Нийгэм - Өдөр тутмын мэдээ мэдээллийн вэб сайт

Хүүхдийн хичээлийн хоцрогдол арилгана гэх нэрийдлээр иргэдийг залилжээ

zulaa — Mon, 13 Apr 2026 10:42:41 +0800

“Хүүхдийн хичээлийн хоцрогдол арилгах 1 сарын хугацаатай сургалт өгнө” хэмээн иргэдийг залилсан гэх гомдол, мэдээлэл бүртгэгдсэн.

Гомдол, мэдээллийн дагуу шалгалтын ажиллагаа явуулахад иргэн Б нь “Хүүхдийн хичээлийн хоцрогдол арилгах 1 сарын хугацаатай сургалт өгнө” гэх нэрийдлээр нэр бүхий иргэдээс нийт 6,754,000 төгрөг залилж хохирол учруулжээ.

Дээрх хэргийг Дархан-Уул аймгийн Цагдаагийн газар шалгаж, холбогдох ажиллагааг явуулж байна.

Иргэд эцэг эх, асран хамгаалагч та бүхэн аливаа сургалт, үйлчилгээний талаар мэдээлэл авахдаа тухайн этгээд, байгууллагын үйл ажиллагааг бодит эсэхийг сайтар нягталж, гэрээ, баримтгүйгээр төлбөр төлөхөөс татгалзаж, холбогдох баримт бичгийг нотариатаар баталгаажуулахыг цагдаагийн байгууллагаас зөвлөж байна.

ЦЕГ

“НИСЭХИЙН АЛДАР” МЕДАЛИЙН АНХДАГЧИД ТОДРОВ

otgoo — Fri, 26 Dec 2025 10:44:35 +0800

Шинэ бүтэц зохион байгуулалтаар ТӨХХК болж өөрчлөгдсөн Иргэний нисэхийн үндэсний төв салбарынхаа хөгжилд үнэтэй хувь нэмэр оруулсан, өндөр ур чадвартай ажилтнуудаа урамшуулах “Нисэхийн алдар” медальтай болсон билээ.

Тэгвэл шинэ оны босгон дээр нэр бүхий гурван ажилтан “ИНҮТ” ТӨХХК-ийн Гүйцэтгэх захирлын тушаалаар энэхүү медалиар энгэрээ мялааж, “Нисэхийн алдар”-ын салхийг хагаллаа.

“Иргэний нисэхийн үндэсний төв” ТӨХХК-ийн Гүйцэтгэх захирал Б.Отгонсүх Нисэх буудлуудын үйлчилгээний газрын Аэродромын үйл ажиллагаа хариуцсан менежер Дашзэвэгийн Цогнямд энэхүү медалийн анхныхыг, №1 гэрчилгээний хамт гардуулан өгч баяр хүргэлээ.

Мөн “Нисэхийн алдар” медалиар Агаарын навигацийн үйлчилгээний газрын технологич мэргэжилтэн Самдангийн Отгонбаяр, Нисэхийн аюулгүй байдал, хамгаалалтын албаны менежер Октябрийн Ууганбаатар нарыг шагнасныг “ИНҮТ” ТӨХХК-ийн удирдлагууд гардуулан өглөө.

Компаний хөгжилд онцгой хувь нэмэр оруулсан, салбартаа 12-оос дээш жил эрдэм мэдлэг, хүч хөдөлмөрөө дайчлан идэвх зүтгэл, үр бүтээлтэй ажиллаж, гаргасан амжилт бүтээл нь салбартаа үнэлэгдсэн, өндөр ур чадвартай ажилтанд “Нисэхийн алдар” медалийг олгож байх юм.

“ИНҮТ” ТӨХХК-ИЙН АЖИЛТНУУД ХӨДӨЛМӨРӨӨ ҮНЭЛҮҮЛЛЭЭ

otgoo — Fri, 26 Dec 2025 10:30:06 +0800

Шинэ оны босгон дээр “ИНҮТ” ТӨХХК-ийн ажилтнууд төр, засаг, байгууллагын шагналаар шагнуулж, хөдөлмөрөө үнэлүүлснийг “ИНҮТ” ТӨХХК-ийн удирдлагууд гардуулан өгч баяр хүргэлээ.

Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104 жилийн ойг тус тус тохиолдуулан зам, тээврийн салбарт олон жил үр бүтээлтэй ажилласан, "Иргэний нисэхийн үндэсний төв" ТӨХХК-ийн "Буянт-Ухаа" олон улсын нисэх буудлын Аврах гал унтраах хэсгийн дарга Халзангийн Болд Монгол Улсын Ерөнхийлөгчийн 2025 оны 12 дугаар сарын 22-ны өдрийн 187 дугаар зарлигаар “Хөдөлмөрийн гавьяаны улаан тугийн одон”-гоор энгэрээ мялаалаа.

Мөн Ерөнхийлөгчийн зарлигаар "Буянт-Ухаа" олон улсын нисэх буудлын Нислэг үйлдвэрлэлийн хэлтсийн шуурхай удирдлагын ерөнхий зохицуулагч Даваацэрэнгийн Аврах, гал унтраах хэсгийн ахлах мэргэжилтэн Санжаадоржийн Банзрагч, Дулаан сантехник, агааржуулалтын хэсгийн бохирын слесарь Дангаасүрэнгийн Гантулга, Дорлигийн Булганаа, Терминал үйлчилгээний хэсгийн Терминал үйлчилгээний хэсгийн жижүүр Мягмаржавын Баярмаа, Саранхүүгийн Батхуяг, Захиргаа, санхүүгийн хэлтсийн хуулийн мэргэжилтэн Лхагвасүрэнгийн Болдбаяр нар “Хөдөлмөрийн хүндэт медаль”-иар шагнууллаа.

Түүнчлэн "Иргэний агаарын тээврийн тэргүүний ажилтан” хүндэт тэмдгээр "Жаргалант" сэргээн засах амралтын тогооч Цэрэндамбын Өгөөмөр, Нисэхийн спорт сургалтын цогцолборын биеийн тамирын арга зүйч, ахлах мэргэжилтэн Эрдэнэдалайн Тэмүүлэн, "Буянт-Ухаа" олон улсын нисэх буудлын терминал үйлчилгээний хэсгийн цэвэрлэгээ үйлчилгээний ажилтан Намсрайн Дашнамжил, Зам, тээврийн яамны "Хүндэт жуух бичиг”-ээр Нислэгийн хөдөлгөөний үйлчилгээний албаны Бүсийн удирдлагын үйлчилгээний хэсгийн ахлах нислэгийн хөдөлгөөний удирдагч Ганболдын Нямбат, Нисэхийн сургалтын төвийн ахлах багшлах мэргэжилтэн Дорлигсүрэнгийн Анарзул нарын 12 хүн, ИНЕГ-ын “Хүндэт ажилтан" тэмдгээр Агаарын навигацийн үйлчилгээний газрын Нисэхийн мэдээллийн үйлчилгээний албаны шуурхай мэдээллийн хяналтын мэргэжилтэн Жамсрангийн Оюунгэрэл, Нисэхийн холбоо, навигаци, ажиглалтын албаны навигацийн хэсгийн ахлагч инженер Дамирангийн Отгонхүү, Хөдөлмөрийн аюулгүй байдал, эрүүл ахуйн хэлтсийн эрүүл мэндийн мэргэжилтэн Юүлэн Одгэрэл нарын 14 хүн, "Жуух бичиг”-ээр Нисэх буудлуудын үйлчилгээний газрын Орон нутгийн аэродром, нисэх буудлын технологи үйл ажиллагаа хариуцсан ахлах мэргэжилтэн Батцагааны Шаравжамц, Захиргаа, санхүү удирдлагын газрын хүний нөөцийн мэргэжилтэн Хүрэлчулууны Долгорсүрэн, Бодлого төлөвлөлтийн газрын Гадаад харилцаа, хамтын ажиллагааны хэлтсийн дарга Ариунбуянгийн Билгүүн нарын 12 хүн шагнуулж, Нисэх буудлуудын үйлчилгээний газрын Оношилгоо, хэмжил зүйн лабораторийн шалгалт тохируулгын ахлах инженер Осоржавын Тэсээ, Жаргалант сэргээн засах амралтын үйлчилгээний ажилтан Уранчимэгийн Алтанчимэг нарын 10 хүн ИНЕГ-ын Хүндэт дэвтэрт бичүүлэх дурсгалын гэрчилгээ гардлаа.

"Иргэний нисэхийн үндэсний төв” ТӨХХК-ийн “Хүндэт өргөмжлөл”-өөр Бодлого төлөвлөлтийн газрын Нисэхийн музейн эрхлэгч Пүрэвжавын Наранчимэг, Захиалагчийн хяналт хэрэгжүүлэх хэлтсийн ахлах инженер Бямбын Оюунчимэг, Захиргаа, санхүү удирдлагын газрын олон нийттэй харилцах асуудал хариуцсан мэргэжилтэн Наянбуугийн Өлзийжаргал нарын 15 хүн шагнуулсан байна.

“ИНҮТ” ТӨХХК АЖЛАА ДҮГНЭЖ, БАЯРЫН ХУРЛАА ХИЙЛЭЭ

otgoo — Thu, 25 Dec 2025 10:04:27 +0800

“Иргэний нисэхийн үндэсний төв” ТӨХХК 2025 оны ажлаа дүгнэж, баярын хурлаа хийлээ.

“ИНҮТ” ТӨХХК-ийн Гүйцэтгэх захирал Б.Отгонсүх хурлын эхэнд хэлсэн үгэндээ 2025 онд Монгол Улсын иргэний нисэхийн салбарын хамт олон олз омог ихтэй, ирээдүйн хөгжлийн олон олон гарц, үүдийг нээсэн жил байсныг цохон тэмдэглээд юуны өмнө Монгол Улсад нисэх хүчин үүсэж хөгжсөн түүхт 100 жилийн ойгоо нэр төртэйгээр тэмдэглэн өнгөрүүлж, салбарынхаа түүхэн хөгжлийг нэгэн зуунаар нэгтгэн дүгнэж, дараагийн зуунд шилжин орсон түүхэн оныг үдэн өнгөрүүлж буйг онцоллоо.

Салбарын хамт олны түүхэн цаг үед бүтээсэн амжилтыг үнэлж, Монгол Улсын Ерөнхийлөгчийн зарлигаар “Иргэний нисэхийн үндэсний төв” ТӨХХК-ийг “Хөдөлмөрийн гавьяаны улаан тугийн одон”-гоор шагнасан, Олон улс, орон нутгийн нисэх буудлуудын хүчин чадлыг өртгөтгөх, ашиглалтыг сайжруулах чиглэлээр “Буянт-Ухаа” олон улсын нисэх буудлын хүндэт зочны танхим, дээвэр, гадна фасад, автомашины зогсоол, замуудад их засварын ажлыг хийж гүйцэтгэж, Гурвансайхан нисэх буудлын аэродромын хөөрч буух хучилттай зурвас, явгалах замыг шинэчилж, “Өндөрхаан” нисэх буудлын шинэ барилга байгууламжийг ашиглалтад оруулснаар орон нутгийн иргэд, жуулчдад иргэний агаарын тээврийн үйлчилгээг шат ахиулан ойртуулж, орон нутаг төдийгүй улс орны хэмжээнд нийгэм, эдийн засгийн үзүүлэлтийг нэмэгдүүлэх нөхцөлийг бүрдүүлсэн.

Цамхаг болон ойртолтын нислэгийн хөдөлгөөний удирдлагын дадлагажуурын ажлын байрны техник болон программ хангамжийн иж бүрэн шинэчлэлтийг хийж, үйлдвэрлэл, сургалтын үйл ажиллагаанд ашиглаж эхэлснээр нислэгийн удирдагчдын давтан сургалт, онцгой нөхцөл байдлын бэлэн байдлын бэлтгэл, ажлын байрны дадлагын өмнөх сургалтад өргөн хүрээтэйгээр ашиглагдах боломжийг бүрдүүлсэн, Хөвсгөл аймгийн Мөрөн нисэх буудал, Дорноговь аймгийн Сайхандулаан дахь нисэхийн байгууламжид автомат хамааралтай ажиглалтын ADS-B станцуудыг шинээр суурилуулан ажиглалтын үйлчилгээний хамрах хүрээг нэмэгдүүлж, үйлчилгээний найдваржилтийг сайжруулсан, Монгол Улсаас Япон Улсаар дамжин Америкийн Нэгдсэн Улс руу нислэг үйлдэхтэй холбогдуулан “Иргэний нисэхийн үндэсний төв” ТӨХХК болон “Юнайтэд Эйрлайнс” ХХК хооронд “Зорчигчийн аюулгүй байдлын үйлчилгээ үзүүлэх гэрээ”-г үзэглэсний дагуу United Airlines агаарын тээвэрлэгч нийт 61 удаагийн нислэг үйлдэж, нийт 6476 зорчигчид аюулгүйн үзлэг хийж, аюулгүйн хамгаалалтын үйлчилгээ үзүүлсэн, Буянт-Ухаа” ОУНБ-д буух гадаадын агаарын тээвэрлэгчдийн агаарын хөлөгт талбайн үйлчилгээг бие даан үзүүлж, өнгөрч буй онд Туркменстан, Узбекистан, Казакстан улсын тусгай нислэг, ОХУ-ын Стрижи багийн онгоцнуудад газрын үйлчилгээг цогцоор нь үзүүлсэн, “Монгол–Солонгос 2 улсын иргэний агаарын тээврийн харилцааг өргөжүүлэн хөгжүүлэх, аялал жуулчлал, эдийн засаг, хамтын ажиллагааг бэхжүүлэх, бүс нутгийн хөгжилд дэмжлэг үзүүлэх, орон нутгийн иргэдийн зорчих хөдөлгөөнийг нэмэгдүүлэх үүднээс Хөвсгөл аймаг дахь “Мөрөн” олон улсын нисэх буудалд "Чонжү-Мөрөн" чиглэлийн олон улсын анхны нислэг үйлдэх ажлыг амжилттай зохион байгуулсан, гадаад харилцаа, хамтын ажиллагаа өргөжүүлэх чиглэлээр Францын Төрийн хөрөнгө оруулалтын банк, Үндэсний иргэний нисэхийн их сургууль, дэлхийн хэмжээний технологийн шийдэл нийлүүлэгч Thales Group зэрэг байгууллагуудтай хамтран ажиллах Санамж бичигт гарын үсэг зурсан, БНСУ-ын Газрын тосны чанар хангамжийн газартай “Техникийн хамтын ажиллагааны тухай” харилцан ойлголцлын санамж бичиг, Тайландын хаант улсын Аэронотикал Радио Тайланд ХХК хооронд хамтын ажиллагааны санамж бичигт гарын үсэг зурсан. Олон улсын агаарын тээвэрлэгчдийн холбоо болон Иргэний нисэхийн ерөнхий газартай хамтран сургалт, техникийн хэлэлцүүлгийг Улаанбаатар хотноо зохион байгуулсан, Нисэхийн сургалтын төв ICAO-ийн багшлах эрхтэй сургалтыг өөрсдийн гэрчилгээжсэн үндсэн багштайгаар дотооддоо амжилттай зохион байгуулсан, Иргэний нисэхийн салбарын хүний нөөцийн хөгжлийг олон улсын стандарт шаардлагад нийцүүлэн тасралтгүй хөгжүүлэх, давтан сургах замаар нисэхийн аюулгүй ажиллагааг сахин хамгаалах чиг үүрэгтэй Нисэхийн сургалтын төв олон жилийн нөр их хөдөлмөрөөрөө 2025 онд “Алтан” ангиллын гишүүнчлэлтэй болсон гээд олон ажил хийж, хэрэгжүүлснийг тэрбээр онцлон дурдлаа.

“ИНҮТ” ТӨХХК-ийн Гүйцэтгэх захирал Б.Отгонсүх энэ бүх ажлыг хийж хэрэгжүүлэн, нисэхийн аюулгүй ажиллагаа, аюулгүй байдлыг дээд зэргээр хангаж, иргэдийн ая тух, эрэлт хэрэгцээнд нийцсэн үйлчилгээ үзүүлэхийн төлөө хүчин зүтгэсэн хамт олондоо талархал илэрхийлээд угтан золгож буй 2026 ондоо хүрсэн амжилтаа улам бататгаж, шинэ шинэ ахиц дэвшлийг хамтдаа хийн, ажил хөдөлмөр, амжилт бүтээлээр дүүрэн байхын ерөөл өргөлөө.

“ИНҮТ” ТӨХХК-ИЙН 2025 ОНЫ ЖИЛИЙН ЭЦСИЙН ТАЙЛАНГИЙН ХУРАЛ ЭХЭЛЛЭЭ

otgoo — Tue, 23 Dec 2025 23:32:37 +0800

Иргэний нисэхийн үндэсний төв” ТӨХХК-ийн 2025 оны жилийн эцсийн тайлангийн хурал өнөөдөр эхэллээ.
Тайлангийн хурлын эхний өдөр Аюулгүй байдал, чанарын удирдлагын газар, Дотоод аудитын газар, Агаарын навигацийн үйлчилгээний газар, Нисэх буудлуудын үйлчилгээний газар, Төслийн нэгдсэн удирдлагын газар ажлаа тайлагнах бол маргааш Нисэхийн аюулгүйн хамгаалалтын газар, Бодлого төлөвлөлтийн газар, Захиргаа, санхүү удирдлагын газар, Захиалагчийн хяналтын газар, Хөдөлмөрийн аюулгүй байдал, эрүүл ахуйн хэлтэс тайлангаа тавих юм.
Тайлангийн хурал “Буянт-Ухаа” олон улсын нисэх буудлын гадаад хурлын танхимд хоёр өдөр үргэлжилнэ.

ИЛ ХАРААНЫ НИСЛЭГИЙН ГАЗРЫН ЗУРАГ (VFR SECTIONAL CHART)-ИЙН ТӨСЛИЙГ ТАНИЛЦУУЛЛАА

otgoo — Mon, 22 Dec 2025 23:14:29 +0800

"Иргэний нисэхийн үндэсний төв" ТӨХХК-ийн Үйлдвэрлэл, үйлчилгээ хариуцсан менежер Э.Энхзориг: Хяналтгүй агаарын зай дахь ил харааны нислэгийг "Журам"-аар бус "Зураг"-аар зохицуулна. "Иргэний нисэхийн үндэсний төв" ТӨХХК-ийн Үйлдвэрлэл, үйлчилгээ хариуцсан менежер Э.Энхзоригоор ахлуулсан ажлын хэсэг "Ил харааны нислэгийн газрын зураг"-ийн төслийг танилцууллаа. Тус танилцуулга уулзалтад ажлын хэсгийн гишүүдээс гадна "ИНҮТ" ТӨХХК-ийн АНҮГ, НБҮГ-ын удирдлагууд болон үйлдвэрлэлийн албадын төлөөлөл, "Монголиан Эйрвэйс" ХХК, "Геосан" ХХК, "Оранж Эйр" ХХК, "Монголын нисэхийн академи" ХХК, "Скай Жет" ХХК, Монголын уулын шүхрийн холбооны удирдлага, нисгэгч нар оролцлоо.

Уулзалтад оролцсон нисгэгч нарын төлөөллөөс Ил харааны нислэгийн газрын зураг боловсруулагдаж байгаа нь цаг үеийн бодит хэрэгцээ шаардлагад нийцэж, Өргөн уудам Монгол оронд нислэг үйлдэхэд шинэ залуу нисгэгч, нисэхийн сургуулийн сонсогч нарт төдийгүй, туршлагатай нисгэгч нарт ч зайлшгүй байх ёстой, алслагдсан сум, сууринруу нисэхэд цаг агаарын сайн нөхцөлд ч, замын агаар гэнэт муудах үед ч газарзүйн байршил тогтооход туслах чухал бичиг баримт гэдгийг онцолсон юм.

Монгол Улсад бага оврын агаарын хөлгийн парк, нислэгийн тоо, давтамж жилээс жилд нэмэгдэж байгаа өнөө үед хяналттай болон хяналтгүй агаарын зайд нислэг үйлдэх ил харааны нислэгийн аюулгүй байдлыг хангах нислэгийн үндсэн баримт бичиг нь "Ил харааны нислэгийн газрын зураг" юм. Олон улсын иргэний нисэхийн байгууллага (ICAO)-ын стандарт шаардлагын дагуу АНУ-ын Холбооны нисэхийн захиргаа (FAA), (Transport Canada) Канадын ил харааны нислэгийн зураг, Бүгд найрамдах Чех улсын ил харааны нислэгийн зураг зэргийг жишиг болгон Монгол орны газарзүй, байгалын онцлог, геодезийн мэдээ мэдээллүүд, байгалын болон байгалын бус саадын мэдээллүүдийг холбогдох мэргэжлийн байгууллагуудаас нэгтгэж боловсруулсан байна.

"Ил харааны нислэгийн зураг"-ийн төсөлд нийт 200 орчим түр зурвасаас гадна төрийн болон хувийн хэвшлийн нисдэг тэрэгний зогсоолын мэдээллүүд багтах юм. Мөн түүнчлэн Агаарын спорт, уулын шүхэр буюу параглайдинг, дрон, цэргийн сургуулилтын идэвхитэй бүсүүдээс гадна хориотой бүсүүдийн мэдээллийг оруулж өгснөөр ил харааны нислэгийн аюулгүй байдлыг хангах, нисгэгч, нислэгийн удирдагч, нисэхийн мэдээллийн ажилтнууд, бага оврын агаарын хөлгийн болон дрон операторууд, агаарын спортынхонд ил харааны нислэгийн бодит мэдээллийг өгөх юм. Уулзалтын үр дүнд нисгэгчдийн саналыг төсөлд тусган, холбогдох байгууллагаар батлуулж хэрэглээнд нэвтрүүлэхээр шийдвэрлэлээ.

Төслийн танилцуулгыг "Иргэний нисэхийн үндэсний төв" ТӨХХК-ийн Нисэхийн мэдээллийн үйлчилгээний албаны дарга Д.Үлэмж, Нислэгийн урсгал төлөвлөлтийн албаны дарга Т.Батбаяр нар хийлээ.

АГААРЫН НАВИГАЦИЙН ҮЙЛЧИЛГЭЭНИЙ ГАЗРЫН АЛБА НЭГЖҮҮД 2025 ОНЫ АЖЛЫН ГҮЙЦЭТГЭЛЭЭ ХЭЛЭЛЦЛЭЭ

otgoo — Thu, 11 Dec 2025 22:46:09 +0800

“Иргэний нисэхийн үндэсний төв” ТӨХХК-ийн үйлдвэрлэл үйлчилгээ хариуцсан менежер Э.Энхзориг болон Агаарын навигацийн үйлчилгээний газрын дарга Д.Баяртогтох, менежер, ахлах мэргэжилтэн нар 2025 оны 12 сарын 11-ны өдөр тус газрын харьяа Нислэгийн хөдөлгөөний үйлчилгээний алба (ИНД-172), Нисэхийн холбоо навигаци ажиглалтын алба (ИНД-171), Нисэхийн мэдээллийн үйлчилгээний алба (ИНД-175), Нислэгийн журам боловсруулалт шалгалтын нислэгийн алба (ИНД-173), Нислэгийн урсгал төлөвлөлтийн албадын 2025 оны ажлын гүйцэтгэл, тайлангийн нэгдсэн хуралдааныг амжилттай зохион байгууллаа.

Тус тайлангийн хурлаар агаарын навигацийн үйлчилгээний тоног төхөөрөмжийн насжилттай холбоотой техник, технологийн шинэчлэлт болон агаарын навигацийн үйлчилгээний чиглэлээрх хүний нөөцийн бэлтгэл, сургалтын асуудлуудыг нислэгийн аюулгүй байдлыг хангах түвшинд анхаарал хандуулах, шийдвэрлүүлэхийг онцлон тэмдэглэлээ, Мөн Монгол Улсын агаарын зайд нислэг үйлдэх агаарын хөлгийн тоо 2024 онтой харьцуулахад 19 хувийн өсөлттэй байгаа нь агаарын навигацийн үйлчилгээнд гарч буй томоохон амжилт, өсөлт хэдий ч цаашид нислэгийн эрчимжилт, өсөлтөд агаарын навигацийн үйлчилгээний чанар, хүртээмж, аюулгүй, үр ашигтай, тасралтгүй байдлыг бэхжүүлэхэд онцгой анхаарал хандуулах шаардлага үүсэж байна.

Хуралдааны төгсгөлд агаарын навигацийн үйлчилгээний чиглэлээр 2026 онд үйлдвэрлэл, технологи үйл ажиллагааны бэлэн байдлыг хангах, бэхжүүлэх, нислэгийн аюулгүй байдлыг хангах чиглэлүүдэд хийж хэрэгжүүлэх шаардлагатай томоохон ажлуудын талаар санал солилцож, гүйцэтгэлийн төлөвлөгөөний төсөлд тусган хэрэгжүүлэхийг зөвлөмж болголоо.

“ИРГЭНИЙ НИСЭХИЙН ҮНДЭСНИЙ ТӨВ” ТӨХХК-ИЙН 2026-2030 ОНЫ СТРАТЕГИ ТӨЛӨВЛӨГӨӨГ ХЭЛЭЛЦЭЖ БАЙНА

otgoo — Wed, 03 Dec 2025 22:26:57 +0800

Энэ оны нэгдүгээр сарын 01-ний өдрөөс хэрэгжиж эхэлсэн “Иргэний нисэхийн тухай” хуулийн шинэчилсэн найруулгын хүрээнд “Иргэний нисэхийн үндэсний төв” төрийн өмчит хязгаарлагдмал хариуцлагатай компани болон үйл ажиллагаагаа явуулж байна. Тэгвэл өнөөдөр буюу 2025 оны 12 дугаар сарын 04-ний өдөр тус компанийн 2026-2030 оны стратеги төлөвлөгөөг бэлтгэн, хэлэлцэж эхэллээ. Тус төлөвлөгөөг баталж, хэрэгжүүлж эхэлсэнээр компанийн ирээдүйн зорилго, хөгжлийн чиг хандлага, тогтвортой өсөлтийг хангахад чиглэсэн чухал баримт бичиг болж байгаа юм. Дунд хугацааны стратеги төлөвлөгөө нь үйл ажиллагааны үр ашгийг дээшлүүлэх, дэд бүтцийг сайжруулах, байгаль орчинд ээлтэй шийдэл нэвтрүүлэх, хамт олны ур чадварыг хөгжүүлэх зэрэг тэргүүлэх чиглэлүүдийг тусгаснаараа онцлогтой.

ТҮРЭЭСЛЭГЧИЙГ СОНГОН ШАЛГАРУУЛАХ УРИЛГА

otgoo — Fri, 28 Nov 2025 22:06:29 +0800

МОНГОЛЫН АЭРОНАВИГАЦИЙН ИНЖЕНЕР ТЕХНИКИЙН АЖИЛТНУУДЫН ХОЛБООНЫ НЭРЭМЖИТ ДАРТСЫН АВАРГА ШАЛГАРУУЛАХ ТЭМЦЭЭНД 11 БАЙГУУЛЛАГЫН 50 ГАРУЙ ТАМИРЧИД ОРОЛЦОН АМЖИЛТТАЙ ЗОХИОН БАЙГУУЛАГДАЖ ӨНДӨРЛӨЛӨӨ

otgoo — Thu, 13 Nov 2025 21:40:53 +0800

Эрэгтэй ганцаарчилсан төрөлд:
• Алтан медалийг – Э.Дөлгөөн /”НУБИЭ”-ийн ажилтан, Тэмүүлэл дартс мастерс клубын тамирчин/
• Мөнгөн медалийг – Б.Ёндонжамц /Баянхонгор нисэх буудал/
• Хүрэл медалийг - Э.Эрдэнэхүү /Баянхонгор нисэх буудал/
• Хүрэл медалийг - Ц.Эрхэмбаяр /Баянхонгор нисэх буудал/
Эмэгтэй ганцаарчилсан төрөлд:
• Алтан медалийг – С.Цогжаргалан /”МИАТ”ТӨХХК-ийн ажилтан, Apollo дартс клубын тамирчин/
• Мөнгөн медалийг - С.Энхзул /“НУТА”-ны ажилтан, Нетком дартс клубын тамирчин/
• Хүрэл медалийг – Б.Цэнгэл /НХНАА/
• Хүрэл медалийг – Э.Сүнжидмаа /НУБИЭ/
Багийн төрөлд:
• Алтан медалийг – “НХНАА”-ны баг тамирчид /Р.Цагаанхүү, Б.Насанжаргал, Г.Хонхонцэцэг/
• Мөнгөн медалийг – “ГТҮШХА, ИНҮТ”-ны баг тамирчид /Х.Алтан-Очир, О.Болд-Эрдэнэ, М.Цэндсүрэн/
• Хүрэл медалийг - “НУБИЭ”-ний баг тамирчид / Э.Дөлгөөн, Э.Энхзаяа, Т.Хэрлэнболор/
• Хүрэл медалийг - “НУТА, Баянхонгор нисэх буудал”-ын баг тамирчид /Э.Эрдэнэхүү, Б.Ёндонжамц,С.Энхзул/
Тусгай номинаци:
• Өндөр гараа 161-с /эрэгтэй/- Э.Эрдэнэхүү /Баянхонгор нисэх буудал/
• Өндөр гараа 109-с /эмэгтэй/- М.Цэндсүрэн /”ИНҮТ” ТӨХХК/
• Хамгийн их 180, 5 удаа /эрэгтэй/-Б.Ёндонжамц /Баянхонгор нисэх буудал/
• Хамгийн их 171, 1 удаа /эмэгтэй/-Б.Цэнгэл /НХНАА/

МОНГОЛ–ХЯТАДЫН ХОЛБОО, НАВИГАЦИ, АЖИГЛАЛТ, НИСЛЭГИЙН ХӨДӨЛГӨӨНИЙ УДИРДЛАГЫН ЗОХИЦУУЛАХ ХУРАЛ АМЖИЛТТАЙ ЗОХИОН БАЙГУУЛАГДЛАА

otgoo — Fri, 07 Nov 2025 21:22:12 +0800

“Иргэний нисэхийн үндэсний төв” ТӨХХК-ийн төлөөлөл БНХАУ-ын Иргэний нисэхийн удирдах газрын харьяа Нислэгийн хөдөлгөөний удирдлагын товчооноос 2025 оны 10 дугаар сарын 29–30-ны өдрүүдэд БНХАУ-ын Сычуань мужийн Чэндү хотноо зохион байгуулсан “Монгол–Хятадын холбоо, навигаци, ажиглалт, нислэгийн хөдөлгөөний удирдлагын зохицуулах хурал”-д амжилттай оролцлоо.

Хуралд Монгол Улсаас “Иргэний нисэхийн үндэсний төв” ТӨХХК-ийн Ерөнхий менежер П.Ганболд, БНХАУ-ын талаас Нислэгийн хөдөлгөөний удирдлагын товчооны дэд дарга Ван Бин тэргүүтэй төлөөлөгчид оролцов.

Хурлын үеэр дараах гол асуудлуудыг хэлэлцэж, тодорхой шийдвэрт хүрэв. Үүнд:

2025–2026 оны харилцан ажиллагааны зохицуулалтын гэрээг шинэчлэн батлав.

“Улаанбаатар” нислэгийн хөдөлгөөний удирдлагын төв болон Бээжин, Ланжоу, Өрөмч, Харбин, Хөх хотын нислэгийн хөдөлгөөний удирдлагын төв хоорондын гэрээг хэлэлцэн шаардлагатай өөрчлөлтүүдийг оруулж шинэчлэн баталгаажуулав.

Нислэгийн хөдөлгөөний менежментийн нөөц төлөвлөгөөний (Contingency Plan) төслийг Монголын талаас танилцуулж, БНХАУ-ын туршлагыг судлан хэрэгжүүлэх хүсэлтээ илэрхийлэв.

Хятадын тал нөөц төлөвлөгөөг (Contingency Plan) тухайн улсын иргэний нисэхийн байгууллагууд хамтран боловсруулж баталдаг бөгөөд хэрэгжилтийг дотоод зохицуулалтаар хангадаг талаар мэдээлэл өгч, шаардлагатай бол уг төлөвлөгөөтэй холбоотой заалтыг нислэгийн удирдлагын төвүүд хоорондын гэрээнд тусгах боломжтойг онцлов.

Нислэгийн урсгал төлөвлөлтийн менежментийн (ATFM) эрх зүйн баримт бичиг, Агаарын зай болон нисэх буудлын багтаамж тогтоох аргачлал, хүний нөөцийн чадавх, өдөр тутмын мэдээ /ATFM Daily Plan - ADP/ зэрэг асуудлаар Монгол–Хятадын талууд техникийн түвшинд хэлэлцэв.

Хятадын тал ATFM-ийн мэргэжлийн сургалт, дадлага, ажлын байрны туршлага солилцоонд Монголын мэргэжилтнүүдийг хамруулах боломжтойг илэрхийлж, хамтын ажиллагааг албан ёсоор өргөжүүлэх санал гаргав. Мөн 2021 оноос ашиглаж буй NTFM системийг Монгол Улсад туршилтаар нэвтрүүлэх талаар цаашид ярилцахаар тохиролцов.

Монгол Улсын зүгээс ОХУ, БНХАУ-тай хамтран ОУИНБ-ын Ази, Номхон далайн бүсийн төвөөс хэрэгжүүлж буй Чөлөөт агаарын зай (FRA) төсөлд оролцох саналыг дахин танилцуулж, төслийн хэрэгжилтийн төлөвлөгөөг баталж, хэрэгжилтийг хангаж буй талаар мэдээлэв.

Хятадын тал одоогоор FRA хэрэгжүүлэх төлөвлөгөө боловсруулаагүй ч хамтын ажиллагаанд нээлттэй байгаагаа илэрхийлсэн бөгөөд талууд төслийн харилцах албан тушаалтан (POC)-уудыг сонгон, албан ёсоор баталгаажуулав.

Монголын төлөөлөгчид БНХАУ-ын ATMB-ийн удирдлагын төвүүдэд ажиллаж, нислэгийн хөдөлгөөний удирдлагын бүсийн төв, ойртолт, цамхгийн ажиллагаа, ATFM удирдлагын төв, нисэх буудлын удирдлагын төвүүдийн автоматжуулсан систем, техник, тоног төхөөрөмж, программ хангамж хэрэгжүүлсэн талаар газар дээр нь судалж, үйл ажиллагаатай танилцав.

