүйтэн оргилд анх 1956 онд Монголын уулчид мөрөө гаргаснаас хойш эдүгээ хүртэл 700 гаруй уулчид гарчээ.

Өндөр уулын мөнх цас, мөсөн гол, ян сарьдаг, уулын нуга, хээрийн экосистемийн онцлогийг төлөөлсөн үзэсгэлэнт байгальтай, аргаль янгир, марал буга зэрэг хөхтөн хойлог, тас, ёл зэрэг жигүүртний байршил нутаг бөгөөд уулын спорт, байгалийн аялал жуулчлал хөгжүүлэхэд нэн тохиромжтой нутаг тул 1996 онд 636161 га талбайг улсын тусгай хамгаалалтанд авсан.

АЖ БОГДЫН НУРУУ
Говь-Алтай аймгийн Алтай сумын нутагт орших Монгол Алтайн нурууны салбар уул бөгөөд хамгийн өндөр оргил нь Хүрэн товон далайн төвшнөөс дээш 3802 метр өндөр. Аж богдын нурууны өврөөс Индэр, Гишүүнтэй, Их гол, ар талаас нь Урт, Дөрөлжийн голууд эх аван урсдаг. Уулын хүрэн, цайвар хүрэн, говийн бор, хужир мараат, цөлийн бор саарал хөрстэй. Үет, буурцагт, бутлаг ургамал буюу ерхөг, хялгана, нарийн цагаан өвс, тэсэг, шөвөг, ортууз, агь, гогд, гоньд, тоорой, сухай, заг, гандигар, торлог, шар мод, харгана, баглуур, бударгана, таана, хүмүүл зэрэг ургамал голлон ургадаг. Аргаль угалз, янгир, хавтгай, хулан, хар сүүлт зээр зэрэг амьтадтай. Ууландаа зун 116-138 миллиметр хур тунадас унадаг. Алтай сумынхан сүү цагаан идээг сайн боловсруулдаг бөгөөд түүн дотор Аж богд уулынхаа нэрээр нэрлэсэн Ажийн бор хэмээх ааруул нь тун амттай

АРЦ БОГД УУЛ
Өвөрхангай аймгийн Богд сумын нутагт орших Арц богд уул нь Бага Богд уулын зүүн хоолойгоор зааглагдаж, баруун үзүүр нь Бага Богд уултай 20 гаруй километр газраар зөрсөн байдаг. Уулсын ар тал нь эгц, нилээд хадархаг говийн шинжтэй. Ноён оргил нь далайн төвшнөөс дээш 2477 метр өндөр Их баян уул.

Уулын өвөр тал нь нилээд налуу, олон салбар уулстай. Тухайлбал, Дулаан богд уул 2094 метр,Зост уул 1580 метр, салбар уулсын зүүн хэсэг нь Халзан хайрхан уулаар төгсдөг. Ийнхүү Арц богд уул нь салбар уулсын хамт 180 километр үргэлжилдэг. Зүүн өвөрт нь Их булаг, Бага булаг, Бумба, Сөөг, Туруухай, Цагаан хад, Баруун Зүүн хөөвөр гэх мэт задгай устай. Харин баруун өвөртөө Авдрантай, Зүүн баруун Ялаатай, Гэгээт, Ямаан ус, Харангад, Хөөвөр, Мансруй зэрэг задгай устай. Ийм их гол горхи булаг шандтай учраас Арц богд ууланд жилийн дөрвөн улиралд манан татаж, хур буун эдгээр усан сангуудаа эргээд усаар тэтгэж байдаг.

Дэлхийд ховор чүнчигноров чулуу, өнгө нь гэрэлд үргэлж хувирч харагддаг судалт болор хэмээх эрдэнийн чулуунууд зөвхөн Арц Богдын нуруунд байдаг ажээ. Арц Богд ууланд эртний чулуун зэвсгийн доод үед хамаарагдах Дархны газар, Илжгэн чихт хааны мөр хөвийн хоолойн чулуун хана, Сэрвэнгийн арын Гамингийн тойром, Ноён хутагтын хийдийн туурь, Тэвш уулын хадны моринд хөллөсөн дөрвөн дугуйт тэрэгтэй хүмүүсийн сүг зураг бүхий бичигт хад зэрэг түүхэн дурсгалт газрууд олон бий.

АЛТАН ЭЛС
Увс нуурын хотгорын зүүн хэсэгт орших Бөөрөг дэл элсний зүүн хэсэгт Баруунтуруун сумын нутагт Алтан элс оршдог. Элсний нийт талбай нь 177.5 мянган га. Элсэн доороос эх аван урсдаг цэнгэг устай гол горхи, булаг шанд, баян бүрдүүд болон элсний нүүлт зэрэг гадны нөлөөнд автахгүйгээр орших элсэн манхан юм.

Нэг талаас нуур-пролювын гаралтай дөрөвдөгч галавын хурдас, баруун хойд зүгээс байнга үлээх салхиар хийсэн хуримтлагдсантай, нөгөө талаас суурь чулуулгийн өгөршилтэй холбоотой. Сөөгөнцөр, дэгнүүлт үетэн, алаг өвс бүхий элсний бүлгэмдэл голлоно. Хиаг, ерхөг, агь, ганга, цагаан бургас зэрэг ургамал ордог. Элсний урд хаяа дагуу хэсэг нарс, шинэс, чацаргана ургах бөгөөд тухайн орчинг маш үзэсгэлэнтэй болгодог. Алтан элс нь дов толгодлог гадаргатай, элсний зүүн хэсэгт Эрдэнэтолгой, Залаа толгой, Хөх толгой зэрэг нам уулс шиг толгойнуудтай.

АЛТАН-ОВОО
Дарь-Овоо гэж нэрлэх нь ч бий. Дарьгангын галт уулсын нэг бөгөөд далайн төвшнөөс дээш 1354 метр өндөр. Дарьганга сумын төвийн дэргэд орших энэ уул нь Сүхбаатар аймгийн урд хэсгийн 6 суманд амьдардаг Дарьгангачуудын шүтэн биширдэг уул юм. XYII зууны үеэс нутгийнхан тахиж ирсэн бөгөөд 1913 оноос Богд хааны зарлигаар тахиж ирсэн. Монгол орны өргөн олныг хамарсан их тахилга хийдэг уулын нэг. Хэсэг хугацаанд тахилга зогсоод байсан энэ овооны тахилгыг 1990-ээд оны үеэс дахин сэргээж 2004 оноос эхлэн төрийн тахилгат уул болгожээ. 2004 онд оройд нь байх Алтан ганжирыг бүрэн алтадсан байна.

Алтан-Овоонд зөвхөн эрчүүд л гарч сүслэн мөргөдөг. Архи дарсаа өргөж, арц хүжээ аравнайлдаг. Энэ овоо бол зөвхөн эрчүүдийн гараар боссон овоо юм. Алтан-Овоон дээр эмэгтэй хүн гардаггүй бөгөөд харин эмэгтэйчүүд овооны баруун урд орших арай намхан дэвсэг дээр гардаг, бас бэлээр нь тойрдог зам бий. Алтан-Овоо баруун хойшоо сэтэрч урссан тогоотой бөгөөд овооны баруун талд Дуут нуур, харин зүүн талд Шилийн богд уул байдаг. Алтан-Овооны сорогшин модыг Отгонтэнгэр уулнаас залсан гэдэг. Овооны гол мод буюу амь модыг сорогшин хэмээнэ. Энэ модыг авахдаа газар дэлхийн лус савдагт тахил балин идээ цайныхаа дээжийг өргөж сан тавина. Сорогшин хэмээх мод нь мөнхийн ногоон, үр жимстэй мод байх агаад манай оронд самрын модоор хийдэг ажээ. Алтан-Овоонд залсан тэрхүү сорогшинг газар хүргэлгүй залж аваачсан тэр өдрөөс хойш 300 жил өнгөрчээ

АЛАГ ХАЙРХАН УУЛ - МОНГОЛ УЛСЫН БАЙГАЛИЙН НӨӨЦ ГАЗАР
Говь-Алтай аймгийн Бугат сумын нутагт орших Алагхайрхан уул нь Монгол Алтайн нурууны дунд хэсгийн өндөр уулсын нэг бөгөөд ховор, нэн ховор ургамал вансэмбэрүү, юмдүүжин, сэржмядаг, бамбай зэрэг ургамал, аргаль, янгир, ирвэс, хойлог гэх мэт дархан цаазат амьтан шувууны байршил нутаг юм. Сүүлийн жилүүдэд эмийн ургамлыг их хэмжээгээр замбараагүй түүх явдал нэмэгдэж, хүний үйл ажиллагааны нөлөөгөөр амьтан, ургамал ховордож байгаа учраас 1996 онд УИХ-ын 43 дугаар тогтоолоор байгалийн нөөц газрын ангилалд хамааруулан улсын тусгай хамгаалалтанд авсан. Хамгаалалтын үйл ажиллагааг Говь-Алтай аймгийн Бугат сум, Тахийн талд байрлах Тахь нутагшуулах эрдэм шинжилгээний төв хариуцан явуулж байна. Алагхайрхан уул орчмын уулс нь ихэнхдээ тэгш гадаргуу нь эвдэрч шовх, эсвэл нарийхан зурвас хэлбэртэй болсон байдаг. Тус уулын хажуу эгц бөгөөд эртний мөстлөгийн үеийн мөсөн голын нөлөөгөөр үүссэн хунх, тэвшин хөндий элбэгтэй. Энэ нутаг нь Алтайн уулт өндөрлөгийн мужид багтдаг бөгөөд Дунд хайрхан, Бага хайрхан зэрэг салбар уулсаас тогтоно. Алагхайрхан уулын ноён оргил нь 3738 метр өндөр, мөнх цастай, жилийн аль ч улиралд 30-90 миллметр хүртэл тунадас унадаг. Алагхайрхан уулнаас Хөх сайр, Цахир, Босго, Хатуу, Улиастай зэрэг олон голууд эх авч урсдаг.

