Эдийн засаг - Өдөр тутмын мэдээ мэдээллийн вэб сайт

Хөвсгөл, Архангай аймагт нэг килограмм ноолуур 208-212 мянган төгрөгийн үнэтэй байна

zulaa — Mon, 27 Apr 2026 16:19:02 +0800

Монголын ноос ноолуурын холбооноос орон нутгаас ноолуур худалдан авч буй өнөөдрийн ханшийн мэдээллийг зарлалаа. Уг ханшийн мэдээг харвал, Ноолуур килограмм тутам нь 195-212 мянган төгрөгийн үнэтэй байна. Тухайлбал, Хөвсгөл, Архангай аймагт нэг килограмм ноолуур 208-212 мянган төгрөгийн үнэтэй байгаа нь дээд ханш тогтоожээ.

Өнөөдрийн байдлаар нэг килограмм ноолуур:

Төв аймагт 201-208 мянган төгрөг,
Булган аймагт 202-209 мянган төгрөг,
Хөвсгөл аймагт 208-212 мянган төгрөг,
Завхан аймагт 198-207 мянган төгрөг,
Архангай аймагт 208-211 мянган төгрөг,
Баянхонгор аймагт 195-205 мянган төгрөгийн үнэтэй байна.

Бид эдийн засгийн эрх чөлөөгүй гэж үү?

zulaa — Fri, 06 Feb 2026 16:02:45 +0800

Монгол Улсад аж ахуйн нэгжийн үйл ажиллагаатай холбоотой 200 гаруй хууль хэрэгжиж байна.

Гэвч төр бизнесийн харилцаанд хэрхэн оролцох, ямар зарчмыг баримтлах, бизнес эрхлэгчдийн эрхийг хэрхэн хамгаалах талаар нэгтгэсэн, суурь хууль одоогоор байхгүй байгаа юм. Иймээс төрийн оролцоог хязгаарласан бие даасан хууль зайлшгүй шаардлагатай гэж үзэж намрын чуулганд Эдийн засгийн эрх чөлөөний тухай хуулийн төслийг өргөн барьсан юм. Эдийн засгийн эрх чөлөө гэдэг нь иргэн, аж ахуйн нэгж хуульд хориглоогүй л бол бизнес эрхлэх, хөдөлмөрлөх, хөрөнгө өмчлөх, ашиглах, захиран зарцуулах, гэрээ хэлцэл хийх эрхээ эдлэхийг хэлдэг. Энэ бол хүний салшгүй эрх бөгөөд зөвхөн Үндсэн хууль болон бусад хуульд заасан үндэслэлээр л хязгаарлагдах юм. Тиймээс Эдийн засгийн эрх чөлөөний тухай хуулийн төслийн онцлох заалтуудыг хүргэж байна.

Ж.Энхбаяр: Хөрөнгө оруулагчийн эрх ашгийн хуулиар хамгаална

Уг хуулийн төслийг УИХ-ын дарга Н.Учралд Тэргүүн шадар сайд бөгөөд Эдийн засаг, хөгжлийн сайд Ж.Энхбаяр өргөн мэдүүлсэн билээ. Монгол Улсын урт хугацааны хөгжлийн бодлогод туссан зорилт, арга хэмжээг хэрэгжүүлэх, хөрөнгө оруулагчдад ээлтэй байдал, зохицуулалтын үр ашигтай байдлыг сайжруулах, хөрөнгө оруулагчийн эрх ашиг сонирхлыг хамгаалах, хувийн хэвшлийн үйл ажиллагаанд төрөөс үзүүлэх ачааллыг багасгах, бизнес эрхлэх таатай орчныг бүрдүүлэх зорилгоор хуулийн төслийг боловсруулсныг сайд Ж.Энхбаяр тодотгож байв. Хуулийн төсөлд төрөөс эдийн засгийн эрх чөлөөг хангахад баримтлах үндсэн зарчмуудыг тусгажээ. Тухайлбал, хуулиар хориглосноос бусад аж ахуйн үйл ажиллагааг хуулийн дагуу чөлөөтэй эрхлэх, өмчийн халдашгүй байдлын, аж ахуйн үйл ажиллагаа эрхлэгчийн тэгш эрхийн, шударга өрсөлдөөний зарчмыг тусгасан байна. Мөн эдийн засгийн эрх чөлөөг хангах төрийн бодлого, төрийн байгууллага, албан тушаалтанд хориглох үйл ажиллагаа, Эдийн засгийн бодлогын зөвлөлийн талаар тусгасан бөгөөд төрийн байгууллага, албан тушаалтнуудад эдийн засгийн эрх чөлөөг хязгаарлах, хууль бусаар өмчийг хураах, хуульд заагаагүй хяналт шалгалт хийх, аж ахуйн үйл ажиллагаа эрхлэгчийг гүтгэх, эд хөрөнгийг сүйтгэх, нэр хүндэд халдсан худал мэдээлэл тараах зэрэг үйл ажиллагааг хориглосон байна.

Манай улс эдийн засгийн эрх чөлөөний үзүүлэлтээр 76-д оржээ

Дэлхийн өв уламжлалын сангаас Эдийн засгийн эрх чөлөөт байдлын индексийг засаглалын үр ашиг, Засгийн газрын оролцоо, зохицуулалтын үр ашигтай байдал, нээлттэй зах зээл гэсэн дөрвөн бүлгийн хүрээнд 12 шалгуур үзүүлэлтээр тооцдог. Манай улс эдгээр үзүүлэлтээр 2024 онд 176 улсаас 76-д оржээ. Тодруулбал, өмчийн эрхийн үзүүлэлтээр 92, төрийн зарчимт байдлын үзүүлэлтээр 117, хөрөнгө оруулагчдад ээлтэй байдлаар 119-д тус, тус орж муу үнэлгээ авсан бол бизнесийн эрх чөлөөгөөр 79-д орж дунд үнэлгээ авчээ. Энэ нь өмчийн эрхийг бодитой хамгаалах, төрийн ил тод байдал, хариуцлагыг нэмэгдүүлэх, бизнесийн орчин дахь зохисгүй хязгаарлалтыг бууруулах, хөрөнгө оруулалтын орчныг тогтвортой болгох шаардлага байгааг харуулж байна.

Хуулийн төслийг дагаж 94 орчим хууль тогтоомжийг өөрчлөлт оруулна

Эдийн засгийн эрх чөлөөг хуульчилсан улс орнууд үндэсний аюулгүй байдлыг хангах, шударга өрсөлдөөнийг дэмжих, нийтийн ашиг сонирхлыг хамгаалах гэсэн гурван тохиолдолд л эдийн засгийн эрх чөлөөг хязгаарлаж, хориглох хууль тогтоомж гаргадаг байна. Харин дээрх гурван тохиолдлоос бусдаар эдийн засгийн үйл ажиллагааг хязгаарлах хууль тогтоомж гаргахыг хоригложээ. Эдийн засаг, хөгжлийн яамнаас боловсруулаад буй хуулийн төсөлд ч эдгээр зарчмыг дараах байдлаар томъёолсон байна. Ингэхдээ Аж ахуйн үйл ажиллагааг чөлөөтэй эрхлэх, Өмчийн халдашгүй байдлыг хангах, Төрийн бодлого, эрх зүйн орчин тогтвортой байх, Гомдол гаргах, мэдээллээр хангагдах эрхийг баталгаажуулах, жилд нэгээс доошгүй удаа төрийн үйлчилгээний хүртээмж, шат дамжлагыг багасгах, зөвшөөрөл, бүртгэлийн талаар санал, хүсэлт авах, урьдчилан тооцоолох бололцоотой, хариуцлагатай байдлыг нэмэгдүүлэх зэрэг зарчмыг хуулийн болоод дагалдах хуулийн төслүүдэд тусгажээ. Мөн дээрх хуулийн төслийн талаар ЭЗХЯ-ны Төрийн нарийн бичгийн дарга И.Батхүү “Нэг хууль юм шиг сонсогдож байгаа боловч энэ хуулийн төслийг дагаж 94 орчим хууль тогтоомжийг өөрчлөх шаардлагатай гэж үзэж байгаа. Эдийн засгийн эрх чөлөө нь эдийн засаг, нийгмийн олон харилцааг шийдвэрлэх шаардлагатай өргөн цар хүрээтэй ойлголт. Төрийн бодлого хууль тогтоомжийн тогтвортой байдлаас эхлээд бизнес эрхлэх эрх чөлөөг хангах, өмчийн халдашгүй байдал, шударга өрсөлдөөн гээд эрх чөлөөг хязгаарласан тодорхой хэдэн нөхцөлөөс бусад тохиолдолд төрөөс бизнесийн үйл ажиллагааг боомилдоггүй, хувийн хэвшлийн гомдол маргааныг шийдвэрлэх гээд олон харилцааг зохицуулах анхдагч хуулийг төслийг бид боловсруулж байна” гэж байсан.Монгол Улсад хүчин төгөлдөр мөрдөж байгаа 933 хуулиас бизнес, хөрөнгө оруулалт, худалдаатай шууд болон шууд бус холбоотой харилцааг зохицуулсан 368 хууль байна. Тэр дундаа хөрөнгө оруулалт хийж, үйл ажиллагаа явуулах боломжийг хязгаарласан, гадаадын иргэн, хуулийн этгээдэд нэмэлт шаардлага тавьсан 40 гаруй хууль хэрэгждэг аж.

Хуулийн төслийн онцлох заалтууд

-Аж ахуйн үйл ажиллагаа эрхлэгчийн эдийн засгийн эрх чөлөөг хангах зарчим. Тухайлбал, төрийн үйл ажиллагаа нээлттэй ил тод байх, төрийн байгууллага, албан тушаалтны шийдвэр аж ахуйн үйл ажиллагаа эрхлэгчдийн ашиг сонирхлыг хамгаалахад чиглэсэн байх, хууль тогтоомж хооронд давхардал хийдэл, зөрчил үүссэн тохиолдолд аж ахуйн үйл ажиллагаа эрхлэгчид ашигтай байдлаар тайлбарлах юм.

-Төрөөс эдийн засгийн эрх чөлөөг хангахтай холбоотой нөхцөлүүдийг заасан байна. Төрийн байгууллага, албан тушаалтан хууль бус шийдвэр гаргасан тохиолдолд хариуцлага хүлээх, хяналт шалгалтын давхардлыг арилгах, төр өөрт байгаа мэдээллийг шаардахгүй байх, гомдол шийдвэрлэлтийн үйл явцыг цахим хэлбэрээр харах боломжтой зэрэг төрөөс эдийн засгийн эрх чөлөөг хангахтай холбоотой нөхцөлүүдийг тусгажээ.

-Төрийн байгууллага, албан тушаалтанд хориглох үйл ажиллагааг тусгасан. Ингэхдээ аж ахуйн үйл ажиллагаа эрхлэгчийн эд хөрөнгө, бие махбодод халдах, нэр хүндэд халдсан худал мэдээлэл тараах, нийгмийн хариуцлагын үйл ажиллагаанд албадан оролцуулахгүй байх, зарим аж ахуйн нэгжид давуу байдал бий болгосон хэм хэмжээ батлахыг хориглоно гэж тусгасан байна.

-Төр, хувийн хэвшлийн зөвлөлдөх механизм буюу Эдийн засгийн бодлогын зөвлөлийн эрх зүйн статусыг бий болгож, чиг үүргийг тодорхой болгожээ. Эдийн засгийн бодлогын зөвлөл нь төрийн бодлого, хууль тогтоомж, хэм хэмжээний акт боловсруулахад олон нийтийн саналыг хүлээн авах, төрийн байгууллагад саналыг хүргүүлэх, шийдвэрт санал туссан эсэх талаар эргэн мэдээлэх чиг үүрэгтэй ажиллана гэж хуулийн төсөлд тусгажээ.

Иймээс энэхүү хуулийг баталснаар бизнесийн орчин илүү ойлгомжтой, тогтвортой болж, хөрөнгө оруулагчдын итгэл нэмэгдэж, эдийн засгийн өсөлт, ажлын байр, өрсөлдөх чадварт эерэг нөлөө үзүүлнэ гэж үзэж байна. Мөн “Эдийн засгийн эрх чөлөөний тухай” хуулийн төсөл нь төр бизнесийн үйл ажиллагаанд хэт оролцохоос сэргийлж, иргэн, аж ахуйн нэгжийг чөлөөтэй ажиллах эрхийг хамгаалж, ил тод, шударга, тогтвортой эдийн засгийн орчныг бүрдүүлэхэд чиглэсэн суурь хууль болох юм.

Эх сурвалж: “Зууны мэдээ” сонин

Төсвийн орлого 472 тэрбум төгрөгөөр буурчээ

zulaa — Fri, 19 Dec 2025 14:31:51 +0800

Манай улсын нийгэм, эдийн засгийн оны эхний 11 сарын зарим үзүүлэлтийг Үндэсний статистикийн хороо (ҮСХ)-ноос өчигдөр танилцууллаа. Тайлант хугацаанд улсын нэгдсэн төсвийн нийт орлого, тусламжийн хэмжээ урьдчилсан гүйцэтгэлээр 27.6 их наяд төгрөг болж, өмнөх оны мөн үеийнхээс 0.6 хувь буюу 171.5 тэрбумаар буурчээ. Харин тэнцвэржүүлсэн орлого, тусламжийн хэмжээ 25.6 их наяд төгрөгт хүрч, 472 орчим тэрбум төгрөгөөр мөн багассан байна. Улмаар нийт зарлага, эргэж төлөгдөх цэвэр зээлийн хэмжээ 27.4 их наяд төгрөгт хүрч, тэнцвэржүүлсэн тэнцэл 1.8 их наяд төгрөгийн алдагдалтай гарлаа. Түүнчлэн татварын нийт орлого 1-11 дүгээр сард 23.5 их наяд төгрөг болж, өмнөх оны мөн үеэс 3.4 хувиар багассан аж. Үүнд орлогын албан татвар 428.2 тэрбум, ашигт малтмалын нөөц ашигласны төлбөр 1.4 их наяд төгрөгөөр буурсан нь голлон нөлөөлсөн гэнэ. Харин нийгмийн даатгалын орлого 769.9, НӨАТ 231.5 төгрөгөөр өссөн аж. Үүнээс гадна орон нутгийн төсвийн орлого 6.6 их наяд төгрөгт хүрсэн бол цэвэр зээлийнх нь хэмжээ 6.7 их наядаас давж, орон нутгийн төсөв 113.9 тэрбум төгрөгийн алдагдалтай гарсныг ҮСХ-ноос мэдээллээ.

Орон сууц борлуулсны 2 хувийн татварыг хүчингүй болгох эсэх саналыг Өргөдлийн байнгын хороо хэлэлцэж эхэллээ

zulaa — Mon, 22 Sep 2025 17:35:22 +0800

Парламент шинэ бүтцээрээ Өргөдлийн байнгын хороог дахин сэргээн байгуулаад байна.

Тус Байнгын хороо өнөөдөр анхны хуралдаанаа хийж, хоёр иргэнээс нийтийн өргөдлийн талбарт гаргаж, 100 мянгаас дээш хүний санал авч дэмжигдсэн хоёр өргөдлийг авч хэлэлцлээ.

Эхнийх нь иргэн О.Батхүүгээс 2025 оны 08 дугаар сарын 15-ны өдөр “Үл хөдлөх хөрөнгө борлуулахад төлдөг 2 хувийн татварыг хүчингүй болгох шаардлагатай байна.

Хүмүүс байр орон сууцаа ихэвчлэн зээлээр авдаг. Зээлийн хүү төлбөр төлөхдөө өөрийн цалин орлого буюу татвар төлсөн мөнгөөрөө төлдөг. Мөн байр орон сууц бол хүний анхдагч хэрэгцээ.

Дэлхийн бусад улсад амьдран суугаа байшин, байр орон сууцаа зарахад татвар төлдөггүй.

Учир нь энэ бол ашиг орлого олох бизнес биш.

Иймд энэхүү 2 хувийн татварыг цуцлах шаардлагатай. Иймд хувь хүний орлогын албан татварын хуулийн 21.2.1 дэх заалтыг хүчингүй болгох.” хэмээн хуулийн төсөл санаачлах өргөдөл гаргасан нь 100 мянга 306 хүний санал авсан тул Байнгын хороогоор хэлэлцэж байна.

Бодлогын хүүг огцом нэмж 12 хувьд хүргэлээ

zulaa — Mon, 10 Mar 2025 08:53:24 +0800

Монголбанкны Мөнгөний бодлогын хороо өнөөдөр хуралдаж, бодлогын хүүг 2 нэгж хувиар нэмэгдүүлэх шийдвэр гаргалаа.

Ингэснээр бодлогын хүү манай улсад 10 хувиас 12 хувь болон нэмэгдэж байгаа юм.

Энэ талаар Монголбанкны Ерөнхийлөгч Б.Лхагвасүрэн "Бодлогын хүүг хоёр нэгж хувиар нэмэгдүүлснээс гадна өр, орлогын харьцааг 50 хувиар шинэчлэн тогтоолоо.

АНУ-аас хэрэгжүүлж буй бодлого түүхий эдийн үнэд сөрөг нөлөө үзүүлэх магадлалтай. Мөн БНХАУ-ын үл хөдлөх хөрөнгийн салбарын уналт үргэлжилсээр, нүүрс, төмрийн хүдрийн үнэ буурахад хүргэлээ.

Дотоод шалтгааны хувьд, инфляц сүүлийн саруудад нэмэгдсээр, энэ жилийн нэгдүгээр сард 9.6 хувьтай гарсан. Инфляцад цахилгааны үнийн өсөлт, түүнийг дагаад түрээс, үйлчилгээний үнэ нөлөөлж байгаа.

Иймд Монголбанк инфляцын төсөөллөө нэмэгдүүлэх шаардлагатай болсон. Иймд цаашид үнийн өсөлт эрчимжих зэрэг эрсдэлийг бууруулахын тулд бодлогын тохиргоо хийх шаардлагатай болсон" хэмээн тайлбарласан байна.

Энэ онд 35 хүртэлх насны иргэдийг ипотекийн зээлд шуурхай хамруулна

zulaa — Fri, 10 Jan 2025 15:15:09 +0800

Засгийн газраас нийслэлийн төвлөрлийг сааруулах, хөдөөгийн сэргэлтийг дэмжих зорилгын хүрээнд энэ онд ипотекийн зээлийг орон нутагт түлхүү олгохоор төлөвлөж буй. Өнгөрсөн онд 1.3 их наяд төгрөгийн ипотекийн зээлийг 12 мянга орчим иргэнд олгосон байна. Үүний 41 хувийг орон нутгийн иргэдэд олгосон байгаа юм.

2023 онд орон нутагт 705 иргэнд ипотекийн зээл олгож байсан бол 2024 онд 3896 иргэнд 386 орчим тэрбум төгрөгийн зээл олгожээ.

Орхон, Дархан-Уул, Баянхонгор, Өвөрхангай, Дорнод зэрэг аймгуудад хамгийн их зээл олгожээ. УИХ-ын чуулганаар Үндэсний баялгийн сангийн тухай хуулийг 2024 оны дөрөвдүгээр сард баталсан. Ингэснээр хуримтлалын сангаас 500 тэрбум төгрөгийг ипотекийн зээлийн санхүүжилтэд нэмснээр өнгөрсөн онд зээл олголт 50 гаруй хувиар нэмэгдсэн. Энэ онд мөн ипотекийн зээлд 1.2 их наяд орчим төгрөгийн зээл олгохоор төлөвлөсөн. Ингэхдээ залуу гэр бүлийг дэмжих үүднээс 35 хүртэлх насны залуучуудыг дараалалгүй ипотекийн зээлд хамруулахаар төлөвлөжээ. Мөн амины орон сууц барих гэж байгаа иргэдийг ипотекийн зээлд хармуулахаар болсон билээ.

“Bitcoin”-ийн үнэ түүхэн дээд түвшинд хүрлээ

zulaa — Wed, 18 Dec 2024 08:32:05 +0800

“Bitcoin”-ийн үнийн өсөлтөд чухал нөлөөтэй “MicroStrategy” компани “Nasdaq 100 Index”-д бүртгэгдэх эерэг хүлээлт үүссэнтэй зэрэгцээд “Bitcoin”-ийн үнэ түүхэн дээд түвшинд хүрлээ.

Сүүлийн байдлаар үнэ нь гурван хувиар өсөж, 106 мянган ам.долларын босго давсан байна. Ингэснээр “Bitcoin” долоон долоо хоног дараалан өсөлтөө хадгалж, 2021 оноос хойших хамгийн удаан үргэлжилсэн өсөлт үзүүллээ.

"MicroStrategy” компани “Nasdaq 100 Index”-д бүртгэгдсэнээр хөрөнгө оруулагчид хувьцааг нь худалдан авах эрэлт нэмэгдэж, улмаар “MicroStrategy” компани “Bitcoin”-ийн худалдан авалтаа нэмэгдүүлэх боломж үүснэ" гэж “Arbelos Markets”-ийн шинжээч мэдэгджээ.

ЭКСПОРТ СҮҮЛИЙН 10 ЖИЛД: Төмөр замгүйгээс болоод гаргаж чадаагүй 232 сая тонн нүүрсээ ЭКСПОРТОЛСОН бол өдийд нийтдээ 600 гаруй сая тонн нүүрс зарах байжээ

zulaa — Fri, 06 Dec 2024 13:29:50 +0800

Ганцмод-Гашуунсухайт хил дамнасан төмөр зам бараг одоогоос 10 гаруй жилийн өмнө ашиглалтад орох байсан ч Монголын тал өргөн царигтай төмөр зам барьсан. Мөн олон нийтийн дунд зарим хэсэг нь "Танк орж ирэх гэж байна", "Төмөр замаар Хятадууд вагоноор орж ирнэ" гэх хийрхсэн улстөржилтийн улмаас сүүлийн 10 гаруй жилийн хугацаанд гацаанд орсон. Үүний улмаас бид ямар хэмжээний боломжийг алдсан бэ гэдэг нь асуудал дагуулаад буй.

Аж үйлдвэр, эрдэс баялгийн сайд Ц.Туваан хэлэхдээ "Төмөр зам есөн жилийн өмнө ашиглалтад орсон бол манай улс 232 сая тонн нүүрс тээвэрлэж, 18.5 тэрбум ам.долларыг нэмж олох боломжтой байсан гэх тооцооллыг манай яамнаас гаргасан. Харин Хятадын талаар 2.3 орчим тэрбум ам.долларын алдагдал, зардал хүлээсэн.

Хил холболтын төмөр зам холбогдсоноор манай улс нийтдээ 120 сая тонн нүүрсийг экспортлох боломж бүрдэнэ" гэх мэдээллийг өгсөн.

Тэгвэл бид 2015-2024 оны хооронд буюу сүүлийн 10 жилд Монгол Улс хэчнээн хэмжээний нүүрсийг экспортод гаргасан талаарх мэдээллийг Гаалийн Ерөнхий газрын эх сурвалжтайгаар хүргэж байна. Тодруулбал,

-2015 онд 14.4 сая тонн байсан нүүрсний экспорт 2023 онд 69.6 саян тоннд хүрчээ-

2015 онд 14.4 сая тонн, 2016 онд 25.6 сая, 2017 онд 33.0 сая, 2018 онд 35.8 сая, 2019 онд 36.5 сая, 2020 онд 28.6 сая, 2021 онд 15.7 сая, 2022 онд 31.7 сая, 2023 онд 69.6 сая, 2024 оны 12-р сарын 1-ний байдлаар 74.2 сая тонн нүүрсийг экспортолсон байна.

Өөрөөр хэлбэл, нийт 365.1 сая тонн экспортолсон гэсэн үг. Хэрвээ сайд Ц.Туваан хэлсэн 232 сая тонн нүүрсийг экспортолж чадсан бол нийт 597.1 сая тонн нүүрс экспортлох боломж байжээ.

Б.Энхбаяр: Сайд нартаа л таалагдах төсөв хийгээд байвал ард түмэн таалахгүй

zulaa — Fri, 08 Nov 2024 10:56:00 +0800

Өчигдөр буюу энэ сарын 5-ны өдөр Улсын Их Хурлын Төсвийн байнгын хороо хуралдаж, Монгол Улсын 2025 оны төсвийн тухай хуулиудын төслийн гурав дахь хэлэлцүүлгийг хийгээд буй. Төсвийн асуудалтай холбогдуулан УИХ-ын гишүүн Б.Энхбаяр өөрийн цахим хуудаснаа байр сууриа ийн илэрхийлэв.

Тэрбээр, "Төсөв дээр хангалттай хэлэлцүүлэг, хангалттай оролцоо, хангалттай үндэслэл, хангалттай тайлбар, хангалттай хэмнэлт, хангалттай ойлголцол, хангалттай уян хатан байдал, хангалттай ажил хэрэгч байдал илүү төлөөллийн бүтэцтэй парламент дээр явагдаж чадсангүй. Гацсан том төслүүдээ бүгд л хөдөлгөхийг хүсэж байгаа. Бүгд хамтдаа хөгжихийн төлөө байгаа.

“Дарга”-ын төсвийг л зохицуулчихвал батлагддаг хуучин аргаар шинэ парламентыг янзлах боломжгүйг Сангийн сайд ойлгож дотооддоо(сайд нартаа) төсвөө боохдоо хатуу хандах байсан.

Сайд нартаа л таалагдах төсөв хийгээд байвал ард түмэн таалахгүй шүү дээ. Өөрийнхөө төсөв дээр буулт хийсэн нэг ч сайд хэлэлцүүлгийн үед гарсангүй.

Хамтарсан гэдгээр бүгдийг нь данхайлгаад цаг хугацаа, мэдээллийн зөрүү, кнопын бярд найдаад гарч болно. Нийгмээ, ард түмнээ дийлнэ гэж бол хэзээ ч байхгүй. Уг нь төсөв парламентын хэлэлцүүлгийн явцад ямар нэгэн байдлаар үзүүлэлтүүд нь сайжирч батлагддаг байсан энэ удаад хий ч гарсангүй. Гишүүд 5 тэрбумыг хувааж хусах гэж байгаа гэдэг худал ПР хийж парламентаа ч муухай харагдуулав.

Яг өргөн барьснаар нь батал гэдэг дөргүй бух шиг зүтгээд хэн ч ялахгүй. Парламентын намууд төсвөө сайжруулах боломж байсаар л байна…" гэжээ.

ТӨСӨВ-2025: Дорноговь, Өмнөговь, Сэлэнгэ, Дархан-Уул, Орхон аймаг улсын төсөвт орлого оруулж, бусад нь 527.8 тэрбум төгрөгийн ТАТААС авна

zulaa — Tue, 01 Oct 2024 19:23:19 +0800

УИХ-ын ээлжит бус чуулган хаалтаа хийсний дараахан Засгийн газар 2025 оны төсвийн төслийг хэлэлцэж, УИХ-д өргөн барьсан билээ. Улмаар өнөөдөр нээлтээ хийх энэ удаагийн намрын чуулганаар төсвийн төслийг хэлэлцэнэ.

Тэгвэл ҮАГ-аас 2025 оны төсвийн төсөлд дүн шинжилгээ хийж, дүгнэлтээ гаргажээ. Иймд бид аудитын дүгнэлтээс онцлохыг нь та бүхэнд хүргэж буй юм.

Орон нутгийн төсвийн ерөнхийлөн захирагчдын төсвийн суурь орлого, зарлагын саналыг Сангийн яам хянаж, Монгол Улсын 2025 оны нэгдсэн төсвийн төсөлд дараах байдлаар тусгасан байна. Үүнд:

•Орон нутгийн 2025 оны суурь орлогыг өмнөх оноос 1,101.6 тэрбум төгрөгөөр нэмэгдүүлж 6,366,1 тэрбум төгрөгөөр, суурь зарлагыг 964.5 тэрбум төгрөгөөр нэмэгдүүлж 4,830.6 тэрбум төгрөгөөр тус тус төсөвлөсөн байна.

•Орон нутгийн төсвөөс улсын төсөв төвлөрүүлэх дүнг 2024 оноос 307.8 тэрбум төгрөгөөр нэмэгдүүлж 1,903,1 тэрбум төгрөгөөр тооцжээ. Төсөв бүрдүүлэх аймгуудад Дорноговь, Өмнөговь, Сэлэнгэ, Дархан-Уул, Орхон аймаг багтаж байна.

Улсын төсөвт орлого төвлөрүүлэхээр төлөвлөсөн дээрх аймгуудаас бусад аймгуудад 527.8 тэрбум төгрөгийн санхүүгийн дэмжлэг улсын төсвөөс олгохоор төлөвлөжээ.

АУДИТЫН ДҮГНЭЛТ: НЗДТГ Шинэ жилийн баярын цэнгүүн, ОУ-ын "Хүүхдийн эрхийг хамгаалах өдөр"-ийг тэмдэглэн өнгөрүүлэх арга хэмжээнд 1.4 тэрбум төгрөг төсөвлөсөн

Монгол Улсын 2025 оны орон нутгийн суурь зардалд төлөвлөгдсөн доорх зардлыг Төсвийн тухай хуулийн 8 дугаар зүйлийн 8.5.1-д заасны дагуу дараагийн аудитаар хянах шаардлагатай байна. Үүнд:

•Нийслэлийн Засаг даргын Тамгын газар бусад байгууллагын чиг үүрэгтэй давхцуулж төлөвлөсөн 1.4 тэрбум, нягтлан бодох бүртгэлийн бодлогын баримт бичиг боловсруулах, мэдээ дата боловсруулах систем, мөнгөн хөрөнгийн оновчтой удирдлага хэрэгжүүлэх зөвлөх үйлчилгээ зэрэг санхүү бүртгэлтэй холбоотой зах зээлийн үнээс өндөр 1.1 тэрбум, бүтээлч хот төсөл, төрийн чиг үүргийг төрийн бус байгууллагаар гүйцэтгүүлэх 1.9 тэрбум төгрөг нийт 4.4 тэрбум төгрөг төлөвлөсөн;

•Нийслэлийн Засаг даргын Тамгын газар 2025 онд шинээр ашиглалтад орох 38 сургууль, цэцэрлэгийн урсгал зардалд 6.2 тэрбум төгрөгийг төлөвлөсөн ч 2025 онд ашиглалтад орох эсэх нь нотлох баримтаар дэмжигдээгүй;

•Нийслэлийн Засаг даргын Тамгын газар Шинэ жилийн баярын цэнгүүн зохион байгуулах арга хэмжээ, олон улсын "Хүүхдийн эрхийг хамгаалах өдөр"-ийг тэмдэглэн өнгөрүүлэх арга хэмжээнд 1.4 тэрбум төгрөг төсөвлөсөн байна.

