Эрүүл мэнд - Өдөр тутмын мэдээ мэдээллийн вэб сайт

Эрүүл мэндийг дэмжих сан эрүүл мэндийн төлөө зарцуулагддаг уу?

zulaa — Mon, 29 Sep 2025 11:12:50 +0800

Тамхины хяналтын тухай хуульд нэмэлт, өөрчлөлт оруулах шинэчилсэн төсөлд таван жилийн хугацаанд тамхинд ногдуулдаг энэхүү татварыг үе шаттайгаар жил бүр хоёр дахин нэмэгдүүлэх шаардлагатай гэж үзжээ.

Таван жилийн хайрцаг тамхи 10 дахин үнэтэй буюу 27,000-50,000 төгрөгийн үнэтэй хайрцаг янжуур авч татах тооцоо гарч байна. Тамхины онцгой албан татвараас орж ирэх мөнгөн дүнгийн 50 хүртэлх хувийг жирийн ард иргэдийн төдийлөн сайн мэддэггүй Эрүүл мэндийг дэмжих тусгай санд жил бүр татан төвлөрүүлбэл зохилтой гэсэн нь эгэл судлаачийн сонирхлыг татжээ.

Эрүүл мэндийг дэмжих тусгай санг бүрдүүлсэн татвар төлөгчдийн мөнгийг хэн, юунд зарцуулдаг вэ гэдгийг олон нийт мэдэх ёстой гэж үзсэн хэрэг л дээ. Монгол Улсад төрөл бүрийн тамхийг өдөр тутам хэрэглэгч хүний тоо буурахгүй, харин ч нас нь залуужиж буйг хэн хүнгүй мэдэж байгаа. Тэгэхээр энэ гоёмсог нэртэй сангийн үндсэн зорилго нь огт биелэхгүй байгаа гэж хэлж болохоор байгаа юм. Мөн энэхүү сангийн мөнгөний зарцуулалтыг хэн ч мэдэхгүй, ил тод тайлагнадаггүй нь анхаарал татна.

2023 онд тамхины татварын орлого 350 тэрбум төгрөг хүрсэн ч, эрүүл мэндийн санд зөвхөн 1.9 тэрбум төгрөг орсон. Архи, согтууруулах ундааны онцгой албан татварын нэг хувь болон эмийн импортын гаалийн болон НӨАТ-ын хоёр хувиас орж ирэх мөнгөтэй нийлбэл элбэг 10 гаруй тэрбум төгрөг болох учиртай байсан нь хэнд ч мэдээжийн зүйл байв. 2024 онд 9.8 тэрбум төгрөг, 2025 онд 9.6 тэрбум төгрөг тус санд хуримтлуулна гэж тооцоолсон ч мэдээлэлд ойр дарга, эрх мэдэлтнүүд өөрсдийн танил тал, хамаарал бүхий аж ахуйн нэгжүүдээр элдэв төсөл, хөтөлбөр бичүүлж батлуулан давуу эрхтэйгээр зарцуулсан байж болзошгүй дүр зураг, сэжиг таамаг гарсныг асуудалд ойр эх сурвалж өгүүлэв.

Тиймээс уг сангийн зарцуулалтыг олон нийтэд ил тод болгож, үнэхээр соён гэгээрүүлэх, эрүүл мэндийг хамгаалах чиглэлд зарцуулж уу, үгүй юу гэдгийг нээлттэй болгох цаг иржээ. Тамхины онцгой татварын орлогын хоёр хувь нь тамхины эсрэг үйл ажиллагаанд зарцуулагдаж байгаа нь тодорхойгүй юм.

Монгол Улсын Эрүүл мэндийг дэмжих тусгай сан нь 2023 онд байгуулагджээ.

Монгол Улсад тамхины онцгой албан татвар буюу нэмэлт татварын тодорхой хэмжээ нь Эрүүл мэндийг дэмжих санд зайлшгүй орох үүрэгтэй зохицуулалтад багтдаг гэдгийг албан ёсны хууль, бодлогод тусгасан байдаг. Засгийн газрын 2020 оны 37-р дугаар тогтоолоор батлагдсан “Эрүүл мэндийг дэмжих сангийн дүрэм, хөрөнгийг зарцуулах, хяналт тавих журам” нь сангийн үндсэн үүрэг, зарцуулалтын чиглэлүүдийг тодорхой заасан баримт бичиг аж. Монгол Улсын Засгийн газрын тусгай сангийн тухай хуулийн 19 дүгээр зүйлийн заалтад “Эрүүл мэндийг дэмжих тусгай сангийн хөрөнгө нь архины онцгой албан татварын нэг хувь, эмийн импортын гаалийн болон нэмэгдсэн өртгийн албан татварын хоёр хувь, тамхины онцгой албан татварын хоёр хувьтай тэнцэх хэмжээний хөрөнгө, бусад хандив, тусламж зэрэг эх үүсвэрүүдээс бүрдэнэ” хэмээн өгүүлжээ.

Дараа жил нь буюу 2024 онд 9.8 тэрбум төгрөг, 2025 онд 9.6 тэрбум төгрөг тус санд хуримтлуулна гэж тооцоолсон ч мэдээлэлд ойр дарга, эрх мэдэлтнүүд өөрсдийн танил тал, хамаарал бүхий аж ахуйн нэгжүүдээр элдэв төсөл, хөтөлбөр бичүүлж батлуулан давуу эрхтэйгээр зарцуулсан байж болзошгүй дүр зураг, сэжиг таамаг гарсныг асуудалд ойр эх сурвалж өгүүлэв.

Уг сангийн төсвийг хэн, хэрхэн хуваарилж, хяналт тавьдаг вэ гэсэн асуулт урган гарч, ихээхэн сонирхол татсан нь ойлгомжтой. Засгийн газрын тусгай сангийн тухай хуулийн үндсэн зарчмаар Эрүүл мэндийн сайд сангийн зарцуулалт, үйл ажиллагаанд хяналт тавьж ажиллах үүрэгтэй юм байна. Харин Сангийн сайд жил бүрийн төсөвт сангийн хөрөнгийг тусган зарцуулалтад хяналт тавих үүрэгтэй гэжээ. Сангийн төсвийн хуваарилалтын үйл явцын хувьд зөвхөн сайдын захирамжаар бус, харин мэргэжлийн багийн шалгаруулалтаар төсвийн төсөл, хөтөлбөрүүд сонгогддог тухай хэд хэдэн албан мэдэгдэл, шүүмжлэл мэдээллийг хуваалцсан байдаг. Сонгон шалгаруулалт ба төсөл хэрэгжилтийн хувьд Эрүүл мэндийг дэмжих сан нь тухайн зарцуулах хөрөнгийг санаачилга, төсөл хөтөлбөр хэлбэрээр олон нийтээс хүлээн авч, сонгон шалгаруулалтын журмаар олгодог журамтай аж. 2023 оны 3–4 дүгээр улиралд сангийн санхүүжилттэй төсөлд оролцохыг уриалсан зарын тухай мэдээлэл мэр сэр гарсан нь бий. Эдгээр төсөл, арга хэмжээ нь эрүүл мэндийн мэдээлэл, сургалт, урьдчилан сэргийлэх, мансууруулах бодис, архи, тамхины эсрэг чиглэлийн үйл ажиллагааг санхүүжүүлэхэд зориулагдсан хэмээн тайлагнажээ.

Өнөөдөр Монгол Улсад төрөл бүрийн тамхийг өдөр тутам хэрэглэгч хүний тоо буурахгүй, харин ч нас нь залуужиж буйг хэн хүнгүй мэдэж байгаа. Тэгэхээр энэ гоёмсог нэртэй сангийн үндсэн зорилго нь огт биелэхгүй байгаа гэж хэлж болохоор байгаа юм. Мөн энэхүү сангийн мөнгөний зарцуулалтыг хэн ч мэдэхгүй, ил тод тайлагнадаггүй нь анхаарал татна. Тиймээс уг сангийн зарцуулалтыг олон нийтэд ил тод болгож, үнэхээр соён гэгээрүүлэх, эрүүл мэндийг хамгаалах чиглэлд зарцуулж уу, үгүй юу гэдгийг нээлттэй болгох цаг иржээ. Тамхины онцгой татварын орлогын хоёр хувь нь тамхины эсрэг үйл ажиллагаанд зарцуулагдаж байгаа нь тодорхойгүй юм. Татвар нэмэгдсэнээр тамхичдын тоо буурахгүй, бүр нэмэгдэх эрсдэлтэй нь одоогийн бодлогын үр дүнгүй байдлыг илтгэж байна.Тамхины хор хөнөөлтэй тэмцэх нь зөвхөн татвараар бус, цогц хандлага, нийгмийн идэвхтэй оролцоо, эрүүл мэндийн боловсрол, урьдчилан сэргийлэх арга хэмжээг хамарсан байх ёстой. Тамхины онцгой татварын орлогыг ил тод, үр ашигтай хуваарилах, тамхины эсрэг үйл ажиллагаанд хангалттай хөрөнгө оруулалт хийх нь тамхичдын тоог бууруулах, иргэдийн эрүүл мэндийг дээшлүүлэх үндсэн нөхцөл юм.

"Эрүүл мэндийг дэмжих сан" нь улсын эрүүл мэндийн урьдчилан сэргийлэх, боловсрол, нийгмийн эрүүл мэндийн бодлогыг хэрэгжүүлэх чухал механизм. Гэвч санхүүжилт, төсөл хэрэгжилт, ил тод байдал, тендерийн журам болон хяналтын сул байдлаас үүдэн үр ашиг, итгэлцэл алдагдах эрсдэл бий.

УИХ дотор байгуулагдсан ажлын хэсэг Тамхины хяналтын тухай хуульд нэмэлт, өөрчлөлт оруулах мэргэн санааг сэдэж, дэвшүүлсэн нь ард олныг хоёр хэсэгт хуваан талцуулж эхэлсэн билээ. УИХ-ын хэсэг гишүүн уг хуулийн шинэчилсэн төсөлдөө бүх төрлийн тамхинд ногдуулах онцгой албан татварын хувь, хэмжээг огцом нэмэгдүүлэхийг санал болгосон юм. Тэд таван жилийн хугацаанд тамхинд ногдуулдаг энэхүү татварыг үе шаттайгаар жил бүр хоёр дахин нэмэгдүүлэх шаардлагатай хэмээн үзжээ. Тэгэхээр таван жилийн дараа Монгол Улсын 15-аас дээш насны иргэдийн 25 орчим хувийг эзэлдэг 700 гаруй мянган хүн буюу тамхичид маань одоогийнхоос 10 дахин үнэтэй буюу 27,000-50,000 төгрөгийн үнэтэй хайрцаг янжуур авч татах тооцоо гарч байна. Энэхүү хуулийн төсөл нь тамхины хэрэглээг бууруулах зорилготой хэдий ч дараах ноцтой үр дагавруудыг бас үүсгэх эрсдэлтэйг бид мартаж болохгүй. Иргэдийн амьжиргааны түвшинд сөргөөр нөлөөлөхийн дээр хууль бус наймаа, хулгайн худалдаа буюу контрабандын хэмжээ эрс нэмэгдэж, жижиглэн худалдаа эрхлэгчид, тамхи импортлогчид, хөрөнгө оруулагчдын үйл ажиллагаанд асар сөргөөр нөлөөлөх нь хэнд ч ойлгомжтой.

Хуулийн шинэ төсөл хэрэв батлагдвал ЭМДС-нд зөвхөн тамхины татвараас орж ирэх мөнгөний хэмжээ 20-30 тэрбум төгрөгт хүрч, гашуун хувь заяа амссан Боловсролын зээлийн сан, Нийгмийн даатгалын сан, Эрүүл мэндийн даатгалын сангууд шиг эрх мэдэл бүхий улс төрчдийн гарын салаагаар орж зарцуулагдах магадлал маш өндөрсөж, тэдний шуналын нүдийг сэргээх нь тодорхой. Тус санд төвлөрсөн мөнгөн хөрөнгийг дараах чиглэлүүдэд зарцуулах зохицуулалттай байдаг аж. Тухайлбал, эрүүл мэндийн мэдээлэл, сургалт, сурталчилгаа, ухуулга, тандалт судалгаа; дэвшилтэт технологи нэвтрүүлэх; гадаад улсад эмчлэгдсэн иргэдэд дэмжлэг үзүүлэх; амьгүй донорт оршуулгын тэтгэмж зэрэг олон нийтийн эрүүл мэндийг дэмжих үйл ажиллагааг санхүүжүүлэхэд хэрэглэнэ хэмээн заажээ. Тэгвэл мэдээлэлд ойр дарга нар энэ мөнгийг өөрийн хамаарал бүхий хүмүүст хуваарилж, ашиглуулах нь бараг ойлгомжтой гэдгийг бид өмнөх гашуун туршлагуудаасаа мэдэж авсан. Харин уг өндөр татварыг төлсөн тамхичид, худалдаа эрхлэгч, үйлдвэрлэгчдэд эргээд энэ бүхний үр өгөөж бараг очихгүй гэсэн үг ээ. Тамхинаас гарахыг уриалсан хэдэн постер хэвлүүлэн тарааж, сургалт, семинар явуулсан болоод энэ бүхний тайланг манай нөхдүүд хөнгөхөн аргалж гаргаад дөнгөх нь баараггүй юм.

Монгол Улсад өнөөдрийн байдлаар тамхи худалдаалдаг арван мянга орчим цэг бий гэсэн статистик мэдээлэл байдаг бөгөөд зөвхөн Улаанбаатар хотод л гэхэд хоёр мянга гаруй цэг өдөр бүрийн орлогынхоо тодорхой хувийг тамхины борлуулалтаас бүрдүүлдэг гэх тооцоолол гарчээ.

Уг хуулийн төслийг санаачлагчид мөн тамхины онцгой албан татвараас орж ирэх мөнгөн дүнгийн 50 хүртэлх хувийг жирийн ард иргэдийн төдийлөн сайн мэддэггүй Эрүүл мэндийг дэмжих тусгай санд жил бүр татан төвлөрүүлбэл зохилтой гэж саймширсан нь эгэл судлаач миний сонирхлыг өөрийн эрхгүй татсан юм. Ингээд энэ сүржин нэртэй даржин сангийн үйл ажиллагаа хэзээ эхэлсэн, ямар үүрэг, чиглэл бүхий, төсөв нь яаж бүрддэг, зарцуулалт нь юунд зориулагдаж байна вэ гэдгийг мэдэх эрхийнхээ хүрээнд судлах ажилдаа орсон болно. Эрүүл мэндийг дэмжих тусгай санг бүрдүүлсэн татвар төлөгчдийн мөнгийг хэн, юунд зарцуулдаг вэ гэдгийг олон нийт мэдэх ёстой гэж үзсэн хэрэг л дээ.

Энэхүү нийтлэл нь Монгол Улсын Эрүүл мэндийн яамны харьяа “Эрүүл мэндийг дэмжих сан” -гийн бүтэц, санхүүжилт, төсөл хөтөлбөрийн бодлого, үр нөлөө, ил тод байдал, хяналт-шинжилгээнд тулгарч буй асуудлуудыг мөрдөн шалгах аргаар авч үзэхийг зорилоо. Материал нь олон нийтийн баримт, төсөв, тендерийн мэдээлэл, аудит, хэвлэлийн сурвалж болон талуудад хандсан ярилцлага/олон нийтийн саналаар дамжуулан цуглуулсан дата ба ажлын дүн шинжилгээнд үндэслэв. Хэвлэлийн нийтлэл, албан ёсны тайлан, төсвийн баримт бичгүүд болон ёс зүйн, хууль эрх зүйн нөхцөл байдлыг харгалзан дүгнэлт, санал зөвлөмжийг нэгтгэв.

Тамхины татварыг огцом өсгөж, үнэр амтыг тас хориглон, ил тавьж худалдаалахыг хорьж хатуу хязгаарлалтыг хэрэгжүүлэх талаар Тамхины хяналтын тухай хуулийн шинэчилсэн төсөлд тусгасан бөгөөд та бүхэн энэхүү хуулийн төслийг бүрэн эхээр нь үзэхийг хүсвэл та (https://d.parliament.mn/tusul/9a48b1a8-2293-4a66-9b04-b4665898dc2f) холбоосоор нэг ороод үзээрэй гэж зөвлөх байна.

Эрүүл мэндийг дэмжих тусгай сан (ЭМДС) нь Монгол Улсын Засгийн газрын тусгай сангийн нэг бөгөөд орлого, зарцуулалтыг “Засгийн газрын тусгай сангийн тухай хууль” болон холбогдох журмуудаар зохицуулдаг. Тус сангийн орлого, зарцуулалтын талаарх мэдээллийг авахын тулд дараах арга хэмжээг авахыг та бүхэнд зөвлөж байна:

Эрүүл мэндийн яамны албан ёсны вэбсайт:

Вэбсайт: https://moh.gov.mn/
Эндээс “Шилэн данс” болон “Гүйцэтгэлийн үнэлгээ” зэрэг хэсгүүдэд тус сангийн санхүүгийн тайлан, төсвийн мэдээлэл байрладаг.

Монгол Улсын Шилэн дансны портал:

Вэбсайт: https://www.shilendans.gov.mn/

Энд Засгийн газрын харьяа байгууллагуудын санхүүгийн мэдээллийг нээлттэй байдлаар нийтэлдэг. Эндээс ЭМДТС-ийн санхүүгийн мэдээллийг хайж олох бүрэн боломжтой.

Төрийн аудитын байгууллага:

Вэбсайт: https://www.audit.mn/
ЭМДТС-ийн санхүүгийн тайлан, аудитын дүгнэлтүүдийг шалгаж, шаардлагатай тохиолдолд хуулбар авах боломжтой.

“Цусны даралт ихсэлтийн эсрэг аян” Булган аймагт үргэлжилж байна

zulaa — Fri, 01 Aug 2025 20:37:50 +0800

Монголчуудын гурван хүн тутмын нэг нь зүрх судасны өвчнөөр нас бардаг гэх тоо баримт бий. Эмнэлэгт хандах цаг завгүй яарч, өөрийгөө хойш тавьсаар, зөвхөн өвдсөн хойно л эмчид хандах хандлага өнөөгийн нийгэмд түгээмэл болсон.

Тиймээс энэ хандлагыг зогсоож, иргэдийнхээ эрүүл мэндийн төлөөх үйлсэд хувь нэмрээ оруулан урьдчилан сэргийлэх эрт илрүүлгийн үзлэгт хамруулж, мэдээлэл зөвлөмж хүргэх зорилгоор “Цусны даралт ихсэлтийн эсрэг аян”-ыг П.Н.Шастины нэрэмжит Улсын гуравдугаар төв эмнэлгийн санаачилга, ХААН Банк сангийн санхүүжилт дэмжлэгтэйгээр Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран уламжлал болгон хэрэгжүүлж ирсэн билээ.

Анх 2017 онд Булган аймагт хэрэгжиж байсан энэхүү аян энэ жил тус аймгийн иргэдэд дахин хүрч байна. 2024 оны судалгаагаар зүрх судасны өвчлөл нь Булган аймагт нас баралтын тэргүүлэх шалтгаануудын нэгээр бүртгэгджээ. Аяны хүрээнд иргэдийн эрүүл мэндийн эрсдэлийг үнэлэх, зөвлөгөө мэдээлэл өгөхөөс гадна, зорилтот бүлгийн иргэдийг зүрх судас, зүрхний шигдээс, мэдрэл, тархины харвалт, бөөр, хоол боловсруулах замын өвчлөл зэрэг чиглэлээр төрөлжсөн мэргэжлийн эмч нарын үзлэгт хамруулж байна. Мөн орон нутгийн эмч, мэргэжилтнүүдэд зориулсан орчин үеийн эмчилгээний аргазүйн сургалт зохион байгууллаа.

Аян 2025 оны 7-р сарын 31-нээс 8-р сарын 2-ны хооронд Сэлэнгэ аймгийн Мандал суманд үргэлжлэн хэрэгжих бөгөөд Сэлэнгийн Зүүнхараа нь цусны даралт ихсэлтийн өвчлөлийн эрсдэл өндөртэй тооцогддог бүс нутаг юм.

Монгол орны 21 аймгийг бүтэн тойрч, нийт 67,000 гаруй иргэнийг үзлэг, оношилгоонд хамруулж, 1,230 гаруй орон нутгийн эмч, мэргэжилтнийг чадавхжуулсан нь тус аяны бодит үр дүнг харуулж байна. Нийгмийн хариуцлагыг бодитоор хэрэгжүүлэгчийн хувиар ХААН Банк 2007 онд ХААН Банк санг байгуулж, өнөөг хүртэл нийт 523 төсөл, хөтөлбөрт 16.2 тэрбум төгрөгийн санхүүжилт үзүүлжээ. Үүнээс 2.5 тэрбум төгрөгийг зөвхөн эрүүл мэндийн чиглэлийн аян, хөтөлбөрүүдэд зарцуулсан нь иргэдийн амьдралд бодит үр өгөөж авчирсан ажлуудын нэг билээ.

Хамтын өсөлт төгөлдөр – ХААН Банк

Улаанбурхан өвчний зөөвөрлөгдсөн 5 дахь тохиолдол батлагдсан учир халдвар хамгааллын дэглэмээ сахих хэрэгтэй

zulaa — Mon, 03 Mar 2025 13:49:31 +0800

Манай улсад улаанбурхан өвчний зөөвөрлөгдсөн 5 дахь тохиолдол лабораториор батлагдаад байна.

Монголчууд олноор зорчдог орнуудад улаанбурханы тохиолдол нэмэгдэж, дотоодод зөөвөрлөгдөх эрсдэл өндөр байна.

Улаанбурхан өвчин нь маш цочмог халдварладаг өвчин.2015-2016 онд Монгол Улсад улаанбурхан өвчний дэгдэлт гарахад 140 хүн нас барсны 90 хувь нь нялх, балчир насны хүүхдүүд байжээ.

Иймд Халдварт өвчин судлалын үндэсний төвөөс сар шинийн баяр үргэлжилж буй энэ өдрүүдэд халдвар хамгааллын дэглэмийг сайн сахихыг анхааруулав. Түүнчлэн иргэдийг өрх, сумын Эрүүл мэндийн төвдөө хандаж, арван сартайгаас найман настай хүүхдүүдээ вакцинд хамруулахыг уриаллаа.

Г.Батцэнгэл: Асран хамгаалагчид нь тамхи татдаг тохиолдолд хүүхдийн өвчлөл илүү хүндэрч байна

zulaa — Mon, 20 Jan 2025 09:50:53 +0800

Томуу, томуу төст өвчлөлийн цаг үеийн асуудлын талаар ЭХЭМҮТ болон НЭМГ-аас ээлжит мэдээллээ хийлээ.

ЭХЭМҮТ-ийн Хүүхдийн эмнэлгийн Нярайн эмгэг судлалын тасгийн эрхлэгч Г.Батцэнгэл: Өнөөдрийн байдлаар манай тасагт 76 хүүхэд эмчлэгдэж байгаагийн 22 нярай нь амьсгалын замын ямар нэгэн эмгэгтэй, уушгины хатгалгаа болон түүний хүндрэлийн улмаас хэвтэж байна. Энэ 22 хүүхдийн 15 нь хүчилтөрөгийн эмчилгээ шаардлагатай амьсгалын дутагдлын шинжүүд илэрсэн байгаа. Амьсгалын замын эмгэг өвчлөл нь шууд ханиалгах эсвэл цээжээр өвдөх өвөрмөц шинж тэмдгээр илэрдэггүй. Хүүхэд хөхөө бага идэх, сүүгээрээ бөөлжих, биеийн халуун хэвийн биш болох, шарлалт нь эмгэг байдлаар тодорч гүнзгийрэх, унтамхай болох зэрэг ерөнхий шинж тэмдгээр илэрч байгаа. Үүнээс даамжраад ялангуяа хөхөө хөхөж чадахгүй амьсгал олшрох, амьсгал саадтай болох, цээж хонхолзох, зайнаас шуугьж сонсогдох шинж тэмдэг илэрнэ. Түүнчлэн, дотоод орчны агаарын бохирдол өвчлөлд нөлөөлж байна. Асран хамгаалагчдын хорт зуршилтай холбоотойгоор дотоод орчны агаарын чанар буурдаг. Ээж, аав хоёрын аль нэг нь тамхи татдаг тохиолдолд хүүхдийн өвчлөл илүү хүндэрч байна. Тодруулбал, зайнаас шуугьж амьсгалах эсвэл харшлын суурин дээр өвчлөл үүсэх магадлал илүү өндөр байдаг.

НЭМГ: Нийслэлийн хэмжээнд амбулаториор 77000 үзлэг хийгдсэнээс 7800 тохиолдол томуу, томуу төст өвчний тохиолдол бүртгэгдсэн. Ингэхээр нийт үзлэгийн 10.2 хувийг томуу, томуу төст өвчин эзэлж байна. Энэ нь өнгөрсөн долоо хоногийн дунджаас 2.2 хувиар буурсан үзүүлэлттэй байна. Нийслэлийн түргэн тусламжийн төвд сүүлийн долоо хоногт 15000 дуудлага ирснээс 21 хувь нь томуу, томуу төст өвчний дуудлага байна.

Мөн Өрхийн эрүүл мэндийн төвийг өнгөрсөн оны сарын 17-ноос уртасгасан цагаар ажиллуулж эхэлсэн. Энэ хугацаанд 5700 хүн үзүүлж байсан бол өнөөдрийн байдлаар 2273 хувь болж хоёр дахин буурсан. Иймд Нийслэлийн эрүүл мэндийн газраас бүх Өрхийн эрүүл мэндийн төвийг уртасгасан цагаар ажиллуулж байсан шийдвэрийг дуусгавар болгож байгаа аж. Маргаашаас бүсчилсэн хэлбэрээр зарим өрхийн эмнэлгүүд ажлын өдрүүдэд 20:00 цаг хүртэл, амралтын өдөр 11:00-18:00 цагийн хооронд ажиллана.

“Хавдрын эсрэг үндэсний аян”-ыг энэ жил Баян-Өлгий, Баянхонгор аймагт хэрэгжүүлжээ

zulaa — Tue, 12 Nov 2024 11:57:12 +0800

Бага насны хүүхдийн шүд цооролт Завхан, Архангай аймаг болон Улаанбаатар хотод ХАМГИЙН ӨНДӨР БАЙНА

zulaa — Wed, 25 Sep 2024 21:37:57 +0800

2022 оны тавдугаар сарын 1-нээс Засгийн газраас улс орон даяар хүн амын нас, хүйс, эрсдэлт хүчин зүйлст суурилсан эрт илрүүлгийг эхлүүлсэн. Эрүүл мэндийн урьдчилан сэргийлэх үзлэг, оношилгоонд анх удаа 0-18 насны хүүхдийг хамруулсан юм. Энэ үзлэгийн 1.6 жилийн ажлын үр дүнгээс ЭХЭМҮТ-ийн Эмчилгээ эрхэлсэн дэд захирал, АУ-ы доктор Т.Болормаа танилцуулав.

Тэрбээр, Хүүхдийг 0-5 нас, 6-17 нас гэж ангилж эрт илрүүлэгт хамруулсан. 0-5 насны 155652 хүүхэд буюу 33.7 хувь, 6-17 насны 422821 хүүхэд буюу 57.7 хувь нь хамрагдсан. Нийт 0-17 насны 578473 хүүхэд буюу гурван хүүхдийн нэг нь эрт илрүүлэгт хамруулсан.

Хүүхдэд дөрвөн төрлийн үзлэг, хоёр төрлийн эрсдэлийн үнэлгээг хийсэн. Амны хөндийн эрүүл мэндийн үзлэгээр шүд цоорох өвчин 5-9 насанд хамгийн өндөр буюу 67 хувьтай байна. Тухайлбал, 5, 6 настай хүүхдийн 3.5 шүд нь цоорсон. Шүд цоорох өвчний тархалт Завхан, Архангай, Өмнөговь аймаг болон Улаанбаатарт хамгийн өндөр байна.

“Хавдрын эсрэг үндэсний аян”-ы баг Баян-Өлгий аймагт ажиллаж байна

khulan — Wed, 04 Sep 2024 09:14:53 +0800

Хорт хавдрын шалтгаант нас баралтаар Монгол Улс дэлхийд нэгдүгээр байранд, тэр дундаа элэг болон ходоодны хорт хавдрын улмаас хорвоог орхиж буй статистик үзүүлэлтээр монголчууд мөн л дэлхийд тэргүүлж байна. Аюулын харанга дэлдсэн энэ өвчнөөс урьдчилан сэргийлж болдгийг, эрт оношилж, илрүүлбэл бүрэн эдгэрэх боломжтой гэдгийг ХААН Банк сангаас санхүүжүүлж, Хавдрын өвчин судлалын үндэсний төв, Монголын үндэсний олон нийтийн радио телевиз хамтран хэрэгжүүлдэг “Хавдрын эсрэг үндэсний аян” ард иргэдэд ойлгуулахыг чухалчилж ирсэн билээ.

Аян эхлүүлснээс хойших 14 жилийн хугацаанд хорт хавдрыг эрт үед нь илрүүлэх, эмчлэх, өвчний эрсдэлт хүчин зүйлс, тэдгээрээс сэргийлэх талаар иргэдэд ухуулан, таниулах ажлыг амжилттай хэрэгжүүлсэн нь хүн амын дундах хорт хавдрын талаарх мэдлэг, мэдээлэл сайжирч, хорт хавдраас сэргийлэхэд тодорхой хувь нэмрээ оруулж байгаа билээ.

Энэ удаа “Хавдрын эсрэг үндэсний аян”-ы баг бүрэлдэхүүн Монгол орны алс баруун хязгаар Баян-Өлгий аймгийг зорьж, нээлтийн арга хэмжээг өнөөдөр Өлгий хотын төв талбайд зохион байгууллаа. 2023 оны жилийн эцсийн тайлангаар Баян-Өлгий аймагт шинээр бүртгэгдсэн хорт хавдарт элэг 23,7%, ходоод 23.1%, улаан хоолой 11.8%, бөөр 10,1%, хөх 4.1%, бүдүүн гэдэс 3,0%, бусад байрлалын хорт хавдар 24.3%-ийг тус тус эзэлж байна. Өвчлөлийн түвшин буюу 100,000 хүн амд ногдох тоогоор улсын дундажтай харьцуулахад бага үзүүлэлт боловч шинээр бүртгэгдсэн хорт хавдрын тохиолдлын 73.1% нь хожуу үедээ оношлогдсон нь анхаарал татаж буй юм.

Хавдрын өвчлөлөөс урьдчилан сэргийлэх мэдлэг мэдээлэл өгч, үзлэг оношилгоо хийх, эрт илрүүлэх зорилготой аяны баг бүрэлдэхүүн 9-р сарын 7-ныг хүртэл Баян-Өлгий аймагт, 9-р сарын 15-21-нд Баянхонгор аймагт ажиллана.

Өнгөрсөн хугацаанд ХААН Банк сан энэхүү аяны хүрээнд 133 мянга гаруй хүнд үзлэг хийж, хортой хавдрын 656 тохиолдол илрүүлэн, нийт 1.3 тэрбум төгрөг зарцуулсан нь эрүүл мэндийн салбарт хувийн хэвшлээс оруулсан томоохон хөрөнгө оруулалт болсны дээр мэргэжлийн байгууллага, хувийн хэвшлийн сайн түншлэлээр нийгмийн хариуцлагаа ухамсарлан, нийгэмд бодитой өөрчлөлт авчирсан сайн жишээ болж буй.

Урьдчилан сэргийлэх үзлэгт иргэн та тогтмол хамрагдан, сэтгэлзүйн эрүүл мэнддээ анхаарч, эрүүл хооллож, тогтмол дасгал хөдөлгөөн хийж, хорт зуршлаас татгалзаж чадвал хорт хавдраас сэргийлэх боломжтой гэдгийг эмч мэргэжилтнүүд зөвлөж байна.

“Цусны даралтын эсрэг аян” Монгол Улсын 21 аймагт амжилттай хэрэгжлээ

khulan — Fri, 23 Aug 2024 14:08:53 +0800

Хүн амын нас баралтын тэргүүлэх шалтгаан болсон зүрх судасны өвчлөлийг бууруулах, цусны даралт ихсэх өвчнөөс урьдчилан сэргийлэх зорилготой "Цусны даралт ихсэлтийн эсрэг аян"-ыг ХААН Банк сангийн дэмжлэгтэйгээр П.Н.Шастины нэрэмжит Улсын III төв эмнэлэг, Нийгмийн эрүүл мэндийн үндэсний төв, МҮОНРТ хамтран 2017 оноос хэрэгжүүлж, өнөөдөр амжилттай дууслаа.

Уг аян жил бүр тодорхой тооны аймгуудад хэрэгжсээр, өдгөө эх орноо бүтэн тойрч, давхардсан тоогоор 61 мянга гаруй иргэнийг зүрх судасны өвчлөл, цусны даралт ихсэлтийн эрсдэлийн үнэлгээ, төрөлжсөн нарийн мэргэжлийн эмч нарын үзлэг, оношилгоонд хамруулж чадлаа. Мөн энэ хугацаанд аймаг, орон нутгийн 1500 гаруй эмч мэргэжилтэнд сургалт зохион байгуулж, мэргэжлийн ур чадварыг нь дээшлүүлэхэд хувь нэмэр оруулсан юм.

“Цусны даралт ихсэлтийн эсрэг аян” өнөө жил Монгол Улсын зүүн бүсэд буюу Дорнод, Сүхбаатар, Хэнтий аймагт өрнөж, хамгийн сүүлд Говьсүмбэр аймгийн иргэдэд нарийн мэргэжлийн үзлэг, оношилгоо хийж, эрүүл мэндийн зөвлөгөөг хүргэсэн юм.

“Аян зөвхөн үзлэг оношилгоогоор хязгаарлагдсангүй, иргэдийн дунд цусны даралт ихсэлт болон түүнээс шалтгаалах бусад төрлийн өвчнөөс урьдчилан сэргийлэх мэдлэг түгээж, иргэдийг амьдралын хэв маягаа өөрчлөхөд уриалсан чухал ач холбогдолтой юм” хэмээн Улсын III төв эмнэлгийн Ерөнхий захирал Ц.Төмөр-Очир дүгнэсэн.

Мөн “Энэхүү аяныг Монгол Улсын 21 аймагт амжилттай хэрэгжүүлж, бүх аймгийн иргэдийн эрүүл мэндийг хамгаалах зорилгодоо хүрч чадсан нь үнэхээр бахархалтай үр дүн байлаа” гэж ХААН Банкны Тогтвортой хөгжлийн газрын захирал М.Мандахмягмар онцоллоо.

ХААН Банкны нийгмийн хариуцлагыг хэрэгжүүлэгч ХААН Банк сан нь аяныг дэмжихэд нэг тэрбум төгрөгийн хөрөнгө оруулалт хийсэн нь хувийн хэвшлийн байгууллага Монголын эрүүл мэндийн салбарт оруулсан хамгийн том хөрөнгө оруулалтын нэг юм. Мөн нийгмийн сайн сайхны төлөө хувийн аж ахуйн нэгжүүд хэрхэн хувь нэмэр оруулж болохыг харуулсан тод жишээ боллоо.

Хэдийгээр "Цусны даралт ихсэлтийн эсрэг аян" энэ хүрээд өндөрлөж буй ч ХААН Банк болон түүний хамтрагч байгууллагууд иргэдийнхээ эрүүл амьдралын төлөө цаашид ч шинэ санаачилгууд гарган тууштай хэрэгжүүлнэ гэдгээ илэрхийлж байна.

Тус аяныг амжилттай хэрэгжүүлэхэд хамтран ажилласан Улсын III төв эмнэлэг, Нийгмийн эрүүл мэндийн үндэсний төв, МҮОНРТ, мөн 21 аймгийн эмнэлгийн байгууллагын хамт олонд гүн талархал илэрхийлье.

Хамтын өсөлт төгөлдөр – ХААН Банк

“Цусны даралт ихсэлтийн эсрэг аян-2024” Хэнтий аймагт үргэлжилж байна

khulan — Mon, 19 Aug 2024 13:32:41 +0800

Монгол Улсын хүн амын эрүүл мэндийг хамгаалах зорилготой "Цусны даралт ихсэлтийн эсрэг аян" энэ жил Монгол орны зүүн бүсийн аймгуудад амжилттай өрнөж, олон мянган иргэний амь насыг эрсдэлээс хамгаалж байна. Тус аян өнгөрсөн 7-р сарын сүүлээр Дорнод, Сүхбаатар аймгуудад амжилттай хэрэгжиж, хоёр аймгийн 2174 иргэнийг нарийн мэргэжлийн үзлэгт, 7026 иргэнийг эрт илрүүлэгт хамруулан, эрүүл мэндийн мэдээлэл олгосон билээ. Тэгвэл аяны багийнхан энэ долоо хоногт буюу 8-р сарын 19, 20-ны өдрүүдэд Хэнтий аймгийн Чингис хотод ажиллаж байна.

Орон нутгийн иргэд үзлэгт хүрэлцэн ирснээр эрүүл мэндийн нарийн мэргэжлийн үзлэг, оношилгоо, зөвлөгөө авах боломжтой. Тодруулбал, зүрх судас, зүрхний шигдээс, мэдрэл, тархины цус харвалт, бөөр болон хоол боловсруулах замын эмгэг зэрэг өвчнүүдийн нарийн мэргэжлийн үзлэгт хамрагдах боломжтой. Мөн эрүүл мэндийн сургалт, зөвлөгөө өгөх юм.