БӨӨРӨГ ДЭЛИЙН ЭЛС
Увс аймгийн Зүүнговь сумын нутагт байх бөгөөд дэлхийн бөмбөрцгийн элсний хамгийн хойд зах руу түрж орсон элс гэдгээрээ онцлог. Мөн Монгол улсын хамгийн их талбай эзэлдэг элс юм. 4000 хавтгай дөрвөлжин километр талбай эзлэн 180 километр урт, хамгийн өргөн хэсэгтээ 50 орчим километр өргөнөөр үргэлжилдэг.

Бөөрөг дэлийн элсийг Их монгол элснээс Ханхөхий нуруу тусгаарлаж дунд нь оршдог онцлогтой. Элсний өндөр нь 70-80 метр байдаг бөгөөд далайн төвшнөөс дээш 1000 метрт оршино. Бөөрөг дэлийн элсний орчинд өвөлдөө харьцангуй дулаан учраас олон зуун айл, олон мянган мал өвөлждөг. Харин элсний урд үзүүр Зүүнговь сумын нутаг өвөлдөө маш хүйтэн болдог байна. Бөөрөг дэлийн элсний зүүн жигүүрт Увс аймгийн Баруунтуруун сумын нутагт Дөрөө нуур оршино. Монгол Орос улсын хилийн заагт орших 20 хавтгай дөрвөлжин километр талбайтай. Энэ нуурыг түшиглэн загасчлах болон хил дамнасан аяллыг хөгжүүлэх боломжтой. Мөн Бөөрөг дэлийн элсний хойд хэсэгт цэнгэг уст Баян нуур оршдог. Урт нь 11.5 километр, өргөн нь 3.9 километр, талбай нь 27.8 хавтгай дөрвөлжин километр талбайтай. Баян нуурын усан хоолойд усан спорт хөгжүүлэх боломжтой.
Эх сурвалж Ч.Буянбадрах "Монгол орны лавлах" эмхэтгэл ном

ГАЛУУТЫН ХАВЦАЛ
Баянхонгор аймгийн төвөөс 75 км, Галуут сумын төвөөс баруун тийш 20 орчим км-т оршдог аймгийн байгалийн үзэсгэлэнт газруудын нэг юм. Олгой нуураас Галуут гол тийшээ урсан гарахдаа 2 км орчим урт энэ хавцлыг үүсгэжээ. Хавцал нь 100-150 орчим метр гүнзгий эгц цавчим бөгөөд өргөн нь дунджаар 10 метр орчим болно. Ийм давчуу хавцлаар энэ голын эрчлэн хуйларсаар урсан өнгөрөх хүч, дөмгийг төсөөлөн хэлэх аргагүй. Энэ хавцлын эгц хажуугийн хад чулуунд үүссэн ялимгүй тавцангууд дээр хаврын цагт усны шувууд өндөглөдөг. Усны шувуудын өндгийг хавцлын дээрээс өнгийн харахад ширээн дээр цагаан будаа цацсан мэт цайран харагдах нь үнэхээр сонин. Гэрэл зураг сонирхогчдын болон шувууны аялалд гойд нийцнэ.

Мал машин өргөж байсан бөхчүүдийн хууч яриа

munkhbat — Sun, 18 Feb 2018 15:10:33 +0800

Ж.Мөнхбат гишүүн хөдөө орон нутагт ажиллаа

tonshuul — Mon, 12 Feb 2018 10:15:37 +0800

Ж.Мөнхбат гишүүн амлалт ёсоор хөдөө орон нутгийн малчидтай уулзаж өвөл хүндэрч байгаа хэсэгт өвс тэжээл, хүнсний нэмэгдэл хүргэж сайн малчин, аварга малчин, алтан төлийн эзний шагналуудыг гардуулж ахмадууддаа хүндэтгэл үзүүлж нутгийн зон олоныхоо санах бодлыг сонсож, УИХ, Засгийн газрын бодлого шийдвэр, улс эх орны цаашдын ирээдүйн талаар ярилцаж өөрийн санаачлагаар нутаг орондоо хийж хэрэгжүүлж байгаа ажлын тайлангаа тавьж яваа юм байна.

Удахгүй сар шинийн дараа дахин хөдөөгүүр явж малчин түмэндээ туслах аяныг үргэлжлүүлэх юм бна.

Шүрэн хөөрөг атаа жөтөөг зайлуулдаг

tonshuul — Thu, 01 Feb 2018 10:38:45 +0800

Н.ДАЯН

Монголчууд амар мэндээ мэдэн хөөрөг солилцон тамхилах ёс дээр үеэс бий болсон. Хөөргийг эдэлж хэрэглэхээс гадна тухайн хүний эрүүл мэндэд хэрхэн нөлөөлдөг талаар хүргэж байна.

ХАШ ХӨӨРӨГ

Чулуун зэвсгийн үеэс хүмүүс хашийг ахуй, амьдралдаа хэрэглэж ирсэн байна. Хаш хэрэглэсэн хүн бадамлянхуа цэцэг мэт ариухан сэтгэлтэй болдог аж. Түүгээр ч барахгүй гэмтсэн яс бороолох, эр эм хоёрын ариун ёсыг сахихад тусалдаг байна. Мөн зүрх сэтгэлийг амгалан болгож, догшин авирыг номхотгодог чадалтай ажээ. Хаш хөөрөг элэгдэх тусам өнгө орж, гөлгөр болдог байна.

МАНА ХӨӨРӨГ

Мана чулууны хувьд олдоц ихтэй учраас энэ чулуугаар хийсэн хөөрөг элбэг. Найрлага дахь хольцноосоо хамааран 30 гаруй төрөл байдаг. Тухайлбал, усан, халтар, ногоон, замагт гэнэ. Халтар мана саа, үе мөч татах өвчнийг анагаадаг бол шар мана солиорох өвчнөөс болон гэр бүлийн аз жаргалыг хамгаалдаг ажээ.

ШҮРЭН ХӨӨРӨГ

Шүр нь атаа жөтөө, хар хорын сэтгэлийг зайлуулж, муу бүхнээс хамгаална. Мөн аянга цахилгааныг зайлуулна, ой тогтоолтыг сайжруулж, шарх сорви эдгээж, хоолойн ангиныг анагаах увдистай аж.

НОМИН ХӨӨРӨГ

Биедээ байнга авч явбал яр шарх гардаггүй. Номин эдэлбэл хортой зүйлд осолдох, яр шарх, усны болон татах өвчин, үрэвсэл, түлэгдэлт, бэртэл гэмтэл, цус багадалт, мэдрэлийн ядаргаа, астмад сайн. Төрсөн жил, орд, гарал үүслээ бодолцон барих хөөргөө сонговол өөдрөг байна.

СУВДАН ХӨӨРӨГ

Сувд нь эрүүл мэнд, аз жаргал, урт наслахыг бэлэглэдэг.

ОЮУ ХӨӨРӨГ

Оюу бол аз жаргалын чулуу, үнэнч дурлалын бэлэг тэмдэг. Энэ хөөрөг хэрүүл тэмцлийг номхотгож, атаа хорсол, үзэн ядалтыг зөөлрүүлэн намжаах, гэр бүлийн гишүүний эв эеийг бататгадаг.

ЧҮНЧИГНОРОВ ХӨӨРӨГ

Чүнчигноров нь дотроо улаан, ногоон, хүрэн гээд олон янз байдаг. Хүний биед үүссэн элдэв яр шархыг эдгээдэг хэмээн ярьдаг. Ахмадуудын хэлснээр мэдрэлийн цочмог өвчнөөс үүссэн могой яр, сум яр өвчин эмчлэгдэхгүй үхэж байжээ. Тэгвэл эмчлэгдэхгүй байгаа энэ өвчинг жинхэнэ сайн чанарын чүнчигноров хөөргөөр эмчилж болно.

ГАРТААМ ХӨӨРӨГ

Энэ хөөргийг барьдаг хүн хэзээ ч саа өвчин тусахгүй гэж ярьдаг. Саа өвчнөөс болж нүүр, ам нь мурийсан хүмүүс гартаам хөөргөөр зөөлөн үрсээр байгаад эдгээдэг байна.

Эх сурвалж: "Зууны мэдээ” сонин

"Үзэсгэлэнт Архангай" гэрэл зургийн уралдаанд явуулсан зурагнууд

munkhbat — Wed, 31 Jan 2018 11:29:46 +0800

"Архангай аймгийн аялал жуулчлалын мэдээллийн төвөөс зохион байгуулж байгаа "Үзсэгэлэнт Архангай" гэрэл зургийн уралдаанд оролцохоор ирсэн бүтээлүүдийг танилцуулж байна.

Үлгэрийн мэт гэрэл зургийг хэрхэн дардаг вэ

saikhnaa — Wed, 27 Sep 2017 13:26:12 +0800

Кино одод орлон тоглогчдын хамтаар

batzeveg — Fri, 11 Aug 2017 11:02:27 +0800

Адалт явдалт кинонуудад амь өрссөн үзүүлбэрүүд бишгүй л гардаг. Яг энэ үед жүжигчдийг орлон тоглогч нар авардаг гэнэ. Тэгвэл Холивуд, дэлхийн алдарт жүжигчдийн орлон тоглогчидтой танилцацгаая.