НИСЛЭГИЙН ХӨДӨЛГӨӨНИЙ УДИРДАГЧИД МЭРГЭЖЛИЙН ӨНДӨР УР ЧАДВАР ГАРГАН АЖИЛЛАЖЭЭ

otgoo — Tue, 04 Nov 2025 21:00:09 +0800

2025 оны 11 дүгээр сарын 03-ны орой Сан-Франциско – Колката (Энэтхэг) чиглэлд өнгөрөлтийн нислэг үйлдэж байсан Эйр Индиа компанийн AIC174 дуудлагатай Боеинг-777 маягийн агаарын хөлөг Монгол Улсын агаарын зайн LETBI агаарын хаалгаар орон нутгийн цагаар 18:54 цагт орж ирсэн. Тус нислэг Монгол Улсын агаарын зайд орж ирэхээс ойролцоогоор 10 минутын өмнө нисэх баг ОХУ-ын Эрхүү нислэгийн удирдлагын төвд техникийн шалтгааны улмаас Монгол Улсын "Чингис Хаан" олон улсын нисэх буудалд буух шийдвэр гаргаснаа мэдэгдсэн байна.

Тухайн үед үүрэг гүйцэтгэж байсан "Иргэний нисэхийн үндэсний төв" ТӨХХК-ийн НХҮА-ны нислэгийн хөдөлгөөний удирдагчид мэргэжлийн өндөр ур чадвар гаргаж, шуурхай ажиллагаагаар нислэгийн аюулгүй байдлыг бүрэн хангаж ажиллалаа. Энэ үеэр агаарт түлш юүлэх зааваарчилгаа өгч, нислэгийг хамгийн богино хугацаанд аюулгүй газардуулах удирдлага үйлчилгээг амжилттай үзүүлэн үүний үр дүнд уг нислэг орон нутгийн цагаар 19:30 цагт "Чингис Хаан" олон улсын нисэх буудалд аюулгүй газардсан байна. Энэхүү тохиолдол нь Монгол Улсын нислэгийн хөдөлгөөний үйлчилгээний байгууллагын шуурхай ажиллагаа, мэргэжлийн ур чадварын чадамжийг дахин нотолсон үйл явдал боллоо.

Эйр Индиа компанийн AIC174 дүгээр нислэгийн 245 зорчигчийг "New Delhi" олон улсын нисэх буудалд хүргэхээр өнөө орой буюу 2025.11.04-ний өдөр нэмэлт нислэг "Чингис хаан" олон улсын нисэх буудлыг зорихоор төлөвлөгджээ.

ХАБЭА-Н ГУРАВ ДАХЬ ШАТНЫ ХЯНАЛТ ҮРГЭЛЖИЛЖ БАЙНА

otgoo — Tue, 28 Oct 2025 20:37:20 +0800

Хөдөлмөрийн аюулгүй байдал, эрүүл ахуйн тухай хуулийн 35 дугаар зүйлийн 35.1 дэх заалтын дагуу ажил олгогч нь үйлдвэрлэлийн цех, тасаг, хэсэг, ажлын байр бүрт хөдөлмөрийн аюулгүй байдал, эрүүл ахуйн тухай хууль тогтоомж, нийтлэг шаардлага, стандартын хэрэгжилт, ажлын байран дахь эрсдэлийн үнэлгээний дагуу авагдсан арга хэмжээний биелэлтэд дотоодын хяналт тавьж, илэрсэн зөрчлийг арилгах үүрэгтэй байдаг.

Тэгвэл дээрх шаардлага, стандартын дагуу “Иргэний нисэхийн үндэсний төв” ТӨХХК нь хөдөлмөрийн аюулгүй байдал, эрүүл ахуйн чиглэлээр үзлэг, гурван шатны хяналтыг зохион байгуулах журмыг баталж, үйл ажиллагаандаа мөрдөн ажилладаг. Тус журамд тусгаснаар ХАБЭА-н чиглэлээр хийгдэх нэг дэх шатны хяналтыг ажилтнуудын шууд удирдлага өдөр бүр, хоёр дахь шатны хяналтыг салбар, нэгжийн ХАБЭА-н дэд зөвлөлийн бүрэлдэхүүн нь сар тутам, гурав дахь шатны хяналтыг компанийн ХАБЭА-н зөвлөл болон ХАБЭАХ-ээс хамтран жилд хоёр удаа хийхээр зохицуулагдсан ба хяналт хийгдсэн талаар тусгай дэвтэрт тэмдэглэл хөтөлж, баталгаажуулж байхаар заасан.

Дээрх журмыг хэрэгжүүлэх хүрээнд компанийн ерөнхий менежерийн баталсан удирдамж, хуваарийн дагуу төвийн салбар, нэгжид ХАБЭА-н гурав дахь шатны хяналт эдгээр өдрүүдэд үргэлжилж байна.

Компанийн ХАБЭА хариуцсан нэгжийн зүгээс төвийн салбар нэгжийн гурав дахь шатны хяналтын тайланг нэгтгэж, компанийн ХАБЭА-н зөвлөл болон удирдлагад танилцуулж, холбогдох арга хэмжээг авч хэрэгжүүлэх юм.

ХАБЭА-н дотоод хяналтыг бодитой хэрэгжүүлснээр хууль, тогтоомж, стандартын болон компанийн ХАБЭА-н бодлогын хэрэгжилт дээшлэх, хэрэгжилтэд дүн шинжилгээ хийх, ХАБЭА-н талаарх эрсдэлийг оновчтой тодорхойлох, аливаа аюул, осол, эрсдэлээс урьдчилан сэргийлэх арга хэмжээг оновчтой төлөвлөх зэрэг ач холбогдолтой.

ХАБЭА-Н ГУРАВ ДАХЬ ШАТНЫ ХЯНАЛТ ҮРГЭЛЖИЛЖ БАЙНА

otgoo — Tue, 28 Oct 2025 20:30:35 +0800

Мал, амьтны гаралтай, хугацаа хэтэрсэн бүтээгдэхүүнүүдийг устгаж байна

zulaa — Mon, 27 Oct 2025 08:21:43 +0800

Мал эмнэлгийн ерөнхий газраас мал, амьтны гаралтай импортын түүхий эд, бүтээгдэхүүний үйлдвэрлэл, худалдаа, хадгалалт, тээвэрлэлтийн нөхцөлд төлөвлөгөөт бус хяналт, шалгалт хийж байна. Удирдамжийн хүрээнд хилийн боомт бүхий 11 аймаг болон нийслэлийг хамруулан шалгаж буй аж.

Нийслэлийн хэмжээнд төрөлжсөн худалдаа эрхэлдэг гурван аж ахуйн нэгж, дөрвөн иргэнийг шалгахад өндөг, мал, амьтны гаралтай импортын түүхий эд, бүтээгдэхүүн нь “Мах, махан бүтээгдэхүүний үйлдвэрлэл, худалдааны техникийн зохицуулалт”-ыг зөрчсөн, хэрэглэх, хадгалах хугацаа нь тодорхойгүй байсан зэрэг зөрчил илрүүлжээ. Иймд зөрчлийг газар дээр нь арилгуулж, зургаан нэрийн 247 сая төгрөгийн үнэ бүхий 15.4 кг загас, далайн гаралтай бүтээгдэхүүнийг устгаж, гурван иргэнд 1100 нэгжтэй тэнцэх хэмжээний мөнгөн торгууль ногдуулсан байна. Түүнчлэн хяналт, шалгалтын явцад цөөнгүй иргэн, аж ахуйн нэгжид холбогдох хуулийн дагуу зөрчлийн хэрэг нээн, 42 нэр, төрлийн 2026 ширхэг, импортын мэдэгдэх хуудасгүй өндөг, гахай, тахианы мах, загас, далайн гаралтай нийт 47.8 кг бүтээгдэхүүнийг битүүмжилжээ.

ГАМШГААС ХАМГААЛАХ БЭЛЭН БАЙДЛЫГ ШАЛГАХ УЛСЫН ҮЗЛЭГТ ХАМРАГДЛАА

otgoo — Wed, 22 Oct 2025 19:32:52 +0800

“Иргэний нисэхийн үндэсний төв” ТӨХХК нь 2025 оны 10 дугаар сарын 21-22-ны өдрүүдэд Онцгой байдлын ерөнхий газраас зохион байгуулсан гамшгаас хамгаалах Зам, тээврийн улсын албаны бэлэн байдлын үзлэгт хамрагдлаа. Энэхүү үзлэг шалгалт нь Монгол Улсын Гамшгаас хамгаалах тухай хууль, Галын аюулгүй байдлын тухай хууль, Гамшгаас хамгаалах талаар төрөөс баримтлах бодлого болон бусад хууль тогтоомж, эрх зүйн баримт бичгийн хэрэгжилтийг хангуулах, болзошгүй гамшгийн үед гамшгаас хамгаалах томилгоот бүрэлдэхүүний бэлтгэл, бэлэн байдлыг сайжруулах, үүрэг гүйцэтгэх чадавхийг дээшлүүлэх зэрэг олон талын ач холбогдолтой юм.

“Иргэний нисэхийн үндэсний төв” ТӨХХК-ийн мэргэжлийн ангийн бүрэлдэхүүн 2025.10.21-ний өдөр Зам тээврийн яамны гадаа талбайд бэлэн байдлын цуглар дохиогоор цуглаж, аранз, хөдөлмөр хамгааллын хувцас хэрэглэл болон тээврийн хэрэгслийн бэлэн байдлыг танилцуулах арга хэмжээнд оролцсон байна. Энэ үеэр ОБЕГ-аас гамшгийн нөхцөл байдлын дасгал сургуулилтаар өгөгдсөн цагийн байдалд тохируулан авах арга хэмжээг төлөвлөж, “Иргэний нисэхийн үндэсний төв” ТӨХХК-ийн салбар нэгжүүд шуурхай хамтран ажиллаж, илтгэх хуудсаар ЗТЯ-нд илтгэсэн юм. Энэхүү үзлэгт хамрагдсан Зам тээврийн яам болон түүний харьяа 12 байгууллагын 240 гаруй ажилтан, албан хаагчдад гамшгийн үед шийдвэр гаргах чадавхийг дээшлүүлэх, бие бүрэлдэхүүний мэдлэг ур чадвар, бэлэн байдлыг нэмэгдүүлэх чиглэлээр ОБЕГ-аас мэргэжил аргазүйн зөвлөгөө өгч ажиллажээ.

Монгол Улсын Шадар сайдын тушаалаар баталсан бэлэн байдлын үзлэг зохион байгуулах удирдамж, зааврын дагуу “Иргэний нисэхийн үндэсний төв” ТӨХХК нь холбогдох бэлтгэл ажлын төлөвлөгөөг компанийн гүйцэтгэх захирлаар батлуулан Гамшгаас хамгаалах штабаас хэрэгжилтийг ханган ажилласан юм. Үзлэг шалгалтын хүрээнд ОБЕГ-ын Ажиллагааны удирдлагын газрын Ажиллагааны удирдлага, зохицуулалтын хэлтсийн дарга, хурандаа Ж.Дамдинсүрэнгээр ахлуулсан хуваарьт ажлын хэсгийн бүрэлдэхүүн тус компанид 2025.10.22-ны өдөр ирж үзлэг шалгалт хийн ажиллалаа. Ажлын хэсгийн бүрэлдэхүүнд “Иргэний нисэхийн үндэсний төв” ТӨХХК-ийн ерөнхий менежер, Гамшгаас хамгаалах штабын дарга П.Ганболд компанийн товч танилцуулга, гамшгаас хамгаалах чиглэлд хийж хэрэгжүүлсэн болон төлөвлөж буй ажлуудын талаар мэдээлэл өгөв. Үүний зэрэгцээ тээврийн хэрэгсэл, машин механизм, гал унтраах хэсэг, нислэгийн хөдөлгөөний үйлчилгээний албанд зочилж, албаны үйл ажиллагаатай танилцаж, “Буянт-Ухаа” олон улсын нисэх буудлын гамшгийн үеийн зарлан мэдээлэх дуут дохионы бэлэн байдлыг шалган, дуут дохиогоор компанийн салбар нэгжүүд цугларах цэгт цуглаж, дадлага хийлээ.

Мөн Гамшгаас хамгаалах штабын төв байрны бэлэн байдал, тоноглол, баримт бичгийн бүрдэл, сүүлийн 4 жилд авч хэрэгжүүлсэн арга хэмжээний тайлан, нотлох баримтыг асуулгын дагуу шалгаж, ажлын хэсгийн зүгээс хаалтын хурал хийж, компанийн хэмжээнд цаашид гамшгаас хамгаалах чиглэлд хийх ажлуудын талаар арга зүйн зөвлөгөө болон санал, зөвлөмжийг өглөө. Тус ажлын хэсгээс өгсөн санал зөвлөмжийг компанийн Гамшгаас хамгаалах штабын хурлаар хэлэлцүүлж, холбогдох арга хэмжээг авч, үйл ажиллагаандаа тусган ажиллах юм.

Тэтгэвэр нэмэгдүүлэх, тэтгэврийн зээлийн нөхцөлийг сайжруулах санал дүгнэлт боловсруулах ажлын хэсгээс холбогдох байгууллагын удирдлагуудтай уулзаж, чиглэл өглөө

zulaa — Mon, 06 Oct 2025 09:57:50 +0800

Улсын Их Хурлын Өргөдлийн байнгын хороо энэ долоо хоногийн буюу есдүгээр сарын 30-ны өдрийн хуралдаанаараа 01 тоот тогтоол гаргаж, ахмад настны тэтгэврийг нэмэгдүүлэх, тэтгэврийн зээлийн хүүг бууруулах, эрүүл мэндийн болон асрах үйлчилгээг сайжруулах талаар Ахмадын зөвлөл болон нэр бүхий ахмад настнуудаас ирүүлсэн өргөдлийг судлан үзэж, санал дүгнэлт боловсруулах үүрэг бүхий ажлын хэсгийг байгуулсан юм.

Улсын Их Хурлын гишүүн С.Эрдэнэбатын ахлан ажиллаж буй тус ажлын хэсэг өнөөдөр (2025.10.03) Гэр бүл, хөдөлмөр, нийгмийн хамгааллын, Эдийн засаг, хөгжлийн, Сангийн яамд, Монголбанк болон холбогдох байгууллагын төлөөллийг оролцуулан өргөдөл гаргасан ахмад настнуудын төлөөлөлтэй уулзлаа.

Улсын Их Хурлын гишүүн, ажлын хэсгийн ахлагч С.Эрдэнэбат уулзалтын эхэнд товч мэдээлэл хийсэн юм. Тэрбээр Улсын Их Хурлын дарга болон Ерөнхий сайдтай уулзаж, ахмад настнуудын тэтгэврийг нэмэгдүүлэх болон тэтгэврийн зээлтэй холбоотой асуудлууд, мөн ахмад настны халамж, хамгааллыг сайжруулах талаар зөвлөлдөж, ярилцсан байна. Монгол Улсын 2026 оны төсвийн төслийг хэлэлцэж байгаатай холбогдуулан Засгийн газрын болон Байнгын хороодоор энэ асуудлыг хэлэлцэх учир хугацаа алдалгүй тодорхой саналуудыг нэгтгэж ирүүлэхийг Улсын Их Хурлын дарга, Ерөнхий сайд нар чиглэл болгосон байна.

Ажлын хэсгийн уулзалтад Төрийн ордны гадаа суулт хийж буй ахмад настнуудыг төлөөлөн иргэн Ц.Алтанзул, Д.Отгонбаяр, Э.Ганбаатар нар оролцсон юм. Ахмад настан Ц.Алтанзул өндөр настай хүмүүс ордны гадаа 37 хоног сууж, заримынх нь эрүүл мэнд муудаж буйг дурдаад, тэтгэврийн доод хэмжээг 1.5 сая төгрөг болгохыг шаардаж байснаа болиод одоогийн доод хэмжээ буюу 689 мянган төгрөг, хувь тэнцүүлсэн тэтгэврийн доод хэмжээ 572.4 төгрөгийг тус бүр хоёр дахин, боломжгүй бол 50 хувиар, халамжийн тэтгэврийн хэмжээ 397.5 мянган төгрөг байгааг амьжиргааны баталгаажих доод түвшингээр буюу 495.4 мянган төгрөгөөр тус тус нэмэгдүүлэх, мөн тэтгэвэр барьцаалсан зээлийн өр, орлогын харьцааг өмнө баримталж байсан 70/30 гэсэн харьцаанд буцааж оруулан, 36 сарын хугацаатайгаар олгох хүсэлт тавьж буйг хэллээ. Өр, орлогын харьцааг чангаруулсан шийдвэрийг Ерөнхий сайд болон Монголбанкны Ерөнхийлөгч нарын уулзалтаар цуцалж, хугацааг 24 сар болгохоор тогтоосныг арилжааны банкууд ердөө гурван хоног баримталсан тухай тэрбээр мэдээлж, мөн зээлийн үлдэгдлээс дахин хүү тооцон, нэмж суутгаад байгааг шийдвэрлэж өгөхийг хүсэв.

Ажлын хэсгийн ахлагч С.Эрдэнэбат ахмад настнуудаас тавьж буй шаардлага, Улсын Их Хурлын дарга, Ерөнхий сайд нараас өгсөн чиглэлийн дагуу Нийгмийн даатгалын үндэсний зөвлөлийг хуралдуулж, тодорхой санал, хувилбар боловсруулж ирүүлэхийг Гэр бүл, хөдөлмөр, нийгмийн хамгааллын яаманд, тэтгэврийн зээлийн хүүг бууруулах, нөхцөл шаардлага, хязгаарлалтыг багасгах тооцоо хийж, мөн санал ирүүлэхийг Монголбанканд, ахмад настныг асрахуй болон халамж хамгааллыг сайжруулах талаарх нийгмийн даатгалын реформын тухай санал боловсруулахыг Эрүүл мэндийн яам, Хөдөлмөр, халамжийн үйлчилгээний газарт, ахмад настны тэтгэврийн хэмжээг инфляцын түвшинтэй уялдуулан жил бүр нэмэгдүүлж байх хуулийг хэрэгжүүлж ажиллахыг Сангийн яаманд, төсвийн урсгал зардлыг дотоодын нийт бүтээгдэхүүн (ДНБ)-ий 24 хувиас хэтрүүлэхгүй байхаар заасан Монгол Улсын хөгжлийн 2026 онд баримтлах бодлогын тэргүүлэх чиглэлд өөрчлөлт оруулах тухай санал боловсруулж ирүүлэхийг Эдийн засаг, хөгжлийн яаманд тус тус үүрэг болголоо.

Зорилгодоо чиглэсэн тодорхой саналыг оновчтой боловсруулж ажиллах шаардлагатайг ажлын хэсгийн гишүүн, Улсын Их Хурлын гишүүн Д.Рэгдэл зөвлөж, мөн тэтгэвэрт гарах дөхөхөөрөө нийгмийн даатгалын шимтгэлийг огцом өндрөөр төлж, өндөр тэтгэвэр тогтоолгодог, хүн амын зарим хэсгийн шимтгэлийг төр хариуцдаг байх зэрэг хуулийн цоорхойг нөхөж засах саналуудаа бэлтгэж ирүүлэх нь зүйтэй гэсэн юм. Ажлын хэсэг дээрх байгууллагуудаас ирүүлсэн саналыг нэгтгэж, ирэх долоо хоногийн Засгийн газрын хуралдаанаас өмнө Өргөдлийн байнгын хорооны хуралдаанд танилцуулж, шийдвэрлүүлэхээр ажиллаж байна гэж Улсын Их Хурлын Хэвлэл мэдээллийн газраас мэдээлэв.

БНМАУ ба ЗХУ Японы милитаризмыг бут цохисон нь

otgoo — Mon, 22 Sep 2025 10:02:21 +0800

80 жилийн өмнө, 1945 оны наймдугаар сард Чөлөөлөх дайн эхэлж, Бүгд Найрамдах Монгол Ард Улс Японы милитаризмыг эсэргүүцэн оролцсон юм. Зөвлөлт Холбоот Улстай хамтран монголын зэвсэгт хүчний анги нэгтгэлүүд Өвөр Монгол, Хятадын зүүн хойд нутгийг чөлөөлж, БНМАУ-ын тусгаар тогтнолыг олон улсын хэмжээнд хүлээн зөвшөөрүүлэхийн төлөө тулалдсан билээ. Зөвлөлт Холбоот Улстай байгуулсан байлдааны ахан дүүсийн харилцаа хэрхэн бүрэлдэн тогтсон, цэргүүд «хоёрдугаар дайсан» хэмээн хэнийг нэрлэж байсан, мөн Говь цөл болон Их Хянганы нуруугаар дамжин өрнөсөн хамгийн бэрх давшилтын цаана юу байсан тухай — Ялалтын 80 жилийн ойд зориулан тусгайлан бэлтгэсэн энэ өгүүллээс уншина уу.Их дайны «ерөнхий бэлтгэл»БНМАУ, ЗХУ-ын цэргийн хамтын ажиллагааны түүх 1945 оноос даруй өмнө эхэлсэн бөгөөд түүний анхны томоохон хамтарсан байлдааны ажиллагаа 1939 онд Халх голын тулалдаанд өрнөсөн байна.1930-аад оны эхэн үед Япончууд Манж-го хэмээх тоглоомынулсыг байгуулж, Японы цэрэг БНМАУ ба ЗХУ-ын хил орчимд гарч ирэв. Удалгүй БНМАУ-д газар нутгийн шаардлага тавьж, хилийг 25 километрээр шилжүүлэхийг шаардав. Зэвсэгт мөргөлдөөн зайлшгүй болсон тул 1936 онд БНМАУ ба ЗХУ харилцан туслалцах тухай протоколд гарын үсэг зурж, түүнд заасны дагуу Монголын нутаг дэвсгэрт Хятадын хилтэй залгаа бүс нутагт Улаан армийн анги нэгтгэлүүдийг байрлуулжээ.1939 оны тавдугаар сард Японы зэвсэгт хүчин БНМАУ-ын төрийн хилийг зөрчин, нутаг дэвсгэрийн дотоод хэсэг рүү түрэн нэвтэрч эхэлжээ. Харин 1939 оны наймдугаар сарын эцэс гэхэд монгол, зөвлөлтийн цэрэг Халх голын бүс нутагт Японы гол хүчийг бүсэлж, бүрэн устгасан гайхамшигт цэргийн ажиллагаа явуулсан байна. Энэ үед хоёр улсын холбоотон цэрэг арми хамтын байлдааны үнэт туршлага хуримтлуулж, хоёр ард түмэн харилцан цэргийн тусламжид найдах бат итгэлтэй болсон билээ.Япон улс Зөвлөлт Холбоот Улс болон Бүгд Найрамдах Монгол Ард Улсын хүч чадлыг ухамсарласны дараа умард зүгт цаашид тэлэх бодлогоосоо татгалзав. Үүний оронд Японы цэргийн командлал өмнөд чиглэлд төвлөрч, Номхон далайн бүс нутгийн колонийг эзлэх зорилго тавьсан байна.Монгол адуу Рейхстаг хүртэл хүрсэн ньХалх голын тулалдаанаас хоёр жилийн дараа, 1941 оны зургадугаар сарын 22-нд нацист Герман Улс Зөвлөлт Холбоот Улсад халдан довтолсон байна. Тухайн өдөр Бүгд Найрамдах Монгол Ард Улс 1936 онд байгуулсан харилцан туслалцах протоколын хүрээнд хүлээсэн үүрэгтээ үнэнч байхаа албан ёсоор мэдэгдсэн бөгөөд уг протоколд «гэрээний талуудын аль нэгэнд нь зэвсэгт халдлага үйлдсэн тохиолдолд бие биедээ бүх талаар, цэргийн туслалцаа ч орсон, тусламж үзүүлэх» тухай заасан байдаг.«Дэлхийн хоёрдугаар дайны жилүүдэд Монгол Улс Зөвлөлт Холбоот Улсад ихээхэн тусламж үзүүлсэн юм. 1941 онд БНМАУ-д ЗХУ-д тусламж үзүүлэх ажлыг зохион байгуулах үүрэг бүхий Төв комисс байгуулагджээ. Монгол ард иргэд фронтын тусламжийн санд мөнгө хандивлаж, Улаан армийн байлдагчдад зориулан дулаан хувцас оёж, цусаа хандивлаж байсан байна. Монгол ардын хөрөнгөөр «Хувьсгалт Монгол» танкийн цуваа, «Монгол ард» нисэх онгоцны эскадрильбайгуулагдсан» тухай Москвагийн Улсын Их Сургуулийн Азийн болон Африкийн орнуудын хүрээлэнгийн дэд профессор Рустам Сабиров ярьжээ.1941–1945 оны хооронд Бүгд Найрамдах Монгол Ард Улсаас Зөвлөлт Холбоот Улсад хүмүүнлэгийн тусламжийн 11 цуваа илгээгдсэн байна. Ялангуяа фронтод монгол адуу онцгой үнэлэгдэн, Зөвлөлтийн танкуудтай хамт Берлин хүртэл хүрсэн юм.«Зөвлөлт Холбоот Улс харин өөрийн зүгээс 1920-иод оны эхнээс БНМАУ-д үйлдвэр, завод, зам, гүүр болон бусад байгууламж барихад тусалж, монгол оюутнуудыг Зөвлөлтийн их дээд сургуульд сурган, мэргэжилтнүүдийг Монголд илгээж байсан» хэмээн Сабиров онцлон тэмдэглэв.Социалист улсуудын найрамдал1945 оны тавдугаар сард Европт Дэлхийн хоёрдугаар дайн дууссан боловч Японы милитарист улс бууж өгөх бодолгүй байлаа. АНУ ба Их Британи эзэнт гүрний эсрэг гурав гаруй жил дайн явуулж байсан ч Зүүн зүгт эцсийн ялалт авчрах хүртэл зам хол байсан юм.1945 оны зун гэхэд Японы милитаристууд Бүгд Найрамдах Монгол Ард Улс болон Зөвлөлт Холбоот Улстай хиллэсэн дагуух нутаг дэвсгэрт 17 бэхлэгдсэн бүс байгуулжээ. Эдгээрийн нэг бүр нь фронтын дагуу 50–100 километрийн өргөн, дотоод гүн нь 50 километр хүртэл газар нутгийг хамарч байсан байна. Улаанбаатар, Москва хоёр Японтой дайнд зайлшгүй оролцохоос өөр гарцгүйг ойлгож байв.«Японы эсрэг ирэх дайны онцлог нь найрамдалт хоёр социалист улс болох Зөвлөлт Холбоот Улс, Бүгд Найрамдах Монгол Ард Улсын хамтын оролцоо байлаа. Хоёр ард түмний найрамдал, тэдний зэвсэгт хүчний эв санааны нэгдэл нь Зөвлөлт Холбоот Улс, БНМАУ-ын нутаг дэвсгэрийг удаа дараа халдан түрэмгийлж байсан Японы милитаризмын эсрэг хамтын тэмцлийн явцад бүрэлдэн бэхжиж байсан» хэмээн Зөвлөлт Холбоот Улсын маршал Александр Василевский дурсамждаа бичсэн байна.Нацист Герман Улсыг ялсны дараа гурван сарын дараа, 1945 оны наймдугаар сарын 8-нд Зөвлөлт Холбоот Улс Японы милитарист улсад дайн зарлаж, харин наймдугаар сарын 10-нд БНМАУ дайн зарласан байна.Хоёрдугаар дайсанМонгол Ардын Хувьсгалт Цэрэг Зөвлөлтийн зэвсэгт хүчний үйл ажиллагаатай уялдан хамтран дайны ажиллагаа явуулж байв. Монголын цэргийн хүчнийг Өвөр Байгалийн фронтын Цэргийн зөвлөлийн бүрэлдэхүүнд орсон маршал Хорлогийн Чойбалсан удирдаж байсан юм. Мөн МАХЦ-ийн зарим анги нэгтгэл Зөвлөлт–Монголын морьт механикжуулсан бүлгийн бүрэлдэхүүнд багтан, хошууч генерал Исса Плиевийн командлал дор тулалдаанд оролцсон байна.Монгол Ардын Хувьсгалт Цэрэг болон Өвөр Байгалийнфронтын цэргийн хүчний эсрэг Японы эзэн хааны Квантуны арми, Манж-го улсын эзэн хааны цэргийн анги нэгтгэлүүд, Мэнцзян улсын захирагчийн цэргийн бүлэглэлүүд тулгарч байв. Харин дөрөв дэх, хамгийн урьдчилан таамаглашгүй дайсан нь байгаль байсан юм.«Зөвлөлт–Монголын морьт-механикжуулсан бүлэг довтлон урагшлахдаа усгүй, давстай, нарны халуунд цалмагдсан Говь цөлөөр дайран туулах ёстой болсон юм. Хятадууд түүнийг «Шамо» гэж нэрлэдэг бөгөөд энэ нь «Үхлийн цөл» гэсэн утгатай. Манайх түүнийг «хоёрдугаар дайсан» хэмээн нэрийддэг байсан… Энэ цөл бидний хүчийг аль болохоор туйлдуулж, ихээхэн хохирол учруулан, ингэснээр дайсны байдлыг хөнгөвчлөхийг зорьсон мэт байлаа» хэмээн Өвөр Байгалийн фронтын Зөвлөлт–Монголын морьт-механикжуулсан бүлгийн командлагч, хошууч генерал Исса Плиев дурсаж байсан.Плиевийн бичсэнээр тухайн газрын онцгой нөхцөл нь цэргийн хүчинд тодорхой шаардлагуудыг тавьж байв. Жишээлбэл, цөлөөр довтлон урагшлах үеэр байрлал нууцлах болон агаарын довтолгооноос хамгаалах ажиллагаа ихээхэн хүндрэлтэй болж байсан байна.Хосгүй ажиллагааМонгол, Зөвлөлтийн армийн байлдагчид бүх бэрхшээлийг давж, хоёр долоо хоногоос богино хугацаанд усгүй хээр тал, Говь цөл, Их Хянганы нурууг нэвтрэн есөн зуу гаруй километр үргэлжилсэн урт марш хийжээ. Тэд дайсны бүлэглэлүүдийг бут ниргэн, Хятадын зүүн хойд нутгийн төв хэсэг рүү эрчимтэй давшилсан байна.«Манжуурын давшилтын ажиллагааны явцад монголын цэргүүд Зөвлөлтийн цэрэгтэй хамтран Өвөр Монгол болон Хятадын зүүн хойд нутгийн хэд хэдэн стратегийн чухал сууринг чөлөөлсөн. Тухайлбал, Долоннор (өнөөгийн Долунь), Калган (Жанчхайкоу) зэрэг газрыг чөлөөлснөөр Япон улс чухал тулгуур цэгүүд, харилцаа холбооны зангилаагаа алдаж, дайны төгсгөл ойртсон» хэмээн Сабиров тэмдэглэв.Тэрээр мөн энэхүү ажиллагаа нь цэргүүдийн өндөр сахилга бат, тэсвэр хатуужил, ёс суртахууны бэлтгэлийн ачаар боломжтой болсон гэдгийг нэмж хэлсэн байна.Энэ ажиллагаа нь олон талаар хосгүй бөгөөд логистик ба хангалтын хувьд хамгийн төвөгтэй ажиллагааны нэгэнд тооцогддог байлаа. Түүний амжилт нь урьдчилан сайн төлөвлөсөн зохион байгуулалт, оролцогчдын сахилга бат, тэвчээр, туршлагаас хамаарч байлаа. Бэлтгэл үеэс нь эхлэн ус, хүнсний агуулах байгуулж, сум хэрэглэл, түлш, усаар хангах ажиллагааг урьдчилан зохион байгуулсан байсан» хэмээн шинжээч дүгнэв.«Чөлөөлөлт. Ард түмэнд энх тайван авчирсан нь» төсөл нь Ерөнхийлөгчийн дэргэдэх Соёлын санаачлагыг дэмжих сангийн дэмжлэгтэйгээр хэрэгжиж байгаа бөгөөд милитарист Японыг ялсны 80 жилийн ой, Дэлхийн II дайн дууссаны ойг тэмдэглэх зорилготой юм.Зураг:Дэслэгч генерал Алексей Данилов, Зөвлөлт Холбоот Улсаас БНМАУ-д суугаа Онц бөгөөд Бүрэн эрхт Элчин сайд Иван Иванов болон БНМАУ-ын маршал Хорлоогийн Чойбалсан нар 17 дугаар армийн нэгэн ангид.Бүгд Найрамдах Монгол Ард Улс, 1945 оны 8 дугаар сарРИА Новости агентлагМонголын төлөөлөгчдийн тэргүүн, БНМАУ-аас ЗХУ-д суугаа Элчин төлөөлөгч, комиссар Жамсрангийн Самбуу (төвд) зөвлөлтийн дайчдын хамт.Аугаа Их Эх орны дайны жилүүдэд Жамсрангийн Самбуу БНМАУ-аас Зөвлөлт Холбоот Улсад хүнсний хангамж нийлүүлэх ажлыг зохион байгуулахад чухал үүрэг гүйцэтгэсэн юм.Зөвлөлт Холбоот Улс, 1943 онГригорий Капустянский / РИА Новости агентлагХянган–Мүкдэний давшилтын операци (1945 оны 8 дугаар сарын 9-нөөс 9 дүгээр сарын 2 хүртэл).Квантуны армийг бут цохих зорилгоор Өвөр Байгалийн фронтын цэргүүд Их Хянганы нурууг даван урагшилж байгаа нь.БНХАУ, 1945 оны 8 дугаар сарСемен Раскин / РИА Новости агентлагХянганы–Мүкдэний давшилтын операци (1945 оны 8 дугаар сарын 9-нөөс 9 дүгээр сарын 2 хүртэл).Квантуны армийг бут цохих зорилгоор Өвөр Байгалийн фронтын 9 дүгээр гвардын механикжуулсан корпусын танкчид Их Хянганы нурууг даван урагшилж буй нь.БНХАУ, 1945 оны 8 дугаар сарСемен Раскин / РИА Новости агентлаг1945 оны 8 дугаар сарын 18-нд Улаан армийн десантын анги Харбин хотод амжилттайгаар буун газарджээ. Уг ажиллагаа нь бууж өгсөн Японы цэргүүдийг богино хугацаанд зэвсэггүй болгох, аж үйлдвэрийн обьектууд, төмөр замын өртөөнүүд болон бусад стратегийн ач холбогдолтой байгууламжийг эвдрэл сүйтгэлээс хамгаалах, мөн эд хөрөнгийг гадагш хууль бусаар зөөвөрлөхийг таслан зогсоох зорилгоор зохион байгуулагдсан юм.БНХАУ, Харбин хот, 1945 оны 8 дугаар сарФёдор Левшин / РИА Новости агентлаг1945 оны наймдугаар сард Зөвлөлтийн 39 дүгээр армийн харьяа 113 дугаар явган цэргийн корпусын 262 дугаар дивизийн цэргүүдийн чөлөөлсөн Мүкдэний хорих лагериас суллагдсан олзлогсодтой Зөвлөлтийн офицерууд уулзаж буй нь. Уг лагерьт АНУ, Их Британи, Нидерланд, Австрали, Шинэ Зеландын зэвсэгт хүчний цэргүүд хоригдон байжээ.БНХАУ, Шэньян хот (хуучнаар Мүкдэн), Ляонин муж, 1945 оны 8 дугаар сарСемен Раскин / РИА Новости агентлагБууж өгч буй Японы Квантуны армийн цэргүүд Зөвлөлтийн офицерт зэвсгээ хүлээлгэн өгч байна.Газарт «Арисака» (99-р загвар) винтов, «Намбу» (11-р загвар) пулемёт зэрэг зэвсгүүдийг эмхлэн өрсөн байна.БНХАУ, Харбин, 1945 оны 8 дугаар сарЕвгений Халдей / РИА Новости агентлаг1945 оны 8 дугаар сарын 18-ны өдөр Зөвлөлтийн агаарын десантын ангиуд Харбин хотод амжилттайгаар газардлаа. Уг цэргийн ажиллагаа нь бууж өгсөн Японы цэргүүдийг богино хугацаанд зэвсэггүй болгох, аж үйлдвэрийн байгууламжууд, төмөр замын өртөөнүүд болон бусад стратегийн ач холбогдол бүхий обьектуудыг эвдрэл сүйтгэлээс хамгаалах, мөн үнэт эд хөрөнгийг гадагш хууль бусаар зөөвөрлөхийг таслан зогсоох зорилготой байв.БНХАУ, Харбин, 1945 оны 8 дугаар сарын 18Фёдор Левшин / РИА Новости агентлаг1945 оны 9 дүгээр сарын 2-ны өдөр Токио хотын буланд байрласан “Миссури” байлдааны хөлөг онгоцон дээр Япон бууж өгөх тухай Актад гарын үсэг зурсан нь Дэлхийн хоёрдугаар дайн албан ёсоор дууссаныг зарласан түүхэн мөч байв. Гарын үсэг зурах ёслолд дараах төлөөлөгчид оролцсон юм: Японы Эзэнт гүрний талаас Гадаад хэргийн сайд Шигэмицу Мамору, Ерөнхий штабын дарга Умэдзу Ёшидзиро; Холбоотны зэвсэгт хүчний талаас АНУ-ын армийн генерал, холбоотны зэвсэгт хүчний дээд ерөнхий командлагч Дуглас Макартур; Зөвлөлт Холбоот Улсыг төлөөлөн генерал-лейтенант Кузьма Николаевич Деревянко Актад гарын үсэг зурсан байна.Виктор Темин / РИА Новости агентлагМонгол Улсын улс төр, төрийн зүтгэлтэн, маршал, БНМАУ-ын баатар Хорлоогийн Чойбалсан.Бүгд Найрамдах Монгол Ард Улс, 1948 онИван Шагин / РИА Новости агентлагАлен Арман

БНМАУ ба ЗХУ Японы милитаризмыг бут цохисон нь

otgoo — Mon, 22 Sep 2025 10:02:21 +0800

Х.Нямбаатар: Хот, нийтийн аж ахуйн чиглэлээр хэрэгжүүлдэг зарим чиг үүргийг хорооны Засаг даргад шилжүүлнэ

zulaa — Mon, 25 Aug 2025 14:47:42 +0800

Нийслэлийн Засаг даргын дүүрэг, хороодын Засаг дарга нартай хийж буй гурав дахь уулзалт эхэллээ. Өмнө нь дөрөвдүгээр сарын 3-ны өдөр болон зургаадугаар сарын 19, 20-ны өдрүүдэд уг хэлэлцүүлэг болж, үүрэг даалгаврын хэрэгжилт болон хороодод хэрэгжиж буй төслүүдийн үр дүнг танилцуулсан юм.