ХААН Банк Азийн Хөгжлийн Банкнаас хос шагнал хүртлээ

khulan — Thu, 12 Sep 2024 19:37:53 +0800

Азийн Хөгжлийн Банк (АХБ)-ны Олон улсын “Худалдаа, нийлүүлэлтийн сүлжээний санхүүжилтийг дэмжих хөтөлбөр”-өөс ХААН Банкийг 2024 оны “Монгол Улс дахь шилдэг хамтрагч банк”, “Хүйсийн тэгш байдлаар манлайлагч банк”-аар тус тус тодруулж, ХААН Банкны Байгууллагын банк хариуцсан дэд захирал Т.Ууганбаяр, Хүний нөөц хариуцсан дэд захирал Ш.Ганбямба нар шагналын цомыг гардан авсан юм.

ХААН Банк нь 2013 оноос тус хөтөлбөрт идэвхтэй оролцож, дэлхийн нэр хүнд бүхий 200 гаруй банктай худалдааны санхүүжилтийн чиглэлээр хамтран ажиллаж, харилцагчдынхаа худалдааны бизнесийг дэмжих, хэрэгцээ шаардлагад нийцэхүйц худалдааны санхүүжилтийн бүтээгдэхүүн үйлчилгээг цаг тухайд нь чанартай хүргэх боломжийг бүрдүүлээд буй юм.

Түүнчлэн харилцагчдадаа санал болгодог худалдааны санхүүжилтийн бүтээгдэхүүн үйлчилгээний хүрээнд гадаад худалдаа эрхлэгч аж ахуйн нэгжүүд ачилтын өмнөх болон дараах зээлийн бүтээгдэхүүнүүдээс гадна баримтат аккредитив, баталгаа, батлан даалтын аккредитивийн бүтээгдэхүүнүүдийг ашиглан гадаад худалдааны эрсдэлийг удирдах, санхүүжилтийн зардлыг бууруулах боломж олгодог. Энэ ч үүднээс “Монгол дахь шилдэг хамтрагч банк”-аар ХААН Банкийг долоо дахь жилдээ шалгаруулан өргөмжлөөд байна.

Харин Азийн хөгжлийн банк “Gender Champion” буюу “Хүйсийн тэгш байдлаар манлайлагч” байгууллагаар биднийг хоёр дахь удаагаа тодруулсан юм. Тогтвортой хөгжлийн зорилгын нэг болох жендэрийн тэгш байдлыг хангах хүрээнд ХААН Банкны дотооддоо мөрдөн ажилладаг бодлого, олон нийтэд чиглэсэн төсөл хөтөлбөр, ирээдүйд хэрэгжүүлэх төслүүд нь ажлын байран дахь хүйсийн тэгш оролцоо, манлайллыг бүхий л түвшинд дэмжиж, жигд хангаж ажилласныг онцлон энэхүү шагналыг олгосон байна. ХААН Банк дээд болон дунд шатны удирдлагын түвшинд эмэгтэйчүүдийн оролцоо, манлайллыг салбарын хэмжээнд жишиг болохуйцаар дэмждэгээс гадна нийгмийн хариуцлагын хүрээнд хэрэгжүүлж буй төсөл, хөтөлбөрүүдийн чамгүй хувь нь эмэгтэйчүүдийг чадавхжуулах, нийгэм дэх тэдний оролцоог нэмэгдүүлэх, ажил мэргэжлийн болон хувийн карьерт өсөн дэвжих боломж олгоход чиглэдэг билээ.

Эдгээр шагнал нь бидний үйл ажиллагаа, бүтээгдэхүүн үйлчилгээг олон улсын түвшинд хүрснийг үнэлж буйн илрэл төдийгүй ХААН Банкны худалдааны санхүүжилтийн бүтээгдэхүүн, үйлчилгээг сонгон үйлчлүүлдэг эрхэм харилцагчид, олон талын дэмжлэг үзүүлж ирсэн олон улсын банк, санхүүгийн байгууллагууд, АХБ-ны хамт олонд болон ХААН Банкны нийт ажилтнуудын маань хамтын хичээл зүтгэл, ололт амжилт юм. Амжилтыг хамтдаа бүтээлцсэн та бүхэндээ талархал илэрхийлье.

ХААН Банкны худалдааны санхүүжилтийн бүтээгдэхүүн, үйлчилгээний талаар дэлгэрэнгүй мэдээллийг ЭНД дарж авна уу.

Хамтын өсөлт төгөлдөр - ХААН Банк

Хадгаламждаа мөнгө нэмээд NURA-гийн эрх аваарай

khulan — Thu, 12 Sep 2024 18:22:34 +0800

Хадгаламж хэзээ ч багадахгүй. Гагцхүү түүнийг дадал зуршил болгосноор та өөрийн хүсэж зорьсондоо хүрч чадна. Ирээдүйнхээ төлөө хуримтлал үүсгэж буй харилцагчдадаа зориулан ХААН Банк 2024 оны 8-р сарын 12-ны өдрөөс 12-р сарын 31-ний өдрийг дуустал хугацаанд хуримтлуулах дадлыг тань дэмжсэн ээлжит урамшуулалт аянаа зарлалаа.

Энэхүү урамшуулалт аянд 2024 оны 8-р сарын 12-ны өдрөөс 12-р сарын 31-ний өдрийг дуустал хугацаанд, эсвэл 2024 оны 8-р сарын 12-ны өдрөөс өмнө интернет банкаараа дамжуулан нээсэн 6 болон түүнээс дээш сарын хугацаатай төгрөгийн хадгаламжийн дансандаа орлого нэмсэн харилцагчид хамрагдах боломжтой юм.

Таны хуримтлалдаа нэмсэн орлогын 100,000 төгрөг тутамд эсвэл хадгаламжийн дансандаа нэмсэн орлого 100,000 төгрөг хүрэх тутамд нэг тохирлыг эрх үүсэх бөгөөд нэг харилцагч хэдэн ч тохирлын эрх цуглуулж болно. Хэрвээ та хадгаламжгүй бол яг одоо Khan Bank аппликэйшний Данс>Шинээр данс нээх цэсээр дамжуулан хормын дотор хадгаламжаа үүсгээрэй.

Ийнхүү гэрэлт ирээдүйгээ баталгаажуулж, санхүүгийн зөв дадал өөртөө суулгасан 5 харилцагчид NURA эрүүл мэндийн багц шинжилгээний эрх бэлэглэх юм.

Тохирлын хуваарь:

1-р ээлжийн тохирол: 2024.08.12-2024.09.30-ны өдрийг дуустал хугацаанд аяны болзол хангасан харилцагчдаас 5 харилцагчийг 2024.10.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулж NURA эрүүл мэндийн багц шинжилгээний эрхийн бичгээр урамшуулна.
2-р ээлжийн тохирол: 2024.10.01-2024.10.31-ний өдрийг дуустал хугацаанд аяны болзол хангасан харилцагчдаас тохирлын эзнийг 2024.11.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
3-р ээлжийн тохирол: 2024.11.01-2024.11.30-ны өдрийг дуустал хугацаанд аяны болзол хангасан харилцагчдаас тохирлын эзнийг 2024.12.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
4-р ээлжийн тохирол: 2024.12.01-12.31-ний өдрийг дуустал хугацаанд аяны болзол хангасан харилцагчдаас тохирлын эзнийг 2025.01.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.

Шууд дамжуулалтыг хөндлөнгийн аудит болон харилцагчдын төлөөллөөс бүрдсэн багийн хяналт дор явуулна.

Тохирлын эрх шалгах:

Харилцагч та ХААН Банканд бүртгэлтэй утасны дугаараас 131917 тусгай дугаарт tohirol, Tohirol, Tokhirol, tokhirol текстийг мессежээр илгээн тохирлын тоог шалгах боломжтой. Дэлгэрэнгүй тохирлын дугаарыг банканд бүртгэлтэй и-мэйл хаягтаа хүлээн авна.

Тохирлын эрх хасагдах нөхцөл:

Аяны хугацаанд орлого хийсэн боловч хугацаатай хадгаламжийн хугацаа дууссан бол;
Болзол хангасан хугацаатай хадгаламжийн дансыг гэрээт хугацаанаас өмнө цуцалсан бол;
Өмнөх ээлжийн тохирлуудад шалгарсан харилцагч дараагийн ээлжийн тохирлуудад дахин хамрагдах боломжгүй.

Харилцагч та ХААН Банкны онлайн хадгаламжийн бүтээгдэхүүн үйлчилгээний төрлүүдээс өөрийн хүсэл зорилгод нийцэх бүтээгдэхүүн үйлчилгээг сонгон хуримтлуулж хэвшээрэй. Дэлгэрэнгүй нөхцөл, мэдээлэлтэй энд дарж танилцана уу.

Хамтын өсөлт төгөлдөр - ХААН Банк

“ЮнионПэйтэй ертөнцийг нээгээрэй” буцаан олголттой урамшуулалт аян эхэллээ

khulan — Thu, 05 Sep 2024 16:46:17 +0800

ХААН Банк ЮнионПэй карт эзэмшигч харилцагчдадаа зориулан худалдан авалт бүрд буцаан олголт авах боломжтой “ЮнионПэйтэй ертөнцийг нээгээрэй” ээлжит урамшуулалт аянаа зарласныг дуулгахад таатай байна.

2024 оны 9-р сарын 1-нээс 12-р сарын 31-нийг дуустал үргэлжлэх энэхүү аяны хүрээнд ХААН Банкны ЮнионПэй (UnionPay) карт эзэмшигчид БНХАУ дахь ПОС төхөөрөмж болон Хятадын онлайн худалдааны вэбсайтуудаас худалдан авалт хийх бүрдээ үнийн дүнгийн 5%-ийг буцаан олголт хэлбэрээр авах боломжтой.

Аяны онцлох нөхцөлүүд:

Гүйлгээний дээд дүн: 5,600,000₮
Гүйлгээний доод дүн: 30,000₮
Буцаан олголтын дээд дүн: 280,000₮
Буцаан олголтын доод дүн: 1,500₮

Буцаан олголт нь сар бүрийн 10-ны өдөр ХААН Банкны гүйлгээ хийсэн картын данс руу автоматаар шилжин орно. Жишээ нь та 9-р сарын 1-нээс 9-р сарын 30-ны хооронд Хятадын онлайн худалдааны платформоос нийт 2,000,000 төгрөгийн худалдан авалт хийсэн бол 10-р сарын 10-нд таны данс руу 100,000 төгрөгийн буцаан олголт автоматаар орох юм. Урамшуулал зөвхөн хувь хүний ЮнионПэй картад хамаарах тул байгууллагын ЮнионПэй карт эзэмшигчид хамрагдахгүй.

Харилцагч та өөрийн ЮнионПэй картыг Интернэт банк болон Khan Bank аппликэйшнээр дамжуулан хялбархан удирдах боломжтой. Тухайлбал карт захиалах, сунгах, нөхөн авах, идэвхжүүлэх, төлөв өөрчлөх, хуулга харах, ПИН код солих, блок гаргах зэрэг үйлчилгээг авах боломжтой.

"ЮнионПэйтэй ертөнцийг нээгээрэй" урамшуулалт аян нь ХААН Банкны харилцагчдад олон улсын худалдан авалтыг илүү ойртуулж, санхүүгээ хэмнэх боломжийг санал болгож байна. ХААН Банктай хамт илүү олон боломжийг нээцгээе!

Хамтын өсөлт төгөлдөр – ХААН Банк

Бизнес эрхлэгчдэд зориулсан “Хөгжлийн хөтөлбөр-2024”-ийн элсэлт эхэллээ

khulan — Tue, 27 Aug 2024 13:46:54 +0800

Жижиг дунд үйлдвэрлэл, үйлчилгээ эрхлэгч та бүхэн олон улсад шалгарсан менежментийн арга барил, амжилттай бизнес эрхлэгчдийн туршлагаас суралцан, хувь хүний ур чадвараа сайжруулж, эрхэлж буй бизнестээ мэдэгдэхүйц хөгжил дэвшлийг авчирмаар байна уу?

Тийм бол таныг ХААН Банкны Жижиг дунд бизнесийн академиас Швейцарын жижиг дунд үйлдвэрлэлийг дэмжигч BPN Монгол сантай хамтран 6 дахь жилдээ хэрэгжүүлж буй “Хөгжлийн хөтөлбөр” сургалтад хамрагдахыг урьж байна.

Хөтөлбөр 2024 оны 9-р сарын 10-ны өдрөөс хичээллэж эхлэх бөгөөд энэ оны хамгийн сүүлийн элсэлт тул бизнес эрхлэгч та бүхнийг 9-р сарын 3-ны өдрийн дотор амжиж бүртгүүлэхийг зөвлөж байна.

Уг сургалтанд хамрагдсанаар жижиг дунд бизнес эрхлэгчид байгууллагынхаа стратеги, алсын харааг зөв тодорхойлж, өөрийн бизнесийн загварыг бүрэн зургаар харах, бизнесийн гадаад, дотоод орчны нөлөөлөл, зах зээлийн өрсөлдөөний тактик, судалгааны арга зүй зэрэг маш чухал сэдвүүдийн хүрээнд үнэ цэнтэй сургалт, зөвлөгөөг ойлгомжтой, сонирхолтой, зөв системтэйгээр авахаас гадна хөнгөлөлттэй бизнесийн зээл, санхүүжилтээр хангагдах боломж бүрдэх юм.

Сургалтын түвшинг харгалзан оролцогчдод тавигдах шаардлага:

ХААН Банкны харилцагч ААН-ийн захирал байх (Байгууллагын үүсгэн байгуулагч эсвэл Гүйцэтгэх захирал)
Нэмүү өртөг шингээсэн үйлдвэрлэл, үйлчилгээ эрхлэгч байх
Сүүлийн 2 жил бизнесийн үйл ажиллагаагаа тасралтгүй явуулсан байх
5-аас дээш ажилтантай байх (үйл ажиллагааны цар хүрээнээс хамаарсан цөөн ажилтантай байх тохиолдолд ажилтны тоог харгалзахгүй)
Бизнесээ дараагийн шатанд гаргах хүсэл эрмэлзэлтэй байх
Хөтөлбөрт бүрэн хамрагдах, цаг гаргах боломжтой байх

Хугацаа: 2024.09.10-2024.10.08-ны хооронд нийт 5 долоо хоног үргэлжлэх ба 7 хоног бүрийн мягмар гарагт 09:00-17:00 цагийн хооронд хичээллэнэ.

Байршил: СБД, Хүүхдийн 100, ХААН Банкны Сөүл оффис, 3 давхар, Жижиг дунд бизнесийн академи

Бүртгэл: 2024.09.03-ны өдрийн дотор доорх линкээр нэвтрэх эсвэл QR кодыг уншуулан бүртгүүлээрэй.

Линк: https://survey.zohopublic.com/zs/JED3F3

Холбоо барих: smeacademy@khanbank.com

Ташрамд дурдахад, ХААН Банкны Жижиг дунд бизнесийн академи нь Монгол болон олон улсын мэргэшсэн зөвлөх үйлчилгээний байгууллагуудтай хамтран жижиг, дунд, бичил болон хувиараа бизнес эрхлэгчдэд зориулсан сургалт хөтөлбөрүүдийг тогтмол явуулдаг тул өөрийн бизнесийн цар хүрээ, зорилго зорилттой уялдуулан тохирох сургалтад сонгон хамрагдах бүрэн боломжтойг дуулгахад таатай байна.

АМЖИЛТ ТӨГӨЛДӨР!

#KhanBusiness #АмжилтТөгөлдөр #SucceedTogether

Digi Pay-ээр төлбөр тооцоогоо хийгээд 5 хувийн буцаан олголт аваарай

khulan — Tue, 09 Jul 2024 12:17:24 +0800

Байнгын хөнгөлөлт урамшууллаар дүүрэн, шимтгэлгүй цахим хэтэвч Digi Pay дахин нэг урамшуулал зарлалаа.

Тус аппликэйшнд ХААН Банкны бүх төрлийн картаа холбоод хялбар, бас хурдан гүйлгээ хийх боломжтой бөгөөд 100,000 төгрөгөөс доош гүйлгээнд нууц үг шаардахгүй гэдгээрээ давуу талтай. Харин үүнээс дээш дүнтэй гүйлгээнд царай, хурууны хээ таних зэрэг найдвартай, хялбар хамгаалалт ашиглах боломжтой гэдгээрээ таны цаг завыг хэмнэнэ.

Үндэсний их баяр наадам тохиож буй 7-р сарыг дуустал ХААН Банкны Digi Pay аппликэйшний хэрэглэгч эрхэм харилцагч та бүхэн аппликэйшндээ холбосон юнион пэй картаараа “Миний дэлгүүр”, “Carrefour”, “Оргил”, “Efes” сүлжээ дэлгүүрүүдээр худалдан авалт хийгээд 5% буцаан олголт авах боломжтой боллоо.

Та Digi Pay аппликэйшн ашиглан төлбөр төлөх үедээ QR цэсээ нээгээд дэлгэцийн доод хэсэгт харагдаж буй “Төлөх карт” хэсгээс картын зурагны баруун доод буланд “Union Pay” гэсэн тэмдэглэгээ бүхий картаа сонгоод урамшуулалд хамрагдаарай.

Юнион пэй картаа ашиглан гүйлгээ хийсэн үнийн дүнгийн буцаан олголт 2024.08.08-нд харилцагчийн гүйлгээ хийсэн картын данс руу шилжин орно.

Өөрийн хэв маягтаа тохируулан өнгөө сонгож, санхүүгийн хамгийн тав тухтай хэрэглээг бүрдүүлэх боломжтой Digi Pay аппликэйшнээ татаж амжаагүй бол дараах QR кодыг уншуулан татаж аваарай.

Enjoy everything!

Хамтын өсөлт төгөлдөр

ХААН Банк бичил болон ЖДБ эрхлэгчдийг дэмжихээр 27.5 сая ам.долларын санхүүжилт татлаа

khulan — Mon, 08 Jul 2024 14:48:59 +0800

ХААН Банк BlueOrchard Finance Limited (BlueOrchard) байгууллагаас 27.5 сая ам.долларын дүн бүхий урт хугацаат санхүүжилтийн эх үүсвэр татахаар гэрээ байгууллаа.

Хөгжлийн хөрөнгө оруулалтын менежментийн олон улсын тэргүүлэгч компаниудын нэг BlueOrchard нь нийт санхүүжилтийн 20 сая сая ам.долларыг өөрийн удирддаг “BlueOrchard Microfinance Fund” сангаар, 7.5 сая ам.долларыг “Covid-19 Emerging and Frontier Markets MSME Support Fund SCSp SICAV-RAIF” сангаар тус тус дамжуулан олгож буй юм.

Харилцагчдынхаа санхүүгийн хэрэгцээ шаардлагад нийцсэн бүтээгдэхүүнийг санал болгох, банкны эх үүсвэрийн төрлийг нэмэгдүүлж, үйл ажиллагааны тогтвортой байдлыг олон улсын сайн жишигт нийцүүлэн тогтмол сайжруулах зорилгоор ХААН Банк олон улсын банк, санхүүгийн байгууллагууд, хөрөнгө оруулалтын менежментийн компани болон хөрөнгө оруулалтын сангуудтай урт хугацаат түншлэлийн харилцаа бий болгон хамтран ажилласаар ирсэн юм.

2009 оноос хойш ХААН Банк BlueOrchard байгууллагатай тогтвортой хамтран ажиллаж байгаа бөгөөд энэ удаагийн санхүүжилтийн гэрээ нь хамтын ажиллагааг улам бүр өргөжүүлэн бэхжүүлэхийн зэрэгцээ Монгол Улсын эдийн засгийн өсөлтийн тулгуур, хөдөлгөгч хүч болсон бичил болон жижиг дунд бизнес эрхлэгчдийн санхүүгийн хэрэгцээг хангах, тогтвортой өсөлтийг дэмжих чухал ач холбогдолтой юм.

BlueOrchard байгууллагын тухай

Олон улсын хөгжлийн хөрөнгө оруулалтын менежментийн нөлөө бүхий компаниудын нэг BlueOrchard байгууллага нь 2001 онд үүсэн байгуулагдсан. Дэлхий дахинд тогтвортой, эерэг нөлөөллийг бий болгох зорилгын дор 2023 оны эцсийн байдлаар Ази, төв болон зүүн Европ, Латин Америк, Африкийн хөгжиж буй 100 гаруй оронд 11 тэрбум гаруй ам.долларын хөрөнгө оруулалт хийж, 300 сая гаруй хүнийг дэмжжээ. Тус байгууллагын тухай дэлгэрэнгүй мэдээллийг эндээс авна уу.

ХААН Банкны тухай

ХААН Банк нь бичил болон жижиг дунд бизнес эрхлэгчдэд санхүүгийн болон санхүүгийн бус үйлчилгээг цогцоор нь үзүүлдэг. Харилцагчдынхаа бизнесийн цар хүрээг нэмэгдүүлэх зорилгоор тэдний хэрэгцээ шаардлагад нийцсэн санхүүгийн бүтээгдэхүүн үйлчилгээ санал болгохоос гадна Жижиг дунд бизнесийн академиараа дамжуулан бизнесийн зөвлөх үйлчилгээ, сургалтыг танхимаар болон цахимаар тогтмол зохион байгуулдаг билээ.

Сүүлийн жилүүдэд бүх түвшний үйл ажиллагаагаа тогтвортой хөгжлийн зорилгод нийцүүлэх томоохон ажлуудыг хэрэгжүүлж, ногоон буюу байгаль орчинд ээлтэй бүтээгдэхүүн үйлчилгээг харилцагчдадаа түлхүү санал болгож байна. Дэлгэрэнгүй мэдээллийг энд дарж авна уу.

Хамтын өсөлт төгөлдөр - ХААН Банк

ХААН Банк шинэ дижитал салбартаа харилцагчдадаа сургалт зохион байгууллаа

khulan — Thu, 06 Jun 2024 15:22:44 +0800

ХААН Банкны Жижиг дунд бизнесийн академиас “Ногоон бизнес” хөтөлбөрийн хүрээнд бизнес эрхлэгчдэд зориулан бизнесээ хэрхэн “ногооруулж” тогтвортой хөгжилд хувь нэмрээ оруулж болох талаар сургалт зохион байгууллаа.

ХААН Банк жижиг дунд бизнес эрхлэгч харилцагчдадаа зориулан бүтэн жилийн турш сургалт, хөтөлбөрийг тогтмол үнэ төлбөргүй хэрэгжүүлдэг билээ. Энэ удаагийн сургалт орчин үеийн жишиг эко зах “Go.to market”-д шинээр нээгдсэн ХААН Банкны Digi Go-ийн дижитал салбарт болсон бөгөөд бичил болон жижиг дунд бизнес эрхлэгчид хамрагдсан юм.

Цахим банкны үйлчилгээгээр тэргүүлэгч ХААН Банк нь Киоск машин, АТМ, таблет зэрэг тоног төхөөрөмжүүдийн тусламжтай банкны үйлчилгээг нэг дороос авах боломжтой Digi Go цахим салбарыг Улаанбаатар хотод 6 байршилд ийнхүү нээгээд буй юм. Эдгээр салбар нь харилцагчдын санхүүгийн үйлчилгээг хялбарчлахаас гадна орчин үеийн тоног хэрэгсэл бүхий ая тухтай уулзалтын өрөөнд бизнес уулзалтуудаа үнэ төлбөргүй хийх боломжийг олгодог билээ.

Мөн Digi Go дижитал салбар нээгдсэн “Go.to market” худалдааны төв нь ХААН Банкны ногоон санхүүжүүлтээр баригдсан бөгөөд байгальд ээлтэй барилгын материалаар ашиглаж, 20-иос дээш хувийн эрчим хүч, ус, дулааны хэмнэлт гаргаж, жилдээ 567 тонн нүүрсхүчлийн хий бууруулах зэрэг давуу талтай.

Баялаг бүтээж, ажлын байрыг бий болгож, бизнесийн үнэ цэн бүтээж буй жижиг дунд бизнес эрхлэгчдээ ХААН Банк онцгойлон дэмжсээр ирсэн. Энэ хүрээнд харилцагчдаа бизнесээ илүү өсгөхөд нь дэмжлэг болох зорилгоор анх 2006 онд Бизнес инкубатор төвөө байгуулж байсан бол 2019 онд Жижиг дунд бизнес эрхлэгчдийг дэмжих төв, 2024 онд Жижиг дунд бизнесийн академи болгон үйл ажиллагааг нь өргөжүүлсэн билээ. Мөн 2023 оноос орон нутгуудад жижиг дунд бизнес эрхлэгчдэд тусгайлан зориулсан “Бизнес төв”-үүдийг шат дараатай байгуулж, өдгөө 9 аймагт харилцагчдадаа хүрч үйлчилж буй нь жижиг дунд бизнес эрхлэгчдээ онцгойлон дэмжиж буйн баталгаа юм.

Хамтын өсөлт төгөлдөр- ХААН Банк

Digi Pay- Шимтгэлгүй, хялбар, урамшуулалтай

khulan — Tue, 04 Jun 2024 14:56:08 +0800

Бизнесийн “төв цэг” Дорнод, Хэнтий аймагт нээгдлээ

khulan — Mon, 27 May 2024 18:33:29 +0800

Жижиг дунд бизнес эрхлэгч та ур чадвараа сайжруулан, бизнесээ тогтвортой хөгжүүлж, хамтдаа өсөхөд бэлэн үү? ХААН Банк аймаг бүрд бизнесийн “төв цэг” болсон “Бизнес төв”-үүдийг шат дараатай байгуулж буй билээ. Орон нутагт үйл ажиллагаа явуулж буй жижиг дунд бизнесүүдэд үйлчилгээгээ илүү хүртээмжтэй болгох, бизнесийн орчныг нь дэмжих, сургалт, мэдээллээр хангах, санхүүгийн цогц үйлчилгээ үзүүлэх “Бизнес төв”-ийг өмнө нь 7 аймагт нээгээд байсан бол өнгөрсөн баасан гарагт Дорнод аймагт, өнөөдөр Хэнтийн аймгийн төв Чингис хотод тус тус үйл ажиллагааг нь эхлүүллээ.

Энэхүү төв нь санхүүгийн бүх төрлийн үйлчилгээ үзүүлэхээс гадна бизнесээ илүү амжилттай удирдахад нь дэмжлэг болох менежментийн зөвлөх үйлчилгээ, сургалт, хөтөлбөрүүдэд биечлэн болон цахимаар хамрагдах боломжийг бизнес эрхлэгчдэд олгож буйгаараа онцлог.

Зүүн бүсийн тулгуур төв Дорнод аймгийн төв Чойбалсан хот Дархан, Эрдэнэтийн дараа орох гурав дахь том хот гэгддэг бөгөөд хүн амын төвлөрөл ихтэй, худалдаа үйлчилгээ, хүнсний үйлдвэрлэл, газрын тос, барилгын салбар илүүтэй хөгжсөн. Аймгийн хэмжээнд олгосон нийт бизнесийн зээлийн 50 орчим хувийг ХААН Банк дангаар бүрдүүлдэг гэхээр бизнес эрхлэгч, аж ахуйн нэгжүүдэд өдөр тутамдаа үйлчилгээ үзүүлж, илүү ойр хамтран ажилладаг гэсэн үг юм. Дэд бүтэц сайтай, газар тариалан, хөдөө аж ахуйн салбар хөгжсөн Хэнтий аймгийн хэмжээнд ч мөн ХААН Банк зах зээл эзлэлтээрээ өндөр байгаа нь нийт татан төвлөрүүлсэн хөрөнгө болон нийт зээлийн багцын 60 хувийг эзэлж буй тоо баримтаас харж болно.

Энэ ч үүднээсээ үндэсний хэмжээний хамгийн том банкны хувьд орон нутгийн бизнес эрхлэгчдээ дэмжин санхүүгийн цогц үйлчилгээ, шилдэг бүтээгдэхүүнээр бизнест нь хөшүүрэг болж, үр шимтэй өсөлтийг хамтдаа бүтээх, чадавхжуулахаар “Бизнес төв”-үүдийг ийнхүү ээлж дараалан нээсээр байна.

Хамтын өсөлт төгөлдөр – ХААН Банк

ХААН Банк хөдөө аж ахуйн салбарыг хөгжүүлэх стратегийн санамж бичигт гарын үсэг зурлаа

khulan — Wed, 22 May 2024 18:33:37 +0800

ХААН Банк нь Нидерландад төвтэй Рабо банкны толгой компани болох “Rabo Partnerships’ компани, “Share Mongolia” ТББ, “Хөгжлийн шийдэл” ТББ-тай Монгол Улсын хөдөө аж ахуйн салбарыг хөгжүүлэх зорилгын хүрээнд стратегийн түвшинд хамтран ажиллахаар санамж бичигт гарын үсэг зурлаа.

Энэхүү санамж бичгийн хүрээнд малын тоо толгойн ашиг шимийг нэмэгдүүлэх, уур амьсгалын өөрчлөлтөд тэсвэртэй, тогтвортой мал аж ахуйн салбарыг бий болгох чиглэлд хамтран ажиллах бөгөөд талуудын техникийн зөвлөх үйлчилгээ, санхүүгийн чадавх, орон нутгийн малчдын оролцоог хангасан байдал зэрэг туршлага, давуу талууд дээр түшиглэн энэхүү түншлэлийг хэрэгжүүлэх юм. Тухайлбал, хөдөө аж ахуйн хоршоодод тулгардаг гол сорилт, асуудлуудад чиглэсэн хамтын судалгаа, хоршоодын зохион байгуулалтын бүтцийг сайжруулах, үйл ажиллагааны үр нөлөө, нийгэм эдийн засагт оруулах хувь нэмрийг үнэлэх болон Шинэ Зеланд улсын сайн туршлагыг нутагшуулах зэрэг ажлыг төлөвлөөд буй.

Рабо банкны төлөөлөгчид Монгол Улсад 5-р сарын 13-18-ны өдрүүдэд ажиллаж, анхан шатны судалгаа, хэрэгцээ шаардлагыг тодорхойлон, Монгол орны цаг уурын эрс тэс уур амьсгалд дасан зохицон хөгжиж буй хөдөө аж ахуйн салбарын бодит нөхцөл байдалтай танилцлаа. Мөн салбарын гол төлөөлөгчидтэй уулзаж, улмаар төр, хувийн хэвшлийн байгууллагуудтай стратегийн уулзалт зохион байгуулж, орон нутгийн хөгжилд хөдөө аж ахуйн үзүүлж буй үр нөлөө, тулгарч буй асуудлын талаар дэлгэрэнгүй мэдээлэл, ойлголт авсан юм.