Хэнтий аймгийн хувьд цусны даралт ихсэлт нь зонхилох өвчнүүдийн нэг тул иргэдийн дунд энэ төрлийн өвчлөлөөс урьдчилан сэргийлэх, эрт илрүүлэгт идэвхтэй хамрагдах нь зайлшгүй шаардлагатай байгаа юм.

"Цусны даралт ихсэлтийн эсрэг аян"-ыг ХААН Банк нийгмийн хариуцлагын хүрээнд Улсын гуравдугаар төв эмнэлэг, Нийгмийн эрүүл мэндийн үндэсний төв, Монголын үндэсний олон нийтийн радио телевиз хамтран хэрэгжүүлдэг бөгөөд 8 жилийн хугацаанд 19 аймгийн 50,000 гаруй иргэнийг үзлэг оношилгоонд хамруулж, урьдчилан сэргийлэх зөвлөгөө мэдээлэл өгөөд байна. Энэ удаад аян Хэнтий, Говьсүмбэр аймагт амжилттай хэрэгжсэнээр, тус аян нь Монгол Улсын бүх аймгийн иргэдэд хүрч ажиллана гэсэн зорилгодоо хүрэх юм.

Урьдчилан сэргийлэх үзлэгт хамрагдах нь өвчнийг эрт илрүүлж, хүндрэлээс сэргийлэх хамгийн үр дүнтэй арга зам гэдгийг эмч нар онцолдог. Иймд өөрийн болон дотнын хүмүүсийн эрүүл мэндийг хамгаалахын тулд үзлэг оношилгоонд идэвхтэй хамрагдахыг уриалж байна.

“Цусны даралт ихсэлтийн эсрэг аян – 2024” Сүхбаатар аймагт үргэлжилж байна

khulan — Thu, 01 Aug 2024 15:23:19 +0800

Иргэдийн эрүүл мэндийг сахин хамгаалах, үзлэг оношилгоонд хамруулах, мэдлэг мэдээлэл олгох зорилготой “Цусны даралт ихсэлтийн эсрэг аян” 8 дахь жилдээ Монгол орны зүүн аймгуудад хэрэгжиж буй. Энэ удаагийн аян өнгөрсөн 7-р сарын 29-нд Дорнод аймгийн Чойбалсан хотоос эхэлсэн бөгөөд 8-р сарын 1-2-ны өдрүүдэд Сүхбаатар аймгийн Баруун-Урт хотод амжилттай үргэлжилж байна.

Сүхбаатар аймгийн хувьд цусны эргэлтийн тогтолцооны өвчлөл сүүлийн жилүүдэд хурдтай өсөн нэмэгдэж, нас баралтын тэргүүлэх шалтгаан болжээ. Халдварт бус өвчнүүд, ялангуяа зүрх судасны тогтолцооны өвчин 1995 оноос хойш нас баралтын зонхилох шалтгаан болсон тул энэхүү аян нь иргэдийн эрүүл мэндийг хамгаалах, урьдчилан сэргийлэх үйл ажиллагааг нэмэгдүүлэхэд чухал үүрэг гүйцэтгэж байна.

Аяны хүрээнд иргэдийн зүрх судас, зүрхний шигдээс, мэдрэл, тархины цус харвалт, бөөр, хоол боловсруулах замын эмгэг зэрэг нарийн мэргэжлийн эмч нарын үзлэгийг зорилтот бүлгийн иргэдэд үзүүлж, эрүүл мэндийн мэдлэг мэдээлэл олгох сургалтууд зохион байгуулж байна. Өдөрлөгт хүрэлцэн ирснээр иргэд үзлэг оношилгоонд хамрагдахын зэрэгцээ эрүүл мэндээ хянах, өвчлөлөөс урьдчилан сэргийлэх зөвлөмж, мэдээлэл авах боломжтой.

Аяныг ХААН Банк, П.Н.Шастины нэрэмжит Улсын гуравдугаар төв эмнэлэг (УГТЭ), Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран зохион байгуулж байгаа бөгөөд энэ 8 жилийн хугацаанд 18 аймгийн 45,876 хүнд үзлэг оношилгоо хийж, 1500 эмчийг сургалтад хамруулж, олон мянган иргэнийг эрт илрүүлэгт хамруулсан амжилттай ажиллажээ. Аяны дараагийн өртөө Хэнтий болон Говьсүмбэр аймгууд байх ба иргэдийн эрүүл мэндийг хамгаалах энэхүү үйл ажиллагаа цаашид ч үргэлжлэх болно.

“Цусны даралт ихсэлтийн эсрэг аян-2024” Дорнод аймгаас эхэллээ

khulan — Mon, 29 Jul 2024 15:04:26 +0800

Монголчуудын өвчлөлийн зонхилох шалтгаан болсон цусны даралт ихсэх өвчнөөс урьдчилан сэргийлэх, иргэдийг үзлэг оношилгоонд хамруулах, мэдлэг мэдээлэл олгох зорилгоор жил бүр уламжлал болгон хэрэгжүүлдэг “Цусны даралт ихсэлтийн эсрэг аян” өнөөдөр Дорнод аймгийн төв Чойбалсан хотноо нээлтээ хийлээ.

Дорнод аймгийн хувьд хүн амын өвчлөлийн тэргүүлэх шалтгаануудад амьсгалын тогтолцоо, зүрх судас, шээс, хоол боловсруулах, тогтолцооны тогтолцооны өвчлөл орж байна. Аймгийн нэгдсэн эмнэлгийн амбулаторид бүртгэгдсэнээр зүрх судасны өвчний 40.2 хувийг цусны даралт ихсэлт, 23.6 хувийг зүрхний шигдээс эзэлж буй нь хүн амын дундах тархалт өндөр байгааг харуулж байна. Зүрх судасны өвчнөөр өвчлөгсдийн 62.4 хувь нь эмэгтэйчүүд байгаа бол 82.5 хувь нь 40-өөс дээш насны иргэд байгааг тус судалгаанд мөн онцолжээ.

ХААН Банк, П.Н.Шастины нэрэмжит Улсын гуравдугаар төв эмнэлэг (УГТЭ), Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран 2017 оноос хэрэгжүүлж эхэлсэн “Цусны даралт ихсэлтийн эсрэг аян”-ы хүрээнд өнгөрсөн 7 жилийн хугацаанд 17 аймгийн нийт 41,300 хүнд эрүүл мэндийн үзлэг оношилгоо хийж, 1500 эмчийг сургалтад хамруулж, олон мянган иргэнийг эрт илрүүлэгт хамруулаад буй.

Энэ удаагийн аяны хүрээнд зүрх судас, зүрхний шигдээс, мэдрэл, тархины цус харвалт, бөөр, хоол боловсруулах замын эмгэг зэрэг нарийн мэргэжлийн эмч нарын үзлэгийг зорилтот бүлгийн иргэдэд үзүүлэх бөгөөд эрүүл мэндийн мэдлэг мэдээлэл олгох сургалтууд зохион байгуулж байна. Аяны өдөрлөгт хүрэлцэн ирснээр иргэд үзлэг оношилгоонд хамрагдахын зэрэгцээ эрүүл мэндээ хянах, өвчлөлөөс урьдчилан сэргийлэх зөвлөмж, мэдээлэл авах боломжтой.

“Цусны даралт ихсэлтийн эсрэг аян” Дорнод аймагт энэ сарын 30-ны өдрийг хүртэл үргэлжилж, 8-р сарын 1-2-ны өдрийг дуустал дараагийн өртөө Сүхбаатар аймагт, мөн 8-р сарын сүүлчээр Хэнтий, Говьсүмбэр аймгийн иргэдэд хүрч ажиллах юм.

Иргэд та бүхэн эрүүл мэндийнхээ төлөө өөртөө цаг зарцуулж, урьдчилан сэргийлэх үзлэгт заавал хамрагдаарай.

Хамтын өсөлт төгөлдөр – ХААН Банк

ХААН Банк эрүүл мэндийн аянуудаа энэ жил 6 аймагт хэрэгжүүлнэ

khulan — Mon, 18 Mar 2024 18:14:09 +0800

Монгол Улсын хүн амын дунд урьдчилан сэргийлж, эрт үед нь илрүүлж эмчлэх боломжтой халдварт бус өвчин түгээмэл тохиолдож байгаа нь нийгмийн эрүүл мэндийн тулгамдсан асуудлын нэг болж байгаа учраас ХААН Банк нийгмийн хариуцлагын хүрээнд хүн амын дундах өвчлөлийг бууруулах, урьдчилан сэргийлэхэд бодитой хувь нэмэр оруулж, эрүүл мэндийн томоохон аянуудыг тогтмол хэрэгжүүлж ирсэн билээ.

Тогтвортой хөгжлийн 3-р зорилго болох "Эрүүл мэндийг дэмжих” зорилтын хүрээнд ХААН Банк тогтвортой хөгжлийн бодлого, компанийн нийгмийн хариуцлагыг хэрэгжүүлэгч ХААН Банк сангаараа дамжуулж, "Хавдрын эсрэг үндэсний аян”-ыг 2011 оноос, "Цусны даралт ихсэлтийн эсрэг аян”-ыг 2017 оноос тууштай хэрэгжүүлж буй бөгөөд эдгээр аяныг хамтран зохион байгуулагч талууд уламжлал ёсоор аяныхаа нээлтийг хийж, хамтран ажиллах санамж бичигт гарын үсэг зурлаа.

"Хавдрын эсрэг үндэсний аян”-ыг энэ жил 10-р сард Баян-Өлгий, Баянхонгор аймагт хэрэгжүүлэх бол "Цусны даралт ихсэлтийн эсрэг аян”-ы багийнхан 7,8-р саруудад Дорнод, Сүхбаатар, Хэнтий, Говьсүмбэр аймгийг зорихоор төлөвлөөд байна. ХААН Банк Хавдар судлалын үндэсний төв болон Монголын үндэсний олон нийтийн радио телевиз (МҮОНРТ)-тэй хамтран зохион байгуулдаг "Хавдрын эсрэг үндэсний аян”-ы хүрээнд өнгөрсөн 13 жилийн хугацаанд аяны багийнхан Монгол орныг бүтэн 3 удаа тойрох хэмжээний зам туулж, давхардсан тоогоор 133 мянга гаруй иргэнийг урьдчилан сэргийлэх үзлэгт үнэ төлбөргүй хамруулжээ. Үүнээс 636 хорт хавдрын тохиолдол илрүүлж, 514 яаралтай мэс засал хийн, 10 мянга орчим эмч, мэргэжилтнийг сургалтад хамруулсан юм.

Харин "Цусны даралт ихсэлтийн эсрэг аян”-ыг П.Н.Шастины нэрэмжит Улсын гуравдугаар төв эмнэлэг, Нийгмийн эрүүл мэндийн үндэсний төв болон МҮОНРТ-тэй хамтран 2017 оноос хойш 17 аймагт амжилттай хэрэгжүүлсэн бөгөөд аяны хүрээнд 900 гаруй эмч мэргэжилтнийг чадавхжуулан 41,300 гаруй хүнийг үзлэг шинжилгээнд хамруулжээ. Өнөө жил аян зохион байгуулах 4 аймгийг оролцуулбал "Цусны даралт ихсэлтийн эсрэг аян”-ыг 21 аймагт бүрэн хэрэгжүүлж дуусах юм.

ХААН Банк сан 2007 онд байгуулагдсан цагаасаа хойш өнөөдрийг хүртэл нийгмийн хариуцлагын хүрээнд боловсрол, эрүүл мэнд, байгаль орчин, соёл урлаг, спорт, хүүхэд хамгаалал, нийгмийн эмзэг бүлгийнхэнд чиглэсэн нийт 510 төсөл, хөтөлбөрийг 12.5 тэрбум төгрөгөөр санхүүжүүлэн амжилттай хэрэгжүүлээд байна.

Хамтын өсөлт төгөлдөр- ХААН Банк

Говь-Алтай аймагт “Цусны даралт ихсэлтийн эсрэг аян”-ы баг ажиллаж байна

khulan — Fri, 25 Aug 2023 17:43:50 +0800

Цусны даралтаа тогтмол хянаснаар тархины цус харвалтыг 30 хувиар, зүрхний шигдээс болохоос 25 хувь, бөөрний архаг өвчнөөс 23 хувиар тус тус сэргийлэх боломжтойг эмч судлаачид хэлж байна. Иргэд, олон нийтийг зүрх судасны өвчин, түүний эрсдэлт хүчин зүйл, хүндрэлээс сэргийлэх мэдлэг, мэдээлэл олгох, урьдчилан сэргийлэх эрт илрүүлгийн үзлэгт хамруулах зорилгоор “Цусны даралт ихсэлтийн эсрэг аян”-ыг П.Н.Шастины нэрэмжит Улсын гуравдугаар төв эмнэлэг (ШУГТЭ)-ийн санаачилга, ХААН Банк сангийн санхүүжилт дэмжлэгтэйгээр Нийгмийн эрүүл мэндийн үндэсний төв (НЭМҮТ), Монголын үндэсний олон нийтийн радио телевиз (МҮОНРТ) хамтран долоо дахь жилдээ уламжлал болгон хэрэгжүүлж байна.

Тус аяныг энэ жил 6-р сард Дундговь, Өвөрхангай, энэ долоо хоногийн эхээр Завхан аймагт амжилттай хэрэгжүүлсэн бол өнөөдрөөс хоёр өдрийн турш Говь-Алтай аймгийн ард иргэдэд хүрч ажиллахаар нээлтийн арга хэмжээ зохион байгууллаа. Тус аймгийн хувьд хүн амын тэргүүлэх таван өвчлөлд даралт ихсэлт, бөөрний сувганцрын завсрын эдийн цочмог өвчлөл, зүрхний шигдээс, ходоодны үрэвсэл, нойр булчирхайн эмгэг тус тус орж байна. Аян хэрэгжсэн өмнөх аймгуудтай харьцуулахад зүрх судасны өвчлөлийн үзүүлэлт дундаж хэдий ч нас баралтын тоогоор өндөр аж. Мөн ундны усны хатуулаг чанараас болж хоол боловсруулах эрхтэн тогтолцооны өвчлөл их гэдгийг аймгийн Эрүүл мэндийн газрынхан онцолж байна.

Аяны баг бүрэлдэхүүнд П.Н.Шастины нэрэмжит Улсын гуравдугаар төв эмнэлгийн төрөлжсөн нарийн мэргэжлийн туршлагатай эмч нар болон Нийгмийн эрүүл мэндийн үндэсний төвийн судлаач мэргэжилтнүүд, ХААН Банк сангийн ажилтнууд, мөн Монголын үндэсний олон нийтийн радио телевизийн сэтгүүлч, зураглаач нар ажиллаж буй.

“Цусны даралт ихсэлтийн эсрэг аян”-ы эхний өдөр ШУГТЭ болон НЭМҮТ-ийнхөн хоёр өдрийн турш өдөрлөгт ажиллах орон нутгийн эмч, мэргэжилтнүүдэд цусны даралт ихсэлтийг эрт илрүүлэх, оношлох болон эрсдэлийг нь хэрхэн үнэлэх талаар мэргэжил арга зүйн зөвлөгөө өгч, чадавхжуулах сургалт зохион байгуулдаг.

Аяны өдөрлөгт хүрэлцэн ирснээр иргэд урьдчилан сэргийлэх эрт илрүүлгийн үзлэгт хамрагдаж, цусны даралтаа хэмжүүлэх боломжтой. Мөн цусны даралт ихсэлтийн эрсдэлт хүчин зүйлсийг илрүүлэх болон зүрх судасны өвчнөөр ойрын 10 жил өвдөх эрсдэлийг тодорхойлох, бие бялдрын үнэлгээ хийлгэх юм. Улсын гуравдугаар төв эмнэлгийн нарийн мэргэжлийн эмч нарын баг урьдчилсан сэргийлэх үзлэгээр эрсдэл өндөр гэж үнэлэгдсэн иргэд болон тухайн аймгийн нэгдсэн эмнэлгээс өгсөн жагсаалтын дагуу зорилтот бүлгийн иргэдэд зүрх судас, зүрхний шигдээс, мэдрэл, тархины цус харвалт, бөөр, хоол боловсруулах замын эмгэгийн үзлэг оношилгоо хийж байна.

2022 оны байдлаар Говь-Алтай аймгийн хүн амын тэргүүлэх өвчлөлийн нэгдүгээрт цусны даралт ихсэх өвчин тэргүүлж 10,000 хүн амд Жаргалан /2578.2/, Дарив /2057.2/, Чандмань/1565.1/ сумдад хамгийн өндөр байна.

“Цусны даралт ихсэлтийн эсрэг аян”-ы баг Говь-Алтай аймагт энэ сарын 25-ныг дуустал ажиллах тул хэрэв та болон таны хайртай дотны хүмүүс тус аймагт ажиллаж амьдардаг бол аяны өдөрлөгийг заавал зорьж очихыг зөвлөж байна. Урьдчилан сэргийлэх үзлэгт хамрагдаж, даралтаа тогтмол хянаж хэвших нь өөрийгөө болон гэр бүл, хайртай дотны хүмүүсээ эрсдэлт хүчин зүйлсээс хамгаалах чухал алхам юм шүү.

Хамтын өсөлт төгөлдөр - ХААН Банк

Онцлох хүмүүс: Хүүхдийн сэргээн засахаар мэргэшиж суралцаж байгаа шавь нартайгаа энэ эмчилгээний аргыг эзэмшүүлэх, чадавхжуулах тал дээр ажиллах хүсэлтэй байгаа

zulaa — Wed, 12 Jul 2023 13:56:12 +0800

Otoch.mn- Эмчийн зөвлөгөө подкаст Ep-14 /Улаанбурхан ба дархлаажуулалт/

zulaa — Fri, 26 May 2023 15:54:15 +0800

Otoch.mn- Эмчийн зөвлөгөө подкаст Ep-13 /Салхин цэцэг өвчин/

zulaa — Fri, 12 May 2023 16:31:19 +0800

Otoch.mn- Эмчийн зөвлөгөө подкаст Ep-12 /Бага насны хүүхдийн таргалалт, хооллолт/

zulaa — Tue, 25 Apr 2023 17:56:11 +0800

Otoch.mn- Эмчийн зөвлөгөө подкаст Ep-11 /Өрхийн эрүүл мэндийн төвийн эмчилгээ, үйлчилгээ/

zulaa — Mon, 17 Apr 2023 18:03:10 +0800

Otoch.mn- Эмчийн зөвлөгөө подкаст Ep-12 /Аутизм/

zulaa — Thu, 13 Apr 2023 14:36:55 +0800

Олон улсын картаараа БНСУ-ын шилдэг эмнэлгүүдэд хөнгөлөлттэй үйлчлүүлэх боломж бүрдлээ

khulan — Wed, 15 Feb 2023 16:22:50 +0800

ХААН банкны бүх төрлийн Виза болон ЮнионПэй карт эзэмшигчид БНСУ-ын “Сөүл Сонгдо” эмнэлэг болон нүдний төрөлжсөн клиник “Балгүн Сэсан” эмнэлэгээр 10 хувийн хөнгөлөлттэй үйлчлүүлэх боломжтой боллоо.

ХААН Банкны Гүйцэтгэх захирлын орлогч Б.Эрдэнэдэлгэр саяхан тус улсад ажиллахдаа эдгээр эмнэлэгийн удирдлагуудтай уулзаж, хамтын ажиллагааны Санамж бичигт гарын үсэг зурснаар БНСУ-ыг зорьж эрүүл мэндийн үйлчилгээ авахаар төлөвлөж байгаа иргэдэд эмнэлэгийн үйлчилгээ хөнгөлөлттэй авах таатай нөхцлийг бүрдүүллээ.

БНСУ-ын “Сөүл Сонгдо” эмнэлэг нь бүдүүн, шулуун гэдэсний эмчилгээгээр тэргүүлэгч, сүүлийн 40 жилийн турш мэргэшсэн үйл ажиллагаа явуулж байгаа, нарийн мэргэжлийн, шилдэг эмч нарын баг бүхий эрүүл мэндийн цогц үйлчилгээ үзүүлэгч байгууллага юм.

1997 онд байгуулагдсан “Балгүн Сэсан” нүдний клиникийн хувьд VIP буюу өндөр зэрэглэлийн үйлчилгээ үзүүлдэг гэдгээрээ онцлог бөгөөд JCI итгэмжлэл бүхий БНСУ-ын анхны мэргэшсэн хараа заслын эмнэлэг юм. Нүдний хагалгааны олон жилийн туршлагатай, баталгаат мэс заслын ноу-хау бүхий нүдний хараа засах LASIK мэс заслын өндөр ур чадвар бүхий эмч мэргэжилтнүүдийн баг ажилладаг, улсдаа тэргүүлэгч эмнэлэг юм байна.

Хамтын өсөлт төгөлдөр – ХААН Банк

АРХАНГАЙ: Коронавирусний халдвартай нийт 17661 хүнийг эмчилжээ

nomun — Thu, 08 Sep 2022 15:21:56 +0800

Аймгийн Нэгдсэн эмнэлэг, сум, өрхийн эрүүл мэндийн төвүүд Эрүүл мэндийн сайдын тушаалаар батлагдсан оношилгоо, эмчилгээний удирдамжийг баримтлан коронавируст халдвартай иргэдэд эмнэлгийн тусламж үйлчилгээг үзүүлсээр байна. Аймгийн хэмжээнд нийт коронавируст халдвартай 17661 хүн эмчлүүлснээс аймгийн Нэгдсэн эмнэлэгт 2663, хувийн хэвшлийн 3 эмнэлэгт 1218, сумын эрүүл мэндийн төвүүдэд 9074, өрхийн эрүүл мэндийн төвүүдийн хяналтад гэрээр 4706 хүнийг эмчлээд байна.

Эрүүлмэндийн байгууллагуудын эмнэлгийн тусламжийн бэлэн байдлын тухайд аймгийн Нэгдсэн эмнэлгийн үндсэн тусламж үйлчилгээнд 2 удаа, дэлгэсэн тусгай эмнэлэгт 4 удаа, өрхийн эрүүл мэндийн төвүүдэд 3 удаа, сумын эрүүл мэндийн төвүүдэд 3-4 удаа, тусгай эмнэлэг дэлгэсэн 3 хувийн хэвшлийн эрүүл мэндийн байгууллагад 3 удаагийн дэмжлэгт хяналтыг газар дээр нь хийж, мэргэжил аргазүйн зөвлөмж өгсөн байна.

"Ковид-19" халдвараар өвчилсөн уушгины хатгалгаа өвчний үлдэцтэй 3910 үйлчлүүлэгчдийг Нэгдсэн эмнэлэг, сувилал, сум, өрхийн эрүүл мэндийн төвүүд 5-10 хоногийн хугацаанд сэргээн засах эмчилгээнд хамруулж байна. Сэргээн засах эмчилгээнд эмчилгээний биеийн тамирын дасгал хөдөлгөөн, бариа засал, бумба, татлага, электрофорез, төөнүүр, утлага, шарлага зэргийг хийдэг ба эмчилгээний үр дүн 86 хувьтай байна. Коронавирусний халдварын дараах сэргээн засах тусламж үйлчилгээний төсөлд эрүүл мэндийн чиглэлээр үйл ажиллагаа явуулж буй Халамж Засал төрийн бус байгууллагад аймгийн Засаг даргын 2022 онынөөц хөрөнгөнөөс 10.0 сая төгрөгийг шийдвэрлэсэн ажээ.

ДЭМБ-ын тэргүүн: “COVID-19” бодитой, тулгамдсан аюул хэвээр байна

zulaa — Mon, 06 Jun 2022 11:22:42 +0800

ЖЕНЕВ. /VOA/. Дэлхий даяар “COVID-19”-өөр халдварласан, нас барсан тохиолдлын тоо цар тахал дэгдсэнээс хойших хамгийн цөөн үзүүлэлтэд хүрч буураад байгаа талаар Дэлхийн эрүүл мэндийн байгууллагын /ДЭМБ/ тэргүүн Тедрос Адханом Гебрейесус мэдээлжээ. Гэсэн хэдий ч цар тахал дууссан гэж үзэхэд хэт эрт хэвээр байгааг тэрбээр тодотгоод, халдварын тархалт нэмэгдэхтэй зэрэгцэн шинжилгээ судалгааны ажил хумигдаж, нэг тэрбум хүн вакцинд хамрагдаагүй байгаа нь аюултай нөхцөл байдлыг бий болгож байгааг сэрэмжлүүлсэн байна.

ДЭМБ-ын тэргүүн үргэлжлүүлэн, одоогоор гарган аваад буй вакцинуудаас зугтдаг шинэ, илүү хор хөнөөлтэй хувилбар гарч болзошгүй эрсдэлийн талаар ярихдаа “COVID-19” бодитой, тулгамдсан аюул хэвээр байгааг анхааруулжээ. Энэтхэгт “COVID-19” халдварын шинэ тохиолдол баасан гарагт сүүлийн гурван сар орчмын хугацаанд анх удаагаа 4000 давсан бол бямба гарагт үл ялиг буурч, 3962-т хүрсэн талаар тус улсын эрүүл мэндийн яам мэдээлсэн байна.

Жонс Хопкинсын нэрэмжит их сургуулийн мэдээллээр, Энэтхэгт цар тахал дэгдсэнээс хойш халдварын 43 сая гаруй тохиолдол бүртгэгдэж, 500 мянга гаруй хүн нас баржээ. Дэлхийн хэмжээнд авч үзвэл, “COVID-19” халдварын 531 сая гаруй тохиолдол илэрч, 6.3 сая хүн нас барсан бол дэлхийн даяар нийт 11.66 тэрбум тун вакцин тариад байна.

Э.Хуланэх срвалж: "Монцамэ" агентлаг

Энэ сард эрт илрүүлэг, үзлэг оношилгоонд насанд хүрсэн 354 хүнийг хамруулжээ

nomun — Thu, 26 May 2022 18:17:30 +0800

Аймгийн хэмжээнд 2022 оны 5 дугаар сарын 1-ний өдрөөс эхлэн хүн амыг нас, хүйс, эрүүл мэндийн эрсдэлд суурилан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэг үзлэг, оношилгоог зохион байгуулж байна.

Аймгийн хэмжээнд энэ сарын 20-ны өдрийн байдлаар насанд хүрэгчдийн үзлэгт хамрагдсан мэдээг харвал, нийт 354 иргэн үзлэгт хамрагджээ. Насны ангиллаар авч үзвэл, 18-30 настай 233 хүн үзүүлснээс 147 нь эрүүл байв. Харин 30 нь өвчтэй илэрсэн ба 56 нь эрсдэлтэй байжээ. 31-45 настай 66 хүн үзүүлсэн. Эрүүл хүн байгаагүй. 66 хүнээс 44 нь өвчтэй, 22 нь эрсдэлтэй байв. 46-60 настай 55 хүн үзүүлснээс 15 нь эрүүл байжээ. 25 нь өвчтэй, 15 нь эрсдэлтэйд тооцогдсон байна.

61-ээс дээш насныхны эрт илрүүлэг үзлэгийг хараахан эхлээгүй байна. Эрт илрүүлэг үзлэгт хамрагдсан иргэдийн дунд таргалалт, артерийн даралт ихсэлт, чихрийн шижин, шээс ялгаруулах тогтолцооны эмгэг, архаг вируст гепатит, гастрит, цөсний чулуу, цочмог миокардит зэрэг өвчлөл зонхилсон байна.

17 хүртэлх насны хүүхдийг сумдын ЭМТ-үүд болон өрхийн ЭМТ-үүдэд үзлэгт хамруулж байгаа. Эрдэнэбулган сумын тухайд5 дугаар сарын 3-20-ны өдрийг хүртэл ӨЭМТ-үүд нийт 101 хүнд урилга өгч, Нэгдсэн эмнэлэг рүү илгээсэн байна.

17 хүртэлх насны хүүхдийн үзлэгийн хувьд сумын хэмжээнд нийт 885 хүүхдийг хамруулаад байна.

АРХАНГАЙ: Энэ сард эрт илрүүлэг, үзлэг оношлогоонд насанд хүрсэн 354 хүнийг хамруулжээ

zulaa — Thu, 26 May 2022 13:28:13 +0800

Архангай аймгийн хэмжээнд 2022 оны 05-р сарын 01-ний өдрөөс эхлэн хүн амыг нас, хүйс, эрүүл мэндийн эрсдэлд суурилан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэг үзлэг, оношилгоог зохион байгуулж байна.

Аймгийн хэмжээнд энэ сарын 20-ны өдрийн байдлаар насанд хүрэгчдийн үзлэгт хамрагдсан мэдээг харвал нийт 354 иргэн үзлэгт хамрагджээ. Насны ангилалаар авч үзвэл 18-30 настай 233 хүн үзүүлснээс 147 нь эрүүл байв. Харин 30 нь өвчтэй илэрсэн ба 56 нь эрсдэлтэй байжээ. 31-45 настай 66 хүн үзүүлсэн. Эрүүл хүн байгаагүй. 66 хүнээс 44 нь өвчтэй, 22 нь эрсдэлтэй байв. 46-60 настай 55 хүн үзүүлснээс 15 нь эрүүл байжээ. 25 нь өвчтэй, 15 нь эрсдэлтэйд тооцогдсон байна. 61-ээс дээш насныхны эрт илрүүлэг үзлэгийг хараахан эхлээгүй байна. Эрт илрүүлэг үзлэгт хамрагдсан иргэдийн дунд таргалалт, артерийн даралт ихсэлт, чихрийн шижин, шээс ялгаруулах тогтолцооны эмгэг, архаг вируст хепатит, гастрит, цөсний чулуу, цочмог миокардит зэрэг өвчлөл зонхилсон байна.

0-17 насны хүүхдийг сумдын ЭМТ-үүд болон өрхийн ЭМТ-үүд дээрээ үзлэгт хамруулж байгаа. Эрдэнэбулган сумын тухайд 05-р сарын 03-наас 20-ны өдрийг хүртэл ӨЭМТ-үүд нийт 101 хүнд урилга өгч, НЭ рүү илгээсэн байна. 0-17 насны хүүхдийн үзлэгийн хувьд сумын хэмжээнд нийт 885 хүүхдийг хамруулаад байна.

Эх сурвалж: montsame.mn

Б.Нандинцэцэг: 20-35 насныхны дунд даралт ихсэх өвчний тохиолдол их байна

nomun — Wed, 16 Mar 2022 10:15:25 +0800

Эмчлүүлэгсдийн 93 хувь нь эдгэрээд байна

nomun — Mon, 25 Oct 2021 13:05:55 +0800

Сүүлийн 24 цагт PCR-аар шинжилсэн 188 сорьцоос 31, түргэвчилсэн оношлуурын 93 шинжилгээнээс 48, нийт 79 тохиолдол батлагдсан байна. Тодруулбал:

Чулуут-3, Жаргалант-9, Цэцэрлэг-5, Хайрхан-2, Батцэнгэл-1, Өлзийт-2, Хотонт-6, Цэнхэр-2, Төвшрүүлэх-3, Булган-9, Тариат-5, Эрдэнэмандал-4, Эрдэнэбулган-28.

2021 онд батлагдсан нийт 10627 тохиолдолтой болов.

Өчигдөр 95 хүн тусгай эмнэлгүүдээс, Өрхийн эмнэлгийн хяналтад гэрээр эмчлүүлэгч 12, Сумдад гэрээр эмчлүүлэгч 10, нийт 117 хүн эдгэрсэн.

Нийт 10627 тохиолдлын 9887 буюу 93 хувь нь эдгэрсэн.

Нийт нас баралт: 34

Эмчлүүлж байгаа 839: Үүнээс: 23 тусгай эмнэлэгт - 637

Биеийн байдал: Хөнгөн 514, хүндэвтэр 107, хүнд 12, маш хүнд 4.

ӨЭМТ-үүдийн хяналтад гэрээр эмчлэгдэж байгаа 126: Ар Мөнгөнчагнуур - 46, Ар Мөнхжин - 42, Ар Манал - 38

Сумдад гэрээр эмчлэгдэж байгаа: 76

Эмчлүүлэгчдийн нас:

0-5 нас: 90

6-15 нас: 160

16-39 нас: 277

40-59 нас: 209

60-аас дээш: 103

Батлагдсан тохиолдлын ойрын хавьтлын гэрийн тусгаарлалтад – 2237

Аймгийн хэмжээнд I тунд 60321, II тунд 56312, III тунд 10143 хүнийг дархлаажуулсан байна.

Сүүлийн 24 цагт 78 тохиолдол бүртгэгдэв

nomun — Fri, 22 Oct 2021 17:06:06 +0800

Сүүлийн 24 цагт PCR-аар шинжилсэн 237 сорьцоос 31, түргэвчилсэн оношлуурын 133 шинжилгээнээс 47, нийт 78 тохиолдол батлагдсан байна. Тодруулбал:

Ихтамир-8, Хангай-2, Тариат-4, Өндөр-Улаан-8, Эрдэнэмандал-4, Цэцэрлэг-14, Батцэнгэл-4, Өлзийт-1, Цэнхэр-3, Төвшрүүлэх-4, Цахир-3, Эрдэнэбулган-31.

2021 онд батлагдсан нийт тохиолдол 10336 болов.

Өчигдөр 92 хүн тусгай эмнэлгүүдээс, Өрхийн эмнэлгийн хяналтад гэрээр эмчлүүлэгч 14, Сумдад гэрээр эмчлүүлэгч 30, нийт 136 хүн эдгэрч, нийт 10336 тохиолдлын 9534 буюу 92,2 хувь нь эдгэрсэн.

Нийт нас баралт: 33

Эмчлүүлж байгаа 875: Үүнээс: 23 тусгай эмнэлэгт - 685

Биеийн байдал: Хөнгөн 564, хүндэвтэр 105, хүнд 11, маш хүнд 5.

ӨЭМТ-үүдийн хяналтад гэрээр эмчлүүлж байгаа 112: Ар Мөнгөнчагнуур - 50, Ар Мөнхжин - 39, Ар Манал - 23

Сумдад гэрээр эмчлүүлж байгаа: 78

Эмчлүүлэгчдийн нас:

0-5 нас: 89

6-15 нас: 143

16-39 нас: 307

40-59 нас: 233

60-аас дээш: 103

Батлагдсан тохиолдлын ойрын хавьтлын гэрийн тусгаарлалтад – 2088

Аймгийн хэмжээнд I тунд 60316, II тунд 56306, III тунд 10059 хүнийг дархлаажуулсан байна.

Коронавируст халдварын улмаас өчигдөр хоёр хүн нас барлаа

nomun — Thu, 21 Oct 2021 16:56:20 +0800

Сүүлийн 24 цагт PCR-аар шинжилсэн 207 сорьцоос 33, түргэвчилсэн оношлуурын 195 шинжилгээнээс 92, нийт 125 тохиолдол батлагдсан байна. Тодруулбал:

Ихтамир-7, Чулуут-3, Хангай-13, Тариат-8, Өндөр-Улаан-8, Эрдэнэмандал-5, Жаргалант-6, Цэцэрлэг-9, Хайрхан-1, Батцэнгэл-2, Өлзийт-6, Өгийнуур-5, Хашаат-5, Хотонт-1, Цэнхэр-1, Төвшрүүлэх-4, Булган-1, Цахир-1, Хоршоолол-12, Эрдэнэбулган-27.

Батлагдсан нийт тохиолдол 10258 болов.

Өчигдөр 77 хүн тусгай эмнэлгүүдээс, Өрхийн эмнэлгийн хяналтад гэрээр эмчлүүлэгч 5, Сумдад гэрээр эмчлүүлэгч 10, нийт 92 хүн эдгэрсэн.

Нийт 10258 тохиолдлын 9398 буюу 91,6% хувь нь эдгэрсэн.

Нийт нас баралт: 33 /Өчигдөр 2 хүн нас баржээ/

Эмчлүүлж байгаа 926: Үүнээс: 23 тусгай эмнэлэгт - 709

Биеийн байдал: Хөнгөн 581, хүндэвтэр 112, хүнд 10, маш хүнд 6.

ӨЭМТ-үүдийн хяналтад гэрээр эмчлүүлж байгаа 116: Ар Мөнгөнчагнуур - 56, Ар Мөнхжин - 35, Ар Манал - 25

Сумдад гэрээр эмчлүүлж байгаа: 101

Эмчлүүлэгчдийн нас:

0-5 нас: 101

6-15 нас: 153

16-39 нас: 325

40-59 нас: 248

60-аас дээш: 99

Батлагдсан тохиолдлын ойрын хавьтлын гэрийн тусгаарлалтад – 2088

Аймгийн хэмжээнд I тунд 60304, II тунд 56269, III тунд 9719 хүнийг дархлаажуулсан байна.

Халдварын авсны дараа хэт ачаалалтай дасгал хийх нь уушгинд сөргөөр нөлөөлнө

zulaa — Tue, 28 Sep 2021 14:38:17 +0800

Коронавируст халдвараар өвчилсөн иргэдийн хувьд сэргээн засах үйлчилгээг яаж авах, хэрхэн хэвийн амьдралдаа орох вэ гэсэн

Вакцины гурав дахь тунд 5900 хүнийг хамруулжээ

nomun — Wed, 22 Sep 2021 13:28:44 +0800

Сүүлийн 24 цагт PCR-аар шинжилсэн 198 сорьцоос 47, түргэвчилсэн оношлуурын 197 шинжилгээнээс 68, нийт 112 тохиолдол батлагдаж нийт тохиолдол 6905 болов.

Өчигдөр 93 хүн тусгай эмнэлгүүдээс, өрхийн эмнэлгийн хяналтад гэрээр эмчлүүлэгч 35 хүн эдгэрсэн.

Нийт 6905 тохиолдлын 5694 нь буюу 85,2 хувь нь эдгэрсэн.