Бүтээлч аавын хөгжилтэй зургууд

batzeveg — Tue, 08 Aug 2017 15:11:09 +0800

Шолом Бер Соломоны уран бүтээлч сэтгэхүй, аавын зүгээс хийж буй хөгжилтэй зургууд нь Инстаграмд 13 мянган дагагчтай болгожээ. Энэ жил 36 нас
Шолом Бер Соломоны уран бүтээлч сэтгэхүй, аавын зүгээс хийж буй хөгжилтэй зургууд нь Инстаграмд 13 мянган дагагчтай болгожээ. Энэ жил 36 настай Соломон 9 сартай охин Зое-тойгоо хамтдаа маш олон дүрийг бүтээжээ. Соломон, Зое хоёр нэг зураг авахад дунджаар 20 минут зарцуулдаг бөгөөд зураг авахуулахаасаа өмнө тухайн дүрийн хувцаслалт, орчин бүрдүүлэх зэрэгт хагас өдөр шаардагддаг байна. Бүтээлч, хөгжилтэй аав Соломоны Инстаграм хуудас охиноо төрөхөөс өмнө ч бүтээлч сэдэвтэй хөгжилтэй зургуудаар дүүрэн байжээ.

Шолом Бер Соломоны гэр бүл АНУ-ын Калифорнид амьдарцгаадаг. Тэрээр винтаж стилийн тавилгын дэлгүүр ажиллуулж, чөлөөт цагаараа охинтойгоо хамт олон янзын сэдвээр зураг авч, Инстаграм хуудсаа хөтлөдөг байна. Соломон, Зое хоёрын хөгжилтэй зургийг #dadlife, #instadad хаштагтайгаар сошиал ертөнцөөс үзэж болно.

тай Соломон 9 сартай охин Зое-тойгоо хамтдаа маш олон дүрийг бүтээжээ. Соломон, Зое хоёр нэг зураг авахад дунджаар 20 минут зарцуулдаг бөгөөд зураг авахуулахаасаа өмнө тухайн дүрийн хувцаслалт, орчин бүрдүүлэх зэрэгт хагас өдөр шаардагддаг байна. Бүтээлч, хөгжилтэй аав Соломоны Инстаграм хуудас охиноо төрөхөөс өмнө ч бүтээлч сэдэвтэй хөгжилтэй зургуудаар дүүрэн байжээ.

Шолом Бер Соломоны гэр бүл АНУ-ын Калифорнид амьдарцгаадаг. Тэрээр винтаж стилийн тавилгын дэлгүүр ажиллуулж, чөлөөт цагаараа охинтойгоо хамт олон янзын сэдвээр зураг авч, Инстаграм хуудсаа хөтлөдөг байна. Соломон, Зое хоёрын хөгжилтэй зургийг #dadlife, #instadad хаштагтайгаар сошиал ертөнцөөс үзэж болно.

Супермэний нууцлагдмал хараал

batzeveg — Fri, 04 Aug 2017 13:27:28 +0800

Хүүхэд багачууд гэлтгүй томчуудын хайртай комик цувралын дүр болох Суперменийг мэдэхгүй хүн ховор биз ээ. Анх 1938 онд комик нь гарч байсан бол 1978 онд анх дэлгэцийн уран бүтээл болж гарч байжээ. Хүн бүрийн анхаарлыг татаж, бүх цаг үеийн хамгийн өндөр үзүүлэлттэй баатруудын нэгт багтдаг Супермэн нь нэгэн нууцлагдмал зүйлийг араасаа дагуулдаг гэнэ.

Супермений дүрийг бүтээгчид болох Жерри Сиэгэл болон Жое Шастир нар ажлынх нь хөлсөнд сохор зоос ч өгөөгүй DC Comics компанид уурласан уурандаа уг дүрийг хараасан гэх бөгөөд Жорж Рийвс, Кирк Алин, Бюд Коллер, Ли Күйгли, Кристопер Рийв гэх мэт жүжигчид уг баатрын дүрийг бүтээснийхээ дараахан нас барцгаасан байдаг бөгөөд өөр олон жүжигчид уг баатрын дүрийг бүтээгээд золгүй байдалд орж байсан удаатай юм байна.

Хамгийн сүүлд жүжигчин Хенри Кэвил уг баатрын дүрийг бүтээсэн бөгөөд дээрх жүжигчдийн адил ямар нэг зүйл тохиолдохыг таах аргагүй юм.

Хөгжилтэй амьтад

batzeveg — Tue, 01 Aug 2017 10:38:44 +0800

"Comedy Pet” гэрэл зургийн уралдааны дүн тун удахгүй гарна. Англи улсад жил бүр уламжлал болгон зохиодог уг гэрэл зургийн уралдаан нь амьтдын хөгжилтэй агшнуудыг буулгасан зургуудыг хүлээн авч, ялагчийг шалгаруулдаг байна. Энэ жилийн уралдаанд нийт 2500 гэрэл зураг ирснээс ердөө 30 нь эцсийн шатанд тэнцсэн байна. Эцсийн шатанд өрсөлдөж буй зургуудаас хамгийн хөгжилтэйд тооцогдсон 10 зургийг хүргэе.

Ковбой Банжо

Гэрэл зургийг: Annie McMillan/Barcroft

Joy-ийн үсрэлт

Гэрэл зургийг: Jim Zuckerman/ Barcoft

Намайг хар даа

Гэрэл зургийг:Nando Harmsen/Barcroft

Чонын бүжиг

Гэрэл зургийг: Vincent Guilbaud/Barcroft

Сониучирхал

Гэрэл зургийг: Gabriel Constantin/Barcroft

Яаж байна аа?

Гэрэл зургийг: Nathan Smith/Barcroft

Инээмсэглээрэй, зураг авлаа шүү

Гэрэл зургийг: Liz Hammond/Barcroft

Далайн эрэгт

Гэрэл зургийг: Anne Lise/Barcroft

Нүүрээ цэвэрлэх цаг

Гэрэл зургийг: Esra Tatar/ Barcroft

Салхилсан нь

Гэрэл зургийг: Alice van Kempen/Barcroft

ДЭЛХИЙН ХАМГИЙН УРТ ДҮҮЖИН ГҮҮР НЭЭЛТЭЭ ХИЙВ

batzeveg — Tue, 01 Aug 2017 10:31:30 +0800

Швейцарын өмнөд хэсэгт дэлхийн хамгийн урт буюу 494 м дүүжин гүүр долдугаар сарын 29-ний өдөр нээлтээ хийжээ. Нийт найман тонн кабелиар 10 долоо хоногийн турш барьсан энэ гүүр нь 85 метрийн өндөрт орших ба хүчтэй салхинд савлахгүй шинэ технологиор барьсан аж.

Өвөрмонгол дахь гурван цөөн тоот үндэстэн

batzeveg — Wed, 26 Jul 2017 13:46:27 +0800

Өвөрмонголын өөртөө засах орон дахь гурван цөөн тоот үндэстэн нь Эвэнк үндэстэн, Дагуур үндэстэн, Орцон үндэстэн юм. Эдгээр цөөн тоот үндэстний гол төвлөрөн суурьшиж байгаа газар бол Хөлөн буйр хотын Эвэнк үндэстний өөртөө засах хошуу, Морин даваа дагуур үндэстний өөртөө засах хошуу, Орцон өөртөө засах хошуу болно.

Эвэнк үндэсэн (ᠡᠸᠡᠩᠬᠢ ᠦᠨᠳᠦᠰᠦᠲᠡᠨ)

Эвэнк үндэстэн (оросоор Эвенки, хуучин нэрийдэл нь түнгүс буюу солон ) бол зүүн хойт Азийн нэгэн үндэстэн бөгөөд Оросын Сибирь , Өвөрмонголын Хар мөрөн мужид амьдардаг. Монгол улсад цөөн тооны эвэнкчууд амьдарч буй гэдэг. Эвэнк гэдэг бол Эвэнк үндэстэний үндэсний нэрийдэл бөгөөд ой шугуйд амьдарч байгаа хүмүүс гэсэн утгатай.

Эвэнкчүүдийн хэл соёл алтай язгуур хэлний манж түнгүс төрөл хэлэнд харьяалагдана.Өдөр тутмын амьдрал дунд эвэнкчууд өөрийн хэлээ хэрэглэдэг, гэвч үсэг бичиггүй. Түүхэн дээр манж үсэг хэрэглэж байжээ.Одоо дундад улс дахь эвэнкчууд монгол үсэг (уйгаржин монгол) буюу хятад үсэг хэрэглэдэг. Түүхнээ суурьших газар орны шалтгаанаас болж эвэнкчууд их хянган даваа, амжар гол зэрэг газруудыг цөм уул гэдэг байжээ.Бас нэг зүйлийн хэллэгээр бол, эвэнк гэдэг үгийн утга нь уулнаас буусан хүмүүс буюу өмнө нь уулан бэлд суугаа хүмүүс гэсэн утгатай ч гэдэг. Дээрх хоёр тайлбарлал нь эвэнкчууд бол ой доторх анчин үндэстэн гэдгийг илтгэж буй юм. Түүхэн хөгжилтийн явцад нэг хэсэг хүмүүс уулнаас бууж тал нутагт нүүж ирсэн бол үлдсэн хүмүүс нь ууланд амьдарсан хэвээр байгаа гэнэ. Эвэнк гэдэг дуудлага нь эвэнкчууд ба ой шугуйн хоорондох нягт харьцаатай өнө эртний түүхт амьдралыг тусгажээ.

Хөлөн буйрд амьдарч байгаа эвэнкчуудыг гурван бүлэг тхуваадаг, тус тус солон эвэнк, түнгүс эвэнк ба олгоё эвэнк хэмээн нэрийднэ. Гол шүтлэг нь бөө шүтлэг ба бурхан шүтлэг.