Монгол Улсад ажиллах хугацаандаа хүнс, хөдөө аж ахуйн бизнес эрхлэгчдэд энэ салбарт хөрөнгө оруулах боломж олгохын тулд санхүүгийн шинэ бүтээгдэхүүн, үйлчилгээ шаардлагатай байгааг тодорхойлсон байна. Ялангуяа хөдөө аж ахуйн салбарын бизнесийн мөчлөг, онцлогт тохирсон уян хатан нөхцөлтэй, урт хугацаатай, барьцаа хөрөнгийн шаардлага багатай, эргэн төлөлтийн уян хуваарьтай зээлийн хэрэгцээ байгааг онцолсон бол нөгөө талаас хөдөө аж ахуйн салбарыг мэргэшүүлэх шаардлагатай байгааг дурдсан байна. Энэхүү стратегийн түншлэлийн хүрээнд шилдэг санхүүгийн байгууллага болох ХААН Банк, орон нутгийн төр захиргааны байгууллага, хувийн хэвшил, малчид, олон улсын түншүүд Монгол улсад илүү тогтвортой хүнс, хөдөө аж ахуйн бизнесийг хөгжүүлэхэд шаардлагатай судалгаа, санхүүжилт, техникийн туслалцаа, зөвлөх үйлчилгээ зэрэг олон талт чиглэлээр хамтран ажиллах юм.

Хамтын өсөлт төгөлдөр- ХААН Банк

ХААН Банк “Хамгийн идэвхтэй аккредитив нээгч банк”-аар 14 дэх жилдээ шалгарлаа

khulan — Thu, 16 May 2024 09:46:57 +0800

Европын сэргээн босголт хөгжлийн банк (ЕСБХБ) жил бүр “Худалдааны санхүүжилтийг дэмжих хөтөлбөр”-ийн хүрээнд хамтран ажилладаг шилдэг банк санхүүгийн байгууллагуудыг шалгаруулдаг билээ.

Энэ хүрээнд 2023 оны Монгол Улсын “Хамгийн идэвхтэй аккредитив нээгч банк”-аар ХААН Банкийг тодруулж энэхүү нэр хүндтэй шагналыг бид 14 дэх жилдээ дараалан хүртэж байна. 5-р сарын 14-нд Армени Улсын Ереван хотод болсон ЕСБХБ-ны уулзалтад ХААН Банкны Гүйцэтгэх захирал Р.Мөнхтуяа оролцож энэ үеэр тус шагналыг гардан авлаа.

ХААН Банк нь ЕСБХБ-тай 2007 оноос хойш хамтран ажиллаж харилцагчдадаа худалдааны санхүүжилтийн цогц бүтээгдэхүүн, үйлчилгээг чанарын өндөр түвшинд, олон улсын стандарт, хууль, дүрэмд нийцүүлэн тогтмол үзүүлж ирсэн билээ. Тухайлбал, олон улсын худалдаанд түгээмэл хэрэглэгддэг төлбөр тооцооны хэрэгсэл болох аккредитив, баталгаа, батлан даалт, инкассын үйлчилгээ үзүүлэн олон улсын зах зээлээс хүү болон хугацааны хувьд тааламжтай зээлийн эх үүсвэр татаж, худалдааны зээлийн бүтээгдэхүүн үйлчилгээний цогц шийдлийг санал болгон ажиллаж байна.

Түүнчлэн ЕСБХБ-ны гадаад худалдааны санхүүжилтийг танилцуулах сургалтын контентыг эх хэл дээрээ үнэ төлбөргүйгээр судалж, мэдлэг мэдээллээ дээшлүүлэх, гадаад худалдаанд үүсэх эрсдэлийг бууруулах санхүүжилтийн шинэ бүтээгдэхүүнийг эрэлхийлэх боломжийг харилцагчдадаа олгож буйгаас гадна олон улсад хүлээн зөвшөөрөгдсөн худалдааны санхүүжилтийн сертификаттай мэргэшсэн зөвлөхүүд маань ганцаарчилсан сургалт, зөвлөгөөг харилцагчдадаа хүргэж байна.

ХААН Банкны худалдааны санхүүжилтийн бүтээгдэхүүн, үйлчилгээг сонгон үйлчлүүлдэг эрхэм харилцагчид, олон талт дэмжлэг туслалцаа үзүүлж, хамтран ажиллаж ирсэн олон улсын банк, санхүүгийн байгууллагууд болон ЕСБХБ-ны Худалдааны санхүүжилтийг дэмжих хөтөлбөрийн хамт олонд талархал илэрхийлье.

Хамтын өсөлт төгөлдөр - ХААН Банк

ХААН Банкны бяцхан харилцагчдын урамшуулалт аян эхэллээ

khulan — Tue, 14 May 2024 13:02:10 +0800

ХААН Банк Эх үрсийн баярыг угтаж, 7-17 насныханд зориулсан “TEEN” багц бүтээгдэхүүндээ “Бүгд өөрийнхөөрөө” урамшуулалт аяныг 2024.05.10- 2024.06.10-ны өдрийг дуустал хугацаанд зарлаж байна.

Урамшуулалт аяны нөхцөл:

ü “Боловсрол хүүхдийн ирээдүй” хадгаламждаа 100,000 төгрөгийн орлого хийх, эсвэл хадгаламжаа Хүүхдийн мөнгөний данстай холболт хийлгээд “TEEN” хүүхдийн картыг үнэгүй захиалж, хүссэн газраа үнэгүй хүргүүлэн авах боломжтой.

ü “Боловсрол хүүхдийн ирээдүй” хадгаламжгүй бол шинээр TEEN багцад бүртгүүлэн хадгаламжаа нээлгэснээр урамшууллын нөхцөлийг биелүүлж, TEEN картаа үнэ төлбөргүй авна.

“TEEN” багц нь карттай, хадгаламжтай, хөнгөлөлттэй, мөн шимтгэл, хураамжгүйгээс гадна дараах нэмэлт давуу талуудтай.

ü Таны хүүхэд дансаа бие даан “өөрийнхөөрөө” удирдах боломжтой.

ü Карт дээр хүүхэд өөрийнхөө нэрийг бичүүлнэ.

ü Данс хөтөлсний хураамжгүй.

ü Картаараа худалдан авалт хийхэд хөнгөлөлт, урамшуулалтай.

ü Ухаалаг мэдээ үйлчилгээ үнэгүй.

ü ХААН Банкны АТМ-аас бэлэн мөнгө авахад хураамжгүй.

ü Khan Bank аппликэйшнээр картаа идэвхжүүлэх боломжтой.

ü “Боловсрол хүүхдийн ирээдүй” хадгаламжийн дэвтэр үнэгүй

ü Дансны доод үлдэгдэл байршуулах шаардлагагүй.

TEEN картын харилцагч хэрхэн болох вэ?

Хүүхдийн эцэг эх, асран хамгаалагч салбарт хандан карт захиалснаас хойш Улаанбаатар хотод 3-5 хоног, орон нутагт 5-7 хоногийн дотор хүссэн хаягтаа ажлын цагаар картаа шуудангаар үнэгүй хүргүүлэн авах боломжтой.
Хэрэв та яаралтайгаар захиалахыг хүсвэл эцэг эх, асран хамгаалагч өөрт ойр салбарт хандан “Яаралтай” захиалгын хураамж 15,000 төгрөг болон тухайн төлбөрийн картын үнийг тушааж, ажлын 3 цагийн дараа Энхтайваны гүүрний зүүн урд талд байрлах ХААН Банк цамхагийн 1-р давхраас ирж аваарай.

Мөн та дараах бичиг баримтуудыг бүрдүүлэн ХААН Банкны өөрт ойр салбарт хандан ТEEN багц үйлчилгээнд бүртгүүлэн "Боловсрол хүүхдийн ирээдүй" хадгаламжийн данс нээлгэх боломжтой.

Хүүхдийн төрсний гэрчилгээ эсхүл хүүхэд 16 нас хүрсэн бол иргэний үнэмлэх
Эцэг, эх, хууль ёсны асран хамгаалагчийн иргэний үнэмлэх байна.

Хүүхэд багачуудыг санхүүгийн харилцаанд сургаж, мөнгөө зөв зарцуулах чадвартай, хуримтлалтай иргэн болгох зорилгын хүрээнд будах, бөглөх, хөтлөх зориулалт бүхий сонирхолтой зурагт хуудсуудыг ХААН Банк гаргаад байгаа билээ. Та эдгээр зурагт хуудсыг ЭНДЭЭС татаж аван хүүхэдтэйгээ хамтдаа санхүүгийн боловсролын хөгжилтэй аяллыг эхлүүлээрэй.

БҮГД ӨӨРИЙНХӨӨРӨӨ

Хамтын өсөлт төгөлдөр – ХААН Банк

Бизнест тань давуу тал нэмэх НОГООН ЗЭЭЛ

khulan — Thu, 25 Apr 2024 13:56:18 +0800

Аливаа улс орны хөгжил, хүн ардын ахуй амьдралд барилгын салбар чухал үүрэг гүйцэтгэдэг билээ. Дэлхийн дулаарал, уур амьсгалын өөрчлөлттэй нүүр тулж буй энэ цаг үед барилгын салбарт тавигдах шаардлага стандарт нь тогтвортой хөгжлийн үзэл санаатай уялданөөрчлөгдөж байна. Тухайлбал, 20 жилийн өмнө анх дэлгэрч байсан ногоон барилгын тухай ойлголт улам бүр хөгжиж, Дэлхийн ногоон барилгын зөвлөлөөс улс орнууд хөгжлийн альшатанд яваагаас үл хамаарч шинэ болон хуучин барилга байшинг 3 үндсэн чиглэлээр зөв төлөвлөн гүйцэтгэж, засварлах шаардлагатай гэсэн байна. Үүнд 1) нүүрсхүчлийн болон бусад хорт элемент ялгаруулахгүй байх, 2) хүний эрүүл мэнд, тусгай хэрэгцээнд сөрөг нөлөөгүй, тэсвэртэй байх мөн 3) дахин боловсруулагдсан эх үүсвэртэй, хаяг хаягдлын цэвэр дэд бүтэц дээр тулгуурласан байх гэсэн ерөнхий ойлголтууд багтжээ. 2021 оны байдлаар дэлхийн байгаль орчны нөхөн төлжих, ургах цаг хугацаанаас 70 дахин илүү байгалийн материалыг барилгын материал үйлдвэрлэлд ашигласан гэсэн сэрдхийлгэм судалгаа байдаг. Тиймээс дэлхийн улс орнууд барилга төлөвлөлтийн эхний үе шатаас эцсийн байгууламжийг хүлээлгэн өгөх хүртэл бүх үйл явцыг хэрхэн ногооруулах вэ гэдэгт анхаарал хандуулж, санхүүжилтийн хөшүүрэг ашиглаж байгаа нь барилгын ногоон зээлийн бүтээгдэхүүн юм.

Монгол Улсын хувьд эрс тус уур амьсгалтай гэсэн утгаар байгаль орчин, хүний эрүүл мэндэд ээлтэй ногоон барилга байшинг саяхныг хүртэл төдийлэн анхаарч байсангүй. Жишээлбэл, ногоон барилгын үндэсний стандартыг хараахан баталж гаргаагүй байна. Гэсэн хэдий ч барилгын материалд тавигдах стандарт, оршин суугчдын эрүүл мэнд, аюулгүй байдлыг харгалзан үзсэн шаардлагуудыг тухай бүр нэвтрүүлсээр байна. Мөн пассив буюу хайбрид барилга, бүрэн дулаан алдагдалгүй технологи гэх мэт санаачилгууд өргөжиж байна.

НОГООН БАРИЛГА ГЭЖ ЮУ ВЭ?

Хүний бие болон хүрээлэн буй орчинд ээлтэй барилгын материал, систем, эрчим хүч хэмнэсэн, усны менежмент орсон технологийн шийдлүүд

Барилгаа ногоон болгох бизнесийн давуу тал

ХҮНИЙ БИЕ БОЛОН ХҮРЭЭЛЭН БУЙ ОРЧИНД ЭЭЛТЭЙНОГООН БАРИЛГЫН ШИЙДЛҮҮД

ХААН Банкны ногоон зээлийн санхүүжилтээр хэрэгжиж буй томоохон жишиг төсөл бол Мастер группийн санаачилсан “Go.to market” худалдааны цогцолбор байгууламж юм. Төслийн хүрээнд Улаанбаатар хотын хойд бүсийн оршин суугчдад үйлчлэх гэр бүл, найз нөхөд, хамт олноороо хамтдаа хооллох, шоппинг аялал хийх, хүнсээ цуглуулах, хүүхэдтэйгээ салхилах, төрөл бүрийн үйлчилгээ авах, амрах, чөлөөт цагаа өнгөрүүлэх цогц орчин бүрдүүлэхийг зорьж буй. Go.to market худалдааны төвийн барилгынфасад нь нарны гэрэл сайн нэвтрүүлдэг, дулаан алдагдлыг бууруулах, саарал ус ашиглах боломжтой, сантехникийн тоноглолууд нь хөдөлгөөн мэдрэгчээр ажилладаг зэрэг үзүүлэлт нь ногоон барилгын зээлийн шалгуур, нөхцөлийг бүрэн хангасан байна. Үүний үр дүнд нүүрсхүчлийн хэмжээг 567 тонноор бууруулж, дулаан алдагдлыг 20%-иас дээш, эрчим хүчний хэмнэлт 24%-иар тус тус бууруулах тооцоолол гарч, албан ёсоор ногоон барилгын сертификат хүлээн авсан байна. Нэг сард 100 сая төгрөгийн эрчим хүчний зардал гарна гэж үзвэл үүнээс 24%-ийг бууруулж буй нь ашиглалтын зардал хэмнэхээрээ давуу талтай.

Хэрэв танай компани ойрын үед үйлдвэрийн тоног төхөөрөмж, хэрэгсэл зэргээ шинэчлэх, эсхүл барилга байшин барихаар төлөвлөж буй бол ХААН Банкны ногоон зээлийг сонирхоод үзээрэй. Ногоон зээлийн хүүг стандарт бизнесийн зээлийн хүүтэй харьцуулахад илүү хямд байдаг.

Ж.Питер Морроугийн нэрэмжит ХААН Банкны олимпиадыг 11 дэх жилдээ зарлалаа

khulan — Mon, 22 Apr 2024 18:08:26 +0800

Банк, санхүүгийн чиглэлээр суралцаж буй оюутнуудын онолын болон мэргэжлийн ур чадвар, бүтээлч сэтгэлгээг сорьдог Ж.Питер Морроугийн нэрэмжит олимпиадыг ХААН Банк 11 дэх жилдээ зохион байгуулах гэж байна. Олимпиад 5-р сарын 3-ны өдөр болох бөгөөд өмнөх жилүүдийн адилаар оюутнууд ганцаарчилсан болон багийн төрөлд өрсөлдөнө. Ганцаарчилсан төрөлд зөвхөн багийн гишүүд оролцох боломжтой. Нэг их дээд сургуулиас хоёр баг, харин хөдөө орон нутагт салбартай сургуулиудын хувьд орон нутгийн баг оролцох боломжтой юм. Баг тус бүр 5 гишүүнтэй байх ба бүх гишүүн банк санхүүгийн чиглэлээр 3, 4-р курст суралцаж буй оюутнууд байх шаардлагатай юм.

Багийн төрөлд тэргүүн байр эзэлсэн баг цом, өргөмжлөл, 3 сая төгрөгийн мөнгөн шагналтайгаас ганцаарчилсан төрөлд эхний таван байранд шалгарсан оюутнуудад гадна уламжлал ёсоор ХААН Банканд ажилд орох урилга гардуулна гэдгийг дуулгахад таатай байна.

Олимпиадын бүртгэл 4-р сарын 29-ний өдөр хүртэл болох тул сургуулиуд оролцох багуудынхаа материалыг recruiters@khanbank.com цахим хаяг руу ирүүлнэ үү. Үүнд,

- Иргэний үнэмлэх

- Оюутны үнэмлэх

- Багийн бүх гишүүнийг багтаасан сургуулийн тодорхойлолт

- Бүртгэлийн хуудас (доорх загварын дагуу)

Ирээдүйн банк, санхүүгийн салбарт манлайлах мэргэжилтэн та 6500 гаруй ажилтантай Монгол Улсын хамгийн том банк болох ХААН Банкнаас ажлын гараагаа эхлэхийг хүсвэл түвшинд хүрэхийг хүсэж байвал энэхүү олимпиадаас бүү хоцроорой.

Олимпиадын удирдамж, дэлгэрэнгүй мэдээлэлтэй ЭНД дарж танилцана уу.

ХАМТДАА МЭДЛЭГЭЭ ӨСГӨЕ

Мөжитэй хамтдаа хуримтлуулцгаая

khulan — Wed, 17 Apr 2024 14:54:54 +0800

Мөжитэй хамтдаа хуримтлал үүсгэх хөгжилтэй аялалд гарахад бэлэн үү?

“Бэлэг” хүрэх зам багагүй бартаатай, бас цаг хугацаа шаардах хэдий ч уйгагүй хуримтлуулж, санхүүгийн сахилга батыг өөртөө суулгаж аяллаа амжилттай дуусган бэлгийн хайрцгийг нээх мөч юутай ч зүйрлэшгүй аз жаргалтай байх нь гарцаагүй.

Ирээдүйдээ итгэлтэй, хэзээ ч учирч болзошгүй санхүүгийн гэнэтийн хэрэгцээнд бэлэн байхад зориулж хуримтлуулах дадал зуршлыг бий болгох нь бидний ирээдүйдээ оруулж буй томоохон хувь нэмэр юм. Тэр дундаа хүүхэд багачуудад хуримтлалын дадал зуршлыг ойлгуулахын тулд хамтдаа хичээж, аав ээж нь үлгэрлэх нь чухал билээ.

Энэ зорилгын хүрээнд ХААН Банк хүүхэд багачуудад санхүүгийн зөв дадал суулгаж, хуримтлалын ач тусыг ойлгуулахын тулд будах, бөглөх, хөтлөх зориулалт бүхий эдгээр сонирхолтой зурагт хуудсуудыг гаргаад байна.

Та эдгээр зурагт хуудсыг ЭНДЭЭС татаж аваад, хүүхэдтэйгээ хамтдаа хуримтлалын хөгжилтэй аяллыг эхлүүлээрэй.

Багачуудад зориулсан зурагт хуудсыг ХААН Банк “Дэлхийн мөнгөний 7 хоног” аяны хүрээнд гаргасан бөгөөд энэхүү аян нь 3-р сарын 20-ноос хойш гурван долоо хоногийн турш орон даяар үргэлжилсэн билээ. Энэ хугацаанд цахим аюулгүй байдал болон мэдээллийн аюулгүй байдлын асуудлуудыг хөндөж, олон нийтэд санхүүгийн цахим залилангаас сэргийлэх зөвлөмжүүдийг хүргэж, сургалт зохион байгуулсан юм.

Мөн ХААН Банкны хамт олон хуримтлалтай бяцхан харилцагчдынхаа тоог нэмж, санхүүгийн аливаа эрсдэлээс урьдчилан сэргийлэх зорилгоор хувийн санхүү, мөнгөний үнэ цэн, санхүүгийн боловсролын тухай сургалтыг ерөнхий боловсролын сургуулийн сурагчдад орон даяар зохион байгууллаа. Мөн бага насны хүүхдүүдэд санхүүгийн анхан шатны суурь ойлголт, мэдлэг олгох зорилгоор дээрх сонирхолтой зурагт хуудсыг бэлтгэн салбар нэгжүүдэд ил байршуулснаас гадна цахим орчинд нээлттэй байршуулсан байгаа шүү.

Хамтын өсөлт төгөлдөр- ХААН Банк

ХААН Банк Хөвсгөл аймгийн бизнес эрхлэгчдэд үйлчлэх “Бизнес төв”-өө нээлээ

khulan — Thu, 11 Apr 2024 17:37:24 +0800

Улс орны эдийн засгийн хөдөлгөгч хүч болсон жижиг, дунд бизнес эрхлэгчдэд банкны бүтээгдэхүүн үйлчилгээг цогцоор нь хүргэх зорилгоор ХААН Банк оны өмнөхөн Орхон Дархан-Уул аймагт, өнгөрсөн сард Увс, Ховд, Өвөрхангай аймагт “Бизнес төв”-өө нээсэн билээ. Тэгвэл энэ удаа Монгол орны хоймор нутаг Хөвсгөлийн Мөрөнд шинэ төвөө ашиглалтад орууллаа.

ХААН Банк “Бизнес төв”-өөрөө дамжуулан бизнес эрхлэгч харилцагчдадаа санхүүгийн үйлчилгээ үзүүлээд зогсохгүй санхүүгийн бус үйлчилгээ буюу бизнесээ илүү амжилттай удирдахад нь дэмжлэг болох, чадавхжуулах үүднээс менежментийн зөвлөх үйлчилгээ, сургалт, хөтөлбөрүүдэд биечлэн болон цахимаар хамруулах юм.

“Бизнес төв”-ийн нээлтийн үеэр ХААН Банкны төлөөлөл бизнес эрхлэгчдэд сонирхолтой сургалт зохион байгуулж, харилцагчдын сонирхсон асуултад хариулсан юм.

ХААН Банкны Жижиг дунд бизнесийн банк хариуцсан дэд захирал Ж.Товуудорж “ХААН Банк орон нутагт 6 дахь жишиг “Бизнес төв”-өө нээж байгаад баяртай байна. Бид энэхүү төвөөрөө дамжуулан жижиг дунд бизнес эрхлэгч харилцагчдадаа банк санхүүгийн бүх төрлийн үйлчилгээ, эргэлтийн хөрөнгө, бизнесийн шугамын болон хөрөнгө оруулалтын зээлийн бүтээгдэхүүн санал болгоно. Мөн түүнчлэн санхүүгийн бус үйлчилгээ буюу банкны ЖДБ-ийг дэмжих төвийн зөвлөх үйлчилгээний сургалт, хөтөлбөрүүдэд бизнес эрхлэгчдийг биечлэн болон цахимаар хамруулж, бизнесээ удирдаж авч явахад нь хэрэгцээтэй бүхий л ур чадваруудыг эзэмшүүлэхэд дэмжлэг болох юм. Банк мөн хүн төрөлхтний “гэрийн даалгавар” гэгдээд буй Тогтвортой хөгжлийн зорилгуудад хувь нэмэр оруулж байгаа, байгаль дэлхийдээ ээлтэй үйл ажиллагаа явуулж буй хариуцлагатай бизнесүүдийг дэмжихэд ихээхэн анхаарал хандуулж байна. Энэ хүрээнд харилцагчдаа бизнесээ ногооруулахад нь хамтран ажиллана” гэв.

Хөвсгөл аймагт 2300 гаруй аж ахуйн нэгж, байгууллага бүртгэлтэй байдгаас 65% нь идэвхтэй үйл ажиллагаа явуулдаг бөгөөд мал аж ахуй, аялал жуулчлал, хүнсний үйлдвэрлэл, худалдаа үйлчилгээний салбар зонхилдог байна. 2022 онд Хөвсгөл гадаад, дотоодын нийт 126,390 жуулчин хүлээн авсан нь аймгийн ДНБ-ий 4.8%-ийг бүрдүүлж байна.

Эрхэм бизнес эрхлэгч та Хөвсгөл аймагт үйл ажиллагаа явуулдаг бол Мөрөн сумын 7-р баг, ХААН Банкны 1 давхарт байрлах “Бизнес төв”-өөр үйлчлүүлэн, тав тухтай, тохилог орчинд санхүүгийн цогц үйлчилгээг түргэн шуурхай авч, бизнесээ өргөжүүлээрэй.

Хамтын өсөлт төгөлдөр- ХААН Банк

VISA картаа уншуулаад Парисын олимп үзэх эрхийн эзэн болоорой

khulan — Wed, 10 Apr 2024 19:35:54 +0800

Мөнхийн романтик хот, үзэсгэлэнт Парисаар аялангаа хүн төрөлхтний хүсэн хүлээдэг олимпын наадмыг үзэж, эх орныхоо төрийн далбааг олимпын цэнгэлдэхэд мандах түүхэн мөчийн гэрч болохыг хүсэж байна уу? Тэгвэл энэ боломжийг ХААН Банк харилцагчдадаа олгохоор VISA-тай хамтарсан картын урамшуулалт аян зарлаад байна.

Харилцагч та 2024 оны 4-р сарын 1-нээс 5-р сарын 31-ний хооронд ХААН Банкны ПОС төхөөрөмж болон Digi POS аппликэйшнд VISA картаа уншуулсан 300,000₮ тутамд, олон улсын вэбсайтаас онлайн худалдан авалт хийсэн 300,000₮ тутамд тус бүр нэг тохирлын эрхтэй болох юм. Аяны хугацаанд нэг харилцагч хэдэн ч тохирлын эрх авч болох бөгөөд нийт 4 харилцагчийг Парисын олимп үзэх аяллын эрхээр урамшуулна.

Тохирлын хугацаа:

1-р ээлжийн тохирол: 2024.04.01-2024.04.30-ны хооронд аяны болзол хангасан харилцагчдаас тохирлын эзэн болох 2 хүнийг 2024 оны 5-р сарын 7-ны өдөр;
2-р ээлжийн тохирол: 2024.05.01-2024.05.31-ний хооронд аяны болзол хангасан харилцагчдаас тохирлын эзэн болох 2 хүнийг 2024 оны 6-р сарын 7-ны өдөр тус тус ХААН Банкны албан ёсны фэйсбүүк хуудсаар шууд дамжуулан тодруулна.

Уламжлал ёсоор шууд дамжуулалтыг хөндлөнгийн аудит, харилцагчдын төлөөллөөс бүрдсэн багийн хяналт дор явуулна. Харилцагч та аяны хугацаанд тохирлын эрхээ шалгахыг хүсвэл банканд бүртгэлтэй утаснаасаа 131917 дугаарт “tohirol” эсвэл “tokhirol” гэсэн мессеж илгээгээрэй. Жич: Байгууллагын VISA картаар тус урамшуулалд хамрагдах боломжгүйг анхаарна уу.

Хүн төрөлхтний эв нэгдлийн бэлгэ тэмдэг болсон олимдын наадмыг үзэх гайхалтай урамшуулалт аянд хамтран ажиллаж буй VISA -д баярлалаа.

Хамтын өсөлт төгөлдөр – ХААН Банк

Бинзесийн өсөн нэмэгдэх үнэ цэн - Ногоон зээл

khulan — Fri, 05 Apr 2024 16:35:01 +0800

Ногоон санхүүжилт, ногоон зээл, ногоон эх үүсвэр зэрэг ойлголт нь дэлхий нийтийн ирээдүйн чиг хандлага, таны бизнесийн үнэ цэнийг тодорхойлж буй хамгийн чухал шалгуурын нэг болж байна.

Бизнес хийхдээ ирээдүй хойч үеэ уух устай, идэх хоолтой, амьсгалах цэвэр агаартай үлдээхэд та болон таны бизнес ямар үр нөлөө үзүүлж байгаа вэ гэдгийг боддог цаг үе иржээ. Үүний тулд эрчим хүчээ хэмнэж, нүүрсхүчлийн хий бага ялгаруулж, үйлдвэрлэлийн үр ашгаа нэмэх ямар алхам хийсэн бэ? гэж өөрөөсөө асуугаад үзээрэй. Нөгөө талдаа хэрэглэгчид ч уламхэрсүүжиж, худалдан авалт хийхдээ тухайн бүтээгдэхүүн нь эрүүл органик уу, үүнийг үйлдвэрлэхэд байгальд сөрөг нөлөө үүсгэж байгаа эсэх, үүнийг худалдан авснаар юуг санхүүжүүлж байгаа эсэхийг онцгойлон анхаарч үздэг болжээ.

Нэгэнт дэлхий нийтийн чиг хандлага энэ зүгт хандаж байгаа цаг үедта ч мөн бизнесээ “ногооруулж” цаг үеэ мэдэрч өөрчлөгдөн шинэчлэгдэх нь бизнес олон арван жил амжилттай үргэлжлэх том хөшүүрэг юм.

Тэгвэл бизнесээ яаж “ногооруулах” вэ? Ер нь ямар төрлийн бизнесийг “ногоон” гэж хэлээд байна вэ?

Хариулт нь маш энгийн, ямар чбизнесийг “ногооруулж” болно. Та үйлдвэрлэлд ашиглаж буй тоног төхөөрөмжөө шинэчилж, хэрэглэж буй эрчим хүчээ эсвэл үйлдвэрлэлд ашигладаг усаа хэмнэж, нүүрсхүчлийн хийн ялгарлыг бууруулж чадаж байвал бизнесээ “ногооруулж” байна гэсэн үг. Бүтээгдэхүүний үйлдвэрлэл эрхэлдэг компаниуд “Бизнесийн ногоон зээлээр” тоног төхөөрөмж, технологийн сайжруулалт хийснээр ажилтны хувьд гар оролцоо буурч, бүрэн автомат таатай ажлын орчин бүрдэж, бүтээмж өсдөг бол компанийн хувьд үйлдвэрийн хүчин чадал, бүтээгдэхүүн үйлдвэрлэх гарц нэмэгдэж, эрчим хүчний зардал багасаж, байгаль орчинд ялгарч буй хүлэмжийн хийг бууруулдаг.

ЭРЧИМ ХҮЧНИЙ ХЭМНЭЛТТЭЙ ҮЙЛДВЭРИЙН ТОНОГ ТӨХӨӨРӨМЖ, ТЕХНОЛОГИЙН САЙЖРУУЛАЛТ

Ногоон санхүүжилтийн сайн жишиг болж буй компани бол эрчим хүчний хэмнэлттэй үйлдвэрийн тоног төхөөрөмж, технологийн сайжруулалт хийсэн ВИТАФИТ ИНВЕСТ ХХКюм.

Үндэсний үйлдвэрлэгч “Витафит инвест” ХХК “Монгол лууван” төслөө бизнесийн ногоон зээлээр санхүүжүүлж, хүлэмжийн хийг бууруулах, эрчим хүчний хэмнэлттэй тоног төхөөрөмж авч суурилуулаад буй.