Өнөөдрийн хэлэлцүүлэгт Монгол Улсын Ерөнхий сайд Г.Занданшатар оролцож, Засгийн газраас нийслэлийг хэрхэн дэмжих, бодлогын түвшинд хэрхэн уялдаж ажиллах талаар чиглэл өглөө. Монгол Улсын Ерөнхий сайд Г.Занданшатар “Монгол төрийг анхан шатанд төлөөлж, төр иргэнийг холбогч гүүр болж буй хороо, дүүргийн Засаг дарга нарт талархал илэрхийлж, ажлын амжилт хүслээ.

Харин нийслэлийн Засаг дарга бөгөөд Улаанбаатар хотын захирагч Х.Нямбаатар өмнөх хэлэлцүүлгээр өгсөн үүрэг, даалгаврын хэрэгжилтийг дүгнэж, хороодод хэрэгжүүлэх шинэ хөтөлбөрүүдийг танилцууллаа.

Хотын дарга Х.Нямбаатар “Бид анх гурван сарын өмнө хотод тулгамдаж буй асуудлыг хэлэлцэж, хийх ажлаа эрэмбэлэхээр уулзсан. Өнөөдөр нийтийн эзэмшлийн зам, талбайг чөлөөлөх чиглэлд ТҮЦ-үүдийг нүүлгэн шилжүүлсэн, орц, гарц чөлөөлөх ажил үр дүнтэй болсон. Явган хүний зам шинэчлэх ажил эрчимтэй үргэлжилж байна.

Цаашид гэр хороолол, орон сууцны хотхон, хорооллуудад нийтийн авто зогсоол байгуулах ажлыг эрчимжүүлнэ. Төр, хувийн хэвшлийн түншлэлээр хийх ажлуудыг эхлүүлнэ. Ирэх жилүүдэд дүүргийн Засаг дарга нарын зарим чиг үүрэг тэр дундаа хот, нийтийн аж ахуйн чиг үүргийг хорооны Засаг дарга нарт шилжүүлнэ” гэдгийг онцоллоо.

Хэлэлцүүлэгт нийслэлийн есөн дүүрэг, 204 хорооны Засаг дарга, удирдах албан тушаалтан, мэргэжилтнүүдийн төлөөлөл оролцож байна.

Банкны картыг нь хулгайлан 50-60 сая төгрөгийн гүйлгээ хийжээ

zulaa — Tue, 12 Aug 2025 16:51:06 +0800

Энэ оны 08 дугаар сарын 07-ны өдрийн 17:23 минутад “гудамжинд танилцсан 2 эмэгтэй миний гар утас, банкны картыг хулгайлаад 50-60 сая төгрөгийн зарлага гаргачихлаа” гэх дуудлага мэдээлэл цагдаагийн байгууллагад бүртгэгдсэн.

Тухайлбал иргэн ... нь архи согтууруулах ундааны зүйл хэрэглэсэн байдалтай нэр бүхий зочид буудалд байхад нь гудамжинд танилцсан 18-23 насны этгээдүүд орж ирэн гар утас, банкны картыг нь хулгайлан авч 51 сая төгрөгийн зарлага гаргасан гэх хэргийг Сонгинохайрхан дүүргийн цагдаагийн 3-р хэлтсээс мөрдөн шалгах ажиллагааг үргэлжлүүлэн явуулж байна.

Хулгайн гэмт хэрэг үйлддэг этгээдүүд нь хүний анхаарал сэрэмжгүй байдал, биеэ бүрэн хянах чадваргүй байдал зэргийг ашиглан гэмт хэргийг үйлддэг тул иргэд Та бүхэн өөрийн хувийн мэдээлэл, эд хөрөнгөө сайтар хамгаалах, үл таних хүмүүст дансны мэдээлэл болон картын нууц үгээ хуваалцахгүй байх, архи согтууруулах ундааны зүйлийг хэтрүүлэн хэрэглэхгүй байхыг цагдаагийн байгууллагаас сэрэмжлүүлж байна.

Ёс зүйтэй Монгол хүн бүр "Говь" компанийг бойкотлох хэрэгтэй!

zulaa — Mon, 04 Aug 2025 09:04:30 +0800

2025 оны долдугаар сарын 18-наас 19-нд шилжих шөнө Улаанбаатар хотын Сүхбаатар дүүргийн 3-р хороонд байрлах “Канте” шөнийн цэнгээний газрын гадна нэгэн иргэний биед бүлэглэн халдсан ноцтой хэрэг гарсан тухай мэдээлэл олон нийтийн сүлжээгээр тархаж, иргэдийн бухимдлыг өдөөж байна.

Тус хэрэгт “Таванбогд” группын ерөнхийлөгч Ц.Баатарсайханы хүү, “Говь” ХК-ийн гүйцэтгэх захирал Б.Амарсайхан холбогдсон гэх мэдээлэл цацагдаад буй. Мөн тэрбээр хэрэг гарсны дараа Монгол Улсаас оргон гарсан нь батлагдсан талаар эх сурвалжууд мэдээлсэн ч, компанийн зүгээс өнөөг хүртэл албан ёсны тайлбар хийгээгүй байна.

Нийгмийн сүлжээнд "Говь" компанийн бүтээгдэхүүнийг бойкотлох уриалга эрчимтэй тархаж, хэрэглэгчид хувь хүний ёс зүйгүй үйлдэл нь байгууллагын нэр хүнд, нийгмийн хариуцлагын асуудалтай салшгүй холбоотой гэж үзэж буйгаа илэрхийлж буй юм.

Хэрэглэгчийн ухамсартай сонголт, шударга ёс, хариуцлагын зарчимд тулгуурласан “cancel culture” буюу хариуцлагын соёлыг дэлгэрүүлэх цаг ирснийг олон хүн онцолж байгаа бөгөөд хэрэв хууль хяналтын байгууллагаас урьдчилсан үнэлгээ, хариуцлага тооцох алхам хийхгүй бол бойкот нь иргэний зүгээс үзүүлэх хариу арга хэмжээ болох юм.

Ёс зүйтэй Монгол хүн бүр "Говь"-ийг бүрэн бойкотлох хэрэгтэй!

С.Сарнай

сонин.мн

“Цусны даралт ихсэлтийн эсрэг аян” Булган аймагт үргэлжилж байна

zulaa — Fri, 01 Aug 2025 20:37:50 +0800

Монголчуудын гурван хүн тутмын нэг нь зүрх судасны өвчнөөр нас бардаг гэх тоо баримт бий. Эмнэлэгт хандах цаг завгүй яарч, өөрийгөө хойш тавьсаар, зөвхөн өвдсөн хойно л эмчид хандах хандлага өнөөгийн нийгэмд түгээмэл болсон.

Тиймээс энэ хандлагыг зогсоож, иргэдийнхээ эрүүл мэндийн төлөөх үйлсэд хувь нэмрээ оруулан урьдчилан сэргийлэх эрт илрүүлгийн үзлэгт хамруулж, мэдээлэл зөвлөмж хүргэх зорилгоор “Цусны даралт ихсэлтийн эсрэг аян”-ыг П.Н.Шастины нэрэмжит Улсын гуравдугаар төв эмнэлгийн санаачилга, ХААН Банк сангийн санхүүжилт дэмжлэгтэйгээр Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран уламжлал болгон хэрэгжүүлж ирсэн билээ.

Анх 2017 онд Булган аймагт хэрэгжиж байсан энэхүү аян энэ жил тус аймгийн иргэдэд дахин хүрч байна. 2024 оны судалгаагаар зүрх судасны өвчлөл нь Булган аймагт нас баралтын тэргүүлэх шалтгаануудын нэгээр бүртгэгджээ. Аяны хүрээнд иргэдийн эрүүл мэндийн эрсдэлийг үнэлэх, зөвлөгөө мэдээлэл өгөхөөс гадна, зорилтот бүлгийн иргэдийг зүрх судас, зүрхний шигдээс, мэдрэл, тархины харвалт, бөөр, хоол боловсруулах замын өвчлөл зэрэг чиглэлээр төрөлжсөн мэргэжлийн эмч нарын үзлэгт хамруулж байна. Мөн орон нутгийн эмч, мэргэжилтнүүдэд зориулсан орчин үеийн эмчилгээний аргазүйн сургалт зохион байгууллаа.

Аян 2025 оны 7-р сарын 31-нээс 8-р сарын 2-ны хооронд Сэлэнгэ аймгийн Мандал суманд үргэлжлэн хэрэгжих бөгөөд Сэлэнгийн Зүүнхараа нь цусны даралт ихсэлтийн өвчлөлийн эрсдэл өндөртэй тооцогддог бүс нутаг юм.

Монгол орны 21 аймгийг бүтэн тойрч, нийт 67,000 гаруй иргэнийг үзлэг, оношилгоонд хамруулж, 1,230 гаруй орон нутгийн эмч, мэргэжилтнийг чадавхжуулсан нь тус аяны бодит үр дүнг харуулж байна. Нийгмийн хариуцлагыг бодитоор хэрэгжүүлэгчийн хувиар ХААН Банк 2007 онд ХААН Банк санг байгуулж, өнөөг хүртэл нийт 523 төсөл, хөтөлбөрт 16.2 тэрбум төгрөгийн санхүүжилт үзүүлжээ. Үүнээс 2.5 тэрбум төгрөгийг зөвхөн эрүүл мэндийн чиглэлийн аян, хөтөлбөрүүдэд зарцуулсан нь иргэдийн амьдралд бодит үр өгөөж авчирсан ажлуудын нэг билээ.

Хамтын өсөлт төгөлдөр – ХААН Банк

Улаанбаатарт 5 хэм дулаан байна

otgoo — Mon, 31 Mar 2025 09:24:40 +0800

ЦУОШГ-ын мэдээгээр Даваа гаригт нутгийн зүүн хойд хэсгээр нойтон цас, цас орж, цасан шуурга шуурах тул үзэгдэх орчин хязгаарлагдаж, зам даваа гүвээнд халтиргаа гулгаа үүсэхийг анхааруулж байна.

Улаанбаатар хот орчмоор: Шөнөдөө үүл багасна, хур тунадас орохгүй. Өдөртөө үүлшинэ, үдээс хойшдоо ялимгүй хур тунадас орно.

Салхи баруунаас баруун хойш эргэж секундэд 5-10 метр, зарим үед секундэд 12-14 метр хүрч ширүүснэ.

Шөнөдөө Яармаг-Сонгины орчмоор -11…-13 градус, бусад хэсгээр -6…-8 градус хүйтэн, өдөртөө +5…+7 градус дулаан байна.

Багануур орчмоор: Шөнөдөө үүл багасна. Өдөртөө үүлшинэ. Хур тунадас орохгүй. Салхи баруунаас баруун хойш эргэж секундэд 5-10 метр, зарим үед секундэд 13-15 метр хүрч ширүүсэж, явган шуурга шуурна. Шөнөдөө -10…-12 градус хүйтэн, өдөртөө +5…+7 градус дулаан байна.

Тэрэлж орчмоор: Шөнөдөө үүл багасна, хур тунадас орохгүй. Өдөртөө үүлшинэ, ялимгүй хур тунадас орно. Салхи баруунаас баруун хойш эргэж секундэд 5-10 метр, зарим үед секундэд 12-14 метр хүрч ширүүснэ. Шөнөдөө -10…-12 градус хүйтэн, өдөртөө +3…+5 градус дулаан байна.

Бага ангиудын сурах бичгийг шинэчилснээр сурагчдын цүнх хөнгөрч, гэрийн даалгавар буурна

zulaa — Fri, 24 Jan 2025 19:38:55 +0800

Сургуулийн өмнөх болон бага боловсролын сургалтын хөтөлбөрийн шинэчлэлт үргэлжилж байна.

Энэ хүрээнд сурах бичгүүдийг шинээр боловсруулж буй. Бага ангийн сурагчдад зориулсан шинэ сурах бичиг нь гарын авлага, дасгалын ажлын дэвтэртэй байх юм.

Гарын авлагыг ангидаа ашиглаж, голчлон онолын мэдлэгт суралцана. Харин дасгал ажлын дэвтэртээ ангидаа ажиллахаас гадна гэрийн даалгавраа хийнэ. Ингэснээр "Нэгдүгээрт цүнхний жин буурна. Хоёрдугаарт гэрийн даалгавар багасна. Хүүхэд зөвхөн дасгал ажлын дэвтрээсээ гэрийн даалгавраа хийх шийдэлтэй" хэмээн Боловсролын Судалгааны Үндэсний Хүрээлэн(БСҮХ)-гийн захирал, доктор М.Итгэл танилцуулав.

Түүнчлэн Хүн ба байгаль, Хүн ба нийгэм, Иргэний ёс зүйн боловсрол зэрэг хичээлийг нэгтгэж, 1-2 дугаар ангид Би монгол хүн нэртэйгээр орох бол 3-5 дугаар ангид Миний эх орон нэртэй хичээл болж оруулахаар агуулгын тохирц нийцлийг шалгаж байгаа аж.

Улаанбаатар хот орчмоор шөнөдөө үүлшиж ялимгүй цас орно

otgoo — Tue, 14 Jan 2025 10:47:24 +0800

Нэгдүгээр сарын 14-нд нутгийн зүүн хэсгээр солигдмол үүлтэй.

Шөнөдөө Хэнтийн уулархаг нутаг, Дарьгангын тал нутгаар, өдөртөө Халх голын сав газраар цас орно. Бусад нутгаар багавтар үүлтэй. Цас орохгүй.

Салхи ихэнх нутгаар баруун хойноос секундэд 4-9 метр, говь, талын нутгаар секундэд 12-14 метр хүрч ширүүснэ.

Улаанбаатар хот орчмоор: Шөнөдөө үүлшинэ, ялимгүй цас орно. Өдөртөө үүл багасна, цас орохгүй. Салхи баруун хойноос секундэд 4-9 метр. Шөнөдөө Яармаг-Сонгины орчмоор -31…-33 градус, бусад хэсгээр -24…-26 градус, өдөртөө -14…-16 градус хүйтэн байна.

Багануур орчмоор: Шөнөдөө үүлэрхэг, өдөртөө үүл багасна. Цас орохгүй. Салхи баруун хойноос секундэд 5-10 метр. Шөнөдөө -26…-28 градус, өдөртөө -13…-15 градус хүйтэн байна.

Тэрэлж орчмоор: Шөнөдөө үүлшинэ, ялимгүй цас орно. Өдөртөө үүл багасна, цас орохгүй. Салхи баруун хойноос секундэд 3-8 метр. Шөнөдөө -28…-30 градус, өдөртөө -14…-16 градус хүйтэн байна.

Төмөр замын агентлаг байгуулахыг дэмжлээ

otgoo — Wed, 08 Jan 2025 11:50:28 +0800

Улсын Их Хурлын Төрийн байгуулалтын байнгын хорооны өнөөдрийн /2025.01.07/ хуралдаанаар Монгол Улсын Их Хурлын 2024 оны намрын ээлжит чуулганаар хэлэлцэх асуудлын жагсаалтад ороогүй хууль, тогтоолын төслүүдийг чуулганаар хэлэлцүүлэх эсэх асуудлыг хэлэлцлээ.

Монгол Улсын Их Хурлын чуулганы хуралдааны дэгийн тухай хуульд заасны дагуу Монгол Улсын Засгийн газраас 2024 оны 12 дугаар сарын 27-ны өдөр өргөн мэдүүлсэн Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, “Батлан хамгаалахын техник, тоног төхөөрөмж болон технологи шилжүүлэх тухай Монгол Улсын Засгийн газар, Япон Улсын Засгийн газар хоорондын хэлэлцээр”-ийг соёрхон батлах тухай хуулийн төслүүдийг хэлэлцэх эсэх асуудлаар санал хураалт явуулахад хуралдаанд оролцсон гишүүдийн олонх дэмжлээ.

Дараа нь “Тогтоолын хавсралтад нэмэлт оруулах тухай” Улсын Их Хурлын тогтоолын төслийн хэлэлцэх эсэх асуудлыг хэлэлцэв.

Тогтоолын төслийн талаар Зам, тээврийн сайд Б.Дэлгэрсайхан танилцууллаа. Тэрбээр, Улсын Их Хурлын чуулганы 2023 оны 07 дугаар сарын 07-ны өдрийн нэгдсэн хуралдаанаар Төмөр замын тээврийн тухай хуулийн шинэчилсэн найруулгыг баталсан бөгөөд тус хуулийн 10 дугаар зүйл, Улсын Их Хурлын 2023 оны 07 дугаар сарын 07-ны өдрийн 72 дугаар тогтоолд “төмөр замын тээврийн үйл ажиллагаатай холбоотой хяналт, зохицуулалтыг хэрэгжүүлэх чиг үүрэг бүхий Засгийн газрын хэрэгжүүлэгч агентлаг байх”-аар тус тус заасан.

Гэвч Улсын Их Хурлын 2024 оны 13 дугаар тогтоолын хавсралтаар “Төрийн захиргааны байгууллагын тогтолцоо, бүтцийн ерөнхий бүдүүвч”-ийг шинэчлэн батлахдаа Засгийн газрын хэрэгжүүлэгч агентлаг-Төмөр замын газрыг тусгалгүй орхигдуулсан хэмээлээ.

Сайд Д.Дэлгэрсайхан, ОХУ, БНХАУ болон төмөр замын чиглэлээр идэвхтэй харилцдаг бусад улс орнууд төмөр замын тээврийн үйл ажиллагаанд хяналт зохицуулалтыг хэрэгжүүлэх чиг үүрэг бүхий хэрэгжүүлэгч агентлаг буюу Төмөр замын газартай байдаг. Манай улс хөрш орнуудтай ижил түвшний байгууллага байхгүй, тус үүргийг “Улаанбаатар төмөр зам” хувьцаат нийгэмлэг гүйцэтгэсээр ирсэн гэлээ.

Сүүлийн 10 гаруй жилийн хугацаанд төмөр замын тээврийн салбарт өмчийн олон хэлбэр бүхий хуулийн этгээд бий болж хэрэглэгчийн тоо өссөн бөгөөд 2007 онд хууль батлагдаж байх үед суурь бүтэц эзэмшигч, тээвэрлэгч нэг байсан бол өдгөө суурь бүтэц эзэмшигч 4, тээвэрлэгч 4, суурь бүтэц барих, угсрах эрх бүхий 253, дагнасан болон салбар зам, талбай, хөдлөх бүрэлдэхүүний эзэмшигч 250 орчим болж нэмэгдэн, төмөр замаар тээвэрлэсэн ачааны хэмжээ 14.8 сая тонн байсан бол 2024 оны байдлаар 42.5 сая тонн болж 2.8 дахин өсчээ. Энэ салбарт нийт 15 мянга орчим хүн 1115 км замыг хариуцан ажиллаж байсан бол ойрын үед хэрэгжихээр шийдвэр гарсан төмөр замуудтай нийлээд сүлжээний нийт урт 4200 км болж 3.7 дахин өссөн байна. Энэ хэрээр ажиллах хүчний тоо 50 мянга болж 3.3 дахин нэмэгдэх тооцоолол гарч байгааг сайд тодотгосон.

Зам тээврийн сайдын эрхлэх асуудлын хүрээнд байгуулагдах Төмөр замын газар нь өсөн нэмэгдсээр байгаа тээврийн хэрэгцээг хангах, төмөр замын суурь бүтцүүдийн галт тэрэгний хөдөлгөөнийг зохион байгуулж, нэгдсэн удирдлагаар хангах, суурь бүтцийн үйлчилгээ үзүүлэгч болон тээвэрлэгч хоорондын харилцааг зохицуулах, төмөр замын тээврийн аюулгүй байдлыг хангах, салбарын боловсон хүчнийг мэргэшүүлэх, төмөр замын суурь бүтэц, хөдлөх бүрэлдэхүүний паркийг шинэчлэх, тээврийн сүлжээг өргөжүүлэх, төмөр замын чиглэлийн судалгаа, шинжилгээ, шинжлэх ухаан, технологи, инновацыг нэвтрүүлэх, олон улсын хамтын ажиллагааг хөгжүүлэх, үйлчилгээний чанар, хүртээмжийг сайжруулах, төмөр замын салбарт мөрдөх дүрэм, журам, стандартыг боловсронгуй болгох, төмөр замын тээврийн үйлчилгээнд оролцогч олон өмчийн хэлбэрийн хуулийн этгээдийн зах зээлийн өрсөлдөөний тэгш байдлыг хангах, төр, хувийн хэвшлийн түншлэлийг бэхжүүлэх зэрэг үйл ажиллагааг хэрэгжүүлэх аж. Засгийн газрын хэрэгжүүлэгч агентлаг-Төмөр замын газрыг байгуулахдаа Зам, тээврийн сайдын 2025 оны төсөвт багтаан “Галт тэрэгний хөдөлгөөний зохицуулалтын нэгдсэн төв” улсын үйлдвэрийн газрыг татан буулгаж, Зам, тээврийн яамнаас агентлагийн чиг үүргийг хэрэгжүүлдэг тодорхой тооны орон тоог шилжүүлэх замаар улсын төсөвт дарамт учруулахгүйгээр байгуулахаар төлөвлөсөн байна.

Хэлдэлцэж буй асуудалтай холбогдуулан УИХ-ын гишүүд асуулт асууж, байр сууриа илэрхийлсэн бөгөөд хуралдаанд оролцсон гишүүдийн олонх тогтоолын төслийг хэлэлцэхийг дэмжив.

Мөн хуралдаанаар “Жамсрангийн Самбуугийн алдар гавьяаг мөнхжүүлэх, түүний мэндэлсний 130 жилийн ойг тэмдэглэн өнгөрүүлэх талаар авах зарим арга хэмжээний тухай” Улсын Их Хурлын тогтоолын төслийн анхны хэлэлцүүлгийг явууллаа. Анхны хэлэлцүүлэгтэй холбогдуулан асуулт гараагүй бөгөөд УИХ-ын гишүүдээс гаргасан төслийн нэрийг өөрчлөх, зарим заалтыг өөрчлөн найруулах зарчмын зөрүүтэй саналын томьёоллуудаар санал хураалт явуулан, Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтлоо

Засгийн газар хуралдаж байна

otgoo — Wed, 08 Jan 2025 11:04:42 +0800

Долоо хоног бүрийн Лхагва гаригт Засгийн газрын ээлжит хуралдаан болдог. Өнөөдрийн /2025.01.08/-ны Засгийн газрын ээлжит хуралдаанаар төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл, -“Газрын тос боловсруулах үйлдвэр барих төсөл”-ийн нэмэлт санхүүжилтийн зээлийн хэлэлцээрийн тухай, Нийслэл Улаанбаатар хотын агаар, орчны бохирдлыг бууруулах арга хэмжээний тухай хуулийн төсөл, -Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө батлах тухай” Улсын Их Хурлын тогтоолын төсөл, Төрийн өмчит компаниудын 2025 оны бизнес төлөвлөгөө, төсвийн төлөвлөгөө зэрэг 30 гаруй асуудал хэлэлцэж байна.

Австралид нийт 241 км урттай 16 төлбөртэй авто зам байдаг

otgoo — Wed, 08 Jan 2025 10:56:24 +0800

Австрали улсын хамгийн анхны төлбөртэй зам болох Сидней–Паррамата авто зам 1811 онд баригдаж байжээ. Мөн 1932 онд Сиднейн боомтын төлбөртэй гүүрийг мужийн захиргаанаас барьжээ. Улмаар 1990-ээд оны эхэн үеэс эхлэн төлбөртэй замын төслүүдэд хувийн хэвшлийг түлхүү оруулж эхэлснээр Австралийн төлбөртэй замын сүлжээг хөгжүүлэх үндэс суурь бүрэлдсэн байна.

2022 оны байдлаар Австралид нийт 241 км урттай 16 төлбөртэй авто зам байгаагийн дийлэнх нь төр, хувийн хэвшлийн түншлэлийн хүрээнд юм.

Эдгээр замууд нь дараах ангилалд хамаардаг:

Боомтын болон гүүрэн замууд: богино зайтай, гүүр болон нүхэн зам, дунд зэргийн ачаалалтай
Нүхэн гарцууд: 2-7 км-ийн урттай богино зайтай, томоохон суурин газруудад түгжрэлээс сэргийлэх зорилготой
Хот доторх замууд: хол зайтай, гол замууд

Австралид дээрх төлбөртэй замууд дийлэнх тогтсон ханштай бөгөөд бүх төлбөрийг электроноор, тээврийн хэрэгслүүдэд байрлуулсан "e-TAG" хүлээн авагчаар дамжуулан хурааж байна. Зарим замуудад зорчсон хэмжээгээр төлдөг бол заримд нь цагийн байрлал, 7 хоногийн өдрүүдээс хамаарч өөр өөр ханштай байдаг. Тухайлбал, хот доторх төлбөртэй замууд нь хамгийн хямд буюу зорчсон км тутамдаа төлбөр төлөхөөр зохицуулагджээ.

Төлбөрийн хэмжээний хувьд тогтсон ханшаар, зорчсон хэмжээгээр, цаг, өдрөөс хамаарах зэрэг 3 төрлөөр ангилагддаг. Нийт 16 төлбөртэй зам байгаагийн 13-д нь тогтсон ханшаар болон цаг, өдрөөс хамаарч замыг бүхэлд нь болон зарим хэсгийг ашиглахад төлбөр төлнө.

Эдгээр замуудаар нэг удаагийн зорчилтод бага оврын тээврийн хэрэгсэл буюу мотоцикл, суудлын авто машинууд 2022 оны байдлаар 0.90 – 8.56 ам.доллар төлөх бол хүнд оврын тээврийн хэрэгсэл буюу ачааны авто машин, автобус 2.72–25.33 ам.долларын төлбөр төлдөг. Зорчсон хэмжээгээр төлдөг замууд дээр бага оврын тээврийн хэрэгслүүд км тутамд 0.42–0.54 ам.доллар бөгөөд дээд тал нь 7.52 – 8.86 ам.доллар төлөх бол хүнд овортой тээврийн хэрэгслүүд хөнгөн оврынхоос 3 дахин ихийг төлдөг байна.

Австралид төлбөртэй замуудын сүлжээг хөгжүүлэх үндсэн зорилго нь эдийн засгийн өсөлтийг дэмжих байсан. Түүнчлэн авто замын түгжрэлийг багасгахаас илүүтэйгээр тээврийн хэрэгслийн зорчилтыг нэмэгдүүлэх, төсөвт ачаалал өгөхгүйгээр авто замын сүлжээг өргөтгөх, бизнесийн орчныг сайжруулах зэрэг зорилготой байжээ. Төлбөртэй замуудыг ашиглалтад оруулснаар бусад замуудын авто хөдөлгөөний ачаалал буурсан, түгжрэл багассан талаарх судалгаа ховор байгаа ба харин эдийн засгийн үр ашгийн хувьд хэд хэдэн судалгаа хийж байжээ.

2008 онд Эрнст Ёнг байгууллагаас хийсэн судалгаагаар дээрх төлбөртэй авто замууд нь хэрэглэгч нарт 30.8 тэрбум ам.долларын шууд ашгийг өгч буй. Үүний 80 хувь нь зорчилтын хугацааны хэмнэлт байна гэж тооцоолжээ. Мөн "KPMG" судалгааны байгууллагын 2014 онд хийсэн судалгаагаар, хэрэглэгчид 38.3 тэрбум ам.долларын шууд ашгийг хүртэж (үүний 60 хувь нь цаг хэмнэсэн ашиг), эдийн засагт 13.3 тэрбум ам.доллараар үнэлэгдэх бусад ашиг тусыг өгч байна гэжээ.

Мөрдөн шалгах хэлтсээс 6 объектод нэгжлэг хийв

otgoo — Tue, 07 Jan 2025 14:34:33 +0800

Авлигатай тэмцэх газрын Мөрдөн шалгах хэлтэс 2024 оны 12 дугаар сарын 30-наас 2025 оны 1 дүгээр сарын 5-ны өдрүүдэд гэмт хэргийн шинжтэй 10 гомдол, мэдээллийг шалгав.

Үүнээс 2 гомдол, мэдээлэлд хэрэг бүртгэлтийн хэрэг нээх, 1 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 6 гомдол, мэдээллийг хянан шалгаж байна.

Түүнчлэн эрүүгийн 854 хэрэгт мөрдөн байцаалтын ажиллагаа явуулснаас өнгөрсөн долоо хоногт 5 хэргийг шүүхэд шилжүүлэх, 4 хэргийг хаах, 2 хэргийг харьяаллын дагуу шилжүүлэх саналтай прокурорт хүргүүлэв. Мөрдөн шалгах ажиллагаанд одоогоор 843 хэрэг шалгагдаж байна.

Мөрдөн шалгах ажиллагааны хүрээнд орон нутагт болон нийслэлд 6 объектод нэгжлэг хийв.

Залуу бөхчүүдэд допингийн эсрэг сургалт зохион байгуулжээ

otgoo — Thu, 07 Nov 2024 15:46:56 +0800

Батлан хамгаалах яамны харьяа Зэвсэгт хүчний "Алдар" спорт хорооноос сумын цолтой залуу бөхчүүдийн дунд сар бүр уламжлал болгон зохион байгуулдаг "Алдарын цом" бөхийн барилдааны үеэр Монголын Үндэсний Допингийн Эсрэг байгууллагаас допингийн эсрэг сургалтыг өнөөдөр /2024.11.07/ зохион байгууллаа.

Тус сургалтаар:

Тамирчны эрх болон үүрэг
Допингийн эсрэг дүрмийн зөрчил
Эм тариа болон хүнсний нэмэлтийн талаарх зөвлөгөө
Допингийн хяналт процесс гэж юу вэ? гэсэн сэдвийн хүрээнд "Алдар" спорт хорооны Үндэсний бөхийн тамирчид хамрагдсан юм.