Нийт нас баралт: 20

Эмчлүүлж байгаа 1168: Үүнээс: 23 тусгай эмнэлэгт - 772: Ихтамир 25, Чулуут 41, Хангай 14, Тариат 50, Өндөр-Улаан 48, Эрдэнэмандал 44, Жаргалант 9, Цэцэрлэг 22, Хайрхан 15, Батцэнгэл 5, Өлзийт 50, Өгийнуур 24, Хашаат 57, Хотонт 26, Цэнхэр 37, Төвшрүүлэх 18, Булган 20, Цахир 9, Хоршоолол 10, Нэгдсэн эмнэлэг 121, Сувд тусгай эмнэлэг 65, Зүүхэн эмнэлэг 26, Ар тооромт 36. Биеийн байдал: Хөнгөн 607, хүндэвтэр 146, хүнд 16, маш хүнд 4.Биеийн байдал: Хөнгөн 611, хүндэвтэр 139, хүнд 20, маш хүнд 5.

ӨЭМТ-үүдийн хяналтад гэрээр эмчлүүлж байгаа 396:

Ар Мөнгөнчагнуур - 209, Ар Мөнхжин - 89, Ар Манал - 98

Эмчлүүлэгчдийн нас:

0-5 нас: 99

6-15 нас: 184

16-39 нас: 478

40-59 нас: 285

60-аас дээш: 122

Батлагдсан тохиолдлын ойрын хавьтлын гэрийн тусгаарлалтад – 3059

Аймгийн хэмжээнд I тунд 60225, II тунд 55961, III тунд 5900 хүнийг дархлаажуулсан байна.

16 суманд 159 тохиолдол батлагджээ

nomun — Thu, 02 Sep 2021 16:43:07 +0800

Сүүлийн 24 цагт PCR-аар шинжилсэн 787 сорьцноос 95, түргэвчилсэн оношлуурын 417 шинжилгээнээс 62, эмнэлзүйгээр батлагдсан 2, нийт 159 тохиолдол батлагдсан байна. Тодруулбал:

Батцэнгэл-4, Хайрхан-13, Эрдэнэмандал-4, Ихтамир-9, Цэнхэр-5, Хотонт-1, Тариат-9, Өлзийт-3, Жаргалант-14, Хашаат-2, Өндөр-Улаан-4, Төвшрүүлэх-5, Хангай-6, Цахир-2, Булган-6, Эрдэнэбулган-72.

Батлагдсан нийт 4240 тохиолдолтой болов.

Өчигдөр 57 хүн тусгай эмнэлгүүдээс эдгэрч гарсан. Үүнд: Ихтамир 3, Тариат 1, Өндөр-Улаан 3, Жаргалант 10, Өгийнуур 1, Цэнхэр 2, Төвшрүүлэх 3, Булган 8, Нэгдсэн эмнэлэг 26. Өрхийн эмнэлгийн хяналтад гэрээр эмчлүүлэгч 20 эдгэрсэн.

Нийт 4240 тохиолдлын 3351 нь буюу 79% нь эдгэрсэн.

Нийт нас баралт: 10

Эмчлүүлж байгаа 760: Үүнээс: Тусгай эмнэлэгт - 398: Ихтамир 27, Чулуут 6, Хангай 18, Тариат 16, Өндөр-Улаан 20, Эрдэнэмандал 19, Жаргалант 11, Цэцэрлэг 1, Хайрхан 11, Батцэнгэл 25, Өлзийт 12, Өгийнуур 14, Хашаат 17, Хотонт 17, Цэнхэр 26, Төвшрүүлэх 11, Булган 8, Цахир 17, Хоршоолол 2, Нэгдсэн эмнэлэг 106, Сувд тусгай эмнэлэг 14. Биеийн байдал: Хөнгөн 345, хүндэвтэр 49, маш хүнд 4.Ө

ЭМТ-үүдийн хяналтад гэрээр эмчлэгдэж байгаа 362:

Ар Мөнгөнчагнуур - 153, Ар Мөнхжин - 98, Ар Манал - 111

Эмчлүүлэгчдийн нас:

0-5 нас: 57

6-15 нас: 98

16-39 нас: 312

40-59 нас: 220

60-аас дээш: 73

Батлагдсан тохиолдлын ойрын хавьтлын гэрийн тусгаарлалтад – 1798/Урд өдрийнхөөс 20-оор буурсан/

Аймгийн хэмжээнд 09.02-ны 00:00 цагийн байдлаар I тунд 59798, II тунд 54910, III тунд 371 хүнийг дархлаажуулсан байна.

Л.Энхсайхан: 12-оос доош насны хүүхдүүдэд вакцин хийх эсэхийг судалж байна

nomun — Fri, 27 Aug 2021 11:44:35 +0800

ЭМЯ-наас коронавируст халдварын талаар хүргэдэг ээлжит мэдээллийн үеэр ЭМЯ-ны Нийтийн эрүүл мэндийн тусламжийн бодлогын хэрэгжилтийг зохицуулах газрын дарга Л.Энхсайхан хүүхдийн вакцины талаар дараах мэдээллийг хүргэлээ.

Тэрээр "Дэлхийн зарим оронд 12-оос доош насны хүүхдэд вакцин хийж эхэлсэн. Харин манай улсын хувьд бусад орны туршлагыг судалж байна. Үүнийг бид маш сайн судлах шаардлагатай ба судалгааны ажил үргэлжилж байна. Аюулгүй байдал талаас нь сайтар судалсны үндсэн дээр дараагийн шийдлийг гаргана.

Манай улсад 12-оос дээш насны 290 мянга гаруй мянган хүүхдэд вакцин хийхээс 250 мянга гаруй хүүхэд вакцинд хамрагдаад байна

Коронавирусийн эсрэг хүүхдийн вакцин нь өмнө нь хийж байсан улаан бурхан, томуугийн эсрэг гэх мэт товлолт вакцинуудтай төстэй ба хэрэв эдгээрийг хийлгэхэд хариу урвалын хүнд шинж тэмдэг илрээгүй, хөнгөн байсан бол коронавирусийн эсрэг вакциныг хийлгэхэд мөн л адилхан байна гэсэн үг юм. Вакцинууд нь ердөө үүсгэгчийн эсрэг үрэвсэлд чиглэсэн өөр өөрийн онцлогтой. Вакцин хийлгэснээр хүүхэд хичээл сургалтаасаа хоцрохгүй байх, ганцаардахгүй байх, нийгмийн хэвийн амьдралдаа орох гээд олон давуу талтай. Хичээл сургууль эхэлж байгаа учраас вакциндаа хамрагдаагүй хүүхдүүдийг вакцинаа хийлгэх, мөн ажил олгогчид ажилтнуудаа хүүхдээ вакцинжуулах үйл явцыг дэмжиж, чөлөө олгохыг зөвлөж байна.

Одоогоор манай улсад 12-оос дээш насны 290 мянга гаруй мянган хүүхдэд вакцин хийхээс 250 мянга гаруй хүүхэд вакцинд хамрагдаад байна. Үүнд 12-15 насны 180 мянга, 16-17 насны 73 мянган хүүхэд байна" гэлээ.

Улаанбаатарт 357, орон нутагт 758 тохиолдол бүртгэгдлээ

nomun — Tue, 27 Jul 2021 12:37:02 +0800

Сүүлийн 24 цагийн хугацаанд улсын хэмжээнд 1115 хүнээс халдвар илэрлээ. Ингэснээр Монгол улсад батлагдсан халдварын тохиолдлын тоо 159101 болж байна. Улаанбаатар хотын хэмжээнд 357 тохиолдол шинээр нэмэгдсэн бол 758 тохиолдол орон нутагт бүртгэгдлээ.

Орон нутагт бүртгэгдсэн халдварыг тодруулбал,

-Архангай 38,

-Баянхонгор 29,

-Баян-Өлгий 77,

-Булган 17,

-Говь-Алтай 30,

-Говьсүмбэр 14,

-Дархан 87,

-Дундговь 9,

-Дорнод 14,

-Завхан 15,

-Орхон 48,

-Өвөрхангай 44,

-Сэлэнгэ 30,

-Сүхбаатар 8,

-Төв 76,

-Увс 59,

-Хэнтий 39,

-Ховд 30

-Хөвсгөл 68 тус тус бүртгэгдээд байна.

Долоон суманд 49 тохиолдол бүртгэгдэв

nomun — Mon, 28 Jun 2021 10:49:45 +0800

Сүүлийн 24 цагт шинжилсэн 461 сорьцоос 49 тохиолдол батлагджээ. Тодруулбал:

Батцэнгэл – 1, Ихтамир – 2, Цэнхэр – 3, Тариат – 13, Жаргалант - 6, Өндөр-Улаан - 3, Эрдэнэбулганд - 21 тохиолдол илэрч, халдвар авсан хүний тоо 1372 боллоо.

Өчигдөр 33 хүн эдгэрч эмнэлгээс гарсан. Үүнд аймгийн Нэгдсэн эмнэлгээс 3, Ихтамир 4, Хайрхан 2, Хашаат 4, Төвшрүүлэх 3, Хотонт 14, Тариат 3 хүн эдгэрсэн буюу нийт 1372 тохиолдлын 804 нь буюу 58,6 хувь нь эдгэрсэн.

Нас баралт: 1

Эмчлүүлж байгаа 554: Үүнээс:

Тусгай эмнэлэгт - 350: Аймгийн НЭ 102, Ихтамир 9, Хайрхан 10, Хашаат 24, Төвшрүүлэх 10, Өндөр-Улаан 30, Хотонт 35, Чулуут 17, Цэнхэр 37, Батцэнгэл 11, Тариат 47, Хангай 5, Хоршоолол - 5, Өлзийт-9, Цэцэрлэг-13, Жаргалант-6 байна.

Биеийн байдал: Хөнгөн 350, хүндэвтэр 17, хүнд 2, маш хүнд 1.

ӨЭМТ-үүдийн хяналтад гэрээр эмчлүүлж байгаа 184:

Ар Мөнгөнчагнуур - 69, Ар Мөнхжин - 72, Ар Манал - 43

-Эмчлүүлэгчдийн нас:

0-5 нас: 23

6-15 нас: 62

16-39 нас: 105

40-59 нас: 128

60-аас дээш: 52

-Ойрын хавьтал - 7532 /Нийт өссөн дүнгээр, урд өдрийнхөөс 168-аар өссөн/

-Гэрийн тусгаарлалтад – 2136 /Урд өдрийнхөөс 123-аар буурсан/

Аймгийн хэмжээнд 06.28-ны 00:00 цагийн байдлаар I тунд – 51911, II тунд – 46021 хүнийг дархлаажуулсан байна.

Архангай аймаг "Улаан түвшин"-д шилжиж, 06.28-ны 07.00 цагаас 07.10-ны 07.00 цаг хүртэл Бүх нийтийн бэлэн байдлын зэрэгт байх аймгийн Засаг даргын захирамж гарсан тул иргэд та бүхэн шийдвэрийг хэрэгжүүлж, халдварын тархалтыг бууруулах, гэр бүлээ эрсдэлээс хамгаалахад хамтран ажиллаарай.

Цар тахлын улмаас 19 аймгийн 125 сум хязгаарлалт тогтоогоод байна

nomun — Fri, 18 Jun 2021 14:11:04 +0800

Covid-19-ийн тархалт нэмэгдэж, шинэ голомтууд үүсч байгаатай холбогдуулан 2021 оны зургадугаар сарын 17-ны өдрийн байдлаар 19 аймгийн 125 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна. Үүнд:

Архангай аймгийн 6 сум буюу Их тамир, Төвшрүүлэх, Хашаат, Өндөр-Улаан, Хотонт, Эрдэнэбулган

Хөвсгөл аймгийн 8 сум буюу Галт, Баянзүрх, Шинэ-Идэр, Хатгал тосгон, Тариалан, Чандмань-Эрдэнэ, Төмөрбулаг, Бүрэнтогтох

Булган аймгийн 7 сум буюу Хангал, Дашинчилэн, Рашаант, Баяннуур, Баян-Агт, Хялгант

Төв аймгийн 4 сум буюу Лүн, Баян-Өнжүүл, Эрдэнэсант, Эрдэнэ

Сүхбаатар аймгийн 5 сум буюу Онгон, Наран, Баяндэлгэр, Сүхбаатар, Дарьганга

Баянхонгор аймгийн хэмжээнд 20 сум

Хэнтий аймгийн 18 сум

Дорнод аймгийн 2 сум буюу Сэргэлэн, Баяндун

Ховд аймгийн 3 сум буюу Цэцэг, Булган, Мөнххайрхан сум

Дундговь аймгийн 9 сум буюу Сайнцагаан, Дэлгэрхангай, Сайхан-Овоо, Цагаандэлгэр, Өлзийт, Дэрэн, Эрдэнэдалай, Хулд, Гурвансайхан,

Дорноговь аймгийн 2 сум буюу Айраг, Даланжаргалан

Сэлэнгэ аймгийн 4 сум буюу Хүдэр, Алтанбулаг, Мандал, Ерөө

Увс аймгийн 7 сум буюу Улаангом, Өндөрхангай, Баруунтуруун, Завхан, Наранбулаг, Сагил, Давст

Орхон аймгийн 2 сум буюу Баян-Өндөр, Жаргалант сум (Өндөржүүлсэн бэлэн байдлын хугацааг 2021.06.30-ны өдөр хүртэл сунгасан. Хязгаарлалт тогтоогоогүй)

Дархан-Уул аймгийн 2 сум буюу Дархан, Шарын гол

Баян-Өлгий аймгийн 3 сум буюу Улаанхус, Ногооннуур, Булган

Завхан аймгийн 4 сум буюу Дөрвөлжин, Тэлмэн, Сонгино, Цэцэн-Уул

Говь-Алтай аймгийн 4 сум буюу Хөхморьт, Цээл, Төгрөг, Чандмань

Өмнөговь аймгийн 15 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.

Иймд дээрх аймаг, сумдад очихоор төлөвлөж буй иргэд тухайн аймаг, сумынхаа Онцгой комиссоос урьдчилан мэдээлэл авч зорчихыг анхааруулж байна.

Б.ЖАРГАЛ

Голомт банкны Алтантүлхүүр сан “Зүрх мартахгүй” төслийг дэмжин ажиллана

nomun — Tue, 08 Jun 2021 16:49:25 +0800

Голомт банкны Алтантүлхүүр хүүхдийн сан "Зүрх мартахгүй” төслийг хоёр дахь жилдээ үргэлжлүүлэн дэмжиж, албан ёсны хамтрагчаар ажиллах санамж бичгийг байгууллаа.

Арга хэмжээнд төслийг санаачлагч "Улаанбаатар Сонгдо” эмнэлгийн ерөнхий захирал Б.Болдсайхан, Голомт банкны ерөнхийлөгч Г.Ганболд нар оролцон хамтын ажиллагааны санамж бичигт гарын үсэг зурснаар Голомт банкны Алтантүлхүүр сан тус төсөлд санхүүгийн болон шаардлагатай бүхий л зүйлсээр дэмжин ажиллахаар боллоо.

Төрөлхийн зүрхний гажигтай хүүхэд багачуудыг эх орондоо оношлон мэс засал хийж, бяцхан зүрхнүүдэд амьдрал бэлэглэх зорилготой "Зүрх мартахгүй” төслийг "Улаанбаатар Сонгдо” эмнэлгээс өнгөрсөн оны тавдугаар сард санаачлан хэрэгжүүлж эхэлснээр нийт 170 бяцхан хүүхдэд зүрхний мэс засал хийж, амьдрал бэлэглээд байна. Голомт банкны Алтантүлхүүр хүүхдийн сан нийгмийн хариуцлагын хүрээнд өнгөрсөн жил тус төсөлд 120 сая төгрөг хандивлан 12 хүүхдийн хагалгааны зардлыг бүрэн хариуцсан бөгөөд энэ жилийн хувьд мөн 120 сая төгрөг хандивлан хамтын ажиллагаагаа үргэлжлүүлэхээ илэрхийлсэн юм.

"Зүрх мартахгүй” төслийн багийнхан үйл ажиллагаагаа улам өргөжин тэлж, улирал бүр алслагдсан аймаг сумдад очиж үнэ төлбөргүй үзлэг хийх, мөн 2027 он гэхэд нийт 1,000 хүүхдэд зүрхний мэс засал хийх зорилт тавин ажиллаж байна. Санамж бичиг байгуулах үеэр Голомт банк бусад төрийн болон хувийн хэвшлийн бүхий л аж ахуйн нэгж, байгууллагуудад хандан "Зүрх мартахгүй” төсөлд нэгдэж, бяцхан зүрхнүүдэд амьдрал бэлэглэхийг уриаллаа.

Бяцхан зүрхэнд амьдрал бэлэглэе!

Шинээр найман тохиолдол нэмж бүртгэгдэв

nomun — Fri, 04 Jun 2021 12:12:00 +0800

Архангай аймагт сүүлийн 24 цагт 348 сорьцод шинжилгээ хийсэн байна. Үүнээс Ихтамир суманд 5, Өгийнуурт 3, нийт 8 тохиолдол бүртгэгдлээ. Архангай аймгийн хэмжээнд нийт батлагдсан тохиолдлын тоо 399 боллоо.

Нэгдсэн эмнэлгийн тусгай эмнэлэгт 19, Өлзийт сумын эрүүл мэндийн төвд 6, Өгийнуур сумын эрүүл мэндийн төвд 13, Ихтамир сумын эрүүл мэндийн төвд 5 батлагдсан тохиолдол хэвтэн эмчлүүлж байна. Бүрэн эдгэрч эмнэлгээс гарсан 356 иргэн байна.

Ойрын хавьтлын хүний тоо 3249 /нийт өссөн дүнгээр/, тусгаарлах байранд 8, гэрийн тусгаарлалтад 200 иргэн байна.

Аймгийн хэмжээнд 23 цэгээр коронавируст халдварын эсрэг дархлаажуулалтыг зохион байгуулж, 6-р сарын 4-ний өдрийн 00.00 цагийн байдлаар I тунд – 49464, II тунд – 38192 хүнийг хамруулаад байна.

Өнөөдөр 1189 хүнээс халдвар илэрч, 13 хүн нас барлаа

nomun — Fri, 04 Jun 2021 11:50:49 +0800

Сүүлийн 24 цагт 1189 хүнээс халдвар илэрч нийт батлагдсан тохиолдол 62585 боллоо. Харамсалтай нь сүүлийн 24 цагийн хугацаанд 13 хүн нас барж, нийт 301 хүн амь насаа алдлаа.

УБ хотод бүртгэгдсэн голомтоос батлагдсан 989 тохиолдол

Орон нутагт бүртгэгдсэн голомтоос батлагдсан 198 тохиолдол

Зөөвөрлөгдөн батлагдсан 1 тохиолдол

Тусгаарлах эмнэлэгт батлагдсан тохиолдлын эмчилгээ үйлчилгээнд оролцож байсан эрүүл мэндийн ажилтан нэг ажилтан тус тус бүртгэгджээ.

ЭМЯ: Вакцины бүрэн тунгаа хийлгэсэн иргэдийн 0.44% нь коронавирусийн халдвар авсан

nomun — Mon, 24 May 2021 15:32:01 +0800

Эрүүл мэндийн яамны мэдээллийн цагт Дархлаа судлаач, хүний их эмч, доктор Д.Мандахнаран оролцон вакцинтай холбоотой мэдээллүүдийг өглөө.Дархлаа судлаач, доктор Д.Мандахнаран "Дэлхийн улс орнууд вакцинтай холбоотой мэдээллээ ил тод зарлаж байгаа. Вакцинжуулалт нь ид өрнөж буй АНУ-ын мэдээллийг авч үзье. Тус улсын Өвчний хяналт, сэргийлэлтийн төв тавдугаар сарын 17-нд 123 сая хүнд коронавирусийн халдварын эсрэг вакцин хийгээд байгаа тухайгаа мэдээлсэн.

Одоогоор вакцин хийлгээд буй 123 сая хүнээс 1,949 нь өвчилсөн. Үүнийг мэргэжилтнүүд тайлбарлахдаа вакцин үр дүнгийнхээ хэмжээнд байгаа тул санаа зовох хэрэггүй гэж байгаа юм. АНУ өөрийн иргэдээ вакцинжуулахдаа Pfizer, Moderna, Jonhson&Jonhson компанийн үйлдвэрлэсэн вакциныг хэрэглэж байгаа.

Вакцин үйлдвэрлэгч нар

Вакцин тариулсан хүмүүсээс маш цөөхөн нь өвчлөх магадлалтай

Вакцин тариулаад халдвар авсан хүмүүсийн дийлэнх нь хөнгөн өвчилдөг гэдгийг хэлж байгаа.

Дэлхийд вакцинжуулалтаараа тэргүүлж байгаа нь Израил улс. Харин хөгжиж буй орнууд дундаа манай улс тэргүүлж буй. Хөгжиж буй орнуудад нийт вакцины 0.3% нь оногдож байгаа бөгөөд хөгжсөн, эдийн засгийн боломжтой улс орнууд вакциныг хамж авч байгаа гэх шүүмжлэл ил тодоор өрнөсөн. Иймд хөгжиж буй болон буурай орнуудад вакциныг хэрхэн хүртээмжтэй хуваарилах, КОВАКС хөтөлбөрт яаж хамруулах вэ зэрэг нь томоохон асуудал болж байна" гэсэн юм.

Манай улсын хувьд коронавирусийн халдварын эсрэг вакцины бүрэн тунд 770 гаруй мянган хүн хамрагдсанаас 0.44% нь коронавирусийн халдвар авчээ.

Сүүлийн 24 цагт Хотонт сумаас 2 тохиолдол илэрлээ

nomun — Fri, 30 Apr 2021 13:10:46 +0800

Аймгийн хэмжээнд сүүлийн 24 цагт 477 иргэнд PCR шинжилгээ хийснээс шинээр 2 тохиолдол нэмж батлагдав. Тус тохиолдол нь Хотонт суманд бүртгэгдсэн бөгөөд Архангай аймагт нийт батлагдсан тохиолдол 301 боллоо. Үүнд:

2020 онд Батцэнгэл-3,

2021 онд Эрдэнэбулган-173,

Хайрхан-30,

Эрдэнэмандал-58,

Чулуут-17,

Ихтамир-1,

Цэнхэр-14,

Хотонт-4,

Тариат-1 тус тус бүртгэгдээд байна.

Эмнэлгээс гарсан нийт 253 иргэн байна.

Ойрын хавьтлын хүний тоо 2124, тусгаарлах байранд 61, гэрийн тусгаарлалтад 411 иргэн тус тус байна.

Аймгийн хэмжээнд 23 цэгээр коронавируст халдварын эсрэг вакцинжуулалтыг зохион байгуулж, 2021 оны 4-р сарын 30-ны өдрийн байдлаар 5940 хүнийг дархлаажуулжээ. Дархлаажуулалтын ажил төлөвлөлтийн дагуу үргэлжилж байна.

Архангайд 3 шинэ тохиолдол илрэв

nomun — Fri, 23 Apr 2021 17:50:03 +0800

Аймгийн Онцгой комисс ээлжит мэдээллээ хийлээ. Мэдээллийн эхэнд аймгийн Засаг дарга Д.Золжаргал: -Хоёр дахь ээлжийн вакцин авахаар бэлтгэл ажил хангаж эхэллээ. Энэ удаа үйлчилгээний байгууллагын хүмүүс, газар тариалан эрхлэгчид, ахмад настнуудаа хамруулахаар хуваарь гаргаж байна.

Бизнес эрхлэгчдээ вакцинд хамруулаад эхэлвэл цаашид зарим үйл ажиллагааг нээх төлөвлөгөөтэй байна.

Эхний 4040 тун вакциныг голомтод ажиллаж байгаа хүмүүст хийсэн. Аймгийн хэмжээнд 23 цэгээр дархлаажуулалтыг зохион байгуулж, 4-р сарын 23-ны өдрийн 00.00 цагийн байдлаар 3927 хүнийг вакцинд хамруулаад байна" гэв.

Архангай аймагт сүүлийн 24 цагт 240 шинжилгээ хийсэн. Шинээр илэрсэн тохиолдол 3 байна.

Үүнд Эрдэнэбулганаас 2, Эрдэнэмандал сумаас 1 тохиолдол илэрсэн.

Архангай аймагт нийт батлагдсан тохиолдлын тоо 258 боллоо. Үүнд:

2020 онд: Батцэнгэл – 3 тохиолдол

2021 онд: Эрдэнэбулган – 153 тохиолдол

Хайрхан – 28 тохиолдол

Эрдэнэмандал – 56 тохиолдол

Чулуут – 17 тохиолдол

Ихтамирт– 1 тохиолдол тус тус бүртгэгдээд байна.

Сүүлийн 24 цагт коронавирусний тохиолдол илрээгүй

nomun — Thu, 22 Apr 2021 17:24:52 +0800

Аймгийн Онцгой комиссоос ээлжит мэдээллээ хийлээ. Аймгийн Засаг дарга Д.Золжаргал: "Голомтыг тодорхой хэмжээнд хумиад цэгцэрч байна. Гэвч тайвшрах болоогүй. Эмнэлгийн байгууллагуудад хүндрэл үүссэн ч байгаа нөөцөө дайчлаад гал алдалгүй өнөөдрийг хүрлээ. Нийт өвчлөгчдийн 69 хувь бүрэн эдгэрсэн. Гэхдээ бид тайвширч, дэглэмээ алдаж болохгүй. Өдөрт уншуулж буй сорьцоос хамаарч шинжилгээний хариу янз бүр гарч байна. Ойрын хавьтлуудын 3 дахь удаагийн давтан шинжилгээгээр илрэх тохиолдол хэд хэд бүртгэгдлээ. Иймд халдвар хамгааллын дэглэмээ чанд сахихыг нийт ард иргэддээ уриалж байна" гэв.

Сүүлийн 24 цагт 399 сорьцод PCR шинжилгээ хийхэд шинээр тохиолдол илрээгүй.

Архангай аймагт нийт "Ковид-19" халдварын батлагдсан 255 тохиолдлоос:

2020 онд: Батцэнгэл – 3 тохиолдол

2021 онд: Эрдэнэбулган – 151 тохиолдол

Хайрхан – 28 тохиолдол

Эрдэнэмандал – 55 тохиолдол

Чулуут – 17 тохиолдол

Ихтамирт – 1 тохиолдол тус тус бүртгэгдээд байна.

Нэгдсэн эмнэлгийн тусгай эмнэлэгт 46, Эрдэнэмандал сумын эмнэлэгт 17, Хайрхан сумын эмнэлэгт 7, Чулуут суманд 9 батлагдсан тохиолдол хэвтэн эмчлүүлж байна. Үүнээс хөнгөн 75, хүндэвтэр 3, хүнд 1 байна.

- Ойрын хавьтлын хүний тоо 1959

- Тусгаарлах байранд 29

- Гэрийн тусгаарлалтад 607 иргэн байна.

Аймгийн хэмжээнд 23 цэгээр коронавируст халдварын эсрэг вакцинжуулалтыг зохион байгуулж, 2021 оны 4-р сарын 22-ны өдрийн 00.00 цагийн байдлаар 3917 хүнийг дархлаажуулаад байна. Сүүлийн 24 цагт голомтын эцсийн халдваргүйжүүлэлт хийгээгүй.

Нийт коронавируст халдварын батлагдсан 255 тохиолдлын хамгийн бага 2 нас, хамгийн өндөр 83 нас, дундаж нас 41.5, дундаж ам бүлийн тоо 4.1 байна. Батлагдсан тохиолдлуудын 56 хувь нь эмэгтэй, 44 хувь нь эрэгтэй байна.

БНСУ-н “Сон Медикал Центр” эрүүл мэндийн багц шинжилгээ, бүх төрлийн эрүүл мэндийн үйл ажиллагаа явуулж байна

zulaa — Mon, 12 Apr 2021 12:33:27 +0800

Сон Медикал эмнэлэг нь, нэг урсгалтай нэгдсэн шинжилгээний төвдөө, Лабораторийн бүх төрлийн шинжилгээ /бактерлоги, иммунологи, гематологи,

Сүүлийн 24 цагт 8 хүн бүрэн эдгэрч эмнэлгээс гарлаа

nomun — Mon, 05 Apr 2021 18:18:26 +0800

Нэгдсэн эмнэлгийн тусгай эмнэлэгт халдвар авсан 68 хүн хэвтэн эмчлүүлж байна. Үүнээс:

Биеийн байдал хүнд-1, хүндэвтэр-6, хөнгөн-61 иргэн байна. Сүүлийн 24 цагийн байдлаар 8 иргэн бүрэн эдгэрч эмнэлгээс гарсан ба нийт 17 хүн бүрэн эдгэрээд байна. Нийт коронавируст халдварын батлагдсан 85 тохиолдлын хамгийн багань2 нас, хамгийнөндөр66 настай иргэн байна. Дундаж нас 34.7, дундаж ам бүлийн тоо 4.1 байна. Батлагдсан тохиолдлуудын 75хувьнь эмэгтэй, 25хувьнь эрэгтэй байна.

Сүүлийн 24 цагт 19 обьектын 7029 м.кв талбайд голомтын эцсийн халдваргүйжүүлэлт хийжээ.Иргэн бүр дор бүрнээ халдвар хамгааллын дэглэмээ мөрдөхийг мэргэжлийн байгууллагуудаас анхааруулж байна.

Коронавируст халдварын тохиолдол 3-аар нэмэгдлээ

nomun — Mon, 29 Mar 2021 17:00:14 +0800

Аймгийн хэмжээнд сүүлийн 24 цагийн хугацаанд 430 хүнээс PCR шинжилгээ авахад 2 иргэн, Улаанбаатар хотоос ирсэн нэг иргэний хариу эерэг гарч, шинээр 3 тохиолдол бүртгэгдлээ. Өнөөдрийн байдлаар нийт тохиолдол 40 боллоо.

Задалбал, Хайрхан суманд 3, Эрдэнэбулган суманд 36, зөөвөрлөгдсөн 1 байна.

Зөөвөрлөгдөн ирсэн тохиолдлын хувьд нийслэл хотоос шинжилгээний бичиг хүлээлгүй гарч, улмаар аймаг руу орох хяналтын пост дээр саатуулагдан, хариу арга хэмжээний баг шуурхай ажиллаж, тухайн иргэнийг аймгийн Нэгдсэн эмнэлгийн халдвартын тасагт хэвтүүлэн эмчилж байна. Хамт явсан иргэнийг тусгаарлах байранд шилжүүлжээ.

Аймгийн Нэгдсэн эмнэлгийн Хүүхдийн тасгийг нүүлгэн шилжүүлж, 30 ортой тусгай эмнэлэг болгон ашиглаж байгаа бөгөөд өнөөдрийн байдлаар хэвтэн эмчлүүлж байгаа иргэдийн гурван хүний биеийн байдал хүндэвтэр, бусад нь хөнгөн байна.

Батлагдсан тохиолдлуудын ойрын хавьтлын 555, дам хавьтлын 936 иргэнийг тандалт судалгааны баг тогтоогоод байна.

Одоогийн байдлаар аймгийн хэмжээнд гэрийн ажиглалтад 1421 иргэн байна.

Халдварын тохиолдол 12-оор нэмэгдлээ

nomun — Fri, 26 Mar 2021 14:35:02 +0800

Аймгийн Нэгдсэн эмнэлгээс голомтолсон халдварын тоо өмнөх өдрийнхөөс 12-оор нэмэгдэж, Архангай аймагт нийт 18 тохиолдол бүртгэгдлээ. Тохиолдлуудын ойрын болон дам хавьтлын тандалт судалгааны ажил үргэлжилж байна. Мөн Тариат, Хангай сумын 15 хүний шинжилгээний хариу сөрөг гарлаа. Өөрөөр хэлбэл, Тариат сумын ойрын хавьтлын 3, Хангай сумын 12 хүний эхний сорьцыг аймгийн Нэгдсэн эмнэлгийн PCR лабораторид шинжлэхэд хариу нь бүгд сөрөг гарчээ.

Иргэд тайван байж, аймгийн Онцгой комиссоос гаргасан шийдвэр, заавар зөвлөгөөг дагаж мөрдөхийг уриалж байна.

Батлагдсан тохиолдолтой ойр харьцсан 9 иргэнийг тусгаарлалаа

nomun — Wed, 17 Mar 2021 12:39:20 +0800

Хайрхан суманд коронавирусээр халдварласан нэг иргэнийгаймгийн Нэгдсэн эмнэлгийнХалдвартын тусгай эмнэлэгрүү хүргэж, ойр харьцсан 9 иргэнийг тус суман дахь тусгаарлах байранд шилжүүлээд байна.

Одоогийн байдлаар Хайрхан сумын орох,гарах хөдөлгөөнийг хааж, худалдаа үйлчилгээний төвүүд болон сургууль цэцэрлэгийн үйл ажиллагааг бүрэн хаажээ. Аймгийн онцгой комиссоос голомтын цар хүрээг тогтоохоор ЭМГ-ын ахлах тархвар судлаач Э.Бямбацогтын ахалсан шуурхай хариу арга хэмжээний мэргэжлийн баг Хайрхан суманд ажиллаж байна.

Батлагдсан тохиолдол нь нийслэлээс ирэхдээ PCR шинжилгээний сөрөг хариутай байсан боловч хоёр хоногийн дараа ийнхүү давтан шинжилгээгээр илэрсэн. Иймд иргэн бүр хариуцлагатай байж, голомтот бүсээс ирсэн бол гэрийн тусгаарлалтын дэглэмээ чанд сахихыг аймгийн Онцгой комиссоос анхааруулж байна.

Сон Медикал: Гэмтэл, бэртэл, буруу хэвшлээс үүдэлтэй хавсарсан өвчлөлөөс сэргийлэхийг зөвлөж байна

khulan — Mon, 15 Mar 2021 18:30:39 +0800

Аливаа бэртэл, гэмтэл олон янзын шалтгаантай байдаг ч эцсийн үр дагавар нь бүгд эрсдэл дагуулдаг.

Гэмтлээс улбаалан дотор эрхтнүүдэд нөлөөлж хавсарсан өвчлөлүүд үүсч болох тул ямар ч гэмтлийн тохиолдолд яаралтай эмнэлгийн байгууллагад хандах шаардлагатай.

Мөн бидний дунд түгээмэл тохиолдох нурууны суулт, ясны сийрэгжилт зэрэг нь зөвхөн өндөр настнуудад тулгардаг асуудал биш учраас яг өнөөдрөөс эхлэн та оношилгоо, шинжилгээ хийлгэн ясны бат бэх байдалдаа анхаарлаа хандуулахыг "Сон Медикал Центр Улаанбаатар” эмнэлгийн хамт олон зөвлөж байна.

ЭМЯ: Дэлхий дахинд халдвар аваад эдгэрсэн хүмүүст толгой өвдөх, дотор муухайрах, сульдах шинж тэмдэгт илэрч байгаа

zulaa — Thu, 04 Feb 2021 19:35:29 +0800

Коронавирусийн халдвараар өвчлөөд эдгэсэн хүнд толгой эргэх, бие нь муудаж сульдах, ХӨСҮТ-ээс өгсөн эмийг л уухгүй бол зүгээр болохгүй байна гэсэн

Ковид-19: Архангай аймгийн Батцэнгэл сум дахь халдварын голомт зогслоо

khulan — Tue, 29 Dec 2020 16:13:40 +0800

Архангай аймаг 2020 оны 11 дүгээр сарын 27-ны өдөр Коронавируст халдвараар Улаанбаатар хот дахь батлагдсан тохиолдолтой ойр байсан Батцэнгэл сумын иргэн, тэдний гэр бүлийн нийт 3 хүн уг халдварт өртсөнг илрүүлэн онош баталгаажууллаа. УОК, ЭМЯ, аймгийн Шуурхай хариу арга хэмжээний баг төлөвлөлтийн дагуу хариу арга хэмжээг шуурхай, оновчтой хэрэгжүүлсний дүнд уг голомтоос сүүлийн 28 өдрийн турш шинэ тохиолдол дахин бүртгэгдээгүй тул голомт зогсоод байна.

Эхний хоёр тохиолдол эдгэрч 12 дугаар сарын 25-нд Аймгийн нэгдсэн эмнэлгээс эдгэрсэн иргэдээ татан авч, Батцэнгэл сумын Улаанчулуу багт шууд гэрт нь хүргэсэн. Гурав дахь иргэний биеийн байдал хөнгөн, эмчлэн тусгаарлах ажил үргэлжилж байна.

Тус аймгийн хувьд нөхцөл байдлын талаар Эрүүл мэндийн сайд Т.Мөнхсайхан хэлэхдээ "Бид кластер голомт орон нутагт гарахад хэрэгжүүлэх хариу арга хэмжээний төлөвлөлтийн дагуу Архангай аймгийн Шуурхай хариу арга хэмжээний багтай хурдтай, оновчтой хамтран ажилласны дүнд голомтыг хязгаарласан. Ойрын хавьтлыг яаралтай илрүүлэх, шинжлэх зорилгоор Ковид-19 халдварын 14 мянган ширхэг түргэвчилсэн Ag тест, мөн ЗӨСҮТ-ийн PCR шинжилгээний явуулын авто-лабораторийг 24 цагийн дотор голомтод илгээн лабораторийн нэг эмч, нэг генетикч, жолоочийн хамт 10 хоног томилон ажиллууллаа. ЭМЯ-аас нийт 90 гаруй сая төгрөгийн өртөг бүхий хамгаалах өмсгөл, эмнэлгийн хэрэгслийн хангалт, голомтод ажилласан эмнэлгийн мэргэжилтний урамшуулалд 16 сая, илүү цагийн хөлс 44 сая төгрөгийг шийдвэрлэсэн. ЭМЯ-аас эмнэлгийн тусламжийг өргөжүүлэх чиглэлд аймгийн нэгдсэн эмнэлэгт амьсгалын аппарат нэг, гемодиалезийн аппарат нэг, компьютер томографын аппаратаар хангаж, нэмж таван амьсгалын аппаратаар хангах ажил хийгдэж байна. Аймгийн нэгдсэн эмнэлгийн Genе-Expert аппаратаар Ковид-19-г тодорхойлж байгаа бөгөөд шаардлагатай урвалж, картридж зэргээр хангаад байна. Түүнчлэн тус аймгийн нэгдсэн эмнэлэгт PCR шинжилгээний буюу молекул биологийн шинжилгээ хийх лаборатори байгуулах бэлтгэл ажил хийгдэж байна” гэлээ.