Энэхүү төсөл нь эх орны хөрсөнд тариалсан луувангаар импортын бараа бүтээгдэхүүнийг орлох, олон улсын стандартад нийцсэн бүтээгдэхүүн үйлдвэрлэж, хэрэглэгчдийн гарт эрүүл, аюулгүй бүтээгдэхүүн хүргэх зорилготой. Хамгийн гол нь тогтвортой бизнесийн нэг жишиг болох нөөшлөгч бодисын хольцгүй гэдгээрээ хүн ардын эрүүл мэндэд хэрэгтэй бүтээгдэхүүн болж чаджээ.

“Витафит инвест” ХХК-ийнбайгаль орчин, эдийн засагт үзүүлэх эерэг нөлөөлөл:

Үйлдвэрлэлээс гарч буй эцсийн бүтээгдэхүүн нь эрүүл мэндэд сөрөг нөлөөгүй, олон улсын стандартад нийцсэн сав баглаа боодол, амт чанараараа импортын бүтээгдэхүүнийг орлож, олон мянган хэрэглэгчийн таашаалд нийцэж буй.

НОГООН ЗЭЭЛИЙН ШИЙДВЭРЭЭ ИЛҮҮ ХУРДАН ГАРГАХ БОЛОМЖ

Бизнесийн ногоон зээлийг судлах хугацаа дунджаар 5-7 хоног байдаг. Хэрвээ та бизнесээ “ногооруулж” эрчим хүчний хэмнэлттэй, байгальд ээлтэй тоног төхөөрөмж авахаар сонирхож байгаа ч хаанаас авахаа мэдэхгүй байгаа бол энэ сайт руу орж үзээрэй. .

Энэхүү сайт нь ногоон зээлээр авах боломжтой тоног төхөөрөмжийг бизнесийн чиглэлээс хамааран төрөлжүүлж, энгийн ойлгомжтой оруулсан байдаг бөгөөд эдгээр бүтээгдэхүүн нь байгаль орчинд ээлтэй “ногоон” гэдэг нь аль хэдийн баталгаажсан байдаг.

Та өөрийн бизнест тохирсон тоног төхөөрөмжөө сонгон 1-2 хоногийн дотор зээл авах боломжтой. Гэхдээ зөвхөн энэ сайтаар хязгаарлагдахгүй, та энэ мэт маш олон тоног төхөөрөмжийг бизнесийн ногоон зээлээр авах давуу талтай.

Тогтвортой ирээдүйд түүчээлж, хойчүедээ эх дэлхийгээ энэ хэвээр нь өвлүүлэн үлдээхэд энгийн жижиг дадлаас эхлээд бизнесийн бүхий л салбарынхны оролцоо үнэлж баршгүй их билээ. Та ирээдүйнхээ төлөө бизнесээ ногооруулахыг хүсэж байвал ХААН Банкны бизнесийг дэмжих ногоон зээлийг сонирхоорой. Та бүхэнд ХААН Банк хэзээд нээлттэй байх болно.

БИЗНЕСТ ТАНЬ ХҮЧ НЭМЬЕ

ХААН БАНК

Ногоон эдийн засгийн хөгжлийг дэмжихээр ХААН Банк ОУСК-тай хамтран ажиллана

khulan — Thu, 04 Apr 2024 18:22:34 +0800

ХААН Банк нь Монгол Улсад тогтвортой санхүүгийн тогтолцоог сайжруулах, уур амьсгалын өөрчлөлтийн сөрөг нөлөөллийг бууруулах зорилгоор Дэлхийн банкны бүлгийн гишүүн байгууллага болох Олон улсын санхүүгийн корпораци (ОУСК)-тай хамтран ажиллах гэрээг үзэглэлээ. Монгол Улсын эдийн засгийн ногоон шилжилтийг дэмжихэд хувь нэмрээ оруулах, байгаль орчинд ээлтэй үйл ажиллагааг санхүүжүүлэхэд ХААН Банк онцгойлон анхаарал хандуулж буй бөгөөд Тогтвортой хөгжлийн бодлого болон ногоон санхүүжилтийн багцаа эрчимтэй өсгөх дунд хугацааны томоохон зорилтыг хэрэгжүүлэхэд энэхүү хамтын ажиллагаа чухал түлхэц болох юм.

Энэхүү хамтын ажиллагааны хүрээнд ОУСК-ийн мэргэшсэн зөвлөх баг ХААН Банкны ногоон зээлийн санхүүжилт, үр нөлөөг амжилттай удирдах, тэр дундаа банкны дотоод үйл ажиллагаа болон нийт олгосон зээлийн багцын хүлэмжийн хийн ялгарлыг тооцоолж хэмжих замаар уур амьсгалын өөрчлөлтийн нөлөөллийг үнэлэх механизмыг бий болгох, Байгаль орчин, нийгэм, засаглал (БОНЗ)-ын эрсдэлийн удирдлагын тогтолцоог сайжруулах, уур амьсгалын өөрчлөлтөөс шалтгаалсан биет болон шилжилтийн эрсдэлийн удирдлагын тогтолцоог олон улсын тэргүүн туршлагад нийцүүлэхэд дэмжлэг, техникийн туслалцаа үзүүлж ажиллах юм.

ХААН Банкны Гүйцэтгэх захирлын тэргүүн орлогч Б.Эрдэнэдэлгэр хамтын ажиллагааны үр нөлөөг онцлон “Бидний урт хугацааны хамтрагч ОУСК-ийн зүгээс дахин дэмжлэг үзүүлж буйд талархаж байна. Энэхүү хамтын ажиллагаа нь уур амьсгалын өөрчлөлтийг бууруулах, Парисын хэлэлцээрийн дагуу Монгол Улсын өгсөн амлалтыг биелүүлэхэд чухал хувь нэмэр оруулах юм. Энэхүү зөвлөх үйлчилгээг хоёр жилийн хугацаанд авснаар Монгол Улсын хамгийн том банкны хувьд өөрийн үйл ажиллагаанд уур амьсгалын өөрчлөлтийн шалтгаан болж буй нүүрстөрөгчийн хийн ялгарал, түүний ул мөрийг бууруулахад чиглэсэн стратеги, төлөвлөгөө боловсруулах, ХААН Банкны ногоон зээлийг дэмжих чиглэлд авч хэрэгжүүлэх арга хэмжээ, туршлагыг бэхжүүлэн сайжруулахад чухал ач холбогдолтой юм” гэж дурдлаа.

НҮБ-ын Уур амьсгалын өөрчлөлтийн тухай конвенцийн талуудын байгуулсан Парисын хэлэлцээрт Монгол Улс нэгдсэн бөгөөд 2030 он гэхэд хүлэмжийн хийн ялгарлыг 22.7 хувиар бууруулах зорилт тавиад буй. Энэхүү зорилтыг биелүүлж, уур амьсгалын өөрчлөлтийн санхүүгийн салбарын тогтвортой байдалд үзүүлэх нөлөөлөл, тэдгээрийг бууруулахад банк, санхүүгийн салбар голлох үүрэг гүйцэтгэх юм.

ОУСК-ийн Монгол Улс дахь суурин төлөөлөгч Руфат Алимарданов “Ногоон бонд, ногоон зээл нь агаарын бохирдлыг бууруулах, эрчим хүчний хэмнэлтийг сайжруулах, ус цэвэршүүлэх болон хог хаягдлын менежментийг боловсронгуй болгох зэрэг байгаль орчинд ээлтэй төсөл, хөтөлбөрүүдийг санхүүжүүлэх хүчирхэг хэрэгсэл юм” хэмээн онцоллоо. Мөн тэрээр “ОУСК нь цаашид уур амьсгалын өөрчлөлтөөс үүдэлтэй сөрөг нөлөөг бууруулах Монгол Улсын өмнөө тавьсан зорилтод нийцсэн төслүүдийг санхүүжүүлэхэд ХААН Банк шиг санхүүгийн байгууллагуудад санхүүгийн болон зөвлөх үйлчилгээний дэмжлэг үзүүлсэн хэвээр байх болно” гэсэн юм.

ОУСК нь хөгжиж буй улс орнуудад уур амьсгалын өөрчлөлтөөс үүдэлтэй сөрөг нөлөөг бууруулахад чиглэсэн ногоон төсөл, хөтөлбөрүүдийг санхүүжүүлэгч дэлхийн томоохон хөрөнгө оруулагч байгууллагуудын нэг билээ. 2023 онд Монгол Улсад анх удаа гаргасан ногоон бондод ОУСК-иас хөрөнгө оруулалт хийсний дараа энэхүү хамтын ажиллагаа хэрэгжиж эхэлж байгаа юм.

Олон улсын санхүүгийн корпораци (ОУСК)-ийн тухай

Дэлхийн банкны бүлгийн гишүүн байгууллага болох ОУСК нь хөгжиж буй улс орнуудын хувийн хэвшлийг дэмжихэд чиглэсэн дэлхийн хамгийн том хөгжлийн байгууллага юм. Зах зээлийн таатай орчин, бизнес эрхлэх боломжийг сайжруулах зорилгоор бид дэлхийн 100 гаруй улс оронд ажиллаж байна. 2023 оны санхүүгийн жилд ОУСК нь хөгжиж буй орнуудын хувийн хэвшлийн компаниуд болон санхүүгийн байгууллагуудад нийт 43.7 тэрбум ам.долларын санхүүжилт олгохоор болсон. Хувийн хэвшил нь ядуурлыг бууруулах, хүртээмжтэй өсөлт, хөгжлийг бий болгоход чухал үүрэг гүйцэтгэдэг ба дэлхийн улс орнууд олон төрлийн сорилт, бэрхшээлтэй тулгарч буй энэ цаг үед энэхүү санхүүжилт маш чухал дэмжлэг болох юм. Дэлгэрэнгүй мэдээллийг www.ifc.org сайтаас авна уу

ХААН Банкны тухай

ХААН Банк нь Монгол орны өнцөг булан бүрд байрлах нийт 545 салбар, нэгж болон цахим сувгуудаараа дамжуулан Монгол Улсын хүн амын 82 хувьд буюу 2.9 сая харилцагчид банкны бүтээгдэхүүн үйлчилгээг түргэн шуурхай, хүртээмжтэй хүргэн ажиллаж байна. Тогтвортой хөгжлийн бодлогынхоо хүрээнд ХААН Банк үйл ажиллагаагаа ногооруулах ажлыг мөн эрчимтэй хэрэгжүүлсээр байна. ХААН Банкны 2022 оны Тогтвортой хөгжлийн тайлантай ЭНД дарж танилцана уу.

Хамтын өсөлт төгөлдөр- ХААН Банк

Дуртай бүхнээ хөнгөлөлттэй авахыг хүсвэл шинэчлэгдсэн К картыг сонгоорой

khulan — Wed, 03 Apr 2024 12:56:47 +0800

-28 хүртэлх насны залууст зориулсан карт-

Залууст зориулсан К карт шинэчлэгдэж, илүү олон боломжийг санал болгож эхэлснийг дуулгахад таатай байна. К карттай болсноор банк доторх гүйлгээний шимтгэл, данс хөтөлсний хураамж зэргээс бүрэн чөлөөлөгдөхөөс гадна гишүүнчлэлтэй, буцаан олголттой маш олон лояалти урамшууллууд таныг хүлээж байна. Бас нэгэн гайхалтай мэдээ гэвэл К картыг 18-22 насныхан авах эрхтэй байсан бол насны дээд хязгаарыг нэмж, 28 хүртэлх насны залуус захиалан авах боломж бүрдлээ. Үүнээс гадна ХААН Банк, "Улаанбаатар Смарт Карт” ХХК-тай хамтран, их, дээд сургуулийн бакалаврын түвшний оюутнуудад К картаа уншуулан нийтийн тээврийн хэрэгслээр зорчих боломжийг олгож байна. Оюутан залуус та бүхэн картаа ашиглан сард 44 удаа автобусанд үнэ төлбөргүй зорчих эрхтэй боллоо.

Давуу талууд

·Нийтийн тээвэр болон картын төлбөр тооцоонд хосолмол байдлаар ашиглах боломжтой,

·Бакалаврын оюутан сард 44 удаа үнэ төлбөргүй зорчино;

·Банк дотор гүйлгээ хийхэд шимтгэлгүй;

·Данс хөтөлсний хураамжгүй;

·Сар бүр байнгын болон богино хугацааны хөнгөлөлт, урамшуулалтай;

·Олон улсад ашиглах боломжтой.

Түүнчлэн та К картаа ашиглан 2024 оны 4-р сарын 25-ны өдөр хүртэл дараах байгууллагуудаас худалдан авалт хийгээд үнийн дүнгийн 20%-ийг буцаан авах боломжтой. Нэг харилцагчид олгох буцаан олголтын дээд хэмжээ 100,000 хүртэлх төгрөг байна.

·KFC

·Dr.Martens

·Urgoo cinema

·Apple.com

·Taobao.com

·GS25 /Friday/

К картын харилцагч болсон залуус "Vans Mongolia”-гаас 2024 оны 5-р сарын 31-ний өдрийг хүртэл эхний худалдан авалтын үнийн дүнгээс 40%-ийн хөнгөлөлт авах боломжтой.

Хэрхэн шинэчлэгдсэн К карттай болох вэ?

·Өмнө нь К карт авсан харилцагчид хуучин картаараа нийтийн тээврээр үнэ төлбөргүй үйлчлүүлэх боломжгүй бөгөөд дээрх боломжуудыг авахын тулд картаа шинэчлэх шаардлагатай. Үүний тулд Khan Bank аппликэйшний Карт - Нөхөн авах цэсээр дамжуулан шинэчлэгдсэн К картаа захиалаад, хүссэн газартаа үнэ төлбөргүй хүргүүлэн аваарай.

·Шинээр К картын харилцагч болохыг хүсвэл өөрт ойр байрлах салбарт хандан данс нээлгээд, карт захиалах боломжтой.

К карт хэрхэн захиалах болон нийтийн тээврээр үнэ төлбөргүй зорчих тохиргоо хийхтэй холбоотой зааварчилгаатай ЭНД, дэлгэрэнгүй мэдээлэлтэй ЭНД дарж танилцана уу.

Хамтын өсөлт төгөлдөр – ХААН Банк

“Ногоон бизнес” хөтөлбөрийн бүртгэл үргэлжилж байна

khulan — Sat, 30 Mar 2024 10:32:16 +0800

Олон улсын болон үндэсний ногоон хөгжлийн бодлого, тогтвортой хөгжлийн 17 зорилтын хүрээнд ХААН Банк уур амьсгалын өөрчлөлтийг сааруулах, байгаль орчинд үзүүлэх сөрөг нөлөөлөл, хүлэмжийн хийн ялгарлыг бууруулахад хувь нэмрээ оруулах зорилгоор ногоон бизнесийг дэмжихэд чиглэсэн бүтээгдэхүүн, үйлчилгээгээ хөгжүүлж, ногоон санхүүжилтийн экосистемийг бий болгохоор манлайлан ажиллаж байна.Ялангуяа эдийн засгийн хөдөлгөгч хүч болсон жижиг, дунд болон томоохон бизнес эрхлэгч аж ахуйн нэгж, байгууллагууд байгальд ээлтэй технологи, ногоон бизнесийг өргөн хүрээнд хөгжүүлэх үйл явцад банк санхүүгийн байгууллагын ногоон санхүүжилтийн дэмжлэг ихээхэн чухал нөлөөтэй хэмээн үзэж, ногоон бизнесийг хамтдаа бүтээхийг зорьж ажилладаг.

“НОГООН БИЗНЕС” СУРГАЛТ

ХААН Банк ногоон болон сэргээгдэх эрчим хүчний төслүүдийг санхүүжүүлэхээс гадна иргэд, харилцагч байгууллагуудын мэдлэг ойлголтыг нэмэгдүүлэх зорилгоор “Ногоон бизнес” хөтөлбөрөө энэ жил мөн зарлалаа.

ХААН Банкны “Ногоон бизнес” сургалтад өнгөрсөн онд хувиараа болон жижиг дунд бизнес эрхлэгч 500 гаруй харилцагч хамрагдан, ногоон эдийн засаг, салбарын нөхцөл байдал, тулгарч буй асуудал, бизнесээ “ногооруулсан” тухай бодит түүх, кэйсүүдэд тулгуурласан тодорхой мэдээлэл авч, өөрийн бизнестээ амжилттай хэрэгжүүлсэн билээ.

Бизнес эрхлэгчдийн амжилтыг ахиулж, өрсөлдөх чадварыг нь нэмэгдүүлэх, олон улсын бизнесийн чиг хандлага, тогтвортой хөгжил, ногоон санхүүжилтийн ойлголт, боломжуудыг таниулах, тэдгээрийг бизнесийн үйл ажиллагаандаа нэвтрүүлэх, хэрэгжүүлэх арга замуудыг олж нээх, улмаар хөнгөлөлттэй нөхцөл бүхий ногоон санхүүжилт авч бизнесээ өргөжүүлэхэд нь туслах зорилгоор тус хөтөлбөрийг үнэ төлбөргүй зохион байгуулж байна.

Хөтөлбөрийн хугацаа: 2024.03.07-ны өдрөөс эхлэн пүрэв гараг бүр 10:00 – 12:00 цагт (цахим сургалт)
Холбоо барих:ХААН Банкны Жижиг дунд бизнесийг дэмжих төв smesc@khanbank.com, 7515 3333 (4285, 4378)
Хөтөлбөрт хэн хамрагдвал тохиромжтой вэ?

Хувиараа бизнес эрхлэгч иргэн
ХААН Банкны харилцагч, аж ахуйн нэгж байгууллага /шинээр харилцагч болж буй байгууллагуудад нээлттэй/

QR кодыг уншуулан бүртгүүлнэ үү.

Ховд аймгийн жижиг дунд бизнес эрхлэгчдэд зориулсан “Бизнес төв” нээгдлээ

khulan — Thu, 28 Mar 2024 09:55:16 +0800

ХААН Банк жижиг дунд бизнес эрхлэгчдэд тусгайлан үйлчилгээ үзүүлдэг “Бизнес төв”-өө энэ сард баруун болон хангайн бүсийн 3 байршилд шинээр нээж буйн нэг нь Ховд аймаг дахь салбар юм.

Баруун бүсийн тулгуур төв Ховд хот нь сүүлийн 3 жилд аймгийн дотоодын нийт бүтээгдэхүүний хэмжээгээ 63,6 хувиар өсгөж, 946,6 тэрбум төгрөгт хүргэн эдийн засгаа эрчимтэй тэлж байгаа бөгөөд энэхүү өсөлтийг даган бизнес эрхлэгчдэд тусгайлан үйлчилгээ үзүүлэх, тэднийг чадавхжуулах “Бизнес төв” нээгдэж байгаа нь онцлууштай юм.

Нээлтийн үеэр ХААН Банкны Орон нутгийн иргэдийн банкны захирал Ю.Төрмөнх “ХААН Банк харилцагчдадаа санхүүгийн үйлчилгээ үзүүлэхийн зэрэгцээ бизнесээ илүү амжилттай удирдахад нь дэмжлэг болох үүднээс 2006 онд Бизнес инкубатор төвөө байгуулж байсан. 2019 онд Жижиг дунд бизнес эрхлэгчдийг дэмжих төв болгон үйл ажиллагааг нь өргөжүүлж, энэ хугацаанд төрийн болон хувийн хэвшлийн 100 гаруй байгууллагатай хамтран ажиллаж, 500 удаагийн сургалтаар нийт 30,000 гаруй бизнес эрхлэгчийг сургалтад хамруулж, зөвлөгөө, мэдээлэл хүргэн тогтвортой хамтран ажиллаж байна.Цаашдаа ч бид харилцагчдынхаа санхүүгийн аяллын алхам бүрд нь хамт байж, хамтдаа өсөж хөгжихийн тулд ямагт дэмжин ажиллахдаа таатай байх болно” гэдгийг онцлон дурьдсан юм.

Тус “Бизнес төв”-ийн нээлтэд Ховд аймгийн удирдлагууд, тус аймаг дахь Монголбанк болон Худалдаа аж үйлдвэрийн танхимын удирдлагууд, жижиг дунд бизнес эрхлэгчид хүрэлцэн ирсэн бөгөөд энэ үеэр ХААН Банкны төлөөлөл бизнес эрхлэгчдэд сургалт зохион байгуулж, харилцагчдын сонирхсон асуултад хариуллаа.

Эрхэм бизнес эрхлэгч та Ховд аймагт үйл ажиллагаа явуулдаг бол аймгийн Нийгмийн даатгалын хэлтсийн 1-р давхар байрлах ХААН Банкны “Бизнес төв”-өөр үйлчлүүлэн, тав тухтай, тохилог орчинд санхүүгийн цогц үйлчилгээг түргэн шуурхай авч, бизнесээ өргөжүүлээрэй.

Хамтын өсөлт төгөлдөр - ХААН Банк

ХААН Банк “Цалинтай дадлагын хөтөлбөр”-өө 6 дахь жилдээ зарлаж байна

khulan — Wed, 27 Mar 2024 14:35:25 +0800

Дэлхийн хэмжээний TOП технологийн компаниудад хэрэглэгддэг хамгийн дэвшилтэт программ хангамжийг ашиглахын зэрэгцээ Монголын хамгийн том банкны мэдээллийн технологийн чадварлаг 350 гаруй ажилтны нэг хэсэг болж, цалинтай дадлагажихыг хүсэж байна уу?

Тэгвэл цахим банкаар тэргүүлэгч ХААН Банк IT буюу мэдээллийн технологийн чиглэлээр суралцаж буй оюутнуудад зориулан “Цалинтай дадлагын хөтөлбөр”-өө 6 дахь жилдээ зарлаж байна. Уг хөтөлбөрт хамрагдах сонирхолтой оюутнуудад цогц мэдээлэл өгөх “DIGI X” өдөрлөгийг ХААН Банк цамхагт 4-р сарын 6-ны бямба гарагт зохион байгуулах гэж байна. Оюутнууд та бүхэн хөтөлбөрийн талаар илүү ихийг мэдэхийг хүсвэл урьдчилан бүртгүүлэхгүйгээр дээрх өдрийн 11:30 цагт ХААН Банк цамхагт хүрэлцэн ирж өдөрлөгт оролцоорой.

Цалинтай дадлагын хөтөлбөрт хамрагдсанаар

ХААН Банкнаас хэрэгжүүлж буй томоохон дижитал төслүүдэд оролцох,
Ирээдүйд ажиллах салбар, мэргэжлийн чиглэлээ биечлэн таньж мэдэх, цаашид банканд үргэлжлүүлэн ажиллах,
Дадлагын хугацаанд өгөгдсөн даалгаврын дагуу бие даан судалгаа хийж, шийдэл боловсруулан бодитоор хэрэгжүүлэх,
Банкны салбарын мэдээллийн технологийн систем, программ хангамж, ажиллах зарчим болон практик хэрэглээг ойлгож, мэдэж авах,
ХААН Банкны чадварлаг, туршлагатай мэдээллийн технологи, бизнесийн удирдлагууд, менторуудтай уулзаж, зөвлөгөө авах зэрэг олон боломж хүлээж байна.

Өөрийн хүссэн мэргэжлээр ажлын байранд цалинтай дадлагажиж, ирээдүйн карьераа бүтээх өсөн дэвжих хүсэлтэй оюутан залуус та бүхэн дараах QR кодыг уншуулж бүртгүүлээрэй.

Анкет хүлээн авах хугацаа: 2024 оны 4-р сарын 12-ны өдрийг дуустал
Дадлага үргэлжлэх хугацаа: 2024 оны 5-8-р сар

Салбартаа тэргүүлэгч, цахим банканд шилдэг бүтээгдэхүүн, үйлчилгээ нэвтрүүлэгч хамт олонтой нэгдэхийг урьж байна.

Хамтын өсөлт төгөлдөр – ХААН Банк

Хүнсний болон ХАА-н үйлдвэрлэлийг дэмжих 5-6 хувийн хүүтэй хөнгөлөлттэй зээл олгож эхэллээ

khulan — Fri, 22 Mar 2024 18:45:14 +0800

ХААН Банк ХХААХҮЯ-тай хамтран Засгийн газрын хүүгийн хөнгөлөлттэй “Хүнсний болон хөдөө аж ахуйн үйлдвэрлэлийг дэмжих зээл”-ийг орон даяар байрлах салбар нэгжүүдээрээ дамжуулан олгож байна.

Хүнсний болон хөдөө аж ахуйн салбарт үйл ажиллагаа явуулдаг бизнес эрхлэгч, аж ахуйн нэгж, хоршооны бизнес эрхлэгч харилцагч та бүхэн үйл ажиллагаагаа тогтвортой явуулахад шаардлагатай эргэлтийн хөрөнгө болон хөрөнгө оруулалтын зээлийг дараах таатай нөхцөлөөр авах боломжтой.

Үйл ажиллагааны чиглэл:

Мал аж ахуйн үйлдвэрлэл
Газар тариалан болон хүнсний ногооны үйлдвэрлэл
Ноос, ноолуур, арьс шир бэлтгэл, үйлдвэрлэл
Гурил, тэжээл, ургамлын тос үйлдвэрлэл
Мах, сүүний чиглэлийн эрчимжсэн аж ахуй
Хүнсний боловсруулах үйлдвэрлэл
Сав, баглаа боодлын үйлдвэрлэл
Мах бэлтгэн нийлүүлэх бизнес

Хүнсний болон ХАА-н үйлдвэрлэлийг дэмжих эргэлтийн хөрөнгийн зээлийн нөхцөл:

Зээлийн хэмжээ: Бизнесийн онцлог, цар хүрээ, хөрөнгө, санхүүгийн чадавхиас хамааруулан ХХААХҮЯ-ны тогтоосон дээд хязгаараас хэтрэлгүй олгоно.

Зээлийн хугацаа: 12-36 хүртэлх сар, 6 хүртэлх сарын хөнгөлөлтийн хугацаатай
Зээлийн хүү: 5%, мах бэлтгэлийн зээлийн хувьд 6% /ХХААХҮЯ-наас 13 хувийг зээлдэгчийн өмнөөс төлөх нөхцөлтэй/
Зээлийн тавигдах шаардлага бусад дэлгэрэнгүй мэдээлэлтэй танилцах бол ЭНД дарна уу.

Хүнсний болон ХАА-н үйлдвэрлэлийг дэмжих хөрөнгө оруулалтын зээлийн нөхцөл:

Зээлийн хэмжээ: Бизнесийн онцлог, цар хүрээ, хөрөнгө, санхүүгийн чадавхиас хамааруулан ХХААХҮЯ-ны тогтоосон дээд хязгаараас хэтрэлгүй олгоно
Зээлийн хугацаа: 48 хүртэлх сар,12 хүртэлх сарын хөнгөлөлтийн хугацаатай
Зээлийн хүү: 6%, /ХХААХҮЯ-наас 13 хувийг зээлдэгчийн өмнөөс төлөх нөхцөлтэй/

Зээлийн тавигдах шаардлага бусад дэлгэрэнгүй мэдээлэлтэй танилцах бол ЭНД дарна уу.
Хүнс хөдөө аж ахуйн чиглэлээр үйлдвэр эрхэлдэг бизнес эрхлэгч та Улаанбаатар болон орон нутгийн ХААН Банкны бүх салбар нэгжүүд, ХААН Банкны Жижиг дунд бизнесийг дэмжих “Бизнес төв”-үүдээр дамжуулан бизнесийн зээлийг шуурхай шийдүүлэн аваарай.

Хамтын өсөлт төгөлдөр – ХААН Банк

2 жилийн дотор гурилын үнэ 1600-аас 2500 төгрөг болж нэмэгджээ

nomun — Wed, 20 Mar 2024 15:12:15 +0800

Атрын аяныг хамгаалах гэж дотоодын газар тариаланг сэргээхийн тулд импортын татвар тавьж байв. Харин одоо үнийн өсөлтийг хязгаарлаж чадахгүй болсон гээд импортын 15 хувийн татварыг тодорхой хугацаанд тэглэх гэж байна. Наад талдаа гурилын үнэ нэмж өсөхгүй байх нь гэдэг нь иргэдэд ялангуяа малчдад таатай мэдээ. Малчид гэж онцлохын тухайд малчдын хүнсний гол хэрэглээ нь мах гурил байсаар байна.

Гурилын үнэтэй ноцолдож байгаад ХАА салбараа дампууралд хөтлөх вий гэсэн болгоомжлол бий.

Импортын татварыг тэглэх эсэх дээр эцсийн шийдвэр одоогоор гараагүй. Гэхдээ орон нутгийн гишүүн олонх сонгууль дөхсөн энэ үед энэхүү татварыг тэглэх болов уу? таамаг илүү бодитой.

Гурилын үнэ зохиомлоор өссөн гэж ШӨХТГ торгож байв. Харин үйлдвэрлэгчид дахин үнээ нэмж хариугаа авч байв. Алтантариа төрийн бизнесээс хол байхыг анхааруулсан нь энэ байв.

Стратегийн бүтээгдэхүүн гэсэн нэрийн дор тариалахаас нь эхлээд шатахуун, хөнгөлөлттэй зээл гээд бүх төрөлд татвар төлөгчдийн мөнгөөр тариалангийн салбарт өнөөдрийг хүртэл дэмжлэг үзүүлсэн. Гэхдээ салбар өнөөдрийг болтол тогтворжсонгүй. Гурилын үйлдвэрлэгчид тариаланчид хоёр талд гараад суучихсан. Төр оролцож байгаа нь хэмээн дотор давхиж явсаар салбар өөрийнхөө чадамжаар хөгжих чадахгүй төрөөс их бага хэмжээгээр хараат салбар болж хувирчээ.

http://www.ubstat.mn/Price7.aspx

Банкны салбарын анхны Инновацын төв үүдээ нээлээ

khulan — Fri, 15 Mar 2024 10:02:31 +0800

Тогтвортой хөгжил, дижитал үйлчилгээгээр тэргүүлэгч ХААН Банк инновацид суурилсан гарааны бизнес, оюутан, залуучуудын хөгжлийг дэмжих зорилгоор банк санхүүгийн салбараас анхлан Инновацын төвөө байгууллаа.

Инновацын төвийн нээлтийн үеэр ХААН Банкны Гүйцэтгэх захирлын орлогч Сачин Наир: “Энэхүү Инновацын төв ашиглалтад орсноор Монгол Улсын банк, санхүүгийн технологийн ирээдүйн хөгжилд хувь нэмэр оруулаад зогсохгүй харилцагчдын хүсэл сонирхолд нийцсэн орчин үеийн шинэлэг бүтээгдэхүүн, үйлчилгээг тасралтгүй судлах боломж бүрдэж байна. Бид “Харилцагчдынхаа санхүүгийн аяллын алхам бүрд хамгийн шилдэг, шинэлэг бүтээгдэхүүн үйлчилгээг хүргэх” эрхэм зорилготой ажилладаг. Тэгвэл энэ зорилгодоо нэг алхам ойртоход Инновацын төв чухал хувь нэмэр оруулна гэдэгт итгэж байна” хэмээн онцоллоо.