Шанхайн айлчлал чуулганы хуралдааныг тасалдуулав

otgoo — Thu, 07 Nov 2024 10:14:47 +0800

Долоо хоног бүрийн Пүрэв, Баасан гаригт УИХ-ын нэгдсэн чуулган хуралддаг товтой. Тэгвэл өнөөдөр /2024.11.07/ УИХ-ын чуулган хуралдахгүй. Учир нь Монгол Улсын Ерөнхий сайд Л.Оюун-Эрдэнэ БНХАУ-д ажлын айлчлал хийж, Хятадын олон улсын импортын VII Экспо-д оролцохоор энэ сарын 4-ний өдөр явсан юм. Монгол Улсын Ерөнхий сайдын ажлын хэсэгт Засгийн газрын есөн гишүүн, УИХ-ын 11 гишүүн багтсан байна. Тухайлбал,

Монгол Улсын Тэргүүн шадар сайд бөгөөд Эдийн засаг хөгжлийн сайд Л.Гантөмөр
Монгол Улсын Гадар сайд Т.Доржханд
Монгол Улсын Шадар сайд С.Амарсайхан
Монгол Улсын сайд, Хяналт үнэлгээний, Үндэсний хорооны дарга Э.Одбаяр
Монгол Улсын сайд, Боомтын сэргэлтийн үндэсний хорооны дарга Б.Тулга
Монгол Улсын сайд, 20 минутын хот үндэсний хорооны дарга Р.Эрдэнэбүрэн
Аж үйлдвэр, эрдэс баялгийн сайд Ц.Туваан
Зам тээврийн сайд Б.Дэлгэрсайхан
Цахим хөгжил, инноваци, харилцаа холбооны сайд Ц.Баатархүү
УИХ-ын гишүүн С.Ганбаатар
УИХ-ын гишүүн Ж.Золжаргал
УИХ-ын гишүүн Ч.Ундрам
УИХ-ын гишүүн Э.Бат-Амгалан
УИХ-ын гишүүн Б.Батбаатар
УИХ-ын гишүүн Э.Болормаа
УИХ-ын гишүүн Д.Ганбат
УИХ-ын гишүүн Б.Жаргалан
УИХ-ын гишүүн Ч.Лодойсамбуу
УИХ-ын гишүүн Г.Лувсанжамц
УИХ-ын гишүүн Б.Найдлаа
УИХ-ын гишүүн Б.Энхбаяр
УИХ-ын гишүүн Д.Пүрэвдаваа гэсэн бүрэлдэхүүнтэй УИХ, Засгийн газрын 22 гишүүн Ерөнхий сайдын БНХАУ-д хийсэн айлчлалд багтжээ.

УИХ-ын нэгдсэн чуулганы Пүрэв гаригийн хуралдааныг хуралдуулах тов албан ёсоор тогтоогоогүй нь УИХ, ЗГ-ын гишүүдийн 17.4 хувь нь Ерөнхий сайдыг дагалдан гадаад томилолттой байгаатай холбоотой байх магадлал өндөр байна.

Засгийн газраас УИХ-д өргөн мэдүүлсэн Монгол Улсын 2025 оны төсвийн төслийг хуульд заасны дагуу арваннэгдүгээр сарын 15-ны өдөр хэлэлцэн батлах учиртай.

Өөрөөр хэлбэл, ирэх долоо хоногийн Баасан гаригт төсөв эцэслэгдэн батлагдах юм. Тэгвэл сүүлийн өдрүүдэд ирэх оны төсөвтэй холбоотой олон шүүмжлэл нийгэмд өрнөж, төсвийн урсгал зардлын хувь хэмжээг бууруулах, төсвийн ерөнхийлөн захирагч нар, Засгийн газрын сайд нарын төсвөөс танах ёстой гэх шүүмжлэл нийгэмд өрнөөд байгаа юм. Төсөв хэлэлцэн батлах хуулийн хугацаа болоход ердөө долоо хоног үлдээд байна. Үлдсэн хугацаанд ирэх оны төсвийг олон талаас нь хэлэлцэж, үр ашиггүй зардал багатай төсөв баталж чадах эсэх нь анхаарал татаж байна. Дашрамд дурдахад, ирэх 2025 оны төсөвт томилолт, зочны зардалд 111 тэрбум төгрөг төсөвлөсөн нь энэ оноос даруй дөрөв дахин өссөн үзүүлэлт гэдгийг зарим гишүүн шүүмжлээд байгаа юм.

ХААИС Хятадын ном уншлагын танхимтай боллоо

otgoo — Mon, 04 Nov 2024 17:50:10 +0800

Монгол-БНХАУ-ын хооронд дипломат харилцаа тогтоосны 75 жилийн ой энэ онд тохиож байгаатай холбогдуулан “Хятад орныг танин мэдэх нь” Өвөр Монголын соёлын өдрүүдийг зохион байгуулж байгаа билээ. Уг арга хэмжээ хоёр дах өдрөө үргэлжилж олон олон хүүхэд залуучуудад хүрсээр байна. Тодруулбал Хятадын ном уншлагын танхимыг Хөдөө аж ахуйн их сургууль дээр байгуулж өнөөдөр буюу арван нэгдүгээр сарын 4-ний өдөр нээлтээ хийлээ. Ингэхдээ Хятад орныг сонирхон судалдаг оюутан залуус төдийгүй манай улсад суралцдаг Өвөр Монгол, Хятад оюутнуудад зориулж төрөл бүрийн ном, сурах бичгээр баяжуулсан юм. Нээлтийн ёслолд оролцсон залуус хоёр улсын түүх, соёлын талаар сурч боловсроход илүү дөхөм болж байгааг онцоллоо.

Санхүүгийн сахилга батгүй иргэнийг хил дээр гацаах уу?

zulaa — Tue, 22 Oct 2024 10:57:25 +0800

Монгол Улс иргэдээ санхүүгийн сахилга бат хэр сахиж байгаагаас нь шалтгаалан онооны системээр үнэлдэг олон улсын схемийг хэрэгжүүлэн, хилээр гарах эсэхийг нь ч шийддэг болж мэдэх нь ээ.

Тодруулбал, УИХ-ын чуулганы нэгдсэн хуралдаанаар өчигдөр /2024.10.17/ Төрөөс мөнгөний бодлогын талаар 2025 онд баримтлах үндсэн чиглэл батлах тухай УИХ-ын тогтоолын төслийг хэлэлцэх үеэр дээрх асуудал хөндөгдлөө.

Монголбанкны ерөнхийлөгч Б.Лхагвасүрэнгийн тайлбараар бол УИХ-аас 2012 онд Зээлийн мэдээллийн сангийн тухай хууль баталсан нь хэрэгжээд явж буй. Энэхүү хуулийн хүрээнд Сайн скор, Бүрэн скор гэдэг хоёр компани зээлийн оноо, зэрэглэл тогтоодог эрх аваад үйл ажиллагаа явуулж буй. Сайн скор гэдэг компани нь АНУ -д ашигладаг Файко гэдэг аргачлалыг Монголд нэвтрүүлж байгаа. Уг аргыг нэвтрүүлж эхлээд сар болж буй. АНУ –д иргэн нь регистрийн дугаар, төрсөн он сар, Файкогийн оноог цээжлээд явж байхад бүх л бүтээгдэхүүн үйлчилгээн дээр нөлөөтэй байдаг бөгөөд дэлхийд туршлага болжээ. Файкогийн системээр зээлдэгчид 600 хүртэлх оноог өгч эхэлнэ.

Одоо бол Монголбанкны Зээлийн мэдээллийн санд иргэний банкны зээлээс гадна банк бус санхүүгийн байгууллагаас авсан зээл, үүрэн телефоны төлбөр, ус, дулаан, цахилгааны төлбөр төлөгдсөн эсэх талаарх бүхий л мэдээлэл цугладаг бөгөөд хар жагсаалт гэх хэллэгтэй болсон. Харин дээрх онооны системд шилжсэнээр хувь хүн болгонд оноо өгөөд явна.

Хамгийн өндөр оноо буюу 600 оноотой зээлдэгч нь хөнгөлөлттэй буюу сайн нөхцөлтэй зээл авна. Харин муу оноотой бол бусад улсын жишгээр хил давах хүртэл нь хилийн байцаан өнгөрүүлэх дээр хүртэл энэ оноо нь үйлчилдэг байх зохицуулалт үйлчилнэ.

Монголбанкны хувьд Зээлийн мэдээллийн сангийн тухай хуулийг илүү сайжруулах шаардлагатай гэж үзэж байгаа бөгөөд ирэх онд уг хуулийн төслийн нэмэлт өөрчлөлтийг УИХ-д өргөн барих юм байна. Иймээс энэхүү хуульд нэмэлт өөрчлөлт орж, онооны систем бүрэн утгаараа хэрэгжээд эхлэхээр санхүүгийн сахилга бат сахидаггүй иргэдийг хилээр гарахыг нь хязгаарлах хүртэл зохицуулалт үйлчилж мэдэх ажээ.

Зээлийн нөхцөл байдлыг авч үзвэл, Үндэсний статистикийн хорооны мэдээгээр энэ оны наймдугаар сарын байдлаар банкны салбар дахь зээл 34.5 их наяд төгрөг болж, өмнөх оны мөн үеэс 8.6 их наяд төгрөгөөр өссөн байна.

Зээлийн өрийн үлдэгдлийн 60 хувийг иргэд, 38.3 хувийг хувийн байгууллага, 0.7 хувийг төрийн, нэг хувь нь санхүүгийн болон бусад байгууллагынх эзэлж буй. Нийт зээлийн үлдэгдлийн 90.5 хувь нь хэвийн бол 3.8 хувийг анхаарал хандуулах зээл, 5.7 хувийг чанаргүй зээл эзэлж байгаа аж.

Санхүүгийн зохиуулах хорооны мэдээлснээр энэ оны хоёрдугаар улирлын байдлаар 549 банк бус санхүүгийн байгууллага үйл ажиллагаа явуулж байна. Салбарын нийт зээлийн багц 4.6 их наяд төгрөгт хүрсэн бөгөөд өмнөх оны мөн үетэй харьцуулахад 47.7 хувь буюу 1.5 их наяд төгрөгөөр өсчээ. Үүнээс 90.8 хувийг хэвийн зээл, 3 хувийг хугацаа хэтэрсэн зээл, 6.2 хувийг чанаргүй зээл эзэлж байна. Өөрөөр хэлбэл, банк болон банк бус санхүүгийн байгууллага дахь чанаргүй зээлийн хэмжээ өмнөх онуудтай харьцуулахад буурсан байгаа юм. Гэхдээ сүүлийн жилүүдэд аппликэйшний зээлтэй иргэдийн тоо өндөр хувь эзлэх болсон. Оноолтын системд эл зээлийг багтаах уу гэдгээс эхлээд олон зүйлийг тодорхой болгох шаардлага тулгарч буй юм.

Уг нь оноолтын энэхүү систем нь олон улсад хэрэгжээд удаж буй бөгөөд санхүүгийн сахилга бат сайн сахидаг иргэдийн хувьд хүү багатай зээл авах, мөн богино хугацаанд зээлийн хүсэлтээ шийдвэрлүүлж авах зэрэг давуу тал олон байдаг аж. Харин Монголд энэхүү систем нэвтрээгүйгээс муу зээлдэгч, хариуцлагатай зээлдэгч хоёрт ижил төрлийн хүүтэй зээлийг банкууд санал болгодог. Хэрвээ энэ систем сонгодог утгаараа хэрэгжээд эхэлбэл авсан зээлээ цаг хугацаандаа төлдөг иргэн бага хүүтэй зээл авах нөхцөл бүрдэх төдийгүй зээлийн хүү буруулахад ч ач холбогдол өгнө гэж зарим УИХ-ын гишүүн үзэж байна.

Гэхдээ Монголд эл систем хэрэгжихэд амаргүй, эсэргүүцэлтэй тулж мэдэх аж. Жишээ татвал, СӨХ-ийн төлбөрөөс эхлээд гар утасны төлбөрөө цаг хугацаандаа төлдөггүй иргэд хэдэн мянгаараа бий. Дээр нь аж ахуй нэгжүүд нь татвар, НДШ-ийн олон тэрбум төгрөгийн өртэй байх нь элбэг. Тэр бүгдийн хилээр гарахыг нь хязгаарлах хүртэл арга хэмжээ авах зохицуулалт үйлчлэх болбол хүлээн зөвшөөрөх нь хэд бол гэдэг асуудал ч хөндөгдөж буй юм. Нөгөөтэйгүүр, иргэн СӨХ-ийн төлбөрөө цаг хугацаандаа төлдөг ч СӨХ-ийн дарга нь дунд нь зувчуулснаас хохирч буй иргэд олон. Гэтэл дунд нь цавчаа үүсгэж байгаа хариуцлаггүй иргэнээс болж бусад иргэн хилээр гарах эрхгүй болох эрсдэл тулах вий гэдэг болгоомжлол ч дагуулж байна.

Г.ХОРОЛ

https://news.mn/r/2758845/

"Намрын Хит - 2024" шилдгийн шилдэг тоглолт тун удахгүй

otgoo — Tue, 15 Oct 2024 08:46:16 +0800

Нэрийг нь сонсох төдийд л өөрийн эрхгүй танил дотно мэдрэмж төрүүлдэг зүйлс гэж бий.

"Намрын Хит", "Хаврын Хит" тоглолтууд яг л энэ тодорхойлтод яв цав нийцэх, үзэгч түмнээс өндөр үнэлгээ авч чадсан тоглолт хэдийнэ болжээ. Мөн найман жилийн хугацаанд тасралтгүй зохион байгуулж, зэрэглэл өндөр дуучдыг нэгэн дор цуглуулж чаддаг нь энэ тоглолтын чансааг илтгэнэ.

Үзэгч та тоглолтынхоо тасалбарыг авчихаад, UB паласын концертын танхимд орж ирээд суучихсан байхад л болно, бусдыг тоглолтыг зохион байгуулж буй хамт олны гарт даатга. Тэр үдэш та энэ цагийг эзэлсэн агуу гайхамшигтай дуучдаас авахуулаад шинэ цагийн залуу дуучид, хөгжимчид, бүжигчид, авьяаслаг хөтлөгчид, гэрэл техник гээд урлагаас авч болох бүхий л таашаалыг хүртэж болох аж.

Намар өөрөө утга уянгыг илтгэдэг дуу хууртай улирал. Намар ажил хөдөлмөр жигдэрсэн, завгүй шижигнэсэн улирал. Энэ л шахуу өдрүүдийн ачааллыг түр мартаж, дуртай дуучнаа алга ташин дахиулж, дуртай дуугаа даган дуулах боломжийг "Намрын хит 2024" нийтийн дуучдын нэгдсэн тоглолт танд олгож байна.

"Намрын Хит - 2024" тоглолтод Төрийн соёрхолт Д.Сосорбарам, МУАЖ дуучин А.Долгор, МУАЖ дуучин С.Ганзориг, МУГЖ дуучин Ч.Бат-Эрдэнэ, МУГЖ дуучин Ж.Уранчимэг, МУГЖ дуучин Б.Батболд, МУГЖ дуучин У.Далантай, , МУГЖ ДуучинС.Эрдэнэцэцэг, МУГЖ дуучин Ч.Амаржаргал, СТА дуучин Н.Мөнгөншагай, СТА дуучин Л.Нарантуяа, хос дуучид А.Анхбаяр Б.Чанцалдулам, дуучин Д.Эрдэнэсувд, Бор Мэндээ, дуучин Б.Бат-Энэрэл, нар оролцох юм.

"Намрын хит-2024" нийтийн дуучдын нэгдсэнтоглолт 2024 оны10 дугаар сарын 20-ны өдөр 19:00 цагаас UB паласын концертын их танхимд болно.

Тасалбарыг UB паласын билетийн кассаар худалдаалахаас гадна Ticket.mn, 94941909, 80591979 үнэгүй хүргэнэ. Дэлгэрэнгүй мэдээллийг 9494-1909,80591979 дугаараас лавлах боломжтой.

Арваннэгдүгээр сарын 1-нээс 189,000 орчим айл өрх цахилгааны шөнийн тарифын хөнгөлөлтөд хамрагдана

otgoo — Mon, 07 Oct 2024 10:37:18 +0800

Улаанбаатар хотын гэр хорооллын айл өрхүүд цахилгаан эрчим хүчний шөнийн тарифын хөнгөлөлтөд арваннэгдүгээр сарын 1-нээс хамрагдаж эхэлнэ. Ингэхдээ айл өрхийн 21:00-06:00 цагт хэрэглэсэн цахилгаан болон сэргээгдэх эрчим хүчний тарифыг 50-100%-аар хөнгөлдөг билээ.

Эрчим Хүчний Зохицуулах Хорооноос тодруулснаар энэ жил 189,000 орчим айл өрх цахилгаан эрчим хүчний шөнийн тарифын хөнгөлөлтөд хамрагдана гэж тооцоолоод улсын төсөвт 30.5 тэрбум төгрөгийг тусгажээ.

Хэрэглэгч тарифын хөнгөлөлт эдлэхээс өмнө цахилгаан эрчим хүчний өр төлбөргүй, хоёр тарифт тоолууртай байх шаардлагыг журамд тусгасан байдаг. Энэ дагуу зохицуулагдана.

Цахилгаан эрчим хүчний тарифын хөнгөлөлт үзүүлэх хугацаа 2025 оны дөрөвдүгээр сарын 1-нийг хүртэл үргэлжилнэ.

2024 оны эхний улиралд 176,000 орчим айл өрх 19.6 тэрбум төгрөгийн цахилгааны шөнийн тарифын хөнгөлөлт эдэлжээ.

Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам:

Харин айл өрхийн цахилгаан эрчим хүчний үнийг ирэх сарын 1-нээс нэмнэ гэж байгаа ч эцэслэн шийдэгдээгүйг тодотголоо.

Одоо мөрдөгдөж буй цахилгаан эрчим хүчний тариф:

“Дада” яаж амьд гарсан бэ?

otgoo — Thu, 03 Oct 2024 17:11:39 +0800

“Этик” продакшны 3 дахь уран бүтээл болох “Хэлгүй жим” киноны гол дүр Дадаг та бүхэн хэдийнэ андахгүй болсон биз ээ.

Өрөвдөлтэй, тусч, сайхан сэтгэлтэй хэлгүй тэрбээр гэнэт харийнхны тал болж, хэлд орж нөхөрлөлөөсөө урвадаг. Үзэгчдийн хамгийн их сэтгэлийг хөдөлгөсөн Дада тэгвэл яагаад ингэх болсон учир шалтгааныг “Этик”-ийн залуус дэлгэцийн 10 дахь бүтээл болох “Дада” УСК-гоороо тайлж байна.

“Хэлгүй жим” кино гол дүрүүдийн харамсалтай үхлээр төгсдөг. Тэгвэл Дада хэрхэн амьд гарсан нь үзэгчдийн сонирхлыг ихэд татаж байна. Түүний түүх хэрхэн өрнөхийг, амьдрал нь үргэлжлэх үү, төгсөх үү гэдгийг “Дада” УСК-оос хүлээн авч үзээрэй.

Дашрамд дурдахад, “Хэлгүй жим” УСК 2019 онд хийгдэж, 2020 онд дэлгэцнээ гарч тухайн жилдээ бэст селлер болсон юм.

“Этик” продакшн 2018 оны аравдугаар сарын 26-нд үүсгэн байгуулагдсан. Тэд дэлгэцийн хамгийн анхны бүтээл болох “Хүний цаана” УСК-гоо өлгийдөн авснаас хойш “Цуурхал”, “Amure”, “Хэлгүй жим”, “Үнэн хайр”, “Хуулиас гадуур”, “Мардай”, “Хар ажил”, “Наймаа” зэрэг 9 уран бүтээлийг толилуулж, үзэгчид ч бүх кинонд нь өндөр үнэлгээ өгөөд байгаа юм.

Тэгвэл тэдний 10 дахь уран бүтээл “Дада” УСК энэ оны аравдугаар сарын 18-нд бүх кино театруудаар үзэгч та бүхний хүртээл болоход бэлэн болжээ.

Ирэх сард олон жилийн дунджаас хүйтэн байх төлөвтэй байна

otgoo — Mon, 30 Sep 2024 10:11:36 +0800

Ус, Цаг Уур, Орчны Шинжилгээний Газар(УЦУОШГ)-аас аравдугаар сарын цаг агаарын урьдчилсан төлөвийг танилцууллаа.

Баруун (Баян-Өлгий, Ховд, Увс, Завхан, Говь-Алтай, Баянхонгор)
Төв (Архангай, Өвөрхангай, Хөвсгөл, Булган, Сэлэнгэ, Төв, Орхон, Дархан-Уул)
Зүүн (Хэнтий, Дорнод, Сүхбаатар)
Говь (Дундговь, Өмнөговь, Дорноговь, Говь-Сүмбэр)

Баруун аймгуудын нутгаар

Энэ сард агаарын дундаж температур Увс, Завханы нутаг, Говь-Алтайн зүүн хойд, Баянхонгорын хойд хэсгээр олон жилийн дундаж(ОЖД)-аас хүйтэн, бусад нутгаар ОЖД–ын орчим, хур тунадас нийт нутгаар ОЖД-ийн орчим байх төлөвтэй байна.
Нэгдүгээр арав хоногийн эхэн, хоёрдугаар арав хоногийн сүүл, гуравдугаар арав хоногийн эхэн үеүдэд ОЖД-аас 1-3°С хүйтэн, харин нэгдүгээр арав хоногийн дунд, гуравдугаар арав хоногийн сүүлээр ОЖД-аас бага зэрэг дулаан байна. Хур тунадас нэгдүгээр арав хоногийн ихэнх хугацаанд болон хоёрдугаар арав хоногийн эхэн болон дунд үеүдэд хур тунадас, уулархаг нутгаар цас орж, Алтайн салбар уулсаар салхи шуургатай байх төлөвтэй байна.

Төвийн аймгуудын нутгаар

Энэ сард агаарын дундаж температур нийт нутгаар ОЖД-аас хүйтэн, хур тунадас нийт нутгаар ОЖД-ийн орчим байх төлөвтэй байна.
Нэгдүгээр арав хоногийн эхэн, хоёрдугаар арав хоногийн сүүл, гуравдугаар арав хоногийн эхэн үеүдэд ОЖД-аас 1-3°С хүйтэн, харин нэгдүгээр арав хоногийн дунд, гуравдугаар арав хоногийн сүүлээр ОЖД-аас бага зэрэг дулаан байна. Хур тунадас нэгдүгээр арав хоногийн ихэнх хугацаанд болон хоёрдугаар арав хоногийн эхэн болон дунд үеүдэд хур тунадас, уулархаг нутгаар цас орж, салхи ширүүсэж, цасан болон шороон шуурга шуурах төлөвтэй байна.

Зүүн аймгуудын нутгаар

Энэ сард агаарын дундаж температур Хэнтийн нутгаар ОЖД-аас хүйтэн, бусад нутгаар дунджийн орчим, хур тунадас нийт нутгаар ОЖД-ийн орчим байх төлөвтэй байна.
Нэгдүгээр арав хоногийн эхэн болон сүүл, гуравдугаар арав хоногийн эхэн болон сүүл үеүдэд ОЖД-аас 1-3°С хүйтэн, харин нэг болон хоёрдугаар арав хоногийн дунд үеүдэд ОЖД–аас бага зэрэг дулаан байна. Хур тунадас нэгдүгээр арав хоногийн ихэнх хугацаанд болон болон хоёрдугаар арав хоногийн эхэн болон дунд үеүдэд ихэнх нутгаар хур тунадас, уулархаг нутгаар цас орж, салхи ширүүсэж, цасан болон шороон шуурга шуурах төлөвтэй байна.

Говийн аймгуудын нутгаар

Энэ сард агаарын дундаж температур Дундговь, Говьсүмбэрийн нутаг, Дорноговийн хойд хэсгээр ОЖД-аас хүйтэн, бусад нутгаар дунджийн орчим, хур тунадас нийт нутгаар ОЖД-ийн орчим байх төлөвтэй байна.
Нэгдүгээр арав хоногийн эхэн болон сүүл, хоёрдугаар арав хоногийн сүүлч, гуравдугаар арав хоногийн эхэн үеүдэд ОЖД-аас 1-3°С хүйтэн, харин нэг болон хоёр, гуравдугаар арав хоногийн дунд үеүдэд ОЖД-аас бага зэрэг дулаан байна. Хур тунадас нэгдүгээр арав хоногийн эхэн болон дунд, хоёрдугаар арав хоногийн эхэн, гуравдугаар арав хоногийн дунд үеүдэд ихэнх нутгаар хур тунадас орж, салхи ширүүсэж, шороон шуурга шуурах төлөвтэй байна.

Уур амьсгалын тойм

Аравдугаар сарын агаарын температурын ОЖД нь Баян-Өлгий, Хөвсгөл, Архангай, Булганы ихэнх, Увс, Ховдын зарим газар, Завхан, Төв, Сэлэнгийн зүүн, Говь-Алтайн зүүн хойд, Баянхонгор, Өвөрхангай, Хэнтийн хойд хэсгээр 0…-8°C, Говь-Алтай, Баянхонгор, Өмнөговийн өмнөд хэсгээр +6...+10°C, бусад нутгаар 0...+6°C дулаан байдаг байна.
Аравдугаар сарын агаарын дундаж температур 1979, 1982, 1990, 1995, 1998, 2001, 2005, 2006 болон 2008-2011, 2014, 2015, 2018, 2023 онуудад ОЖД-аас дулаан байсан бол 1980, 1981, 1986, 1987, 1992, 1994, 2000, 2002 онуудад ОЖД-аас харьцангуй хүйтэн байсан байна. 2023 оны 10 дугаар сард ОЖД-аас 5°С-аар дулаан байсан нь 1979 оноос хойш тохиолдсон хамгийн дулаан 10 дугаар сар болсон бол 1981 оны 10 дугаар сар нь ОЖД-аас 4.5°С–аар хүйтэн буюу түүхэн дэх хамгийн хүйтэн 10 дугаар сар болж өнгөрсөн байна.

Эх сурвалж: УЦУОШГ

Зууны манлай сайхан эмэгтэй Л.Цогзолмаагийн 100 насны ойг тэмдэглэв

otgoo — Mon, 23 Sep 2024 11:44:01 +0800

Тэртээ 1938 онд буюу 14 насандаа Залуучуудын соёлын төв театрын өндөр их босгыг зориглон алхсан Л.Цогзолмаа хожмоо эх орноо гадаадад төлөөлж, Энэтхэгийн Жавахарлал Неру, Индра Ганди, БНХАУ-ын Мао Зэдун Вьетнамын Хо ши Мин гээд дэлхийн түүхт хүмүүстэй гар барин мэндчилсэн, урлагийн түүчээ, их хүмүүн болжээ. Өнөөдөр Монгол Улсын Хөдөлмөрийн баатар, Ардын жүжигчин, Төрийн шагналт, Зууны манлай сайхан эмэгтэй Лувсанжамцын Цогзолмаагийн 100 насны ойг тэмдэглэж байна. Ойд зориулсан гэрэл зургийн үзэсгэлэнгийн нээлт өнөөдөр Улсын филармонид боллоо. Үзэсгэлэнгийн нээлтэд Монголын урлагийн хатан хаан Л.Цогзолмаа гуай үр хүүхэд, ач зээ нарын хамт хүрэлцэн ирсэн юм.

Хөдөлмөрийн баатар, Төрийн соёрхолт, Ардын жүжигчин, Гавьяат жүжигчин, Зууны манлай эмэгтэй Л.Цогзолмаа гуай “Ойн ёслолд намайг хүндэтгэж хүрэлцэн ирсэн уран бүтээлчдэд баярлаж талархъя. Сэтгэл сайхан байна. Уран бүтээлчдийн тоо улам олон болж, театрын уран чадварлаг зүтгэлтнүүд төрөх болтугай” хэмээн ерөөв. Монголын театр, цирк, дуу бүжгийн чуулга, дэлгэцийн урлагийн түүхийг түүнгүйгээр төсөөлөх аргагүй. Тэрбээр “Цогт тайж”-ийн Дулмаа, “Учиртай гурван толгой” дуурийн Нансалмаа, “Жаргалын зам” жүжгийн Халиун, “Амарсанаа” жүжгийн Гэрэлгуа зэрэг олон арван домогт дүрүүдээрээ Монгол түмний зүрх сэтгэлд гүн гүнзгий ул мөрөө үлдээсэн билээ.

Мөн өдөр “Монголын нийгэм, соёл урлаг дахь Л.Цогзолмаагийн амьдрал, уран бүтээлийн замнал” сэдэвт эрдэм шинжилгээний хурал болсон. Эрдэм шинжилгээний хуралд “Цооцоо-Найруулагч”, “Л.Цогзолмаагийн ардын дууг дуулах арга барил”, “Л.Цогзолмаа-Үндэсний хөгжимт драм, дуурийн урлаг” сэдэвт илтгэлийг Хөдөлмөрийн баатар, Ардын жүжигчин Б.Зангад, Гавьяат жүжигчин Б.Тунгалаг, Урлагийн гавьяат зүтгэлтэн, хөгжим судлаач А.Цэдэн-Иш, хөгжим судлаач Д.Энхцэцэг, С.Энхбулаг нарын уран бүтээлчид хэлэлцүүллээ.

Дараа нь Л.Цогзолмаа гуайн 100 насны ойд зориулсан хүндэтгэлийн тоглолт боллоо. Тоглолтын эхэнд Дуурь бүжгийн эрдмийн театрын хамт олон “Чингис хаан” дуурийн хэсгээс толилуулж, мэндчилгээ дэвшүүлээ. Үндэсний урлагийн их театрын уран сайхны удирдаач явсан Л.Цогзолмаа гуайд хамт олон нь мэхийн ёсолж, Үелзүүр бүжиг, “Цэвэр охин”, “Дуулаад учирмаар Цооцоо”, “Монгол морь”, “Миний ээжийн тэнгэр”, “Цэнгэлийн эгшиг” зэрэг уран бүтээлээр ая дуу өргөсөн. Харин Улсын драмын эрдмийн театрынхан “Цогт тайж” киноны хэсгээс буюу Арслан тайж Гүрсоронзонгомбын 33-р гүнж Дулмаа нарын үзэгдлийг толилуулж Хөдөлмөрийн баатарт бэлэг барьсан.

Мөн тоглолтын дундуур Л.Цогзолмаа гуайн ач Т.Бат-Оргил эмээдээ мэндчилгээ дэвшүүлж дуулсан бол залгуулаад эрхэм хүмүүний хүү Н.Ганхуяг “Ахмадын золбоо” хамтлагтайгаа гарч ирж өөрийн зохиосон ээжийн тухай дуугаа үзэгч түмнээ хүргэсэн. Танхим дүүрэн үзэгчид дуулсан дуу болгоныг даган дуулж, дахиулах гэж алгаа ташсаар байв.

Гэвч Соёлын Гавьяат зүтгэлтэн, яруу найрагч, хөтлөгч Ш.Гүрбазар “Насны ой, хүндэтгэлийн тоглолт хоёрыг дахиулдаггүй жамтай” гээд халгаасангүй, тоглолтыг яг цагт нь дуусгасан юм. Тоглолтын төгсгөлд Л.Цогзолмаа гуай алгуурхан гараа далласаар гарч ирэв. Урлагийн үе үеийнхэн тайзнаа гарч 100 насалж, зургаадай таяг тулсан эрхмээс адис авсан билээ.

Үдэш нь Л.Цогзолмаад зориулсан хүндэтгэлийн цэнгүүн боллоо. Үлгэр жишээ, үлээвэр найрал хөгжимчид цэнгүүнийг эхлүүлж, Улсын Их Хурлын дарга Д.Амарбаясгалан Монгол Улсын Ардын жүжигчин, Хөдөлмөрийн баатар Л.Цогзолмаа гуайн 100 насны ойн ёслолд хүрэлцэн ирж, хүндэтгэл үзүүллээ. XX зууны түүхэнд урлаг соёлоор дамжуулан ард түмнээ соён гэгээрүүлж, олон арван үеийн уран бүтээлчдийн үлгэр жишээ болж, эрхэмсэг төрх, яруу дуу хоолойгоороо ард түмнийхээ сэтгэлд хоногшсон азай бууралд тэрбээр төрсөн өдрийн мэндчилгээ дэвшүүлж, дурсгалын зүйл гардуулав. Мөн Ерөнхийлөгчийн Тамгын газрын дарга Г.Занданшатар мэндчилгээ дэвшүүлсэн.

Монголын алтан үеийн уран бүтээлчдийн гол төлөөлөгчдийн нэг, урлагийнхан, хамт олон, шүтэн бишрэгчдэдээ “Цооцоо” хэмээн хүндлэгдсэн буурал уран бүтээлчид хүндэтгэл үзүүлэхээр урлагийнхан, алтан үеийн уран бүтээлчдийн үр хүүхдүүд, улс төр, спорт зэрэг олон салбарын төлөөлөгч зорин иржээ.

Төр, хувийн хэвшлийн түншлэлээр авьяасаа тордуулсан охид

otgoo — Tue, 10 Sep 2024 13:26:24 +0800

2024.08.24-нд БНСУ-ын нийслэл Сөүл хотын Сонбүг дүүрэгт анх удаа солонгос, монгол өсвөрийн моделиудын хамтарсан “Кids fashion week” арга хэмжээ болж өндөрлөлөө.

Солонгос, Монгол хоёр орон нь түүх, соёл, газар зүйн хувьд нэн ойр төдийгүй ардчилал, зах зээлийн эдийн засаг хэмээх нийтлэг үнэт зүйлс бүхий орнууд юм.

Манай хоёр орон 1990 онд дипломат харилцаа тогтоосноос хойш найрсаг харилцаа, хамтын ажиллагааг тогтвортой хөгжүүлж ирсэн. 2021 онд хоёр орны харилцааг “Стратегийн түншлэл”-ийн харилцаанд дэвшүүлэн, үүнд тулгуурлаж хоёр орон улс төр, эдийн засаг, худалдаа, соёл, аялал жуулчлал, боловсрол, иргэд хоорондын харилцаа зэрэг бүхий л салбарт харилцаа, хамтын ажиллагаагаа улам бодитоор хэрэгжүүлэхийн төлөө хүчин чармайлт гаргаж байна. Өнгөрөгч 2023 оны байдлаар хоёр орны хооронд харилцан зорчсон иргэдийн тоо түүхэн дээд амжилт буюу 280 мянгад хүрчээ. “Kids fashion week” арга хэмжээг Сонбуг дүүргийн засаг даргын тамгын газар, Нийслэлийн Хүүхэд, гэр бүлийн хөгжил, хамгааллын газар, “Бяцхан мисс” олон улсын хүүхдийн байгууллага, Coнбуг дүүрэг дэхь эмэгтэйчүүдийн Донгдук их сургууль, Солонгос дахь монгол эмэгтэйчүүдийн холбоо, U модель агентлаг хамтран зохион байгуулсан юм.