Дагуур үндэстэн (ᠳᠠᠭᠤᠷ ᠦᠨᠳᠦᠰᠦᠲᠡᠨ)

Дагуур үндэстэн бол Дундад иргэн улсын тавин зургаан үндэстний нэг, голдуу Өвөрмонголын морин даваа дагуур үндэстэний өөртөө засах хошуу, Харамран муж, Эвэнк үндэстэний өөртөө засах хошууд төвлөрөн суурьшиж, цөөн тооны дагуурчууд шинжаан, Лио нин (辽宁) зэрэг газарт амьдарч байна. Дагуурчууд өөрийн үг хэлтэй, тэр нь алтай язгуур хэлний монгол төрөл хэлд багтана. Үсэг бичиг нь нэгэнт гээгдэж, одоо латин үсгээр тэмдэглэж байна. Дагуурчууд дайн байлдаанд гарамгай мөртөө дуу бүжигт ур авъяастай, өөрийн үндэстэний онцлогт дуу хөгжим, бүжиг зэрэгтэй байдаг. Гол шүтлэг нь бөө шүтлэг болно.

Түүхэн тэмдэглэлд , дагуур үндэстэн анх Тоор голын хавьд нутаглаж байжээ гэсэн нь бий. Мин улсын эхэн үед Хар мөрөнөөс умарш нүүжээ.Арван долдугаар зууны дундуур Дундад улсын доторх хил заагийн байлдаанаас болж, Чин улсын засгийн ордон дайны ар талаа бэхжүүлэхийн дөлөө дагуурчуудыг Нен мөрөн зүг нүүлгэж, сүүлээр нь Чингийн засгаас идэр залуучуудыг хил хязгаар орныг хамгаалуулахаар дундад улсын зүүн хойт хэсэг, шинжаан зэрэг газарт томилж суулгаснаас болж одоогийн ийм тархан суурьшсан байдалтай болжээ.

Орцон үндэстэн ( ᠣᠷᠴᠣᠨ ᠦᠨᠳᠦᠰᠦᠲᠡᠨ)

Орцон үндэстэн бол Дундад улсын зүүн хойт хэсгийн хүн амын тоогоор хамаг цөөн үндэстэн болно.Ан гөрөөнд гарамгай. Тиймээс тэд нарын өмсөж зүүх идэж уух зэрэг нь цөм өөрийн анчин үндэстэний онцлогтой байдаг.

Орцончууд голдуу их хянган даваа орчим ойт газар амьдарч, орцон хэл хэрэглэдэг.Орцон хэл бол алтай язгуур хэлний манж түнгүс төрөл хэлэнд багтана.

Гэвч мөн л үсэг бичиггүй.Урт удаан гөрөөлөх амьдрал, нийгмийн хөтөлбөр дунд орцончууд олон янзын оюуны соёлыг үүсгэж, амаар уламжилах соёл, дуу хөгжим, бүжиг, дүрслэх урлаг зэргийг бий болгожээ.

Эх сурвалж: Бээжингийн төвийн Үндэсний Их сургууль, Монгол хэл- Утга зохиолын III курсын оюутан Ивээл

Дэлхийд ганцхан Дээлтэй Монгол наадам

batzeveg — Tue, 11 Jul 2017 14:47:10 +0800

Морьдын төвөргөөн дэлхийн аялгууг хууранд эгшиглүүлж

Монголын тал уртын дууны шуранхайд орчлонг бүүвэйлж

Монгол түмний дээлтэй наадам уухай хадаан эхэлж буй энэ бөлгөө… Хүннү Монголын удам дэлхийн нарыг газар дэвсэн наадаж буй энэ билээ.

Гийнгоон дуу талд цуурайтаж
Нум сумын исгэрээ салхи зүссэн
Бөхийн дэвээн наадмын талбайг эзэгнэсэн
Дэлхийд ганцхан Монгол наадмаараа
Дэнж хотойтол сайхан наадаарай!

Нарыг бөхтэй, морьтой, суртай нь айлсуулдаг Монгол наадам
Нэрийг улстай, устай, нутагтай нь ижилсүүлдэг Монгол наадам
Хурыг мэхтэй, цэцтэй, хурдтай нь хайрладаг Монгол наадам
Хуурыг хөгтэй, аялгуутай, чавхдастай нь эгшиглүүлдэг Монгол наадам.

Домгийн шувуу үргээж монгол наадам эхэллээ
Дорнын хөх тэнгэрийг донсолгож хүлэг морьд эргэлээ
Дэлхий дүүргэж дэвээд хүчит бөхчүүд гарлаа
Дээлтэй наадмын хойморт дархан нум эвшлээ

Заяа нийлсэн амрагтайгаа жаргал хөтлөн алхаж

Зуны дэлгэр өдөр дээлээр гангарч мишээнэ

Зуун зуун жил амьдрав уйдамгүй нутагтаа зальбарч

Зүг зүгээс инээд хөвөрсөн наадмын дэнж дээр очно

Хүлэн морьдын хөлсийг амлан баярлана

Хүй залгаа ахан дүүстэйгээ хуучлан жаргана

Хүчит бөхчүүдийн хийморь дор мэлмий баярлаж ,заяа тэгширнэ

Худан сурын эрчийг хараа гүйцэлгүй хурайлна

Хүй сайхан нутагт минь наадам ирлээ.

Ардын дууны нугалаанаас
Морьдын хөлс ханхалдагсан

Зүс булаалдсан гурван сумын хүүхнүүд
Хэлцсэн юм шиг хөх торгон дээлтэй ирцгээж…
Үйлийн үргүй хөөрхөн Алтанширээгийн Цэрмаа
Үйтэн хуаран тэрлэгээ дурдан болтлоо дэргүүлэнэ…

Сэтгүүлч Ч.Зэвэг

Шинэ ерхийлөгчтэй Монгол наадмын цадиг оршив

batzeveg — Tue, 11 Jul 2017 14:40:26 +0800

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын нээлт Төв Цэнгэлдэх хүрээлэнд болж байна. Энэ жилийн наадмыг өчигдөр тангаргаа өргөсөн шинэ Ерөнхийлөгч Х.Баттулга нээж, баярын мэндчилгээ дэвшүүлэн өнөө жилийн наадам ийнхүү эхэллээ.

Ерөнхийлөгч Х.Баттулга наадам нээж хэлсэн үгэндээ "Эрхэм хүндэт ард иргэд ээ, эрхэм хүндэт наадамчид аа, туурга тусгаар Монгол Улсын нийслэл Улаанбаатар хотоос үндэсний их баяр наадмын мэндийг дэвшүүлэн айлтгая.

Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жилийн ой тохиож байна.

Монголын сайн нэрийг өндөрт өргөж яваа хүн бүрийн халуун сэтгэл, хөдөлмөр, их ухаан дээр эх орон маань хөгжиж байна. Тусгаар тогтнол, туг сүлд маань цэх байна.

Баяр наадмын энэ өдрүүдэд ч мөн хийж хэрэгжүүлэх ажлаа санаж, ярьж байх ёстой гэж бодож байгаа.

Иргэдийн амьдралыг дордуулж байгаа ядуурлын үндэс болсон их өрийн асуудлыг шийдвэрлэхэд анхаарлаа хандуулж байгаагаа зориуд энэ индэрээс та бүхэндээ хэлж байна. Монгол хэмээх нэрийг ертөнцийн чихнээ дуурсгаж буй энэ баяр бидний уламжлал билээ.

Эх түүх хэл соёлоороо бахархан омогшдог наадмын сайхан өдрүүдэд зон олны минь сэтгэл тэнүүн, бөх нь хүчтэй, морь нь хурдан, харваа нь цэц байх болтугай. Туурга тусгаар улс орон минь хөгжин бадарч, түмэн олон минь амар амгалан байг” гэлээ.

Сэтгүүлч Ч.Зэвэг

“МОНГОЛ БӨХ”-ИЙН ТҮҮХЭН ХОВОР ЗУРГУУД

batzeveg — Mon, 03 Jul 2017 12:21:41 +0800

Монгол бөхийн цол нь ойролцоогоор 1,600-гаад жилийн түүхтэй ажээ.

XI зууны сүүлчээс эхлэн бөхчүүдэд харцага, бүргэд, гарьд, шонхор зэрэг жигүүртэн амьтны нэрээр, XII зууны дунд үеэс тулгат, шандас гэдэг цол нэмэгдэн олгогдож байжээ. XIII зууны дундаас одоогийн хэрэглэж байгаа начин заан, арслан аварга зэрэг нэрээр наадамд шөвгөрсөн бөхчүүдэд цол олгох болжээ.

Монгол бөхийн цолны чимэг нь XVIII зууны үед үүссэн бөгөөд Монгол бөхийн хөгжлийн явцад ижил цолтнууд ихэд олширсноор тэдгээрийг хооронд нь ялгаж хөгжлийнхөө эхний шатанд тухайн бөхийн чанаруудыг нь харгалзан олгож байжээ.

Монгол бөхийн зодог нь цэнхэр байдаг нь өнгөний хувьд мөнх хөх тэнгэрийг бэлгэдэж улаан шуудаг нь Монгол бөхийн гал голомт тасрахгүй үргэлжид бадамлаж байхыг бэлгэджээ. Түүхийн зарим үед монгол бөхийн зодог шуудаг нь шашны янз бүрийн номлол бэлгэдлийн тогтолцооны өөр өөр хэв шинжээс хамаарч харьцангуй ондоо өнгөөр хийгдэж ашиглагдаж байсан байна.

1921 оноос улаан зодог, хөх шуудгийг хэрэглэх болсон нь хувьсгалт үзэл санааг дээдлэх үйл болон тайлбарлагдаж эрхэмлэгдэх болжээ.

Улсын баяр наадам. Яармагийн дэнж. 1930 он

Бөхийн засуулууд 1933 оны наадмаас эхлэн нэг загварын хувцасаар ижилсэх болжээ.