ХААН Банк Инновацын төвөөрөө дамжуулан их, дээд сургуулиудтай хамтран ажиллах бөгөөд ингэснээр оюутан, залуу эрдэмтэн, судлаачид тус төвд сургалт, хэлэлцүүлэг, тэмцээн уралдаан зохион байгуулах боломжтой боллоо. Оюутан, залуучууд өөрсдийн олж авсан шинэ санаа, инновацыг банкны бүтээгдэхүүн, үйлчилгээнд санал болгох, мөн ХААН Банкны зүгээс менторшип, дадлагажуулах хөтөлбөрт оюутнуудыг хамруулах, ажлын байраар хангах нөхцөл бүрдэж байна.

Хүүхдийн 100 дахь ХААН Банкны Сөүл оффисын 3 давхарт байрлах Инновацийн төв нь 200 м.кв тохижилт бүхий 24 хүний суудалтай оффисын өрөө, хурал, уулзалтын өрөө, туршилт судалгааны өрөө, амралтын хэсгүүдээс бүрдэх бөгөөд инновацыг бүтээж, аливаа шинэ санааг эрэлхийлэх хүсэл сонирхолтой оюутан, залуучуудад үргэлж нээлттэй байх юм.

Хамтын өсөлт төгөлдөр – ХААН Банк

DiGi POS ямар боломж авчрах вэ?

khulan — Thu, 14 Mar 2024 12:02:00 +0800

Гар утасны NFC-ээр дамжуулан картын контактлесс буюу зайнаас унших технологийг ашиглан хэзээ ч, хаана ч төлбөр тооцоогоо хялбар хүлээн авах боломжтой боллоо. ХААН Банк эл боломжийг нээж, цахим ПОС буюу DiGi POS аппликэйшнийг үйлчилгээндээ нэвтрүүлээд буй.

Тэгвэл энэхүү үйлчилгээ нь Монголын жижиг дунд үйлдвэрлэгчид, явуулын бизнес эрхлэгчдэд ямар боломж авчрах вэ? Мэдээж үсчин, жижиглэн худалдаа эрхлэгч, автомашины засварчин, гуталчин, маникюр, гоо сайханч гээд бие даасан үйлчилгээ эрхлэгчид энэхүү аппликэйшний үр ашгийг хамгийн их хүртэх болно.

Яаж гэж үү. Гар утсандаа цахим ПОС буюу DiGi POS аппликэйшнийг татахад л хангалттай. Товчхондоо, гар утаснаасаа ПОС төхөөрөмжийн үйлчилгээ үзүүлэх боломжтой. Ингэснээр бэлэн мөнгөний хариулт хайж гүйхгүй, байн байн дансаа шалгаж, “Гүйлгээ амжилттай гэдгээ харуулаарай” гэх шаардлагагүй. Ердөө үйлчлүүлэгчийн картыг гар утсандаа буюу цахим ПОС буюу DiGi POS аппликэйшнийг уншуулахад л хангалттай.

Тодорхой жишээ дурдахад, иргэд явуулын болон жижиглэн худалдаа эрхлэгчдээс худалдан авалт хийхийн тулд бэлэн мөнгө ашиглах нь олонтоо. Энэ нь аюулгүй байдал, эрүүл ахуй талаасаа олон эрсдэл дагуулдаг. Нөгөөтээгүүр зарим бизнес улирлын чанартай байдаг тул хувиараа бизнес эрхлэгчид тэр бүр ПОС төхөөрөмж ашигладаггүй. Тэгвэл тухайн бизнес эрхлэгчид гар утас дахь цахим ПОС-оор дамжуулан төлбөр тооцоогоо хялбархан хүлээн авч болох нь.

Такси болон хүргэлтийн ажилтнуудын төлбөр хүлээн авах процессыг ч ХААН Банкны эл үйлчилгээ хялбарчилж байна. Таксины жолооч үйлчлүүлэгчээ төлбөрөө төлөхийг хүлээж, зам хааж зогсохгүй, дансаа шалгах ч хэрэггүй боллоо. Үйлчлүүлэгчид ч яаралгүй, тайвнаар картаа уншуулах боломжийг бид нээж байна.

Тогтвортой хөгжлөөр манлайлагч ХААН Банк цаасны хэрэглээг бууруулах зорилт тавьж, байгаль орчинд ээлтэй дижитал, ногоон бүтээгдэхүүн, үйлчилгээг харилцагчдадаа санал болгосоор ирсэн. Тэгвэл цахим ПОС нь байгаль орчинд эерэг нөлөөтэй. DiGi POS үйлчилгээг нэвтрүүлснээр цаасны хэрэглээг бүрэн халахад үнэтэй хувь нэмэр оруулж, илүү ногоон, тогтвортой ирээдүйг бий болоход нэг алхам ойртлоо.

Улирлаас шалтгаалсан жижиглэн худалдаа эрхлэгчид зарим сард орлогогүй байх үе цөөнгүй. Энэ үедээ цахим ПОС-ын орлого барьцаалсан зээл онлайнаар авч, санхүүгийн хүндрэлээ шийдэх бололцоог ХААН Банк мөн олгож байна. Үүний тулд DiGi POS аппликэйшнээ 6 сар ашигласан байхад л хангалттай.

DiGi POS аппликэйшнийг гар утсандаа татан авч суулгаснаар ямар нэг нэмэлт төхөөрөмж ашиглахгүй, гүйлгээний шимтгэл хамгийн бага буюу 0.8%-иар тооцож төлбөр, тооцоогоо хялбар хүлээн авах боломжтой.

Та DiGi POS-ийн талаар дэлгэрэнгүй мэдээлэл авахыг хүсвэл ЭНД, бүртгүүлэх бол ЭНД дарна уу.

ХААН Банкны бизнесийн зээлийн нөхцөл сайжирлаа

khulan — Fri, 01 Mar 2024 14:14:13 +0800

Бизнес эрхлэгч та Улаанбаатар болон орон нутгийн ХААН Банкны бүх салбар нэгжүүд, ХААН Банкны Жижиг дунд бизнесийн дэмжих “Бизнес төв”-үүдээр дамжуулан бизнесийн зээлийг шуурхай авах боломжтой боллоо. ХААН Банкны бизнесийн зээлийн барьцаа хөрөнгийн шаардлага багасаж, хүү буурч, зээл олгох процесс улам сайжирсан бөгөөд илүү өргөн хүрээнд олгож эхэлснийг дуулгахад таатай байна.

Аяны хүрээнд хөрөнгө оруулалтын зээлийн урьдчилгаа төлбөр 30% байсан нь 20% болон буурч, жижиг хөрөнгө оруулалтын зээлийн хэмжээ 300 сая хүртэл төгрөг болон нэмэгдэж, бизнесийн зээлийн шугамын коммитмент хүү 2.0% болж буурлаа.

Бизнесээ эхлүүлэх, өргөжүүлэх болон төсөл хөтөлбөр хэрэгжүүлэх, технологийн шинэчлэл хийх, эрчим хүчний хэмнэлттэй барилга барих зэрэг бүхий л салбарт шаардлагатай санхүүжилтийг авахад ХААН Банкны бизнесийн зээл танд үргэлж нээлттэй байх болно.

Та доорх бизнесийн зээлүүдээс өөрийн бизнест тохирохыг сонгоно уу.

Хөрөнгө оруулалтын зээл
Эргэлтийн хөрөнгийн зээл
Ногоон төслийн бизнесийн зээл
Хүнсний болон хөдөө аж ахуйн үйлдвэрлэлийг дэмжих эргэлтийн хөрөнгийн зээл
Хүнсний болон хөдөө аж ахуйн үйлдвэрлэлийг дэмжих хөрөнгө оруулалтын зээл
Байгууллагуудад зориулсан цахилгаан автомашины зээл
Бизнесийн зээлийн шугам
Техникийн хөрөнгө оруулалтын зээл

Бусад зээлүүдийн дэлгэрэнгүй мэдээллийг ЭНД дарж авна уу.

АМЖИЛТ ТӨГӨЛДӨР – ХААН БАНК

ХААН Банкны “Бизнесийн менежментийн цогц сургалт 2024 – Түвшин 1” хөтөлбөрийн бүртгэл эхэллээ

khulan — Thu, 22 Feb 2024 18:00:04 +0800

Бизнес эрхлэгч та удирдах ур чадвараа сайжруулан үр шимтэй өсөлтийг бий болгохоор төлөвлөж байна уу?

Тэгвэл таныг ХААН Банк “Содура консалтинг” ХХК хамтран зохион байгуулдаг “Бизнесийн менежментийн цогц сургалт” хөтөлбөрт урьж байна.

Уг сургалтад хамрагдсанаар бизнесээ том зургаар нь төлөвлөх, багаа удирдан манлайлах, гүйцэтгэлийг сайжруулах арга техникүүдэд цогцоор нь суралцахаас гадна олж авсан мэдлэг мэдээллээ өөрийн бизнесийн үйл ажиллагаанд шууд хэрэгжүүлж, бусад бизнес эрхлэгчидтэй харилцан туршлага солилцож, хүрээллээ тэлж, урт хугацааны түншлэл үүсгэх боломжийг олгож буйгаараа онцлогтой.

Тус хөтөлбөр нь бүтэн жилийн хугацаанд 3 түвшинд хэрэгжих бөгөөд 1, 2-р түвшний хөтөлбөрт тууштай, идэвх оролцоотой хамрагдан, амжилттай дүүргэснээр байгууллагадаа бизнесийн зөвлөх үйлчилгээ авах тэтгэлгийн эзэн болох боломжтой.

Бүртгэл 2024 оны 3-р сарын 4-ний өдрийг хүртэл явагдана.

Хөтөлбөрт хамрагдах харилцагчдад тавигдах шаардлага:

“Бизнесийн менежментийн цогц сургалт 2024 – Түвшин 1”

·Ажилтны тоо 15-аас дээш

·Борлуулалтын орлого жилийн 500 сая төгрөгөөс дээш /2023 оны жилийн эцсийн байдлаар/

Цахим хичээлд биечлэн оролцох боломжтой байх /7 хоногт 2 удаа 120 минут, нийт 32 цаг/
Цахим хичээлийг бие даан судлах боломжтой байх /7 хоногт 4-6 удаа 20-40 минут, нийт 7,5 цаг/
2021, 2022, 2023 оны Бизнесийн менежментийн цогц сургалтад хамрагдаж байгаагүй

харилцагчид оролцох боломжтой.

“Бизнесийн менежментийн цогц сургалт 2024 – Түвшин 2”

·I түвшний сургалтад 80%-иас багагүй үнэлгээ авсан байх

Танхимын сургалтад биечлэн оролцох боломжтой байх /7 хоногт 2 удаа, нийт 8 цаг/
Цахим хичээлийг бие даан судлах боломжтой байх /7 хоногт 4-6 удаа 20-40 минут, нийт 5,7 цаг/
2021, 2022, 2023 оны Бизнесийн менежментийн цогц сургалтад хамрагдаж байгаагүй

харилцагчид оролцох боломжтой.

Сургалтын агуулга:

Өмнөх жилүүдэд сургалтад хамрагдсан бизнес эрхлэгчдийн сэтгэгдлээс толилуулъя.

Б.Хэрлэн

“Нано импекс” ХХК-ийн Гүйцэтгэх захирал.

(Галын аюулгүй байдлын багаж хэрэгслийн худалдаа, цэнэглэлтийн үйлчилгээ)

“Тус хөтөлбөрт хамрагдсанаар бизнесээ ямар түвшинд явж байгааг хөндлөнгөөс харахаас гадна анхаарах, сайжруулах асуудлууд дээрээ дүгнэлт хийж, цаашид төвлөрч ажиллах чиг баримжаа, замын зургаа олж авлаа.

Түүнчлэн маш сайхан эрч хүчтэй, сурч мэдэх, өсөж дэвжих өрнүүн их хүсэл эрмэлзэлтэй бизнес эрхлэгч найзуудтай болсон маань юугаар ч үнэлшгүй үнэ цэн, үр өгөөжийг надад бий болгож чадлаа. ХААН Банк болон “Содура консалтинг”-ийнхаа зөвлөхүүдэд маш их баярлалаа.”

Ц.Дэжээ

“Топстеп” ХХК-ийн Гүйцэтгэх захирал.

(Овако брэнд – Солонгос гоо сайхны бүтээгдэхүүн)

“Анх 2021 оны намар “Түвшин-1” шатанд хамрагдаад бизнесээ удирдахдаа гаргаж буй алдаагаа олж мэдээд, багшийн заасан, хэрэгжүүлж болохуйц зарим арга туршлагыг компани дээрээ хэрэгжүүлж ажилласан. 2022 онд анхан шатнаас шалгарсан 50 захиралтай “Түвшин 2”-т суралцах боломж гарч, энэ хугацаанд өөрийн удирдах ур чадвар болоод байгууллагын хөгжилд маш өндөр ахиц дэвшил гаргаснаар компаниа одоогийн энэ түвшинд хүргэж чадлаа.

Бид байгууллагаа олон талаас нь оношилж, хамгийн эхлээд санхүүгийн сахилга батыг бий болгосон. Мөн борлуулалтаа нэмэгдүүлэх, маркетингаа сайжруулах алхмуудыг сургалтад хамрагдах хугацаандаа хэрэгжүүлж дууссан. Түүний дараа үргэлжлүүлээд стратеги, алсын хараа, үнэт зүйлээ шинэчлэх, хүний нөөцийн бодлого журамтай болох зэрэг ажлуудыг шат дараатайгаар хэрэгжүүлсэн.

Бас нэгэн үнэлэх боломжгүй өндөр үр дүн бол олон захирлуудын танилцаж, түншилж, нөхөрлөсөн явдал юм. Бид өөр хоорондоо маш их зүйл сурч, харилцан туршлага солилцож, бизнесийн хүрээлэл үүсгэж чадсан.”

Та дараах QR кодыг уншуулж сургалтад бүртгүүлээрэй.

Хамтын өсөлт төгөлдөр- ХААН Банк

Архангай, Дорнод аймгийн 100 малчин өрхөд дэмжлэг үзүүлэх зорилгоор 66 сая төгрөгийн мөнгөн хандивыг гардууллаа

khulan — Tue, 06 Feb 2024 16:56:42 +0800

БНХАУ-аас Монгол Улсад суугаа Элчин сайдын яамнаас өвөлжилт хүндэрсэн Архангай, Дорнод аймгийн 100 малчин өрхөд дэмжлэг үзүүлэх зорилгоор 66 сая төгрөгийн мөнгөн хандив өгөх арга хэмжээг зохион байгууллаа.

Арга хэмжээний үеэр БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь МиньЖуань хэлсэн үгэндээ, "Найрсаг харилцаатай, мөнхийн хөрш орны ард иргэдэд тусалж, мөнгөн хандив үзүүлэхээс гадна уур амьсгалын өөрчлөлттэй тэмцэх, уур амьсгалын өөрчлөлтөөс үүдэлтэй гамшигтай тэмцэх, эрсдэлийг бууруулахад ард иргэдээ чадавхжуулах нь чухал бөгөөд байгалийн гамшигтай тэмцэх, онцгой байдлын асуудал нь Монгол, Хятад хоёр улс хамтран анхаарч ажиллах чухал асуудал юм” гэдгийг онцолсон юм.

Дээрх арга хэмжээнд ОБЕГ-ын дарга, хошууч генерал Г.Ариунбуян, НҮБ-ын Монгол улс дахь Байнгын төлөөлөгч Тапан Мишра, МУЗН-ийн Уур амьсгалын өөрчлөлт, гамшгийн удирдлагын газрын дарга Ш.Мөнгөнтуяа, Архангай аймгийн ЗДТГ-ын орлогч болон Дорнод аймгийн удирдлагууд оролцлоо.

Хэрэгцээ бүрд шийдэл - ердөө 3 минут

khulan — Tue, 06 Feb 2024 11:47:41 +0800

Та ердөө 3 минут зарцуулаадөөрт тохирсон зээлийн үйлчилгээг ХААН Банкны аппликэйшнээс хүссэн цагтаа, хаа байгаа газраасаа авах боломжтой.

ХААН Банк онлайн зээлийн үйлчилгээг 2021 оны IV улиралд нэвтрүүлснээс хойш тасралтгүй шинэчлэл сайжруулалт хийсээр өдгөө зээл олгох процессыг 100 хувь бүрэн цахимжуулаад байна. Ингэснээр харилцагч банкны салбар тооцооны төвд хандах, зээлийн материал бүрдүүлэх, зээлийн судалгаа, шийдвэрийг хүлээх, гэрээ байгуулах зэрэгт үнэт цагаа зарцуулах шаардлагагүй ердөө 3-5 минутын дотор хүссэн зээлийн бүтээгдэхүүнээ хэзээ ч, хаанаас ч саадгүй авах боломж бүрдсэн билээ.

Та ХААН Банкны дансаар цалингаа авдаггүй байсан ч, интернэт банкаар зээлийн эрхээ шалгуулаад 50 сая төгрөг хүртэлх цалингийн зээлийг авах боломжтой шүү.

Мөн ХААН Банкны аппликэйшнээс:

Цалингийн зээл
Малчны зээл
Тэтгэврийн зээл
Хадгаламж барьцаалсан зээл
Лизинг/Ногоон зээл
Автомашины лизинг
Бизнес эрхэлдэг бол ПОС-ын орлого барьцаалсан зээл болон Бизнесийн онлайн зээлүүдийг хүссэн газраасаа авах боломжтой.Эдгээр бүтээгдэхүүнтэй холбоотой дэлгэрэнгүй мэдээллийг та ЭНД дарж авна уу.

Та доорх QR кодыг уншуулан Онлайн зээлийн эрхээ яг одоо шалгаарай.

Хамтын өсөлт төгөлдөр- ХААН Банк

ЮнионПэй картаа уншуулаад “iPhone 15 Pro” гар утасны эзэн болоорой

khulan — Wed, 31 Jan 2024 16:41:41 +0800

“iPhone 15 Pro” загварын гар утасны эзэн болох боломжтой ЮнионПэй картын урамшуулалт аян үргэлжилж байгааг эрхэм харилцагч та мэдээгүй яваа юм биш биз?

2024 оны хоёрдугаар сарын 14-нийг дуустал зарласан тус урамшуулалт аяны хугацаанд эрхэм харилцагч та өөрийн эзэмшдэг ЮнионПэй картаа уншуулж, нийт мөнгөн дүнгийн нийлбэр 150,000₮ хүрэх тутамд нэг тохирлын эрхтэй болно. Үүнд,

Гадаадад аль ч ПОС дээр ЮнионПэй картаа уншуулах
ЮнионПэй картаараа гадаадад төлбөр тооцоогоо хийхдээ PASS аппликэйшн ашиглах
ЮнионПэй картаа ашиглан гадны сайтуудаас онлайн худалдан авалт хийх

Нэг харилцагч нийт хэдэн ч тохирлын эрх цуглуулах боломжтой бөгөөд 2024 оны 2-р сарын 23-ны өдөр тохирлын эрхтэй харилцагчдаас “iPhone 15 Pro” загварын гар утасны эздийг ХААН Банкны фэйсбүүк хуудсаар шууд дамжуулан тодруулна. Та тохирлын эрхээ шалгахдаа ХААН Банканд бүртгэлтэй утасны дугаараасаа 131917 руу tokhirol эсвэл tohirol гэж бичээрэй.

Харин байгууллагын ЮнионПэй карт нь энэхүү урамшуулалд хамрагдах боломжгүйг анхаарна уу.

Дээр дурдсан PASS аппликэйшн нь дотоодод болон БНХАУ-д төлбөр тооцоо саадгүй хийх боломжтой гэдгээрээ онцлог юм. Та дараах зааврын дагуу картаа PASS аппликэйшнд холбоорой.

Гар утсандаа PASS аппликэйшн татаж суулгаад нэвтэрч орно.
КАРТ НЭМЭХ цэсийг сонгоно.
Картын мэдээллээ оруулаад ҮРГЭЛЖЛҮҮЛЭХ товчийг дарна.
Таны гар утасны дугаарт ирсэн баталгаажуулах кодыг оруулан БАТАЛГААЖУУЛАХ товчийг дарна.

Харин PASS аппликэйшнд холбосон картаараа БНХАУ-д төлбөр тооцоо хийхдээ:

PASS аппликэйшн рүү нэвтэрнэ.
ЮнионПэй картаа сонгоно.
ЮнионПэй картаа Үндсэн карт болгох сонголтыг сонгоно.
ЮнионПэй картын доод хэсэгт байрлах UnionPay гэсэн товчин дээр дарна.
QR уншуулах тохиолдолд: QR товчин дээр дарж, QR-ыг уншуулна. Нууц үгээ оруулна.
Баркод уншуулах тохиолдолд: Barcode товчин дээр дарж, баркодыг уншуулна. Нууц үгээ оруулна.

Мөн та карт захиалах болон сунгах, нөхөн авах, картаа идэвхжүүлэх, төлөв өөрчлөх, хуулга харах, ПИН код өөрчлөх, блок гаргах үйлчилгээг авах бол заавал салбар нэгжид очилгүй, дэлхийн хаанаас ч ХААН Банкны Интернэт банк, Khan Bank аппликэйшнээр хандах боломжтой.

Харин олон улсад картаа ашиглах явцдаа өдрийн лимитийг нь түр хугацаанд өөрчлөх бол банканд бүртгэлтэй и-мэйл хаягаасаа cardrisk1@khanbank.com хаяг руу хүсэлт илгээгээрэй.

Хамтын өсөлт төгөлдөр – ХААН Банк

“ЦАГЛАШГҮЙ ЖАРГАЛАНТ ӨДРҮҮД” урамшуулалт аян эхэллээ

khulan — Tue, 23 Jan 2024 09:51:26 +0800

Монгол түмний уламжлалт төрт ёсны их баяр Цагаан сарыг угтан ХААН Банк эрхэм харилцагчдадаа зориулж “Цаглашгүй жаргалант өдрүүд” картын урамшуулалт аяныг 1-р сарын 22-ноос 2-р сарын 9-ний өдрийг дуустал зарлалаа.

Хэрвээ та Priority, Signature дебит болон бүх төрлийн кредит карттай бол аяны хугацаанд дараах сонгогдсон байгууллагуудаар үйлчлүүлэхдээ ХААН Банкны ПОС машин дээр картаа уншуулаад 10-30 хүртэлх хувийн хөнгөлөлт эдлэх боломжтой боллоо.

ЮнионПэй картаа уншуулаад “iPhone 15 Pro” гар утасны эзэн болоорой

khulan — Tue, 16 Jan 2024 13:04:48 +0800

ХААН Банк ЮнионПэй картын үнэнч хэрэглэгчдэдээ зориулан төрөл бүрийн урамшуулалт аяныг тогтмол зохион байгуулдаг билээ. Энэ удаагийн урамшуулалт аяны хүрээнд ЮнионПэй карт эзэмшигч дөрвөн харилцагч "iPhone 15 Pro” ухаалаг гар утасны эзэн болох боломжтой боллоо.

2024.01.15-2024.02.14-нийг дуустал хугацаанд та өөрийн эзэмшдэг ЮнионПэй картуудыг дараах тохиолдолд уншуулсан нийт мөнгөн дүнгийн нийлбэр 150,000₮ хүрэх тутамд нэг тохирлын эрх үүснэ. Үүнд,

Гадаадад аль ч ПОС дээр ЮнионПэй картаа уншуулах
ЮнионПэй картаараа гадаадад төлбөр тооцоогоо хийхдээ PASS аппликэйшн ашиглах
ЮнионПэй картаа ашиглан гадны сайтуудаас онлайн худалдан авалт хийх

Энэхүү урамшуулалт аяны хугацаанд нэг харилцагч нийт хэдэн ч тохирлын эрх цуглуулах боломжтой юм. Харин байгууллагын ЮнионПэй карт нь энэхүү урамшуулалд хамрагдах боломжгүйг анхаарна уу.

2024 оны 2-р сарын 23-ны өдөр тохирлын эрхтэй харилцагчдаас "iPhone 15 Pro” загварын гар утасны эздийг ХААН Банкны фэйсбүүк хуудсаар шууд дамжуулан тодруулна. Та тохирлын эрхээ шалгахдаа ХААН Банканд бүртгэлтэй утасны дугаараасаа 131917 руу tokhirol эсвэл tohirol гэж бичээрэй.

Гар утсандаа PASS аппликэйшн татаж суулгаад нэвтэрч орно.
КАРТ НЭМЭХ цэсийг сонгоно.
Картын мэдээллээ оруулаад ҮРГЭЛЖЛҮҮЛЭХ товчийг дарна.
Таны гар утасны дугаарт ирсэн баталгаажуулах кодыг оруулан БАТАЛГААЖУУЛАХ товчийг дарна.

Харин PASS аппликэйшнд холбосон картаараа БНХАУ-д төлбөр тооцоо хийхдээ:

PASS аппликэйшн рүү нэвтэрнэ.
ЮнионПэй картаа сонгоно.
ЮнионПэй картаа Үндсэн карт болгох сонголтыг сонгоно.
ЮнионПэй картын доод хэсэгт байрлах UnionPay гэсэн товчин дээр дарна.
QR уншуулах тохиолдолд: QR товчин дээр дарж, QR-ыг уншуулна. Нууц үгээ оруулна.
Баркод уншуулах тохиолдолд: Barcode товчин дээр дарж, баркодыг уншуулна. Нууц үгээ оруулна.

Хамтын өсөлт төгөлдөр – ХААН Банк

Хэрэгцээ бүрд шийдэл - ердөө 3 минут

khulan — Wed, 10 Jan 2024 13:13:32 +0800

Амьдрал сорилтоор дүүрэн ч түүнд тохирсон шийдэл байгаа цагт ямар ч гэнэтийн зүйл танд “асуудал” санагдахгүй л болов уу. Хүн бүрд тохирсон, бүгдэд нээлттэй онлайн зээл таны санхүүгийн төгс шийдэл байх болно.
Та ердөө 3 минут зарцуулаад өөрт тохирсон зээлийн үйлчилгээг ХААН Банкны аппликэйшнээс хүссэн цагтаа, хаа байгаа газраасаа авах боломжтой.

Та ХААН Банкны дансаар цалингаа авдаггүй байсан ч, интернет банкаар зээлийн эрхээ шалгуулаад 50 сая төгрөг хүртэлх цалингийн зээлийг авах боломжтой шүү.

Мөн ХААН Банкны аппликэйшнээс:

Цалингийн зээл
Малчны зээл
Тэтгэврийн зээл
Хадгаламж барьцаалсан зээл
Лизинг/Ногоон зээл
Автомашины лизинг
Бизнес эрхэлдэг бол ПОС-ын орлого барьцаалсан зээл болон Бизнесийн онлайн зээлүүдийг хүссэн газраасаа авах боломжтой.

Та доорх QR кодыг уншуулан Онлайн зээлийн эрхээ яг одоо шалгаарай.

Хамтын өсөлт төгөлдөр- ХААН Банк

ХААН БАНКНЫ 2023 ОНЫ ОНЦЛОХ 10 АЖИЛ

khulan — Thu, 28 Dec 2023 12:15:30 +0800

Улиран одож буй 2023 онд ХААН Банкны хувьд онцлог томоохон үйл явдал тохиосон түүхэн жил байсан төдийгүй улс орны нийгэм, эдийн засагт эерэг нөлөө үзүүлэхүйц, харилцагчдадаа чиглэсэн олон шинэлэг ажил хийж хэрэгжүүлснээс “Онцлох 10 ажил”-ыг танилцуулж байна.

1. Хамгийн том IPO

Үндэсний хэмжээний хамгийн том арилжааны банк, салбартаа тэргүүлэгч ХААН Банк энэ оны 4-р сард IPO хийж, олон нийтэд нээлттэй хувьцаат компани болсон. Монголын хөрөнгийн зах зээлийн түүхэн дэх хамгийн өндөр дүнтэй, хамгийн олон хөрөнгө оруулагчтай IPO гэдгээрээ онцлог энэхүү анхдагч зах зээлийн арилжаанд нийт 31,561 захиалга ирж, захиалгын үнийн дүн 335 тэрбум 967 сая төгрөгт хүрсэн нь Монголын хөрөнгийн зах зээлийн түүхэн дэх дээд үзүүлэлт юм.

2. Digi Go ба ХААН Банкны маскотууд

Цахим шилжилтэд тэргүүлэгч ХААН Банк “Digi Go” дижитал салбаруудыг 2023 оны 4-р сараас нийслэлд худалдаа үйлчилгээ, хүн амын төвлөрөл ихтэй 4 байршилд нээж, GS25 сүлжээ дэлгүүрийн 50 гаруй салбарт ХААН Банк “Digi corner” дижитал цэгүүдийг шинээр байгуулж, ашиглалтад орууллаа. “Digi Go” дижитал салбарууд нь теллергүй бөгөөд банкны уламжлалт салбараас авч болох ихэнх үйлчилгээг Киоск машин, АТМ, таблет зэрэг тэнд байх тоног төхөөрөмжүүдийн тусламжтай өөрөө өөртөө үйлчлэн авах боломжийг бүрдүүлснээрээ онцлог. Банкны үйлчилгээг харилцагчдадаа илүү ойртуулахтай зэрэгцэн тэдгээрт хөтөч болгох үүднээс ХААН Банк маскотуудаа олон нийтэд танилцууллаа. Тус бүрдээ өөр өөрийн гэсэн өвөрмөц төрх, онцлогтой эдгээр маскотууд харилцагч таны итгэлт зөвлөх байж, цахим шилжилтийн хөтөч болж, эко ногоон амьдралын хэв маягийг бүтээхэд туслахын зэрэгцээ банкны бүтээгдэхүүн үйлчилгээг таниулан сурталчлах, хэрэгтэй зөвлөгөө мэдээлэл өгөх, банкны нүүр царай болох юм.