Сонбүг дүүргийн засаг дарга И Сон Рү, БНСУ-аас монгол улсад суугаа элчин сайд асан Ким Жун, Сонбүг дүүргийн загвар зохион бүтээгчдийн холбооны захирал Юү Жи Юун, Сонбүг дүүргийн Нийгмийн хамгааллын холбооны захирал Юн Жэ Сон нар арга хэмжээнд хүрэлцэн ирэв. Солонгос чөлөөт хувцас, монгол үндэсний хувцасны загваруудаас бүрдсэн үзүүлбэрүүдийг хоёр орны төлөөлөл болсон багачууд өмсөж үзэгчдийн хүртээл болголоо. Солонгос, монгол өсвөрийн моелиуд загвар өмсөхөөс гадна урлагийн олон талт авьяастайг шоуны хөтөлбөрт багтсан сонгодог хөгжим болон бусад үзүүлбэрүүд бэлхнээ нотолсон. Монголоос оролцсон 22, солонгост амьдарч буй 21 монгол хүүхэд, тус орны загварын агентлагийн 9 хүүхэд шоуны гол оролцогч байж бүх үзүүлбэрийг хамтын хүчин чармайлтаар сонирхолтой гүйцэтгэв.

Нийслэлийн Хүүхэд, гэр бүлийн хөгжил, хамгааллын газрын дарга Ө.Ган-Өлзий шоунд оролцсон бүх хүүхдэд батламж гардууллаа. “U model” агентлагийн захирал Г.Уранцэцэг багачуудын тайзны алхаа, гишгээг дасгалжуулж, “Бяцхан мисс” олон улсын хүүхдийн байгууллага, “Охидын мисс” төвийн нэр дээр өрсөлдөж нэлээд хэдэн улсад зохиогдсон тэмцээнээс гол шагналуудыг хүртсэн, олон улсын шүүгч Э.Энхрийлэн солонгос өсвөрийн модель найзуудаа удирдан чиглүүлж яваа нь бахархууштай харагдсаныг энд дурьдах нь зүйтэй болов уу.

Зарим төрийн байгууллагын ажилтнууд хөрвөх чадвартай, аливааг болгож бүтээе гэсэн чин сэтгэлээр ханддаг нь анзаарагдсан. Нийслэлийн Хүүхэд, гэр бүлийн хөгжил, хөгжил хамгааллийн газрын Хүүхэд, гэр бүлийн хөгжил, урьдчилан сэргийлэх хэлтсийн ахлах мэргэжилтэн Б.Батсайхан, Гадаад харилцаа, хамтын ажиллагаа хариуцсан мэргэжилтэн А.Анужин нар арга хэмжээг чадварлаг хөтлөж, дундуур нь зрителийг хөнгөхөөн хөгжөөж байналээ. А.Анужингийн хувьд солонгос төрийн байгууллагын төлөөллүүдийг тайзнаа үг хэлэхэд орчуулагч, багачуудыг хөтөлбөрийн дагуу Сөүл хотын худалдааны төв, алдарт “Lotte world adventure”-аар аялж зугаалахад хөтөч хийх зэрэг олон ажлыг нэгэн дор амжуулж байв. Сөүл хотын Сонбүг дүүрэгт зохион байгуулсан хоёр орны авьяаслаг багачуудын загварын үзүүлбэрүүд цаашид хийгдэх сонирхолтой шоунуудын эхлэл болов уу. Төр, хувийн хэвшлийн түншлэл энэ мэтээр хойч ирээдүйдээ гэрэлт жимийг гаргадаг уламжлал тогтоосой.

Мөн дэлхийн аль ч улс оронд амьдран суугаа монголчууд, бараг төрөхөөсөө тэнд өссөн элэг нэгтнүүддээ үндэсний соёл, загвар, уламжлалаа сурталчлаад очиж буй үе тэнгийнхнийх нь тоглолтыг өргөн олныг хамруулж үзүүлэх тал дээр эцэг, эхчүүд, тухайн улсад үйл ажиллагаа явуулдаг төрийн болон төрийн бус байгууллагууд зохион байгуулалттайгаар дэмжиж байгаасай гэж бодогдлоо.

Олон улсын цахим худалдааны экспо Хятад улсын Лин И хотод зохион байгуулагдана

otgoo — Mon, 02 Sep 2024 10:57:54 +0800

Уг үзэсгэлэн худалдаа 2024 оны аравдугаар сарын 18-20-ны хооронд зохион байгуулагдана.

Л.Оюун-Эрдэнэ: Олон жил ужгирсан нийслэлийн асуудлыг хурдтай шийдвэрлэхэд зориг хэрэгтэй

otgoo — Fri, 30 Aug 2024 17:49:26 +0800

Өмнөх 30 жилд нийслэлд зарцуулсан хөрөнгө оруулалтыг ирэх гурван жилд гурав дахин нэмэгдүүлэх шаардлагатай байна.

Нийслэлийн төвөөс Хөшигийн хөндийн шинэ нисэх буудал хүртэл 20 минутын дотор очдог байх шаардлагатай. Ингэхийн тулд хотын төвөөс Хүрхрээгийн ам хүртэл “Өөдөө тэмүүлэх Монгол” буюу “Go Mongolia” ган татлагат гүүр барьж, Хүрхрээгийн амнаас нисэх буудал руу шууд очих Хөшигийн хөндийн хос урсгалын туннел байгуулахаар энэхүү хөтөлбөрт тусгалаа. Улаанбаатар хотын замуудыг хооронд нь холбох “Шинэ тойрог авто зам”-ын төслийг хэрэгжүүлнэ.

ХААН Банк Монгол Улсаас анх удаа Нийгмийн бондын санхүүжилт босголоо

khulan — Tue, 09 Jul 2024 16:02:11 +0800

Дэлхийн банк группийн гишүүн байгууллага Олон улсын санхүүгийн корпораци (ОУСК)-ийн хөрөнгө оруулалтаар ХААН Банк олон улсын зах зээлд Монгол Улсаас анх удаа Нийгмийн бонд гаргах ажлыг амжилттай зохион байгууллаа. Энэхүү бондын эх үүсвэрээр ХААН Банк эрүүл мэнд, боловсрол, хүнс хөдөө аж ахуй, дэд бүтэц болон орлогод нийцсэн орон сууцны хөтөлбөр зэрэг нийгэмд эерэг нөлөө үзүүлэхүйц төсөл, хөтөлбөрүүдийг дэмжих, зорилтот харилцагчдадаа илүүтэй хүрч үйлчлэх, тэдгээрийн санхүүгийн хүртээмжийг нэмэгдүүлэх, улс орны тогтвортой хөгжлийн бодлогыг дэмжих зорилготой. Мөн нийгмийн чиглэлээр олгох санхүүжилтийн багцаа тэлэх төдийгүй бичил болон жижиг дунд бизнест ажлын байр бий болгох, тэр дундаа эмэгтэй удирдлагатай жижиг дунд бизнесийг дэмжихэд тусгайлан зориулах юм.

Гурван жилийн хугацаатай, 130 сая ам.долларын дүнтэй, олон улсын хөрөнгө оруулагчдад хаалттай хүрээнд санал болгож буй уг Нийгмийн бондод ХААН Банкны урт хугацааны түнш ОУСК 100 сая хүртэлх ам.долларын хөрөнгө оруулалт хийж буйн зэрэгцээ “Нийгмийн бондын санхүүжилтийн хүрээ” (Social Bond Framework “SBF”) баримт бичгийг ОУХЗН (ICMA)-ын “Нийгмийн бондын зарчим”-д уялдуулан боловсруулахад дэмжлэг үзүүлж ажилласан юм. Энэхүү баримт бичиг нь нийгмийн бондын зарчмын шаардлагуудыг хангаж буй эсэх хөндлөнгийн баталгаажуулалтыг (Second Party Opinion “SPO”) “Fitch Ratings”-ын харьяа “Sustainable Fitch байгууллагаас хянан баталгаажуулсан юм.

“Нийгмийн бондын санхүүжилтийн хүрээ”-нд тодорхойлсны дагуу банк тус бондын эх үүсвэрийг Монгол Улсад тулгамдаж буй нийгмийн асуудлуудыг шийдвэрлэхэд эерэг нөлөө үзүүлэх боловсрол, эрүүл мэндийн салбарын төсөл, санаачилга, орлогод нийцсэн орон сууц барих, нэн шаардлагатай дэд бүтцийг хөгжүүлэх, хүнсний үйлдвэрлэл, хөдөө аж ахуйн төслүүд зэрэг боломжит төсөл хөтөлбөр, санаачилгуудыг санхүүжүүлэх зорилготой. Санхүүжилт авах зорилтот бүлэгт малчид, тариаланчид, үйлчилгээний хүртээмж хязгаарлагдмал орон нутгийн иргэд, ажил олгогч бичил болон жижиг дунд бизнес эрхлэгчид, бизнес эрхлэгч эмэгтэйчүүд багтаж буй. Түүнчлэн нийгмийн санхүүжилт болон нөлөөллийн удирдлагын талаар банкийг чиглүүлэх зорилгоор ОУСК-иас нийгмийн санхүүжилтийн зээлийн багцыг удирдах чадавхийг сайжруулах 12 сарын турш үргэлжлэх зөвлөх үйлчилгээний дэмжлэг үзүүлэн ажиллах юм.

“Энэхүү бондын хөрөнгө оруулалт нь манай банкны төдийгүй, Монголын банкны салбарын хувьд түүхэн үйл явдал болж байна. Бид бүхэн Монгол Улсаас анхлан Нийгмийн бонд гаргаснаар цаашид нийгэмд эерэг өөрчлөлт, үр ашгийг бий болгох чухал ач холбогдол бүхий төсөл, хөтөлбөрүүдийг тусгайлан дэмжинэ. Ингэснээрээ улсынхаа хамгийн том банкны хувьд зорилтот салбарын санхүүгийн хүртээмжийг нэмэгдүүлэх, эдийн засгийн чадавхийг бэхжүүлэх, байгаль орчны тогтвортой байдлыг дэмжих замаар эерэг үр нөлөөг бий болгоход үлгэр жишээ үзүүлж байгаадаа баяртай байна" хэмээн ХААН Банкны Гүйцэтгэх захирал Р.Мөнхтуяа онцоллоо.

“ОУСК нь нийгмийн үнэт цаас анхлан гаргагчдын нэг төдийгүй ийм санхүүгийн хэрэгслийг хөгжүүлэх чиглэлээр тэргүүлэгчийн хувьд ХААН Банкийг анх удаа Нийгмийн бонд гаргахад нь шаардлагатай дэмжлэг үзүүлж ажилласандаа баяртай байна. Энэхүү хөрөнгө оруулалтаар дамжуулан ОУСК нь зах зээлийн тэргүүлэгч тоглогч ХААН Банканд шаардага хангасан нийгмийн төслүүдэд санхүүжилт татах боломж олгохын зэрэгцээ цаашид Нийгмийн бонд нь Монголын хөрөнгийн зах зээлд урт хугацаат санхүүжилтийн шинэ төрөл болон бэхжих суурийг эхлүүлж байна” хэмээн ОУСК-ийн Монгол дахь суурин төлөөлөгч ноён Руфат Алимарданов дурдлаа.

2023 оны 3-р сард ОУСК Нидерландын хөгжлийн банк (FMO) болон АНУ-д төвтэй "MicroVest" компанитай хамтран ХААН Банкнаас олон улсын зах зээлд гаргасан Монголын анхны ногоон бондод нийт 60 саяын ам.долларын хөрөнгө оруулалт хийсэн билээ. Банк нь тус бондын эх үүсвэрийг бүрэн зарцуулж, 2022 онд 105 тэрбум төгрөг байсан ногоон зээлийн багцаа 2023 онд 377.4 тэрбум төгрөг болгон нэмэгдүүлсэн төдийгүй жилийн дотор 257 хувийн өсөлт бий болгосон байна. Өдгөө ХААН Банк зах зээлд олгосон нийт ногоон зээлийн 47 хувийг эзэлж байгаа бөгөөд ногоон, тогтвортой санхүүжилтийн шийдлүүдийг харилцагчдадаа таниулахаар идэвхтэй ажиллаж байна.

Хамтын өсөлт төгөлдөр – ХААН Банк

Картаа уншуулаад Парисын олимпын мерч бэлгэнд аваарай

khulan — Tue, 25 Jun 2024 14:02:43 +0800

ХААН Банк спортын үнэнч шүтэн бишрэгчдэдээ зориулан Парисын олимпын бэлгэ тэмдэг бүхий, Монголын анхны LED гэрэлтэй, limited edition загварын төлбөрийн карт саяхан зах зээлд танилцуулсан билээ. Тэгвэл цөөн тоогоор хэвлэгдсэн эдгээр картыг захиалан хэрэглэж буй харилцагчдынхаа дунд 2024.06.20-2024.07.20-ны өдрийг хүртэл 2 төрлийн урамшуулал зарлаж байна. Тухайлбал энэ хугацаанд Олимпын загвартай картаар хамгийн олон удаагийн гүйлгээ хийсэн болон хамгийн өндөр дүнтэй гүйлгээ хийсэн 24 харилцагч тус бүр,

Tote даавуун цүнх
Гар утасны наадаг барилт
Усны савнаас бүрдсэн багц бэлгийн эзэн болох юм.

Карт эзэмшигчдийн картаараа хийсэн бүх төрлийн худалдан авалт, гадаад дотоодын онлайн худалдааны сайтаар хийсэн бүх гүйлгээг тооцох бөгөөд АТМ-ын гүйлгээ энэхүү урамшуулалд хамаарахгүйг анхаарна уу.

Энэ удаагийн урамшуулалд Парисын олимпын албан ёсны түнш Виза компаниас бэлтгэсэн гоёмсог загвартай, олимпын дурсамж болж үлдэх чанартай мерч бүтээгдэхүүнээс бэлэглэж буйгаараа онцлог юм.

Урамшууллын хугацаа дуусгавар болох үед олимпын загвартай картаараа гүйлгээ хийсэн харилцагчдыг банкны системээс шүүн шалгаруулах бөгөөд Парисын олимпын мерчийн эзэн болсон 48 харилцагч руу банкнаас холбогдох болно. Урамшууллын эзэд дараах хэлбэрээр бэлгээ авахаар зохион байгуулалт хийлээ.

Бэлгээ хэрхэн авах вэ?

Улаанбаатар хотоос шалгарсан Олимпын карт эзэмшигчид нь ХААН Банк цамхгийн 1-р давхарт 2024.07.24-26-ны өдрүүдэд ирж авна.

Орон нутгаас шалгарсан карт эзэмшигчдийн хувьд өөрийн орон нутагт байрлах ХААН Банкны аймгийн төвийн салбараас 2024.08.09-нд очиж авна.
Парисын олимпод зориулан эдгээр картыг цөөн тоогоор хэвлэсэн бөгөөд харилцагч та дебит картыг ХААН Банкны бүх онлайн сувгаар, кредит картыг өөрт ойр байрлах салбарт хандан захиалж, өөрийн хаягаар хүргүүлэн аваарай.

Виза энгийн дебит картын дэлгэрэнгүй мэдээлэлтэй танилцах бол энд дарна уу
Виза энгийн кредит картын дэлгэрэнгүй мэдээлэлтэй танилцах бол энд дарна уу

Хамтын өсөлт төгөлдөр – ХААН Банк

"Байгаль хамгаалал-2024" нэгдсэн арга хэмжээг улсын хэмжээнд зохион байгуулж байна

khulan — Fri, 21 Jun 2024 12:26:32 +0800

Цагдаагийн байгууллагаас Байгаль орчин, аялал жуулчлалын яам, Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөл, Нийслэлийн байгаль орчны газар, Монголын Байгаль орчны иргэний зөвлөлтэй хамтран иргэдийн эрүүл аюулгүй орчинд амьдрах эрхийг хангах, аялал жуулчлалаас үүдэлтэй хүрээлэн байгаа орчинд үүсэж болзошгүй сөрөг нөлөөлөл, ахуйн болон аюултай хог хаягдал, бусад төрлийн бохирдол /нүхэн жорлон/-оос сэргийлэх, хөрс, усны бохирдлын эх үүсвэрийг бууруулах, экологийн тэнцвэрт байдал алдагдахаас урьдчилан сэргийлэх, дээрх ажилд төрийн болон төрийн бус байгууллага, иргэдийн оролцоог нэмэгдүүлэх зорилгоор энэ оны 06 дугаар сарын 10-ны өдрөөс 08 дугаар сарын 12-ны өдрүүдэд “Байгаль хамгаалал-2024” нэгдсэн арга хэмжээг “ОРЧНОО БҮҮ БОХИРДУУЛ”, “ЦЭВЭРЧ ИРГЭН-ЦЭМЦГЭР ХОТ” уриатайгаар зохион байгуулж байна.

Арга хэмжээний хүрээнд холбогдох мэргэжлийн байгууллага, иргэдтэй хамтран хяналт шалгалт зохион байгуулж, нийслэлийн ногоон бүс болон хөдөө орон нутгийн аялал жуулчлалын бүсүүдэд ил задгай хог хаягдал хаясан, гудамж талбай олон нийтийн газарт тамхи болон нус цэрээ хаясан, ачаа тээвэрлэх журмыг зөрчин зам талбайд шороо, бетон зуурмаг асгаж бохирдуулсан зэрэг нийт 411 зөрчлийг илрүүлж, арилгах чиглэлээр 13 аймаг, нийслэлийн 5 дүүргийн Засаг дарга, холбогдох төр, захиргааны байгууллага, албан тушаалтанд мэдэгдэл, шаардлага хүргүүлж, зөрчил дутагдлыг арилгуулах чиглэлээр ажиллаж байна.

Хяналт шалгалтаар илэрч байгаа зөрчлийн дийлэнх нь сум орон нутгийн угтах цэг /аймаг, сумын хаалга/-үүдэд хог хаягдал ихээр үүссэн, аялал жуулчлалын бүсүүдэд зориулалтын бусаар ил задгай хог хаягдлыг хаясан, Монгол Улсын стандарт МNS 5924:2015 “Нүхэн жорлон, угаадасны нүх техникийн шаардлага” хангаагүй, Нийслэл хотын дүүрэг, хороодод цаг хугацаандаа ачаагүйн улмаас хур хог хаягдал үүссэн зэрэг зөрчлүүд эзэлж байна.

Иймд хог хаягдал болон стандартын бус нүхэн жорлонгоос үүдэлтэй хүрээлэн байгаа орчинд үүсч болзошгүй сөрөг нөлөөлөл, ахуйн болон аюултай хог хаягдлыг бууруулах ажилд бүх нийтээр хариуцлагатай хандаж, эх үүсвэр дээр нь бууруулах, байгаль орчиндоо ээлтэй хариуцлагатай байхыг Экологийн цагдаагийн албанаас уриалж байна.

АН дахь бутрал

otgoo — Thu, 20 Jun 2024 16:33:49 +0800

Сонгинохайрханд юу болов? Гэв гэнэт тус дүүрэгт АН-аас дэвшигчид уулзалтуудаа цуцалж байгаагаа зарлалаа. Том тойрогт уулзалт цуцлаад мөлхөө сурталчилгаа хийхээр цаг их алддаг юм л даа.

Тиймээс төвлөрсөн уулзалт ялалтад чухал нөлөөтэй. Гэтэл АН-ын нэр дэвшигчид уулзалтуудаа цуцалсан нь цагаан тугаа өргөсөнтэй адил алхам болов. Үүний шалтгаан нь төв намаас өгдөг санхүүжилтээ зогсоосноос болжээ. Ерөнхий сайд Оюун-Эрдэнэ Өвөрхангай аймагт болсон хэрэг явдалтай холбогдуулж өөрийн биеэр АН-ын Төв штабт очиж эмгэнэл илэрхийлж улс төрийн соёл гаргав. Урьд өмнөх сонгуулийн түүхэнд ийм явдал болж байгаагүй юм. Харин Лу.Гантөмөр эрхбиш сайд хийж явсан хүн тул бас ч ёс зүй үзүүлж эмгэнэлийг хүлээн аваад үджээ. Гэтэл энэ нь ялагдаж яваа АН-ын улайрсан хэсэгт таалагдсангүй. Л.Оюун-Эрдэнэ ирсэн сургаар хэт улайрагсад утаа асаагаад Төв штаб руугаа гүйжээ. Тэд үхлээр улс төрийн оноо цуглуулахыг эрмэлзэж ялагдлаа хонзон болгохыг зорьжээ.Тэднийг иртэл Л.Оюун-Эрдэнэ эмгэнэлээ илэрхийлээд явчихсан байжээ. Гэтэл өнөөдүүл нь намынхаа дарга руу дайрчээ. Баянголоос С.Эрдэнэ, Америкаас Ц.Элбэгдорж утасдаж, эмгэнэлийг хүлээн авахгүй байхгүй яасан юм, чамайг намын даргаас чинь огцруулна, намын гадаа жагсана гэж сүрдүүлж дарамталжээ. Ц.Элбэгдоржийн ярьснаар Ц.Уянга, Монголхүү нар бүр бичлэг хий намын даргаа дарамталж, олон нийтэд цацаж орхив. Үүний дараа Лу.Гантөмөр уурлаж, намын Төв штабаас Сонгинохайрхан дүүрэгт өгөх мөнгөө зогсоохыг үүрэгдсэн байна. Ц.Уянга Сонгинохайрхан дүүрэгт дэвшүүлсэнд тойргоо голж, бэлдэж байсан Хан-Уулын тойргийг нь өөрийн хэвлэлийн төлөөлөгч байсан Лодойсамбууд өгсөн гэж Лу.Гантөмөрийг шантаачилж төв штабаас мөнгө авч байжээ.АН-ын төв штабт жагсаалтаар нэр дэвшигчдийн хандиваар 47 тэрбум төгрөг цугласан. Түүнийг Лу.Гантөмөр тойргуудад өгөлгүй өөрөө завшиж байна гэх хардлага АН-д тараад байжээ. Тиймээс тойгуудад 200-300 саяыг цөөн хүний нэрээр тарааж амыг нь хаасан байна. Ц.Уянга тэр мөнгийг аваад сонгуулийн уулзалтыг зохион байгуулж байсан дүүргийн намдаа өгөлгүй Монголхүүтэй хамт үрэн таран хийжээ. Тэгээд Өвөрхангайн асуудлаар бууж өгсөн гэж Лу.Гантөмөрийг сүрдүүлж ахин мөнгө нэхсэн ч муудалцаад салжээ.Сонгинохайрханд нэр дэвшигчид бүгд мөнгөө намдаа өгч уулзалт зохион байгуулж байхад Ц.Уянга л мөнгөө өгөлгүй луу унжиж, түүнийгээ Лу.Гантөмөр унжсан гэж ярьж явжээ. Намынхан нь түүнийг адалж эхэлсэнд би уулзалтад чинь оролцохгүй, ганцаараа явна гэснээс маргаан үүсэж уулзалт хийхээ больсон юм байна. Ингээд дүүргийн нам нь дураараа авгайгаас болж төв штабын дэмжлэгээ алдаж хохирлоо хэмээн Ц.Уянгыг хөөжээ. Ингээд намын гишүүд нь эсрэг ажиллаж эхэлсэн байна. “Сонгинохайрханыхан олигархуудыг сонгодог тэнэг” гэж сонгогчдоо харааснаас гадна алдарт эхийн одонтой ээжүүдийг “хээлтэгч” гэж доромжилсон тул уулзалт бүр дээр маргаан дэгдэж уулзалтаас Ц.Уянгыг зайлуулахыг байнга шаарддагаас дүүргийн сонгуулийн штаб бүрмөсөн залхаад ийм арга хэмжээ авсан байна. Ийнхүү Сонгинохайрханд ганц ч хүн гарахаа болилоо хэмээн гишүүд нь харамсангуй ярьж явна. Харин шөнийн 24 цагийн үед Элбэгдоржийн дүү такси Болдоо ярьж Элбэгдорж дарга өөрийн хүмүүст зориулж нэг сая ам.доллар босгосноо онгоцоор явуулна. Тэр мөнгөөр өөрсдөө бие дааж сонгуулийн ажлаа явуул, Н.Алтанхуяг нараас одоо сал! Удахгүй Лу.Гантөмөрийн асуудлыг ярина, намын даргаас нь огцруулна гэсэн мэдээлэл өгсөн байна. Мөн хувийн дансны дугааруудыг нь цуглуулж авсан гэх мэдээлэл тархаад байна.

Г.Нямдорж: Номтойбаяртай муудалцсанаас хойш 3-н удаа шоронд орсон

otgoo — Wed, 19 Jun 2024 09:54:31 +0800

Н.Номтойбаяр: "Ямар нэгэн байдлаар барьж хорих гэж надад зохиол бичиж зохион байгуулсан"

otgoo — Wed, 19 Jun 2024 09:48:50 +0800

Л.Гантөмөрийг нэрээ татахыг шаардаж АН-ын гишүүд жагсаж байна

otgoo — Tue, 18 Jun 2024 18:03:46 +0800

Ардчилсан намын зарим гишүүн өнөөдөр намынхаа байрны өмнө жагсаж Ардчилсан намын дарга Л.Гантөмөрийг жагсаалтаас нэрээ татахыг шаардаж суулт хийж эхэлжээ.

Намын дарга нь нэрээ таттал суулт зарлана гэдгээ мэдэгдлээ. Ардчилсан намын жагсаалтын эхэнд намын дарга Л.Гантөмөр байгаа юм. Ардчилсан намын Үндэсний бодлогын хорооны гишүүн А.Цэрэнбат: "Сонгуулийн сурталчилгаа талдаа орж байна. Гэтэл АН ялагдлаа зарчихлаа гэж гишүүд бид хардаж байна. Уг нь энэ сонгуулиар АН ялах боломж байсан. Гэтэл намын дарга Л.Гантөмөр эрх баригчдад зарчихлаа. Манай намын сонгуулийн штабт МАН-ын дарга ирээд нууц уулзалт хийчихлээ. Хоёр намын дарга хоёулхнаа ямар ч португал, тэмдэглэл байхгүй уулзлаа. Хэрвээ энэ уулзалтыг хийх гэж байсан бол хоёр намаас хоёр талаас ажлын хэсэг гаргаад ярих асуудлаа ярилцах байсан. Хоёр намын даргын уулзалтаар хамтарсан Засгийн газар байгуулна гэсэн асуудал яригдсан гэсэн мэдээлэл ирсэн. АН-ын дарга эрх баригч нарт буугаад өгчихлөө. Үүнийг бид эсэргүүцэж байгаа. Ардчилсан нам байхгүй болчихвол ардчиллыг хэн хамгаалах вэ” гэв. Мөн тус намын гишүүд боловсролын зээлийн сангаас охиндоо зээл авч өгсөн Л.Гантөмөр намын жагсаалтын нэгт бичигдэх ёсгүй байсан. Намын нэрийг гутааж байгаа Л.Гантөмөр жагсаалтаас нэрээ татах ёстой гэж үзэж байна.

Ухуулагч нар нь хүчингийн хэрэгт холбогдсон нэр дэвшигч нартаа АН ёс зүйн хариуцлага хүлээлгэх үү

otgoo — Mon, 17 Jun 2024 17:35:39 +0800

Сонгуулийн үйл ажиллагаа ид өрнөж буй энэ үед хариуцлагын асуудал олны анхаарлыг татаж байна. Үүнийг хоёр жишээгээр авч үзэхэд дараах дүр зураг харагдаж байгаа юм.

Өвөрхангай аймгийн Сант суманд зургадугаар сарын 15-наас 16-нд шилжих шөнө эрдэнэт хүний амь нас хохирсон талаар бид өмнө нь мэдээлж байсан. Уг хэрэгт холбогдон шалгагдаж буй иргэн П.Отгонбаатар нь УИХ-ын сонгуулийн 1-р тойрогт Монгол Ардын Намаас нэр дэвшигч Г.Сайханбаярын штабтай гэрээ байгуулан ухуулагчаар ажиллаж байсан тул Г.Сайханбаярт ёс зүйн хариуцлага хүлээлгэж, нэр дэвшигчээс эгүүлэн татах улс төрийн шийдвэрийг Монгол Ардын Намын сонгуулийн штаб гаргажээ. Олон нийт ч үүнд сайшаалтай хандаж байна.

Харин Ардчилсан нам Сүхбаатар аймагт гарсан бусармаг хэрэг дээр арга хэмжээ авчихвал бас нэгэн зөв замын эхлэл болно гэдгийг сонгогчид хэлж байна. Тодруулбал, АН-аас нэр дэвшигч Ж.Батсуурь, Н.Ганибал, С.Төмөрхүү, Т.Пүрэвхатан нарын сурталчилгаанд ажиллахаар Улаанбаатар хотоос Сүхбаатар аймагт очсон зургаан охиныг Дарьганга буудалд сонгуулийн сурталчилгаа хариуцаж байсан Сүхбаатар аймгийн ИТХ-ын дарга Д.Хосбаярын хүү Х.Тэнүүнбилэг, Шүүхийн Шийдвэр гүйцэтгэх газрын хурандаа Г.Цэргийнхүүгийн хүү Ц.Маргад нар хүчингийн хэргийг бүлэглэн үйлдсэн хэрэгт холбогдсон. Охид аймшигт хэргийн хохирогчид болчхоод байхад Ж.Батсуурь, Н.Ганибал, С.Төмөрхүү, Т.Пүрэвхатан нар ёс зүйн хариуцлага хүлээх нь битгий хэл "надад хамаагүй, хараагүй, мэдэхгүй" хэмээн сонгуулийн сурталчилгаагаа үргэлжлүүлээд явж байна гэх.

"Маргаашийг хамтдаа бүтээе" гэсэн сүржин уриан дор өөрсдийгөө сурталчилж яваа тэд нарыг эл хэрэг дээр нүдэн балай чихэн дүлий өнгөрч байгааг шүүмжлэх хүмүүс олон. Өнөөдөргүй маргааш үгүй. Үүнээс харахад монголын охид бүсгүйчүүдийн маргаашийг тэд хамт бүтээлцэх эсэх нь, тэр дундаа эмэгтэйчүүдийн төлөөлөл болж буй Т.Пүрэвхатанд эхчүүд, эмэгтэйчүүд итгэлээ өгөх нь эргэлзээтэй болов! Ноцтой хэрэг дээр дуугарах сөхөөгүй төрийн эрхийн төлөө зүтгэж яваа тэрээр Монголын ирээдүйн төлөө дуу хоолойгоо өргөх зүрх сэтгэлтэй, хүндтэй эрхэм нэгэн болж чадах болов уу?!

Digi Pay-д бүртгүүлээд PlayStation 5 болон Apple-ын бэлэгтэй болоорой

khulan — Wed, 12 Jun 2024 18:38:36 +0800

Төлбөр тооцоогоо ямар ч шимтгэлгүй, хамгийн хялбараар хийх боломжтой, байнгын хөнгөлөлт урамшууллаар дүүрэн Digi Pay аппликэйшнээ суулгаж амжсан уу?

Хэрвээ татаж амжаагүй бол яг одоо татаарай. Enjoy everything уриатай Digi Pay-д ХААН Банкны бүх төрлийн картаа холбоод өдөр тутмын амьдралын хэв маягтаа тохирсон санхүүгийнтав тухтай хэрэглээг өөртөө бүрдүүлэх боломжтой. 100,000 доош дүнтэй гүйлгээнд нууц үг шаардахгүй, харин үүнээс дээш гүйлгээнд нууц үг хийхдээ царай таних, хурууны хээ таних зэрэг биометрик ашиглах боломжтой гэдгээрээ давуу талтай юм.

Мөн өөрийн хүсэл сонирхолд нийцүүлэн аппликэйшний өнгөө хүссэнээрээ сольж болохоос гадна таны илэрхийлэл болох цор ганц давтагдашгүй нэр Digitag-аа үүсгээрэй. Ингэснээр урт дансны дугаар бичихгүйгээр, зөвхөн Digitag-аа ашиглан шилжүүлэг хийж, нэхэмжлэл илгээх боломжтой.

Боломжоор дүүрэн Digi Pay-ийн шинэхэн хэрэглэгчдэдээ зориулан ХААН Банк 2024.06.30-ны өдрийг дуустал хугацаанд урамшуулалт аян зарлалаа. Урамшуулалт аяны хугацаанд Digi Pay аппликэйшнд шинээр бүртгүүлсэн хэрэглэгчдийн дундаас нийт 15 харилцагчийг тодрууландараах бэлгүүдээр урамшуулах юм. Үүнд:

Macbook – 3 ширхэгs
Iphone 15 pro -3 ширхэг
Playstation 5 – 3 ширхэг
Airpod Pro – 3 ширхэг
Ipad Pro – 3 ширхэг багтжээ.

Та тохирлын эрхээ шалгахыг хүсвэлDigi Pay аппликэйшн рүүгээ нэвтэрч лояалти цэс рүү хандана. Дараа нь баруун дээд буланд байрлах эхний icon дээр дарж ороход танд үүссэн тохирлын дугаар харагдах юм шүү.

Тохирлын эздийг 2024.07.03-ны өдөр Khan Bank фэйсбүүк хуудсаар шууд дамжуулан тодруулна.

Харин бүртгүүлж амжаагүй байгаа бол дараах QR кодыг уншуулж татаж аваарай.

Enjoy Everything!

Сайншандад усархаг борооны улмаас 4 байшин, 4 гэр усанд автжээ

egshig — Thu, 06 Jun 2024 09:49:56 +0800

Дорноговь аймгийн Сайншанд сумын 3, 6, 7, 8 дугаар багт зургаадугаар сарын 04-ний өдрийн 18:50-19:30 цагийн хооронд усархаг бороо орсны улмаас 4 айлын байшин, 4 айлын гэр усанд автсан тухай дуудлагыг 19:11 цагт хүлээн авчээ.

С.Баярцогт, Б.Хурц нарын шүүх хурлыг сарниулцах гэж Ц.Гарамжавыг баривчилсан уу?

otgoo — Thu, 30 May 2024 17:07:13 +0800

Сангийн сайд асан С.Баярцогт, Тагнуулын Ерөнхий газрын дарга асан Б.Хурц нар нь 2024 оны УИХ-ын сонгуульд Ардчилсан намаас нэр дэвшихээр зарлаад байгаа билээ. Харин тэднийг нэр дэвших эрхтэй эсэхийг өнөөдөр Нийслэлийн Захиргааны хэргийн шүүх хэлэлцэж байна. Б.Хурц нь эрүүдэн шүүсэн хэрэгт холбогдож гурван шатны шүүхээс ял авч байсан. С.Баярцогт нь Оюутолгойн гэрээний хэрэгт холбогдож байсан зэргээс шалтгаалж АН-ын зарим гишүүд тэднийг нэр дэвших эрхгүй гэж үзээд байгаа юм. Үүнтэй зэрэгцэн Монполимет Группийн зөвлөх Ц.Гарамжавыг 48 цагийн хугацаатай баривчиллаа. Энэ нь С.Баярцогт, Б.Хурц нарын шүүх хурлыг сарниулахаар хийсэн үйлдэл гэж хардаж болохоор байна.