БИ ӨӨРТӨӨГӨӨ ТЭМЦЭЛДЭН АМЬДАРЧ ЯВАА ЭГЭЛ ЖИРИЙН Л ААВЫН ХҮҮ...

batzeveg — Fri, 23 Jun 2017 18:44:57 +0800

Хүн гэдэг амьтан энэ ертөнцөд ирээд амьдрах хугацаа нь дэндүү богинохон. Энэ богинохон амьдралд зөв буруу, сайн муу, жаргал зовлон, сайхан муухай, үнэн худал юу эс тохионо. Гэвч яагаад ч юм. Далд ертөнцийн чанидад орших, гайхамшигт нууц хэр баргийн хүмүүсийн насан туршдаа мөшгөөд ч нууцийг нь үл тайлж чадашгүй тэр л оршихуйд татагддаг. Эх болсон зургаан зүйл хамаг амьтны тусын тулд яваа хэн бүхэн өөрийнхөө далд ухагдахууныг амьдралынхаа турш бүтээж амьдраад, буцахдаа аваад явчихдаг болохоор сэтгүүлч хүний хувьд мэдэж авахыг мэдэрч үлдээхийн төлөө шунадаг болохоор. Энэ хүсэл маань нэгэн энгийн хэрнээ эгэл даруухан хүмүүн Ч.Батзэвэгтэй та бүхнийг учруулж байна. Тэрбээр Ч.Батзэвэгтэй уулзах гэж гурван ч удаа холбогдсон боловч тухай үед ярилцлага өгөхөөс татгалзсан юм. Энэ удаа түүний найзтай холбогдон Ч.Батзэвэгээс ярилцлага авах тухайгаа хэлэхэд би сайн мэдэхгүй юм. Үнэхээр тийм чухал ярилцлага авах гээд байгаа бол яах уу? орой манайд ирж хононо. Тэр үеэр ярилцлага авч болох юм гэсэн хариулт өгч билээ. Ингээд орой цаг товлон найзыд нь очиход халуун, дулаан инээмсэглэлээр угтаж авлаа. Ингээд олон юм нуршилгүй ярилцлага өгснөө уншигч та бүхэндээ хүргье.

- Юуны өмнө танд баярлалаа. Яриагаа таны төрсөн нутаг ус, аав ээжийн тухай сэдвээр эхэлье.

Баярлалаа. Би Архангай аймгийн Чулуут сумын Баруунжаргалант хэмээх газар айлын ууган хүү болон мэндэлсэн. Аав ээж хоёрынхоо энэрэл хайранд өсөж сургууль, соёлын мөртэй явна. Аавыг маань Б.Чойдог, ээжийг маань Д.Жаргалсайхан гэдэг. Эгэл жирийн амьдралтай хүмүүс. Хөдөө нутагтаа бага наснаасаа эхлэн мал маллаж, гурван хүүгээ хүний зэрэгтээ явуулах гээд ажиллаж, хөдөлмөрлөж явна.

- Таны хүүхэд нас хаана өнгөрөв. Арван жилээ хаана төгсөж, дүүргэсэн бэ?

Миний хүүхэд нас бол бидэртсэн Чулуутын гол, харгиатан урсах Хануйн голын хөвөө, Цогтхайрхан, Цогтсүмбэр, Баянхайрхан гэх уулын өвөр бэлд модон морь унаж, чулуун гэр барьж тоглож өнгөрсөн дөө. Арван жилийн боловсрол гэхийн бол. 2002 - 2012 оны хооронд Архангай аймгийн Чулуут сумын О.Дашчиравын нэрэмжит ахлах сургуульд Ц.Даваадорж, Б.Амгаланбаатар, Д.Энхцэцэг багш нарын удирдлага нь доор сурч боловсорч бүрэн дунд боловсролыг эзэмшсэн. Сургуульд байхдаа ер нь их үймүүлдэг сурагч байсан. Тэгээд жил өнгөрөх тусам хүмүүжиж эхэлсэн.

- Таныг арван нэгдүгээр ангиа төгсөх жилээ СУИС-д орох урилга авч байсан гэж таны багшаас сонссон. СУИС-ийн юуны ангийн урилга авч байсан бэ?

"Болор Эгшиглэн" хүүхдийн урлагийн улсын наадам Архангай аймагт болоод тухайн наадамд Язгуур урлагийн төрлөөр оролцоод Ж.Эрдэнэтуяа гэх хүн чамд би СУИС-д орох урилга өгье. Чи сурч чадах уу гэхэд би чадна. За тэгвэл чи энэ намар СУИС-ийг зориод очоорой. Би чамайг оруулж өгнө гэж хэлээд урилга өгч байсан. Тэгээд ирэх намар нь СУИС-ийн ТУС-ийн Кино, жүжгийн зохиолч -Утга зохиолын ажилтан ангид элссэн орж тэндээс миний оюутны амьдрал эхэлсэн дээ.

- Таны найзууд болон олон хүнээс би таны тухай сонсож байсан. Таныг өнөөдрийг хүртэл Бурхан шашин, номын авшигтай гэж дуулсан юм. Та манай уншигчдад энэ талаараа илүү тодорхой ярьж өгөөч.

Бага наснаасаа эхлээд өөрт минь мэдрэгдэж байсан. Болох зүйлыг урьдчилан өөрөө мэддэг, зүүд нойрондоо цагаан дэлтэй азарга, бурхан их зүүдэлдэг байлаа. Зүүдэлдэг тэр бурхан маань. Одоо бодоход Очирваань бурхан, Чойжин сахиус байсан. Аав ээж маань хөдөө малтай болохоор тэр болгон хөдөөнөөс орж ирээд байдаггүй. Сургуулийн амралтаар хоёр дүү маань хөдөө явдаг. Би ерөнхий дөө гэртээ ганцаараа үлддэг байсан. Тэгээд гэртээ ганцаараа байхдаа зул их хийж өргөдөг, манайх Алтангэрэл судартай. Түүнийг задлаад эргүүлж их хардаг байлаа. Өөрийн эрхгүй тэгдэг байсан. Нүдэнд хий юм их хардаг байлаа. Ийм болсноо аав ээж, ах эгч, өвөө эмээ, дүү нартаа хэлэхээс айдаг байлаа. Найз нөхөддөө бол хэлдэг байсан. Манай найз нөхөд чи бөө болох нь дээ гэж хэлдэг. Оюутан болсон. Намар хотод ирээд өөрийн эрхгүй муу юмыг мэдэрч, бие их өвдөж эхэлсэн. Бүүр бие өвдөөд болохгүй болохоор нь Гандан орж мөргөж эхэлсэн. Ганданд очиж мөргөхөөр бие өвдөхгүй сайхан болдог байсан. Нэг өдөр би СУИС-ийнхаа дэргэд найзтайгаа цуг явж байхад нэг хөгшин лам дээлтэй ах тараад намайг тэврээд их уйлж билээ. Би айгаагүй. Харин манай найз айсан байх. Намайг орхиод гүйчихсэн. Тэгээд тэр лам ах би чиний номын багш шүү. Хэнд ч битгий хэлээрэй намайг. Цаг хугацаа нь болохоор хүмүүс чамайг таних болно гээд эртний тийм бурхан надад өгч энэ бурхан чамайг олонд танигдах хүртэл чамайг муу юмнаас хамгаална гэж байсан. Тэр лам ахтай тэгж учирснаас хойш юмийг мэдрэх мэдрэмж минь илүү их болсон.

Одоо хүмүүс надад үзүүлье гэж ирдэг л юм. Би тэр болгон хүнийг үзэж хараад, засал ном хийхийг хүсдэггүй. Яагаад гэвэл би өөрийнхөөрөө амьдрахыг эрхэмлэдэг. Хүмүүс яаж хөдөлмөрлөж, өдрийнхөө хоолны мөнгийг яаж олж амьдардгийг би өөрийнхөөрөө мэдрэх гээд энгийн хүмүүсийн адил амьдарч явна. Гэхдээ надад итгээд ирсэн. Хүнийг үзээд өөрийн чадахаараа тусладаг. Тэрнээс биш надад мөнгө төгрөг хэрэггүй. Зөвхөн бие биеэндээ итгэх итгэл хайр л хэрэгтэй.

- Таныг эмч нараас зөрсөөр байгаад ямар ч найдваргүй, муу хүнийг Архангай руу авч явж ах дүү нартай нь уулзсан. Хөх нь идээлсэн нялх эхийн хөхний идээг сорж гарсан, машинаар хүн дайраад, дайруулсан хүн нь зүгээр байсан гэж үлгэр шиг юм. Хүмүүс ярих юм. Тэр яриа үнэн үү?

Тиймээ үнэн. Тэр явдал чинь. 2013 онд болсон. Би ерөнхий дөө. 2013 оноос хүмүүсд танигдаж эхэлсэн гэх үү дээ. Манай найзын эгч нь байсан. Шөнө болсон хойно найз маань. Утасдаад эгчийг маань. Эмч нар ямар ч найдваргүй гэсэн. Одоо Архангай руу авч явмаар байна. Эмч нар ийм муу хүнийг та нарт өгч явуулахгүй. Замдаа муу юм болохын хэн хариуцлага хүлээх юм гээд халгаахгүй байна. Одоо яах уу? хө чи нэг арга бодооч гэхэд нь би маргааш өглөө нь эрт эмгэлэг дээр очиод эмчтэй нь уулзахад өгч явуулахгүй гэсэн тэгэхээр нь эмчилж байсан. Их эмчтэй нь удаан ярилцасны эцэст би ямартай ч ах дүү нартай нь эсэн мэнд уулзуулна. Замд нь үхүүлэхгүй аваад очино гэж хэлэхэд эмч удаан бодсоны эцэст зөвшөөрч тэгээд Архангай авч явсан даа. Замдааявж байхдаа их би айж байсан. Тэгээд эсэн мэнд уулзуулсан даа.