Архангай аймгийн Эрүүл мэндийн газрын дарга Р.Гандиймаа "Богино хугацаанд голомтыг цомхтгоход бидэнд эрсдэлийн үнэлгээг тухай бүр хийж, тодотгосон сайн төлөвлөгөө, тохиолдлын удирдлагын тогтолцооны багаа бүрдүүлж чадавхижуулсан, үүний дүнд салбар хоорондын хамтын ажиллагаа нягтарсан нь шуурхай үр дүнтэй ажиллах үндэс болсон. Энэ зөөвөрлөгдсөн халдварын тохиолдлууд зөвхөн нэг гэр бүлийн хүрээнд бүртгэгдэн хязгаарлагдсан нь бүх нийтийн бэлэн байдлын дэглэмд шилжиж АОК болон эрүүл мэндийн байгууллагын зөвлөмж, зааварчилгааны дагуу аймгийн иргэд маань гарын эрүүл ахуйг сахиж, маск зүүж байсан, батлагдсан тохиолдлууд нь ихэвчлэн гадаа задгай агаарын идэвхитэй урсгал бүхий талбайд ойрын хавьтал болсон /идэш бэлтгэх гадаа талбайд, малын бэлчээрт, гудамжинд гэх мэт/ зэрэг онцлогууд байсан. Цар тахлын голомтын цар хүрээг тогтоож, өвлийн дүн хүйтэнд, хөдөө хот айлаас хот айлын хооронд явж хариу арга хэмжээ авч, голомтот сумын бүх иргэдийг идэвхтэй илрүүлэгт шуурхай, дэглэм барьж цэгцтэй хамруулахад эмнэлгийн ажилтан бидэнд бүх түвшний хамтын ажиллагаа, дэмжлэг, зөвлөмж маш том хүч урам болсон юм. Архангай аймгийн Батцэнгэл суманд батлагдсан Ковид-19 халдварын голомтын хариу арга хэмжээг шуурхай авч цомхтгоход: Бодлогын болоод нөөц, санхүүгийн бодитой дэмжлэг үзүүлсэн Эрүүл мэндийн сайд түүний баг хамт олон, хамтарч ажилласан Цэргийн төв эмнэлэг, ХӨСҮТ, ЗӨСҮТ-ийн хамт олон, голомтод томилогдон бидэнтэй мөр зэрэгцэн хамтарч ажилласан ЗӨСҮТөвийн явуулын авто лабораторийн баг, ХӨСҮТ-ийн тахвар судлаач Алтмаа, Архангай аймгийн тохиолдлын удирдлагын тогтолцооны үндсэн 4 баг, 9 бүлгийн нийт бие бүрэлдэхүүн, аймгийн ИТХ, ЗДТГ-ын хамт олондоо гүн талархал илэрхийлье” хэмээн мэдээлэлжээ.

Мөн аймгийн Засаг даргын нөөц хөрөнгөөс 178 сая төгрөгийг шийдвэрлэж, амьсгалын аппарат 2, хүчилтөрөгч өтгөрүүлэгч 85, зайнаас халуун хэмжигч 102, пульсиоксиметр 80, дуслын ПАМП 3 болон тарианы ПАМП 8 зэрэг тоног төхөөрөмж, 104 сая төгрөгийг шийдвэрлэж, хувийн хамгаалах хувцас хэрэгслийг аймгийн Онцгой комиссоос эрүүл мэндийн байгууллагуудад хуваарилан ажилласан байна.

Хэрэгжүүлсэн хариу арга хэмжээ:

Архангай аймагт коронавируст халдварын батлагдсан тохиолдлын ойрын хавьтал ирсэн тухай мэдээлэл 2020 оны 11 сарын 27-ны өдөр тус аймагт УОК, Тагнуулын хэлтсээс мэдээлэн ЭМЯ, холбогдох талууд мэргэжил арга зүйгээр ханган шуурхай хариу арга хэмжээ хэрэгжүүлсэн. Тус аймгийн Шуурхай хариу арга хэмжээний мэргэжлийн багийг 7 хүний бүрэлдэхүүнтэй 30 минутын дотор томилон гаргаж, тус суманд 2 цагийн дотор тэг зогсолт хийж, хариу арга хэмжээг шуурхай авч, сэжигтэй тохиолдол болон түүний нэн ойрын хавьтал болох 9 хүнээс сорьц авч ХӨСҮТ-ийн лабораторид хүргүүлэн PCR шинжилгээнд хамруулахад 3 тохиолдол онош батлагдаж, тэднийг Цэргийн төв эмнэлэг рүү тээвэрлэж эмчилгээнд хамруулсан.

Архангай аймгийн Эрүүл мэндийн газар, Нэгдсэн эмнэлэг, Онцгой байдлын газар, Цагдаагийн газар, Мэргэжлийн хяналтын газар, Тагнуулын хэлтсийн мэргэжилтнүүдээс бүрдсэн Шуурхай хариу арга хэмжээний баг, тандалтын багийнхан мэдээлэл авснаас хойш 24 цагийн дотор ойрын хавьтал болох 74 хүнийг бүрэн тогтоож, тусгаарлах үйл ажиллагааг зохион байгуулж, шинжилгээнд бүрэн хамруулсан. Хоёрдогч хавьтлын 869 хүнийг Өгийнуур, Батцэнгэл, Эрдэнэбулган сумдаас 48 цагийн дотор бүрэн тогтоож, гэрийн тусгаарлалтад оруулж, 72 цагт багтаан шинжилгээнд хамруулахад Ковид-19 вирусийн халдвар илрээгүй байна.

Халдварын батлагдсан тохиолдолын голомтыг өргөтгөн Батцэнгэл сумын хүн амын дунд халдварын тархалтыг тогтоох зорилгоор "Нэг иргэн-нэг шинжилгээ” идэвхитэй илрүүлэг 2020 оны 12-р сарын 02-ноос 12-р сарын 07-ны өдрүүдэд зохион байгуулж, сумын эрүүл мэндийн төвүүд, Нэгдсэн эмнэлэг, өрхийн эрүүл мэндийн төвүүдийн 10 лаборант, лабораторийн эмч ажилласан. ЭМЯ-аас ЗӨСҮТ-ийн явуулын лабораторийг Батцэнгэл суманд ажиллуулан, нийт 3148 хүнийг PCR шинжилгээнд хамруулснаас эерэг гарсан тохиолдол байхгүй байжээ.

Архангай аймгийн ЗӨСТ-ийн эцсийг халдваргүйтгэлийн тус бүр 3 хүний бүрэдхүүнтэй 1, 2-р багийг голомтонд томилон 14 хоног ажиллуулж 207 обьектийн 17.9 мянган м.кв талбайд эцсийн халдваргүйтгэлийг хийсэн байна.

Зэрлэг нэрсний анагаах чадал

zulaa — Fri, 18 Sep 2020 18:18:23 +0800

Мах идэж болох эсэх талаар эрдэмтэд ийнхүү өгүүлжээ

saikhnaa — Sat, 12 Sep 2020 16:28:28 +0800

Хорт хавдрыг судлах олон улсын агентлагаас бүрдүүлж гаргадаг хорт хавдрын генийн магадлалтай болон баталгаажсан жагсаалтад түүхий болон боловсруулсан мах 2015 оноос эхлэн орохоор болжээ. Эдгээр бүтээгдэхүүн хийгээд төрөл бүрийн хорт хавдрын хооронд холбоо хамаарал байгааг эрдэмтэд олж тогтоосон аж. Гэтэл саяхнаас эдгээр үр дүнг үгүйсгэсэн судалгаанууд бий болжээ. Маргаан дэгдэв. РИА Новости энэхүү маргаанд хэн нь зөв болохыг олохоор ажиллажээ.

ХИАМ, МАХНААС ҮҮСДЭГ ӨВЧНҮҮД

2015 оны аравдугаар сард олон сая дээж сорьц бүхий хэдэн арван судалгааны үр дүнг арван улс орны 22 шинжээч магадлан шинжилж түүхий болон боловсруулсан мах эрүүл мэндэд аюултай гэсэн нэгдмэл дүгнэлтэд хүрсэн байна. Тэдний тооцоолсноор 50 грамм хиам, зайдас, аль эсвэл гэрийн котлет тус бүр бүдүүн гэдэсний хорт хавдрын эрсдлийг 18 хувиар нэмэгдүүлэх ажээ. Үүнээс гадна эрэгтэйчүүд нойр, түрүү булчирхайн хорт хавдраар өвдөх магадлал эрс нэмэгдэнэ.

Хорт хавдрыг судлах олон улсын агентлаг эдгээр баримтыг үндэслэн түүхий болон боловсруулсан махыг хорт хавдрын генийн магадлалтай болон баталгаажсан жагсаалтад оруулж, архи, тамхины утаа, хүнцлийн нэг адил дээд зэргийн аюултай бүтээгдэхүүний ангилалд хамааруулжээ. Ингэхдээ мэргэжилтнүүд мах өөрөө дангаараа хортой биш гэдгийг тодотгосон. Махыг нөөшлөх, утах, хуурч шарах, давслах зэргээр боловсруулахад ашигладаг химийн бодист хэргийн учир оршдог байна

Дашрамд дурдахад, хүний организмд байгаа сахартай холбогдож эсийн нэгэн хэсэг нь болох чадвартай, өөрт нь агуулагддаг моносахарид N-гликолилнейрамины хүчил (Neu5Gc) түүхий махыг хорт хавдрын гентэй болгодог хэмээн Бразилийн болон Америкийн биологчид үзэж байна. Дархлааны тогтолцоо ийм эсийг гадны өөр төрлийн эс байдлаар хүлээн авч, улмаар үрэвслийн үйл явц эхэлдэг. Энэ нь юуны өмнө хорт хавдрын эрсдлийг нэмэгдүүлдэг.

Хожим нь эдгээр дүгнэлтийг зөвхөн баталгаажуулсаар л ирсэн. Тухайлбал, 2018 онд британчуудын хоол хүнсний дадал зуршлыг судалсан Лидийн (Их Британи) их сургуулийн судлаачид махнаас татгалзаж, шувуу, эсвэл загасаар хооллодог хүмүүс хавдрын өвчнөөр бага өвддөг болохыг тодруулжээ. Британийн болон Францын хавдрын эмч нарын тооцоолсноор өдөр бүр 76 грамм түүхий болон боловсруулсан мах иддэг хүмүүс бүдүүн гэдэсний хорт хавдраар өвчлөх магадлал дөнгөж 20 грамм мах хэрэглэдэг хүмүүсийг бодвол 20 хувь өндөр байдаг ажээ.

АЙХАД НҮД ТОМОРНО

Гэтэл өнгөрсөн оны аравдугаар сард эрдэм шинжилгээний Annals of Internal Medicine сэтгүүл түүхий болон боловсруулсан махны аюулыг дэндүү дэвэргэсэн болохыг нотолсон цуврал нийтлэл гаргажээ. Юутай ч нэг сэдвээр явуулсан хэд хэдэн судалгааны үр дүнг судалсан дөрвөн мета-анализийн нэгээс нь ч энэ бүтээгдэхүүн хорт хавдар үүсгэх, эсвэл зүрх судасны өвчинтэй холбоо хамааралтай болохыг олж тогтоогоогүй байна.

Тухайлбал, хавдрын эмч нар нийтдээ зургаан сая гаруй хүн оролцсон 105 судалгааны баримтыг задлан шинжилсэн талаар нэгэн бүтээлд өгүүлжээ. Тэдгээр хүний дунд маханд дуртай (өдөрт таваас дээш порц махан хоол иддэг) болон хоёр порц махан хоол иддэг цагаан хоолтон байв. Сайн дурынхныг ажиглах хугацаа хоёроос 34 хүртэл жилийн хооронд хэлбэлзэж байсан аж.

Хиам, котлетанд дуртай хүмүүст амьтны гаралтай бүтээгдэхүүн огт хэрэглэдэггүй, эсвэл маш бага хэмжээгээр хэрэглэдэг хүмүүсээс бүдүүн гэдэс, хөх, түрүү булчирхайн хорт хавдраар өвдөх явдал төдийлөн их биш байжээ. Үүнээс гадна махан хоол болон зүрхний миокардын шигдээс, эсвэл зүрхний бах өвчин хооронд статистикийн хувьд корреляцийн томоохон ялгаа гараагүй байна.

Дөрвөн сая оролцогчтой 61 орчим судалгаанд хийсэн хоёр дахь мета-анализийн судлаачид мөн иймэрхүү үр дүн гаргаж авчээ. Түүхий болон боловсруулсан мах хэрэглэсний улмаас хийгээд үхлийн бүх шалтгааны эрсдэл болон зүрх судасны өвчлөлийн хооронд холбоо хамаарал илрээгүй байна.

Махан бүтээгдэхүүнээс бүрэн татгалзах тохиолдолд хорт хавдраар өвдөх магадлал эрс буурахыг гурав, дөрөвдүгээр нийтлэлийн зохиогчид олж ажиглаагүй байна. Тэгэхээр эрүүл мэндэд ноцтой үр дагавар дагуулах вий гэж болгоомжлолгүйгээр зайдас, хиам, котлет зэргийг үргэлжлүүлэн идэж болно хэмээн судлаачид онцолж байна.

МАХ ИДЭХИЙН ХҮСЛЭН

Annals of Internal Medicine сэтгүүлийн энэ дугаар тэр даруйдаа хурц шүүмжлэлийн бай болов. Америкийн кардиологийн ассоциаци, Америкийн хавдрын нийгэмлэг, Харвардын нийгмийн эрүүл мэндийн сургууль зэрэг байгууллага эсэргүүцэв. Иймэрхүү нийтлэлүүд хоол хүнсний тухай шинжлэх ухаанд, ерөөсөө шинжлэх ухааны судалгаа шинжилгээнд итгэх итгэлийг алдагдуулж байна хэмээн эрдэмтэд онцлов. Нийтлэлийг бичигчдийн дүгнэлтүүд нь тэдний задлан шинжилгээ хийсэн баримтуудтай зөрчилдөж байгааг мэргэжилтнүүд онцолж заасан.

Сэтгүүлээс тэдгээр нийтлэлийг эгүүлэн татахыг зарим нь шаардсан боловч ийм хэт туйлширсан арга хэмжээг гол төлөв цагаан байдаг байна.

ДЭМБ: Дэлхий дахин дараагийн цар тахалд бэлтгэлтэй байх хэрэгтэй

saikhnaa — Tue, 08 Sep 2020 11:36:42 +0800

ЖЕНЕВ. /Reuters/. Дэлхийн эрүүл мэндийн байгууллагын тэргүүн Тедрос Адханом Гебрейесус дэлхий дахин дараагийн цар тахалд бэлтгэлтэй байх хэрэгтэй гэж даваа гарагт мэдэгдээд, нийгмийн эрүүл мэндийн салбартаа хөрөнгө оруулахыг улс орнуудад уриалжээ. БНХАУ-д 2019 оны 12 дугаар сард коронавирусний халдварын анхны тохиолдлууд илэрснээс хойш дэлхий даяар өнөөдрийн байдлаар 27.19 сая хүн халдвар авч, 888326 хүн нас барсан байна.

"Энэ бол сүүлийн цар тахал биш. Халдварын тархалт, цар тахал нь хорвоогийн жам гэдгийг түүх батлан харуулж байна. Дараагийн цар тахал дэгдэх үед дэлхий дахин илүү их бэлтгэлтэй байх хэрэгтэй” гэж Т.Гебрейесус Женев хотноо болсон хэвлэлийн бага хурлын үеэр хэлжээ.

Мөн ДЭМБ-ын тэргүүн коронавирусний халдвартай тэмцэх арга хэмжээнүүдийг сайн авч хэрэгжүүлсэн орнуудыг сайшаасан бөгөөд үүнд Монгол, Итали, Маврики, Уругвай зэрэг орон багтсан байна.

"Монгол Улс шаардлагатай арга хэмжээнүүдийг маш эртнээс авч хэрэгжүүлж, нэгдүгээр сард Улсын онцгой комисс байгуулсан. Үүний үр дүнд БНХАУ-тай хил залгаа оршдог хэдий ч халдварын тохиолдол гуравдугаар сар хүртэл илрээгүйн зэрэгцээ өнөөдрийг хүртэл халдвараар нас барсан тохиолдол бүртгэгдээгүй байна” гэж Т.Гебрейесус мэдэгджээ.

Э.Хулан

Эх сурвалж: Монцамэ агентлаг

Коронавирусыг АНУ Хятадаас өмнө 2019 оны 10-р сард мэдэж байсан уу?

saikhnaa — Tue, 08 Sep 2020 11:31:12 +0800

Ковид-19-н тухай нууц мэдээлэл: 2019 оны 10-р сард АНУ мэдэж байсан боловч Хятадыг буруутнаар чичилжээ

Ковид-19 -н гарал үүслийн талаар олон улсын түвшинд эргэлзээ төрж, асуулт дэгдсээр байна. АНУ Сарс-КоВ2 тараасан буруутнаар Хятадыг чичлэн нэрлэсэн . Гэвч тийм биш байж болох нь. Хүмүүс айдаст автсан хэвээр, бүдэг бадаг гарал үүслийн талаар бараан зураг гаргасан нь бодитоор байдлаас хүмүүсийн санаа бодлыг холдуулах гэсэн мэт. Гэхдээ АНУ шиг их гүрэн Ковидын талаар өнгөрсөн хугацаанд огт мэдээгүй байх боломжтой юу?

Энэхүү сонирхол татсан сэдвийг Сербийн мэдээллийн нэгэн блог хөндөж, олон талаас нь тодруулжээ. Тэнд мэдээлснээр, Предикт хэмээх вирусыг хянах, удирдах тусгай, нууц баг АНУ-д ажилладаг байж болох аж. Энэхүү багийн ажилтнууд КОВИД-19-н талаар 2019 оны 10-р сард анх мэдэж, ийм төрлийн халдварыг эмчлэх боломжгүй гэдгийг ч ойлгосон байж болох гэнэ.

Энэ үед вирусын талаар олон нийт огт мэдээгүй байсан бөгөөд АНУ-н засгийн газар мэдээллийг нууцлахад мэргэжилтнүүд чухал үүрэг гүйцэтгэжээ.

Серб эх сурвалжийн мэдээлснээр Предикт багийн уулзалтуудын үеэр америк улстөрчид Хятадын эсрэг мөрдлөг явуулахад хамтран ажиллахыг мэргэжилтнүүдээс хүссэн байна. Америкийн технологийн компаниудаас ч Хятад дахь КОВИД-19 тахлын талаар нууц мэдээлэл олоход хамтран ажиллахыг хүсчээ. Олдсон бүх баримт, мэдээллийг Төрийн департмент болон Эрүүл мэндийн сайд Алекс Майкл Азарт тайлагнах ёстой байв.

Ийм нэг уулзалтын үеэр АНУ-н нууц алба тахлын эсрэг тэмцэх тэмцэлд гүнзгий оролцоотой байж, чухал үүрэг гүйцэтгэж байгааг онцлон мэдэгджээ.

Үүний хүрээнд хятад оюутнуудыг элсүүлэн, Хятадад хийгдэх вакцины судалгаа, шинжилгээний талаар нууц мэдээлэл цуглуулахаар ажиллуулахад онцгой анхаарал хандуулах ёстой гэсэн байна. Хятадын их, дээд сургуулийн оюутнуудыг ч иймэрхүү зорилгоор элсүүлсэн байна.

Үндсэндээ тахалтай холбогдсон Хятадын технологийн компаниуд дотор нууц холбоосуудтай болох зорилготой байв.

2020 оны 3-р сарын дундуур Хятадаас нөхөн олговор нэхэмжлэх "гурван үе шат бүхий" төлөвлөгөөг АНУ-н засгийн газар боловсруулав. Энэхүү төлөвлөгөө нь олон нийтийг өргөдөл гаргахыг уриалан дэмжих, түүний дараа АНУ-н муж тус бүрт өргөдлүүдийг цуглуулан мэдээллийн сан үүсгэж, эцсийн шатанд нь Цагаан ордноос АНУ-ын засаг захиргааг төлөөлөн нөхөн олговрын нэхэмжлэл гаргахад оршино.

Эх сурвалж:

https://www.ufficistampanazionali.it/2020/08/31/secret-data-of-covid-19-in-the-states-already-known-in-october-2019-but-the-finger-was-pointed-at-china/?fbclid=IwAR3GGSThGW1SNGikBZA4OB1kc4d938BXZ3gvuGxVd3gjzp9DQTixC0tCiZQ

Тарваган тахал өвчнөөс сэргийлье!!!

saikhnaa — Tue, 08 Sep 2020 11:22:47 +0800

Тарваган тахал өвчний идэвхжилийн улирал зургаадугаар сараас эхлэн найм, есдүгээр сард оргил үедээ хүрдэг бөгөөд 10 дугаар сарын дунд үе хүртэл үргэлжилдэг тул анхаарал, болгоомжтой байхыг нийслэлийн Эрүүл мэндийн газраас зөвлөж байна.

НИЙСЛЭЛИЙН ЭРҮҮЛ МЭНДИЙН ГАЗАР

Шинзо Абэгийн эрүүл мэндийн талаар юу мэдэх вэ?

nomun — Thu, 27 Aug 2020 13:47:39 +0800

Японы Ерөнхий сайд Шинзо Абэ даваа гаригт хоёр удаа дараалан Токиогийн эмнэлэгт очжээ. Үүнийг нь эрүүл мэндийн байдалтай нь холбоотой хэмээн хэвлэлүүд мэдээлж байна. Энэ зуны гурав хоногийн амралтынхаа хугацаанд тэрээр Токио хотын эмнэлэгт очиж, эрүүл мэндийн үзлэгтээ орсон. Энэ үеэр долоо хоног тутмын нэгэн сэтгүүлд Шинзо Абэг долдугаар сард ажлаа хийж байх үеэрээ цусаар бөөлжиж эмнэлэгт очсон хэмээн мэдээлж байсан. Абэ ахлах сургуульд орсноосоо хойш шархлаат колит хэмээх ужиг өвчинтэйгөө тэмцэж байгаа. Шархлаат колит гэдэг нь бүдүүн болон шулуун гэдэсний шарх үүсгэдэг гэдэсний үрэвсэлт өвчин юм. Энэ өвчний үед суулгах, турах, ядрах, гэдэс хямрах зэрэг шинж тэмдэг илэрдэг. Шалтгаан нь тодорхойгүй боловч дархлааны систем болон удамшил нөлөөлдөг гэж үздэг бөгөөд эдгэрдэггүй юм байна. Энэ өвчний үед цусны даралт ихсэх, жин нэмэх, яс сийрэгжих зэрэг гаж нөлөө илэрдэг. Энэ тохиолдолд хэрэглэдэг "5-ASA” буюу аминосалициллын хүчил агуулсан "Асакол” эмийг 2009 оноос Японд худалдаалахыг Шинзо Абэ зөвшөөрсөн байдаг. "Хэрэв "Асакол” хэмээх энэ эм Японд худалдаалагдаж эхлэхдээ илүү их хугацаа зарцуулсан бол би өнөөдөр хаана байх байснаа хэлэхэд хэцүү юм. Эдгэрэх боломжгүй ийм өвчний улмаас шаналж байгаа өвчтөнүүдэд амьдрал бэлэглэх нь миний үүрэг бас хувь тавилан юм” гэж 2003 онд ярьж байв.

Уур бухимдлаа удирдаж, эрүүл мэндийн хяналтад байнга байвал энэ өвчин өдөр тутмын үйл ажиллагаанд бага сөрөг нөлөө үзүүлнэ. Зарим өвчтөн зургаан сар тутамд хорт хавдрын шинжилгээ өгдөг. Харин Шинзо Абэгийн хувьд жилд хоёр удаа үзлэгт хамрагддаг юм. Тэрээр "Миний эмчилгээ хоолны дуршлийг нэмэгдүүлж байна. Би өмнө нь бие дэх холестрин болон өөх тосны хэмжээ, таргалалт надад хамааралгүй зүйл гэж боддог байсан.

Харин одоо үүнд анхаарлаа хандуулах ёстой” гэж 2017 онд ярьж байв. Цар тахлаас шалтгаалан энэ зун Шинзо Абэ төрөлх муждаа очиж амраагүй. Өдгөө 67 настай ч нэгдүгээр сараас хойш 142 хоног амралтгүйгээр онцгой байдлын хүнд нөхцөлд ажилласан түүний эрүүл мэндэд олон хүн санаа зовниж байна. Коронавирусаас гадна олимп нэг жилээр хойшилсон, эдийн засаг нь хямарч, ДНБ-ий хэмжээ буурсан гээд түүний санааг зовоох, бухимдуулах олон асуудал байгаа учир бие нь муудсан байж магадгүй хэмээн ажиглагчид үзэж байна.

Б.Должинжав

Эх сурвалж: "Зууны мэдээ" сонин

Цуцал эсвэл Сайжруул

saikhnaa — Tue, 25 Aug 2020 14:09:29 +0800

Бид айж эмээхээ байсан нь ТӨР буруутай.

24 сая тусаж 890 мянган хүн амиай алдсан аймшигт өвчнөөс Монголчууд айхаа байжээ.

Юуг хүлээн зөвшөөрөх вэ гэхээр Ковид19-ийг дотооддоо алдаагүй нь Засгийн газар гавьяа гэдэгтэй дөрвөн мөчөө өргөөд санал нэгдэнэ. Гэхдээ энд нэг биш нэлээдгүй буруу зүйл болоод удаж байхад ер мэдээгүй юм шиг Засгийн газар байгаад байх юм.

Анх Засгийн газар өндөржүүлсэн бэлэн байдлын хөл хорио тогтооход гаргасан журам нь ёсчилон биелэгдэж байлаа. Хүн болгон амны хаалт зүүж, гараа ариутгаад олуулаа бөөгнөрөхгүй, нус цэрээ хаяхгүй гээд бүгд аюулт тахлаас урьдчилан сэргийлээд байв. За ингэж байтал өндөржүүлсэн бэлэн байдал маань зөрчигдөж эхэлсэн байдаг юм. Бид биш тэд Төр нь өөрөө сонгууль явуулаад зах, гудамжаар гар барьж сүжрээд л нөгөө онцгой дэглэм, урьдчилан сэргийлэх журам лөөлэй болдог юм.

Түүнээс хойш хурал цуглаан, найр хурим гээд зах замбараагаа алдсан. Ковид хаана тархах, хаана тархахгүй байхыг Төр өөрөө шийдээд байдаг. Эцэс сүүлдээ нийтээрээ гараа ариутгах, амны хаалт зүүхээ байсан. Хаа сайгүй энэ журам мөрдөгдөхөө байгаа задгайраад удаж байна. Энд тэндгүй олон нийтийг хамарсан арга хэмжээнүүд зохион байгуулагдаад юун маск, юун зай барих, юун ариутгах вэ. Дэлгүүр, хоолны газрууд бага насны хүүхдэд үйлчлээд ариутгалаа хийхээ ч байж. Нийтийн тээвэр бахь байдаг руугаа шилжээд байна шдээ. Ийм болохгүй ч гээд яах вэ дээ. Хэдэн мянган хүнийг хамарсан сонгууль, наадам гэх зэргийг Төр нь өөрөө зохион байгуулаад байхаар ингэхгүй гээд яах вэ дээ.

Уг нь энэ хугацаанд өндөржүүлсэн бэлэн байдлын хөл хорио нь мөрдөгдөөд сунгагдсан хэвээр л байгаад байдаг. Шуудхан хэлэхэд хөл хорио нь огт мөрдөгдөхгүй болчихоод байна шүү дээ.

Юуг хэлэх гээд байна гэхээр энэ задгай байдал нь хөл хориог сунгах шаардлагагүйг батлаад байх шиг. Энэ тохиолдолд үйлчилгээний байгууллагаа хэвийн горимд нь шилжүүлээд ажиллах нөхцөлийг нь хангаад эдийн засгаа жаахан тэтгэх хэрэгтэй гэж бодогдоод удав.

Эсвэл сүржин нэртэй даржин болоод байгаа хөл хориогоо жинхэнэ утгаар нь хэрэгжүүлбэл ямар вэ.

Бүр гайхаад байх юм. Ажлаа хийсэн шиг хий. Эсвэл тэр хэрэгжихгүй байгаа хөл хориогоо цуцалбал ямар бэ?

Заавал цуцал гэсэнгүй. Ядаж хөл хорионы дүрэм, журмаа сайн мөрдүүлэхдээ ялгавартай хандахаа болих тухай л яриад байгаа юм.

Сэтгүүлч М.Батхишиг

Д.Нямхүү: Дахин18 хүнээс коронавирусийн халдвар илэрч, монгол улсад коронавирусийн батлагдсан тохиолдол 179 бүртгэгдлээ

nomun — Fri, 29 May 2020 11:26:07 +0800

ЭМЯ-ны ээлжит хэвлэлийн хурлын үеэр манай улсад коронавирусийн халдварын тохиолдол нэмэгдсэн эсэх талаар шинжилгээний хариуг мэдээллээ.

ХӨСҮТ-ийн захирал Д.Нямхүү "Тавдугаар сарын 28-нд дөрвөн лабораторид нийт 369 хүний шинжилгээ хийлээ. Үүнээс 351 хүний шинжилгээнд коронавирус илэрсэнгүй. Харин 18 тохиолдолд коронавирус илэрлээ" гэв.

Өмнө нь бүртгэгдсэн COVID-19 халдварын 161 тохиолдол:

2020.03.10: Монгол Улсад ирсэн Францын иргэний шинжилгээнээс коронавирус илэрч манай улсад анхны тохиолдол болж бүртгэгдэв.

2020.03.16: Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн гурван иргэнээс COVID-19 илэрсэн нь лабораторийн шинжилгээгээр батлагдав.

2020.03.17: Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирсэн дахин нэг иргэнээс коронавирусийн халдвар илрэв.

2020.03.18: Берлин-Москва-Улаанбаатарын чиглэлийн онгоцоор ирсэн нэг иргэнээс түргэвчилсэн оношлуураар шинжилгээ хийхэд халдвар илэрснийг ХӨСҮТ-өөс мэдээлэв.

2020.03.21: Гуравдугаар сарын 16-нд Берлин-Москва-Улаанбаатарын онгоцоор ирсэн дөрвөн иргэнээс коронавирус илэрлээ. Ингээд Монгол Улс коронавирусийн 10 батлагдсан тохиолдолтой болсныг мэдээлэв.

2020.03.26: Истанбул-Улаанбаатарын тусгай нислэгээр ирсэн нэг монгол иргэнээс коронавирусийн халдвартай тохиолдол илэрч 11 дэх тохиолдол болсныг ХӨСҮТ-өөс мэдээлсэн.

2020.03.28: Истанбул-Улаанбаатарын онгоцоор ирсэн нэг иргэний давтан шинжилгээнээс коронавирус илэрч 12 дахь тохиолдол бүртгэгдэв.

2020.04.01: Тусгаарлагдан хянагдаж байсан Туркийн хоёр иргэнээс коронавирус илэрлээ.

2020.04.06: ХӨСҮТ-д тусгаарлагдан, хянагдаж байсан Туркийн нэг иргэний шинжилгээнээс коронавирус илэрлээ. Ингэснээр Монгол Улсад 15 дахь тохиолдол бүртгэгдлээ.

2020.04.08: Хойд хилээр 2020 оны гуравдугаар сарын 26-27-нд шилжих шөнө орж ирсэн нэг иргэний давтан шинжилгээнээс коронавирус илэрлээ.

2020.04.13: 2020 оны дөрөвдүгээр сарын 12-нд ХӨСҮТ-д тусгаарлагдсан сэжигтэй 20 тохиолдлын нэгэнд нь коронавирус илэрлээ.

2020.04.14: Өчигдөр ОХУ-аас ирж тусгаарлагдсан 13 хүнд коронавирусийн тохиолдол илэрлээ.

2020.04.16: ОХУ-аас ирээд "Амар" зочид буудалд тусгаарлагдаж байсан 11 иргэнд давтан шинжилгээ хийхэд нэг иргэнээс коронавирус илэрлээ.

2020.04.19: ОХУ-аас ирж тусгаарлагдсан 30 хүнийг сонгож авсан. Тэр дотроос дөрвөн хүнд давтан шинжилгээ хийхэд нэг хүнээс коронавирус илэрлээ.

2020.04.20: ОХУ-аас ирж, ХӨСҮТ-д тусгаарлагдсан нэг иргэнээс коронавирус илэрч, 33 дахь тохиолдол бүртгэгдлээ.

2020.04.21: Ачаа тээвэрлэж Алтанбулаг боомтоор 18-нд Монгол Улсад орж ирсэн монгол жолоочоос коронавирус илэрч, 34 дэх тохиолдол бүртгэгдлээ.

2020.04.22: Алтанбулагийн боомтоор орж ирсэн тээврийн жолоочийн ойрын хавьтлаас коронавирус илэрч, 35 дахь тохиолдол бүртгэгдлээ.

2020.04.24: ХӨСҮТ-д ОХУ-аас ирээд ганцаараа тусгаарлагдан хянагдаж байсан оюутнаас 13 хоногийн дараа 3 дахь шинжилгээнээс коронавирус илэрч , 36 дахь тохиолдол бүртгэгдлээ.

2020.04.25: Нэг хүнд коронавирус илэрч, 37 дахь тохиолдол бүртгэгдлээ. Энэ хүн нь Москвад сурдаг оюутан байсан.

2020.04.26: Нэг хүнд гурав дахь давтан шинжилгээгээр коронавирус илэрлээ. Энэ нь Москвагаас ирсэн оюутан юм. Ингэснээр халдварын 38 дахь тохиолдол бүртгэгдлээ.

2020.05.02: Сөүл-Улаанбаатарын нислэгээр ирсэн нэг иргэнээс коронавирусийн халдвар илэрч, 39 дэх тохиолдол бүртгэгдлээ.

2020.05.04: Франкфуртийн нислэгээр ирсэн нэг иргэнээс коронавирусийн халдвар илэрч, батлагдсан тохиолдол 40 боллоо.

2020.05.05: Франкфуртийн онгоцоор ирсэн нэг иргэний давтан шинжилгээнээс коронавирусийн халдвар илэрлээ. Ингээд батлагдсан тохиолдол Монгол Улсад 41 боллоо.

2020.05.08: Франкфуртийн онгоцоор ирж, ХӨСҮТ-д тусгаарлагдсан нэг хүний давтан шинжилгээнээс коронавирус илэрч 42 дахь тохиолдол боллоо.

2020.05.14: Франкфуртийн онгоцоор ирсэн, шинжилгээний хариу сөрөг гарсан байсан нэг иргэний давтан шинжилгээнээс коронавирусийн халдвар илэрлээ.

2020.05.14: ОХУ-аас ирсэн 18 оюутнаас коронавирусийн халдвар илэрлээ.

2020.05.14: ОХУ-аас ирсэн сонсогчдын үдээс хойших шинжилгээгээр нэмж 37 хүнээс халдвар илэрснээр 98 тохиолдол болж нэмэгдлээ.

2020.05.16: ОХУ-аас ирсэн 193 хүнд шинжилгээ хийхэд 37 хүнээс нь коронавирусийн халдвар илэрснээр нийт тохиолдол 135 боллоо.

2020.05.17. ХӨСҮТ-д давтан шинжилгээ хийхэд ОХУ-аас ирсэн цэргийн сургуулийн нэг оюутнаас коронавирус илэрч, 136 тохиолдол бүртгэгдлээ.

2020.05.18: Дөрвөн хүнээс коронавирус илэрч, 140 тохиолдол бүртгэгдлээ.

2020.05.22: ОХУ-аас ирсэн оюутны давтан шинжилгээнээс коронавирусийн халдвар илэрч, 141 тохиолдол бүртгэгдлээ

2020.05.27: Долоон хүнд коронавирус илэрлээ. Тэдний зургаа нь тавдугаар сарын 26-нд Москва-Улаанбаатарын онгоцоор ирж ХӨСҮТ-д тусгаарлагдсан байсан оюутан. Мөн тавдугаар сарын 13-нд ирж тусгаарлагдсан байсан цэргийн сургуулийн нэг оюутны давтан шинжилгээнээс коронавирус илэрлээ. Ингээд 148 тохиолдол бүртгэгдлээ.

2020.05.28: ОХУ-аас ирсэн 13 хүнээс коронавирусийн халдвар илэрч, батлагдсан тохиолдол 161 боллоо

Монгол Улс коронавирусний тархалтыг дотооддоо гаргахгүй барьж яаж чадав?

saikhnaa — Wed, 20 May 2020 11:17:10 +0800

Улаанбаатар /МОНЦАМЭ/. Цахим ертөнцөд олны анхаарлыг татаад буй, Шри Ланка Улсын Коломбо хотын оршин суугч зохиолч, блогчин Инди Самарадживагийн нийтлэлийг орчуулан хүргэж байна.