Амрагууд ба туслахууд

otgoo — Thu, 30 May 2024 15:25:35 +0800

Х.Тэмүжин өөрийн хүүхдийг гаргасан гэгдэх бүсгүйгээ жагсаалтанд оруулсан нь хэдийгээр сонгогдох магадлал муутай ч улстөр дэх замыг нь засаж байгаа хэрэг. Гэтэл сүүлийн 8 жил АН-ын төлөө бүхнээ орхин зүтгэсэн олон арван залуус санхүүгийн болоод иймэрхүү шалтгаанаар намын “итгэл”-ийн гадна үлдэж байна.

Хэрэв эмэгтэй хүн сонгуулийн хуулиар АН-аас дэвшье гэвэл нэгд залуу, хоёрт царайлаг, гуравт аль нэг даргын хүүхдийг гаргасан байх гэдэг шалгуураар жагсаалт бүрдүүлдэг болжээ. Жагсаалтын 2 дугаарт бичигдсэн С.Одонтуяа С.Эрдэнэ хоёрын явдал л гэхэд аль эртний агаад одоо бүр эл дол, ил цагаан яриа болоод хэн ч тоохоо байсан, гэхдээ нам дотор нь шүү дээ!

С.Эрдэнэ АН-ын даргын ажлаа өгснөөс хойш олон хүний итгэлийг алдсан нүглээр шүүгдэж өөдлөхгүй байна. Намын даргаа өгснөөс хойш ойрхон хоёр ч удаа цус харвасан оноштой байна. Одоо биеэ бодох хэрэгтэй шүү дээ, юу байна гэж УИХ руу зүтгээд байдаг юм бол? Хэрэв улстөрийн дээд өндөрлөгт хань хамсаатан, үеийнхэн нь цөөрвөл тэрээр өнөө л алдарт элеваторын хэргээр шоронд суух хүн. Нөгөө талаас түүнийг амар жимэр суулгадаггүйн учир Элбэгдоржид ч байдаг байх. С.Зоригийг хөнөөсөн хэрэгтэй тун ойр сэжмээр холбогдсон хүн гэлцэх юм билээ.

С.Элбэгдорж ба П.Цагаан нар хуйвалдаж “Цагалбар” компанийн дансанд сонгуулийн жагсаалт худалдаж авах зорилготой 13 сая ам.доллар байршуулсан нь “гэрэл цохиж” АН-ын жагсаалтанд “Гранд фракц” орох магадлал нь буурсан тухай мэдээлэл тархсан.

Яг тэр зайгаар Лу.Гантөмөр, Х.Тэмүжин нар амрагуудаа чихсэн бололтой байна. Гэхдээ л АН-ын жагсаалт нэг мөр янханы л жагсаалт. Хятадаар банкийг “инхан” гэдэг. XX зууны эхээр Хүрээнд япон, солонгос, хятад хүүхэнтэй дууч эмсийн хүрээлэн байгуулахад хөдөөнөөс ирсэн Монголчууд бараа товараа зарчихаад инхан буюу банкинд очиж ёншгойт болгоод түүгээрээ орж үйлчлүүлдэг байснаас эмсийн хүрээлэнг банк буюу “инханы газар” гэж нэрлэдэг болсон түүхтэй юм билээ.

Асуудал мөнгөнд байсан юм. АН сонгуулийн санхүүжилтээ босгохын тулд гишүүдээсээ хууль бус дэнчин авсан асуудал босоод байна. Горилогч бүрээс 10 саяыг авсан нь илэрч дэвшээгүйд заримд нь буцааж байгаа гэх боловч дэвшсэн хүмүүс нь бүгд хууль бус дэнчингийн мөнгө авчихаад байна.

АН-ын пиар муу байгаа нь өнгөрсөн хугацаанд илэрсэн Хөгжлийн банк, Боловсролын зээлийн сан, ЖДҮ-ийг хөгжүүлэх сангийн ихэнхийг МАН авсныг илчилсэнгүйд байна гэж комедчин нөхөр ярьж байх юм. Тэгээд хэн түүнийг илчилсэн юм бэ? Иргэд муугаар яривал АН МАН ялгаагүй гэж байгаа нь АН 12 жилийн өмнө эрх барихдаа тэр бүх сангууд руу гараа лавхан дүрээд зогсохгүй нууж хаалгүй асгаж цутган цусалсан учраас тэр шүү дээ! Их барьсан ч үмхий, бага барьсан ч үмхий.

Гагцхүү МАН дахь залуу үе нь энэ бүх булай булхайг илчилж, дараалсан сонсгол зохион байгуулахад шахаж, илчлээд бүх материалуудыг прокурор, цагдаа, шүүхэд шилжүүлсэн ч өнөө л хууччуул нь бүхий л арга хэрэгсэл, тэр дундаа өөрсдийн томилсон шүүгчдийг ашиглан шийдэлгүй дарж, хугацаа хожижхыг оролдож байгаа биз дээ?

Тэгээд энэ сонгуулиар өөрийн цүнх баригч, долоогчдыг АН-ын нэрээр олноор парламентад шургалуулж чадвал авилга, шамшигдуулалтын бүх хэргийг гацааж, замхруулах зорилготой улайран зүтгэж байгаа нь энэ юм. Гэвч мордохын хазгай болж эхнээсээ бүтэлгүйтсэн нь төрийн таалал буруу эргэснийх биз… Дээд улаан хоолойгоороо биш доод улаан хоолойгоороо бодохоор ийм юм болдог.

Чухамдаа “Эрдэнэт” үйлдвэрийг луйвардаж авахыг оролдсон, Хөтөлийн цемеэнтийн үйлдвэрийг луйвараар хувьчилж сүйрүүлсэн, стратегийн ордуудыг жижиглэж хувьдаа авсан гэх мэт томоохон хэргүүд рүү шинэ үеийхэн, ЗГ дөхөж байгаа учраас яг одоо л таслахгүй бол бүрмөсөн сүйрэхээ мэдэрч тачаадсан хэрэг юм.

Тэр байтугай энэ бүхнийг гардан хийгээд Америкт зулбан гарсан Ч.Сайханбилэг хулгайн мөнгөөрөө өөрийн хүмүүсийг байршуулахаар оролдож санасандаа хүрсэн ба хэрэв нам нь Засгийн эрхэнд гарвал жагсаалтын хойгуур орсон ч тодорхой санхүүгийн эрх мэдэл бүхий албан тушаалд томилуулахаар тохирчээ. Өнөө алдарт Сүндий жагсаалтанд орж чадаагүй ч түүний ах Д.Алтангэрэл жагсаалтанд орж амжсан.

Улстөр дэхь угсаа залгамжлал нь хүргэн, амрагаа дэмшүүлэхээс гадна туслахуудаа шахахаас эхэлдэг. Монголын газрыг гадныхан 100 жилээр ашиглуулах хуулийн хулгайг зохион байгуулсан шуудан Зоригтын туслах Н.Жавзанпагма жагсаалтанд оржээ. Ц.Элбэгдоржийн үнэнч туслах О.Чулуунбилэг жагсаалтанд хойгуур орсондоо чамлаж намаа хэмлэж байна. Г.Батхүүгийн туслах Б.Цолмонбаяр ч бас АН-ын ордныхны тоонд орж жагсаалтанд бичигджээ.

Харин Г.Батхүүгийн дүү П.Батчимэг 12 тэрбум төгрөг төлөөд жагсаалтын 13 дугаарт чүү ай бичигджээ. Жагсаалтад бичигдсэн хүмүүсээс нийт 47 тэрбум төгрөг цуглуулсан гэх мэдээлэл байна. Жишгээр нь тооцвол нэг хүнээс дунджаар 3,5 тэрбум төгрөг авсан гэсэн үг. Өөрөөр хэлбэл “Цагалбар”-ын мөнгөөр жагсаалт худалдан авах тооцсон жишигтэй яг адилхан байна гэсэн үг.

Энэ бол бүхэлдээ төрийн эрхийг хууль бусаар, худалдан авах санаархал агаад Үндсэн хуулийг шууд утгаар нь зөрчиж байгаа хэрэг билээ. Ингээд амрагууд хосоороо, авилгачид туслахтайгаа УИХ-д орно, 126 дотор багтахгүй яадаг юм гэх хоосон мөрөөдөлдөө тэд мансуурсаар…

АН-ын партизан Р.Сосорбарам

Амрагууд ба туслахууд

otgoo — Thu, 30 May 2024 15:25:35 +0800

Хэрэв эмэгтэй хүн сонгуулийн хуулиар АН-аас дэвшье гэвэл нэгд залуу, хоёрт царайлаг, гуравт аль нэг даргын хүүхдийг гаргасан байх гэдэг шалгуураар жагсаалт бүрдүүлдэг болжээ. Жагсаалтын 2 дугаарт бичигдсэн С.Одонтуяа С.Эрдэнэ хоёрын явдал л гэхэд аль эртний агаад одоо бүр эл дол, ил цагаан яриа болоод хэн ч тоохоо байсан, гэхдээ нам дотор нь шүү дээ!

АН-ын пиар муу байгаа нь өнгөрсөн хугацаанд илэрсэн Хөгжлийн банк, Боловсролын зээлийн сан, ЖДҮ-ийг хөгжүүлэх сангийн ихэнхийг МАН авсныг илчилсэнгүйд байна гэж комедчин нөхөр ярьж байх юм. Тэгээд хэн түүнийг илчилсэн юм бэ? Иргэд муугаар яривал АН МАН ялгаагүй гэж байгаа нь АН 12 жилийн өмнө эрх барихдаа тэр бүх сангууд руу гараа лавхан дүрээд зогсохгүй нууж хаалгүй асгаж цутган цусалсан учраас тэр шүү дээ! Их барьсан ч үмхий, бага барьсан ч үмхий.

Улстөр дэхь угсаа залгамжлал нь хүргэн, амрагаа дэмшүүлэхээс гадна туслахуудаа шахахаас эхэлдэг. Монголын газрыг гадныхан 100 жилээр ашиглуулах хуулийн хулгайг зохион байгуулсан шуудан Зоригтын туслах Н.Жавзанпагма жагсаалтанд оржээ. Ц.Элбэгдоржийн үнэнч туслах О.Чулуунбилэг жагсаалтанд хойгуур орсондоо чамлаж намаа хэмлэж байна. Г.Батхүүгийн туслах Б.Цолмонбаяр ч бас АН-ын ордныхны тоонд орж жагсаалтанд бичигджээ.

АН-ын партизан Р.Сосорбарам

“ХААН Банкны ой”-д 40,000 мод ургаж байна

khulan — Tue, 28 May 2024 18:17:59 +0800

ХААН Банк нь 2007 оноос эхлэн “ХААН банкны ой” хөтөлбөрийг санаачлан Монгол орны өнцөг булан бүрд мод бут тарих ажлыг тууштай хэрэгжүүлж ирсэн билээ. 2021 оноос тодорхой газарт төвлөрөн ойжуулах ажлыг хийх зорилго тавьж, Улаанбаатар хотын Сэлбэ голын эх, Их баяны ам орчимд нөхөн сэргээлт нэн шаардлагатай 40 га газрыг ойжуулах ажлыг эхлүүлсэн юм. Уг газарт 108 мянга орчим мод тарихаар төлөвлөж, 2021-2023 онд 24 га газарт хүлэмжид бойжуулсан бортоготой нарс мод тарьсан юм.

2024 оны хаврын мод тарих өдрийн хүрээнд ХААН Банкны 100 гаруй ажилтнууд хамтран Сэлбэ голын эх, Их баяны орчим газарт мод нэмж тарих ажлыг гүйцэтгэлээ. 4 дэх жилдээ үргэлжилж буй Улаанбаатар хотын ундны усны ундарга болсон Сэлбэ голын эх орчмыг ойжуулах, нөхөн сэргээх ажлыг Нийслэлийн байгаль орчны газар болон бусад мэргэжлийн байгууллагуудтай хамтран арчилгаа хяналттай хийж буйгаараа онцлог юм. Ийнхүү ХААН Банкны тогтвортой хөгжил, нийгмийн хариуцлагын бодлогын хүрээнд хэрэгжиж буй Улаанбаатар хотын Сэлбэ голын эх орчмын 40 га газарт нийт 40,000 шинэс нарс мод ургаж байна.

Агаарын бохирдлыг багасгахад чухал нөлөө үзүүлдэг шинэс, нарс модыг энэ бүсэд тарьснаар ойн экосистемийн тэнцвэрт байдлыг хадгалах, Сэлбэ голын эхийн ундаргыг сэргээх, улмаар Туул голд цутгах урсцыг нь нэмэгдүүлэх ач холбогдолтой юм. ХААН Банк нь тогтвортой хөгжлийн бодлогын хүрээнд, байгаль орчныг хамгаалж, эх орноо ирээдүй хойч үедээ эерэг сайхнаар үлдээхэд хувь нэмэр оруулж тууштай ажилласаар байна.

Хамтын өсөлт төгөлдөр-ХААН Банк

ХХААХҮЯ: Хяналт-шинжилгээ, үнэлгээний мэргэжилтэн ажилд урьж байна

otgoo — Mon, 27 May 2024 20:32:29 +0800

Төслийн үр ашгийн мониторингийг бий болгохын тулд хяналт-шинжилгээ, үнэлгээний мэргэжилтэн шаардлагатай төслийн үнэлгээний систем, түүний хэрэгжилтэд хяналт тавих.

ХХААХҮЯ: Санхүүгийн мэргэжилтэн ажилд урьж байна

otgoo — Mon, 27 May 2024 20:11:12 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

Ө.Сумъяабаатар: Бид хот төлөвлөлтийн алдаатай бодлогын золион дээр л ажиллаж байна.Тэглээ гээд гонгинохгүй...

otgoo — Sat, 25 May 2024 19:14:18 +0800

НИТХ-ын төлөөлөгч, Баянгол дүүргийн Засаг дарга Ө.Сумъяабаатартай ярилцлаа.

-Сумъяабаатар даргыг зочноор урьж ярилцъя гэж бодож байсан юм. Танай дүүргийн ИТХ-ын хүчний харьцаа бараг тэнцүү. МАН нэг гишүүнээр илүү. Нэгээр илүү бол мянгаар илүү гэдэг, тийм үү. Гэсэн ч таныг бол хэцүүхэн нөхцөлд ажиллууллаа. Хоёр ч удаа огцруулах гэж үзлээ.

-Хэцүү үедээ хэцүү байсаан. Гэхдээ хэцүү байна гээд улсын ажлыг цалгардуулах эрх бидний хэнд ч байхгүй болохоор аль болох арга эвийг нь олоод ажлаа явуулахын төлөө ажилласан.

-Таныг би нэлээн дээрээс мэдэх юм. Дүүрэгт, нэгж дээр ажиллаж байгаа юм байна. Миний эхний асуулт өглөө сонссон хөгжилтэй мэдээтэй холбоотой асуулт юм. Энэ бол хотоос баахан малыг гаргаж байгаа гэнээ... гэсэн мэдээлэл. Хот, мал гэхээр зохицолдохгүй ойлголт яваад байдаг. Одоо бол хөдөө мал, малчин хоёр хэцүү байна. Гэтэл хотод Шангри-Ла орчимд мал “зугаалаад” байна гэнэ. Тэгэхээр танай Баянгол дүүрэгт ч малтай иргэд байдаг хэрэг үү. Тэр малыг тэгээд хааш нь аваачих гэж байгаа юм бол?

-Өглөө би бас яг энэ мэдээг харж байлаа. Тэгсэн чинь өчигдөр манай дүүргийн нутаг руу 24 адуу орж ирсэн байна. (инээв) Гурав, дөрөвдүгээр хороолол руу гэхэд хоёр адуу орж ирсэн бол, цахилгаан станцын урд, манай дүүргийн хамгийн том хороо болох 20 дугаар хороо руу олон адуу орж ирсэн явж байна гэнэ. Нийслэлийн дүүргүүдийн хэмжээнд гэхэд нийтдээ 2153 мал орж ирсэн. Ихэнх нь адуу юм байна. Манай дүүргийн хувьд Сонгинохайрхан, Хан-Уул, Чингэлтэй гээд том дүүргүүдтэй хиллэдэг. Тиймээс адуу мал орж ирэх нь харьцангуй бага л даа. Харин нэг хоёроороо заримдаа нэлээн гүн нэвтэрчихээд, таны хэлсэн Шангри-Ла-гийн урд хүртэл явж байсан байна. Ер нь хот дотор адуу мал байж болохгүй шүү дээ. Тиймээс бүгд нийлээд, хүн хүчээ дайчлаад гаргах нь зөв. Байдал хэдий хэцүү байгаа ч малаа шууд л туучихаж болохгүй.

-Малтай бол хотын захад амьдар л даа. Ийм зүйлийг хүртэл ойлгуулах гээд явж байх нь өөрөө гунигтай байна шүү дээ?

-Тийм ээ. Энэ жил өвөлжилт хүндэрсэн. Цас ихтэй байгаа. Тэгэхээр адуу мал өвс хайж явсаар хот руу ороод ирчихдэг юм шиг байгаа юм.

-Одоо тэр орж ирсэн малыг хааш нь аваачих гэж байгаа юм бэ?

-Нүхтэд, Сонгинохайрхан Эмээлт орчимд, хотын хойд чиглэлд гээд том хашаатай айл өрх, аж ахуй нэгжийн хашааг түр ашиглаад, тэнд нь туусан малаа бүртгэлжүүлээд, бүртгэлийнхээ дагуу эздийг нь хайгаад өгч байгаа. “Адуу малаа дахиж хотод оруулахгүй шүү” гэж хэлж, ойлгуулаад хүлээлгэж өгч байгаа юм. Манай төрийн албаныхан мал тууж байна, нохой тууж байна. Ер нь хийхгүй юмгүй болж байна шүү. Заримдаа дотоод сүлжээн дээр явж байгаа мэдээллүүдээ харахаар үнэндээ хэцүү санагддаг.

-Айлын нохой зөвшөөрөлгүй буудсан, устгасан гэх мэдээ харахаар аймшигтай санагддаг.

-Мал тууна, нохой тууна, цас цэвэрлэнэ гэсэн мэдээллүүдийг хөндлөнгийн хүн харахаар сонин санагддаг байж болох ч яг амьдрал дээр эдгээрээс үүдэлтэй сөрөг асуудлууд маш их байдаг. Тухалбал, иргэдтэй уулзаад явахаар “Эзэнгүй нохой маш их байна. Орой үдэш хүүхдүүд хичээл сургуулиа тараад ганц нэгээрээ явахад хэцүү байна. Хүн рүү дайрч байна, хазаж урж байна” гэсэн гомдол их ирдэг. Ер нь нохой хүн хазсаны дараа биш тийм байдлаас урьдчилж арга хэмжээ авах нь чухал юм. Бас адуу мал байна. Ер нь хотын дотоод амьдралд бидэнд анзаарагдахгүй, мэдэгдэхгүй юм шиг атлаа асуудал дагуулсан маш олон зүйл байдаг. Магадгүй манай төрийн албан хаагчид мал, нохой туугаад явж байвал зарим найз нөхөд нь “Чи ийм юм хийдэг юм уу” гээд шоглодог байх. Гэхдээ үүнээс өөр арга байхгүй. Сүүлийн үед бүртгэлгүй, хаяггүй, өөрөөр хэлбэл эзэнгүй нохой их болсон байна. Өмнө нь тусгай аж ахуйн нэгжүүд ийм тохиолдолд гэрээний дагуу буудаж устгадаг байсан. Одоо арай өөрөөр үзье гээд ажиллаж байгаа. Тийм нохойг устгах биш харин хотоос гадагш, тусгай хашаанд хийх арга хэмжээ авч байгаа.

-Журмын хашаа гэдэг шиг хашаанд уу?

-Тийм. Гэхдээ энэ ч төдийлөн үр дүнд хүрэхгүй л байгаа. Том нохойнуудаа барьж авч чадахгүй байна.

-Та олон жилийн өмнө манай дээд зиндааны улстөрчдийн дунд өндөр байр суурьтай С.Баяр даргын шадар туслахаар ажиллаж байсан хүн. Магадгүй зарим залууст тийм хэмжээний дурсамж байсан бол арай өөр түвшинд ажиллах гээд гүйх байх. Таныг дүүрэгт ажиллаж байгаад олзуурхаж байна. Дүүрэг удирдан ажиллахад хүн төрөхөөс үхэх хүртэлх бүх л зүйлтэй хутгалддаг юм шиг байгаа юм?

-Газар нутаг, хүн, мал гээд хамаарахгүй сэдэв гэж байхгүй л дээ.

-Нийслэлийн ИТХ-д нэр дэвшээд ялалт байгуулаад ороод ирсний дараа, дүүргийн Намын хорооноос Засаг даргад нэрийг тань дэвшүүлэхэд танд юу бодогдож байв?

-Таны сүүлийн асуултаас эхлээд хариулъя. Орон нутгийн сонгуулийн дүн гарсны дараа намайг дүүргийн Засаг даргад нэр дэвшүүлсэн. Ер нь төлөөлөгчдийн тоо ойрхон байхад юу болдог вэ гэдгийг би гадарлана шүү дээ. Саналын тоо ойрхон байхад ямар асуудал үүсдэг вэ гэдгийг маш сайн мэднэ. 32, 33 гэдэг шиг. Манай дүүргийн Иргэдийн хуралд манай нам нэг суудлын илүүгээр ялсан. Амаргүй байна гэдгийг гадарлаж байсан.

-Их эмзэг бүтэц л дээ...

-Сүүлд манайд нэг хүн орж ирснийг та мэдэж байгаа шүү дээ. Ингээд л эхнээсээ асуудал үүссэн. Дүүргийн ИТХ анхны чуулганаа хуралдуулж чадахгүй явсаар хуулийн хугацаа тулахад буюу хамгийн сүүлд арай гэж хуралдаж би томилогдсон. Дүүргийн намын хороо, намын удирдлагууд намайг маш сайхан хүлээж авч, дэмжсэн. Дараа нь нэлээд юм болсон л доо.

-Тусгаар тогтнолын ордны үүдэнд нэг залуу суулт хийсэн, ажлаа явуулъя аа гээд...

-Манай П.Өлзийнаран төлөөлөгч. Иргэдийн хурлын төлөөлөгчөөр өмнө нь ч сонгогдон ажиллаж байсан хүн. Намын анхан шатны нэгжид ажилладаг. Манай намын хорооны сайн дарга нарын нэг л дээ.

-Ер нь ажлаа явуулах хэрэгтэй биз дээ. Дээд түвшинд том хэмжээний тэмцэл явж байхад, системийн өөрчлөлт хийж байхад доор нь жинхэнэ ажил өрнөдөг газарт улс төржилт яваад байж болохгүй. Тэр үед зарим нь энэ залуу АН-ын хүн юм уу гэж байсан...

-Тийм. Би нэг зүйлийг ер ойлгохгүй байсан л даа. Ер нь ямар ч асуудалд үндэслэл гэдэг юм байх ёстой. Улс төрийн дүрэм журам биш юм гэхэд энгийн ерөнхий зүйлс дээр агуулга, үндэслэл гэдэг юмнууд байдаг шүү дээ. Гэнэт дуудаж оруулаад л, ямар ч асуулт ч асуухгүйгээр огцрууллаа л гэдэг. Энэ бол орон нутгийн Иргэдийн хуралд хамгийн байж болохгүй тоглолтуудын жишээ болж үлдсэн. Өөрсдөө ч зарим нь эмзэглэж яваа байх.

-Ер нь 20 : 21 гэдэг өөрөө хүчний хэцүү харьцаа. Энэ талаас нь улстөрчид бол ойлгож байсан байх аа, таныг. Ер нь танай Иргэдийн хурлын төлөөлөгчдийн насны бүтэц ямар вэ?

-Дунджаар 35-40 насныхан.

-Та өөрөө Нийслэлийн иргэдийн хурлын төлөөлөгч биз дээ?

-Тийм.

-Баянгол дүүргээс НИТХ-д нэр дэвшсэн танайхан их эрч хүчтэй, шижигнэсэн залуу баг байсан. Би тэр үед өөрөө Баянголын сонгогч байлаа. Баянгол дүүрэг сайхан дүүрэг.

-Бид багаараа нэг бодлого, нэг зорилгын төлөө дэвшсэн. Түүнийгээ хэрэгжүүлэхийн төлөө ажилласан. Манай дүүрэг сайхан дүүрэг.

-С.Баяр дарга мэдээж олон туслахтай байсан байх. Гэхдээ хэнд нь ч нэг их санаа зовж, эргэж харж нялцагнадаггүй болов уу. Гэхдээ тэр нь итгэлийн л илрэл байх. Ингэхэд та хоёр хамгийн сүүлд хэзээ уулзсан бэ?

-Тэр үнэн. Хүмүүс С.Баяр даргын туслах байсан гэхээр байнга уулзаж учраад явдаг гэж зарим нь боддог байх. Эсвэл уулзаагүй гэхээр худлаа яриад байна даа гэж боддог юм шиг байгаа юм. С.Баяр дарга дөнгөж албаа өгчихсөн байх үед би сурч байгаад монголдоо ирсэн. Ажил хийх санаатай хүмүүстэй уулзаад явахаар С.Баяр даргын хүн гээд надад итгэхгүй. “С.Баяр дарга худлаа даа”, “Ерөнхийлөгчийн сонгууль болох гэж байна. С.Баяр дарга том улстөрч, эргэж орж ирээд дахиад ажлаа хийнэ” гэдэг байдлаар ханддаг байсан. Хүмүүсийн тэр хандлага туслах нь байсан надад маш их мэдрэгдэнэ. Уг нь С.Баяр дарга бид хоёр аль хэдийн нэгэн үе хамт ажиллаад, дараа нь мөр мөрөө хөөсөн хүмүүс шүү дээ. Гэтэл хандлага нэг тийм сонин байдаг байлаа. С.Баяр даргын туслахаар ажиллаж байхад нам дотор олон зүйл болж байсан. Та мэдэж байгаа. Хоёр намын Их хурал, жигүүр, онц их хурал гээд л...

-Бараг 20 жил өнгөрч?

-2004- 2005 он шүү дээ. 18-19-өөд жилийн өмнө. Тухайн үед би намын даргын дэргэд ажилладаг байлаа. Урд урдын дарга нар, намын гишүүдийн намтрыг их уншдаг байсан. Би хөдөө төрж өссөн. Гэтэл нэг л юм дутаад байдаг. Тэр нь хэл. С.Баяр дарга бол яах аргагүй өндөр боловсролтой, асар өргөн мэдлэгтэй хүн. Тийм хүмүүстэй ойрхон ажиллаж байсан болохоор өөрийгөө голоод, чамлаад маш хэцүү байдаг юм билээ. Дараа нь хүмүүс надад хэлж байсан л даа. Чи даргын туслахаар гурав дөрвөн жил ажилласан байж Ерөнхий сайд болохоор нь зөрөөд гараад явчихдаг. Ийм тэнэг хүн байдаг аа гээд. Тэр үед би “За, баяртай дарга аа. Би өөрийнхөө боловсролыг дээшлүүлэх хэрэгтэй” гээд яваад өгсөн. Тэр үед надад нэг ах хэлж байсан. Чи буруу үед явчихлаа даа. Ийм боломж хүн бүрд байнга олддоггүй юм шүү гэж.

-Мэдээж Ерөнхий сайд болоод чамайг шадар туслахаараа аваад явах байх л гэж бодож байсан байх?

-Тэгэлгүй яах вэ. Намайг аваад л явж байсан. Гэтэл Ерөнхий сайд болоход нь, 2008 оны 8-р сард нь би ажлаасаа гарчихсан. Буцаад 2011 онд ирэхэд дарга Ерөнхий сайд, намын даргын суудлаа өгчихсөн байсан.

-Та хаашаа явж сурсан юм бэ?

-Би АНУ-руу явсан. Тэгээд хэлний сургуульд нэг жил сураад, үргэлжлүүлээд Олон улсын харилцааны чиглэлээр мастерын хөтөлбөрт хамрагдсан.

-Тэр хугацааг өөрөө бол “алдсан хугацаа” гэж боддоггүй байх, тийм үү?

-Тэр цаг хугацааг би юм үзэж хараад, өөрийгөө хөгжүүлээд явсан цаг үеэ гэж боддог. Хэрэв тэгж яваагүй бол одоо ч гэсэн нэг л юм уу дутуу санагдсан хэвээрээ л байх байсан болов уу.

-Таныг сурахаар явлаа гэхэд тэр юу гэж хэлэх юм.

- Чи ажил хийх юм уу. Ер нь ямар санаатай байна вэ гэж нэг удаа асуусан. Би сурахаар явна. Урилга бүх юмаа бэлдчихсэн гэсэн чинь “За, сайн сураад ирээрэй” гэсэн.

-Олон асуухгүй л дээ?

-Тэгэхэд нь би сурах гээд шийдчихсэн байсан болохоор “одоо ажил төрөл хийхгүй ээ” гэж хариулсан. Заримдаа тэр үеийг бодоод хэрэв би ажлаа үргэлжлүүлээд явсан бол арай өөр байх байсан болов уу гэж боддог л юм.

-Анх таныг ажилд авахдаа юу хэлж байв?

-Дарга олон юм асуухгүй. За, анкетаа тавьчих. Туслах яг юу хийх ёстой билээ гэхээр нь би баахан юм яриад л “Цаг заваа зохицуулна, таны ажил төрлийг төлөвлөнө” гэтэл “Товчхондоо туслах гэдэг нь бүх талаар тусална гэсэн үг шүү дээ. За, ажилдаа ор” гэсэн. Тэр үе 2005 оны нэгдүгээр сар байсан байх аа. Н.Энхбаяр даргын Ерөнхийлөгчийн сонгуульд нэр дэвших компанит ажлын бэлтгэл эхлэх гэж байх үе. Тэгээд л ажиллаж эхэлсэн. Орой нь хоёулаа зурагтыг нь асаах гэтэл чаддаггүй. Тэгсэн дарга “Чи ер нь техникийн боловсролоо жаахан сайжруулах хэрэгтэй юм байна даа” гэж байсан нь санаанаас гардаггүй юм.

-Хамгийн сүүлд хэзээ тухтай уулзсан бэ?

-Намын хурлууд дээр даргатай таардаг. Гэхдээ хурлын арга хэмжээний үе болохоор тухтай суугаад уулзаад байх боломж байхгүй. Харин Ерөнхий сайдын суудлаа өгөөд Сиэтлд очиход нь уулздаг байсан. Би өөрөө Нью-Иоркод сурч байсан л даа. Тэгэхэд “Чи яах билээ. Хэзээ төгссөн билээ. Ямар мэргэжлээр сурч байгаа билээ. Ямар чиглэлээр ажиллах сонирхолтой байгаа билээ” гээд асуудаг байсан. Гадаад харилцааны чиглэлээр сурч байгаагаа хэлнэ. “За, чи хичээлээ дуусгаад ирээрэй” гэж хэлж байсан. Дараа хавар нь ирэхэд намын даргаа өгчихсөн байсан. Ордонд таараад уулзтал “Би бүх ажлаа өгчихсөн. Одоо ч миний үгийг сонсдог хүн байхгүй биз дээ” гэж байсан.

-Ер нь эр хүний зоригоороо яв л гэж хэлж байгаа хэрэг биз?

-Тийм. Уг нь би намын аппаратад ажиллачихсан, тэр хүмүүстэй нэг хамт олон болчихсон байсан. Тэр үед намайг танихгүй дарга нар ч гэж байдаггүй байсан. Бүгд л даргатай уулзах гээд ирдэг, үүдэнд нь дугаарлаад л зогсдог байсан болохоор бүгд намайг танина. Тэгсэн яваад ирсний дараа хүмүүс бүр өөр болчихсон, таньсан ч холдоод явчихна. Төв нам руу ороод ажиллах гэтэл надад ер итгэхгүй, С.Баяр даргын хүн гээд их сонин байж билээ. Би АНУ-аас ирээд их олон хаалга тогшсон. Тэгээд арай ойр байсан болохоор Г.Мөнхбаяр дарга дээр очсон. Тэгсэн намайг их сайхан хүлээж авсан.

-Та тэгвэл хүмүүсийн чанарыг их эрт таньсан байна шүү дээ.

-Тэгсэн. Би хүмүүс ямар байдгийг харьцангуй залуу насандаа мэдэрч авсан.

-Хүмүүс С.Баяр даргыг их ярвагар, ааштай авиртай гэдэг. Яг шадар туслах нь байсан, өдөр дутам хамт ажиллаж байсан хүний хувьд юу гэж тодорхойлох вэ. Үнэхээр яг хамт ажиллахад хэцүү юу?

-Үгүй, гайгүй шүү дээ. Хүмүүс монголын алдартай ааштай хүн л гэдэг. Яг амьдрал дээр тийм биш. Бүх юм тодорхой байхыг л шаарддаг. Бүх юм тодорхой байвал ямар ч асуудалгүй. Нэг удаа сонгуулийн үеэр дарга москвад хэрэглэж байсан notebook дээрээ нэг материал редакторлоод байж байсан юм. Тэрийгээ янзалж байгаад энийг хадгалчих гээд надад өгдөг юм, би товчлуур дартал нөгөөх нь байхгүй болчихсон. Тэгсэн за, чи наадхаа маргааш гэхэд ямар нэг байдаар сэргээнэ, би телевизийн шууд ярилцлагатай гээд гараад явчихлаа. Би зөндөө үзээд болсонгүй, ёстой шаналсан. Маргааш нь яах бол гээд л хачин царайлаад байж байсан чинь өглөө нь зүв зүгээр орж ирээд, за зүгээр ээ гэж байгаа юм. Тэр үед хэн хэнийх нь буруу байсан байх л даа /инээв/.

-Баянгол гэдэг бол энэ дүүргээр овоглосон лидерүүдтэй. Ялангуяа АН-ын С.Эрдэнэ, С.Одонтуяа гээд, АН-ынхан удаан засагласан газар. Энэ дүүрэгт ирж ажиллахад хэцүү нь юу байв?