Нялх биетэй эх бол хүнээс горьдоод түүнийгээ мэдэхгүй явсаар байгаад хөхөндөө ногоон идээ хуруулсан байсан. Хавдартай хөхийг нь барьж үзэхэд их хатуурсан байсан даа. Тэгээд би нэг удаа даа аргалж өгье гээд хөх нь дэх идээ бээрийг амаараа сорж эхэлсэн дээ. Одоо тэр эмэгтэй зүгээр болчихсон. Хуурай ах дүү болоод мэндийн ерөөлтэй явна.

Энэ мэтийн олон хүний муу муухай зүйлийг өөрийнхөө чадлаар хийж явна даа. Хүн алдсаныхаа дараа ухаардаг юм. Ер нь хүн болж төрөөд хүмүүний ертөнцөд бие биенийгээ хайрлах л хэрэгтэй. Ирсэн цаг хугацаанаасаа эрт буцах үе хүнд байдаг. Тийм болохоор аль болох өөрийнхөө сэтгэл зүрхнээс гарах халуун дулаан үгээр хүнийг хайрлаж явна бий.

- Таныг ойрын хэдэн жил гадуур хонож, хааяа найз нөхдийнхөөрөө хонож яваа гэж сураг би сонссон тэр үнэн үү?

Ер нь хүн гэдэг амьтан чинь. Энэ амьдрад амьд явахын тулд их олон бэрхшээлийг туулдаг. Миний хувьд бол яг өөрийнхөө үзэх ёстой, туулах ёстой. Зам мөр, хувь тавилангаа туулж яваа гэж боддог. Айл саахалт, найз нөхөд, гэмгүй танилцсан хэнийд ч хамаагүй өнөөдрийг хүртэл хонож явна даа. Гуравдугаар эмнэлэгт мөн ч их хоносон доо. Найзтайгаа цуг орцонд хүртэл хонож байлаа шүү дээ. Орцонд ч юм уу эмнэлэгт ч юм уу, гадаа хоносон доо хүн муухай болдоггүй юм.

Сайн явахад садан төрөл олон, Муу явахад мухар мод олон байдаг. Аав ээж, ах дүү нартайгаа хүртэл дайсагнах үе ч гарна шүү дээ. Хүний амьдралд чинь. Нэг удаа ээжийнхээ дүүгийнд хонохоор очиход хөөгдөж билээ. Тэрнээс хойш ер нь ах дүү нарынхаараа очихоо бараг больсон. Хааяа нэг аавынхаа ганц эмэгтэй дүүгийнд очиж хонодог. Би өөрийн зорилгодоо хүрэх гээд өрөөлтэй биш. Өөртөөгөө тэмцэлдэн амьдарч явна. /Нэг хэсэгтээ их уйлав./

- Нээрээ таныг дуу хөгжмийн багшаар ажиллаж байсан гэж дуулсан.

СУИС- аа төгсөөд дуу хөгжмийн багшаар ажиллаж эхэлсэн. Архангай аймгийн Хотонт сум, Өмнөговь аймгийн Гурвантэс, 192дугаар хүүхдийн цэцэрлэг гээд олон газар багшийн ажил хийж байлаа. Одоо сэтгүүлчээр ажиллаж байна.

- Та гэр бүлтэй юу. Гэр бүлийнхээ тухай яриач.

Байгаа манай хайртай эмэгтэй бол Архангай аймгийн Хашаат сумынх. Одоогоор бол уулзаж, учраад явж байна. Яг нэг гэрт ороогүй байна. Манай найз охин намайг их сайн ойлгож надад их зөвлөж, намайг сайхан авч яваа хүн дээ. Өмнө найз охинтой байсан. Даанч өөр хүнтэй амьдрал холбосон доо. Одоо хүүхэдтэйгээ нэг уулзах юмсан гэж их бодох юм. Хүүтэйгээ уулзаагүй олон жил болж дээ. Өнөөдрийг хүртэл намайг ханиараа сонгосон найз охин маань хүртэл нэг хүүтэйгээ уулзаач гэж хэлдэг юм. Одоо надтай учирсан хайртай эмэгтэй мөн л миний үзэх амьдралыг үзэж туулж яваа хүн дээ.

- Танд баярлалаа. Өөрийнхөө оршин буй амьдралынхаа тухай манай сайтын уншигчидтай хуваалцаж байгаад

Та нарт гэсэн маш их баярлав. Миний амьдралын жимээр бага боловч нэвтэрсэнд.

Сэтгүүлчийн бодрол

Түүнтэй дотно яриа өрнүүлж суухад цаана л нэг өөрийн эрхгүй баярлаж байгаа нь нүдэнд илхэн, сэтгэлд ойрхон байлаа. Бид бусдад хайраар хандаж өөрийн амьдралдаа хайрыг бүтээж чадвал хорвоогоос явах тэр л мөчид бусдад өөрийгөө дурсагдах хайрыг үлдээж чадна. Энд л хүний амьдралын мөн чанар, утга учир, үнэ цэнэ оршдог гэж би хувьдаа боддог хэмээн хэлж байсан. Тэрбээр хүндлэл хийгээд хайрлах уу гэлтэй. Хамаг амьтны тусын тулд хайрлах хэмээх гайхамшгийнхаа чадварын төсөөлөлд ертөнцийн хүмүүс бид хичнээн ихийг олж авч басхүү алддаг гэж санана. Тэр ч мөн эр хүний заяа төөрөг, гуниг баяр, дурлал хайр, хагацал зовлонгоос яаж ангид байх уу? энэ бүхнийг тэр аягалж, аргалж, захалж, эрхэлж туулсангүй. Амьдрал үргэлжилсээр... Гэхдээ тийм өө сэвгүй, байсангүй. Тэгсэн ч би түүндээ хүүдээ гомдохгүй, хэн нэгэнд гомдохгүй ирсэн. Угаасаа л гүдэсхэн нуруутай хүндлэг зан чанар нь бусдыг хайрлах ухааралд хүмүүжүүлж яваагийн нэгэн илрэл бизээ. Бидний хайрласан үнэн, хайрлуулсан үнэн үлддэг байна. Яахын аргагүй зүйл гэж энэ. Бараг ялалт гэж үзэж болохын биш үү. Тэр бас хайрлаж, хайруулсан үнэн үлддэг болохоор тэр өнөөдрийн энэ хайрандаа жаргалтай байна. Ийм бахдам хайрыг хичнээн залуу хүүрнэж чадах бол. Сэтгүүлч миний бие түүнтэй хэдэн өдөр ч хамаагүй ярилцаж сэтгэл дүүрэн хайрыг мөн хүнлэг чанарыг таньж авч болох байлаа. Гэвч аливаа зүйл цаг нартай хойно ингээд өндөрлөхийг хүссэн юм.

Ярилцлага хийсэн: Хөгжлийн давалгаа холбооны сэтгүүлч

Бадралын Мөнгөнчимэг

Уулархаг нутгийн түвд сургууль

saikhnaa — Thu, 22 Jun 2017 15:55:19 +0800

Дичин жөүгийн түвд дунд сургууль Юньнань мужийн Дичингийн түвд үндэстний өөртөө засах жөүгийн Шанрила хотод байдаг. Энэ бол тус мужийн цорын ганц түвд, хятад хос хэлний сургалттай бүрэн дунд сургууль юм.

Энэ сургууль 2836 сурагчтай, тус жөүгийн 3 шяний түвд, лисү, хань, наши, бай, ий зэрэг үндэстний цөөнхийн сурагчид 97 хувийг эзэлдэг. Сургуулийн зүгээс энэ жил бүх Хятадад хандан 129 багш авсан ба тэдгээр багш бүгд бакалавр, магистрын зэрэгтэй юм байна.

Монголын урлагийг дэлхийн сонорт цуурайтуулсан Г.Ариунбаатарын фото түүх

batzeveg — Tue, 20 Jun 2017 12:14:46 +0800

2015 онд Английн "BBC” телевизээс зохион байгуулдаг "Cardiff Singer of the World” уралдаан энэ жил улам их онцлогтой болж байна. "ВВС” телевиз, Уэйлсийн үндэсний дуурийн театр, Кардифф хотын зөвлөн хамтран зохион байгуулдаг эл уралдааны сүүлийн шалгаруулалтад 20 дуучин багтсан юм. Урьдчилсан шатны шалгаруулалтаас сүүлийн шатанд АНУ, Армен, Англи, Өмнөд Африк, ОХУ, Украин, Узбекистан, Уэльс, Шотланд, Белги, Итали, Турк, Норвеги, БНСУ болон Монголын дуучид багтсан.

Анх удаа Монголоос хоёр дуучин багтахад "Чингисийн одонт”, Гавьяат жүжигчин, баритон Г.Ариунбаатар, Улсын драмын эрдмийн театрын гоцлол дуучин, тенор Б.Батжаргал нарын дуучид шигшээ уралдаанд дахин дуулахаар болсон юм. Тэд өнгөрсөн долоо хоногт финалын шалгаруулалтын эхний давааг давсан. Шигшээд үлдсэн 20 дуучин дөрөв дөрвөөрөө хэсэг болж, өрсөлдсөнөөс Г.Ариунбаатар Романсын төрөлд тэргүүн байрыг эзэлсэн юм.

Тэгвэл Романсын төрөлд тэргүүн байрыг эзэлсэн Г.Ариунбаатарын амьдралын нэгээхэн хэсгийг фото түүхээр өгүүлж байна.

Бага нас. Г.Ариунбаатар Төв аймгийн Баян-Өнжүүл суманд 1988 онд төржээ. Жанжин малгай, ганган хүрэмтэй энэ хүү Төв аймгийн унаган хүүхэд.

н.Ганбаатарын гэр бүл.  Монголын урлагийн нэг тод төлөөлөгчийг төрүүлсэн малчин аав, ээж. Тэд хүүгээ алдаршихыг үзэж яваа азтай хүн.