3. Олон улсын болон дотоодын зах зээлд гаргасан Монголын анхны ногоон бонд

ХААН Банк нь Монгол Улсын эдийн засгийг “ногооруулах” зорилгод хувь нэмрээ оруулах, Тогтвортой хөгжлийн бодлогын хүрээнд 2023 онд олон улсын болон дотоодын зах зээлд анхны ногоон бондоо гаргалаа. Ингэхдээ 2023 оны 3-р сард олон улсын зах зээлд 60 сая ам.доллартой тэнцэх хэмжээний ногоон бонд арилжсан бол 12-р сард дотоодын зах зээлд Ногоон бонд гаргаж, нийт 30 сая ам.доллартой тэнцэх хэмжээний санхүүжилт татахаас эхний ээлжинд 17 тэрбум төгрөгийн ногоон эх үүсвэр татан төвлөрүүллээ. ХААН Банк дотооддоо ногоон бонд гаргаснаар Монголын хөрөнгийн зах зээлд ногоон бүтээгдэхүүний тоо нэмэгдэж, хөрөнгийн зах зээлийг тэлэх, дотоодын болон гадаадын хөрөнгө оруулагчдад хөрөнгө оруулалтын шинэ боломж бүрдүүлэх өндөр ач холбогдолтой юм. 2023 оны III улирлын байдлаар банкны ногоон зээлийн багц 296 тэрбум төгрөгт хүрч нийт арилжааны банкуудын ногоон зээлийн багцын 48.3%-ийг дангаараа бүрдүүлж байна.

4. Тоон гарын үсгийг ХААН Банкны Киоск машинаас олгодог боллоо

ХААН Банк төр, хувийн хэвшлийн түншлэлийн хүрээнд төрийн үйлчилгээний чанар, хүртээмжийг сайжруулах, үр ашигтай хамтран ажиллах зорилгоор тоон гарын үсгийн хэрэглээг дэмжих, идэвхжүүлэх үүднээс орон даяар байрлах 430 гаруй Киоск машинаараа дамжуулан тоон гарын үсэг олгодог боллоо. Тоон гарын үсэг нь цаасан хэлбэрт байгаа мэдээлэлд зурсан гарын үсэгтэй адил хүчин төгөлдөр үйлчлэх бөгөөд хувийн мэдээллээ шинэчлэх, лимитгүй гүйлгээ хийх, татвар төлөх зэрэг үйлдлийг тоон гарын үсгээр баталгаажуулан хийж болохоос гадна ЭСЯ-нд виз мэдүүлэгчийн хураангуй хуулгыг Киоск машинаас авах боломжтой.

5. Ногоон оффис

ХААН Банк Тогтвортой хөгжлийн бодлогынхоо хүрээнд хотын төвд байршилтай Сөүл оффисоо “ногооруулж”, тус барилгын цахилгааны хэрэглээний 20 хувийг нарны эрчим хүчээр хангадаг боллоо.

Сөүл оффист нарны энергийг хуримтлуулж, цагт 22 кВт эрчим хүч үйлдвэрлэх хүчин чадалтай нийт 48 ширхэг нарны хавтанг дээвэр дээр байрлуулснаас гадна цагт 11 кВт цахилгаан эрчим хүч үйлдвэрлэдэг ухаалаг шилэн фасадыг оффисын барилгын 280м2 гадна талбайд суурилуулсан нь Монголд анх удаагаа нэвтрүүлсэн шийдэл юм. Мөн орон нутгийн нийт 5 суманд байрлах тооцооны төвийн барилгууддаа Нарны эрчим хүчний системийг суурилуулаад байна. Ингэснээр жил бүр нийт 80 тн нүүрсхүчлийн хий бууруулах, 5455 мод тарьсантай дүйцэх хэмжээний хүчилтөрөгч хэмнэх, 31 тн хатуу түлш түлэхээс сэргийлэх зэргээр агаар, орчны бохирдлыг бууруулж, эрчим хүчний ачааллыг багасган, нийгэмдээ эерэг манлайллыг үзүүлж, бодит жишээгээр бусдыгаа уриалах, урт хугацаанд тогтвортой, банкны үйлчилгээний тасралтгүй байдлыг хангах зэрэг маш олон давуу талтай юм.

6. Зээлийн цахимжилт (8 төрлийн онлайн зээл)

Зээлийн бүтээгдэхүүн үйлчилгээг цахимжуулах стратегийн зорилтын хүрээнд ХААН Банк 8 төрлийн зээлийг зайнаас авах боломжийг бүрдүүлээд байна. Тухайлбал, цалингийн зээл, хадгаламж барьцаалсан зээл, хэрэглээний лизингийн ногоон зээл, ПОС-ын орлого барьцаалсан зээл, тээврийн хэрэгслийн зээл, бизнесийг дэмжих зээл, малчны зээл, тэтгэврийн зээл бүрэн цахимжсан. Зээлийн бүтээгдэхүүн үйлчилгээг цахимжуулснаар сард 1.3 сая ширхэг А4 цаас хэмнэхээс гадна принтерийн хор, хэрэглээний болон элэгдлийн зардал буурах тооцоолол гарсан. Мөн түүнчлэн харилцагч тооцооны төв рүү очих шаардлагагүй болсноор замын түгжрэл, шатахууны зарцуулалтыг бууруулснаар байгаль орчинд эерэг нөлөө үзүүлэх юм.

7. ХААН Банк ISO 9001:2015, ISO10002:2018 олон улсын стандарт нэвтрүүллээ

Харилцагч төвтэй байх үндсэн зорилтын хүрээнд ХААН Банк Чанарын менежментийн тогтолцооны ISO 9001:2015, Чанарын менежмент-Байгууллагад гомдол шийдвэрлэх удирдамж ISO 10002:2018 олон улсын стандартын нэвтрүүллээ. Ингэснээр банкны хэмжээнд үйл ажиллагаандаа нэгдсэн цогц менежментийн тогтолцоог хэрэгжүүлэхээс гадна харилцагчид хүргэх бүтээгдэхүүн үйлчилгээний чанарыг тогтмол сайжруулж, олон улсын түвшинд нийцүүлэн ажиллах юм. Мөн түүнчлэн харилцагчдынхаа дуу хоолойг сонсож, санал хүсэлт, гомдлыг шуурхай шийдвэрлэн харилцагчийн сэтгэл ханамжийг өндөр байлгахад тогтмол анхаарч, бүтээгдэхүүн үйлчилгээндээ хяналт тавихад чухал ач холбогдолтой.

8. Нийгмийн хариуцлага – Эрүүл мэндийн аянууд

Хүн төрөлхтний “Гэрийн даалгавар” гэгдэх Тогтвортой хөгжлийн 17 зорилгын “Эрүүл мэндийг дэмжих” зорилт, мөн нийгмийн хариуцлагын хүрээнд ХААН Банк сангаас “Хавдрын эсрэг үндэсний аян”, “Цусны даралт ихсэлтийн эсрэг аян”-ыг тасралтгүй, тууштай хэрэгжүүлж ирсэн бөгөөд бүх аймаг, сумдыг хамарч, олон хүний алтан амийг аварч, өвчнөөс урьдчилан сэргийлэхэд хувь нэмрээ оруулсан үндэсний хэмжээний томоохон аянууд болж чадсанаараа онцлог юм. Эдгээр аяны хүрээнд орон даяар нийтдээ 25 мянга гаруй хүнд хүрч үйлчилсэн байна. Эрүүл мэнддээ хариуцлагатай хандаж, өвчнөөс өөрийгөө урьдчилан сэргийлэх мэдлэг мэдээлэлтэй байх нь тухайн хувь хүн, өрх гэр бүлийн аз жаргалтай, урт удаан хамт амьдрах гол хүчин зүйл төдийгүй нийгэм, улс орны хөгжилд ч чухал ач холбогдолтой билээ.

9. Ажилтан төвтэй ХААН Банк

ХААН Банк дундын оффисын концептийг нэвтрүүлэн оффисоос болон зайнаас хосолсон хэлбэрээр ажиллах боломжийг ажилтнууддаа олгоод буй. Одоогоор төв оффисын ажилтнуудын 70% нь оффисоос, 30% нь зайнаас ажиллаж байгаа бөгөөд дундын оффис гарган, ширээ бүрд дэлгэц байрлуулснаар зайнаас ажилладаг хүмүүс хүссэн үедээ оффис дээрээ ирэх боломжийг бүрдүүлээд байна. Энэхүү өөрчлөлтийн үр дүнд ажилтнуудын ажил гэрийн хооронд зорчиход ялгаруулах нүүрсхүчлийн хийн ялгарлыг бууруулах, бензин түлшний хэрэглээг багасгах зэрэг байгаль орчинд эерэг үр нөлөө үзүүлж байгаа юм.

10. Олон улсын тавцанд хүлээн зөвшөөрөгдсөн банк

Улирч буй 2023 онд ХААН Банк Монгол Улсад төдийгүй олон улсад хүлээн зөвшөөрөгдсөн банк гэдгээ батлан харуулж, дараах нэр хүндтэй шагналуудыг хүртлээ.

Дотоодын шагналууд:

Монгол Улсын Засгийн газар, МҮХАҮТ-ын “ТОП-100 ААН”-ийн 2-рт эрэмбэлэгдэв
МҮХАҮТ-ын “Оны шилдэг ААН”, “Банкны салбарын Энтрепренер”
ТоС холбооноос “Шилдэг ТоС байгууллага”
Монголын татвар албанаас “Шилдэг татвар төлөгч”
Grand Bull Awards 2023: “Шилдэг засаглалтай компани”
Монгол дахь Америкийн худалдааны танхимын “Компанийн нийгмийн хариуцлага, тогтвортой хөгжлөөр манлайлагч байгууллага”
“HR Awards 2023”-аас “Сургалт, хөгжлийн шилдэг стратегитэй байгууллага”

Олон улсын шагналууд:

“The Banker” сэтгүүлийн “Монгол Улсын шилдэг банк”
“Asiamoney” сэтгүүлийн “Монгол Улсын шилдэг цахим банк”, “Монгол Улсын ЖДБ-ийг дэмжигч шилдэг банк”, “Монгол Улсын БОНЗ-ыг хэрэгжүүлэгч шилдэг банк”
“Global Finance” сэтгүүлийн “Монгол Улсын шилдэг банк”, “Монгол Улсын ЖДБ-ийг дэмжигч шилдэг банк”, “Монгол Улсын шилдэг кастодиан банк”
Азийн хөгжлийн банкнаас “Монгол дахь шилдэг хамтрагч”
“The Asia Corporate Excellence & Sustainability Awards 2023”-аас “Азийн хамгийн нөлөө бүхий компаниудын нэг”
Европын сэргээн босголт, хөгжлийн банкнаас “Хамгийн идэвхтэй аккредитив нээгч банк”
“InfoSys Finacle Innovation Awards 2023”-аас “Шилдэг процессын шинэчлэл”, “Шилдэг бүтээгдэхүүний инноваци”, “Шилдэг орчин үеийн технологи, инноваци”
“The Digital Banker” сэтгүүлээс “Шилдэг зээлийн үйлчилгээ”, “Харилцагчийн үйлчилгээний онцгой шинэчлэл”
“LinkedIn Learning”-ээс “Суралцах соёлыг бүрдүүлсэн шилдэг байгууллага”

Хамтын өсөлт төгөлдөр – ХААН Банк

ХААН Банкийг “Оны шилдэг ААН”, “Банкны салбарын Энтрепренер”-ээр тодрууллаа

khulan — Tue, 26 Dec 2023 12:22:45 +0800

Монголын үндэсний худалдаа аж үйлдвэрийн танхимаас жил бүр зохион байгуулдаг “ЭНТРЕПРЕНЕР-2023” шагнал гардуулах ёслолын арга хэмжээ болж, ХААН Банкийг Монгол Улсын “Оны шилдэг 10 ААН”, “Банкны салбарын Энтрепренер”-ээр тус тус шалгарууллаа.

Монгол Улсын бизнесийн салбарын нэр хүнд, үнэ цэнийг тодорхойлох, улмаар шилдэг аж ахуйн нэгж, бизнес эрхлэгчдийг онцлон дэмжих зорилготой тус шалгаруулалтыг 26 дахь жилдээ зохион байгуулж буй бөгөөд ХААН Банк энэ хугацаанд “Оны шилдэг 10 ААН”-ээр 10 дахь удаагаа өргөмжлөгдөөд байгаа юм.

Шилдгүүдийг тодруулахдаа компанийн сайн засаглал, хүний нөөцийн зөв бодлого, олон улсын стандартыг хэрхэн хангасан зэрэг үзүүлэлтээс гадна техник технологийн шинэлэг дэвшилтэд суурилсан бүтээгдэхүүн, үйлчилгээг зах зээлд нэвтрүүлсэн байдал, тухайн салбарын зах зээлд эзлэх байр суурь болон улсын төсөвт төвлөрүүлсэн татварын хэмжээ, нийгмийн хариуцлага болоод тогтвортой хөгжилд оруулсан хувь нэмрийг нь харгалзан үнэлж дүгнэдэг гэдгийг ёслолын ажиллагааны үеэр онцолж байв.

2023 оны III улирлын байдлаар ХААН Банкны нийт актив 16.1 их наяд, зээлийн багц 9.3 их наяд, татан төвлөрүүлсэн хөрөнгө 11.4 их наяд төгрөгт хүрсэн нь салбартаа тэргүүлсэн үзүүлэлт төдийгүй банкны системийн гуравны нэгийг дангаар бүрдүүлж буй. Санхүүгийн хүчирхэг үзүүлэлтээс гадна цахим шилжилтэд түүчээлж, өдгөө ХААН Банкны цахим сувгийн хэрэглэгчийн тоо 1.9 саяд хүрсэн төдийгүй онлайн зээлийн багцаараа салбартаа тэргүүлж буй юм. Мөн түүнчлэн ХААН Банк энэ онд Хөрөнгийн зах зээлд амжилттай IPO гаргаж, олон нийтэд нээлттэй компани болсон төдийгүй дотоодын болон олон улсын зах зээлд Ногоон бонд гаргасан билээ.

Амжилт бүрийг хамтдаа бүтээж, үнэ цэн, хамтын өсөлтийг бий болгож ирсэн эрхэм харилцагчид, түншүүд та бүхэндээ баярлалаа.

Хамтын өсөлт төгөлдөр – ХААН Банк

ЖДБ эрхлэгчдэд зориулсан “Бизнес төв” Дархан-Уул аймагт үүдээ нээлээ

khulan — Wed, 20 Dec 2023 18:38:49 +0800

ХААН Банк орон нутгийн бизнес эрхлэгчдэд тусгайлан үйлчилгээ үзүүлэх жишиг “Бизнес төв”-ийг өчигдөр Орхон аймагт, өнөөдөр Дархан-Уул аймагт ашиглалтад орууллаа. Нийслэлд 11 байршилд бизнес эрхлэгчдэд зориулсан ийм нэгж үйл ажиллагаа явуулж буй бол аймгуудаас салхийг нь хагалж, аж үйлдвэржсэн хоёр томоохон аймгийг сонгон ХААН Банк бизнес эрхлэгчдэд санхүүгийн үйлчилгээгээ улам бүр ойртуулж, хүртээмжийг нь нэмэгдүүлээд байна.

Монголын газар тариалангийн төв бүсэд оршдог Дархан-Уул аймгийн хувьд хүн амын мах махан бүтээгдэхүүний хэрэгцээний 30%, сүү сүүн бүтээгдэхүүний 90%, гурил гурилан бүтээгдэхүүний 70 гаруй хувийг, төмс, хүнсний ногооны хэрэгцээг 100 хувь өөрийн үйлдвэрлэлээр бүрэн хангадаг төдийгүй 100 хувь орлогоороо санхүүждэг аймаг гэдгээрээ онцлог. Түүнчлэн Монгол Улсын аж үйлдвэрийн томоохон төв төдийгүй эрчим хүчний үйлдвэрлэл, газар тариалан, эрчимжсэн мал аж ахуй, оёдол, савхин эдлэл, хүнсний бүх төрлийн үйлдвэрлэл, үйлчилгээ тэр тусмаа барилгын материалын үйлдвэрлэл тус аймагт эрчимтэй хөгжиж байна. Энэ ч үүднээсээ Улаанбаатар хотоос шилжин суурьших хүн амын тоо жилээс жилд нэмэгдэж, бизнес эрхлэгч, аж ахуйн нэгжүүдийн тоо өсөж буй. ХААН Банк бизнес эрхлэгчдийг бодитоор дэмжих, санхүүжилтийн таатай боломжууд санал болгох, зөвлөгөө мэдээлэл өгөх “Бизнес төв” Дархан-Уул аймагт байгуулсан нь цагаа олсон, хэрэгцээтэй үйлчилгээ гэдгийг иргэд онцолж байна.

Бизнес төвийн нээлтэд Дархан-Уул аймгийн удирдлагууд, тус аймаг дахь Монголбанк, Худалдаа аж үйлдвэрийн танхимын төлөөлөл, жижиг дунд бизнес эрхлэгчид хүрэлцэн ирсэн бөгөөд энэ үеэр Төв банкны захирал, менежерүүд сонирхолтой сургалт зохион байгуулж, харилцагчдын сонирхсон асуултад хариулсан юм.

Эрхэм бизнес эрхлэгч та Дархан-Уул аймагт үйл ажиллагаа явуулдаг бол ХААН Банкны Дархан төв салбарын 3-р давхарт нээгдсэн “Бизнес төв”-ийг зорьж очин тав тухтай, тохилог орчинд санхүүгийн цогц үйлчилгээг түргэн шуурхай авч, бизнесээ өргөжүүлээрэй.

Хамтын өсөлт төгөлдөр- ХААН Банк

ХААН Банк ЖДБ эрхлэгчдэд зориулсан “Бизнес төв”-өө Орхон аймагт нээлээ

khulan — Tue, 19 Dec 2023 13:05:28 +0800

ЖДБ эрхлэгчдэд тусгайлан үйлчилгээ үзүүлдэг ХААН Банкны Бизнес төв Улаанбаатар хотод 11 байршилд үйл ажиллагаа явуулж буй бол орон нутгаас Орхон аймагт анхны “Бизнес төв”-өө өнөөдөр албан ёсоор нээлээ.

Зууны манлай бүтээн байгуулалт Уулын баяжуулах Эрдэнэт үйлдвэрийг түшиглэн аж үйлдвэр өндөр хөгжсөн Эрдэнэт хотын хувьд хүн амын тоо, эдийн засагт оруулах хувь нэмрээрээ Монгол Улсын гурав дахь том хот хэмээн нэрлэгддэг. Өдгөө 1700 орчим аж ахуйн нэгжид 34 мянган хүн ажиллаж, жилдээ 1.0 их наяд төгрөгийн бүтээгдэхүүн үйлдвэрлэдэг гэсэн статистик байдаг. ХААН Банк “Бизнес төв”-өө нээснээр тус аймгийн бизнес эрхлэгчдэд санхүүгийн үйлчилгээгээ илүү ойртуулж, хүртээмжийг нь нэмэгдүүлэх боломж бүрдэх юм.

Нээлтийн үеэр ХААН Банкны Гүйцэтгэх захирлын тэргүүн орлогч Б.Эрдэнэдэлгэр “Жижиг дунд бизнес эрхлэгчдэд банкны цогц үйлчилгээ үзүүлэх, бүх талын дэмжлэг туслалцаа, сургалт зөвлөгөө санал болгох “Бизнес төв”-өө Орхон аймагт нээж байгаадаа баяртай байна. ХААН Банк санхүүгийн үйлчилгээ үзүүлэхийнзэрэгцээ харилцагчдаа чадавхжуулах, бизнесээилүү амжилттай удирдахад нь дэмжлэг болох үүднээс шат дараатай ажлуудыг хэрэгжүүлж ирсэн. Үүний тод жишээ бол 2006 онд Бизнес инкубатор төвөө байгуулж байсан. 2019 онд Жижиг дунд бизнес эрхлэгчдийг дэмжих төв болгон үйл ажиллагааг нь өргөжүүлж, энэ хугацаанд төрийн болон хувийн хэвшлийн 100 гаруй байгууллагатай хамтран ажиллаж, 500 удаагийн сургалтаар нийт 30,000 гаруй бизнес эрхлэгчийг сургалтад хамруулж, зөвлөгөө, мэдээлэл хүргэн тогтвортой хамтран ажиллаж байна.

Орон нутагт нээж буй Бизнес төвүүд Улаанбаатарт байгаатай яг ижил стандартын тохижилт засвартай. Бизнесийн сегментийн шаардлага хангах харилцагчдадаа эргэлтийн хөрөнгө, бизнесийн шугамын болон хөрөнгө оруулалтын зээлийн бүтээгдэхүүн санал болгохын зэрэгцээ санхүүгийн болон санхүүгийн бус бусад үйлчилгээ үзүүлэх зорилготой. Санхүүгийн бус үйлчилгээ буюу ЖДБ-ийг дэмжих төвийн зөвлөх үйлчилгээний сургалт хөтөлбөрүүдэд бизнес эрхлэгчдийг биечлэн болон цахимаар хамруулж, бизнесээ удирдаж авч явахад нь хэрэгцээтэй бүхий л ур чадваруудыг эзэмшүүлэхэд дэмжлэг болох юм. Түүнчлэн бид цаашид харилцагчдаа бизнесээ ногооруулахад нь хамтран ажиллах юм” гэв.

Бизнес төвийн нээлтэд Орхон аймгийн удирдлагууд, тус аймаг дахь Монголбанк, Худалдаа аж үйлдвэрийн танхимын удирдлагууд, жижиг дунд бизнес эрхлэгчид хүрэлцэн ирсэн бөгөөд энэ үеэр ХААН Банкны төлөөлөл бизнес эрхлэгчдэд сонирхолтой сургалт зохион байгуулж, харилцагчдын сонирхсон асуултад хариулсан юм.

Эрхэм бизнес эрхлэгч та Орхон аймагт үйл ажиллагаа явуулдаг бол аймгийн Нийгмийн даатгалын хэлтсийн ард байрлах “Classic residence” хотхоны 1-р давхарт нээгдсэн ХААН Банкны Бизнес төвөөр үйлчлүүлэн, тав тухтай, тохилог орчинд санхүүгийн цогц үйлчилгээг түргэн шуурхай авч, бизнесээ өргөжүүлээрэй.

Хамтын өсөлт төгөлдөр- ХААН Банк

ХААН Банкны ногоон бондын анхдагч зах зээлийн арилжааны нээлтийн цан цохих ёслол боллоо

khulan — Mon, 11 Dec 2023 13:55:28 +0800

Үндэсний хэмжээний хамгийн том арилжааны банк, салбартаа санхүүгийн үзүүлэлтүүдээр манлайлагч ХААН Банкнаас дотоодын хөрөнгийн зах зээлд анх удаа олон нийтэд нээлттэй санал болгож буй ногоон бондын анхдагч зах зээлийн арилжааны нээлтийн цан цохих ёслол Монголын хөрөнгийн биржид өнөөдөр боллоо.

Ногоон бондын хөтөлбөрийн хүрээнд ХААН Банк нийт 30 сая ам.доллартай тэнцэх хэмжээний санхүүжилт татахаар төлөвлөсөн бөгөөд эхний үе шатанд 36 сарын хугацаатай, жилийн 16%-ийн хүүтэй, зургаан сар тутам хүү төлөгдөх нэг бүр нь 100,000 төгрөгийн нэрлэсэн үнэтэй, нийт 17 тэрбум төгрөгийн ногоон бондыг олон нийтэд нээлттэй санал болгохоор ийнхүү анхдагч зах зээлийн арилжаагаа эхлүүллээ.

Олон нийтээс татан төвлөрүүлэх тус хөрөнгийг зөвхөн байгаль орчинд эерэг нөлөө үзүүлэх зорилготой төсөл, үйл ажиллагааг санхүүжүүлэхэд зарцуулахаараа онцлог юм.

Санхүүгийн хүчирхэг үзүүлэлт, найдвартай байдлаараа харилцагчдынхаа итгэлийг бүрэн хүлээж, банкны салбарын нийт активын гуравны нэгийг дангаар бүрдүүлж чадсан, Монголын хүн амын 82 хувьд хүрч үйлчилдэг үндэсний хэмжээний хамгийн том банк ХААН Банк нь төгрөгийн ногоон бондыг анх удаа Монголын хөрөнгийн бирж дээр гаргаснаар тогтвортой санхүүжилтийг бий болгоход хувь нэмрээ орууланманлайлан ажиллаж байна.

ХААН Банкны ногоон бондын анхдагч зах зээлийн арилжаа 2023 оны 12-р сарын 11-нээс эхлэх Монголын хөрөнгийн бирж дээр явагдах бөгөөд андеррайтер "БиДиСек ҮЦК” ХК болон бусад үнэт цаасны компанид хандан дэлгэрэнгүй мэдээлэл авах боломжтой.

Хамтын өсөлт төгөлдөр- ХААН Банк

Тогтвортой хөгжилд манлайлагч ХААН Банк “Шилдэг ТоС байгууллага”-аар дахин шалгарлаа

khulan — Mon, 11 Dec 2023 12:38:19 +0800

ХААН Банк 3 дахь жилдээ дараалан “Шилдэг ТоС байгууллага” шагналыг хүртлээ. Монголбанк, Санхүүгийн зохицуулах хороо, ТоС холбооноос хамтран жил бүр Тогтвортой санхүүжилтийн зарчмуудыг амжилттай хэрэгжүүлж, ногоон эдийн засгийг хөгжүүлэхэд манлайлж, тогтвортой хөгжилд бодитой хувь нэмрээ оруулж буй банкуудыг шалгаруулан энэхүү нэр хүндтэй шагналыг олгодог билээ.

ХААН Банкны хувьд 2018 оноос хойш Тогтвортой хөгжлийн 17 зорилгыг бүх шатны үйл ажиллагаандаа уялдуулж, энэ чиглэлээр олон ажил хийж, хэрэгжүүлсээр ирсэн төдийгүй 2020 онд дотооддоо дагаж мөрдөх Тогтвортой хөгжлийн бодлогоо батлан хэрэгжүүлж эхэлсэн. 2023 оны III улирлын байдлаар ХААН Банкны ногоон зээлийн багц нь 296 тэрбумд хүрч, нийт банкны системийн ногоон зээлийн багцын 48.3 хувийг дангаар бүрдүүлж байна. Цаашдаа 2025 он гэхэд нийт зээлийн багцын 10 хувийг ногоон зээл болгохоор зорин ажиллаж байна.

Үүнээс гадна тогтвортой, ногоон санхүүжилтийн хүрээнд өнгөрсөн 3-р сард олон улсын зах зээлээс 60 сая ам.долларын ногоон бондын эх үүсвэрийг амжилттай татсан бөгөөд тун удахгүй дотоодын зах зээлд ногоон бонд гаргахаа зарлаад байгаа билээ.

Мөн өнөөдөр Тогтвортой хөгжилд манлайлагч ХААН Банк нь 2024 оны ТоС холбооны “Манлай банк”-аар тодорч шилжин явах тугийг ХААН Банкны Гүйцэтгэх захирал Р.Мөнхтуяад нэр хүндтэйгээр хүлээлгэн өглөө. Ингэснээр ХААН Банк нь 2024 онд ТоС холбоотой хамтран Тогтвортой санхүүжилтийн зарчмыг түгээн дэлгэрүүлэх, ногоон ба жендэрийн мэдрэмжтэй санхүүжилтийн чиглэлд санал санаачилагыг хэрэгжүүлэх, гишүүн байгууллагуудыг тогвортой хөгжлийн чиглэлд манлайлан ажиллахаа илэрхийллээ.

Ташрамд дуулгахад, ХААН Банк 2007 оноос хойш Тогтвортой нийгмийн хөрөнгө оруулалтын хүрээнд 510 төсөл хөтөлбөрийг 10 тэрбум төгрөгөөр санхүүжүүлжээ.

Хамтын өсөлт төгөлдөр- ХААН Банк

ХААН Банк дотоодын зах зээлд Ногоон бонд гаргахаар үнэт цаасны танилцуулгаа хийлээ

khulan — Thu, 07 Dec 2023 15:00:54 +0800

ХААН Банкны “Ногоон бонд хөтөлбөр”-ийг Санхүүгийн зохицуулах хорооноос өнгөрсөн 6-р сард баталсны дагуу ХААН Банк Монголын хөрөнгийн зах зээлд анх удаа Ногоон бонд олон нийтэд санал болгох үйл ажиллагаагаа өнөөдрөөс албан ёсоор эхлүүлж, үнэт цаасны танилцуулгаа хийлээ.Монгол Улс 2030 он гэхэд хүлэмжийн хийн ялгарлыг 22.7 хувиар бууруулах амлалт өгсөн бөгөөд НҮБ-аас гаргасан Тогтвортой хөгжлийн зорилтуудыг биелүүлэхэд ногоон хөрөнгө оруулалтын эрэлт хэрэгцээ чухалд тооцогдож байгаа билээ. Банкны системийн активын 32%-ийг дангаар бүрдүүлдэг үндэсний хэмжээнд тэргүүлэгч банкны хувьд ХААН Банк байгаль орчинд ээлтэй үйл ажиллагааг санхүүжүүлэх ногоон санхүүжилтийн багцаа эрчимтэй нэмэгдүүлэх дунд хугацааны томоохон зорилтыг хэрэгжүүлэх хүрээнд урт хугацаат эх үүсвэр татахаар ийнхүү Ногоон бондын хөтөлбөрийг анхлан хэрэгжүүлж байна.

ХААН Банк дотооддоо ногоон бонд гаргаснаар Монголын хөрөнгийн зах зээлд ногоон бүтээгдэхүүн нэмэгдэж, хөрөнгийн зах зээлийг тэлэх, дотоодын болон гадаадын хөрөнгө оруулагчдад хөрөнгө оруулалтын шинэ боломж бүрдүүлэх өндөр ач холбогдолтой юм.

Ногоон бондын хөтөлбөрийн хүрээнд нийт 30 сая ам.доллартай тэнцэх хэмжээний санхүүжилт татахаар төлөвлөсөн бөгөөд эхний үе шатанд 36 сарын хугацаатай, жилийн 16%-ийн хүүтэй, зургаан сар тутам хүү төлөгдөх нэг бүр нь 100,000 төгрөгийн нэрлэсэн үнэтэй, нийт 17 тэрбум төгрөгийн ногоон бондыг олон нийтэд нээлттэй санал болгож байна.