-Би хэцүү зүйлүүдээ зах зухаас нь нэлээн сайн амсчихсан шүү дээ. (инээв) Харин одоо надад хэцүү гэхээсээ илүү, дүүрэгт хийгдсэн бүтээн байгуулалтын ажлуудыг харах гоё байдаг. Өмнө нь яг ямар байсныг хэлж мэдэхгүй байна. Гэхдээ бид 2021-2023 онд 34 хорооны 110 байршилд тоглоомын талбай, 90 байршилд 47,672.72мкв талбайд явган хүний замыг хийж гүйцэтгэсэн байна. Мөн 100 гаруй байрны дээврийг зассан байна. Мөн 30 байранд фасад дулаалгын ажлыг хийсэн бол энэ онд дүүргийн төсвийн хөрөнгө оруулалтаар нэмж 15 байрны фасад дулаалгын ажлыг нэмж хийнэ. Энэ мэт иргэд рүүгээ чиглэсэн олон ажил хийсэн ч дутуу ажлууд бас харагдана аа. Тэрийгээ гүйцээчих юмсан гээд зүтгээд л байна. Та түрүүн асуулаа. Урд нь сөрөг хүчний лидерүүд болох С.Эрдэнэ, С.Одонтуяа гээд улстөрчдийн дүүрэгт ажиллах амаргүй байв уу гэж. Тийм биш шүү дээ. Нэгэнт засгийн эрх аваад бодлого хэрэгжүүлээд ажиллаж эхлэхэд ямар нэг асуудал байхгүй. Адилхан л төрийн албан хаагчид энд ажиллаж байна. Засаг даргын хувьд өөрийн бодсон санасан зүйлээ хуулийнхаа хүрээнд ИТХ-д оруулж төсвөө батлуулаад хийгээд явна.

-Ер нь гол хэцүү асуудал сөрөг хүчин гэхээсээ илүүтэй өөрийн намын зүгээс байв уу гэж харж байна?

-2020 оны сонгуулийн дараа энэ дүүрэгт найман жил ялагдсан байсан манай нам гарч ирсэн. Энэ хугацаанд намын олон мянган гишүүн нэг баг болж зүтгээд л, Засаг даргыг томилж багаа юм шүү дээ, яг үндсэндээ бол. Харин цаашид яаж ажиллах вэ гэдгийг Дүүргийн Засаг дарга хараад, бодлогоо зангидаад явна. Ажил төрлөө төлөвлөнө. Дээр нь нэмээд манай тойргоос сонгогдсон намын дарга байна. Ж.Ганбаатар дарга тойргийнхоо төсөв мөнгөний төлөө үнэхээр их зүтгэдэг. Төсвөөрөө зам гэх мэт том бүтээн байгуулалтын ажил хийлээ, засварлаж, шинэчлэх ажлуудаа сайн хийсэн. Ер нь л сүүлийн гурван жил Баянгол дүүрэгт ажил буцалсан. Бас олон жил болсон гаражуудыг буулгаж газар чөлөөлж эхэлсэн.

-Гараж чөлөөлөлтийн ажил бол Д.Сумъяабазар даргын хэл аман дундуур явж хийсэн маш сайн ажил шүү. Гэхдээ үр дүнтэй, зөв ажлуудыг иргэд амархан мартчихдаг.

- Тэгдэг. 2021 онд дүүрэгт нэлээд ажил хийгдсэн. Гэвч хүмүүс ямар ч сайхан ажил хийсэн алга таших нь ховор болчихсон. “Тийм байсан зүйлийг засаад ийм болгосон” гэхээр өмнөхөө мартчихсан өөр зүйл л яриад байдаг.

-Ер нь Баянгол дүүрэгт шинэ бүтээн байгуулалт хийе гэхээр газар байхгүй нь нэг хэцүү тал нь байх?

-Тийм. Манай дүүрэг хүн ам ихтэй, газар нутаг багатай. Нэг хүн амд ноогдох газар нутгийн хэмжээ хамгийн бага. Дээр нь сүүлийн үед хүн ам төвлөрсөн хотхон хороолол олноор баригдсан. 1980-аад он баригдсан барилга байгууламжууд маань ерөнхийдөө муудсан. Гурав дөрөвдүгээр хороолол, Төмөр зам, 10-р хорооллын даац хэтэрчихсэн. Тулгамдсан асуудлууд ихтэй л дээ.

-Гэхдээ би таныг дээрээ түшигтэй гишүүдтэй байна гэж боддог. УИХ-ын гишүүн Ж.Ганбаатар, С.Одонтуяа гээд.

-Үнэн.

-Та бүлэг, фракц гээд яваад байдаггүй. Энэ нь таныг оролдох нэг барьц болж өгдөг байж болох юм.

-Магадгүй. Би өөрөө нэг их айхтар фракц энэ тэр гээд яваад байдаггүй. Тийм юмандаа жаахан тааруухан. Би Баянгол дүүргийн Засаг дарга, дүүргийн Намын хорооны дэд дарга. Манай дүүргийн намын дарга бол Ж.Ганбаатар сайд. Миний хувьд намын даргатай намын дэд даргын, засаг даргын түвшинд л ажлаа яриад, хийгээд л явдаг. Өөр энд тэнд, элдэв бүлэглэл гээд яваад байдаггүй. Тэр миний сул тал байж магадгүй. Энэ талаас маань болж намайг оролддог ч байж магадгүй. Ер нь бол асуудал болгон дээр тайлбар өгөөд л, өөрийгөө өмөөрөөд яриад байх нь зохимжгүй зүйл гэж би үздэг. Жижиг сажиг асуудлыг дэвэргээд, тэрнээс чухал ажилгүй ч юм шиг гүйгээд байх нь утгагүй харагддаг.

-Архангай аймагт төрсөн юм билээ. Тэнд төрсөн үү?

-Тийм. Би Архангай аймгийн төвд төрж өсөөд, аймагтаа 10 жилийн дунд сургууль төгссөн. Тэгээд л хотод оюутан болж ирээд, Баянгол дүүрэгт амьдарсан. Баянголын оршин суугч.

-МУИС-ийн улс төр судлалын анги төгссөн байв уу?

-Тийм. Олон улсын харилцааны чиглэлээр магистрын зэргээ хамгаалсан. Төгсөөд судалгааны байгууллагад ажиллаж байсан.

-Би таны ярилцлагыг үзсэн. Тэр дотор миний хэзээ ч сонсож байгаагүй нэг үг байсан “Та НИТХ-ын гишүүн боллоо. Та улс төрд орчихлоо, улстөрчийн хувьд...” гээд яриа эхлэхэд “Намайг улс төрд орсон гэж хэлэхэд зохимжгүй” гэж хариулсан байсан. Уг нь манайд сургуулиа төгсөөд намын байраар хэд гүйгээд, орон нутагт нэг дэвшээд үзчихсэн л бол улстөрч болчихсон гэж ярьцгаадаг шүү дээ?

-Би том улс төрийн байгууллагад ажиллаж байсан. Хувь тохиолоор тодорхой түвшний улстөрчидтэй ажиллаад үзчихсэн болохоор “улстөрч гэж ийм хүнийг хэлдэг юм” гэсэн суурь үнэлэмж байна шүү дээ. Улстөрч бол мэргэшсэн байх ёстой.

-Манайхан улстөрч боллоо. Улс төрд хөл тавилаа л гээд байдаг шүү дээ.

-Үеийхнийхээ тийм үгнээс жаахан ичээд байдаг. Гэхдээ би таны хошигнолыг ойлгож байна.

-Энд бол янз бүрийн ажлыг жинхэнэ хийж сурдаг газар. Заримдаа бүр төсөөлөөгүй ажлууд руу ч ордог байх?

-Үнэндээ бол тийм. Заримдаа Онцгой байдлын чиг үүргийн ажил ч хийнэ. Эрүүл мэнд, боловсрол гээд орохгүй салбар байхгүй. Гэхдээ өөрт хуримтлуулсан туршлага дээр суурилаад ямар нэг байлдлаар гал гаргахгүйгээр олон нийтийн ажлыг зохион байгуулна. Манай баг ковидын онцгой нөхцөл байдлын үед зохион байгуулалтын ажлуудыг сайн түвшинд хийсэн гэж боддог.

-Та бас их азтай хүн юм. МУИС-ийн Нийгмийн ухааны факультетыг улс төр судлалаар төгсөөд, ажлын гараагаа Шинжлэх ухааны академиас эхэлсэн юм билээ. Нийгмийн ухааны салбарын төгсөгчдөөс хамгийн шилдгүүд нь Шинжлэх ухааны академид ажилд ордог. Тэр газраас таны ажлын гараа эхэлсэн байна. Тэнд юу сурав. Яг ямар газар юм. Одоо таны ажиллаж байгаа газраас шал өөр орчин шүү дээ.

-Би үнэхээр азтай. Шинжлэх ухааны академи гэдэг бол аль улс оронд хамгийн том суурь, судалгааны байгууллага нь шүү дээ.

-Тийм ээ. Өндөр эрэмбийн газар...

-Шинжлэх ухааны академи 1990 оноос хойш их өөр болсон. Гэхдээ өмнөх үед бэлтгэгдсэн нэртэй том эрдэмтэн судлаачид биднийг яг сургуулиа төгсөхөд буюу 2000 оны үед ажиллаж байсан. Тэр том хүмүүстэй уулзан учирч, хамт ажиллаж, тэднээс суралцах нь үнэхээр их аз завшаан юм.

-Улстөрчдийн ажлын тал нь ярих гэдэг. Гэтэл та чимээгүй хүн юм. Энэ нь магадгүй таны Шинжлэх ухааны академиас авсан төлөвшил юм болов уу. Ер нь эрдэмтэд чинь нэг их гадагшаа цуураад байдаг хүмүүс биш шүү дээ?

- Үнэхээр өөр түвшин. Би дөнгөж сургуулиа төгссөн залуу ШУА-д хөл тавиад, тэр мундаг эрдэмтэн докторуудтай хамт дессертаци уншаад зогсож байгаадаа эхэндээ итгэж яддаг байсан. Тэр том газар их зүйлийг сурч мэдсэн. Миний бахархан санаж явдаг газар маань.

-Тэнд сууж сурна биз.

-Тэгнээ, сууж сурна. Уншиж сурна.

-Гаднаасаа бол залуу хүнд уйтгартай ажил. Тэгэхэд та дөрвөн жил ажилласан байна. Тэгэхээр дурламаар сайхан газар байх л даа?

-Гоё гоё. Тэнд ажиллаж байхад манай академийнхан надад маш сайн байдаг байсан. Манай багш Жамбал гуай маань надад “Чи ном хөөх гээд байна уу, нам хөөх гээд байна уу. Ном хөөвөл өлсөж үхнэ гэж лав байхгүй. Нам хөөвөл харин яаж ч дуусаж мэднэшүү “ гэж хэлж байсан. Ер нь л тэд айхтар үг хэлнэ. Санаанд шууд хадагдах үг.

-Нийслэлийн Иргэдийн хурал бол хотын парламент. Бас том сургууль. Та НИХ-ын төлөөлөгч. Нийслэлийн ИТХ дээр бас юм юм л болдог. Гэтэл тэнд зарим нь иргэдээ төлөөлж ажиллах ёстойгоо ойлгоогүй яваад байх шиг харагддаг. Улаанбаатараар улс төр хийнэ гээд давхиад байдаг. Ер нь таны хамт гар өргөж баталсан хамгийн хүнд шийдвэр юу байв. Иргэдийн төлөөлөгчдийн хурлаас гарсан шийдвэрийг дүүргийн Засаг даргын хувьд та өөрөө хэрэгжүүлэх болно шүү дээ.

-Иргэдийн хуурал дээр Нийслэлтэй холбоотой чухал чухал шийдвэрүүд гардаг. Хамгийн сүүлд гэхэд авто машины тооны дээд хэмжээг хязгаарлах журмыг баталлаа. 720 мянган машин гээд... Ийм шийдвэрүүд бол амаргүй л дээ.

-Танай дүүрэгт нийгмийн халамж шаардлагатай иргэд хэр олон байдаг вэ?

-Бий бий. Гэхдээ манайх бусад дүүргээ бодвол тийм өрх хамгийн багатай. Ер нь манай дүүрэг нийслэлийн бусад дүүргээсээ гэр хороолол хамгийн багатай нь. Нийт хүн амын 15 хувь нь буюу 40 мянга орчим иргэн гэр хороололд оршин суудаг. Сүүлийн 2-3 жилд сургууль, цэцэрлэг, зам гээд гэр хороололд үндсэн дэд бүтцийн асуудлыг шийдлээ. Харин гэр хороолол биш байшин хороололд бол амьжиргааны түвшин доогуур хүмүүс байна. Харахад л байртай болохоос бас л хүнд аж амьдралтай. Тэгэхэд эсрэгээрээ гэр хороололд сайхан амьдардаг, амьжиргаатай айл зөндөө бий.

-Амьжиргааны түвшнийг бас шууд гадаад хэлбэрээр тодорхойлоход хэцүү...

-Яг тийм. Байшин хороололд амьдардаг зарим иргэд аав ээжээс байр нь өвлөгдөөд ирчихсэн. Өөрсдөө юм хийдэггүй. Амьдрал нь бүр уначихсан. Тэгэхэд гэр хорооллынхон маань хөдөө орон нутгаас шилжиж ирээд амь уухын төлөө зүтгэж амьдралаа босгодог. Хэдийгээр гэр хороолол утаатай боловч тэнд хүмүүс ажил хийгээд, амьдрал буцалж л байдаг.

-Сургууль цэцэрлэгийн хүртээмжийн талаар?

-Манай дүүрэгт улсын 19 сургууль, 38 цэцэрлэг бий. Ер нь сургууль, цэцэрлэгийн хүртээмж сайн. Дээр нь сүүлийн жилүүдэд гэр хорооллуудад сургууль, цэцэрлэг нэлээд олон баригдсан. 9, 10, 23-р хороонд шинэ сургуулиуд баригдлаа.

-Хэдэн шинэ сургууль, цэцэрлэг ашиглалтад оров?

-2021-2024 онд боловсролын салбарт 172,1 тэрбум төгрөгийн хөрөнгө оруулалт хийгдсэн. Тухайлбал сургууль, цэцэрлэгийн хүртээмжийг нэмэгдүүлэх зорилгоор 26 төсөл арга хэмжээг амжилттай хэрэгжүүлсэн байна. Ингэснээр 13 сургууль, 13 цэцэрлэгийн барилга байгууламж шинээр барих төслийг хэрэгжүүлж, үр дүнд нь сургуулийн суудлын тоо 7,600, цэцэрлэгийн орны тоо 2,400-аар нэмэгдсэн байна. Би их азтай. Намайг Засаг даргаар ажиллаж байх үед олон жилийн өмнө эхэлсэн ч гацчихаад байсан олон сургууль, цэцэрлэг ашиглалтад орлоо. Олон жил гацаад явдаггүй байсан ажлуудыг бараг бүгдийг нь гүйцээж хийлээ шүү дээ. Энэ бол Засгийн газрын бодлого шийдвэр хүндээ хүрч, хөрсөн дээрээ хэрэгжсэний илрэл. Яагаад гэвэл сургууль цэцэрлэг бол нийгмийн гол үйлчилгээг үзүүлдэг салбар. Гэтэл энэ салбарт тулгамдсан, хуралдсан олон асуудлуудыг шийдсэн. Хөрөнгө оруулалт зогсож гацсан байсан сургууль цэцэрлэгийн барилгууд бүгд өнгөрсөн гурван жилд гацаанаас гарсан.

-Танай дүүрэгт шинээр зам тавьсан уу?

-Тавьсан. 2021-2023 онд төв болон туслах зам, хороолол дотор болон гэр хороололд гээд нийт 100 гаруй байршилд 33,2км авто замыг шинээр тавих болон өргөтгөн шинэчилсэн байна. Зөвхөн 2021 онд авто замын зургаан багц төсөл арга хэмжээний хүрээнд улсын төсвийн хөрөнгө оруулалтаар төв болон туслах гудамж, замын дагуу 22,7км авто замыг өргөтгөн шинэчиллээ. Ингэхдээ, орон сууц, сургууль орчимд 9,3км, гэр хороололд 3,3км, төв болон туслах 10,1км замыг өргөтгөн, шинэчилсэн. 2022 онд нийт долоон байршилд 6,6км авто зам, 2023 онд нийт 10 байршилд 3,9км авто замын засвар шинэчлэлийн ажлыг хийж гүйцэтгэсэн. Өнөөдрийн байдлаар хороололд тавьж байсан зарим замын ажил газар чөлөөлөлтийн ажлаас шалтгаалаад түр зогссон байгаа.

-Гандангийн төлөвлөлт ямар түвшинд яригдаж байгаа вэ. Гандангаа гоё цогцолбор болгочих юмсан гээд үе үеийнхэн ярьсаар ирсэн. Гэвч нэг л хөдлөхгүй юм аа.

-Гандангийн асуудлыг үе үеийн Засгийн газрын тэргүүн, хотын удирдлагууд, дүүргийн дарга нар онцгой анхаарч судалдаг. Сая Ерөнхий сайд бас анхаарна гээд дүүрэг дээр ирж ажиллахдаа ярьж, тодорхой төсөв суулгасан. Гэвч Гандан орчимд нэг том асуудал байгаа, тэр бол газар олголт. Газрыг нь жижиглээд өгчихсөн. Түүнээс болж бэрхшээл гардаг. Эхлээд энэ бүсэд нэг ажил хийх гээд байгаа юм. Гандангийн хашаа тойроод гурван метрийн тойрогт газар чөлөөлөлтийн ажлыг хийнэ. Уг нь энэ бүс бол өв соёл тээсэн улсын түүхэн дурсгалт, онцгой объект. Модон хийцлэл ихтэй. Гэхдээ галын аюулгүй байдал талаасаа хэцүү. Битүү цахилгааны утас хэрчихсэн. Тиймээс Гандангийн хашааг тойруулаад гурван метрийн радус үүсгээд тойрог гаргаж, газар чөлөөлнө. Хэрэв та санаж байгаа бол булан эргээд аюултай зам байдаг. Тэрийг хүртэл чөлөөлөх гээд ярьж байна.

-Уг нь тэр бүсийг бүтэн орон зайгаар нь чөлөөлчихмөөр санагддаг. Гэр хорооллыг барилгажуулах ажлыг Гандангаас эхэлмээр санагддаг.

-Тийм ээ. Санал нэг.

-Танай дүүрэг үйлдвэржилт байхгүй. Үйлдвэрийн бүс биш. Дүүргийн төсөв бүрдүүлэлтийн талаар сонирхмоор байна.

-Дүүргийн төсөв бүрдүүлдэг гол хүчин зүйл нь татвар. Дүүрэг өөрөө орлого олдоггүй. Хэдэн байрны түрээс л байна. Ер нь манайх хүн амын орлогын албан татвараар төсвөө бүрдүүлдэг. Мөн манай дүүргийн оршин суугчдын ихэнх нь ажил хөдөлмөр эрхэлдэг. Дээр нь жижиг гэлтгүй үйлчилгээний байгууллага ихтэй. 3, 4-р хороолол, 10-р хороолол, төмөр зам дагасан жижиг цайны газраас эхлээд дэлгүүр, үйлчилгээний төв олон. Тэндээсээ л дүүргийн төсвөө бүрдүүлж байгаа юм. Гэхдээ сайн мэдээ бий. Энэ нь манай дүүргийн төсөв бүрдүүлэлт жил дараалан өсөж байна. Бид 2021 онд, 113.7 тэрбум, 2022 онд 162.7, 2023 онд 188.2 тэрбум төгрөгийн төсөв батлуулсан бол энэ онд 268.6 тэрбум төгрөгийн төсөв батлууллаа. 2023 онд дүүргийн орлого давж биеллээ. Үүнийг би Монгол Улсын Засгийн газраас хэрэгжүүлж буй төсвийн бодлого, шийдвэрүүд зөв, оновчтой байж, иргэд, аж ахуй нэгжүүддээ хүрч чадсаны үр дүн гэж харж байна. Иймээс ч бид төсвийн тодотголоо батлуулж, иргэд, оршин суугчид руугаа чиглэсэн олон ажлыг хийхээр төлөвлөсөн.

Мөн худалдааны гол бүс болох 3, 4-р хорооллын үйлчилгээний байгууллагуудаа илүү гоё болгож, орлого үйлчилгээг нь илүү сайжруулахын төлөө хичээнэ. Л.Энэбиш болон Ард Аюушийн өргөн чөлөөний замыг засна. Дээрх замуудын хоёр талаар 500 орчим автомашины зогсоолыг засаж шинэчлэхээр төлөвлөсөн гээд дүүргийн төсөв бүрдүүлдэг гол бүс рүүгээ чиглэсэн олон ажил хийнэ.

-Уг нь 3-4 хороолол бол манай хотын хамгийн гоё гудамж байлаа. Одоо гэтэл хуучны орон сууцны байрнуудын цонхыг нь хаагаад тэр чигтээ үйлчилгээний төвүүд босгочихсон. Оршин суугчид цонхоороо юм харахаа болиод удаж байна?

-Таны хөндөөд байгаа энэ асуудал яг одоо Засгийн газар, нийслэлийн түвшинд яригдаж байгаа өнгөрсөн 30 жилийн буруу тогтолцооны гажуудал гэдэг чинь шүү дээ.

-Одоо тэгээд яах ёстой юм бэ?

-Хурдан хийж болох юм нь орон сууцны нэг давхрын байрнуудын цонхыг хаагаад барьсан гаражуудыг буулгаж, газар чөлөөлөх ажил. Манай энэ бүсэд гэхэд Ханбүргэдэй дэлгүүрийн ард “Астра” худалдааны төв орчмын гаражууд нэг давхрын айлуудын цонхыг хаачихсан байсныг чөлөөлөөд байгаа.

-Ер нь гаражуудаа боломжит түвшинд бүгдийг нь чөлөөлчихсөн үү?

-3000 орчмыг чөлөөлсөн. Цаана нь 1000 орчим бий. Бөөн хэл ам болдог. Гэхдээ энд нэг зүйл байгаа нь өмнөх Засаг дарга нар гараж чөлөөлье гээд нэлээд үздэг байсан ч чадаагүй. 20-30 жил болчихсон гаражууд тухайн үедээ үүргээ гүйцэтгэчихсэн шүү дээ. Одоо харахад гараж байсны нэг сайн тал нь газрыг маш сайн хадгалж үлдсэн. Би бол үүнийх нь төлөө баярлалаа гэж хэлмээр байдаг. Даанч тэр хүмүүст би зөрүүлээд нөхөн олговор өгөх боломжгүй. Магадгүй газар нутаг ихтэй дүүрэг байсан бол тэр иргэддээ ядаж зуслангийн газар өгөх юмсан гэж боддог юм.

-Чөлөөлсөн газрууд тань эргээд бусдад өөр зорилгоор олгогдчихсон юм биш биз дээ?

-Үгүй ээ, чөлөөлсөн газрууд дээрээ нэг ч газар олгоогүй. Хэрэв та мэдэж байгаа бол хорооллын хүнсний захын урд талын зам, сургуулийн ард гэхэд маш олон гараж байсан. Тэр зам дээр муухан жолооч зөрж өнгөрөхөд толио шүргэлцдэг байсан. Харин тэр хавийн гаражийг чөлөөлснөөр 100 гаруй машины зогсоолтой, өргөн гоё замтай болгосон. Арктай шар, Голден парк байна. Галын машин орох зайгүй л байсан шүү дээ. Гараж буулгаад газар чөлөөлөнгүүт тэр газар эргэлтэд орчихож байгаа юм. Өмнө нь 50 машин тавьдаг байсныг 100-200 машины зогсоол болгоод өгөхөөр эргэлтэд ороод аятайхан болсон.

-Танай энэ тамгын газрын байр маш муу юм. Өргөтгөл нь хүйтэн юм. Төрийн албан хаагчид учраас хүйтэн гэлтгүй ажиллаад байдаг байх даа

-Манай үндсэн гурван давхар барилга бол маш муудсан. 2021 онд энэ өргөтгөлийг бариад хүзүүвчээр холбочихсон. Хүйтэн нь үнэн.

-Танай дүүрэгт ногоон байгууламж байгуулах хэр боломжтой вэ. Ерөнхийлөгч маань “тэрбум мод” хөтөлбөр хэрэгжүүлээд явж байгаа. Энэ ажлыг нь хэр дэмжиж байна даа?

- Миний баримталдаг зарчим бол модыг эзэнтэй газар тарих ёстой гэж үздэг. Би БОАЖЯ-нд ажиллаж байсан. Бодлогын газар ажиллаж байсан учраас багагүй ойлголттой. Дүүргийнхээ онцлогт тохируулаад ногоон байгууламжаа нэмэхээр ажиллаж л байна. Тухайлбал, манай дүүрэг байшин хороолол ихтэй. Жижиг газар нутагтай. Хоёр тийшээ тэлэх ямар ч боломжгүй. Хэдий тийм ч хуучны төлөвлөлт сайтай хорооллуудтай, сургууль цэцэрлэгийн хүртээмж сайтай. Түүнийгээ дагаад ногоон байгууламж болгох хашаа олон. Бид судалсан. Сургууль, цэцэрлэгийн хашааны ногоон байгууламж ямар байна вэ гэж. Үнэндээ хангалтгүй, муу байсан. Богино хугацаанд гоё ургадаг суулгацууд бий. Шилдэг технологиудыгг судлах ёстой. Ногоон байгууламж бол хотод ус агаар шиг хэрэгтэй зүйл. Өчигдөр гэхэд Сөүл хотод 1000 цэцэрлэгт хүрээлэн байгуулах шийдвэр гаргалаа гэж мэдээлж байна лээ. Тэгэхээр манайх ногоон байгууламжаа л нэмэгдүүлэхүй бол хотод хүнийг стресдүүлэх зүйл маш их шүү дээ. Сургууль цэцэрлэгийн орчноо ногоон болгох хэрэгтэй. Хуучин цагт цэцэрлэгжүүлэгч гэж тусгай мэргэжил хүртэл байсан юм билээ. Одоо л хэрэгтэй байна даа.

-Ийм хүн хотод хэрэгтэй байхад гадаадад энэ чиглэлээр төгсөөд ирсэн залуус ажилд орж чадахгүй л байна шүү дээ. Би сэтгүүлч хүн болохоор маш олон хүнтэй уулздаг. Ногоон байгууламжаар “өвчилчихсөн” ногоон байгууламжийн инженер мэргэжлийг гадаадад эзэмшсэн залууд ажил олдохгүй сэтгэл өвдөөд явж байна. Бүр яам нь ойлгодоггүй юм шүү дээ.

-Харамсалтай байна. Манай дүүрэг дээр гэхэд ногоон байгууламж хариуцсан нэг л хүн байна. Бид үнэндээ өдөр тутмын хэт тулгамдсан асуудлуудтайгаа зууралдаад байна. Гэтэл бид бүгдийг л хийх шаардлагатай байна. Хүн хүч дутмаг байдаг. Ялангуяа чухал мэргэжлийн хүмүүс дутмаг.

-Тийм шүү дээ. Бүх юм л урвуу яваад байна. Танай дүүрэг хогны асуудлаа яаж шийдэж байна вэ?

-Уг нь хоггүй байх боломж бий. Гэхдээ 100 хувь шийдэж чадаагүй л байна. Энэ жил нэлээд өөчлөлт хийнэ. Удахгүй үр дүн гарна. Хувийн хэвшлүүдэд шилжүүлж байгаа.

-Танай дүүргийн гол гудамжинд үүргийн худалдаачид их байдаг. Хулдаас татчихсан наймаа хийгээд байдаг. Энэ хүмүүс байх ёстой юу?

- Хот хөгжиж байна. Магадгүй тэр хүмүүст зориулсан худалдааны гудамж гаргаж өгөх шаардлагатай байх. Би бол хөөх туух тухай огт боддоггүй. Тэд ч гэсэн манай төв гудамжны нэг өнгө төрх шүү дээ. Гэхдээ орчноо хайрлаж, цэвэр цэмцгэр, ёс зүйтэй ажиллах ёстой.

-Мэдээж тэндээс хүмүүс амьжиргаагаа залгуулж байгаа болохоор шууд шийдвэр гаргах хэцүү байх. Ер нь та дүүргээрээ их явах уу?

-Их явна аа. Хотхон, хорооллуудаараа их явна шүү. Бид өнөөдөр хот төлөвлөлтийн алдаатай бодлогын золион дээр л ажиллаж байна.Тэглээ гээд гонгинохгүй. Харин гарц гаргалгааг олох ёстой л гэж боддог.

ХХААХҮЯ: Санхүүгийн мэргэжилтэн ажилд урьж байна

otgoo — Fri, 24 May 2024 13:25:48 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

ХХААХҮЯ: Санхүүгийн мэргэжилтэн ажилд урьж байна

otgoo — Fri, 24 May 2024 13:25:48 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

Гадаад улсад монгол хэл, соёлыг түгээн дэлгэрүүлж буй сургалтын байгууллагуудыг төрөөс дэмжинэ

egshig — Fri, 24 May 2024 12:15:49 +0800

ХБНГУ, АНУ, Канад, Швейцар, БНСУ зэрэг 16 улсад 6000 гаруй хүүхдийг хамруулсан монгол хэл, соёлын 59 төв иргэдийн санаачилгад түшиглэн үйл ажиллагаа явуулдаг. Эдгээр төв сургууль, цэцэрлэг, төв, зуслан зэрэг нэршилтэйгээр монгол хэл, түүх, дуу хөгжим, бүжиг, шатар зэрэг чиглэлээр сургалт явуулдаг ажээ.

ХХААХҮЯ: Хяналт-шинжилгээ, үнэлгээний мэргэжилтэн ажилд урьж байна

otgoo — Thu, 23 May 2024 12:05:03 +0800

ХХААХҮЯ: Санхүүгийн мэргэжилтэн ажилд урьж байна

otgoo — Thu, 23 May 2024 11:56:22 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

ХХААХҮЯ: Хяналт-шинжилгээ, үнэлгээний мэргэжилтэн ажилд урьж байна

otgoo — Wed, 22 May 2024 19:45:12 +0800

ХХААХҮЯ: Санхүүгийн мэргэжилтэн ажилд урьж байна

otgoo — Wed, 22 May 2024 19:14:31 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

ХХААХҮЯ: Хяналт-шинжилгээ, үнэлгээний мэргэжилтэн ажилд урьж байна

otgoo — Tue, 21 May 2024 18:55:50 +0800

ХХААХҮЯ: Санхүүгийн мэргэжилтэн ажилд урьж байна

otgoo — Tue, 21 May 2024 18:03:28 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

ХХААХҮЯ: Хяналт-шинжилгээ, үнэлгээний мэргэжилтэн ажилд урьж байна

otgoo — Mon, 20 May 2024 11:45:53 +0800

Төслийн үр ашгийн мониторингийг бий болгохын тулд хяналт-шинжилгээ, үнэлгээний мэргэжилтэн шаардлагатай төслийн үнэлгээний систем түүний хэрэгжилтэд хяналт тавих.

ХХААХҮЯ: Санхүүгийн мэргэжилтэн ажилд урьж байна

otgoo — Mon, 20 May 2024 10:19:34 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яам мэргэшсэн ажилтан шалгаруулж авна.

Хануйн голын 109.15 у/метр гүүрийг ашиглалтад оруулахад бэлэн болжээ

khulan — Wed, 15 May 2024 15:20:22 +0800

Авто замын салбарт 2024 онд улсын төсөв, гадаадын зээл, төр хувийн хэвшлийн түншлэлийн хөрөнгө оруулалтаар нийт 1100 км авто зам, 243 у/метр гүүрийг байнгын ашиглалтад оруулахаар төлөвлөсөн. Энэ хүрээнд улсын төсвийн хөрөнгө оруулалтаар хэрэгжиж буй Архангай аймгийн Хайрхан сумын Хануйн голын 109.15 у/м төмөрбетон гүүрийн барилга угсралтын ажил 96 хувиийн гүйцэтгэлтэй байна.

Тухайн гүүрийн барилга угсралтын ажлыг гэрээт хугацаанаасаа өмнө хүлээлгэн өгөхөөр төлөвлөжээ.

Гүүрийн захиалагчаар Зам, тээврийн хөгжлийн яам, өдөр тутмын техник технологийн хяналтыг "Зам, тээврийн хөгжлийн төв” ТӨҮГ, гүйцэтгэгчээр "Эвт-Уул” ХХК ажиллаж байна.

Л.Гантөмөр боловсролын сайд байхад Сайнтлоги хэмээх шашны гаж урсгалын хичээлийг 32 мянган багшид заажээ

otgoo — Tue, 14 May 2024 13:47:18 +0800

Сайнтлоги хэмээх шашны гаж урсгал нь АНУ-аас гаралтай бөгөөд хүний тархийг угаадаг, сэтгэл санааны мэдрэмжүүдийг байхгүй болгож сэтгэх чадваргүй болгодог байна.

Олон улс оронд Сайнтлогийн шашныг хориглосон байдаг. Тухайлбал Герман улсад Сайнтлогийг экстримист урсгал, аюултай гэсэн байр сууринаас ханддаг байна. Гэтэл 2013 онд Л.Гантөмөрийг Боловсрол Шинжлэх ухааны сайд байхад хэрэглээний боловсрол нэрээр Сайнтлогийн шашны хичээлийг 32 мянган багшид заажээ. Сургалтанд нийслэлийн болон хөдөө орон нутгийн багш нар хамрагджээ. Тус хичээлийг Екатирина Камарова гэх Орос хүн удирдаж байсан бөгөөд монголд сургагч багш нарыг бэлдэж байжээ. Тус сургалт нь төсвийн мөнгөөр явагдсан бөгөөд энэ нь яамны тайлан дээр байгаа аж. Энэ тухай urug.mn сайт Улс төрийн задлан нэвтрүүлэгтээ хөндсөн байна. Л.Гантөмөр нь боловсролын сайдаар ажиллаж байхдаа Мүүний шашинг Монголд оруулж ирэх асуудалд холбогдож байсан бол шашны гаж урсгал болох Сайнтлогийг хүртэл оруулж ирэхийг санаархаж байжээ.

https://youtu.be/YquNwDN2mRs?si=Hhv7LvqWEOBaN5lc

Ц.Элбэгдорж Л.Гантөмөр тэргүүтэй АН-хан Баялгийн санг эсэргүүцэж байна

otgoo — Sat, 11 May 2024 15:24:06 +0800

Ерөнхий сайд Л.Оюун-Эрдэнийн тэргүүлсэн Засгийн газар Үндэсний баялгийн сангийн тухай хуулийг УИХ-д өргөн барьж батлуулсан билээ.