"Бид бүгд монголчуудаас зөвлөгөө авах ёстой. Дээр нь хэдэн хонь авчихдаг бол болох нь  тэр”

Өнөөдрийн байдлаар Монгол Улсад короновирусээс үүдэлтэй  нас баралт "тэг”,  дотоодын тархалт "тэг” үзүүлэлттэй, бүгд гаднаас орж ирсэн халдвар байна.

Тэднийг зүгээр л азтай байна гэж үзэх аргагүй

Монгол Улс аль нэгдүгээр сараас эхлэн коронавирусний эсрэг арга хэмжээ авч эхэлсэн бөгөөд түүнээс хойш хязгаарлалтаа сулруулаагүй л байна. Харин энэ их хүнд хүчир ажлын төлөө тэд магтаал бараг сонсохгүй байна. Энэхүү "Монголын жишээг” хэн ч ярьсангүй.

Үүний оронд бид бүгд Герман, Шведийн бүрэн бүтэлгүйтлийн талаар л яриад байгаа. Дотоодын тархалт "тэг” гэдэг нь үнэхээр амжилт болохыг би дээр дурдсан. Монголд  ийм л байна гэж Шри-Ланкийн зохиолч, блогчин  Инди Самараджива  "medium.com"-д бичжээ.

Тэд ямар арга хэмжээг хэзээ авч, хэр үр дүнтэй ажиллав гэдгийг харцгаая. Та бүхэн над шиг л  гайхширч хоцрох вий.  Монгол Улс үүсэн нөхцөл байдалд эрчимтэй арга хэмжээ авсан. Тэгээд яагаад ч юм бэ үүнд нь 30 000 хонь оролцсон гэж байгаа.

«Хүлээгээрэй хэзээний Монгол вэ, нэг хавтгай дөрвөлжин километрт хоёр хүн оногддог, алслагдмал, тусгаарлагдмал  Монгол уу, тэр "COVID-19" нь гарч ирээд тэнд хэнийг ч олохгүй” гэх  байх та. Үгүй дээ!

Монгол Улс нь дэлхий дээр үнэхээр хүн амын нягтаршил маш багатай орон нь үнэн. Үндэстний хувьд нийгмийн нягтаршил харьцангуй бага. Гэвч нийслэл Улаанбаатарт нь 1,5 сая хүн амьдардаг нь  COVID-19 тархахад бүрэн хангалалттай.

Бодит байдал дээр Улаанбаатарын хүн амын нягтаршил (307 хүн 1 км²-т ) Италийн цар тахлын голомт болж хамгийн их хохирол амссан Бергамо хотын хүн амын нягтаршилтай (400 хүн) бараг ижил. Хүн амын нягтаршил харьцангуй багатай нь Бергамог аварсангүй.  Ер нь ийм нөхцөл байдал нь хэнийг ч аврахгүй.

Алслагдмал гээд байгаа өнөөх Монгол Улс нь хаана байдаг билээ? Үнэндээ орчин үеийн Монгол Улс тийм ч алслагдмал улс биш болсон.

За яах вэ мориор явбал мэдээж удах байх, харин онгоцоор Бээжин ороход 2 цаг л болно.  Монгол Улс нь Уханьтай өдөр тутмын харилцаатай явж ирсэн, Улаанбаатар хот нь Хятад, Оростой төмөр зам, авто замаар холбогддог, хил дээр нь байнгын хөл хөдөлгөөнтэй.  Хятадаас ирэх цар тахлын эхний давалгаа тэднийг нөмрөөгүй байлаа гэхэд  Оросоос ирэх хоёр дахь давалгаа нөмрөх л байсан. Тиймээс тэднийг алслагдмал байдал нь аварсан юм биш.

Гажил

Миний бие ч гэсэн нөлөөнд нь автсан хэвшмэл үзэл энд байгаа. Бид хөгжиж буй орнууд азтай байна л гэж төсөөлнө. Цаг агаар нь, хүн амын нягтаршил нь эсвэл экологийн ямар нэг аз хийморь л нөлөөлөөд байна гэж ярих жишээтэй.  Харин энэ нь барууны тайлбарлагчдын хувьд "когнитив” буюу сэтгэхүйн ноцтой гажуудлыг илэрхийлж байна. Тэр нь «Ядуу... үхлийн тохиолдол байхгүй нь  ... цаг агаар нь л нөлөөлөө биз» гэх мэтээр илэрнэ.

Баян орнууд хэзээний л Монгол мэт орнуудад тусламж үзүүлдэг, зөвлөхүүдээ илгээдэг. Тэгвэл энэ бүх хугацаанд тэд өөрсдөө Монгол Улсаас зөвлөгөө авах ёстой болчихоод байна.

Зүгээр л байдал ямар байгааг, самбар дээрх тоо баримт, Монгол Улс юуг, ямар хугацаанд хийчихэв гэдгийг харцгаая. Тэгээд энэ бүхэн зүгээр л аз гээд та хэлээд үз л дээ. Үнэн хэрэгтээ тийм биш шүү.  Тэд маш их хичээл зүтгэл гарган ажилласан, энэ нь ч бүгдэд харагдаж байна.

Харин одоо өнгөрсөн рүү, 2 дугаар сарын 23-нд эргээд очлоо гээд төсөөлөөд үзье. Хятад орон Хубэй мужаа дөнгөж хаагаад байлаа. Энэ үед та улс орныхоо удирдагч нарт юу гэж хэлэх байсан бол?

Та энэ бүхэн маш ноцтой, гарцаагүй тулгарна гэдгийг хэлэх байсан. Яг одоо улс орноос гарах, орохыг хязгаарла, яг одоо  нийгмийн хувьд хоорондоо зай барьцгаа, мөн яг одоо эм бэлдмэлээ бэлд, нөөцөл гэх байсан. Та тэдэнд яг одоо ажиллаач ээ гэх байсан.

Харин Монгол Улс яг үүнийг л хийсэн, тэдэнд цаг хугацааны машин гэж байгаагүй. Тэд зүгээр л Уханьд чухам юу болоод байгааг харж Хятад, ДЭМБ-тай үйл ажиллагаагаа зохицуулсан. Үүнд л тэдний бүх нууц байгаа юм.

2 дугаар сарын 22-ны өдөр

Зарим хүмүүс ДЭМБ-ыг нэг тийм улс орнуудад халддаг, мөрдлөг явуулдаг, бүгдэд юу хийхийг нь  заадаг цэрэгжсэн байгууллага мэт боддог.  Энэ байгууллага тэгж ажилладаг гэж үү? Үгүй, тэд зөвхөн туслахын тулд ирдэг. Та бүхэн ДЭМБ-ыг сонсох ёстой. Монгол Улс сонссон. Эрүүл мэндийн яам нь 2 дугаар сарын  22-нд ДЭМБ-тай хамтран энэ вирус бодит зүйл гэдгийг зарлах гэж хэвлэлийнхэнд зориулж хурал хийсэн.

Тэд вирус хүнээс хүнд халдсан (AKA, халдвартай AF) гэдгийг мэдэгдэж хүмүүсээ шалган бэлтгэлээ базааж эхэлсэн. Би Монгол Улсын коронавирустэй хийх тэмцэлд гаргасан амжилтын нууцыг хэлье:  Монгол Улс аль нэгдүгээр сараас эхлэн энэ бүх нөхцөл байдалд хариу арга хэмжээ авч ажилласан.

2 дугаар сарын 24-ний өдөр

Энэ үед улирлын чанартай ханиад томуунд монгол хүүхдүүд хүчтэй өртсөн бөгөөд Монгол Улс юуны түрүүнд хүүхдүүдээ хамгаалалтад авсан.

Би л лав булангийн цаанаас машин ирж буйг сонсвол гарч ирэхийг нь хүлээхгүй шууд л хүүхдүүдээ хамгаална. Монгол Улс хүүхдүүдээ хамгаалахын тулд сургуулиудыг 2 дугаар сарын 27-ноос эхлэн хаах тухай зарласан.

Бас нэг зүйлийг онцолж хэлмээр байна. Монголын засаг хаах, хязгаарлах арга хэмжээгээ бүгдийг нь урьдчилан зарлаж байсан. Энэтхэгтэй адил байгаагүй шүү. Бэлтгэл хангагдсан тул  улс орон нь ямар нэг эмх замбараагүй байдалд өртөхгүйгээр аажимдаа хаагдсан.

Аль нэгдүгээр сараас л иргэддээ гараа сайтар угаах, амны хаалт зүүх, бусад асуудлаар зөвлөж эхэлсэн. Гэтэл бидний олонх нь энэ тухай их л хожуу сонсож билээ.

Хэсэг хугацааны дараа Монголын Засгийн газар тусгай хуралдаанаараа дараах шийдвэрийг гаргасан:

- их дээд сургуулиудыг хаах;

- тээврийн хэрэгслийн хөдөлгөөн, нэвтрэлтийг хязгаарлах (төмөр зам, агаарын хөдөлгөөнөөс бусад);

- бүх олон нийтийн үйл ажиллагааг хориглох;

- эмчилгээний тоног төхөөрөмж худалдан авах, эрүүл мэндийн ажилтнуудад хөрөнгө гаргах.

Монгол Улсын эдийн засаг бараг бүхэлдээ экспортоос хамаардаг тул асар их хохирол амссан.

Монгол Улс өвгөд хөгшдөө "найр тавин” вирустэй тохироо хийгээгүй. Зүгээр л вируст "далд ор” гэж хэлээд бүх хүнээ аварсан. Тийм ээ, энэ орны эдийн засаг ихээхэн ачаалал авсан, гэхдээ ингэхээс өөр арга байгаагүй.

Монгол Улс энэ цар тахалт хямралын бүх үед маш хариуцлагатай ажиллаж ирсэн. Яг үүнийг л бусад нь хийх ёстой.

Халдвар авснаас хойш хоёр долоо хоногийн дараа илэрдэг өвчин тул  энэ бүхэн вирустэй тэмцэх цорын ганц арга юм. Доктор Сифэн Ву «Хэт үйлдэл нь үйлдэл огт хийхгүй байснаас дээр» гэж хэлсэн байна.

Монгол Улс халдварын дотоод тархалтыг гаргахгүй байж яаж чадсаныг та мэдэх үү? Тэд ийм нөхцөл байдалтай олон мянган удаа тулгарсан мэт ажилласан.

Монгол Улс 1 дүгээр сарын 27 – нд Уханиас 31 оюутнаа эх орондоо авчрах яриа хэлэлцээрийг эхлүүлсэн. Хоёр сарын 1-нд иргэдээ авчирч нисэх багийн хамт тусгай төвд тусгаарласан. Үүгээр монголчуудаа тасралтгүй татан авч, эхлээд 14 хоногоор, дараа нь 21 хоногоор үргэлжлүүлж тусгаарлах эхлэлийг тавьсан. Энэ нь гаднаас орж ирэх халдварыг хяналтдаа авах, улмаар дотоодын тархалтыг гаргахгүй байх боломжийг олгосон.

Дийлэнх улс орон гараа хумхин сууж байхад Монгол Улс энэ бүгдийг нэгдүгээр сард хийж байлаа.    Шоргоолж, дэвхрэг хоёрын үлгэр болон Жон Сноугийн домогт гардгаар тэд өвөл цаг ирнэ гэдгийг  санаж зохих бэлтгэлээ базаасан юм.

Нэгдүгээр сард та нарын улс орон чухам юу хийж байв? Тэр үед Монгол Улсын зүг харсан бол хэчнээн олон хүний амийг аврах байсан бол?

Хоёрдугаар сар

Хоёрдугаар сарын туршид Монгол Улс амны хаалт, оношлуур, хувийн хамгаалалтын хэрэгслээ  базааж эмнэлэг, хүнсний захуудаа шалган хотоо халдваргүйжүүлж болзошгүй хүндрэлд хүчлэн бэлтгэж байлаа. Азийн орны хувьд маш чухал баяр- Цагаан сараа ч тэмдэглэсэнгүй.

Бусад оронд халдвар тархах тохиолдлууд гарч эхлэхэд өмнөд говьдоо онц байдал зарласан. Нүүрсний экспортоо зогсоосноор эдийн засгийн хүндхэн цохилтод ч оров.

Тэд нөхцөл байдал өөрчлөгдөх бүрт зохих ёсоор ажилласныг та харж байна. Бусад орон энэ мэт  алхмуудыг хийсэн боловч хожимдсон. Хэтрүүлсэн үйлдлүүд мэт харагдавч Монгол Улс ямагт цаг  алдалгүй ажиллаж чадсаар ирсэн.

Хоёрдугаар сард Монгол Улс Өмнөд Солонгос, Японд хийх нислэгээ түр зогсоов. Тэр үед Хятадад тусламжаар 30 000 хонь илгээсэн. Харин яах гэж гэдгийг нь би сайн ойлгоогүй.

Жич: Монголчууд хүнд цаг үе тулгарсан нэгэндээ хониор туслах уламжлалтай

Ерөнхийлөгч Х. Баттулга нь Хятадад хийсэн айлчлалаас ирээд өөрөө 14 хоногийн хөл хорионд орсон.

Монголд COVID-19-ийн анхны батлагдсан тохиолдолд 3 дугаар сарын 10-нд бүртгэгдэв. 3 дугаар сарын 2-нд Москвагаас ирсэн Францын иргэн вирус тээгч болох нь тогтоогдсон. Харин Монгол Улс үүнд бэлэн байлаа. Тэд түүний офис, зорчиж явсан галт тэрэг, тэр бүү хэл бүхэл бүтэн аймагт хөл хорио тогтоож  галт тэрэг, автомашин, нийтийн тээврийн хөдөлгөөнийг зогсоосон. Монгол Улс хагас хаалттай орон болсон. Олон дэлгүүр хоршоог хаах, 9,2 сая шоо метр талбайд 6000 цэгийг халдваргүйжүүлэх арга хэмжээ авсан. Зарим газрыг давтан халдваргүйжүүлсэн.

Нэгэн тохиолдол. Халдварын ганцхан тохиолдол гарахад л энэ бүхнийг хийсэн. Дотоодын тархалт байхгүй байгаа нь ийм учиртай. Хүн амын нягтаршил үүнд ямар ч хамаагүй. Энэ давуу талаа галт тэргээр халдвартай нэг л хүн зорчиход алдах эрсдэлтэй.

Монгол Улс дэлхийд тэргүүллээ харууллаа. Зүгээр л нэг нас баралт "тэг”, дотоодын тархалт "тэг” биш шүү . Ерөөсөө л "тэг” үзүүлэлт. Тэдний газар нутагт юу ч тохиолдсонгүй. Бид бүгд Монгол Улсын зөвлөгөөг авах ёстой. Дээр нь хэдэн хонь авчихвал бүр болох нь тэр.

Б.ХАНДМАА

https://montsame.mn/

Д.Нямхүү: Нийт 266 хүнд шинжилгээ хийхэд COVID-19 илрээгүй

saikhnaa — Wed, 13 May 2020 12:10:39 +0800

ЭМЯ-аас ээлжит хэвлэлийн хурал хийлээ.

Монгол Улсад коронавируст "Ковид-19" халдвар болон сэжигтэй тохиолдол нэмж бүртгэгдээгүй байна. Нийт батлагдсан тохиолдол 42 бөгөөд үүнээс 15 нь эдгэрсэн бол, ХӨСҮТ-д өдгөө 27 хүн эмчилгээ хийлгэж байгаа аж.  Гадаад улсад "Ковид-19" халдвар авсан 30 гаруй Монгол иргэн бүртгэгдсэнээс 13 нь эдгэрсэн бол, үлдсэн нь гэрийн тусгаарлалтад эмчилгээ, шинжилгээнд хамрагдажээ.Мөн өнөөдөр ОХУ-ын цэргийн сургуулийн 346 оюутан тусгай үүргийн гурван онгоцоор эх орондоо ирэх бөгөөд ХӨСҮТ-д бүрэн шинжилгээнд хамруулахаар бэлтгэж байгааг хэвлэлийн хурлын үеэр дуулгалаа.

ХӨСҮТ-ийн захирал Д.Нямхүү: Сүүлийн 24 цагийн хугацаанд ХӨСҮТ-ийн хоёр лаборатори,ЗӨСҮТ-ийн Үндэсний лаборатори,Дархан-Уул аймгийн салбар лабораторид нийт 266 хүнд шинжилгээ хийхэд бүгд халдваргүй гарсан. ХӨСҮТ-т тусгаарлагдсан, ажиглах байранд тусгаарлагдсан 242 хүний давтан шинжилгээнд тус тус коронавирус илрээгүй. Мөн тандалтын зорилгоор авсан таван хүн, Алтанбулагийн боомтоор орж ирсэн ачаа, тээврийн 12 жолоочид коронавирус илрээгүй" гэлээ.

У.МАНДАХ

Зун хүүхдийг айргаар угаах, элсэнд тоглуулах нь дархлааг дэмжинэ

saikhnaa — Tue, 12 May 2020 11:29:20 +0800

Урин дулааны улирал ирж байгаатай холбогдуулан хүүхдийн дархлааг сайжруулах уламжлалт аргууд олон бий.

Ялангуяа зуны улиралд хүүхдийг айргаар угаах, элсэн дээр тоглуулах нь дархлааг нь сайжруулдаг гэдгийг эмч нар зөвлөж байна.

Дархлаагаа сайжруулахын тулд бид өдөр тутамдаа хэрэглэдэг зарим зүйлсдээ бага зэргийн өөрчлөлт оруулахад л хангалттай гэнэ. Тиймээс маргааш гэж хойш суулгүй яг одооноос өөрийнхөө эрүүл мэндийн төлөө анхаарах хэрэгтэй.

Дархлаагаа сайжруулахын тулд биеийн тамир, спортоор хичээллэх, өөрийгөө тайван байлгаж, стрессээс ангижрах хэрэгтэй. Нөгөө талаар байгалийн гаралтай эм бэлдмэл, витамин C, D, E, B-ийн төрлийн амин дэмээр баялаг хүнс хэрэглэхийг эмч нар зөвлөж байна.

Мөн архи тамхины хэрэглээг хязгаарлаж, сайн чанарын өөх тос хэрэглэснээр хүний дархлаа тодорхой хэмжээнд сайжирдаг аж.

Харин бага насны хүүхдийн хувьд өглөө 10:00-11:00 цагийн хооронд агаар салхинд гаргаж, зуны улиралд хүүхдийг айргаар угаах, шөлөнд оруулах, элсэн дээр тоглуулах зэргээр дархлаагийн сайжруулах боломжтой юм байна.

Дархлаа бол гадаад биетүүдээс бие махбодийг хамгаалах үйл ажиллагаа юм. Энэ нь хүн бүрт байдаг. Хэрвээ бид дархлааны системийн хэвийн ажиллах горимыг алдагдуулах, ямар нэгэн байдлаар нөхөн сэлбэх арга хэмжээ авахгүй бол бидний бие өвчилж, энэ нь даамжирсаар хавдрын эсийг төлжүүлэх сөрөг үр дагавартай байдаг.

Бидний өдөр тутмын амьдралын хэвшил, идэж, хэрэглэж байгаа эд зүйл дархлааны системийг өвчлүүлэх гол хүчин зүйл болсоор байна. Хүний дархлаа нойр дутуу байх, сахрын хэт их хэрэглээ, шингэн дутагдах, эмийн зохисгүй хэрэглээнээс болж дутагддаг.

Үүнээс гадна Д амин дэмийн дутагдалд орох, стресстэх, архи тамхи хэрэглэх, өөх тосны дутагдалд орох, шим тэжээлгүй хоол хүнс ихээр хэрэглэснээр хүний дархлаа мууддаг байна.

Уушги өвчилснийг хэрхэн мэдэх вэ?

zulaa — Tue, 05 May 2020 12:52:27 +0800

Өдрөөс өдөрт нэмэгдэх агаарын бохирдол, утаа униар зэргээс үүдэж өнөөдөр эрүүл уушгитай хүнийг Улаанбаатар хотоос олоход бэрх болжээ.

“ОХУ-аас ирсэн оюутнуудад 3-4 удаа давтан шинжилгээ хийхэд коронавирусийн халдвар илрээгүй“

saikhnaa — Thu, 30 Apr 2020 12:12:34 +0800

Эрүүл мэндийн яамнаас COVID-19 халдварын цаг үеийн асуудлаар мэдээлэл хийж байна. Шинэ тохиолдол бүртгэгдээгүй, 284 хүн тусгаарлалтаас гарчээ. Манай улсын хувьд халдварын батлагдсан тохиолдол 38-д хүрснээс 10 хүн эдгэрсэн эмнэлгээс гарсан бол ХӨСҮТ-д 28 хүн хэвтэн эмчлүүлж байгаа юм.

ХӨСҮТ-ийн ерөнхий захирал Д.Нямхүү:  "Өчигдөр ХӨСҮТ болон Монгол Улсын хэмжээнд коронавирусийн халдварын сэжигтэй тохиолдол бүртгэгдээгүй байна. Дархан-Уул, ХӨСҮТ-ийн лабораторт нийт 163 хүний сорьцонд шинжилгээ хийлээ. Бүгдэнд нь коронавирус илрээгүй. ХӨСҮТ-д 150 хүн авахад бэлэн болгож ор бэлдлээ.

Одоо бид чартер нислэгээр ирэх иргэддээ онцгой анхаарч ажиллах гэж байна. Оросоос ирсэн оюутнууд үндсэндээ 20-иод хоночихлоо. Давтан шинжилгээ хийж коронавирустэйг нь илрүүлсэн. Зарим нэгэнд нь 2, заримд нь 4 ч удаа шинжилгээ хийлээ. Дахин коронавирус илрээгүй учир Оросоор ирсэн оюутнууд эрсдэл дагуулахгүй гайгүй өнгөрнө гэж бид тооцож байна.” гэлээ.

У.МАНДАХ

"Жарантай гуайн өвчний түүх"- Тахлын үеийн улс төрийн тэмдэглэл-1

saikhnaa — Mon, 27 Apr 2020 11:17:02 +0800

Жарантай 2020 оны зургаадугаар сарын 25-ны үүрээр дугхийгээд хар даран сэрэв.

Чихрийн шижингийн хамгийн хожуу үеийн рентген зураг зүүдэлжээ. Ямар муухай ёр вэ? Ер нь өнөөдрөөс хойш юу ярих вэ? 30 жилийн дуусаагүй яриа, биелээгүй мөрөөдлөө үргэлжлүүлэх үү? Үзэл санаа, дүрэм журам, мэдээж өнөөх эв нэгдэл… Жарантай гэж хэн бэ? Эрэгтэй, 60 орчим настай.

1958-1960 онд 40, 50 мянгатад төрсөн, намхавтар нуруутай, холын харааны шил -3, ойрын хараа +3, жингийн илүүдэлтэй, сошиол хаягтай бөгөөд туслах нь хөтөлж, зургийг нь апп-аар янзлаад, sponsored горимтойгоор шэйрлэнэ. Хурган хулиган явсанаа том атаман байсан гэж хольдог бөгөөд өөрөө түүндээ итгэдэг болсон. "Хонхны дуу”-ны дахилтыг гайгүй аялна, утасны дугаар мэдээж 9911…. Гадаадад эмчлүүлдэг.

Монголын бодит амьдралтай интернэт, зурагтаар танилцдаг. 90 оны өвлийг тачигнасан жаврынхаа хэмжээгээр хамгийн их байсан гэж боддог. Өмч хувьчлалаас өөрийн хувьчлалыг хийж амжсан. Түүнийгээ би гадаад паспорт олгосон, би мал, орон сууц хувьчилсан, би чамд эрх чөлөөг өгсөн гэх маягаар илэрхийлнэ. Бондоос боломжийн ашиг хийсэн. С.Зориг агсны хэлсэн үгнээс нэг хоёрыг овоо цээжилсэн. 1980-аад оны төгсгөлд баруунд хэвлэгдэн Монголд хожим орчуулагдсан зарим номны нэрийг дажгүй мэднэ.

Америкт 2000-2004 оны хооронд кредит цаг тооцдоггүй курс дамжаа дүүргэсэн байх магадлалтай… Улстөрийн алтан цаг нь үдшийн 23.50-ийг заана. Намтөрд 30-настайдаа орж намаас төрд, төрөөс намд 30 жил явж байна. 60АН тэрбумын оношилгооны хариу +эерэг Дэнчин: Хятад гарвалтай үг. Юм амалсан, зээлсний баталгаа болгож, барьцаанд тавьсан мөнгө, эд юм.

Дэнчин тавих, барьцаанд тавих Монгол хэлний тайлбар толиос 60 тэрбумын сүнс амилан, АН-д 60АН гэх нэртэйгээр мутацид орж биежсэнийг үе үеийн төлөөлөл нь зарлан мэдээлж байна. АН-ын ҮБХ-ны гишүүн Б.Мөнх-Эрдэнэ гэдэг залуу 100 саяын төлбөрийн баримтаа дэлгэн харуулж, 2 дахь шатанд 300 саяыг нэмж нэхэмжилсэн тухай зарлаж эхний шүглийг үлээлээ. Дэнчинг эсэргүүцсэн бусад залуучуудын дуу дуугаа авалцсан эсэргүүцлийг АН-ын дарга Н.Алтанхуяг залган авсан. АН-ыг нэг биш ялалтанд хүргэсэн экс дарга намаасаа хөөгдсөн, хасагдсаны аль нэг нь болсон бөгөөд сонгуульд бие даах болсоноо зарлав.

АН-ын дэд дарга Б.Дэлгэрмаа бие даагчийн хөтөлбөрөө аудитад хянуулахаар хүргүүлсэн нь илэрсэнээр АН-д L хүрээний хүнд хэлбэрийн 60АН-ы голомт болсныг нотлов.

АН-ын ҮБХ-ны гишүүд, дэд дарга нь хүртэл бие даахаар гарч байхад МАХН-аас О.Баасанхүү зөрөөд орлоо. С.Эрдэнэд "Дарвалзсан дурак чинь Шархаданд үзүүл” гэж хэлүүлж байсан хүн эмнэлгээ олжээ. Уг нь хэнийг ч хүчээр намд элсүүлэхийг хориглодог хууль номтой билээ. АН-ын шинэ генсек Ц.Баатархүү намаа шилэн данстай гэж цоллоод, хэдэн хүн хэчнээн мөнгө тушаасан нь бол нууц гэв. Өөрөө яаж 100 саяыг олсоноо дараа ярихаар болсон ч дахиж ярьсангүй. АН-ын нарийн бичгийн дарга О.Магнай найзуудтайгаа хоол идэх хооронд л 100 саяыг олсоноо тайлагнаж, олныг баясгав. АН-ын дэд дарга Х.Тэмүүжин өөрөө 100 саяыг олоод тушаачихсан байж мэдэх боловч ардчилал үнэ төлбөртэй юм биш гэж ерөнхий маягаар эсэргүүцэхээс өөр аргагүй байдалд оржээ.

С.Эрдэнэ дарга 100 найзаасаа 1 сая төгрөг цуглуулж чадахгүй юм бол улс төрд ороод хэрэггүй гэж муйхарлан зүтгэлээ.

М.Энхболд алд цэнхэр хадаг юугаан дэлгэн барьж С.Эрдэнийн АН-ын даргын суудлыг мялаан ерөөж байсан агшин олон нийтийн ой санамжинд эргэн сэргэв. М.Энхболдын 60 тэрбумын санаархлыг С.Эрдэнэ 60АН тэрбумын бизнес болгон хэрэгжүүлэв үү?

60 тэрбумын төлөвлөгөөг хэлэлцсэн Ц.Сандуй, А.Ганбаатар нар шүүхээс ял авч, М.Энхболд УИХ-ын болон МАН-ын даргаас огцорсон.

Тэгвэл 60 тэрбумын төлөвлөгөөг албан ёсны мөнгөний бүтэц 60АН болгосныг яах вэ? гэдэг асуулт өөрөө урган гарч ирэв.

2016 оны сонгуулийн өмнөх зэвүүн яриа 2020 оны сонгуулиар бүхэл тогтоц систем болжээ.

АН-ын ҮБХ-ны гишүүн Б.Мөнх-Эрдэнийн батлан хэлснээр дэнчин тушаагаад УИХ-д сонгогдохгүй үлдвэл нам ялсан тохиолдолд улс төрийн дэмжлэг үзүүлнэ гэсэн бонус байгаа тухай мэдээлэл онцгой анхаарал татаж байна.

60АН тэрбум бол төрийн албан тушаалыг үнэ тарифтай, дэнчин барьцаатай хар зах,ченж арилжаа болгож буй нь илчлэгдсэн. 60АН тэрбумын өвчнийг эмчлэх зайлшгүй шалтгаан 60АН тэрбум хэвтрийн дэглэм, тусгаарлалтын горим сахиулан, заавал эмчлүүлэх шаардлагатай улс төр-нийгмийн онц аюултай халдварт өвчин юм. Төрийн эрхийг хууль бусаар авахыг завдсан, хүнийг хөрөнгө чинээгээр ялгаварласан, хандив, татвар гэж нэрлэсэн байлаа ч Үндсэн хууль, Улс төрийн нам, сонгуулийн хуулиудыг ноцтой зөрчсөн. Хандив гэвэл 5 дугаар сарын 16-нд нэр дэвшигчид үнэмлэхээ гардан авч, дансаа нээхээр эхлэх ёстой хугацаанаас хагас жилийн өмнөх мөнгө.

2019 оны 11-р дүгээр сард АН-ын удирдах байгууллага ҮБХ-ны 400 шахам хүн хаалттай хуралдаад гаргасан албан ёсны шийдвэр. Шилэн данстай гэдэг намаас 60АН тэрбумын шийдвэрээ нуусаар байна. Иргэн 5 сая, компани 20 сая хүртэлх хандив өгч болох хуульд заасан хэмжээг 5-20 дахин нугалаад хэтрүүлчихсэн дүн. Хандив бол сайн дурын хэрэг. Горилогч бүр 100 саяыг тушаа гэдэг нь үнэ тариф, заавал төлөх ёстой шаардлага учраас хандив биш. Сонгуульд өөр олон төрлөөр хандив өргөх боломжийг хаасан учраас сайн дурын үйлдэлд тооцогдохгүй. 2 дахь шатны нууц гэрээний 300-400 сая төгрөгийн нийт дүн 30 тэрбумд хүрнэ. Зөвхөн 2 дахь шатны төлбөр 60 тэрбумын тал нь болно. 180 хүн тушаасан уу, 100 горилогч хураалгасан уу? гэдэг нь сонин биш. Ганц Б.Мөнх-Эрдэнийн мөнгө төлсөн гурван удаагийн шилжүүлгийн баримт сонгуулиас хасагдах хүртэлх хангалттай баримт.

АН-ын гишүүд АТГ, ҮХЦ, СЕХ-нд өргөдөл гомдол гаргасан. Өөрөөр хэлбэл, 60АН тэрбумын мутацид орж амилан биежсэн схемийг хэрэгжүүлсэн нам сонгуульд орж чадах эсэх тухайд хэрэг явдал өрнөж байна. Олон түмэн 60 тэрбумыг дэмжихгүй. МАН дотор сүйрч, үхлийн цохилт амссан 60 тэрбумынхан АН-д зүсээ хувиргаад, төр худалдвал Монгол ялахгүйг хэн ч ойлгоно. 100 сая ямар хэмжээтэй мөнгө вэ? О.Магнайн сайрхсанаар хоол идэх зуур олчихдог мөнгө үү? Жирийн монгол хүнд маш их мөнгө. Сая төгрөгийн цалинтай хүн 5 жил идэж уухгүй, өмсөж зүүхгүй байж хураах хөрөнгө. Хоёр өрөө шинэ сууцны үнэ. УИХ-ын гишүүний 4 жил авах цалин 70 сая төгрөг. 2 дахь шатанд нэхсэн гэх 400 саяыг нэмбэл 70 саяын цалин авах гэж хагас тэрбумыг урьдчилгаа төлбөрт төлсөн байж таарах уу? Төсвийн мөнгөөр цөм хийх дэнчин учраас ийм өндөр үнэтэй. АН-ын зарим хүний амнаас хандив ч биш, дэнчин ч биш татвар гэдэг үг гарч эхэлсэн нь аргаа барсаны илрэл юм. Татвар гэж тайлбарлалаа ч сонгуульд зориулсан учраас сонгуулийн хуулиа зөрчсөн баримт болж байна. Энэ сонгуулиар нэр дэвшигчид Хөрөнгө орлогын мэдүүлгээ өгөх хуультай болсон. АН-ын нэр дэвшигчид 100 найз олоод "Чи надад саяыг өгсөн шүү, за юу гэх маягийн” Шиндлерийн бүртгэл бэлтгэх байх. Гэтэл ганцхан Б.Мөнх-Эрдэнийн гар дахь шилжүүлгийн баримтаас 30, 40, 30 саяар нь гурав хуваагаад төлсөн нь илэрсэн.

Дээр нь нэг ч өдөр бизнес эрхэлж үзээгүй зөндөө хүн 100 саяыг, нэмээд 400 саяын дэнчин барьцаа төлсөнийг хэрхэн зөвтгөх нь хэл эвлэхээргүй, хэцүү даалгавар. АН-ын банкин дахь дансны хуулга байхад л тэдний хувьд сонгууль будаа болж мэдэхээр байна. Ардчилсан төрөө сонгох, сонгогдох эрхийг хайгуул, ашиглалтын лиценз болгон үнэлэн худалдсан нь наанадаж мордохын хазгай болголоо. Улс төр нөхөн сэргээлтгүй хариуцлагагүй уул уурхайн голланд өвчин тусчээ. МАН-ын дарга У.Хүрэлсүх сонгуулийн хуулийн дагуу хандиваа авч, цугларсан хэмжээнд нь тохируулаад сурталчилгаагаа хийнэ гэж хариулсан. 60АН тэрбумдаа идэгдсэн АН-тай харьцуулаарай гэсэн улс төрчийн хэлэх л үг, улс төрийн хийх л нүүдэл. МАН дахь 60 тэрбумынханыг унагаж, МАНАН-гийн утааг арилгаж буй улс төрчийн хувьд нэр хүндээр тасархай тэргүүлж байгаа. Харин С.Эрдэнэд нэр төр гэхээр юм үлдээгүйг бүх судалгааны дүнгээс уншиж болно. 60АН-тэрбумын генийн бүтэц "Ардчиллын өргөө” гэдэг байшин өөрийн үйлчилгээний цэстэй. Зочид буудал, баар, караокены меню цэсний архи дарс, массаж, саунаас өөр нэртэй болохоос үндэс зарчим нь яг адилхан. Үндэсний бодлогын хорооны гишүүний сонгуульд ороход 6 сая, жил бүр 3 сая, намын даргын сонгуулийн дэнчин 240 сая гэх мэт. Сум дүүргийн, аймаг, нийслэлийн намын хорооны гишүүний, намын дэргэдэх байгууллагын татвар хураамж гээд бүх шатанд хэрж татсан мөнгөний сүлжээ. Хувь заяаны шоглоомоор уу, угаасаа нэг л угшил гарвалтай тооцоо юу? Энэ бүхний үнэ төлбөрийн нийт дүн 60 орчим тэрбум болж байна.

60АН тэрбум сонгуулийн дэнчингээр илэрсэн болохоос биш бүхнийг зарах, бүгдийг үнэлэх бүтэн тогтолцоо юм.

"Төлбөртэй нэр дэвшигчид” Та дэнчингийн мөнгөө төлсөн үү? гэдэг асуултанд АН-аас горилогчид бүгд барьц алдаж, ээрч муурч байна. Харц, үг хэлнээсээ эхлээд буруу юм, муу зүйл гэдгийг өөрсдөө баталж, гэмшсэн дүр төрх ч анзаарагдаж байгаа. 100+400 саяыг яаж тайлбарлах дээр толгойгоо эргүүттэл гашилгах нь зайлшгүй. 60АН тэрбумыг тайлбарлах гэж орооцолдсоор байтал сонгууль дуусна. 60АН тэрбум АН-аас сонгуульд өрсөлдөгчдөд бүгдэд нь "Төлбөртэй нэр дэвшив” гэдэг хаяг шошго, тэмдэг пайз хадаж зүүж өглөө.

Шившгийн хөндийн таних тэмдэг.

"Төлбөртэй” нэр дэвшигч шударга ёсны талаар хашгирахад сонгогч итгэхгүйд гол хор урхаг нь байна. Өнгө мөнгөний сонгуулийн амьд дүрүүд үнэний төлөө тэмцэгчийн маск зүүсэн ч нуугдаж чадахгүйд гай нь оршино. Ямар ч мөнгөтэй хүнд ихдэх хэмжээний хагас тэрбумд хүрэх дэнчин, барьцаа төлөхдөө АН-аас горилогсод дуртай таатай байгаагүй нь мэдээж. Хувийн мал сүргийг нь улс нийгэмд шахамдуулан хураан авч байснаас ялгаагүй. Өгөх хүн гутарч, авах хүн гялтайх нь жам. Өндөр татвар, их дэнчинд дургүй байдаг нь хүний жам ёсны зан араншин. УИХ-ын сонгуулийн дүнгээс үл хамаарч дэнчин авагч тал баталгаатай хожно. Дэнчин төлөгч талд сэтгэл ханамжийн баталгаа байхгүй, таалагдаггүй улс төрчдийн охь манлай даргатай нам ялаад, улс төрийн дэмжлэг үзүүлнэ гэдэг Марс гараг шиг хол санагдана. Өнгө мөнгөн дээр шударга ёс тогтох уу? "Үнэн худалдагдахаараа үхдэг” гэдэг. Үргэлжлэл бий.