Цахилгаан эрчим хүчнийхээ 20 хувийг нарны эрчим хүчний үүсгүүрээр хангаж буй ХААН Банкны Сөүл оффисын ХААН театрт болсон тус арга хэмжээнд 100 гаруй иргэн, хөрөнгө оруулагчид болон харилцагч байгууллагууд хүрэлцэн ирж, ХААН Банкны цаашдын стратеги төлөвлөгөө, ногоон санхүүжилтийн сайн жишгүүд, тогтвортой хөгжлийг дэмжих чиглэлээр хийж буй ажлууд болон нийтэд санал болгож буй үнэт цаасны талаар мэдээлэл авч, улмаар үнэт цаас гаргагч, аудит, үнэлгээ болон хуулийн зөвлөх, андеррайтераар ажиллаж буй байгууллагуудаас сонирхсон асуултууддаа хариулт авлаа.

Ногоон бондоор босгох эх үүсвэрийг зөвхөн байгаль орчинд эерэг нөлөө үзүүлэх зорилготой төсөл, үйл ажиллагааг санхүүжүүлэхээрээ онцлог юм.ХААН Банкны Ногоон бондыг олон нийтэд танилцуулж, Монголын хөрөнгийн бирж дээр анх удаа арилжаалах үйл ажиллагаанд “БиДиСек ҮЦК” ХК үндсэн андеррайтераар, “ХаанЛекс Партнерс” ХХН хууль зүйн зөвлөхөөр, “Эвиденсе Аудит” ХХК хөрөнгийн үнэлгээ, “ПрайсуотерхаусКуперс Аудит” ХХК санхүүгийн тайлангийн аудитын чиглэлээр тус тус хамтран ажиллаж байна.

Салбартаа тэргүүлэгч, санхүүгийн хүчирхэг үзүүлэлт бүхий нээлттэй хувьцаат компанийн бондыг эзэмшсэнээр эрхэм хөрөнгө оруулагч та тогтмол өгөөж хүртэхээс гадна хүрээлэн буй орчинд ээлтэй төсөл, хөтөлбөрийг санхүүжүүлэхэд хувь нэмрээ оруулах боломжтой.ХААН Банкны ногоон бонд авахаар сонирхож буй бол андеррайтер “БиДиСек ҮЦК” ХК болон бусад үнэт цаасны компанид хандан дэлгэрэнгүй мэдээлэл авч болохоос гадна Ногоон бондын хөтөлбөрийн үнэт цаасны танилцуулгатай ХААН Банк болон Монголын хөрөнгийн биржийн цахим хуудсаар орж танилцах боломжтой.

Дэлгэрэнгүй мэдээллийг ЭНД дарж авна уу.

Хамтын өсөлт төгөлдөр – ХААН Банк

ХААН Банкны “Digi Go” дижитал салбар нийслэлд 4 байршилд үүдээ нээлээ

khulan — Wed, 22 Nov 2023 13:19:19 +0800

Цахим шилжилтэд тэргүүлэгч ХААН Банк “Digi Go” дижитал салбаруудыг энэ оны 4-р сараас эхлэн Хан-Уул дүүргийн Белмонте хотхоны дэргэд болон Чингис хаан олон улсын нисэх буудалд нээгээд байсан бол худалдаа үйлчилгээ, хүн амын төвлөрөл ихтэй 2 шинэ байршилд өөртөө үйлчлэх дижитал нэгжийг ашиглалтад орууллаа. Тухайлбал, Нарны зам дагуу байрлалтай томоохон худалдааны төв “Түмэн молл” болон Үндэсний цэцэрлэгт хүрээлэнгийн хойно байрлах “Парк Од молл” худалдааны төвийн 1-р давхарт “Digi Go” дижитал салбар тус тус нээгдээд байна.

Энэхүү салбарууд нь теллергүй бөгөөд банкны уламжлалт салбараас авч болох ихэнх үйлчилгээг Киоск машин, АТМ, таблет зэрэг тэнд байх тоног төхөөрөмжүүдийн тусламжтай өөрөө өөртөө үйлчлэн авах боломжийг бүрдүүлснээрээ онцлог юм. Мөн ХААН Банкны харилцагч, жижиг дунд бизнес эрхлэгчид “Digi Go” дижитал салбараас цахим үйлчилгээ авахаас гадна орчин үеийн тоног хэрэгсэл бүхий ая тухтай уулзалтын өрөөнд бизнес уулзалтуудаа үнэ төлбөргүй хийх боломжтой.

Түүнчлэн нийслэл даяар байрлах GS25 сүлжээ дэлгүүрийн 50 гаруй салбарт ХААН Банк “Digi corner” дижитал цэгүүд шинээр байгуулж, Киоск, АТМ суурилуулан банкны үйлчилгээг иргэдэд улам бүр ойртуулаад байна. Ингэснээр харилцагч банк хайж цаг хугацаа алдахгүй, оочер дараалал хүлээх шаардлагагүй өөрт хэрэгцээт үйлчилгээг дэргэдээсээ, амар хялбар авах боломжтой болсон билээ.

Харилцагч та ХААН Банкны “Digi Go” гэсэн бичигтэй гэрэлт самбар байрласан GS25-ийн салбаруудаар үйлчлүүлэнгээ өөрт хэрэгтэй банкны үйлчилгээг аваарай.

Хамтын өсөлт төгөлдөр- ХААН Банк

ОХУ-аас ирсэн 140 вагон АИ92 шатахууныг агуулахад буулгаж, ШТС-уудад хуваарилах ажил хийгдэж байна

nomun — Mon, 16 Oct 2023 16:30:58 +0800

Амралтын өдрүүдэд зарим ШТС АИ92 шатахуун олгохгүй байна гэх мэдээлэл иргэдээс ирж байна.

Уг асуудлаар Ашигт малтмал, газрын тосны газрын Газрын тосны бүтээгдэхүүний хэлтсээс тодруулахад "ОХУ-ын Засгийн газраас тогтоолоо өөрчлөх асуудалтай холбоотойгоор шатахууны нийлүүлэлт хийгдэхгүй хэд хоног болсон. Энэ хугацаанд шатахуун импортлогч компаниудын нөөц багассан.

Өнгөрсөн Пүрэв гарагаас 140 вагон АИ92 шатахуун ОХУ-аас манай улсын өртөөнүүд дээр ирсэн. Одоо агуулахад буулгаж, ШТС-уудад хуваарилах ажил хийгдэж байна. Цаашид шатахууны нийлүүлэлт хэвийн үргэлжилнэ. ОХУ-аас шатахуун тээвэрлэж ирсэн вагон зөрлөг хүлээх, шатахууныг агуулах руу автомашинаар тээвэрлэх, буулгах зэрэг ажлууд хийгддэг. Шатахууныг хилээр оруулж ирээд шууд ШТС-уудад өгчихдөггүй" хэмээн хэллээ. Харин дизелийн түлшний нөөц хэвийн байгааг тэрбээр тодотголоо. АИ92 шатахууны хэрэглээ Улаанбаатарт өдөрт 1,000 тонн, орон нутагт 1,500 тонн байда

“Атар” талхны үйлдвэрийн үнэ 300 төгрөгөөр нэмэгдэжээ

zulaa — Mon, 24 Jul 2023 13:49:34 +0800

“Атар” талхны үйлдвэрийн үнэ 300 төгрөгөөр нэмэгджээ. Атар талхыг “Талх чихэр”, “Атар өргөө” компаниуд үйлдвэрлэдэг бөгөөд үйлдвэрийн үнэ баяр наадмын өмнө 2000 төгрөг байсан бол долоодугаар сарын 17-ноос эхлэн 2300 төгрөг болсон байна.

Үйлдвэрээс 2300 төгрөгөөр гарч байгаа атар талхыг хүнсний дэлгүүрүүд дунджаар 200-300 төгрөгөөр нэмдэг гэхээр иргэдийн гарт атар талх 2500-2600 төгрөгийн үнээр ирэх болж байна.

Вьетнамаар аялуулах картын урамшуулалт аян эхэллээ!

khulan — Wed, 21 Jun 2023 10:10:43 +0800

Хэзээ ч унтдаггүй эрчимлэг хот, урин зөөлөн уур амьсгалт далайн эргүүд, нууцлаг түүхийг тээсэн эртний балгад, сэтгэл хөдөлгөм экстрим аяллууд, бас ямар ч өдрийг дүүргэх амтат зоогийг санал болгох Вьетнам улсад дурсамжаа бүтээхийг хүсвэл ХААН Банкны картаа ХААН Банкны ПОС дээр уншуулаад “Go travel” урамшуулалт аянд оролцоорой!

Урамшуулалт аян 2023 оны 6-р сарын 20-ны өдрөөс 8-р сарын 20-ны өдрийг дуустал үргэлжлэх бөгөөд тухайн сарын нийт гүйлгээ 300,000 төгрөг хүрэх бүрд аяллын нэг тохирлын эрх үүсэх юм. Нэг сарын хугацаанд та хэдэн ч тохирлын эрхтэй байж болох бөгөөд банканд бүртгэлтэй утаснаасаа 131917 дугаарт “ayalal” гэсэн мессэж илгээн эрхээ шалгах боломжтой.

Хэрэв харилцагч та ХААН Банкны олон карттай бол аль ч картаа уншуулсан ялгаагүй, нийт уншуулсан картын тань зарлагын нийлбэр дүн 300,000 төгрөг хүрэх болгонд нэг эрхийн эзэн болно.

Урамшууллын аяны тохирлын эрхтэй нийт харилцагчдаас сар бүр 5, аяны хугацаанд нийт 10 хүнийг ХААН Банкны фейсбүүк сошиал хуудасны шууд дамжуулалтаар хөндлөнгийн аудитын байгууллага болон харилцагчдын төлөөллийн хяналттайгаар тодруулан, Вьетнам улс руу аялах эрх олгоно.

Байгалийн өвөрмөц тогтоц бүхий үзэсгэлэнт соёлын өвөөс бүрдсэн Вьетнам улс руу аялахыг хүсэж байвал та “Go travel” урамшуулалт аянд идэвхтэй оролцоорой. ХААН Банкны картууд хамгийн их урамшуулалтай.

Хамтын өсөлт төгөлдөр – ХААН Банк

Хүүхдийн мөнгийг ИРЭХ ОНД бүх хүүхдэд олгохоор ТУСГАЖЭЭ

zulaa — Tue, 23 May 2023 18:02:32 +0800

Төсвийн байнгын хорооны өнөөдрийн хуралдаанаар 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийн төслийн анхны хэлэлцүүлгийг хийлээ

Урт хугацааны хөрөнгө оруулалт өндөр ургац авчирдаг

zulaa — Tue, 18 Apr 2023 18:10:19 +0800

Зах зээлийн нийгэмд баялгийг хэрхэн бий болгох, өөрийн санхүүг яаж ухаалгаар удирдан зохицуулах талаар голч санаа өгсөн бүтээл бол “Эдийн засаг энгийнээр”. Баялаг, хөгжил дэвшлийн тухай хүн бүрийн мэдвэл зохих зүйлсийг эндээс та авч болно. Бүтээлийн автор болох Жоржиагийн их сургуулийн эрдэмтэн Флорида болон Монтана нар баялаг хуримтлуулах тухай энгийн хэдэн дүрмийг номондоо маш тодорхой өгүүлсэн. Өөрөөр хэлбэл, хувь хүн оновчтой хөрөнгө оруулалт хийхэд, илүү сайн сонголт хийхэд “Эдийн засаг энгийнээр” хэн бүхэнд хөтөч болно.

Хувийн санхүүгээ авч явах 13 түлхүүр элементийг энд тодорхойлсон бөгөөд үүний нэг нь үнэт цаасанд урт хугацааны зорилготойгоор хөрөнгө оруулалт хийх тухай юм. Хөрөнгө оруулалтыг ганцхан сар, жилээр хэмжих боломжгүй. Боломжгүй гэхээсээ илүү тухайн хөрөнгө оруулалтын утга учир, үнэ цэн, өгөөж харагдахгүй гэвэл оновчтой. Харин эрсдэл, алдагдал, боломж алсрах үзэгдэл л богино хугацааны хөрөнгө оруулалтад улам тодорно гэж хашир хөрөнгө оруулагчид төдийгүй зах зээлийн шинжээчид үздэг. Хөрөнгө оруулалт гэдэг тэвчээргүй нэгнээс тэвчээртэйд нь боломжийг шилжүүлэн өгдөг процесс юм.

Ашиг олох, хөрөнгөө өсгөх зорилгоор бид банкны хадгаламж, компанийн бонд, хувьцаа, үл хөдлөх хөрөнгө, үнэт эдлэл гээд хөрөнгө оруулалтын олон хэлбэрээс сонголт хийдэг. Эдгээрээс инфляцид идэгдэхгүй, ханшийн нөлөөнд хамгийн бага өртөх тогтвортой хөрөнгө оруулалт бол хувьцаа. Хөрөнгийн зах зээлийн үндсэн бүтээгдэхүүн болох хувьцаанд хөрөнгө оруулах гэж байгаа бол урт хугацааны үр дүнгээр өгөөжийг тооцоолох учиртай гэж мэргэжлийн хөрөнгө оруулагчид зөвлөдөг. “Эдийн засаг энгийнээр” ч энэхүү санааг бататгадаг.

Манай улсын хувьд хөрөнгийн зах зээл шинэ тутам хөгжөөд 30 гаруй жилийн нүүр үзэж буй. Энэ хугацаанд дотоодын олон компани хэлбэрээ өөрчилж, олон нийтийн засаглалтай, нээлттэй хувьцаат компани болжээ. Тухайн үед зарим компанийн хувьцааг урт хугацааны хөрөнгө оруулалт гэж харж чадсан (худалдан авсан) иргэд өнөөдөр хожсон. “Тавантолгой”, АПУ, “Говь”, “Сүү” тэргүүтэй компанийн хувьцаа эзэмшигчид хөрөнгийн зах зээлийн хамгийн үнэ цэнтэй, өгөөж өндөр бүтээгдэхүүнийг эзэмшиж буй. Тэд бол хувьцааны багцаа хамгийн тогтвортой, тууштай хадгалдаг хөрөнгө оруулагчид. Үүнийхээ үр шимийг ч тэр хэрээр өндрөөр хүртэж яваа билээ.

Хөрөнгийн зах зээлийн шинжээч, эдийн засагч Г.Батзориг урт хугацааны хөрөнгө оруулалтыг “шар тос”-той зүйрлэсэн байдаг. “Өрөм, зөөхий хайлуулснаар шар тос гаргаж авдаг. Шар тосыг тохируулж, зөв хэрэглэвэл хүний биед нэн тустай. Яг үүнтэй жишиж болох хөрөнгө оруулалт нь урт хугацааны хөрөнгө оруулалт юм. Хэдийгээр богино хугацаанд үр өгөөжөө өгөхгүй ч урт хугацаанд үнэ цэн нь нэмэгдэнэ. Жишээ нь, 2008 онд АПУ, “Сүү” ХК-ийн хувьцаа худалдаж авсан бол өнөөдөр шар тос болохоор байлаа. Тиймээс дотооддоо хувьцаа худалдаж авахаар бол та бид тухайн компанийн үнэ цэн, өсөх боломжийг нь 10, 20 жилээр харах хэрэгтэй. Мэдээж энэ чиглэлийн хөрөнгө оруулалт харж байгаа бол та бид тэвчээртэй, урт хугацаанд холыг харсан байх шаардлагатай” хэмээн “Хаана хөрөнгө оруулалт хийх вэ” нийтлэлдээ тэрбээр тодотгосон.

Урт хугацааны хөрөнгө оруулалтын үр дүнд оруулсан мөнгөө хэд дахин нугалж авсан хөрөнгө оруулагчид цөөнгүй. Тухайлбал, 1991 онд 6,750 төгрөгөөр авсан хувьцаа нь хожим 10 сая төгрөг болсон, “Монгол шуудан” компанийн нэгж хувьцааг 185 төгрөгөөр анх авч байсан бол өнөөдөр ханш нь 740 төгрөгт хүрсэн гээд хөрөнгөө өсгөсөн жишээ цөөнгүй. Өөрийн санхүүгийн ирээдүйд санаа тавьдаг хүмүүс урт хугацааны хөрөнгө оруулалт, хуримтлалын өгөөжийг илүүд үздэг. Тийм учраас хөрөнгийн зах зээлийн идэвхтэй оролцогч төдийгүй сайн хувьцааны эрэлд чих тавьдаг. Мөнгөний менежментээ зөв хийж чадвал оргүй хоосноос ойгүй баян болж болдог. Харин зөвхөн өнөөдөр, маргаашаа харж буруу менежмент хийвэл олсноо ч бүгдийг нь алдах эрсдэлтэй. Урт хугацааны хөрөнгө оруулалтыг онцлохын учир энэ.

Манай улсын хөрөнгийн зах зээлийн хувьд яг одоо Монголын хамгийн том банк болох ХААН Банк IPO хийж, олон нийтэд нээлттэй банк болж байна. Монгол Улсын хамгийн олон харилцагчтай тус банк олон нийтэд хувьцаа эзэмших боломж олгож байгаа энэ чухал цаг үед урт хугацааны хөрөнгө оруулалтын ач холбогдлыг таниулахыг зорилоо.

Хувьцаа бол хамгийн өндөр өгөөж олох боломжтой хөрөнгө оруулалтын төрөл. Тийм ч учраас аваад зарах бус, хувьцаагаа хэдэн арван жилээр эзэмшиж, урт хугацаанд өгөөж хүртэх нь хөрөнгийн зах зээлийн давуу тал, онцлог юм. Товчхондоо, хувьцааг дунд болон урт хугацаанд эзэмших зорилгоор л авдаг. Энэ нь ч оновчтой хувилбар гэдгийг дахин нурших нь илүүц биз. Өөрийн жишээгээ хуваалцахад, 1000 төгрөгөөр худалдан авч байсан хувьцааны маань үнэлгээ зургаан жилийн дараа 10,000 давж байлаа. Зургаан сар бус, зургаан жилийн үр дүнд нэгж хувьцааны үнэлгээ арав дахин өсөж, оруулсан мөнгөө арав дахин өсгөж чадсан юм. Урт хугацааны хөрөнгө оруулалт өндөр ургац авчирдаг гэдгийг хөрөнгө оруулагч та энэ жишээнээс хялбар ойлгох болов уу. Хэрэв та зөв хөрөнгө оруулж чадсан бол энэ таны мэдлэгийг илтгэх, бахархаж болох бас нэгэн хэрэгсэл яах аргагүй мөн.

Америкчуудын хувьд Facebook, Micrisoft, Coca-Cola, Wallmart, Boeing, Apple компаниудын хувьцааг эзэмшинэ гэдэг өөрсдийнх нь бахархал. Бахархал байгаад зогсохгүй эзэн нь, хөрөнгө оруулагч нь гэдгээрээ тэд ногдол ашгаар дамжуулан жил бүр хөрөнгө оруулалтын өгөөж хүртдэг. Урт хугацааны хөрөнгө оруулалт л тэднийг энэ түвшинд авчирсан хэрэг.

“Ухаалаг хөрөнгө оруулагч” номын зохиогч Бенжмамин Граэм энгийн хувьцааны хоёр давуу талыг дурдсан байдаг. Хувьцаа хөрөнгө оруулагчийг инфляциас хамгаалахад тодорхой хувь нэмэр оруулдаг гэдгийг тэрбээр давуу тал гэж үзсэн бол удаах нь олон жилийн дунджаар хувьцаа нь хөрөнгө оруулагчдад илүү өгөөж өгсөн байдаг гэдгийг онцолжээ.

Онлайн цалингийн зээл авахад банк хамаарахгүй

khulan — Wed, 22 Feb 2023 13:57:00 +0800

Цалингаа аль банкаар авдгаас үл хамааран 50 сая хүртэлх төгрөгийг ХААН Банкны онлайн цалингийн зээлээр авах боломжтойг та мэдэх үү? Яаралтай санхүүгийн хэрэгцээ тулгарсан үед бичиг баримт бүрдүүлж банкны салбарт очихгүйгээр, хаанаас ч 5 минутын дотор онлайнаар цалингийн зээл авах боломжийг ХААН Банк бүрдүүлээд байгаа билээ.

Та Khan Bank аппликэйшн эсвэл Интернэт банкны үйлчилгээ авах эрхтэй л бол зээлийн хүсэлт илгээх, эрх тооцоолох, гэрээ байгуулах зэрэг бүх үйлдлийг 100% зайнаас гүйцэтгэн, хэдхэн минутад зээл авах боломжтой. Онлайн цалингийн зээлтэй холбоотой мэдээллийг ЭНД дарж авна уу.

ХААН Банк нь харилцагчдынхаа хэрэгцээ шаардлагад нийцсэн ухаалаг, хялбар үйлчилгээг санал болгон, зайнаас авах боломжтой олон төрлийн бүтээгдэхүүн үйлчилгээг шат дараатай нэвтрүүлж, цахим банкны хөгжлөөр салбартаа тэргүүлэн ажиллаж байна. Ингэхдээ харилцагчид болон ажилтнуудынхаа үнэт цагийг хэмнээд зогсохгүй, цаас болон эрчим хүчний хэрэглээг бууруулах чиглэлд дэвшил гарган, тогтвортой хөгжилд хувь нэмрээ оруулсаар байна.

Хамтын өсөлт төгөлдөр - ХААН Банк

Сар шинийг угтсан картын урамшуулал зарлагдлаа

khulan — Fri, 17 Feb 2023 19:12:27 +0800

Голомт банк сар шинийн баярыг угтан картаараа гүйлгээ хийж, оноо цуглуулах боломжтой урамшуулалт аяныг эхлүүллээ. Голомт банкны картын харилцагчид 2023.02.28-ны өдрийг дуустал Улаанбаатар хотод байрлах томоохон сүлжээ дэлгүүрүүдээр үйлчлүүлэхдээ Голомт банкны ПОС дээр болон SocialPay аппликэйшн ашиглан бүх төрлийн кредит карт, Si дебит картаараа төлбөр тооцоо хийгээд энэхүү урамшуулалд хамрагдах юм. Өөрөөр хэлбэл, таны картаар хийсэн гүйлгээний 1 төгрөг бүрд 1 оноо олгогдох бөгөөд та оноогоо ашиглан дараах бэлгийн купоноос сонгон авах боломжтой.

Бэлгийн купонууд:

Soyol wellness
Urgoo cinema
mn
Sky resort
World wine
CEO lounge, restaurant
Veranda restaurant
Terazza restaurant
Beauty secret
Shanrgi-La Café park
Shangri-La Naadam
Shangri-La Hutong

Бэлгийн купон нь үнийн дүнгийн хувьд дараах сонголтуудтай байх ба та өөрийн оноонд тохируулан купоноо аваарай.

Оноо	Бэлгийн купон
1,500,000	150,000₮
1,000,000	100,000₮
500,000	50,000₮

Урамшууллын хугацаанд 1 харилцагчийн худалдан авалт 1,500,000 төгрөгөөр хязгаарлагдана. Та 2023.03.01-2023.03.07-ныг дуустал SocialPay аппликэйшний НЭМЭЛТ цэс – Лояалти хөтөлбөр хэсэг болон https://loyalty.golomtbank.com/ вэбсайтаар бэлгийн купоноо авах бөгөөд идэвхэжсэн бэлгийн купон 2023.04.30-ныг дуустал хүчинтэй байна.

Оноо цуглуулах боломжтой байгууллагууд:

Оргил супермаркет
Имарт / Скай хайпермаркет
Wellmart / Бишрэлт
M март
Сансар супермаркет
Ханбүргэдэй
Good price
Эфэс маркет / Eco Home – Хан-Уул
Apple супермаркет - Наран

Та өөрийн урамшууллын оноог шалгахдаа дараах сувгуудыг ашиглаарай.

SocialPay аппликэйшний Нэмэлт цэс –Лояалти хөтөлбөр хэсэг
https://loyalty.golomtbank.com/
Харилцагчийн үйлчилгээний төвийн 1800-1646 лавлах утас

Цагаан сарыг угтсан тус урамшуулал нь бүх төрлийн кредит картаас гадна Si дебит картад мөн үйлчлэх тул Si картын харилцагч та ч бас оноо цуглуулж, урамшуулалд хамрагдах боломжтой.

Та Голомт банкнаас гаргадаг картуудын талаар дэлгэрэнгүй мэдээлэл, нөхцөлтэй ЭНД дарж танилцаарай.

“Нээлттэй Архангай” хөтөлбөрийг батлав

khulan — Wed, 15 Feb 2023 16:10:39 +0800

Шинэ сэргэлтийн бодлогын хүрээнд "Нээлттэй Архангай” хөтөлбөрийг хэрэгжүүлэхээр боловсруулж, аймгийн ИТХ-ын 12 дугаар хуралдаанаар баталлаа.

Тус аймаг орон нутгийн өнөөгийн нөхцөл байдал, нөөц боломж, аймгийн түүх, соёл, зан заншил, уламжлал, оюун санааны үнэт зүйлс, нийгэм, эдийн засаг, техник, технологи, үндэсний үйлдвэрлэлийн ололт амжилтыг шилжин ирэх иргэд, аж ахуйн нэгж, байгууллага, олон нийтэд мэдээлэн сурталчлах "Нээлттэй Архангай” хөтөлбөрийг холбогдох бодлогын бичиг баримт, хөтөлбөр, үйл ажиллагаа, судалгаанд үндэслэн боловсруулсан байна.

Хөтөлбөрийн зорилго нь аймагт шилжин ирж суурьшин ажиллаж амьдрах, иргэд, аж ахуй нэгж, байгууллагыг угтан авахад шаардагдах бэлтгэлийг хангах, аймгийн хөгжлийн тэргүүлэх чиглэлийг тодорхойлох, аймаг орон нутгийн талаарх нэгдсэн ойлголт, мэдээллийн нэгдмэл удирдлага, зохицуулалтыг бий болгож цахимжуулах, төрийн үйлчилгээг ойлгомжтой, шуурхай болгох, Монгол Улсын Засгийн газрын 2022 оны 419 дугаар тогтоолын хэрэгжилтийг хангах чиглэлээр тодорхой зорилтуудыг дэвшүүлэн хэрэгжүүлэх замаар аймаг, сум орон нутгаа хөгжүүлэхэд дэмжлэг үзүүлэх юм.

Хөтөлбөрийн зорилт нь:

-Хүний хөгжил, Хөдөө аж ахуй, Аялал жуулчлалын салбарт тулгуурлан эдийн засгийн хувьд бие дааж хөгжүүлэх;

-Иргэдэд ажиллаж амьдрах, аж ахуйн нэгж байгууллагад үйл ажиллагаа явуулах таатай орчныг бүрдүүлэх,

-Эдийн засаг, нийгмийн харилцааг хөгжүүлэхэд дэмжлэг үзүүлэх;

-Мэргэжлийн ажиллах хүчний хомсдолыг багасгах, (төрийн алба, үйлдвэрлэл, үйлчилгээ, дэд бүтэц, барилга, аялал жуулчлал, мал аж ахуй, газар тариалан гэх мэт) аймгийн хөгжлийн тэргүүлэх чиглэлийн салбарын хөгжлийг эрчимжүүлэх, албан хаагчдыг чадавхжуулах чиглэлээр сургалт явуулах зэргээр зорилтот хөтөлбөрүүдийн хэрэгжилтийг дэмжих ажээ.

Мөн хүний хөгжлийг дэмжсэн бодлого хэрэгжүүлж, хөдөө аж ахуйн салбарын түүхий эдийн нөөц ашиглалтыг сайжруулах замаар, эдийн засгийн үр өгөөжийг дээшлүүлж, ажлын байрыг нэмэгдүүлж, нэмүү өртөг шингэсэн бүтээгдэхүүн үйлдвэрлэлийг дэмжихээр тусгажээ.

Орон нутгийн онцлог бүхий байгаль орчинд ээлтэй, төр хувийн хэвшлийн хамтын оролцоонд түшиглэсэн тогтвортой аялал жуулчлалыг хөгжүүлэх, барилга,хот байгуулалтын орон зайн оновчтой төлөвлөлтийг нэвтрүүлж, иргэдийн амьдрах орчныг сайжруулан таатай орчин бүрдүүлэх, төрийн бүтээмжийн сэргэлтийн хүрээндорон нутагт иргэдийг шилжин суурьшихад дэмжих, төрийн үйлчилгээний чанар, хүртээмжийг нэмэгдүүлэх, иргэд шилжин суурьшихад тулгардаг хүндрэлийг бууруулах, хөдөлмөр эрхлэлтийг дэмжиж, дотоод, гадаадын хөрөнгө оруулалт, аж ахуйн нэгжийн уялдааг хангах, иргэд, олон нийтийн сэтгэлгээ, хандлагад эерэг нөлөө үзүүлэх зэрэг дэд зорилтуудыг тусгаж өгсөн байна.

"Нээлттэй Архангай” хөтөлбөрийг хэрэгжүүлэхэд:

1. Монгол Улсын хууль, хөгжлийн бодлогын баримт бичиг, холбогдох үндэсний хөтөлбөрүүд, аймаг орон нутгийн бодит нөөц бололцоо, бүс нутгийн эдийн засгийг кластержуулан хөгжүүлэх, орон нутаг өөрийгөө бие даан санхүүжүүлэх эдийн засгийн бодлогод тулгуурлах;

2. Хөтөлбөрийн агуулгад аймаг орон нутагт шилжин ирж ажиллаж, амьдрах үйл ажиллагаа эрхлэн явуулахад үүсэх давуу тал болон үүсч болзошгүй хүндрэл бэрхшээлийг зөв тооцож тусгахыг эрмэлзэн мэдээллийг нээлттэй, тэгш, хүртээмжтэй түгээхийг чухалчилсан, хувь хүн, аж ахуйн нэгж, байгууллагад хуулиар олгогдсон эрхийг дээдлэн хүндэтгэсэн, үүрэг хариуцлагыг ухамсарлуулан таниулж, хандлагын өөрчлөлтөд уриалсан, бизнесийн орчны тэгш боломж, шударга өрсөлдөөнийг эрхэмлэсэн, хөгжил дэвшил, бүтээн байгуулалт, хөрөнгө оруулалтын таатай орчин, олон талт харилцааны онцлогуудыг уялдуулан тодорхойлсон байх;

3. Хөтөлбөрийн хэрэгжилтэд иргэд олон нийт, аж ахуйн нэгж, байгууллага, хувийн хэвшил, иргэний нийгмийн байгууллагууд, бизнесийн болон мэргэжлийн холбоодын оролцоог түлхүү дэмжих зэрэг зарчмыг баримтлах аж.