Ээж. Ямар хүү төрүүлснээ ээж минь та хараарай… гэж дуу бий. Г.Ариунбаатарын ээж хүүхдүүдийнхээ төлөө Солонгост хүртэл ажил хийж явсан эмэгтэй. Амьдралын хүнд хүчир үед ээжийгээ бодож зоригждог байсан талаараа дуучин залуу ярьж байсан билээ.

"Чингис хаан” одонг Монгол Улсын гавъяат жүжигчин, дуурийн дуулаач Г.Ариунбаатар хүртлээ. Тэрбээр энэхүү одонг гардан авсныхаа дараа "Хайртай Монгол орноо би бахархан дуулна, Их эзэн Чингис хаан, ухаант өвөг дээдсээ сүслэн дуулна, аав л ээжий хоёроо хайрлан дуулна, сайн сайхан бүхнийг би дээдлэн дээдэлж дуулна" хэмээсэн нт олон хүний сэтгэлийг хөгөлсөн.

Г.Ариунбаатар сурлагаар гавихгүй хүүхэд байсан ч авьяасаараа СУИС-д уригдаж чаджээ.

Алдаа, оноотой оюутан нас. Хоёрдугаар курстээ сургуулиа хаяж барилгачин, таксины жолооч хийж явсан түүх түүнд бий. Гэхдээ гуравдугаар курсээсээ эргэн сургуульдаа орж цагдаагийн "Сүлд" чуулгад дуучнаар ажиллаж эхэлжээ. Түүнийг зовж явахад хурандаа, яруу найрагч Л.Гаваасүрэн гуай тусалж, дэмжин урлагийн замд нь оруулсан гэдэг. Тэрбээр цагдаагийн байгууллагын харъяанд дуулж эхэлснээрээ багын мөрөөдөл буюу цагдаа болох хүсэлээ биелүүлсэн гэдэг.

Багш. МУГЖ, Профессор Д.Банди, МУГЖ, Профессор О.Ичинхорлоо, ОХУ-н Ардын Жүжигчин Дарима Линховоин бол түүний багш. Түүний багш О.Ичинхорлоо манай сайтад өгсөн ярилцлагадаа "Г.Ариунбаатарын хоолой баритон дотроо өндөр, өндөрлөг хоолой. Өөрөөр хэлбэл уянгын баритон хоолой гэх юм уу даа. Дээшээ их өндөр гардаг. Нарийн өнгийг их сайн дуулдаг. Тийм сайхан хоолой доо. Зарим дуучид ихэнхдээ дээд талын өнгөн дээр тээглээд байдаг. Тэгэхэд бол манай Г.Ариунбаатарын хоолой дээшээ маш сайн гардаг. "За яахав, би амьддаа чамаар ганцхан ари дуулуулаад сургачихъя. Үүнийг дуулчихвал чи цаашдаа гайхамшигтай явна” гэж хэлж сургасан" гэж дурьдаж байжээ.

Хоёр дахь амьдрал. Хоёр дахь амьдралаа эхлүүлж буй цаг, мөч. Харин үүнээс өмнөхийг нь арван жилийн ахлах ангийг сурагч байхдаа...

Хөвгүүд. Аялгуу, Эгшиг хоёр хүүгийн хамтаар

Өнгөрсөн жил тэрбээр П.И.Чайковскийн нэрэмжит дуурийн дуулаачдын уралдаанд тэргүүн байр эзэлснээр дэлхийн хэмжээний дуучдын эгнээнд албан ёсоор багтсан юм. ОХУ-ын Ерөнхийлөгч В.Путин түүнд зориулан "Браво" хэмээн хэлж, монголчууд дуучин хүүгээрээ бахархсан тэр нэг өдөр ийм зураг алдаршжээ.

Монголын үзэгчид "Монгол сонгодог" тоглолтыг үзэх дуртай. Тэрбээр Н.Жанцанноров, Б.Шарав гэх мэт мундагуудын уран бүтээлийг багтаасан "Монгол сонгодог" тоглолтоо энэ жил хоёр удаагаа зохион байгуулсан билээ.

Дуулим талын цэцгэрхүү хөөрхөн хүүхэн болж уу би.

МУГЖ, дуучин, цагдаагийн ахмад Г.Ариунбаатарын он, цаг одоо л эхэлж байна. Монголчууд түүнээс их зүйл хүлээж буй.

"Чингис хаан" одонгийн эзэнд Монгол Улсын Ерөнхийлөгч Ц.Элбэгдоржийн хамт. 2016.10.31

Эх сурвалж: Сэтгүүлч Ч.Зэвэг

“Мах маркет”-ын хиамнаас гахайн үс гарч байна

tonshuul — Wed, 14 Jun 2017 16:34:21 +0800

Үндэсний үйлдвэрлэгч хэмээх сүрхий том нэртэй "Мах маркет”-ыг мэдэхгүй үгүй биз. Тэгвэл алдарт "Мах маркет”-ийн үйлдвэрлэдэг чанамал хиамнаас гахайн хөлний үс гарсан нь хэрэглэгч олныг бухимдуулахад хүргээд зогсохгүй үйл ажиллагааг нь мэргэжлийн байгууллагаар шалгуулахыг хүссэн хүн цөөнгүй байна. Зураг дээр харагдаж байгаагаар бол нэлээд хэсгийн махыг үстэй нь аваад ууталчихсан бололтой. Бидэнд мэдэгдэж байгаа нь энэ болохоос биш чанах болгох, савлах гээд бүхий л дамжлаг чухам ямар орчинд явагддаг бол гэхээс хэний ч дургүй хүрч таарна. Үүгээр ч зогсохгүй "Мах маркет”-ын чанамал хиамыг харахаар ой гутмаар болно биз дээ. Тиймээс зарим хүмүүсийн мэргэжлийн байгууллагаар шалгуулна гэдэг ч зөв.

      "Мах маркет” бол хүнсний зарим бүтээгдэхүүнээрээ алдартайгаас гадна нэг хэсэг Ерөнхий сайдын ивээлд байдаг хэмээн ихэд бичигдэж байсан болохоор уншигч олон сайн санах байх. Тодотговол, 2013 онд хэрэгжүүлж эхэлсэн "Үнэ тогтворжуулах хөтөлбөр”-ийн хүрээнд 87 тэрбум төгрөгийг махны нөөц бүрдүүлэхэд өгсөн, түүнээс чамгүй хувь хүртсэн хэмээн хэвлэлээр удаа дараа бичигдэж байсныг бид тод санах биз ээ. Хөтөлбөр хэрэгжиж эхлэх үеэс эхлэн "Ерөнхий сайд Н.Алтанхуяг төсвөөс өөрийнхөө "Мах маркет”-д олон тэрбум төгрөг үнэ тогтворжуулах нэрээр өглөө” гэсэн мэдээлэл нэг хэсэг л хэвлэлийн хуудаснаас салаагүй гэхээр бүр сайн санах байх.

Х.Баатар
http://www.shuurhai.mn/?p=151307

Инээд баяр хөөрөөр дүүрэн Эх үрсийн баяр

batzeveg — Thu, 01 Jun 2017 17:34:20 +0800

1976 оны Монгол

batzeveg — Tue, 30 May 2017 10:16:11 +0800

Бельгийн залуу дипломатч Thierry de Gruben 1976 оны хоёрдугаар сард Монголд зочлохдоо дараах зургуудийг авчээ. Харин эдүгээ түүний хүү Christopher de Gruben эцгийнхээ гэрэл зургийн хальсанд хадгалж үлдсэн зургуудыг өөрийн фэйсбүүк хуудастаа оруулж "1976 оны Монголыг одоогийнхтой харьцуулахад сонин байх даа” хэмээн бичжээ. Ингээд 1976 онд тавтай морил. Бид ийм л байжээ.

Сэтгүүлч Ч.Зэвэг

Зөвхөн Монголд харж болох фото зураг

batzeveg — Mon, 22 May 2017 13:09:19 +0800

Монгол залуус фургон автомашины дотор гайхамшгийг бүтээв /фото/

saikhnaa — Thu, 11 May 2017 12:46:37 +0800

"МXМ авто сервис”-ийн ажилчид УАЗ-452 буюу фургон автомашины доторх салоныг ингэж өөрчилжээ. Аян замд явахад фургон шиг сайн машин байхгүй гэгддэг. Гэхдээ бартаат замд ая тух муутай байдаг билээ. Тэгвэл фургон автомашин дотор ая тухыг ингэж бий болгожээ.

“Та их үзэсгэлэнтэй юм”

saikhnaa — Wed, 10 May 2017 16:16:35 +0800

Аялсан бүх газар нутгийг үргэлж өөрийн гэр шигээ мэдэрдэг Mehmet Genç бол Туркийн аялагч, зурагчин. Genç нэгэн сонирхолтой, сэтгэл хөдлөм төслийг хэрэгжүүлсэн нь уулзсан хүн бүрд маш энгийнээр "Та их үзэсгэлэнтэй юм” гэсэн өгүүлбэрийг хэлэх байв. Аяллынхаа туршид таарч байсан хүмүүст энэ өгүүлбэрийг хэлээд тэдний хариу үйлдлийг гэрэл зураг болгон буулгасан байна.

Genç өөрийн хүсэл тэмүүллээ дагаж аялагч, зурагчин болохоосоо өмнө IT-ийн чиглэлээр Стамбулд 6 жилийн турш ажиллаж байв. Тэрээр "Заримдаа тэнэг алхам таны амьдралын хамгийн зөв шийдвэрийг гаргахад тусалдаг” хэмээн хэлсэн байна. Доорх зурагнуудаас эгэл эмэгтэйчүүдийн "Та их үзэсгэлэнтэй юм” гэсэн өгүүлбэрийг сонссоны дараа тэдний хариу үйлдэл ямар гэнэн, хонгор байгааг хараарай.