Иргэн Г.Дугар

Халдварт өвчний гаралт 46.7 хувиар буурчээ

nomun — Tue, 14 Apr 2020 16:08:52 +0800

Архангай /МОНЦАМЭ/.Халдварт өвчний гаралт өнгөрсөн оны мөн үеэс 46.7 хувиар буюу 63 тохиолдлоор бага байна. Аймгийн дүнгээр энэ оны 1-р улиралд арван мянган хүн тутмын 8 нь буюу 72 хүн халдварт өвчнөөр өвчилжээ.

Тухайлбал, Өлзийт суманд 30, Цахиртад 17, Эрдэнэбулганд 13, Ихтамир суманд 9 өвчлөл тус тус бүртгэгдсэн нь аймгийн дунджаас дээгүүр байгаа юм. Аймгийн дундаж нь оны эхний улиралд өссөн дүнгээр найм байгаа юм. Бусад суманд аймгийн дунджаас доогуур байгаа ба гурван суманд халдварт өвчин бүртгэгдээгүй байна.

Халдварт өвчнөөр өвчлөгсдийн 22.3 хувь нь цусан суулга, 41.7 хувь нь бэлгийн замын халдварт өвчнөөр,15.3 хувь нь сүрьеэгээр, 20.7 хувь нь бусад халдварт өвчнөөр өвчилсөн байна.

ЗӨВЛӨГӨӨ: Амны хаалтыг хэрхэн зөв хэрэглэх вэ?

saikhnaa — Tue, 14 Apr 2020 12:33:48 +0800

Агаар дуслын замаар дамжих халдварт өвчнөөс сэргийлэх аргын нэг нь амны хаалт зүүх.

Харин буруу хэрэглэснээс болж эрсдэлийг улам нэмэгдүүлдэг гэдгийг НЭМҮТ-ийн эрдэм шинжилгээний ажилтан О.Оюун-Эрдэнэ онцолж, амны хаалтыг хэрхэн зөв хэрэглэх тухай зөвлөгөөг хүргэж байна.

Амны хаалт зүүхээс өмнө гараа угааж, зүүснийхээ дараа хамар, амыг бүрэн хааж, завсар гарсан эсэхийг шалгаж үзэх.

Нэг удаагийн амны хаалтыг тогтмол хоёр цаг хэрэглэх ёстой. Хэрэв дунд нь хоол идсэн, утсаар ярьсан эсвэл амны хаалт тань норсон бол шууд хаях ёстойг анхаарна уу. Хаяхдаа гадаргуунд гараа хүргэж болохгүй. Харин даавуун амны хаалт хэрэглэж буй бол хоёр цаг тутамд заавал солих хэрэгтэй.

ХӨСҮТ: "COVID-19" шинээр 13 тохиолдол бүртгэгдэж, нийт 30 боллоо

saikhnaa — Tue, 14 Apr 2020 11:35:25 +0800

Шинэ төрлийн коронавирус өвчний халдварын нөхцөл байдал, түүнээс сэргийлэх арга хэмжээний талаар Эрүүл мэндийн яам өнөөдрийн /2020.04.14/ ээлжит мэдээллээ хийлээ. Халдварт өвчин судлалын үндэсний төвөөс энэ үеэр ойрын үед тусгаарлагдсан сэжигтэй тохиолдлуудын шинжилгээний хариуг зарлалаа.

ХӨСҮТ-ийн захирал Д.Нямхүү: 2020 оны дөрөвдүгээр сарын 13-нд үдээс хойш нэг өвчтөн эдгэрээд ХӨСҮТ-ээс гарлаа. Харин өчигдөр авсан шинжилгээгээр нийт 13 шинэ тохиолдол илэрлээ. Дээрх 13 тохиолдлын нэг нь Дарханд, бусад нь Улаанбаатарт тусгаарлалтад байна” гэлээ.

Өмнө нь бүртгэгдсэн COVID-19-ийн 17 тохиолдол:

Гуравдугаар сарын 10-нд Монгол Улсад ирсэн Францын иргэний шинжилгээнээс коронавирус илэрч манай улсад анхны тохиолдол болж бүртгэгдэв.

Гуравдугаар сарын 16-нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн гурван иргэнээс COVID-19 илэрсэн нь лабораторийн шинжилгээгээр батлагдав.

Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирсэн дахин нэг иргэнээс коронавирусийн халдвар илрэв.

Берлин-Москва-Улаанбаатарын чиглэлийн онгоцоор ирсэн иргэнээс түргэвчилсэн оношлуураар шинжилгээ хийхэд халдвар илэрснийг гуравдугаар сарын 18-нд ХӨСҮТ-ээс мэдээлэв.

Гуравдугаар сарын 16-нд Берлин-Москва-Улаанбаатарын онгоцоор ирсэн дөрвөн иргэнээс коронавирус илэрлээ. Ингээд Монгол Улс коронавирусийн 10 батлагдсан тохиолдолтой болсныг 2020 оны гуравдугаар сарын 21-нд мэдээлж байв.

Истанбул-Улаанбаатарын тусгай нислэгээр ирсэн нэг монгол иргэнээс коронавирусийн халдвартай тохиолдол илэрч 11 дэх тохиолдол болсныг 2020 оны гуравдугаар сарын 26-нд ХӨСҮТ-өөс мэдээлсэн.

2020.03.28: Истанбул-Улаанбаатарын онгоцоор ирсэн нэг иргэний давтан шинжилгээнээс коронавирус илэрч 12 дахь тохиолдол бүртгэгдэв.

2020.04.01: Тусгаарлагдан хянагдаж байсан Туркийн хоёр иргэнээс коронавирус илэрлээ.

2020.04.06: ХӨСҮТ-д тусгаарлагдан, хянагдаж байсан Туркийн нэг иргэний шинжилгээнээс коронавирус илэрлээ. Ингэснээр Монгол Улсад 15 дахь тохиолдол бүртгэгдлээ.

2020.04.08: Хойд хилээр 2020 оны гуравдугаар сарын 26-27-нд шилжих шөнө орж ирсэн иргэний давтан шинжилгээнээс коронавирус илэрлээ.

2020.04.13: 2020 оны дөрөвдүгээр сарын 12-нд ХӨСҮТ-д тусгаарлагдсан сэжигтэй 20 тохиолдлын нэгэнд нь коронавирус илэрлээ. Алтанбулагийн боомтоор ОХУ-аас ирсэн иргэдээс сэжигтэй 20 тохиолдлыг ХӨСҮТ-д тусгаарлаад байсан юм.

Д.Сарангэрэл: Маск зүүгээгүй хүнд "хүү минь, найз минь ч маскаа зүүгээч" гэж хэлье, шаардъя

nomun — Thu, 09 Apr 2020 09:24:06 +0800

Шинэ төрлийн коронавирусийн тархалт дэлхий нийтэд өдөр ирэх тусам нэмэгдсээр байна. Манай улсад ч гэсэн тохиолдлын тоо 15 хүрч, нэмэгдсэн. Энэ бол аюул ойрхон байгааг сануулж байгаа сануулга. Харин иргэд урин дулаан цаг ирж байгаатай холбоотойгоор анхаарал болгоомжоо сулруулж байгаа нь анзаарагдаж эхэлсэн. Тэгвэл Эрүүл мэндийн сайд Д.Сарангэрэл өөрийн цахим хуудсаар дамжуулж, иргэддээ сэрэмжлүүлэг хүргүүллээ.

Тэрбээр "Бид илүү хянуур, нямбай байхгүй бол шинэ төрлийн коронавирусийн бодит аюул бидэнд байна. Цаг агаар дулаарч, гадуур хөл хөдөлгөөн ихтэй байна. Иргэд гадуур амны хаалтгүй их явж байгаа харагдаж байна. ХӨСҮТ-ийн лабораторийн эрхлэгч Б. Дармаа доктороосоо би Франц иргэнээс монгол иргэд яагаад халдвар авсангүй вэ гэхэд тэрээр "Сайдаа гуравдугаар сарын 2-нд монголчууд бүгдээрээ маскаа зүүдэг болсон байсан. Тэрний үр дүн гарлаа" гэж хэлсэн. Тиймээс би ард иргэддээ маскнаасаа битгий салаач, гараа тогтмол угааж, олон хүнтэй газраар битгий яваач, монголчууд бид дахиад дөрөв, тавдугаар сард тэсэх хэрэгтэй байна. Эс бөгөөс том аюул болно.

Бидэнд өнөөдрийг хүртэл эрсдэл байгаа учраас маск зүүх чиглэлд бүгдээрээ бие биедээ шаардлага тавъя. Гадуур, дотуур залуучууд маскгүй яваад байна. Маск зүүгээгүй хүнд "хүү минь, найз минь ч маскаа зүүгээч" гэж хэлье, шаардъя. Чи өөрийгөө болон намайг, хайртай хүмүүсээ эрсдэлд оруулаад байна гэдгийг хэлье. Өнөөдөр маск ямар чухал вэ гэдгийг дэлхий нийтээрээ ойлгож байна. Тайшраад байгаа үр хүүхэд, найз нөхөддөө дор бүрнээ шаардлага тавьж, өөрсдийгөө болон хайртай хүмүүсээ шинэ төрлийн коронавирусийн халдвараас хамгаалъя гэдгийг дахин хэлмээр байна" хэмээжээ.

Монгол Улсад бүртгэгдсэн Коронавируст халдварын эмнэлзүйн шинж тэмдэг

zulaa — Wed, 08 Apr 2020 10:29:20 +0800

Манай улсад 2020 оны 3-р сарын 10-наас 4-р сарын 6-ны хооронд лабораторийн шинжилгээгээр батлагдсан 15

Ямар хүн өөрийгөө гэртээ хэрхэн тусгаарлах вэ?

saikhnaa — Thu, 02 Apr 2020 12:02:47 +0800

Халдвар гарсан улс оронд зорчоод ирсэн бол 14 хоног өөрийгөө тусгаарлан ажиглана. Халдварын сэжигтэй хүний шинжилгээний хариу гарах хүртэл гэр бүлийн гишүүд мөн өөрсдийгөө тусгаарлана.

Үүнд:

• Гэрээсээ гарахгүй байх

• Гэртээ зочин урихгүй байх

• Аль болох тус тусдаа байх

• Амны хаалт зүүх

• Гараа сайтар савандаж угаах

• Хүн бүр тусдаа аяга, таваг, нүүр гарын алчуур хэрэглэх

• Гэр орноо агааржуулах, чийгтэй цэвэрлэгээ хийх

• Шим тэжээлтэй хоол, хүнс хэрэглэх

• Сайн унтаж амрах

• Тайван стрессгүй байх

• Өдөрт 2 удаа биеийн халуунаа хэмжих

• Дасгал хөдөлгөөн хийх

• Бие тавгүйрхсэн тохиолдолд ХӨСҮТ-100, 8008-6829, ЗӨСҮТ-7028-4393, 103, СЭМҮТ-1800-2000, ЭМЯ-11-323002 утсаар зөвлөгөө авах

Эх сурвалж: Эрүүл мэндийн яам

Монгол уламжлалт анагаах ухаан ид шидээ гайхууллаа

saikhnaa — Wed, 25 Mar 2020 14:31:38 +0800

COVID-19-өөр халдварлагсдыг монгол эмээр эмчлэхэд нь өвчний шинж тэмдэг маш түргэн арилсны зэрэгцээ дархлааг дэмжихэд онцгой ач тустай байсан эмчилгээний явцад батлагдсан хэмээн Өвөр Монголын олон улсын монгол эмнэлгийн орлогч дарга Чень Сарнай хэллээ. Тэрбээр ӨМӨЗО-ны COVID-19-ийн халдвараас сэргийлэх, хянах, удирдах комиссын монгол, хятад анагаах ухаанаар эмчлэх мэргэжилтнүүдийн багийн орлогч дарга юм. Тус комиссоос хийлгэсэн хэвлэлийн бага хурал дээр дээрх мэдэгдлийг хийсэн байна.

ӨМӨЗО-ны Тунляо хотод бүртгэгдсэн долоон тохиолдол болон Бугат хотод бүртгэгдсэн хоёр тохиолдолд монгол, европ эм уялдуулан хэрэглэснээр богино хугацаанд илаарьшсан байна. Мөн COVID-19-гийн халдвар авсан байх магадлалтай найман тохиолдол нь ч монгол анагаахын эмчилгээгээр бүрэн эдгэрч эрүүлжжээ. Монгол эмийг хэрэглэснээр гормоны төрлийн эм бэлдмэл болон нян дарагчийн сөрөг нөлөөнөөс зайлсхийж чаджээ.

Халдварын үед ХКН-ын ӨМӨЗО-ны бүх шатны хороо, засаг захиргаа болон тахлаас сэргийлэх ажлыг удирдан зохион байгуулах комиссоос монгол уламжлалт анагаах ухааныг машид хүндэтгэн үзэж, ӨМӨЗО-ны эрүүлийг хамгаалах зөвлөлөөс COVID-19-ийн халдварыг монгол уламжлалт эмчилгээгээр анагаах, урьдчилан сэргийлэх талаар төсөл хөтөлбөр хэрэгжүүлэн ажилласнаас ӨМӨЗО-д бүртгэгдсэн өвчний тохиолдлууд бүгд эдгэсэн юм.

ӨМҮИС-ийн харъяа эмнэлэг нэгдүгээр сарын 25-ны өдөр ӨМӨЗО-ны Тунляо хотод анхны халдварын тохиолыг дээрх зөвлөлөөс гаргасан хөтөлбөрийн дагуу монгол эмээр эмчилсэнд хоёр цагийн дотор өвчтөний биеийн халуун алгуур буурч, амьсгалын бэрхшээл, тамирдах зэрэг шинж тэмдэг арилж, зовиур нь багассан байна.

COVID-19-ийн халдвараас сэргийлэх ажлын удирдах комиссын монгол хятад анагаах ухааны мэргэжилтнүүдийн багийн орлогч дарга, ӨМӨЗО-ны хятад эмнэлгийн хорооны орлогч дарга Сүхээ хэлэхдээ, Өвөр Монголын хэмжээнд COVID-19-гийн халдвар авсан 74 өвчтөнд монгол европ, хятад европ эмчилгээг уялдуулснаар монгол хятад уламжлалт анагаах ухааны COVID-19-гийн эсрэг эмчилгээний чадамж нь 98.7%-д хүрсэн гэжээ.

Найруулагч：С.Бүрэнбаяр | Эх сурвалж：Талын дуу хоолой
http://mn.cctv.com/

Кофег тогтмол ууснаар дараах таван өвчнийг огт тусахгүй

saikhnaa — Wed, 25 Mar 2020 13:58:08 +0800

Өдөр бүр дэлхий дээр дор хаяж 1 тэрбум аяга кофег хүмүүс уудаг. Нэг хүн жилд дунджаар 4 кг кофе хэрэглэдэг гэсэн тооцоо ч бий. Кофег хүмүүсийн өргөн хэрэглээний бүтээгдэхүүн биш гэж хэлэх аргагүй, энэ цаг мөчид кофегүйгээр амьдралыг төсөөлөхөд бэрх хүмүүс ч бий.Тренд бүтээгдэхүүн гэдэг ойлголтыг түр хойш тавьж, Америкийн их сургуулийн эрдэмтдийн хийсэн нэгэн сонирхолтой судалгааны үр дүнг танилцуулъя. 100,000 гаруй хүнийг хамруулсан судалгааны явцад, эрдэмтэд кофе уух нь хүний бие организмд эерэг нөлөө үзүүлдэг буюу олон төрлийн өвчнөөс урьдчилан сэргийлэх хамгаалалт болж, дархлааг сайжруулдаг болохыг олж тогтоожээ. Өөрөөр хэлбэл кафейны нөлөө олон ач тустай гэж хэлж болно.Хоёрдугаар төрлийн чихрийн шижинТогтмол кофе хэрэглэх нь тестостерон болон эстрадиол гормонуудыг бэхжүүлэх үүрэгтэй уургийг их хэмжээгээр ялгаруулах үйл явцыг сэргээдэг байна. Эдгээр гормонууд чихрийн шижин өвчинд голлох үүрэг гүйцэтгэдэг. Чихрийн шижин өвчний тархалтыг 50% буруулахын тулд хүн дор хаяж 4 аяга кофе уух ёстой гэнэ. Хэрэв та кофег тогтмол хэрэглэх юм бол чихрийн шижин өвчний тархалтыг 30% найдвартай буулгах боломжтойг эрдэмтэд хэлж байна.Элэгний өвчинХэд хэдэн аяга кофе уух нь элэгний хорт хавдар үүсэх эрсдэлийг 40% бууруулна. Уух дуртай кофеноосоо өдөр бүр 3 аягыг уувал, элэгний хатуурал өвчнөөс болж нас барах магадлал гэхэд 60% буурах боломжтой юм байна. Гэхдээ та элэгний хатуурал буюу циррозыг гепатит C вирустэй андуурч болохгүй гэдгийг санаарай.Паркинсоны өвчинХэд хэдэн судалгааны үр дүнд, эмч нар кофены хэрэглээ шууд байдлаар Паркинсоны өвчний тархацад нөлөөлдөг болохыг олж тогтоосон байна. Кафейн нь урам хугарах, сэтгэлээр унах үйл явцыг удаашруулж, саармагжуулдаг байна.

Зүрхний доголдолХэрэв та кофег их хэмжээгээр биш, тааруулж уух юм бол зүрхний доголдол илрэх үеийн шинж тэмдгүүдээс таныг хамгаалах болно. Ямар хэмжээгээр хэрэглэвэл зохилтой вэ? Ойролцоогоор өдөр 3-4 аяга – нэг хүнд яг тохирно. Нэгэн туршилтад хамрагдсан зүрхний доголдолтой хүмүүс өдөр бүр 4 аяга кофе уудаг болсноос хойш зүрх нь доголдох асуудал эрс намжсан байна. Латте, Американо эсвэл Эспрессо гэх мэт кофе уудаггүй хүмүүсийн зүрх амархан доголддог гэнэ.Гэдэсний хорт хавдарХэдхэн аяга кофе таныг гэдэсний хорт хавдраар өвчлөх эрсдэлийг 26% бууруулж чадна гээд бод доо? Хэрэв та өдөр бүр 4 аяга кофе уух юм бол энэ тоо бүр 50% болж өсөх боломжтой.Кофе бие организмд нөлөөлдөг – бусад ач тусыг нь дурдаад байвал дуусахгүй байж ч мэднэ. Дээрээс нь олон төрлийн өвчнөөс таны бие организмыг хамгаална гэдгийг дахин нэг удаа хэлье. Мөн ядрахаас сэргийлж, тархины идэвхтэй байдлыг хангана.Кафейн их хэмжээгээр жин хасахад тусална, сэтгэл хангалуун мэдрэмжийг төрүүлнэ.Сонирхуулахад, кофенд дурлагсад амиа хорлох эрсдэл харьцангуй бага байдаг болохыг судалгаагаар баталжээ. Эрдэмтдийн хэлж байгаагаар кофе уух дуртай хүмүүсийн аз жаргалын гормон их хэмжээгээр ялгардаг гэнэ.Та кофе уух дуртай юу? Өөрийнхөө уух дуртай кофег тогтмол ууж, эрүүл мэндээ хамгаалаарай! Гэхдээ зөвхөн сайн чанарын чанасан кофе л дээрх ач тусыг танд үзүүнэ шүү!

Эрүүл мэнд, эдийн засаг хоёрыг ЭН ТЭНЦҮҮ БАЙЛГАХ хэрэгтэй бололтой

saikhnaa — Tue, 24 Mar 2020 10:58:54 +0800

Коронавирус дэлхий даяар дэгдэж, 168 улсад тархан 8800 гаруй хүний амь насыг авч одлоо. Зарим улс оронд коронавирусийн дэгдэлт ид үргэлжилж байгаа учир энэ тоо өдрөөс өдөрт нэмэгдсээр байна. Өчигдөр БНХАУ-д коронавирусийн нэг ч шинэ тохиолдол бүртгэгдээгүй бол Итали улс 475 хүнээ алдсан харамсам мэдээтэй байлаа. Дэлхийн зарим улс орнууд коронавирусийг цар тахлын хэмжээнд хүрнэ гэж огтхон ч төсөөлөөгүйн дээр хор уршгийг нь хөнгөнөөр үнэлсэн учир ийнхүү барьц алдаж байх шиг. Нөгөө талаар тэд эдийн засгаа балалчих вий гэсэндээ өнгөрсөн хоёр сар гаруйн хугацааг алдчих шиг боллоо.

Ямартаа ч өнөөдөр Баруун Европ коронавирусийн голомт болчихлоо. Энэ үед тэдний эрх баригчдын мэдэгдлүүд хамгийн их сонирхол татаж байна. Испанид л гэхэд өндөр настнууддаа эмнэлгийн тусламж үзүүлэхээ больж, залуусаа л эмнэлэгт хэвтүүлэн эмчлэхээр шийдсэн. Герман улсын канцлерь Ангела Меркель герман хүн бүрийн халдвараас сэргийлэх зарчимд олон хүний дунд орохгүй байх, өндөр настнууд зэрэг эмзэг бүлгийн хүмүүстэй ойр харилцахгүй байхыг дурдсан.

Англи улс өвчин бол хүмүүсийн л асуудал, бид эдийн засгаа л нэгдүгээрт тавина хэмээсэн. Харин АНУ эрүүл мэнд, эдийн засагтаа тавь, тавин хувийн анхаарал хандуулах бодлого барина гэдгээ илэрхийлсэн юм.

Ингээд харахад аль нэг тал руу хэлбийх нь амьдралд нийцэхгүй юм шиг, эдийн засгаа л авч үлдэнэ гэх байр суурь нь харгис мэт сонсогдож байна. Гэхдээ энэ бол дэлхий дээр тэсч үлдэх гэсэн арга яах аргагүй мөн. Эдгэх магадлалтай, ажиллах хүчийг бүрдүүлэх залуусаа эмчилж, тэдний хүчээр эдийн засгаа өндийлгөж, урагшлуулахыг тэд зорьж байгаа хэрэг. Тэртэй тэргүй насны эцэс болсон хөгшчүүдийг эмчилж, эдийн засагтаа ачаа нэмэхгүй гэсэн санаа. Эдгэлээ ч тэд ажил хийж, улсад татвар төлөн эдийн засагт нэмэр болох биш гэж харж байгаа нь гарцаагүй биз. Тэдний байр сууриас ийм бодлого баримтлагдаж байгаа нь уншигдаж байна.

Дээрээс нь хөгжингүй орнууд эдийн засгаа нэн тэргүүнд анхаарах болсон шалтгаан нь иргэдийнхээ амьжиргааг таслахгүй байх явдал. Олон ядуу хүмүүс энэ дэлхий дээр үлдвэл тэд тахал гарсан үгүйгээс үл шалтгаалж үхэх л болно. Өлсөөд, хоолоо булаацалдаж дайтаад, эм тангаа авч, өөрийгөө тордож чадахгүйгээр л талийна. Харин тэдний оронд ажилтай орлоготой, амьдрах чадвартай нь үлдвэл хамгийн наад зах нь эм тангаа авч, шим тэжээлтэй хоол унд олж идэж, эрүүл мэндийн дэглэмээ сахиж, эмх замбараатай байж чадна. Тиймдээ ч иргэд ажил орлоготой байж чадвал хорогдол гарлаа ч бид цааш удаан "алхана” гэж үзэж байгаа бололтой.

Манай улсын хувьд эрүүл мэндийг нэн тэргүүнд тавьсан. Бид хоёр сар гаруйн хугацаанд хөл хорионд байлаа. Энэ нь иргэдийнхээ эрүүл мэндийг бодсон алхам болсон ч эдийн засгаа гаргуунд нь хаясан үйлдэл болов. Өвчний дэгдэлт гаралгүй хоёр сар тэссэн ч сүүлийн үед эрсдэл улам нэмэгдсээр байна. Гадны улс орнуудаас иргэдээ тусгай үүргийн онгоцоор зөөсөөр л байна. Өнөөдрийн байдлаар тэдгээр иргэдийн дундаас коронавирусийн зургаан тохиолдол илрээд байгаа юм.

Засгийн газрын зүгээс эдийн засгийн асуудлыг огт хөндөхгүй байсан бол энэ үед ярьж эхэлж байна. Эдийн засгийн асуудлыг ярья гэсэн ч яриад байх зүйлгүй болсон юм л даа. Эдийн засгийн хувьд 90 хувийн хамааралтай оршдог урд хөрш маань өвчиндөө баригдаж, бүхий л талаараа зогсонги байдалд орчихсон байхад бид юу ч ярих билээ. Тиймдээ ч бид эрүүл мэнддээ л онцгой анхаарал хандуулах шив дээ. Харин одоо БНХАУ-ын нөхцөл байдал хавьгүй дээрдэж, хөдөлж эхэлж байна. Манайх энэ л үед эдийн засаг, эрүүл мэнд хоёроо эн тэнцүү авч явах хэрэгтэй бололтой. Коронавирусийг хянаж болдог тахал гэж Дэлхийн эрүүл мэндийн байгууллагаас хэлж байгаа. Иймд бид хувийн зохион байгуулалт, сахилга баттай байж, эрүүл мэндийн дэглэмээ дагаж мөрдөн өөрсдийгөө хамгаалах хэрэгтэй. Мөн эдийн засгаа орхигдуулахгүй байх шаардлагатай байна. Аж ахуйн нэгж, байгууллага, үйлдвэр, уурхай, үйлчилгээний газрууд бүгд ажиллаж, эрүүл мэндийн дэглэмээ ч сахих хэрэгтэй хариуцлагатай цаг үе иржээ. Урьдынх шиг цалгар, назгай ажиллаж, өвчин тусвал тусна л биз гэж гэдсээ илээд хэвтэх аргагүй болж, бүгдээрээ огт өөр ойлголт, дэглэмтэйгээр ажиллах хэрэгтэй байна.

Ер нь коронавирус эрдэмтдийн хэлж байгаачлан дараа дахин гарч болзошгүй, маш хорлонтой өвчин. Тэгэхээр цаашдаа энэ мэт тахлууд байн байн дэгдэж дэлхийн хэм хэмнэлийг өөрчлөх шинжтэй байна. Одоо гэхэд зан заншил, амьдралын хэв маяг, наргих цэнгэх, уулзаж учрах гээд бүхий л зүйлсийг өөрчилчихлөө. Олуулаа цугларах аливаа үйл ажиллагаа асар эрсдэлтэй болж хувирлаа. Үй олноороо цуглаж бүжиг, наадам хийж, үзвэр үйлчилгээ үздэг цаг ч ард хоцрох нь. Энэ мэтчилэн бид огт төсөөлөөгүй хэв маяг руу шилжихэд ойрхон ирээд байна. Орчин үед том хотуудыг задлах нөхцөл байдал ч үүсэв үү гэлтэй. Дэлхийн хөгжингүй томоохон хотууд руу шуурч, тэндээ амьдрахыг эрмэлздэг байдал ч дуусч байх шиг байна. Түүний оронд олон жижиг хотуудад тархан суурьшиж, дор дороо довоо борлуулж амьдрах цаг ойртсон бололтой. Хоорондоо хянаж болохуйц хэдхэн сувгаар харилцдаг болохыг ч үгүйсгэх аргагүй юм. Илүү эмх замбараатай, сахилга баттай байж гэмээнэ хүн төрөлхтөн вирусийг тэсч үлдэх магадлалтай болж байна. Цаашид хүн төрөлхтөн тэсч үлдэх гэвэл эдийн засгаа ч авч явах, эрүүл мэндээ ч хянаж байх ганцхан зам үлдэж байх шиг байна. Тэгэхээр манай орон ч мөн адил эрүүл мэнддээ тавин хувь анхаарч, эдийн засгаа ч тавин хувь анхаарах нь л зөв гарц бололтой.

О.Ариунцэцэг

Эх сурвалж: Өдрийн сонин

Вирусын тархалт ба дархлаа...

saikhnaa — Tue, 17 Mar 2020 11:14:52 +0800

Нянгийн эсрэг эм бол антибиотик юм.
Вирусээр үүсгэсэн өвчний эсрэг антибиотик хэрэглэхгүй.
Вирус нян 2: тэмээ ямаа, ишиг хоорондоо эрс тэс өөр үүсгэгчид.
Вирус маш хувирамтгай тул яг тухайн вирусын эсрэг тохирсон эм хийсэн ч гэсэн дүрсээ хувиргаад тэр эм таарч тохирохоо больчихдог.
Вирусын эсрэг эмчилгээ нь үндсэндээ дархлааны тогтолцоогоор дамжуулж вирусыг устгуулахад чиглэгддэг.
Тиймээс бидэнд үндсэн 2 арга л үлддэг.
Вирусын халдвар авахгүй байх мөн дархлаагаа сайжруулах.
Дархлаа гэдэг мань хүний биеийн зэвсэгт хүчин.
Маш олон төрлийн цэргийн тусгай ангиудаас бүрддэг. Тиймээс бид цэргүүддээ зэр зэвсэг сайн өгөх,хувцаслаж ундлах хэрэгтэй.
⁃ Уураг. Хүний бие бол уургаас бүтдэг.
Дархлааны эсүүд ч мөн адил.
Уургын дутагдал дархлааны шинэ эсүүд үүсэхэд сөргөөр нөлөөлдөг.
Тиймээс уургын агууламж өндөртэй хоол идэх хэрэгтэй.
Улаан мах, өндөг, шош зэрэг.
⁃ Төмөр. Дархлааны эсүүдийн гол зэвсэг нь ферментүүд. Ферментийн гол найрлага нь төмөр. Төмрийн исэлдэх процессыг ашиглаж дайснаа залгиж устгадаг. Тиймээс төмрийн дутагдлыг нөхөх, төмрийн агууламж өндөртэй элэг, мах идэх хэрэгтэй.
⁃ Ус. Бие дотор дархлааны эсүүд цус тунгалгын усан орчинд сэлж байлдах газраа очдог. Тиймээс цус шингэн байх нь ач холбогдолтой. Эс дотор үүссэн бодисын солилцооны хог шаар, үрэвслийн тулаанд үрэгдсэн эсүүдийг усаар дамжуулж цэвэрлэж биеэс гадагшлуулдаг. Шээс , өтгөн, нус, цэр, хөлс бүгд бие цэвэрлэх замууд. Ус бага багаар их хэмжээтэй уух нь чухал.
⁃ Агаар

БНСУ-ын судалгааны баг "covid-19" вакцины антигенийг анх удаа амжилттай гаргаж авлаа

saikhnaa — Thu, 12 Mar 2020 12:18:50 +0800

БНСУ-ын Чүннамын Үндэсний Их Сургуулийн багш, профессор Сео Санг-Хигээр ахлуулсан судалгааны баг нь эс ургуулах технологи ашиглан covid19 вакцины антигенийг анх удаа амжилттай гаргаж авчээ.

Профессор Сео, ургуулсан эсүүддээ covid19-ыг халдварлуулж, вирусыг өсгөх замаар халдварлах чадварыг нь алдагдуулж, вакцины антигенийг үүсгэж авлаа гэсэн байна.

Тэд үйлдвэрт богино хугацаанд их хэмжээний вакцин үйлдвэрлэх боломжтой байдлаар ажлаа гүйцэтгэж байгаа ба эцсийн зорилго нь хамрын цацлага хэлбэрийн вакциныг үйлдвэрлэх юм гэсэн байна.

Судалгааны баг нь вакцинаа амьтан дээр туршиж дархлаа болон аюулгүй байдлыг нь шалгах бөгөөд энэ нь дээд тал нь 6 долоо хоног орчим зарцуулагдана.

Эх сурвалж: ҮTN

Оряуулсан: Күүкмин Их Сургуулийн багш Ц.Өнөрзаяа

Франц иргэнтэй нэгдүгээр хавьтал болсон 26 иргэний шинжилгээний хариу сөрөг гарлаа

nomun — Wed, 11 Mar 2020 10:09:06 +0800

2020 оны гуравдугаар сарын 2-ны өдөр "Москва-Улаанбаатар" чиглэлийн "Аэрофлот” компанийн онгоцоор ирсэн Бүгд Найрамдах Франц Улсын иргэнээс Шинэ коронавирусийн халдвар илрээд байгаа билээ. Тухайн иргэнтэй хамт нэг онгоцонд ирсэн зорчигч, нисэх багийн бүрэлдэхүүнийг тусгаарлан, ажиглалтад авч шинжилгээнд хамруулсан юм.

Ингээд 118 иргэн шинжилгээнд хамрагдсанаас нэгдүгээр хавьтал болсон 26 иргэний шинжилгээний хариу гуравдугаар сарын 10-ны оройн 23.45 цагийн орчимд гарч Монгол Улсын иргэд халдвар аваагүй, шинжилгээний хариу сөрөг гарсан байна.

Эдгээр иргэнд давтан шинжилгээ хийх бөгөөд бусад иргэний шинжилгээг хийж байгаа аж.

Гэвч иргэдийг үргэлжлүүлэн тусгаарлаж, журмын дагуу 14 хоног ажиглалтад байлгахаар болжээ.

Франц иргэнтэй нэгдүгээр хавьтал болсон 26 иргэний шинжилгээний хариу сөрөг гарлаа

nomun — Wed, 11 Mar 2020 09:05:48 +0800

2020 оны гуравдугаар сарын 2-ны өдөр "Москва-Улаанбаатар" чиглэлийн "Аэрофлот” компанийн онгоцоор ирсэн Бүгд Найрамдах Франц Улсын иргэнээс Шинэ коронавирусийн халдвар илрээд байгаа билээ. Тухайн иргэнтэй хамт нэг онгоцонд ирсэн зорчигч, нисэх багийн бүрэлдэхүүнийг тусгаарлан, ажиглалтад авч шинжилгээнд хамруулсан юм.

Ингээд 118 иргэн шинжилгээнд хамрагдсанаас нэгдүгээр хавьтал болсон 26 иргэний шинжилгээний хариу гуравдугаар сарын 10-ны оройн 23.45 цагийн орчимд гарч Монгол Улсын иргэд халдвар аваагүй, шинжилгээний хариу сөрөг гарсан байна.

Эдгээр иргэнд давтан шинжилгээ хийх бөгөөд бусад иргэний шинжилгээг хийж байгаа аж.

Гэвч иргэдийг үргэлжлүүлэн тусгаарлаж, журмын дагуу 14 хоног ажиглалтад байлгахаар болжээ.

COVID-19 халдвар авсан хүнд ямар шинж тэмдгүүд илрэх вэ?

saikhnaa — Tue, 10 Mar 2020 17:34:09 +0800

Шинэ коронавирусийн халдвар авсан хүнд ямар шинж тэмдэг илэрдэг талаар ЭМЯ-наас дараах мэдээллийг өглөө.

Халдвар авсан хүмүүст илэрсэн нийтлэг шинж тэмдэг:

88 хувьд халуурах

68 хувьд хуурай ханиалгах

33 хувьд цэр гарах

18 хувьд нь амьсгал давчдах

COVID-19 халдварын нас баралтын түвшин:

Хавдартай хүмүүст 7.6

Амьсгалын замын архаг өвчтэй хүнд 8.0

Артерийн даралт ихсэх өвчтэй хүнд 8.4

Чихрийн шижин өвчтэй хүмүүст 9.2 хувьтай байгаа бол

Зүрх судасны өвчтэй хүмүүсийн хувьд нас баралтын түвшин хамгийн өндөр буюу 13.2 хувь байна.

Коронавируст халдвар (COVID-19)-аас хэрхэн сэргийлэх вэ?

Өвчлөл гарсан бүс нутагт зорчихгүй байх, зорчсон бол 14 хоног гэртээ байж, өөрийгөө ажиглах

Гараа савандаж сайтар угаах

Халуун, бүлээн шингэн ихээр уух

Бохир гараа ам, хамар, нүдэндээ хүргэхгүй, нухахгүй байх

Хоолойг давс, сода, нимбэг, сармис, тамедины уусмалын аль нэгээр өглөө, оройдоо зайлах

Ханиаж, найтааж байгаа хүнээс хол байх

Нус, цэр, шүлсээ ил задгай хаяхгүй байх

Гадуур явахдаа бээлий өмсөх

Олон хүн цугларсан газраар аль болох явахгүй байх

Бусадтай гар барих, үнсэхээс зайлсхийх

Бухимдахгүй тайван байх

Эх сурвалж: Эрүүл мэндийн яам

Зөвлөгөө: Шинэ коронавирусээс бид зөв сэргийлж чадаж байна уу?

saikhnaa — Thu, 20 Feb 2020 14:56:56 +0800

Дэлхий даяар тархаж буй Covis-19 халдвараас буюу шинэ коронавирусээс урьдчилан сэргийлэх Танд хэрэгтэй нэмэлт зөвлөгөөг хүргэхийн өмнө хамгийн сүүлийн үеийн мэдээлэлтэй танилцуулъя.

Бүх Хятадын хэмжээнд хоёрдугаар сарын 19-ний 00:00 цагаас хойш 24 цагийн дотор шинэ коронавирусээр өвчилсөн 394 хүн бүртгэгдсэн бол 114 хүн нас баржээ. Харин 1779 эдгэж эмнэлгээс гарсан байна. Үүнд Хүбэй мужид шинээр 349 хүн бүртгэгдсэн бол 108 хүн нас барж, нийт бүртгэгдээд байгаа өвчтөний тоо 62031, сэжигтэй тохиолдлоор 880 хүн шинээр бүртгэгджээ.

Одоогоор Хятад улсын хэмжээнд бүртгэгдээд байгаа өвчтөний тоо 74576, эдгэрч эмнэлгээс гарсан хүний тоо 16155 болоод байна.