Уг хуулийн үндсэн зорилго нь байгалийн баялгийн үр өгөөжийг иргэд тэгш хүртэж, баялагтаа эзэн болох юм. Үүнийг бодит ажил хэрэг болгож өчигдөр Үндэсний баялгийн сангийн Хуримтлалын сангийн дансыг Монголбанканд нээж, Ерөнхий сайд Л.Оюун-Эрдэнэ цан цохисон. Ингэснээр иргэн бүр хуримтлалын данстай болж, тус дансанд нь байгалийн баялгийн үр өгөөж хуримтлагдах юм. Харин үүнийг Монгол Улсын Ерөнхийлөгч асан Ц.Элбэгдорж эсэргүүцэж өөрийн твиттер хуудсандаа бичжээ.

Тодруулбал тэр бээр, “Түүний цохисон цан Монголд одоогоор ямар үр дүн авч ирэв ээ ? 1911 оноос хойш хөөцөлдсөн гуравдагч талыг гол гаргалаа. Улс орноо хөршийнхөө хөлстэй суга руу хүссэнээр нь лав чихэж өглөө” гэж жиргэсэн байна. Энэ нь Ц.Элбэгдорж байгалийн баялгийг ард иргэдэд тэгш хүртээхийг эсэргүүцэж байна гэсэн үг. Ерөнхий сайд Л.Оюун-Эрдэнийн Засгийн газар системийн авлигатай тэмцэж, байгалийн баялгийг хэдхэн гэр бүл эзэмшиж хөлжих бус Монголын ард түмэнд баялгийг тэгш хүртээх реформыг хийж байгаа билээ.

Ерөнхийлөгч асан Ц.#Элбэгдорж нь Эрдэнэтийн 49 хувийн хууль бус хувьчлалын хэрэгт холбогдсон бөгөөд одоо гадаад улсад амьдарч байгаа юм. Нэгэнтээ тэр бээр "хууль дуудвал гутлаа тослоод, зангиагаа зүүгээд очно" гэж хэлж байснаа ийнхүү мартаж гадаад улсад орогнож байна.

ХААН Банк 100 оюутанд тэтгэлэг олгоно

khulan — Tue, 07 May 2024 17:11:08 +0800

Маргаашийн сайхан ирээдүйг бүтээхэд өнөөдөр гаргаж буй шийдвэр, үйлдэл чухал нөлөөтэй. Үүнд залуу үеийн боловсрол мэдлэг багтана. ХААН Банкны тогтвортой хөгжлийн бодлого, компанийн нийгмийн хариуцлагыг хэрэгжүүлэгч ХААН Банк сангаас “ХААН Банкны нэрэмжит тэтгэлэгт хөтөлбөр”-ийг 18 дахь жилдээ зарлаж байна. 2024-2025 оны хичээлийн жилд 2 төрлийн тэтгэлэгт хөтөлбөрт эхний жилдээ суралцаж буй болон ахлах дамжааны 100 оюутныг шалгаруулан сургалтын төлбөрийн тодорхой хувийг олгох юм.

60 шинэ оюутан тэтгэлэг хүртэнэ

“ХААН Банкны нэрэмжит шинэ оюутны тэтгэлэгт хөтөлбөр 2024-2025”-ын хүрээнд энэ хичээлийн жилд Ерөнхий боловсролын сургуулийн 12-р ангид суралцаж буй сурагчдаас 60 хүүхдийг шалгаруулан ирэх намар 1-р дамжаанд суралцахад нь тэтгэлэг олгох юм. Эдгээр 60 сурагчийг 21 аймаг, Замын-Үүд, Зүүнхараа сум болон Улаанбаатар хотын Багануур дүүргээс тус тус шалгаруулна. Дунд сургуулиас оюутны амьдралд шилжих чухал мөчид шинэ оюутныг дэмждэг тэтгэлэгт хөтөлбөр гэдгээрээ онцлогтой.

ХААН Банкны нэрэмжит шинэ оюутны тэтгэлэгт хөтөлбөрийн удирдамжтай ЭНДдарж танилцах боломжтой.

Өмнө нь тэтгэлэгт шалгарсан 40 оюутанд дахин боломж олгоно

ХААН Банкны нэрэмжит тэтгэлэгт хөтөлбөрт өмнө нь шалгарч байсан 2 ба түүнээс дээш дамжааны 40 оюутанд 2024-2025 оны хичээлийн жилд дахин тэтгэлэг олгоно. Өөрөөр хэлбэл, өмнөх хичээлийн жилүүдэд сурлагын амжилт, нийгмийн идэвх оролцоогоор тэргүүлэн, тэтгэлэгт хөтөлбөрт хамрагдсан оюутнуудаа үргэлжлүүлэн дэмжиж, эрдэм боловсрол эзэмшин, сургуулиа төгсөхөд нь бодитой дэмжлэг болох юм.

Тэтгэлэгт хөтөлбөрийн удирдамжтай ЭНДдарж танилцах боломжтой.

Боловсролд хөрөнгө оруулах шалтгаан

Шинэ үе, залуустаа бүх талын мэргэжил, боловсролыг чанартай хүртээмжтэй хүргэх нь хувь хүн төдийгүй улс орны амьдралын чанарыг тодорхойлдог тулТогтвортой хөгжлийн 4-р зорилгод “Чанартай боловсролыг дэмжих” чиглэлийг зааж өгсөн байдаг. Сурах авьяас чадвартай хүүхэд залуусыг дэмжих энэхүү бодлогыг ХААН Банк 18 дахь жилдээ тууштай хэрэгжүүлж байна. Өнгөрсөн хугацаанд ХААН Банкны нэрэмжит тэтгэлэгт хөтөлбөрт улс орны өнцөг булан бүрээс олон талт, ялгаатай нутаг орон, гэр бүлээс гаралтай ч эрдэм боловсролыг эрхэм болгосон 2,160 оюутан хамрагдаж, нийт 2.2 тэрбум гаруй төгрөгийн тэтгэлэг хүртжээ. Амжилт хүсье.

Хамтын өсөлт төгөлдөр - ХААН Банк

ХХААХҮЯ: Худалдан авалтын мэргэжилтэнг ажилд урьж байна

otgoo — Mon, 29 Apr 2024 10:35:00 +0800

Төслийн хүрээнд Хүнс, хөдөө аж ахуй, хөнгөн үйлдвэрийн яамнаас дараах чиг үүргийг хэрэгжүүлэх мэргэшсэн бараа, бүтээгдэхүүн худалдан авах мэргэжилтэн шалгаруулж авна.

Услалтын системийг шинэчлэн сайжруулах барилгын ажил Эрдэнэбүрэн дэд төслийн тендерийн урилга

otgoo — Fri, 26 Apr 2024 18:00:42 +0800

Энэхүү тендер шалгаруулалтад зөвхөн дор дурдсан чадварын үндсэн шаардлагыг хангасан эрх бүхий тендерт оролцогч оролцоно.

Тендерийн урилга

otgoo — Fri, 26 Apr 2024 17:03:47 +0800

Дэлгэрэнгүй мэдээлэл авах болон тендерийн баримт бичигтэй танилцах сонирхолтой эрх бүхий тендерт оролцогч нь дараах хаягаар хандана:

ХХААХҮЯ: Худалдан авалтын мэргэжилтэнг ажилд урьж байна

otgoo — Fri, 26 Apr 2024 13:50:50 +0800

Авто замын нүхэн эвдрэл засварлах ажил үргэлжилж байна

otgoo — Fri, 26 Apr 2024 12:29:16 +0800

2024 онд нийслэлийн замын сангийн хөрөнгөөр нийт 17 байршилд хотын гол болон туслах гудамж, замуудын шинэчлэлтийн ажлыг хийнэ. Өнөөдрийн байдлаар 6 байршилд засвар, шинэчлэлтийн ажил үргэлжилж байна. Тодруулбал,

-Намьяанжүгийн гудамж буюу Зүүн 4 замаас урагш Нарантуулын уулзвар хүртэлх

-Амгалангийн зам буюу Ботаникийн эцсээс Улиастайн гүүр хүртэлх

-ХААИС-ийн уулзвараас зүүн тийш Буган халиун чиглэл

-Соёолжийн нүхэн гарцаас Нарантуулын уулзвар хүртэлх

-Хилчин гудамжны засвар шинэчлэлтийн ажил үргэлжилж байна.

Мөн хотын гол болон туслах гудамж, замын урсгал засвар буюу нүхэн эвдрэлийг засварлах ажлыг төвийн 6 дүүрэгт 201 байршилд хийнэ. Өнөөдрийн байдлаар замын нүхэн эвдрэлийг засварлах ажил 35 хувьтай үргэлжилж байна.

Тодруулбал,

-Чингэлтэйн өргөн чөлөө,

- Галданбошогтын гудамжны авто зам,

-Хайлаастын зам,

-Ажилчны гудамжны авто зам,

- Хараагүйчүүдийн төвийн зам,

-Хасбаатарын гудамж,

-Ард Аюушийн гудамжны авто зам,

-Хүннүгийн гудамжны авто зам,

-Шархадны гудамжны авто зам,

-Натурын туслах авто зам,

-Олимпын гудамжны авто зам,

-Парисын гудамжны авто замын нүхэн эвдрэлийг засварлаж дууслаа.

Харин Нарны зам, Энхтайваны өргөн чөлөө, 22-ын товчооны авто зам, Өнөр хорооллын авто зам, Үйлдвэрчний гудамж, Хүнсчдийн гудамжны авто зам зэрэг 30 орчим байршилд авто замын нүхэн эвдрэл засварлах ажил үргэлжилж байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Хүнс, хөдөө аж ахуй, хөнгөн үйлдвэрийн яамнаас зөвлөх үйлчилгээний тухай зарлал

otgoo — Fri, 26 Apr 2024 12:17:24 +0800

Уг төслийн гол зорилго нь ногоочдын орлогыг нэмэгдүүлэх, газар тариалан эрхлэхэд нь дэмжлэг үзүүлэх юм.

Өмнөговь аймгийн Засаг даргатай холбоотой 710 сая төгрөгийн зөрчил илэрчээ

otgoo — Fri, 26 Apr 2024 11:55:01 +0800

Өмнөговь аймгийн төсөв санхүүд шалгалт хийхэд зөрчил илэрч, төсвийн мөнгө шамшигдуулсан байж болзошгүй тухай мэдээлэл зарим хэвлэлээр гарч байна.

Өмнөговь аймгийн Засаг даргын 2022 оны санхүүгийн тайланд хийсэн аудитын дүгнэлтээр Засаг дарга Р.Сэддорж Засаг даргын нөөц сангаас дууны клип, овоо тахилга, нутгийн уулзалт, цолны мялаалга зэрэгт хэдэн арван сая төгрөг зарцуулжээ.

Эх сурвалжид дурдсанаар, Өмнөговь аймгийн төсвийн нийт орлого 2022 онд 2021 оноос 67,5 хувиар өссөн ч татварын болон татварын бус орлого, тусламж санхүүжилтийн орлого тасарсан байна. Ийм байтал аймгийн Засаг дарга Р.Сэддоржид Төрийн хэмнэлтийн тухай хууль огт үйлчилсэнгүй. Засаг даргын нөөц сангийн хөрөнгөөс улс, аймгийн уралдаан, зөвлөгөөнд 19.7 сая, овоо тахилга, ойн арга хэмжээнд 15 сая, Говь гурван сайхан үсчин гоо сайханчдын холбоонд 10 саяын дэмжлэг, бөхийн барилдаан цолны мялаалгад 30 сая, Дорноговь аймгийн анагаах ухааны салбарын ойд 10 сая, дууны клип хийлгэхэд 10 сая, нутгийн уулзалтын зардалд 25 сая төгрөг зарцуулжээ.Мөн 11 иргэнд орон сууц гэр барихад 78.8 сая төгрөг, 20 оюутанд сургалтын төлбөрт 73 сая төгрөг, өөр аймгийн цэргийн ангийн тохижилтод 5 сая, үсчин гоо сайхны анги тохижуулахад 5 сая, видео дүрс бичлэгийн камер авахад 15 сая төгрөгийг Засаг даргын нөөц хөрөнгийн сангаас гаргасан байна. Гэхдээ үүнд нь анхан шатны баримтын бүрдэл дутуу 43 сая төгрөгийн зарцуулалт байгаа аж.

Үүгээр зогсохгүй төсөл хөтөлбөрийн зардлаас ч 22.4 сая төгрөгийн бэлэг дурсгалын зүйл худалдан авсан гэнэ. Үүнээс гадна сумдын Засаг даргын Тамгын газруудад ч Төрийн хэмнэлтийн тухай хууль үйлчлээгүй байгаа юм. Шатахуун, утасны зардал, ой, уралдаан тэмцээний шагнал, сургалт зөвлөгөөн, биеийн тамирын хувцаст хүртэл мөнгө зарцуулсан байх жишээний. Шилэн дансны нэгдсэн мэдээллээс Өмнөговь аймгийн төсөвт орсон өөрчлөлт, гүйцэтгэл, хэтрэлт, хэмнэлтийн талаар бүрэн мэдээллийг л байршуулаагүй гэдгийг аудитын дүгнэлтэд дурджээ.

Аудитаар зөвхөн Засаг даргатай холбоотой 710 сая төгрөгийн зөрчил илэрсэн бөгөөд тухайлбал, Засаг даргын нөөц сангийн хөрөнгийг журмын дагуу зарцуулаагүй 200 гаруй сая төгрөг, хуулиар зөвшөөрөөгүй зардалд 127 сая төгрөг, санхүүжилтийг гүйцэтгэлээр санхүүжүүлээгүй 165 сая төгрөг гэх мэт зөрчлүүд дийлэнх байна.

Төрийн аудитын газраас Өмнөговь аймгийн Засаг даргын 2022 оны санхүүгийн нэгтгэсэн тайланд “Хязгаарлалттай дүгнэлт” өгчээ. Илэрсэн зөрчлөөс харвал УИХ-д горилогчийн тал зассан “хөрөнгө оруулалт”-ыг Засаг даргын нөөц хөрөнгөнөөс багагүй гаргасан нь илт.

Snews.mn

ХХААХҮЯ: Зөвлөх үйлчилгээний ажлын зар

otgoo — Fri, 26 Apr 2024 10:36:13 +0800

Зөвлөх үйлчилгээний нэр: Барилгын ажлын хяналтын баг

Услалтын системийг шинэчлэн сайжруулах барилгын ажил Эрдэнэбүрэн дэд төслийн тендерийн урилга

otgoo — Thu, 25 Apr 2024 23:15:55 +0800

Тендерийн урилга

otgoo — Thu, 25 Apr 2024 22:45:05 +0800

ХХААХҮЯ: Худалдан авалтын мэргэжилтэнг ажилд урьж байна

otgoo — Thu, 25 Apr 2024 21:44:15 +0800

Хүнс, хөдөө аж ахуй, хөнгөн үйлдвэрийн яамнаас зөвлөх үйлчилгээний тухай зарлал

otgoo — Thu, 25 Apr 2024 14:36:04 +0800

Уг төслийн гол зорилго нь ногоочдын орлогыг нэмэгдүүлэх, газар тариалан эрхлэхэд нь дэмжлэг үзүүлэх юм.

ХХААХҮЯ: Зөвлөх үйлчилгээний ажлын зар

otgoo — Thu, 25 Apr 2024 14:09:28 +0800

Зөвлөх үйлчилгээний нэр: Барилгын ажлын хяналтын баг

Бизнест тань давуу тал нэмэх ногоон зээл

nomun — Thu, 25 Apr 2024 13:30:26 +0800

Аливаа улс орны хөгжил, хүн ардын ахуй амьдралд барилгын салбар чухал үүрэг гүйцэтгэдэг билээ. Дэлхийн дулаарал, уур амьсгалын өөрчлөлттэй нүүр тулж буй энэ цаг үед барилгын салбарт тавигдах шаардлага стандарт нь тогтвортой хөгжлийн үзэл санаатай уялдан өөрчлөгдөж байна. Тухайлбал, 20 жилийн өмнө анх дэлгэрч байсан ногоон барилгын тухай ойлголт улам бүр хөгжиж, Дэлхийн ногоон барилгын зөвлөлөөс улс орнууд хөгжлийн аль шатанд яваагаас үл хамаарч шинэ болон хуучин барилга байшинг 3 үндсэн чиглэлээр зөв төлөвлөн гүйцэтгэж, засварлах шаардлагатай гэсэн байна. Үүнд 1) нүүрсхүчлийн болон бусад хорт элемент ялгаруулахгүй байх, 2) хүний эрүүл мэнд, тусгай хэрэгцээнд сөрөг нөлөөгүй, тэсвэртэй байх мөн 3) дахин боловсруулагдсан эх үүсвэртэй, хаяг хаягдлын цэвэр дэд бүтэц дээр тулгуурласан байх гэсэн ерөнхий ойлголтууд багтжээ. 2021 оны байдлаар дэлхийн байгаль орчны нөхөн төлжих, ургах цаг хугацаанаас 70 дахин илүү байгалийн материалыг барилгын материал үйлдвэрлэлд ашигласан гэсэн сэрдхийлгэм судалгаа байдаг. Тиймээс дэлхийн улс орнууд барилга төлөвлөлтийн эхний үе шатаас эцсийн байгууламжийг хүлээлгэн өгөх хүртэл бүх үйл явцыг хэрхэн ногооруулах вэ гэдэгт анхаарал хандуулж, санхүүжилтийн хөшүүрэг ашиглаж байгаа нь барилгын ногоон зээлийн бүтээгдэхүүн юм.

Монгол Улсын хувьд эрс тус уур амьсгалтай гэсэн утгаар байгаль орчин, хүний эрүүл мэндэд ээлтэй ногоон барилга байшинг саяхныг хүртэл төдийлэн анхаарч байсангүй. Жишээлбэл, ногоон барилгын үндэсний стандартыг хараахан баталж гаргаагүй байна. Гэсэн хэдий ч барилгын материалд тавигдах стандарт, оршин суугчдын эрүүл мэнд, аюулгүй байдлыг харгалзан үзсэн шаардлагуудыг тухай бүр нэвтрүүлсээр байна. Мөн пассив буюу хайбрид барилга, бүрэн дулаан алдагдалгүй технологи гэх мэт санаачилгууд өргөжиж байна.

НОГООН БАРИЛГА ГЭЖ ЮУ ВЭ?

Хүний бие болон хүрээлэн буй орчинд ээлтэй барилгын материал, систем, эрчим хүч

хэмнэсэн, усны менежмент орсон технологийн шийдлүүд

Барилгаа ногоон болгох бизнесийн давуу тал

ХҮНИЙ БИЕ БОЛОН ХҮРЭЭЛЭН БУЙ ОРЧИНД ЭЭЛТЭЙ НОГООН БАРИЛГЫН ШИЙДЛҮҮД

ХААН Банкны ногоон зээлийн санхүүжилтээр хэрэгжиж буй томоохон жишиг төсөл бол Мастер группийн санаачилсан "Go.to market” худалдааны цогцолбор байгууламж юм. Төслийн хүрээнд Улаанбаатар хотын хойд бүсийн оршин суугчдад үйлчлэх гэр бүл, найз нөхөд, хамт олноороо хамтдаа хооллох, шоппинг аялал хийх, хүнсээ цуглуулах, хүүхэдтэйгээ салхилах, төрөл бүрийн үйлчилгээ авах, амрах, чөлөөт цагаа өнгөрүүлэх цогц орчин бүрдүүлэхийг зорьж буй. Go.to market худалдааны төвийн барилгын фасад нь нарны гэрэл сайн нэвтрүүлдэг, дулаан алдагдлыг бууруулах, саарал ус ашиглах боломжтой, сантехникийн тоноглолууд нь хөдөлгөөн мэдрэгчээр ажилладаг зэрэг үзүүлэлт нь ногоон барилгын зээлийн шалгуур, нөхцөлийг бүрэн хангасан байна. Үүний үр дүнд нүүрсхүчлийн хэмжээг 567 тонноор бууруулж, дулаан алдагдлыг 20%-иас дээш, эрчим хүчний хэмнэлт 24%-иар тус тус бууруулах тооцоолол гарч, албан ёсоор ногоон барилгын сертификат хүлээн авсан байна. Нэг сард 100 сая төгрөгийн эрчим хүчний зардал гарна гэж үзвэл үүнээс 24%-ийг бууруулж буй нь ашиглалтын зардал хэмнэхээрээ давуу талтай.

Хэрэв танай компани ойрын үед үйлдвэрийн тоног төхөөрөмж, хэрэгсэл зэргээ шинэчлэх, эсхүл барилга байшин барихаар төлөвлөж буй бол ХААН Банкны ногоон зээлийг сонирхоод үзээрэй. Ногоон зээлийн хүүг стандарт бизнесийн зээлийн хүүтэй харьцуулахад илүү хямд байдаг.

https://youtube.com/watch?v=0vKC2S2TBGg

Услалтын системийг шинэчлэн сайжруулах барилгын ажил Эрдэнэбүрэн дэд төслийн тендерийн урилга

otgoo — Wed, 24 Apr 2024 17:12:08 +0800

Тендерийн урилга

otgoo — Wed, 24 Apr 2024 16:40:44 +0800

ХХААХҮЯ: Худалдан авалтын мэргэжилтэнг ажилд урьж байна

otgoo — Wed, 24 Apr 2024 16:12:25 +0800

"Эрин эверест интернэшнл" сургуулийг төрийн өмчид авах асуудлаар уулзалт хийлээ

otgoo — Wed, 24 Apr 2024 16:06:01 +0800

Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр Баянгол дүүргийн 29 дүгээр хороонд байрлах "Эрин эверест интернэшнл" сургуулийн төлөөлөлтэй уулзаж төрийн өмчит болгох болон нийтийн эдэлбэр газрын замыг чөлөөлөх асуудлаар ажиллалаа.

Улаанбаатар хотын түгжрэлийг бууруулах, иргэнд ээлтэй хотыг цогцлоох үүднээс хүүхэд бүр өөрийн амьдарч байгаа хотхон, хороолол дотроо суралцаж чадвал автомашины хөдөлгөөн 30 орчим хувиар буурах тооцоолол бий. Үүнтэй холбоотойгоор Баянгол дүүргийн удирдлагууд болон Баянгол дүүргээс сонгогдсон Улсын Их Хурлын гишүүд "Эрин эверест интернэшнл" сургуулийг төрийн өмчит болгох саналыг хотын даргад хүргүүлээд буй.

Нийслэлийн Засаг дарга бөгөөд Улаанбаатар хотын Захирагч Х.Нямбаатар “Баянгол дүүргийн 29 дүгээр хороонд байрлах Эрин хороолол орчимд 11000 иргэн оршин суудаг. Гэсэн хэдий ч уг байршилд төрийн өмчийн сургууль байхгүй. Иймээс оршин суудаг хүүхдүүдийн ихэнх хувь нь замын цаана нэгдүгээр хорооллын “Ирээдүй цогцолбор” сургууль болон 10-р хорооллын “Эрдмийн өргөө цогцолбор” сургуулиудад хол очин суралцдаг. Тухайн бүсэд байгаа хувийн хэвшлийн сургуулийг төрийн өмчид авах гэрээ хийгдвэл олон хүүхдүүд болон эцэг эх хол явах шаардлагагүй болно” хэмээлээ.

Түүнчлэн сургууль цэцэрлэгийн байгууламж байхгүй Хархорин, Өнөр хороолол, Эрин хороололд амьдарч буй сургуулийн насны 3900 хүүхдүүдийн асуудлыг шийдэхийн тулд хэлэлцээр хийж шийдэл гаргахаа хотын дарга онцоллоо.

УИХ-ын гишүүн Х.Ганхуяг “Улаанбаатар хотын хэмжээнд сургууль цэцэрлэгийн хүртээмжийн асуудал 2020 онд хүнд байсан. Нэг ангид 50-60 хүүхэд суралцаж, өдрийн гурван ээлжээр хичээллэдэг байсан. Баянгол дүүргийн хувьд өнгөрсөн дөрвөн жилийн хугацаанд 13 сургууль, 13 цэцэрлэгийн асуудлыг шийдсэн. Зарим сургууль цэцэрлэгийн бүтээн байгуулалтын ажил явагдаж байна. Уг Эрин сургуулийн асуудлыг бүрэн шийдэж төрийн өмчит болговол Баянгол дүүргийн бүх хороо сургууль, цэцэрлэгтэй болно. Ингэснээр бид үнэгүй чанартай боловсролыг олгож чадна’ гэв.

“Эрин интернэшнл ХХК”-ийн дэд захирал Д.Даваасүрэн “Эрин хорооллыг 2011 онд Нийслэлийн ерөнхий төлөвлөгөөний газраас сургууль төлөвлөх хүсэлт тавьсний дагуу бид төлөвлөж улсын хөрөнгөөр бариулах хүсэлт удаа дараа тавьсан боловч 2019 онд олон улсын сургууль болох зорилоготойгоор Япон Улсын хөрөнгө оруулалттайгаар байгуудагдсан. Одоо хувийн чиглэлээр үйл ажиллагааг явуулж байгаа. 960 хүүхэд нэг дор хүлээн авах хүчин чадалтай, бүх анги тэнхимийн лаборатори нь орчин үеийн багаж хэрэгслээр тоногдлогдсон хамгийн сүүлийн үеийн олон улсын стандартаар бүрэн стандартын дагуу байгуулагдаж үйл ажиллагаагаа явуулж байгаа. Хүүхдийн сурах таатай орчин нөхцлийг бүрэн хангасан” гэж хэлэв. Мөн тэрбээр сургуулийг төрийн өмчит болох асуудалд аж ахуйн нэгж хоорондын гэрээний дагуу үнэ тохиролцож ширээний ард ярилцахад бэлэн гэдгээ илэрхийллээ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Хүнс, хөдөө аж ахуй, хөнгөн үйлдвэрийн яамнаас зөвлөх үйлчилгээний тухай зарлал

otgoo — Wed, 24 Apr 2024 15:40:27 +0800

Уг төслийн гол зорилго нь ногоочдын орлогыг нэмэгдүүлэх, газар тариалан эрхлэхэд нь дэмжлэг үзүүлэх юм.

Төв магистрал замуудыг бүхэлд нь хучна

otgoo — Wed, 24 Apr 2024 15:15:18 +0800

Нийслэлийн удирдлага нийтийн эзэмшил газрыг зориулалт бусаар ашигласан, хашиж хаасан зөрчлийг үе шаттай арилжуулж байгаа билээ.

Энэ хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан Сонгинохайрхан дүүргийн 17 болон 20 дугаар хороонд ажиллалаа.

Тус дүүргийн 20 дугаар хороо буюу хуучин товчоо орчимд үйл ажиллагаа явуулж буй аж ахуйн нэгжүүд нийтийн эзэмшлийн талбайд хоёрдогч түүхий эд, хаягдал төмөр хураах, хүнд даацын автомашин байрлуулах зэрэг олон зөрчил гаргадаг. Хотын дарга Х.Нямбаатар “Өнөөдөр хороодод ажиллаж байгаа шалтгаан бол Улаанбаатар хотын стандартыг мөрдүүлэх чиглэлээр хэд хэдэн ажлыг Сонгинохайрхан дүүргийн удирдлага, хотын харьяа агентлагууд хамтдаа хийх хэрэгтэй. Энэ зам Энхтайваны өргөн чөлөө буюу Улаанбаатар хотын баруунаас зүүн зорчих гол зам. Энэ замаар гадаад дотоодын зочид явдаг. Мөн Үндэсний их баяр наадмын хурдан морины уралдаан үзэхээр Хүй долоон худаг, баруун аймгууд явдаг. Гэтэл энэ зам дагуу аж ахуйн нэгж, байгууллагууд газрыг олгосон зориулалтаас нь өөр зориулалтаар ашиглаж байгаа зөрчлүүд олон жил үргэлжилж байгаа. Тухайлбал, энэ төв зам дагуу хоёрдогч түүхий эд авах, хаягдал төмөр цуглуулах байдал их. Цаашлаад уул уурхайн тоног төхөөрөмжүүд, том дунд оврын машиныг нийтийн эзэмшил, явган хүний зам хааж тавьж худалдан борлуулдаг. Түүнчлэн автомашины дугуй худалдаа, хивэг, будаг зарж байна. Ашиглалтын шаардлага хангахаа байсан машинуудыг тээвэрлэх, засварлах, тос масло солих олон үйл ажиллагаа явуулаад байна. Ерөөсөө явган хүн алхах боломжгүй шахам боллоо. Эдгээр асуудлыг цэгцлэх чиглэлээр ажиллана” гэсэн юм.

Сонгинохайрхан дүүргийн Засаг дарга Н.Алтаншагай “Энэ жил цас их унасан учраас замууд дээр давс, бодис маш их хэмжээгээр цацсан. Үүнээс улбаалж эвдрэл их гарлаа. Энэ сарын 10-наас замын нөхөөс хийх ажлууд эхэлсэн” гэдэг мэдээллийг өгөв. Өнөө жил Энхтайваны өргөн чөлөөний авто замыг бүхэлд нь хучих ажил хийнэ. Энэ талаар хотын дарга Х.Нямбаатар “Энхтайваны өргөн чөлөөний замыг хучих хүрээнд Орбитын зам, Тахилтын зам, Найрамдлын зам, Баянхошууны замыг бүхэлд нь хучна” гэдгийг онцоллоо.

Харин Сонгинохайрхан дүүргийн 17 дугаар хорооны нутаг “Хархорин” худалдааны төвөөс “Саппоро” хүртэл 1.5 км газарт ногоон байгууламж, дугуйн зам, тоглоомын талбай, зогсоол, стандарт шаардлага хангасан ус зайлуулах хоолой зэргийг хийсэн. Дээрх ажилтай хотын дарга танилцаад 1 дүгээр хорооллын ард зам дагуух нийтийн эдэлбэр газрыг хууль бусаар ашиглаж байгаа зөрчлүүдийг арилгах, барьсан байгууламжийг буулгаж амралтын талбай болгон тохижуулах үүргийг Сонгинохайрхан дүүргийн Засаг дарга Н.Алтаншагайд үүрэг болголоо.

ХХААХҮЯ: Зөвлөх үйлчилгээний ажлын зар

otgoo — Wed, 24 Apr 2024 13:41:17 +0800

Зөвлөх үйлчилгээний нэр: Барилгын ажлын хяналтын баг

Услалтын системийг шинэчлэн сайжруулах барилгын ажил Эрдэнэбүрэн дэд төслийн тендерийн урилга

otgoo — Tue, 23 Apr 2024 17:26:28 +0800

Тендерийн урилга

otgoo — Tue, 23 Apr 2024 16:23:34 +0800

ХХААХҮЯ: Худалдан авалтын мэргэжилтэнг ажилд урьж байна

otgoo — Tue, 23 Apr 2024 14:19:41 +0800

ХААН Банк хүүхдүүдийг зам тээврийн ослоос урьдчилан сэргийлэх “1000-0” аяныг гурав дахь жилдээ хэрэгжүүллээ

khulan — Tue, 23 Apr 2024 13:52:14 +0800

Монгол Улсын хэмжээнд зам тээврийн осолд жил бүр 800-1000 хүүхэд өртдөг гэсэн харамсалтай тоо баримт бий. Тэгвэл энэхүү тоог бууруулаад зогсохгүй, тэг болгох зорилготой “1000-0” аяныг ХААН Банк “Сигначер” харилцагчдынхаа дэмжлэгтэйгээр Тээврийн цагдаагийн албатай хамтран 2022 оноос хэрэгжүүлж эхэлсэн. Аян хэрэгжүүлсэн нийслэлийн ерөнхий боловсролын зарим сургуулиудын орчимд хүүхэд зам тээврийн осолд өртөх тохиолдол 60 орчим хувиар буурсныг Цагдаагийн ерөнхий газраас гаргасан тайланд онцолсон нь чамлахааргүй үр дүн юм.

ХААН Банк уг аяны хүрээнд нийслэлийн ерөнхий боловсролын 26, 42, 53, 65, 69-р сургуулиудын ойр орчимд хурд сааруулагч, замын тэмдэг тэмдэглэгээ байршуулж, цуврал видео контентууд бэлтгэн олон нийтийн мэдээллийн хэрэгслээр түгээж, хүүхэд багачуудад ослоос урьдчилан сэргийлэх мэдээлэл, зөвлөгөө өгч ажилласан юм.

Тэгвэл энэ жил ХААН Банк “1000-0” аянаа гурав дахь жилдээ хэрэгжүүлж эхэллээ. Энэ хүрээнд Тээврийн цагдаагийн албатай хамтран нийслэлийн 4 дүүргийн алслагдмал сургууль, цэцэрлэгийн 3000 гаруй хүүхдэд зам тээврийн болзошгүй аюул ослоос урьдчилан сэргийлэх сэдвээр сургалт зохион байгуулахаас гадна хүүхэд бүрд замын хөдөлгөөний дүрмийн мэдлэг мэдээлэл олгох буддаг ном, стикер бэлэглэж буй. Түүнчлэн хүүхдүүдэд дуу хөгжмөөр дамжуулан замын хөдөлгөөнд аюулгүй оролцох ойлголтыг хэвшүүлэх зорилгоор “Gertoon” анимэйшн студитэй хамтран хүүхдийн дуу бүтээж олон нийтийн хүртээл болголоо.

“1000-0” аяныг цаашид жил болгон хэрэгжүүлж, хүүхдүүдийг зам тээврийн болзошгүй ослоос сэргийлэх, ослын тоог бууруулахад бодитой хувь нэмрээ оруулахаар бид хичээн ажиллаж байна.

ХААН Банк салбар бүрийн амжилттай яваа, манлайлагч залууст зориулсан “Сигначер” үйлчилгээг 2017 онд зах зээлд анх нэвтрүүлсэн бөгөөд “Сигначер” харилцагч болсноор нийгмийн хариуцлагын хүрээнд банкнаас хэрэгжүүлж буй төсөл, хөтөлбөрт оролцох, хамтдаа бүтээх сайн үйлсэд нэгдэх боломж олгодгоороо онцлогтой.

Өдөр бүрийг гэрэлтүүлдэг бяцхан үрсээ хайрлацгаая!

Хүнс, хөдөө аж ахуй, хөнгөн үйлдвэрийн яамнаас зөвлөх үйлчилгээний тухай зарлал

otgoo — Tue, 23 Apr 2024 11:16:37 +0800

Уг төслийн гол зорилго нь ногоочдын орлогыг нэмэгдүүлэх, газар тариалан эрхлэхэд нь дэмжлэг үзүүлэх юм.