Erhvn.mn

Умард нутгийн усан хотхон-Гүбэйтэй танилц!

saikhnaa — Mon, 24 Apr 2017 13:47:22 +0800

Бээжин хотоос хурдны замаар 3 цаг хэртэй давхиад "Гүбэй усан хотхон" хэмээх Мин, Чин гүрний үеийн "эртний тосгон"-д хүрнэ. Өөрөөр хэлбэл цаг хугацааны хонгилоор цагт зуун жилийн хурдтай давхиад хөх тоосгон хэрэм, вааран дээвэр, сийлбэртэй цонх, цаасан дэнлүүтэй эртний хотод очно гэсэн үг.

Гүбэй усан хотхон Бээжин хотын Ми-Юүнь дүүрэгт байх бөгөөд 2010 онд 4 тэрбум 500 сая юаний хөрөнгө оруулалтаар байгуулсан, байгалийн үзэмж, барилга байгууламж хосолсон аялал жуулчлалын иж бүрэн, цогц хотхон юм.

"Умард нутгийн усан хотхон" хэмээх утга бүхий нэртэй энэ тосгон Мин, Чин гүрний үеийн онцлогтой хүрээ байшин зэрэг барилга байгууламж, Хятадын умард бүсэд ховорхон байдаг усан дээрх хотхон, мөн түүх соёлын дурсгалт Цагаан хэрмийн нэг хэсэг, Хятадын уламжлалт хоолны газар зэргээрээ алдартай, ялангуяа шөнийн үзэмжээрээ бүр ч алдартай бөгөөд зөвхөн жуулчид биш уран зураач, киноны уран бүтээлч, гэрэл зурагчид олноор цугладаг газар болжээ.

Эх сурвалж: ХОУР

Хурууны хээгээрээ Тусгаар тогтнолооо баталсан өдөр

tonshuul — Sat, 22 Apr 2017 18:44:47 +0800

Энэ үйл явдал бол Монголын түүхэнд тодоор бичигдэх үйл явдал билээ. Тухайн үед Дундад иргэн улсын зүгээс тусгаар тогтнолын асуудлыг ард түмнийх нь саналын үр дүнгээс шалтгаалан авч үзэж болох л юм гэсэн нот бичгийг манай улсад илгээсэн аж. Ингээд дээрх нот бичгийг үндэслэн БНМАУ-ын Бага хурлын тэргүүлэгчдээс 1945 оны есдүгээр сарын 21-ний өдрийн 76-р хурлаар дараах утга бүхий тогтоолыг гаргажээ. "Бүх ард түмний тус улсын бүх нутаг дэвсгэр дээр 10 дугаар сарын 20-ны өдөр нэгэн зэрэг гаргуулахаар тогтоосугай" гэжээ. Мөн 85 дугаар тогтоолд "Санал гаргах хуудсан дээр тавьсан өөрийн овог нэрийн "зөвшөөрөх", "татгалзах" хоёрын аль нэгийг бичиж, гарынхаа үсгийг зур. Бичиг мэдэхгүй бол баруун гарынхаа эрхий хурууг дар" гэж заасны дагуу санал хураалт болжээ. Уг санал хураалт эхлэхэд дундад иргэн улсын засгийн газраас Ли Фа Жан тэргүүтэй албаны хүмүүс ирж ажиглалт хийжээ. Санал хураалт тухайн өдрөө дуусч, 10-р сарын 30-ны өдөр протокол үйлдэн, тогтоол гаргаж ЗХУ болон Дундад иргэн улсын засгийн газарт хүргүүлсэн байна. Энэ том ажлын үр дүн гарч 1946 оны нэгдүгээр сард Хятадын гадаад явдлын яамнаас маршал Хорлоогийн Чойбалсанд Монгол улсын тусгаар тогтнолыг хүлээн зөвшөөрч байгаагаа баталсан тухай нот бичиг ирүүлжээ. Дээрх нот бичигт "Хятадын 1934 оны аравдугаар сарын 20-нд гадаад монголын ард түмнээс авсан санал хураах ажлын дүнгийн тухай нот бичгийг авлаа. Энэ нь гадаад монголын ард түмнээс өөрийн тусгаар тогтнолыг баталсныг илэрхийлж байна. Батлан хамгаалах дээд зөвлөлийн тогтоол ёсоор Хятадын улсын засгийн газар нь энэ өдрөөс эхлэн Гадаад Монголын тусгаар тогтнолыг хүлээснээ зарлана. Үүнийг мэдэгдэхээр нот явуулав" хэмээжээ. Ингэж Монголын ард түмэн асар их хүчин чармайлтынхаа үр дүнд Хятадын улсын засгийн газраар тусгаар улс гэдгээ хүлээн зөвшөөрүүлж чадсан билээ.

    Энэ Монголын үе үеийн эх орончдын чин хүсэл, цус, хөлсөө урсгасан нөр их тэмцлийн үр дүн байв. Эл мөчид Монгол хүн бүрийн нүдэнд баярын нулимс гялагнаж байсан гэдэг. Уг санал хураалтад сонгуулын насны 494960 хүн оролцох ёстойгоос 487409 хүн саналаа өгч байжээ. Харин 7551 хүн буюу нийт санал өгөх хүмүүсийн 1,5 хувь нь ямар нэгэн шалтгаанаар санал хураалтанд оролцоогүй юм. Гэхдээ тэд тусгаар тогтнолоо хүлээн зөвшөөрөхгүй гэсэндээ бус газар орны хол, биеийн байдал, мэдээлэл хүрээгүй зэрэг зайлшгүй шалтгаан байсан ажгуу.

    Доорх хүснэгтэд тус санал хураалтад оролцсон хүмүүсийн тоо, гарын үсгээ тавьсан буюу бичиг мэддэг хүний хувийг аймаг, хот гэж ангилан тус бүрд нь харууллаа.

Д/д Аймгийн нэр Санал өгсөн хүний тоо. Гарын үсэг зурсан, бичиг үсэгтэй иргэдийн хувь

Архангай 35587 43,3

Баянхонгор 24117 35,1

Баян-өлгий 17438 38,0

Булган 21857 71,8

Говь-алтай 19820 35,0

Дундговь 15485 51,2

Дорноговь 12868 49,6

Сэлэнгэ 11979 45,5

Сүхбаатар 17370 53,5

Хэнтий 22664 53,1

Хөвсгөл 36304 44,5

Ховд 21848 32,5

Увс 25788 28,4

Өмнөговь 12303 45,0

Өвөрхангай 30134 23,9

Завхан 35651 32,8

Төв 36425 97,6

Чойбалсан 19781 56,4

Улаанбаатар 24846 91,7

МАХН-ын цэрэг 35608 99,2 Дотоод явдлын яам 9141 98,9 Зху-д буй хүмүүс 395 100 Дунджаар нийт хүмүүсийн 54 орчим % нь бичиг үсэг мэддэг байжээ. Мөн зарим нэг сонирхол татахуйц баримтуудаас сонирхуулбал: Ховд аймагт гадаадын харъяат гэх нэрийн дор нийт 347 хүн саналаа өгсөн бөгөөд энд голцуу Өвөрмонгол, цөөн тооны Хятад, Орос иргэд байгаа нь тун сонирхолтой юм. Эдгээр хүмүүсээс ердөө 29 хүн монгол бичгээр гарын үсгээ зуран, 2 хүн хятадаар зуран, 3 хүн хятад бичиг бүхий мутрын тэмдэг даржээ. Бусад бичиг үсэг мэдэхгүй 313 хүн санал өгөх зааварт тусгагдсаны дагуу баруун гарын эрхий хурууныхаа хээг даржээ. Түүнчлэн тухайн үед Булган аймгийн нутаг дахь "Булганы баруун хойд засан хүмүүжүүлэх газар”-т ял эдлэж байсан 52 хоригдол саналаа өгчээ. Эдгээрээс 2 нь бичиг үсэгт тайлагдаагүй, бусад хүмүүжигчид нь монгол бичгээр болон тухайн үед дөнгөж шилжиж байсан кирилл бичгээр гарын үсгээ зурсан байгаа нь нэн сонирхолтой баримт юм.

   Үүнээс гадна тус санал хураалтад зориулан гаргасан зурагт хуудас хэвлэн гаргаж байсан нь цөөн тоогоор хадгалагдан үлджээ. Эдгээр зурагт хуудсанд: "Би. Бүгд найрамдах монгол ард улсын харъяат мөн. Хүн болж төрсний минь дээд зэргийн эрхэм эрмэлзэл бол өөрийн эх орны тусгаар тогтнолын төлөө амь ба санаа сэтгэлээ зориулахад хэзээ ч бэлхэн байхад оршино. Би өөрийн харъяат эх орны тусгаар тогтнолын төлөө батална” гэжээ. Эл бичгийн цаад дэвсгэрт монголын газрын зургийг байрлуулан, гараа өргөн санал өгч буй хүнийг дүрслэн зуржээ. Энэхүү түүхэн санал хураалтад холбогдох 380 гаруй баримт одоо Үндэсний төв архивын сан хөмрөгт хадгалагдаж байна.

     ҮТА-ын Лавлагаа, мэдээллийн төвийн архивч Д.Бат-Ундрах

Элдэв фото

tonshuul — Wed, 12 Apr 2017 21:14:36 +0800

В.Путин

Гар аргаар хийсэн хамгийн урт алтан гинж. /Дубай/

Хамгийн анхны дотоод шаталтын хөдөлгүүртэй мотоцикль.

9 Х 39 мм-ийн автомат-гранатомёт ОЦ-14. /ОХУ/

Вьетнам улс.
Ази тивд оршдог бөгөөд 92.477.857-н хүн амтай. Газар нутаг нь 331.210 км2. Нийслэл нь Ханой.

203 мм-ийн артиллерийн өөрөө явагч суурь "Пион". /ОХУ/