Өвөрмонголын өөртөө засах орны тухайд, хоёрдугаар сарын 20-ны өдрийн байдлаар оношлогдсон ба сэжигтэй тохиолдол нэмэгдээгүй, 2 хүн эдгэрч эмнэлгээс гарснаар нийт 11 хүн эдгэрсэн байна.

Хятадын хэмжээнд Хүбэй мужийг эс тооцвол шинээр оношлогдсон тохиолдол 15 хоног дараалан буурч, эдгэрч эмнэлгээс гарсан өвчтөн 7 хоног дараалан нэмэгдсэн ба эдгэрсэн өвчтөний тоо анх удаа оношлогдсон тохиолдлоос давсан зэрэг гурван сайн мэдээг дуулгалаа.

Шинэ коронавирусийн улмаас Хятад улсын хэмжээнд сургууль эхлэх цагийг хойшлуулсан бол Боловсролын яам энэ сарын 17-ны өдрөөс Хятадын боловсролын телевизийн дөрвөн сувгаар дунд, бага сургуулийн хичээлийг нэвтрүүлж эхэлсэн байна. Түүнчлэн ӨМӨЗО-ны хэмжээнд энэ сарын 16-ны байдлаар 1547 аж ахуйн нэгж үйл ажиллагаагаа сэргээж, нийт аж ахуйн нэгжийн 56,2 хувь нь ажиллаж байна.

ӨМОУМЭ-ийн Амьсгалын замын өвчний тасгийн эрхлэгч Сумъяа зөвлөж байна

Энэхүү аюулт тахлаас урьдчилан сэргийлэхийн тулд мэдээж амны хаалт зүүх нь нэн тэргүүний хамгаалалт болно. Гэвч нарийн шүүлтүүртэй амны хаалтыг өндөр настнууд олон цагаар зүүх нь хүчилтөрөгчийн дутагдалд орох, даралт ихсэх, зүрхний шигдээс болох, уушиг устах зэрэг эрсдэлтэй. Тиймээс амны хаалтыг заасан хугацаагаар зүүх хэрэгтэй. Ингэхдээ халдвартай бус газарт энгийн амны хаалтыг хэрэглэж болно.

Гар угаах арга нь мөн л тогтмол өгдөг зөвлөгөө. Үүний зэрэгцээ амны ариун цэврийг сайтар сахих хэрэгтэй. Учир нь урууланд гарныхаас илүү бохир наалддаг. Тиймээс уруулаа сайн угааж, амаа сайн зайлахыг зөвлөж байна.

Орчны ариун цэврийн тухайд, хог, шүлс, нус цэрээ хамаагүй хаяхгүй байх, ажилболон гэрээ цэвэрлэх хэрэгтэй гэдгийг бүгд мэдэж байгаа. Гэвч аливаа бүхэн хэтэрвэл хор болдогтой адил цэвэрлэгээг ч мөн хэтрүүлж болохгүй. Жишээ нь, гэрээ эмнэлгийн хориотой ариутгалын шингэнээр хэт олон удаа цэвэрлэдэг бол ингэх шаардлагагүй гэдгийг зөвлөх байна. Харин гаднаас гэртээ орохынхоо өмнө нарны гэрэлд 30-50 минут алхахад энэ удаагийн вирус дулаанд тэсвэргүй учир үхждэг байна. Эс бөгөөс нэгэнт вирус тээгээд гэртээ орж ирсэн л бол хувцсаа тайлаад өөрийгөө яаж ч ариутгаад нэмэргүй.

Мөн дархлаагаа сайжруулж байна гээд хэт их идэх нь буруу. Хоолыг хэтрүүлснээр харин ч хүний биеийн дархлаа сулардаг. Учир нь хоолны шингэлт удааширч биеийн эсэргүүцэл доройтдог.

Зарим хүмүүс вирусээс хамгаалахын тулд эрүүл мэнддээ анхаарч байна гээд гэнэт олон цагаар гүйж эхэлдэг. Тэгвэл гэнэтийн их ачаалал харин ч өвчлөх магадлалыг нэмэгдүүлдэг байна.

Арц, хүж уугиулах нь тустай гэж үзэж буй хүмүүст хандаж анхааруулахад, их хэмжээгээр, удаан хугацаагаар уугиулбал уушиг, амьсгалын эрхтний системийг гэмтээх эрсдэлтэй.

Булган сумын иргэнийг тусгаарлажээ

Mart — Wed, 19 Feb 2020 11:16:02 +0800

Архангай аймгийн Булган сумын нэг иргэн энэ сарын 11-12-нд шилжих шөнө халуурсан гэх дуудлагыг аймгийн Эрүүл мэндийн газарт ирүүлжээ. Дуудлагыг хүлээн авсан даруй клиник, эмнэлзүйн болон тархвар судлаач эмч болон мэргэжлийн баг Булган суманд ажиллаж тухайн иргэнийг сумын Эрүүл мэндийн төвийн халдвартын тасагт тусгаарлаж, сорьц шинжилгээг авч ХӨСҮТ рүү илгээсэн байна.

Тухайн иргэн Гашуунсухайт боомтод том оврын тээврийн жолооч хийдэг байна. Тэрээр хамгийн сүүлд 1-р сарын 21-ний өдөр гадагшаа тээвэрлэлт хийжээ. Ингээд 2-р сарын 4-ний өдөр Улаанбаатар хотод, 2-р сарын 8-ны өдөр Архангайд иржээ. Тэрээр 10-ны өдрөөс эхлэн халуурсан ч 12-ны шөнө дуудлага өгсөн байна. Тухайн иргэний ойрын хавьтал, гэр орныг хяналтад аваад байгаа юм байна.

Одоогоор иргэний шинжилгээний хариу гараагүй, шинэ коронавирусний халдвараар өвчилсөн нь тогтоогдоогүй байгаа юм. Тиймээс аймгийн эрүүл мэндийн байгууллагууд болон аймаг орон нутгийн зүгээс холбогдох арга хэмжээг авч ажиллаж байна. Энэ бол зөвхөн халуурсан тохиолдол учраас ард иргэд айж сандралгүй, хувь хувийнхаа ариун цэврийг сайтар сахиж, амны хаалтаа зааврын дагуу байнга зүүж, гэр орондоо халдваргүйтэл, ариутгал сайн хийхийг зөвлөж байна. Энэ тухай өнөөдөр 12:00 цагаас болсон аймгийн Онцгой комиссын хурлын үеэр мэдээлсэн юм. Мөн шинэ коронавирусний халдварын талаар худал ташаа мэдээлэл тараасан этгээдийг хуулийн дагуу хариуцлага хүлээлгэхийг анхаарууллаа.

Коронавирусийн халдвараас сэргийлэх зөвлөгөө...

saikhnaa — Fri, 14 Feb 2020 13:03:06 +0800

АРХАНГАЙ АЙМАГТ ШИНЭ КОРОНАВИРУСИЙН СЭЖИГТЭЙ ТОХИОЛДОЛ ИЛЭРЧЭЭ

saikhnaa — Thu, 13 Feb 2020 17:38:37 +0800

Завханчуудын дайран өнгөрдөг Архангай аймагт шинэ коронавирусийн сэжигтэй тохиолдол илэрчээ. Уг иргэн Гашуунсухайт боомтод том тэрэгний жолооч хийж байсан ба хоёрдугаар 5-ны өдөр Улаанбаатар хотод, 8-ны өдөр Архангай аймагт ирсэн байна. Улмаар хоёрдугаар 10-аас эхлэн халуурч 12-нд шилжих шөнө дуудлага өгчээ. Дуудлагын дагуу Архангай аймгийн Нэгдсэн эмнэлэг шуурхай ажиллаж уг иргэнийг тусгаарлан, шинжилгээ сорьцыг өнөөдөр Улаанбаатар хотруу явуулсан байна. Хамт байсан хоёр иргэн нь мөн халуурч эхэлсэн тухай "Монголын мэдээ” телевизийн Архангай аймаг дахь сэтгүүлч Ц.Анхманлай мэдээллээ.

Нимбэг, зөгийн балтай усыг 365 өглөө уусны дараа…

saikhnaa — Wed, 05 Feb 2020 17:50:08 +0800

Нэгэн эмэгтэй бүтэн жилийн турш, 365 өглөө нимбэгний шүүс, зөгийн балтай ус ууснаар амьдралд нь ямар өөрчлөлт гарсныг "Brightside” цахим хуудаст бичжээ. Эрүүл мэнд, гоо сайхны хувьд төдийгүй эрч хүч, ажлын бүтээмжийг нь эрс нэмэгдүүлж, өглөөний хүн болгосон энэ зуршлаа олон хүнд түгээхийн тулд тэрээр нимбэг+зөгийн балтай усны ач тусыг ийнхүү бичжээ.

Түүний жор маш энгийн. Өглөө босмогцоо шинэхэн буцалгасан аяга усанд хагас нимбэгний шүүс, нэг халбага зөгийн бал хийж, бага зэрэг хөргөөд уудаг байж. Үүний ачаар тэр гурван том үр дүнг өөрийн биеэр мэдэрчээ.

Халдварт өвчнөөс сэргийлнэ

Тэр зөгийн бал, нимбэгтэй ус ууснаас хойш нэг жилийн хугацаанд огт ханиад хүрээгүй гэнэ. Бид ханиад хүрэх үед эмийн сангаас авч уудаг зарим бэлдмэл зөгийн бал, витамин С-тэй байдгийг та мэднэ. Өвдөх үедээ л дархлаагаа сайжруулах гэж уудаг тэр бэлдмэлээ өдөр бүр ууж байна гэсэн үг шүү дээ. Нимбэг бол витамин С-ний баялаг эх үүсвэр төдийгүй цэвэрлэгээний ид шидтэй гэдгийг хүн бүр мэддэг. Зөгийн бал ч бас аливаа нянгийн эсрэг ариутгах тал дээр хамгийн шилдэг хүнс. Тиймээс энэ хоёр нийлээд гэдэс ходоод, нарийн бүдүүн гэдэс, бөөр шээсний замыг ч цэвэрлэдэг учраас энэ төрлийн өвчнөөс өөрийгөө сэргийлнэ гэсэн үг.

Гэдэс дотор цэвэрлэнэ

Өглөө өлөн элгэн дээр нимбэг зөгийн балтай ус ууснаар дотор гэдэс, элэг, цөс, ходоодыг цэвэрлэдэг гэж дээр дурдсан. Үүний ачаар хоол боловсруулах зам цэвэрлэгдэж, гэдэсний гүрвэлзэх хөдөлгөөн сайжирна гэсэн үг. Өнөө үед маш олон өвчин гэдэсний гүрвэлзэх хөдөлгөөн дутмаг, өтгөн хаталттай холбоотойгоор үүсдэг.

Арьсыг гэрэлтүүлнэ

Гэрийн нөхцөлд гоо сайхнаа арчлах аливаа жоронд лемоныг заавал дурдсан байдаг шүү дээ. Нимбэг хэрэглэснээр бие дэх хорыг хөөж цэвэрлээд зогсохгүй цусанд шинэ эс үүсэхэд тусладаг аж. Хүний дотор эрхтэн эрүүлжихэд арьс ч дагаад өнгө орж гэрэлтдэг. Дээр нь эрүүл биеийн эрч хүчээр өмнө нь шалтгаангүйгээр ядардаг, эцэг цуцдаг байдал алга болж, өглөө нойр хүрч нозоорохгүй сэргэлэн цовоо босдог ажээ.

Нэгдсэн эмнэлэгт шаардлагатай тоног төхөөрөмжийг шийдвэрлэж өгөв

Mart — Wed, 05 Feb 2020 12:06:05 +0800

Аймгийн Засаг дарга Ц.Мөнхнасан оны өмнө аймгийн Нэгдсэн эмнэлгийн эмч нартай уулзахдаа нэн шаардлагатай тоног төхөөрөмжийг 2020 оны эхний улиралд багтаан шийдвэрлэж өгнө гэж хэлсэн. Үүний хүрээнд Нэгдсэн эмнэлэгт нэн шаардлагатай байсан 24 цагийн зүрхний цахилгаан бичлэгийн "Холтер”, хаалттай өнцөгт нүдний даралт ихсэх өвчнийг илрүүлэх "Гонеолинз” зэрэг аппаратыг шийдвэрлэж өнөөдөр хүлээлгэж өглөө.

Аймгийн Нэгдсэн эмнлэлэг 24 цагийн зүрхнийцахилгаан бичлэгийн аппараттай болсноор орон нутагтаа зүрхний хэм алдалтыг оношилж, эмчлэх боломж бүрдлээ. Энэ төрлийн өвчнөөр Улаанбаатар хот руу сард 7-8 хүн 24 цагийн зүрхний бичлэг хийлгэхийн тулд явдаг байсныг болиулж, орон нутагтаа шийдэж байгаа юм.

Нүдний даралт ихсэх өвчин нь нүдний хараа муудах, сохрох өвчний суурь шалтгаан болдог байна. Орон нутагт нүдний даралт ихсэн өвчнийг оношлох, эрт илрүүлэх тоног төхөөрөмжгүй байсан нь энэ төрлийн өвчин нэмэгдэх шалтгаан болж байжээ.

Гонеолинз аппарат нь нүдний даралт ихсэх өвчнийг эрт илрүүлж, хараа алдалтаас урьдчилан сэргийлэх чухал ач холбогдолтой ажээ.

Тайланд улс коронавирусийн халдварыг эмчилж чадсанаа зарлажээ

saikhnaa — Mon, 03 Feb 2020 14:50:22 +0800

Шинэ төрлийн коронавирусийн халдвар авсан 71 настай хятад эмэгтэйг эмчилж чадсанаа Тайландын эрүүл мэндийн яам өчигдөр зарлажээ.

Тайландын эмч нар өвчтөн эмэгтэйг 48 цагийн дотор вирусгүй болгож чадсан байна. "Лабораторийн шинжилгээгээр өвчтөн 48 цагийн дараа эрүүл гарсан. Хэвтэрт байсан өвчтөн эмчилгээ эхэлснээс хойш 12 цагийн дараа орон дээрээ суудаг болсон” гэж эмч нарын ахлагч Криенсак Аттипорнванич хэвлэлийн хурлын үеэр мэдэгджээ.

Тэд томууны эсрэг үйлчилгээтэй oseltamivir эмийг ДОХ-ын эмчилгээнд ашигладаг lopinavir, ritonavir эмүүдтэй хольж найруулсан коктейлийг өвчтөнд уулгасан байна. Одоо энэхүү гаргаж авсан эмнийхээ лабораторийн шинжилгээний үр дүнг гарахыг хүлээж байгааг эрүүл мэндийн яам нь мэдээлжээ.

Тайланд улсад шинэ коронавирусийн халдварын 19 тохиолдол бүртгэгдээд байгаа. Хятадын гадна бүртгэгдсэн халдварын тоогоор тус улс Японы дараа (20) хоёрт орж байна.

Тайландын өвчтөнүүдийн найм нь эдгэж, эмнэлгээс гарсан бол 11 нь эмчлүүлж байгаа юм. Тус улс нэг талаас коронавирусийн халдвараас сэргийлэх ажлыг чангатгаж, нөгөө талаас аялал жуулчлалын салбарын орлогоо унагахгүй байх арга хэмжээг давхар хэрэгжүүлж байна. Хятадын жуулчид энэ улсын аялал жуулчлалын салбарын гол орлогыг бүрдүүлдэг.

Тайландад илэрсэн халдварууд Хятадын жуулчдаас илэрсэн бол өнгөрсөн долоо хоногт анх удаа хүнээс хүнд халдсан тохиолдол бүртгэгдсэн юм.

Хятадад очиж байгаагүй таксины жолоочоос халдвар илэрсэн байна. Түүнийг жуулчидтай харьцаж байхдаа коронавирусийн халдвар авсан гэж таамаглаж байгаа юм.

Тайланд улс маргааш буюу Мягмар гарагт Уханьд байгаа иргэдээ нүүлгэн шилжүүлэхээр төлөвлөжээ.

Эх сурвалж: AFP

Iкon.mn

"Архидалт бол өвчин"

saikhnaa — Fri, 31 Jan 2020 17:06:49 +0800

Хэрэв би хүсвэл архинаас гарч чадна”, "Сэтгэлийн тэнхээтэй байвал архи уухгүй байж чадна ”, "Архинаас гарах нь сэтгэлийнх” гэж ярихыг та сонссон уу?

Магадгүй та өөрөө ч ингэж ярьж, боддог байж болох юм. Гэхдээ уучлаарай, үнэндэьэ энэ нь буруу бодол, худал үг юм. Хэрэв энэ бодол санаа үнэн байсан бол Монголчуудын дийлэнх нь архинд толгойгоо мэдрүүлэхгүй байх байсан. Дэлхий дахинд аль хэдийн "Архидалт нь өвчин” гэж хүлээн зөвшөөрөөд байна. Тиймээс бид өөрсдийн хоцрогдсон үзэл бодлоо хаях цаг болжээ. Архидалт нь өвчин. Өвчтэй хүнд эмч, эмчилгээ хэрэгтэйн адил архины асуудалтанд гадны тусламж зайлшгүй хэрэгтэй юм.

Архидалт нь хүний бие махбодь, бодол санаа, мэдрэмж, харилцаа, оюун санааг (сүнс) эрүүл биш болгож, амьдралд хор хөнөөл учруулдаг байна. Ялангуяа архидалт нь тархийг хүчтэй гэмтээдэг байна.

Америкийн Донтолт Эмчилгээний Нийгэмлэгээс гаргасан архидалтын тодорхойлолт.

1.Архидалт бол өвчин

2.Үргэлжлэн эсвэл хэсэг хугацааны мөчлөгтэйгээр явагддаг.

3.Уух хэмжээгээ хянах чадваргүй болдог.

4.Уухыг санаашран боддог.

5. Гарах хор уршигийг үл харгалзан уудаг

6.Бодит байдлыг мушгин, ялангуяа асуудлаа илт үгүйсгэсэн

Архидалт бол улам л даамжирдаг өвчин. Хэзээ ч дээрддэггүй, харин зөвхөн архинаас гарах шийдвэр гарган, дэвшилтэт алхам хийхээс нааш улам дорддог.

Архины асуудал тань доорхи үе шатыг дамждаг.

Нэгдүгээр шат: Тэд магадгүй бусдыг нэг их гомдоож зовоогоогүй, мөн өөрөө ч төдийлөн их хор хөнөөлийг нь амсаагүй байгаа ба долоо хоногийн сүүлээр эсвэл нэг онцгой үед уудаг нэгэн байж болно. Гэвч уулт хоорондын зай нь багасаж, уух хэмжээ нь ихсэх хандлагатай байна.

Хоёрдугаар шат: Түүний уулт нь хэцүү асуудлуудыг үүсгэж эхлэнэ. Магадгүй нэгээс илүү удаа ажлаас халагдаж, гэр бүл нь хэцүү байдалтай болж баяр хөөрөө алдана. Тэд уух байдалдаа ямар нэгэн зүйл хийх хэрэгтэй гэдгийг мэдэх боловч, тусламж авахаас татгалзаж энэ асуудлыг өөрөө шийдэж чадна гэж зүтгэнэ. Ингэснээр архидалт улам хүндэрч, гэр бүлийн амьдрал болон ажилд нь хохирол нэмэгдсээр байх болно.

Гуравдугаар шат: Архичин архины асуудлыг өөрөө хянаж чадахгүй зүйл болохыг одооноос ойлгож магадгүй, учир нь маш хангалттай баримтуудыг тэр харж байгаа юм. Яг энэ үед архины асуудалтан архи уухаа зогсоох чин хүсэл (архидалтын дараа) тусламж авахын эсрэг эгдүүцэн зөрөх хоёрын дунд бйдаг.

Дөрөвдүгээр шат: Эцэст нь асуудалтай архичид сүйрэлд хүрч, эрүүл амьдралаас улам бүр холдсоор байдаг. Гэр бүл, найз нөхөд болон хэвийн амьдралын аливаа зүйлс, хариуцлагаас холдож, замаа алдаж эхлэх эсвэл аль хэдийнээ тэнд очсон байна.

Тавдугаар шат: Цаашид эрүүл ухаанаа алдах, эцэст нь үхэлд хүрэх болно.

Эдгэрлийн үндэс ба бидний тэдэнд хандах хандлага

Хоёр зүйлийг онцлон хэлмэээр байна. Нэгдүгээрт, аль ч төвшиний архины асуудалтай хүнд найдвар байгаа гэж хэлж болно. Хоёрдугаарт, архидалт хүйснээс хамаардаггүй. Архидалтын ямар түвшинд орох, бүр хүнд нөхцөлд ч ороход хүйсийн ялгаа нөлөөлдөггүй.

Архины асуудалтай хүн архинаас гарахыг хүсэж байгаа бол уухаа зогсоох ёстой. Зарим хүмүүс, би тохируулан хэрэглэж чадна, арай ч бүр мөсөн болино гэж юу байх вэ гэж боддог бөгөөд нууцхан, хааяа хааяа татчихдаг. Тэгээд үүний үр дүн юу байдаг вэ? Хэзээ ч архинаас гардаггүй, архаг архичин, амьдралаа алдсан хүн... Тиймээс танд хатуухан хэлэхэд хэрэв та архинаас гарахыг хүсч бол хааяа архи ууж болно гэсэн бодлоо бүрмөсөн хаях хэрэгтэй юм. Үүнд ямар ч АРЫН ХААЛГА байхгүй. Архинд донтох өвчтөнүүд хэзээ ч жирийн хүмүүсийн адил архи тохируулан хэрэглэх чадваргүй болсон байдаг. Нэг хундага уулт нь 7 хоног, 14 хоног, сарын хугацаагаар үргэлжилдэг. Маш олон хүмүүс өөрийгөө туршин үзэж архи амссанаас болж эргээд архаг архичин болсон түүхүүд элбэг байдаг.

Архины асуудалтай хүний гэр бүлийнхэн, хамаатан садан ч өөрсдийгөө түүний архидалтанд бүү буруутга. Бид тэднийг ийм өвчтэй болгоогүй бөгөөд бид тэднийг эмчилж чадахгүй. Гэр бүлийнхэн нь түүнийг архины үр дагавараас хамгаалах нь зөв биш бөгөөд өнгөрсөн хугацаанд байнга л хамгаалж, аварч ирсэн. Гэвч тэр архинаас гарсан уу? Үгүй. Харин ч улам л дордсоор л байлаа. Өөрөөр хэлбэл гэр бүлийнхэний тэднийг архины үр дагавараас хамгаалах нь архидалтын асуудлаа олж харах, тусламж эрэхээс холдуулдаг. Тиймээс архины асуудалтаныг архидалтынх нь үр дагавараас хамгаалахгүй байх шийдвэр дээрээ хатуу зогсох нь ухаалаг шийдвэр юм.

Архины асуудалтай хүн өөрийгөө өвчтэй, эдгэрэхийн тулд гадны тусламж хэрэгтэй гэдгийг хурдан мэдэх тусам эдгэрлийн замд хурдан орно. Тэд хэн нэгэнд таалагдахын тулд биш, өөрөө өөрсдийнхөө төлөө эрүүл болохыг хүсэх хэрэгтэй.

Томуу, томуу төст өвчний 48.39 хувийг 4 хүртлэх насныхан эзэлж байна

Mart — Tue, 28 Jan 2020 17:46:40 +0800

Томуу, томуу төст өвчөн /ТТӨ/-ий харуулдан тандалтын мэдээ энэ сарын 27-ныхоор гарчээ. Амбулаторид суурилсан харуулдан тандалтыг 01 дүгээр сарын 20-26-ныг /4-р долоо хоног/ дуустал хийсэн байна.

Амбулаторид суурилсан томуугийн харуулдан тандалтын 4-р долоо хоногт нийт 6482 хүн үйлчлүүлснээс 1215 буюу 18.7 хувь нь ТТӨ-тэй гэж оношлогдсон нь өнгөрсөн долоо хоногоос 7.1 хувиар өссөн байгаа юм.

ТТӨ-өөр өвчлөгсдийн 48.39 хувийг 4 хүртэлх насны хүүхэд, 39.01 хувийг 5-15 насны хүүхдийн өвчлөл эзэлж байна.

Томуу, томуу төст өвчтэй тохиолдлыг насны бүтцээр нь авч үзэж 3-р 7 хоногтой харьцуулахад 0-11 нас 7.5 хувиар, 1 нас 4.3 хувиар тус тус буурсан байгаа бол 2-4 нас 1.8 хувиар, 5-9 нас 2.8 хувиар, 10-14 нас 4.7 хувиар, 15–аас дээш насныхан тус тус өссөн үзүүлэлттэй гарсан байна.

Аймгийн төв Эрдэнэбулган сумын ӨЭМТ-үүдэд ТТӨ-ний өвчлөл амбулаторийн үзлэгт 3-р долоо хоногт 1041 буюу 12.0 хувь байсан бол 4-р долоо хоногт 1254 буюу 35.8 хувь болж өмнөх долоо хоногоос 23.8 хувиар өсжээ.

Ямар хүмүүс короновирус тусч байна вэ?

saikhnaa — Tue, 28 Jan 2020 13:15:21 +0800

БНХАУ-д коронавирусийн улмаас дөрвөн ч хүн амиа алдаж, 200 гаруй хүн өвчилсний зэрэгцээ Азийн өөр гурван оронд уг өвчний тохиолдол бүртгэгдээд байна. Өмнө нь уг вирус мал, амьтнаас хүн халдварлана, хүнээс хүнд халдахгүй гэж байсан ч халдвар авсан өвчтөнүүдийн эмчлүүлж байгаа эмнэлгийн эмч, ажилтнууд халдварласан болохыг БНХАУ мэдэгдлээ.

Шинэ төрлийн вирус нь хүнээс хүнд халдварладаг болохыг БНХАУ-ын Эрүүл ахуй, эрүүл мэндийн асуудал хариуцсан улсын хороо өчигдөр (2020.01.20) нотолсон байна. Уг вирусыг судлах Хятадын үндэсний эрүүл мэндийн хорооны дарга Жун Наншаны хэлснээр, одоогийн байдлаар дор хаяж хоёр ч тохиолдол хүнээс хүнд халдсан байж болзошгүй байгаа аж. Мөн эмнэлгийн ажилчдад халдсан нь энэ таамгийг батлах нэг нотолгоо болсон аж.

Хятадын эрх баригчдын үзэж буйгаар, Үхань хотын далайн хүнсний захад амьтнаас хүнд халдах замаар өвчний вирус илэрчээ. Гэвч, Үханиас хол байдаг газрын хоёр ч хүн корона вирусээр өвчлөөд байгаа нь яах аргагүй хүнээс хүнд халдсан тохиолдол хэмээн Жун тайлбарлажээ. Тэдний нэг нь Үханиас гэртээ эргэн ирсэн гэр бүлийн гишүүнээсээ өвчин халдсан тохиолдол юм.

Жун бол 2003 онд SARS вирусийг судалж байсан эрдэмтдийн нэг юм. SARS вирус 2002, 2003 онд 8000 гаруй хүнд халдварлаж, 774 хүний аминд хүрч байсан. Харин Жуны хэлснээр, шинэ вирус SARS шиг хүчтэй вирус биш аж. Гэхдээ уг вирус Үхань хотоос алс Бээжин, Шанхай, Шэньжэнь, тэр ч байтугай Тайланд, Япон, БНСУ, Энэтхэг, Австралид тархаж, цар хүрээгээ тэлж, дэлхий нийтээр онц байдал зарлах хэмжээнд хүрчихээд байна. Одоогоор Тайландад дээрх вирусээр хоёр хүн, Японд нэг хүн, Солонгост нэг хүн, дэлхий даяар нийт 222 хүн халдварласан гэсэн тооцоо гарчээ.

Одоогийн байдлаар шинэ коронавирусийн халдвар авсан хүний тоо 218 (CNN), нас барсан хүний тоо дөрөв болоод байгаа юм. Хубэй мужийн Үхань хотын эрүүл мэндийн хорооны албан ёсны цахим хуудаст мэдээлснээр, нас барсан дөрөв дэх өвчтөн 89 настай эрэгтэй бөгөөд түүнд нэгдүгээр сарын 13-нд шинэ вирусийн халдварын шинж тэмдэг илэрсэн байна. Уг эрэгтэй тав хоногийн дараа буюу нэгдүгээр сарын 18-нд биеийн байдал нь маш хүнд эмнэлэгт хүргэгдэж, нэгдүгээр сарын 19-нд орон нутгийн цагаар 23:39 цагт нас баржээ.

Одоогийн байдлаар Үхань хотын эмнэлэгт шинэ төрлийн коронавирус илэрсэн 169 өвчтөн хэвтэн эмчлүүлж байгаа бөгөөд тэдний 35-ынх нь биеийн байдал хүнд байна гэж хотын эрүүл мэндийн хорооноос мэдээлжээ. Мөн Бээжин, Шанхай зэрэг том хотод анхны тохиолдол илэрсэн байна. Хамгийн аюултай нь, Цагаан сарын үеэр хүмүүсийн хөл хөдөлгөөн коронавирусыг хурдтай тархааж болзошгүй байгаа аж.

БНХАУ-ын Эрүүл мэндийн яамнаас мэдээлснээр Хятадад сар шинийн баяр эхэлж байгаатай холбоотойгоор хүн амын шилжилт хөдөлгөөн тархалтыг улам эрчимжүүлэх аюултай байгаа ажээ. Тодруулбал, урд хөрш энэ сарын 25-наас 27-нд Цагаан сараа тэмдэглэнэ. Энэ үед хилийн боомт амардаг боловч дотоод, гадаадын жуулчдын хөл хөдөлгөөн ихэсдэг. Монголын цагаан сар хоёрдугаар сарын 24-нд болох юм. Сар шинийн баярыг угтан урд хөршийг зорих иргэдийн урсгал нэмэгддэг билээ.

Коронавирусийн тархалт идэвхжиж, дэлхий нийтээр онц байдал зарлачхаад байхад монголчууд л "хэнэггүй” царайлж сууна. Урд хөрштэй хил залгаа оршдог, бараа бүтээгдэхүүнийхээ дийлэнх хэсгийг импортолдог улс орны хувьд шинэ төрлийн вирус дэгдэхгүй гэх баталгаагүй. Гэтэл хүмүүст уг вирус Монголд л хамаагүй юм шиг амны хаалт зүүлгүй, энд тэндгүй ханиалгаж, найтаахдаа ч санаа зовохгүй. Дээр нь иргэдийн дунд коронавирусийн талаарх мэдээлэл, үүнээс хэрхэн урьдчилан сэргийлэх тухай мэдээлэл дулимаг байна.

Хүн амын эрүүл мэнд, аюулгүй байдлыг хариуцах ёстой эрүүл мэндийн салбар нь ч ажил үүргээ умартсан бололтой. Ингэж хэлэхийн учир нь эмнэлгийн байгууллага болон Хил хамгаалах ерөнхий газар, Гаалийн ерөнхий газар, Мэргэжлийн хяналтын ерөнхийн газрууд болон иргэдэд коронавирусээс урьдчилан сэргийлэх зөвлөмж хүргүүлэх нь учир дутагдалтай. Нүдэнд харагдахуйц бодит ажил хэрэгжүүлэх ёстой. Сэрэмжлүүлж хэлэхэд, Хонгконг, Энэтхэг улсаас ирсэн дөрвөн халуунтай тохиолдлыг бүртгэж, мэргэжлийн хяналтын байгууллага, хилийн мэргэжлийн хяналтын байгууллагатай хамтран ХӨСҮТ-д тусгаарлан шалгаж, корона вирусээр өвчлөөгүй болохыг нь тогтоосон байна.

Эрүүл мэндийн байгууллагууд коронавирус Монголд дэгдэхгүй гэдэгт итгэлтэй байна. Хамгийн гол нь иргэд амны хаалт зүүж хэвших, дархлаагаа дэмжих нь чухал ажээ.

Мөн монголчуудын Цагаан сарын баяртай холбоотойгоор уг вирусийн өвчлөл тархаж магадгүй гэдгийг ДЭМБ-аас анхааруулж байна. Эрүүл мэндийн яамны хувьд БНХАУ-д анх коронавирусийн сэжигтэй тохиолдол бүртгэгдлээ гэж ДЭМБ-аас нэгдүгээр сарын 3-ны өдөр зарласан даруйд арга хэмжээ авч эхэлсэн. Монгол Улсад шинэ төрлийн вирусийн халдвар дамжин орж ирэх эрсдэлийн зэргийн үнэлгээг гаргахад дунд эрсдэлтэй гэж үнэлэгдсэн орны тоонд орсон. Тиймээс Монгол Улс онц байдал зарлахгүй. Өмнө нь уг вирусийн зургаан төрөл тогтоогдсон. Эдгээрээс хамгийн хүнд нь 2002, 2003 онд дэлхий нийтэд тархсан SARS. Эл вирусээр 800 гаруй хүн нас барж, 8000 гаруй хүн өвдсөн. Ер нь дэлхий нийтээр томуу, томуу төст өвчний улирал таарч байна.

Монголд ч бас томуу, томуу төст өвчний идэвхтэй үе тохиож, В вирусийн халдварын вирус тархаж байна. В вирусийн хамт энгийн коронавирус, амьсгалын замын H3N2 зэрэг зургаан төрлийн вирусээр хүмүүс өвчилж байна. Тиймээс хүүхэд, насанд хүрсэн иргэдэд энэ ханиад хүнд тусч байгаа юм. В вирус нь амьсгалын доод замыг өвчлүүлдэг, уушгины хатгалгаа болох нь их байна. Дээр нь коронавирусийн гурав дахь эрсдэл нь томуугийн улиралд дэгдэж байгаагаар онцлог байна. Гэхдээ томуу, томуу төст өвчний тархалт зургаан хувьтай буюу буурч, орны ачаалал хэвийн байна.

БНХАУ болон бусад улсад тархаад буй шинэ төрлийн уушгины хатгалгаа өвчнийг коронавирусийн долоо дахь төрөл гэж үзэж байна. Уг вирусийг анх мал амьтны захаар явсан хүмүүст ахуйн хавьтлын замаар халдсан байж болзошгүй гэж үзсэн. Хоёрдугаарт, МХЕГ, ГЕГ холбогдох бүх байгууллагад анхааруулга, сэрэмжлүүлгийг албан бичгээр хүргүүлсэн. Ялангуяа хилээр орж ирж буй хүмүүсийн өвчтэй эсэхийг хэрхэн хянах вэ гэдэг зааварчилгаа өглөө. Орон нутгийн Засаг дарга нарт хилийн боомтоор орж ирэх эрүүл ахуйн халдвар судлалын хяналтаа хэрхэн тавих вэ гэдэг зөвлөмж хүргүүлсэн. Энэ мэтчилэн бүх төрлийн мэдээлэл зөвлөмжийг өгч, эрүүл мэндийн байгууллагуудад бэлэн байдалтай ажиллах үүрэг өглөө. ДЭМБ-аас зургаан чиглэлээр түр зөвлөмж гаргасны дагуу эрүүл мэндийн байгууллагуудын бэлэн байдлыг хангах арга хэмжээ авч, орон нутгийн эмч нарт сургалт зохион байгуулж, иргэдэд зөвлөмж өгч байна.

Хамгийн чухал нь гаднын улс орнуудад зорчихгүй байх, коронавирус амьсгалын замаар халдаж байгаа учраас амны хаалт хэрэглэх, гараа савандаж угаах, гар ариутгагч хэрэглэх, амьтны маханд хүрэхгүй байх, амьтны гаралтай бүтээгдэхүүнийг сайтар боловсруулж хэрэглэх шаардлагатай гэсэн зөвлөмжийг иргэдэд өгч байна. Үүнээс онцгой анхаарч буй зүйл нь өндөг. Иргэд аль болох гаднын улс орнууд руу зорчихгүй байх, өндгийг чанаж хэрэглэх, урд хөршөөс өндөг, тахианы мах авахгүй байх нь чухал.

Хэрэв ханиаж, халуурч, амьсгалахад хүнд болох гурван төрлийн шинж тэмдэг илэрч байвал эрүүл мэндийн байгууллагад хандах хэрэгтэй. Иргэд амны хаалт хэрэглэж дадах, мэдээлэлтэй байх хэрэгтэй.

ЭХ СУРВАЛЖ: SUVD.MN

Архангай аймагт коронавирусийн сэжигтэй тохиолдол илэрчээ

zulaa — Mon, 27 Jan 2020 14:26:21 +0800

Хоосон ходоодон дээрээ буюу өлөнгөөрөө ус уухын гол ашиг тус

saikhnaa — Thu, 23 Jan 2020 12:49:51 +0800

1.Биеэс хорыг гадагшлуулна.
Ус ууснаар , гэдэсний үйл ажиллагаа идэвхжинэ. Шөнийн цагаар таны бие өөрийгөө эдгээж бүх хорыг биеэсээ ялгаруулж цэвэрлэдэг байна. Хэрвээ та өглөө хоосон ходоодон дээрээ ус уух юм бол аюулт хорт бодисыг биеэсээ гаргаж эрүүл соргог байна. Их хэмжээний ус уух нь цусны эсийг шинээр төлжүүлж , булчингийн эсийг нэмэгдүүлдэг байна.

2.Бодисын солилцоог нэмэгдүүлнэ.
Хоосон ходоодон дээр ус ууснаар бодисын солилцоог тань хамгийн багадаа 24%-иар нэмэгдүүлнэ. Хоолны хатуу дэглэм барьж байгаа хүмүүст энэ нь их чухал юм. Бодисын солилцоог нэмэгдүүлнэ гэдэг нь хоол боловсруулах системийг хурдасгана гэсэн үг. Шингээлт сайн болсноор та хоолны дэглэм барьж байгаа үед илүү амар байх болно.Дөнгөж сэрээд босонгуутаа ус уух нь бүдүүн гэдсийг цэвэрлэж , шим тэжээлийг шингээхэд дөхөм болгоно.

3.Зөв аргаар буюу эрүүлээр жингээ хаяхад тустай.
Бага өлсдөг болох ба идэх дур хүсэл багасна. Энэ нь хэт их идсэнээс болж таргалалт үүсэхээс сэргийлнэ.

4.Ходоодны хямрал ба шар хөөрөхийг дарна.
Ходоодны хямрал нь ходоодон дахь хүчил ихэдсэнээс болж үүсдэг. Хүчил буруу урсгалд орж нарийн гэдэс рүү орсноор шар хөөрч өвдөнө. Хоосон ходоодон дээрээ ус ууснаар хүчлийг шингэрүүлж дарж асуудлыг шийдэх болно. Түүнчлэн ингэснээр өглөөний цайгаа уух бэлтгэл болж ходоодыг чинь ажиллуулж эхлэх юм.

5.Өнгө зүс нэмж , арьс толигор болно.
Шингэний дутагдал нь хурдан үрчлээтүүлж бас арьсанд гүн нүх үүсгэдэг. Судалгааны үр дүнд хоосон ходоодон дээрээ 500 мл ус уух нь цусны урсгалыг нэмэгдүүлж арьсыг толигор болгодог. Түүнчлэн өдрийн турш нэмж ус уух нь биеийн хорыг гадагшлуулж , арьсыг тань өнгөлөг болгоно.

6.Гялалзсан зөөлөн , эрүүл үстэй болоход тус болно.
Шингэн дутагдсанаас болж үсний ургалтад чинь асар муу нөлөө үзүүлнэ. Их хэмжээний ус уух нь үсний ургалтад тэжээл болж өгдөг. Ус нь бараг туг үсний ¼ -ийг бүрдүүлдэг. Ус бага ууснаар үсийг хэврэг бас шингэхэн болгодог. Тиймээс та өдөр болгон их хэмжээний ус уух хэрэгтэй ялангуяа өглөө сэрээд хоосон ходоодон дээрээ.

7.Бөөрний чулуу бас давсагны өвчингөөс хамгаална.
Сэрээд ус ууснаар бөөрний чулуу үүсэхээс сэргийлнэ. Баримтаас үзэхэд хоосон ходоодон дээрээ ус ууснаар ходоодны уусгах хүчлийг бөөрний чулуу үүсдэг хэсэг рүү түгээдэг байна. Ус уух тусам халдвараас болж үүсдэг давсагны өвчингөөс хамгаалагдах юм.

8.Дархлааны системийг сайжруулна.
Тунгалагийн систем , дархлааг сайжруулна. Сайн дархлаатай байх нь таныг байн байн өвчин тусгахгүй сайн талтай юм.
Эдгээр нь дөнгөж сэрээд хоосон ходоодон дээрээ буюу өлөнгөөрөө ус уусны үр дүнд бий болох сайн талууд юм. Энэ бол эргэлзээгүйгээр таны мөнгийг хэмнэж эрүүл мэндэд чинь тус болох хамгийн сайн арга мөн.

Томуу, томуу төст өвчтэй хүүхдээ харж байгаа эцэг, эхчүүдэд цалинтай чөлөө олгохоор боллоо

saikhnaa — Thu, 23 Jan 2020 12:09:22 +0800

Томуу, томуу төст өвчтэй, тав хүртэлх насны хүүхдээ эмнэлэгт, гэрээрээ 3-5 хоног асарсан эцэг, эх, асран хамгаалагчид цалинтай чөлөө олгохыг ажил олгогч нарт даалгалаа. Өнөөдрөөс гуравдугаар сарын 16-ны өдөр хүртэл мөрдөх энэ тогтоолыг дэмжиж ажиллахыг хувийн хэвшлийн аж ахуйн нэгжүүдийн удирдлагад уриалав.

Мөн өрхийн эрүүл мэндийн төвийг өнөөдрөөс эхлэн гуравдугаар сарын 16-ны өдөр хүртэл Бямба гараг бүрт ажиллуулахыг Эрүүл мэндийн сайд болон бүх шатны Засаг дарга нарт үүрэг болголоо.

Өвөлжилт хүндэрч буй сумдад эрүүл мэндийн тусламж үзүүлж байна

Mart — Wed, 22 Jan 2020 11:37:34 +0800

Аймгийн Онцгой комиссын шийдвэрээр өвөлжилт хүндэрч байгаа сум, багт ажиллаж, малчин иргэдэд эрүүл мэндийн тусламж үйлчилгээг үзүүлэх шийдвэр гарсан. Аймгийн Онцгой байдлын газрын дэд дарга, дэд хурандаа Д.Цэрэндоржоор ахлуулсан ажлын хэсэг Өгийнуур, Өлзийт, Хайрхан суманд ажиллаж байна.

Өнгөрөгч амралтын өдрүүдэд Өгийнуур суманд ажиллаж, нөхцөл байдалтай танилцан, иргэдэд эрүүл мэндийн тусламж үзүүлсэн байна. Тус сумын цасны зузаан тал газраа 5-10 см, жалга гуу газраар 10-15 см зузаантай байна.

Энэ жил газрын гарц тус сумын Орхон, Өгий багт тааруу байсан нь өвөлжилт хүндрэхэд хүргэжээ. Мөн Тоглох, Дойт багт хүндрэх төлөвтэй байна. Энэ үеэр сумын онцгой комиссыг хуралдуулан бэлэн байдлыг шалгаж, Засгийн газрын 319-р тогтоолын дагуу гадны аймгийн айл өрхүүдтэй гэрээ байгуулах, малын шилжилт хөдөлгөөнүүдэд хяналт тавих үүрэг даалгаврыг өгсөн байна.

Мөн ОБГ-ын ахлан мэргэжилтэн Л.Батбаатараар ахлуулсан ажлын хэсэг Цэнхэр, Төвшрүүлэх, Хотонт, Хашаат суманд ажиллаж байна.

Д.Алтантуяа: Цэцэрлэгийн хүүхдийн хоолонд сүү, таргийг тасралтгүй нийлүүлэх шаардлага байна

Mart — Wed, 22 Jan 2020 11:04:47 +0800

Аймгийн Эрүүл мэндийн газрын Нийгмийн эрүүл мэндийн хэлтсийн дарга Б.Алтантуяатай уулзаж, цэцэрлэгийн хүүхдийн хоол тэжээлийн талаар дэлгэрэнгүй ярилцлаа.

-Цэцэрлэгийн хүүхдийн хоол тэжээлийн норм хэмжээг тогтоосон ямар нэг баримт бичиг байдаг уу?

-Байлгүй яахав. Эрүүл мэндийн сайдын 2014 оны "Монгол хүүхдийн хоол тэжээлийн бодисуудын зөвлөмж хэмжээг батлах тухай” 113 дугаар тушаал бий. Үүгээр цэцэрлэг, сургуулийн насны хүүхдийн хэрэгцээт илчлэг, хоногийн хоолны хэм хэмжээ, дэглэмийг баталсан байдаг. Хүүхдийн байгууллагад хүүхдийн хоолыг хүйсийн ялгавартайгаар бэлдэн үйлчлэх боломжгүйг харгалзан 1-3 настай хүүхдэд 1200 ккал, 4-6 настай хүүхдэд 1600 ккал илчлэгтэй хоол хүнс хоногт хэрэглэхээр тооцож, үүнээс тухайн насны бүлгийн хүүхдэд шаардлагатай хоногийн хэрэгцээт илчлэгээс 8 цагийн үйл ажиллагаатай цэцэрлэг 75-80 хувийг авахаар тооцон, хоолны цэсийг төлөвлөж, хүнсний бүтээгдэхүүнээр хангах ёстой.

-Тэгэхээр найман цагаар цэцэрлэгт явдаг хүүхдүүд энэ хугацаанд ямар хэмжээний илчлэгийг авах ёстой вэ?

-Хүүхдэд шаардлагатай хоногийн нийт илчлэгийг хуваарилан өгнө. Тухайлбал, өглөөний хоолноос 20 хувийг, бага үдийн цайнаас 10-15 хувийг, өдрийн хоолноос 30-35 хувь, их үдийн цайнаас 10 хувь, оройн хоолноос 20-25 хувийг авахаар хуваарилж өгөх ёстой.Найман цагийн үйл ажиллагаатай цэцэрлэгт явдаг хүүхэд хоногийн нийт илчлэгийн 70-75 хувиа цэцэрлэг дээрээ авч, 20-25 хувиа гэртээ оройн хоолоор авна гэж ойлгож болно.

Хоногийн хэрэгцээг хангах хүнсний бүтээгдэхүүний жишиг хэмжээ:

1-3 насанд:

№

Хүнсний бүтээгдэхүүний бүлэг

1 хоногийн хэрэгцээг хангах хүнсний бүтээгдэхүүний жишиг хэмжээ

Цэцэрлэгийн хоолоор авах жишигхэмжээ /75-80%/

1

Мах, махан бүтээгдэхүүн

110 гр

85 г

2

Сүү, сүүн бүтээгдэхүүн /сүү, тараг, аарц, ээдэм/

270 гр, мл

208 гр, мл

3

Үр тариан бүтээгдэхүүн /гурил, гурилан бүтээгдэхүүн, будаа, төмс/

225 гр

174 гр

4

Хүнсний ногоо

110 гр

85 гр

5

Жимс, жимсгэнэ

100 гр

77 гр

6

Тос

15 гр

11 гр

7

Чихэр, чихэрлэгийн зүйл

15 гр

11 гр

8

Давс

2 гр

1,5 гр

4-6 насанд:

№

Хүнсний бүтээгдэхүүний бүлэг

1 хоногийн хэрэгцээг хангах хүнсний бүтээгдэхүүний жишиг хэмжээ

Цэцэрлэгийн хоолоор авах жишиг хэмжээ /75-80%/

1

Мах, махан бүтээгдэхүүн

145 гр

111 гр

2

Сүү, сүүн бүтээгдэхүүн /сүү, тараг, аарц, ээдэм/

270 гр, мл

208 гр, мл

3

Үр тариан бүтээгдэхүүн /гурил, гурилан бүтээгдэхүүн, будаа, төмс/

370 гр

285 гр

4

Хүнсний ногоо

145 гр

111 гр

5

Жимс, жимсгэнэ

120 гр

92 гр

6

Тос

15 гр

15 гр

7

Чихэр, чихэрлэгийн зүйл

15 гр

11 гр

8

Давс

2 гр

1,5 гр

-Танай байгууллагаас цэцэрлэгийн хүүхдийн хоолонд зохих илчлэг, шим тэжээлийг агуулж байгаа эсэхэд хяналт, дүгнэлтхийж байсан уу?

-2018, 2019 онд Эрүүл мэндийн газраас цэцэрлэгийн хүүхдийн хоолонд үнэлгээ хийж, дүгнэлт, зөвлөмжийг цэцэрлэгийн удирдлагууд болон Боловсрол соёл урлагийн газрын даргад хүргүүлсэн. Энэ үнэлгээгээр ЭМС-ын 2014 оны 113 дугаар тушаалаар батлагдсан "Цэцэрлэг, сургуулийн насны хүүхдийн хэрэгцээт илчлэг, хоолны хэмжээ, дэглэмийн зөвлөмж хэмжээг батлах тухай” тушаалын хэрэгжилт "хангалтгүй” гэж гарсан. Үүнд, цэцэрлэгийн хүүхэд цэцэрлэгийн хоолоор авах ёстой илчлэгийг бүрэн авч чадахгүй буюу 75-85 хувийг авч байна. Зарим цэцэрлэгт 75-аас ч доош хувьтай байсан.

Цэцэрлэгийн хүүхдийн хоолонд хүүхдийн эрүүл мэндийг дэмжих, өдөр бүр хангалттай хэмжээгээр хэрэглэхийг зөвлөдөг сүү, цагаан идээ, хүнсний ногоо, жимс, жимсгэний хэрэглээ зөвлөмж хэмжээнээс хэт бага байгаа юм. Хүүхдийн өдөрт цэцэрлэгийн хоолоор авах ёстой сүү, цагаан идээний хэрэглээ дунджаар 20-50 хувь, хүнсний ногооны хэрэглээ 40-60 хувь, жимс, жимсгэний хэрэглээ 10-15 орчим хувьтай, хүнсний ногооны нэр төрөл цөөн, жимс, жимсгэнийг зонхилон маш бага орцтойгоор шүүс хэлбэртэйгээр өгч байна. Мөн үйлдвэрийн печень, гурилан боов зонхилон хэрэглэдэг. Печенийг сургуулийн үдийн цай, хоолонд зөвлөдөггүй. Яагаад гэхээр эдгээр хүнс нь чихрийн агууламж ихтэй, транс тос агуулсан байгаа нь хүүхдийн эрүүл мэндэд эрсдэлтэй гэж үздэг учраас.

-Цаашид цагаан идээний хэрэглээг хэрхэн өсгөх вэ?

-Хүүхдийн дундах шүд цоорох өвчний тархалт 95-аас дээш хувьтай байгаа. Цаашид шүд цоорох өвчлөлийг бууруулах, урьдчилан сэргийлэхэд сургуулийн үдийн цай, цэцэрлэгийн хүүхдийн хоолонд өдөр тутам хэрэглэх амны хөндийн эрүүл мэндийг дэмжсэн хүнсний бүтээгдэхүүн болох сүү, сүүн бүтээгдэхүүний хэрэглээг зөвлөмж хэмжээнд хүргэж нэмэгдүүлэх, чихрийн агууламжтай хүнсний бүтээгдэхүүний хэрэглээгэрс багасгах, мөн хүүхдийн өсөлт бойжилтын хэвийн үйл ажиллагааг хангаж, суурь өвчлөлөөс сэргийлэх, дархлааг дэмжихэд хүүхдийн хоолонд аминдэм, эрдэс бодисоор баялаг хүнсний бүтээгдэхүүнийг сонгох шаардлагатай байна.

Эрдэнэбулган сумын цэцэрлэгийн эрхлэгч нартай хийсэн уулзалтын үеэр тендерийн сонгон шалгаруулалтаар ханган нийлүүлж байгаа бэлэн гурилан бүтээгдэхүүн дэх чихрийн хэмжээ их байх, транс тос агуулсан байх зэрэг хүүхдийн эрүүл мэндийг дэмжихгүй гурилан бүтээгдэхүүнээр хангадаг талаар хэлж байсан. Мөн тендерийн сонгон шалгаруулалтаар үнээний цэвэр сүү, таргаар өдөр бүр бүрэн хангах боломж байхгүй байгаа талаар асуудал тавьж байсан.

Иймд цэцэрлэгийн хүүхдийн хоолонд орон нутгийн үйлдвэрийн нийлүүлж буй гурилан бүтээгдэхүүний агууламжид тавих хяналтыг сайжруулж, хүүхдийн эрүүл мэндийг дэмжсэн бүтээгдэхүүнээр хангах, мөн цэцэрлэгүүд өөрсдийн гал тогоонд эрүүл мэндийн шаардлага хангасан гурилан бүтээгдэхүүнээ үйлдвэрлэж, хүүхдийн хоолонд өгөх боломжийг нэмэгдүүлэх шаардлагатай байгаа юм.

Мөн 2020 оноос цэцэрлэгийн хүүхдийн хоолны төсөв өмнөх оноос 50 хувиар нэмэгдсэнтэй холбогдуулан цэцэрлэгийн хүүхдийн хоолонд маш хангалтгүй хэрэглэж байгаа цэвэр сүү, таргаар цэцэрлэгийг шаардлагатай хэмжээгээр, өдөр бүр, тасралтгүй хангах боломжийг орон нутагтаа бүрдүүлэх чиглэлээр аймгийн Хүнс хөдөө аж ахуйн газраас анхааран ажиллах хэрэгцээ, шаардлага байна.

-Энэ онд ЭМГ-аас хүүхдийн хоол тэжээлийг сайжруулах чиглэлээр ямар арга хэмжээ авч ажиллах вэ?

-2020 оноос цэцэрлэгийн хүүхдийн хоолыг зөвлөмж хэмжээнд нийцүүлж сайжруулах зорилгоор ЭМГ-аас тодорхой үйл ажиллагаануудыг хэрэгжүүлэхээр төлөвлөн ажиллаж байна. Тухайлбал,

1.Сумдын Засаг дарга нарын гэрээнд сургуулийн үдийн цай, цэцэрлэгийн хүүхдийн хоолонд шаардлагатай сүү, таргаар орон нутагтаа хангах нөхцөлийг бүрдүүлэх заалтыг оруулах саналыг ЭМГ-аас аймгийн ЗДТГ-т хүргүүлсэн.

2.Бүх сургуулийн захирал нарын аймгийн Засаг даргатай байгуулах гэрээнд үдийн цайнд 7 хоногийн 2-оос доошгүй өдөрт цэвэр сүү, тараг өгөх заалтыг, цэцэрлэгийн эрхлэгч нарын гэрээнд цэцэрлэгийн хүүхдийн хоолонд өдөр бүр зөвлөмж хэмжээгээр цэвэр сүү, тараг өгөх заалтыг тусгасан.

3.Аймгийн Засаг даргад сургуулийн үдийн цай, цэцэрлэгийн хүүхдийн хоолонд маш хангалтгүй хэрэглэж байгаа үнээний цэвэр сүү, таргаар сургууль, цэцэрлэгийг шаардлагатай хэмжээгээр, өдөр бүр, тасралтгүй хангах боломжийг орон нутагтаа бүрдүүлэх чиглэлээр санал хүргүүлсэн.

Мөн бүх цэцэрлэгийн хоолонд үнэлгээ хийж, зөвлөмж өгөх, тогооч, няравуудад сургалт хийх, "Хүүхдийн эрүүл мэндийг дэмжигч цэцэрлэг” болзолт уралдааныг нийт цэцэрлэгийн дунд зарлах гэсэн ажлуудыг хийхээр төлөвлөсөн байгаа.

Манай аймагт нэг төрийн бус байгууллага сургууль, цэцэрлэгийн хүүхдэд хийсэн шинжилгээгээр 40 орчим хувь нь ясны сийрэгжилттэй, 40 гаруй хувь нь ясны эд цөөрсөн гэсэн судалгааны дүн гарсан гэж байсан. Энэ нь нэг талаас хоол хүнсээр авч байгаа кальцийн хэмжээ бага байгааг илтгэх үзүүлэлт. Цэцэрлэгийн насны хүүхэд өдөрт 1 аяга /250 мл/ цэвэр сүү, тараг, эсвэл 30 гр аарц хэрэглэхэд хоногт шаардлагатай кальцийн хэмжээг нөхөх боломжтой гэж үздэг.

-Ярилцсанд баярлалаа.

Архангайд эмч нарын хариуцлагагүйгээс хичнээн хүүхэд амь насаараа хохирох вэ

zulaa — Wed, 15 Jan 2020 18:40:27 +0800

Бага насны хүүхдүүдийн зүй бус эндэгдэл тууштай буурахгүй байна. Энэ нь олон шалтгаантай. Жил бүр зүсээ хувирган тэнүүчлэх элдэв төрлийн вирусын

Биен дээр шалтгаангүй хөхрөлт үүссэний шалтгаан байж мэдэх 7 асуудал

saikhnaa — Sat, 11 Jan 2020 14:34:07 +0800

Ямар ч шалтгаангүй биен дээр хөхрөлт гарсан байх нь элбэг. Харин энэ нь эрүүл мэндийн талаар бидэнд өгч буй дохио гэж эмч нар үздэг. Адме.ру цахим хуудас эдгээр хөхрөлтүүд ямар шалтгааны улмаас гардгийг эмч мэргэжилтнүүдээс тодруулан нийтлэснийг орчуулан хүргэж байна.

1.ЭМ БЭЛДМЭЛ ХЭРЭГЛЭСНИЙ УЛМААС

Цусанд нөлөөлдөг эм бэлдмэл уусны улмаас бага зэрэг болон тод илэрсэн хөхрөлтүүд үүсч болзошгүй. Антидепрессант, астмыг эмчлэх, үрэвслийн эсрэг, төмөр агуулсан эм бэлдмэлүүд хэрэглэснээр ийм хөхрөлтүүд үүсэх боломжтой гэнэ.
Эм уух үед арьсан дээр аливаа өөрчлөлт анзаарагдвал нэн даруй эмчид хандаарай.

2. ЦУСНЫ ӨВЧЛӨЛ

Гэнэт хөхрөлт үүсвэл цус болон судасны өвчлөл байж мэднэ. Тиймээс биен дээр хөхрөлт үүсэх болон хөл өвдөх, хавдах, буйлнаас цус гарах, биен дээр жижиг хөх толбууд үүсэх, хамраас цус гарах зэрэг бусад шинж тэмдгүүд илэрвэл нэн даруй эмчид хандах хэрэгтэй.

3. ТЭЖЭЭЛИЙН БОДИСЫН ДУТАГДАЛ

Аминдэм бас дахин аминдэм. Хүүхдүүдээ аминдэм хангалттай хэмжээгээр авч байгаад нь бид байнга анхаардаг хэрнээ өөрсдийгөө мартчихдаг. Таны бие дээр гэнэт л хөх толбонууд гарч эхлэвэл амин чухал бодисууд дутагдсы шинж.

В12 аминдэм цус төлжихөд, К аминдэм цусны эргэлт, харин С аминдэм шинэ эд эс үүсэхэд чухал үүрэгтэй. Түүнчлэн Р аминдэм нэн чухал бөгөөд энэ аминдэм дутагдвал коллаген боловсруулалт зогсож, судасны хана нимгэрдэг. Гэхдээ та витаминжуулалт хийх гэж яараад хэрэггүй, нэн тэргүүнд хоол хүнсэндээ анхаараарай. Р аминдэмийг ногоон цай, алим, хулуу, сармис нөхдөг бол К аминдэм гадил, өндөг, самар, загас, харин В12 аминдэм үхрийн элэг, загас, бяслаг, ногоон салатанд агуулагддаг.

4. ХҮЧНИЙ БЭЛТГЭЛ, ХҮНД ЗҮЙЛ ӨРГӨХ

Хүнд зүйл өргөх нь хөхрөлтийн хоёрдогч шалтгаан болдог. Хялгасан судас хэврэг тул хэт их биеийн ачааллыг дийлдэггүй. Улмаар эрүүл судаснууд ч хагарах нь элбэг. Хүүхдүүд ч ийм асуудалтай тулгардаг. Хэт хүнд цүнх үүрснээс биенд ачаалал өгч судаснууд хагарах эрсдэлтэй. Ийм шалтгаанаар судас хагарах нь аюулгүй гэж үздэг ч өөрийн хүчинд таарсан ачааллыг өгөх нь зүйтэй.

5.ГОРМОНЫ ДУТАГДАЛ

Гормоны дутагдал нь хөхрөлт үүсэх үндсэн шалтгаануудын нэг. Сарын тэмдэг зогссон үед, гормоны эм уухад болон жирэмсэн үед ийм шалтгаанаар хөхрөлт үүсч болзошгүй.

6. НАСНЫ ӨӨРЧЛӨЛТ

Эмч нарын өгүүлснээр насны өөрчлөлт буюу хялгасан судасны элэгдлээс болж хөхрөлт үүсдэг гэнэ. Нас ахихын хэрээр эд эсийн уян хатан чанар буурдаг тул судасны систем сулардаг байна.

7.ЧИХРИЙН ШИЖИН

Чихрийн шижин цусны эргэлтийн явцад сөргөөр нөлөөлдөг тул хөхрөлт үүсэх нь элбэг байдаг. Эмч нарын зөвлөснөөр хөхрөлт үүсэх нь чихрийн шижин өвчин эхэлж буйн шинж тэмдэг байж болзошгүй тул эмчид хандах шаардлагатай гэнэ. Түүнчлэн ам цангах, шарх хурдан эдгэхгүй байх, амархан ядрах, хараа муудах, арьсан дээр цагаан толбо үүсэх зэрэг шинж тэмдгүүд илэрвэл чихрийн шижин өвчин байж болзошгүй тул эмчид хандахаа хойшлуулж хэрэггүй.

Г.Бямбасүрэн

Цусны сахар ихэсдэг хүмүүст зориулсан зөвлөмж

zulaa — Wed, 08 Jan 2020 18:37:38 +0800

Цусны сахар ихсдэг хүмүүст зориулсан зөвлөмжийг оруулж байна.

Дөрөв хүртэлх насны хүүхдийн томуугийн өвчлөл өссөн дүнтэй байна

Mart — Tue, 07 Jan 2020 11:12:12 +0800

Томуу, томуу төст өвчний /ТТӨ/ 2019 оны 12 дугаар сарын 30-наас 2020 оны 01 дүгээр сарын 06-ныг дуустал хугацаанд хийсэн тандалтын мэдээг ЭМГ-аас танилцуулж байна.

Амбулаторид суурилсан томуугийн харуулдан тандалтаар 23 нэгж мэдээ ирүүлэхээс 23 нэгж 100 хувь мэдээ ирүүлсэн байна. Тандалтын 23 нэгжид 2020 оны 1-р долоо хоногт нийт 2728 хүн үйлчлүүлснээс 444 /16,2 хувь/ нь томуу, томуу төст өвчтэй гэж оношлогдсон нь өнгөрсөн долоо хоногоос 7,5 хувиар буурсан байна. ТТӨ-өөр өвчлөгсдийн 67,79 хувийг дөрөв хүртэлх насны хүүхэд,19,6 хувийг нь 5-15 насны хүүхдийн өвчлөл эзэлжээ.

ТТӨ-тэй тохиолдлыг насны бүтцээр нь авч үзэж 52-р долоо хоног буюу 2019 оны 12-р сарын 23-29-ний өдрүүдтэй харьцуулахад 0-11 насных 9,1 хувиар, 1 насных 5,2 хувиар, 2-4 насных 3,3 хувиар тус тус өссөн байгаа бол 5-9 насных 14,4 хувиар, 10-14 нас 4,5 хувиар тус тус буурсан үзүүлэлтүүд гарчээ.

“Эрүүл шүд-Эрүүл хүүхэд” хөтөлбөрийн хүрээнд 2458 хүүхдийн шүдийг эмчилжээ

Mart — Thu, 02 Jan 2020 10:21:56 +0800

Засгийн газраас хэрэгжүүлж буй"Эрүүл шүд-Эрүүл хүүхэд” үндэсний хөтөлбөрийн хүрээндАрхангай аймгийнНэгдсэн эмнэлэг, сум, өрхийн эрүүл мэндийн төвүүд16 хүртэлх насны 7727 хүүхдэд амны хөндийн өвчлөл илрүүлэх үзлэгийг хийсэнбайна. Үүнээс62.6 хувь буюу 4840 хүүхэд шүд цоорох өвчтэй оношлогдсон ба2458 хүүхдийн шүдийгэмчлэн эрүүлжүүлжээ.

Архангайд судалгаагаар шүд цоорох өвчлөл нь хүүхдүүдийн дунд 95 орчим хувийн тархалттай байгаа бөгөөд сурагч өсвөр үеийнхэн төдийгүй насанд хүрэгчдийн дунд тохиолдож буй олон архаг өвчний суурь болж байгаа ажээ. Мөн иргэдийн дунд амны хөндийн эрүүл ахуйн мэдлэг хангалтгүй, шүдээ зөв арчлах дадал заншил бүрэн төлөвшөөгүйн улмаас бага насны хүүхдийн шүд цоорох өвчлөл буурахгүй байгааг мэргэжлийн байгууллагын зүгээс хэлж байгаа юм.

Харзны усанд орохын тулд биеэ эртнээс бэлдэх хэрэгтэй

saikhnaa — Thu, 26 Dec 2019 14:03:52 +0800

Харзны усанд орох нь биеийг хасах цэнэгтэй ионоор цэнэглэж биеийг сэргээж өгөхөөс гадна хүний биеийн цусны эргэлтийг сайжруулж, судасны бөглөөсийг арилгаж, биеийн зарим хэсэгт бий болсон үхжилтийг сааруулж, сэргээж өгдөг байна. Харзны хүйтэн усанд орох нь эмэгтэй хүний арьс болон суларсан булчинг чангаруулж, тураадаг ач тустай. Монголчууд усны эмчилгээний гайхамшигт чанарыг эртнээс мэдэж амьдрал ахуйдаа хэрэглэж ирсэн ард түмэн. Монголчууд Намрын дунд сарын 15-наас урсгал ус рашаан болж, таван махбодийг эмчилдэг гэж ярьдаг. Рашаан ус хүртэж биеэ эмчилдэг хүмүүс намар өөрийн өвчин шаналлыг арилгахаар рашаан усанд их явдаг юм. Харзны усанд орсноор сэтгэцийн өвчин, үе мөчний гээд олон өвчин хууч эдгэрдэг байна. Яагаад гэвэл харзны усанд сөрөг нөлөө гэж байдаггүй онцлогтой.

Харзны усанд орохын тулд биеэ эртнээс бэлдэх хэрэгтэй

Анх удаагаа харзны усанд орж буй хүн хатгаа авах аль эсвэл хүнд уушигны өвчин авах магадлал өндөр байдаг. Тйимээс харзны усанд орохоор шийдсэн бүсгүйчүүд одооноос эхлээд маш хүйтэн устай алчуурыг базаад биеэ арчиж үрж байх хэрэгтэй. Ингэж дасгадаг нь харзны усанд орох бэлтгэл үе болдог байна. Хамгийн гол нь харзанд орох тунгаа тааруулах хэрэгтэй. Зарим хүмүүс өөртөө бардаж харзанд удаан орсоноос жин цохиулдаг. Жин цохиулахын аюул их. Тиймээс ердөө цочроох маягаар шумбаад л гарах хэрэгтэй. Мөн харзанд ороход хэрэгтэй сэтгэлзүйн байдал бусад зүйлийг нэмж судлахад илүүдэхгүй.

Бэлтгэл

Мэдээж усанд орох хувцас, уснаас гарч ирээд бие арчих алчуур, нөмрөх хувцас, шаахай зэргийг авч явах хэрэгтэй. Мөн халуун савтай цай, цайндаа шар тос самраад авч явбал бүр сайн. Уснаас гарч ирээд ууна. Шар тостой цайг монголчууд осгосон хүн малд өгдөг нь хүний голын тамирыг сэргээж, голд хуралдсан хүйтнийг зайлуулж өгдөг гэж үздэг тул усанд орсны дараа уухад сайн байдаг.

Заавар

Анх орж байгаа хүн бол өвдгөө, духаа, 20 секунд орчим шавшаад биеэ арчиж байгаад харзандаа орвол бүр сайн байдаг. Харин харзны усанд та бүх биеээрээ 3-5 секунд ороход л болно. Хамгийн гол биеийнхээ бүх хэсэгээ оруулах ёстой.

Харзны усанд ордог бүлэг хүмүүстэй нэгд

Улаанбаатар хотод 7 хоног бүр цуглаж харзны усанд ордог хүмүүс цөөнгүй болжээ. Мөн Монголын Рейкийн холбооны гишүүд ч ийм арга хэмжээг идэвхитэй зохиодог байна. Тэд голын мөсийг цоолж харзны усыг гаргаж ирдэг байна.

Д витамины талаар мэдвэл зохих 10 зүйл

saikhnaa — Tue, 24 Dec 2019 11:02:20 +0800

1. Удаан хугацааны туршид Д витамин ихээр дутагдсанаас хоол боловсруулах замаас кальци, фосфорын шимэгдэлт буурч улмаар өсч буй бие махбодийн яс зөөлрөх өвчнийг сульдаа/рахит/rickets гэнэ. Д витамин дутагдахад хоол боловсруулах замаас нийт кальцийн ердөө л 10-15% нь цусанд шимэгдэнэ.

2. Иймд өсөлт хоцрох буюу хүүхдийн жин, өндөр хэвийн хэмжээнээс бага байх, булчин сулрах, яс зөөлөрч хэлбэр дүрсээ алдах (дөрвөлжин толгой, майга эсвэл Х хөл, бугуй, шагай, өвдөгний үеэр бүдүүрэх, хавирганы яс-мөгөөрсний үе бүдүүрэх – сампингийн эрхний шинж) нь энэ өвчний үндсэн шинж юм.

3. Булчин суларч яс зөөлөрснөөс шалтгаалан хүүхэд мөлхөх, хөлд орох нь хоцрох, суух болон явахад хөл нь өвдөх, сүүн шүд цоорох шинжүүд илэрнэ. Цусан дахь кальцийн хэмжээ хэт багассанаас булчингийн таталт илэрч болно. Түүнчлэн сульдаатай хүүхэд өвчлөмтгий байхаас гадна аливаа өвчнөөр илүү хүнд өвчилдөг.

4. Дан хөхөөр хооллодог хэрнээ Д витамин уудаггүй, агаар салхинд гардаггүй, дутуу төрсөн, 6 сар хүрээд нэмэгдэл хоолонд ороогүй, бор арьстай, элэг ба бөөрний хүнд өвчтэй, уналт таталтын эм (үүнд люминал буюу фенобарбитал орно), гормон байнга хэрэглэдэг, сүү сүүн бүтээгдэхүүн хэрэглэдэггүй байх нь рахитаар өвчлөх эрсдэлт хүчин зүйл болно.

5. Хүүхэд 2 нас хүртлээ рахитаар өвчилж боловч 3-6 сартай хүүхэд хамгийн өндөр эрсдэлтэй.

6. Рахитаас урьдчилан сэргийлэхийн тулд эх жирэмсний хугацаанд пренаталь витамин тасралтгүй уух, гүйцэт төрсөн бол 14 хоногтойгоос, дутуу төрсөн бол төрсөн өдрөөс нь Д3 витаминыг өдөр бүр уулгах хэрэгтэй. Спирт агуулсан бэлдмэлүүдийг хүүхдийн эрүүл мэндэд хортой тул Дэлхийн эрүүл мэндийн байгууллага хориглодог. Түүнчлэн 6 сартайгаас нэмэлт хоолонд оруулж өдөрт 2 аяга сүү, түүнтэй тэнцэх сүүн бүтээгдэхүүн идүүлэх шаардлагатай.

7. Д витамин хүүхдийн уураг тархины хөгжилд нэн шаардлаатай бөгөөд бага насандаа Д витамин байнга уух нь уураг тархины хөгжилд сайнаар нөлөөлж цаашид сэтгэцийн хувьд эрүүл байх нэг нөхцөл болдог.

8. Д нь тосонд уусдаг витамин бөгөөд энэ нь бие махбодид хуримтлагддаг гэсэн үг. Хүнсний бүтээгдэхүүнээс загас Д аминдэмээр баялаг бөгөөд өндөгний шар, үхрийн элгэнд бага хэмжээгээр агуулагддаг. Ихэнх хүнсний бүтээгдэхүүнд энэхүү аминдэм агуулагддаггүй.

9. Олон найрлагатай (мультивитамин) сонгохдоо Д витамины агууламжийг нь харах ёстой. Д витамины тун бага тохиолдолд хоногийн хэрэгцээг нь хангахын тулд заавраас нь ихээр уулгах нь бусад витамины тун ихсэх (ялангуяа А) аюултай. Илүүдэл жинтэй тарган, таталтын эсрэг эм байнга уудаг, хөгжлийн бэрхшээлтэйн улмаас гадаа гарах боломж хомс, элэг бөөрний архаг өвчтэй хүүхдэд эмч илүү өндөр тун бодож зөвлөдөг.

10. Сүүлийн жилүүдэд цэцэрлэг сургуулийн насныхан зурагт, компьютер, видео тоглоом тоглох нь эрс ихсэж гадаа тоглох нь багассан, цэцэрлэг/сургууль руугаа, гэртээ алхаж очихын оронд машин автобусаар явах болсон, сүүний оронд ундаа жүүс уух болсон зэрэг шалтгаанаар тэдэнд ч рахитын шинж илрэх болсныг хөгжсөн орнуудын хүүхдийн эмч нар анхааруулж байна.

№	Хүнсний бүтээгдэхүүний бүлэг	1 хоногийн хэрэгцээг хангах хүнсний бүтээгдэхүүний жишиг хэмжээ	Цэцэрлэгийн хоолоор авах жишигхэмжээ /75-80%/
1	Мах, махан бүтээгдэхүүн	110 гр	85 г
2	Сүү, сүүн бүтээгдэхүүн /сүү, тараг, аарц, ээдэм/	270 гр, мл	208 гр, мл
3	Үр тариан бүтээгдэхүүн /гурил, гурилан бүтээгдэхүүн, будаа, төмс/	225 гр	174 гр
4	Хүнсний ногоо	110 гр	85 гр
5	Жимс, жимсгэнэ	100 гр	77 гр
6	Тос	15 гр	11 гр
7	Чихэр, чихэрлэгийн зүйл	15 гр	11 гр
8	Давс	2 гр	1,5 гр

№	Хүнсний бүтээгдэхүүний бүлэг	1 хоногийн хэрэгцээг хангах хүнсний бүтээгдэхүүний жишиг хэмжээ	Цэцэрлэгийн хоолоор авах жишиг хэмжээ /75-80%/
1	Мах, махан бүтээгдэхүүн	145 гр	111 гр
2	Сүү, сүүн бүтээгдэхүүн /сүү, тараг, аарц, ээдэм/	270 гр, мл	208 гр, мл
3	Үр тариан бүтээгдэхүүн /гурил, гурилан бүтээгдэхүүн, будаа, төмс/	370 гр	285 гр
4	Хүнсний ногоо	145 гр	111 гр
5	Жимс, жимсгэнэ	120 гр	92 гр
6	Тос	15 гр	15 гр
7	Чихэр, чихэрлэгийн зүйл	15 гр	11 гр
8	Давс	2 гр	1,5 гр