ПОС төхөөрөмжийн орлого барьцаалсан зээлийг онлайнаар аваарай

khulan — Wed, 15 Feb 2023 12:44:36 +0800

Бизнес эрхлэгч танд богино хугацааны эргэлтийн хөрөнгө, үйл ажиллагааны санхүүжилт хэрэгтэй болсон уу? ХААН Банкны харилцагч та ПОС төхөөрөмжөө сүүлийн 6 сарын турш ашиглаж байгаа бол богино хугацаат эргэлтийн хөрөнгө болон үйл ажиллагааны зардлаа санхүүжүүлэхэд шаардлагатай ПОС-ын орлого барьцаалсан зээлийг хүссэн үедээ онлайнаар авах боломжийг бид бүрдүүлээд байна.

Хэрэв та Khan Bank аппликэйшн эсвэл Интернэт банк үйлчилгээ ашигладаг л бол зээлийн хүсэлт, тооцоолол, гэрээ байгуулах бүх үйлдлийг зайнаас авах боломжтойгоос гадна зээлийн ашиглаагүй үлдэгдэлд хүү тооцохгүй гэдгээрээ давуу талтай юм. ПОС төхөөрөмжийн орлого барьцаалсан зээлийн талаар дэлгэрэнгүй мэдээллийг ЭНД дарж авна уу.

ХААН Банк харилцагчдынхаа хэрэгцээ шаардлагад нийцүүлэн ухаалаг, амар хялбар үйлчилгээ санал болгож, зайнаас авах боломжтой цахим бүтээгдэхүүнүүдийг шат дараатай нэвтрүүлэн цахим банкны үйлчилгээгээр салбартаа тэргүүлэн ажиллаж буй билээ. Бүтээгдэхүүн үйлчилгээнүүдээ ийнхүү цахимжуулснаар харилцагчид болоод ажилтнуудынхаа цагийг хэмнээд зогсохгүй, эрчим хүч, ус, цаасны хэрэглээг бууруулах зэргээр тогтвортой хөгжилд мөн хувь нэмрээ оруулж буй.

Хамтын өсөлт төгөлдөр - ХААН Банк

Сурвалжлага: 'Найман шарга'-ын хөл хөдөлгөөн нэмэгдэж, юань 507 төгрөгт хүрчээ

zulaa — Mon, 09 Jan 2023 10:32:29 +0800

Гурван жилийн дараа БНХАУ хилээ нээж, Эрээн-Замын-Үүд боомт энэ сарын 8-наас Монгол, Хятадын зорчигч тээврийн хөдөлгөөнийг

Дансны хуулга, тодорхойлолтоо блокчэйн сүлжээг ашиглан авах боломжтой боллоо

zulaa — Mon, 28 Nov 2022 16:05:41 +0800

Хувь хүн болон байгууллага нь өмч хөрөнгө болон эзэмшиж буй банкны данстай холбоотой мэдээллээ өөрөө удирдах, мэдээллийн үнэн зөв, өөрчлөгдөөгүй байдлыг нотлох шаардлагатай тохиолдол их гардаг. Харин Голомт банк банкны салбарт анх удаа дижитал шилжилтийн гол технологиудын нэг болох блокчэйн технологийг ашиглан уг баталгаажуулалтыг түргэн шуурхай хийх боломжийг харилцагчдадаа олгож байна.

Энэхүү үйлчилгээг ашигласнаар харилцагчид дансны хуулга, зээлийн үлдэгдэлтэй эсэхийг нотолсон тамгатай тодорхойлолтоо заавал салбараар үйлчлүүлж авах шаардлагагүй, ердөө л “Интернэт банк”-аа ашиглан блокчэйн сүлжээнд бүртгүүлээд татаж авах юм. Үүний дараа таны дансны хуулгыг шаардсан байгууллага нь Notly үйлчилгээний вэбсайт эсвэл аппликэйшнийг ашиглан үнэн зөвийг баталгаажуулахад л хангалттай.

Интернэт банк ашиглан дансны хуулга баталгаажуулах заавар:

www.egolomt.mn вэбсайтад нэвтэрнэ. /Бүртгэлгүй харилцагч бол шинээр бүртгүүлнэ/

“Данс” хэсгээс дансны хуулгаа татаж аван, файлыг шаардлагатай байгууллагат илгээнэ.

Хуулга шаардсан байгууллага нь www.notly.mn вэбсайтад таны дансны хуулгын файлыг оруулж, үнэн зөв эсэхийг шалгана.

Notly үйлчилгээний талаар: Үндэсний хосолсон блокчэйн сүлжээ “ТЕО”-д суурилан хөгжүүлсэн баталгаажуулалтын платформ бөгөөд олон нийт нээлттэй ашиглах боломжтой юм. ТЕО блокчэйн нь Эфэриум Виртуал Машиныг (EVM) дэмждэг, ухаалаг гэрээ, NFT зэргийг үүсгэх боломжтой, эрчим хүч бага зарцуулдаг Proof-of-stake концесс алгоритмаар гүйлгээг баталгаажуулдгаараа онцлогтой. Уг сүлжээ нь Монголын анхны нийтийн блокчэйн сүлжээ бөгөөд төрөл бүрийн систем хооронд ил тод, нээлттэй мэдээлэл солилцох, үнэн зөвийг баталгаажуулах суурь дэд бүтэц болж, Монгол үндэстэн дамнасан блокчэйн экосистемийг бүрдүүлэх зорилготой ажиллаж байна.

Notly.mn веб сайт: https://notly.mn/

Notly аппликэйшн татах:

Android: https://play.google.com/store/apps/details?id=mn.corex.notly&pli=1

iOS: https://apps.apple.com/mn/app/notly-mn/id6443554928

С.Ган-Эрдэнэ: Голомт банкны хувьцаа эзэмшигч болох 14 мянга орчим захиалга ирээд байна

zulaa — Mon, 28 Nov 2022 13:57:22 +0800

Голомт банк нь нийт 103.3 тэрбум төгрөгийн хөрөнгө оруулалтыг олон нийтээс татан төвлөрүүлэхээр 80,402,743 ширхэг хувьцааг, нэгжийн үнийг нь 1,285 санал болгоод байна. Хувьцааны анхдагч зах зээлийн захиалга энэ сарын 30-ны өдрийн 17:00 цаг хүртэл үргэлжлэх бөгөөд одоогоор захиалгын хэмжээ нийт татан төвлөрүүлэх дүнгээс хэдийн даваад байгаа юм.

Иймд андеррайтераар ажиллаж буй Голомт Капитал ҮЦК-ийн гүйцэтгэх захирал С.Ган-Эрдэнээс хөрөнгө оруулагчдаас тавьж буй голлох асуултад хариулт авлаа.

Голомт банкны хувьцааны анхдагч зах зээлийн арилжаа эхэлснээс хойш ганцхан цагийн дотор 105 тэрбум төгрөгийг олон нийтээс татан төвлөрүүлсэн нь хөрөнгийн зах зээлийн түүхэнд тэмдэглэгдэхүйц үйл явдал боллоо. Та бүхний хүлээлт хэр байсан бэ?

Голомт банкны хувьд Монголын хөрөнгийн зах зээлийн түүхэнд анх удаа 100 гаруй тэрбум төгрөгийн IPO хийж байгаа компани гэдгээрээ хөрөнгө оруулагчдын дунд маш их хүлээлт үүсгээд байсан. Тэр ч утгаараа Road show эхэлсэн өдрөөс буюу урьдчилсан захиалга нээгдэхэд л татан төвлөрүүлэх хэмжээнээс давсан захиалга ирсэн юм. Урьдчилсан захиалгын хугацаанд мэдрэгдсэн тэр их эрэлт анхдагч зах зээлийн нээлтийн өдөр дахин батлагдаж, асар богино хугацаанд 100 гаруй тэрбум төгрөгийг олон нийтээс татан төвлөрүүлж чадлаа. Товчоор хэлбэл, Голомт банкны IPO нь Монголын хөрөнгийн зах зээлийн түүхэнд хамгийн том дүнтэй IPO болон хамгийн богино хугацаанд 100 гаруй тэрбум төгрөгийг олон нийтээс татан төвлөрүүлсэн гэх хоёр том амжилтыг бичиж үлдээлээ.

Иргэдийн хувьд захиалга давж биелснээр IPO хаагдлаа гэж ойлгоод байна?

Захиалга давж биелсэн гэдэг нь IPO үүгээр дууссан гэсэн үг биш. Хөрөнгө оруулагчдаас захиалга авах хугацаа 11-р сарын 30-ны 17:00 цаг хүртэл үргэлжилнэ. Өөрөөр хэлбэл нийт захиалгын дүн хэд байхаас шалтгаалан хувь тэнцүүлэх зарчмаар хуваарилалт хийгдэх юм. Өөрөөр хэлбэл захиалга өгсөн хүн бүр хувьцаагаа авах болно.

Гэхдээ иргэд нэг зүйлийг санах хэрэгтэй. Үнэт цаас нээгдэхэд 1 хоногийн хугацаа шаарддаг тул хугацааг нь тулгаж, дансаа нээж захиалга өгөхөд асуудал үүсэх магадлалтай. Тиймээс хувьцааны захиалгаа 2022 оны 11 сарын 30-наас өмнө өгвөл ямар нэгэн асуудал үүсэхгүй юм.

Хувь тэнцүүлэх зарчмын талаар тайлбарлаж өгөхгүй юу. Хөрөнгө оруулагч хамгийн багадаа хэдэн ширхэг хувьцаа авах боломжтой вэ?

Голомт банкны IPO-ийн 80 хувийг стратегийн буюу илүү урт хугацааны хөрөнгө оруулагчдад санал болгож байгаа. Үлдсэн 20 хувийг жижиглэнгийн хөрөнгө оруулагчдад санал болгож байгаа юм. Хувь тэнцүүлэх зарчим нь стратегийн бус хөрөнгө оруулагчдад хамааралтай бөгөөд жижиглэнгийн захиалга авах дүнгээс хэр хэмжээгээр давахаас хамаарч хувь тэнцүүлэх аргаар хувьцааг тэгш хуваарилна. Жишээлбэл, нийт 140 тэрбум төгрөгийн захиалга ирлээ гэж тооцоход олон нийтийн захиалга ойролцоогоор 30 хувиар биелнэ. Өөрөөр хэлбэл 10 сая төгрөгийн захиалга өгсөн хөрөнгө оруулагч ойролцоогоор 3.3 сая төгрөгтэй тэнцэх хэмжээний хувьцааг анхдагч зах зээлээс авна гэсэн үг. Харин, хувь тэнцэж ногдсон хувьцааныхаа тоо хэмжээг нэмэгдүүлэх сонирхолтой хөрөнгө оруулагчид маань хоёрдогч зах зээлээс нэмж хувьцаа худалдан авах бүрэн боломжтой.

Голомт банкны хувьцаанд хөрөнгө оруулахад ямар нэг хязгаарлалт байхгүй. Нэг ширхэг хувьцааг ч захиалах боломжтой. Анхдагч зах зээлд оролцогчдын хувьд 10 ширхэг хүртэлх хувьцааны захиалгыг шууд биелүүлэх юм. Өөрөөр хэлбэл 12,850 төгрөг хүртэлх захиалга 100 хувь биелнэ. Энэ нь хүртээмжийг нэмэгдүүлэх үүднээс буюу илүү олон хүн Голомт банкны хувьцаа эзэмшигч болох боломжийг олгож буйтай холбоотой.

Хоёрдогч зах зээлийн арилжаа хэзээ нээгдэх вэ?

Хоёрдогч зах зээлийн арилжааг нээхийн өмнө анхдагч зах зээлийн арилжаагаа амжилттай хааж, хуваарилалтаа хийж дуусгах шаардлагатай байдаг. Анхдагч зах зээлийн арилжааны захиалга 11-р сарын 30 хүртэл явагдаж татан төвлөрүүлэх дүнгээс хэдэн хувь давж биелснээс хамаарч хувь тэнцүүлэлтийг хийнэ. Өнөөдрийн байдлаар 14 мянга орчим хөрөнгө оруулагчаас захиалга ирээд байна. Харилцагч нэг бүрийн үнэт цаасны дансанд хувьцааг байршуулж дууссаны дараа Монголын хөрөнгийн биржээс зөвшөөрөл олгосноор хоёрдогч зах зээлийн арилжаа эхлэх болно. Хөрөнгө оруулагчдадаа зөвлөхөд, үлдэж байгаа хугацаанд өөрийн бүртгэлээ шалгаж, мэдээллээ шинэчлэх нь хоёрдогч зах зээлийн арилжааг эрт нээхэд чухал нөлөөтэй.

Голомт банкны хувьцааны захиалгаа хэрхэн өгөхөө мэдэхгүй байгаа хүмүүс хаашаа хандах вэ?

Голомт Банкны IPO-д оролцох маш олон боломж, ухаалаг шийдэл бий. Голомт банкны IPO-д хамгийн хялбараар оролцох боломж бол https://trader.golomtcapital.com/mn/public/golomtbankipo хаягаар хандаад дансаа нээж, захиалга өгөх юм. Мөн манай компанийн онлайн арилжааны www.trader.golomtcapital.com систем болон гар утасны Golomt Capital аппликэйшнийг ашиглахыг зөвлөж байна.

Голомт банкны харилцагчдын хувьд www.egolomt.mn, SocialPay аппликэйшнийг ашиглаж болно. Мөн Голомт Капитал компанийн байранд ирээд дансаа үнэгүй нээлгээд, хувьцаагаа захиалах боломжтой. Манай компанийн хувьд олон хүнийг Голомт банкны хувьцаа эзэмшигч болоосой гэсэн үүднээс хамгийн бага буюу 0.56 хувийн шимтгэлтэйгээр үйлчилж байна.

Мөн та хувьцааны талаарх дэлгэрэнгүй мэдээллийг www.ipo.golomtbank.com вэбсайтаас авахаас гадна Голомт банкны 1800-1646 болон Голомт Капитал компанийн 7012-1530 дугаарын утсанд холбогдож авах боломжтой.

Баярлалаа. Та бүхний ажилд амжилт хүсье.

С.Ган-Эрдэнэ: Голомт банкны хувьцаа өндөр эрэлттэй байна

zulaa — Tue, 22 Nov 2022 17:02:30 +0800

Голомт банк нийт хувьцааныхаа 10.09 хувьтай тэнцэх хэмжээний хувьцааг нэгжийг нь 1285 төгрөгөөр олон нийтэд санал болгож нийт 103.3 тэрбум төгрөгийг татан төвлөрүүлэхээр ажиллаж байна.

Энэ нь Монголын хөрөнгийн зах зээлд өнөөдрийг хүртэл гарсан хамгийн том дүнтэй IPO болж байгаа юм. Голомт банкийг олон нийтэд хувьцаагаа санал болгоход нь андеррайтераар ажиллаж буй Голомт капитал ҮЦК ХХК-ийн Гүйцэтгэх захирал С.Ган-Эрдэнэтэй тус IPO-ын талаар ярилцлаа.

Голомт банк нь Монголын хөрөнгийн зах зээлийн түүхэнд урьд өмнө гарч байгаагүй том дүнтэй IPO-г хийж байна. Энэ хэрээр Монголын хөрөнгийн зах зээл тэлэх нь тодорхой юм?

Тийм шүү. Голомт банк IPO хийснээр МХБ-д бүртгэлтэй компаниудын нийт зах зээлийн үнэлгээ 20 орчим хувиар буюу 1 их наяд төгрөгөөр нэмэгдэнэ. Системийн ач холбогдол бүхий таван банк IPO хийж дуусахад хувьцаат компаниудын зах зээлийн үнэлгээ 10 их наяд төгрөгт хүрч хоёр дахин нэмэгдэнэ гэсэн хүлээлттэй байна.

Өөрөөр хэлбэл, банкнууд IPO хийснээр Монголын хөрөнгийн зах зээлийн тэлэлтийн шинэ түүхийг бичиж байна гэж хэлж болно.

Хөрөнгө оруулагчид тухайн компанийнхаа ирээдүйн ашиг, санхүүгийн өсөлтөд хөрөнгө оруулдаг. Иргэдийн хувьд ч банкны салбарын ирээдүйд итгэл төгс байх шиг байна. Андеррайтер компанийн хувьд Голомт банкны ирээдүйг юу гэж харж байна вэ?

Монгол Улсын банкны салбар нь бусад салбартайгаа харьцуулахад өндөр өсөлттэй байдаг. Тоогоор илэрхийлбэл, сүүлийн 10 жилд банкны салбарын нийт актив хөрөнгө 6.6 дахин өсөж 41 их наяд төгрөгт хүрсэн.

Үүнийг манай улсын нийт эдийн засгийн өсөлттэй харьцуулахад 1.5 дахин хурдтай байна гэсэн үг юм. Тэр дундаас Голомт банкны өсөлтийг авч үзвэл 2017 онд нийт хөрөнгийн хэмжээ нь 5.2 их наяд төгрөг байсан 2021 оны байдлаар 8 их наяд төгрөгт хүрсэн.

Он гарснаас хойш буюу 2022 оны гуравдугаар улирлын байдлаар 8.5 их наяд төгрөгт хүрсэн нь тогтвортой, амжилттай өсөлттэй явааг илтгэж байгаа юм. Банкны салбарын энэ хурдацтай тэлэлт, өсөлт нь цаашдаа ч үргэлжлэх болно.

Өнөөдөр банкны салбарын нийт активын хэмжээ нь Монгол Улсын ДНБ-ний 95 хувьтай тэнцэж байна. БНХАУ гэх мэт Азийн хөгжиж буй бусад улсад энэ харьцаа 200-300 хувь байдаг. Тэгэхээр, манай улсын банкны салбарт өсөх, тэлэх асар том орон зай бий. Иргэд Голомт банкны хувьцааны өгөөж, ногдол ашгийн хэмжээг ихээхэн сонирхож байна?

Голомт банк ногдол ашгийнхаа бодлогыг үнэт цаасны танилцуулгадаа маш тодорхой бичсэн. Өөрөөр хэлбэл, дунд хугацаанд буюу 2024-2025 оноос ногдол ашиг тарааж эхлэнэ.

Голомт банк 103 тэрбум төгрөгийн IPO хийснээр банкны харьцаа үзүүлэлтэд маш их эерэг нөлөө гарах юм. Тухайлбал, өөрийн хөрөнгө нэмэгдсэнээр 800 тэрбум төгрөгийн зээл гаргах боломж бүрдэнэ.

Иргэд, ААН-үүдэд олгох зээлийн хэмжээ нэмэгдсэнээр тухайн салбартаа эерэг үр дүн авчирна. Улмаар Монгол Улсын эдийн засаг идэвхжих юм. Мэдээж, зээл олголтыг дагаад банкны ашиг нэмэгдэх болно.

Тийм ч учраас Голомт Капиталын зүгээс харилцагчдадаа ногдол ашгаас хүртэх өгөөжөө урт хугацаанд харж, хөрөнгө оруулах хэрэгтэйг байнга зөвлөж байгаа.

Андеррайтеруудын зүгээс Голомт банкны хувьцаа нь урт хугацаандаа үнэ цэнтэй, өндөр өсөлттэй хөрөнгө оруулалт болно гэдэгт итгэл төгс байна. Мөн хөрөнгө оруулагчдын хувьд хувьцааны арилжааны ханшийн өөрчлөлтөөс ашиг хийх боломж бий.

Учир нь банкны салбар бол дэлхийн жишигт ч хамгийн бага ханшийн савлагаатай, ногдол ашиг нь ч харьцангуй тогтвортой, хувьцааны ханш нь алгуур өсөх хандлагатай байдгаараа онцлотой юм.

Энэ ч утгаараа олон нийтэд санал болгож байгаа хувьцааны 80 хувийг стратегийн буюу урт хугацаанд хувьцаагаа хадгалах хөрөнгө оруулагчдад санал болгож байна.

Голомт банк IPO хийх зөвшөөрлөө авснаас хойш хөрөнгийн зах зээл “буцалж” байна. Одоогоор урьдчилсан захиалгын явц ямар байна вэ? Андеррайтерийн хувьд IPO хэр амжилттай болно гэсэн хүлээлттэй байна вэ?

IPO хийсний дараах Голомт банкны өөрийн хөрөнгөтэй нь IPO-ын үнэлгээг харьцуулсан P/B харьцаа нь 1.15Х байгаа юм. МХБ-ийн Топ-20 компанийн хувьд энэ харьцаа 2021 оны төгсгөлөөр 3.05Х байсан бол Азийн бусад хөгжиж буй орнуудын банкнуудынх 1.1-2.6Х байна.

Өөрөөр хэлбэл, Голомт банкны шинэ хөрөнгө оруулагчид одоогийн хувьцаа эзэмшигчидтэй ойролцоо үнээр буюу харьцангуй хямдаар хувьцаа эзэмших боломжтой.

Энэ боломжийг зах зээл маш мэдрэг хүлээн авч байна. Road show буюу албан ёсны сурталчилгаа эхэлсэн эхний өдөртөө л урьдчилсан захиалга 100 хувь даваад байна. Энэ нь Голомт банкны хувьцаа өндөр эрэлттэй байгааг харуулж байгаа юм.

Тэгэхээр, захиалга давж биелэх нь тодорхой боллоо. Тиймээс стратегийн бус хөрөнгө оруулагчдад хувь тэнцүүлэх зарчмаар хуваарилалт хийх тул захиалга нь 100 хувь биелэх боломжгүй гэдгийг мэдэж байх нь чухал юм. Одоогоор ямар хэмжээгээр хувь тэнцүүлэх вэ гэдгийг хэлэхэд арай эрт байна.

Тэгэхээр бүх захиалга биелэхгүй байх магадлалтай, хувьцаагүй үлдэнэ гэсэн үг үү. Хувь тэнцүүлнэ гэдгийг тайлбарлаж өгөөч?

Тэгэхээр захиалга хэр давахаас хамаарч хувь тэнцүүлэх агаар хувьцааг хөрөнгө оруулагчдад тэгш хувиарлах юм.

Жишээлбэл, нийт 140 тэрбум төгрөгийн захиалга ирлээ гэж тооцоход олон нийтийн захиалга ойролцоогоор 30 хувиар биелнэ. Өөрөөр хэлбэл 10 сая төгрөгийн захиалга өгсөн хөрөнгө оруулагч ойролцоогоор 3.3 сая төгрөгтэй тэнцэх хэмжээний хувьцааг анхдагч зах зээлээс авна гэсэн үг.

Гэхдээ хөрөнгө оруулагчдын хувьд хоёрдогч зах зээл дээрээс нэмж хувьцаа худалдан авах, анхдагч зах зээлээс авсан хувьцаагаа зарах бүрэн боломж бий.

Компанийн засаглалын хувьд IPO хийсний дараа Голомт банкны хувьцаа эзэмшигчдийн эзэмшил болон бүтцэд ямар өөрчлөлт гарах бол?

Голомт банк нь үүсэн байгуулагдсан цагаасаа жижиг хувьцаа эзэмшигчдийнхээ эрх ашгийг хамгаалж, засаглал дахь оролцоог нь чухалчилж ирснийг онцлох хэрэгтэй. Одоогоор Голомт банкны 13 хувийг жижиг хувьцаа эзэмшигчид эзэмшдэг бөгөөд ТУЗ-ийн бүрэлдэхүүнд 2 төлөөлөл нь бий.

IPO хийгдсэний дараа жижиг хувьцаа эзэмшигчдийн эзлэх дүн 20 гаруй хувь болж өснө. Банкны тухай хуулинд зааснаар ирээдүйд нэг хувьцаа эзэмшигч банкны 20 хүртэлх хувийг эзэмшдэг болно.

Тэгэхээр цаашид хуулийн хүрээнд хувьцааны төвлөрөл багасах болно. Энэ нь зөвхөн банкнуудын гэлтгүй Монголын бизнесийн салбарт засаглалын тогтвортой, эрүүл жишиг болж, эерэг нөлөө үзүүлнэ гэдэгт итгэлтэй байна.

Банкны салбар нь өдөр бүр тайлан гаргаж Монголбанканд хянуулдаг хариуцлага өндөртэй бизнес. Үүнээс гадна Голомт банк жил бүр дэлхийн топ 4-т багтдаг шилдэг аудитын компаниудаар аудит хийлгэдэг. IPO хийснээр хувьцаа эзэмшигчид давхар хяналтаа тогтооно зэрэг өндөр ач холбогдолтой юм.

Голомт банкны IPO үндсэн захиалга авах хугацаа ойртож байна. Үндсэн, болон урьдчилсан захиалгаа хэрхэн өгөхөө мэдэхгүй байгаа хүмүүс хаашаа хандах вэ?

Мэдээллийн технологийн ололт амжилтуудыг хөрөнгийн зах зээлд нэвтрүүлснээр хөрөнгө оруулалт хийх нь өдрөөс өдөрт хялбархан, ухаалаг болж байна.

Бидний хувьд Монголын хамгийн анхны онлайн арилжааны системийг нэвтрүүлж байсан туршлагатай. Тиймээс улам сайжруулж хөгжүүлсэн онлайн арилжааны www.trader.golomtcapital.com сайт болон гар утасны Golomt Capital аппликэйшнээрээ иргэдэд үйлчилж байна. Харилцагчид маань шууд эдгээр платформоо ашиглаад захиалгаа өгөх боломжтой.

Мөн www.egolomt.mn, Social Pay аппликэйшн, Голомт Капитал компанийн байранд ирээд дансаа үнэгүй нээлгээд, хувьцаагаа захиалах боломжтой.

Манай компанийн хувьд илүү олон хүнийг Голомт банкны хувьцааг эзэмшигч болоосой гэсэн үүднээс хамгийн бага буюу 0.56 хувийн шимтгэлтэйгээр үйлчилж байгаагаа дуулгахдаа баяртай байна.

Баярлалаа. Та бүхний ажилд амжилт хүсье.

Өрхийн зарлага орлогоосоо 15.3 мянган төгрөгөөр давжээ

zulaa — Wed, 07 Sep 2022 10:49:43 +0800

Өрхийн зарлага орлогоосоо 15.3 мянган төгрөгөөр давжээ. Бодит орлого 2022 оны байдлаар бага зэрэг буурсан байна.

2022 оны хоёрдугаар улирлын байдлаар нэг өрх дунджаар 1,787,000 төгрөгийн орлоготой байгаа. Харин зардлын хувьд 1,811,000 төгрөг байна. Бодит зардал өсөж, орлого буурсан гэдгийг Банк санхүүгийн академийн гүйцэтгэх захирал Г.Бумчимэг танилцууллаа.

Харин төсвийн тэнцэл өмнөх оныхтой харьцуулахад ашигтай гарчээ. Төсвийн орлого бүрдүүлэлт дотоодын нийт бүтээгдэхүүний 35 хувьтай тэнцэхээр байгаа бол зардал мөн адил байгаа аж.

“E-Mongolia”-гаар НДШ-ийн 50 хувийг буцаах дансны дугаар солих, засах боломжтой боллоо

nomun — Tue, 30 Aug 2022 12:05:43 +0800

УИХ-ын шийдвэрийн дагуу нэг сая төгрөг ба түүнээс доош цалин хөлс, орлоготой иргэд нийгмийн даатгалын шимтгэлийнхээ өөрөө хариуцан төлсөн 50 хувийг буцаан авч байгаа. Тэгвэл энэхүү үйлчилгээ цахимжиж, e-mongolia системд орсон байна. Тодруулбал, иргэн “e-mongolia” системээр дамжуулан “Нийгмийн даатгалын шимтгэлийн 50 хувийн буцаан олголт авах дансны дугаараа холбох, засах” боломжтой болжээ.

Энэхүү үйлчилгээг www.e-mongolia.mn вебсайт болон гар утасны аппликейшнээс шууд авах боломжтой.

ҮЙЛЧИЛГЭЭ АВАХ ЗААВАР:

-e-mongolia.mn эсвэл гар утасны аппликейшн рүү нэвтрэх

-Үйлчилгээнүүд цэсээс НИЙГМИЙН ХАМГААЛАЛ гэсэн үйлчилгээг сонгох

-Нийгмийн хамгаалал үйлчилгээнээс ДААТГАЛ гэсэн цэсийг сонгоно

-Даатгал цэсээс Нийгмийн даатгалын шимтгэлийн 50 хувийн буцаан олголт авах дансны дугаар холбох, засах гэсэн үйлчилгээг сонгож, тус үйлчилгээг цахимаар шууд авах боломжтой юм.

-“e-Mongolia” системээс өнөөдрийн байдлаар 63 байгууллагын 687 үйлчилгээ, 21 аймгийн 1284 үйлчилгээ нэгтгэгдээд байгаа бөгөөд давхардсан тоогоор 14 сая гаруй үйлчилгээг амжилттай авсан байна.

Боловсролын зээлийн сангаас буцалтгүй тусламжаар ЗЭЭЛ авах нөхцөл

nomun — Tue, 16 Aug 2022 09:29:29 +0800

Монгол Улсын Засгийн газрын 2021 оны 264 дүгээр тогтоолын хүрээнд Монгол Улсын дээд боловсролын сургалтын байгууллагын диплом, бакалавр, магистр, докторын боловсрол эзэмших өдрийн ангид суралцаж байгаа Монгол улсын иргэнд сургалтын төлбөрийн буцалтгүй тусламж, тэтгэлгийг Боловсролын зээлийн сангаар дамжуулан олгоно.

Буцалтгүй тусламжаар хамрагдах нөхцөл:

1 Хөгжлийн бэрхшээлтэй суралцагч Өөрөө хөгжлийн бэрхшээлтэй Бакалавр, магистр, доктор 2.0 дээш

2 Эцэг эх нь хоёулаа хөгжлийн бэрхшээлтэй суралцагч Эцэг, эх нь хоёулаа хөгжлийн бэрхшээлтэй Бакалавр 2.0 дээш

3 Хөдөлмөрийн чадвараа бүрэн алдсан гишүүнтэй өрхийн бакалаврын хөтөлбөрийн нэг суралцагч Өрхөөс 1 оюутан Бакалавр 2.0 дээш

Бүрдүүлэх материалын жагсаалт:

Сургалтын төлбөрийн буцалтгүй тусламжид хамрагдах шаардлага хангасан суралцагч сургуульдаа дараах бичиг баримтыг бүрдүүлж хамрагдана.

1. Бакалавр, магистр, докторын хөтөлбөрийн хөгжлийн бэрхшээлтэй суралцагч:

• Өргөдөл

• Төрсний гэрчилгээ

• Элсэлтийн ерөнхий шалгалтын батламж

• Дээд боловсролын мэдээллийн системд бүртгэлтэй байх

• Сургуулийн голч дүнг тусгасан тодорхойлолт

• Суралцагчийн иргэний үнэмлэхийн хуулбар

• Баг, сум /хороо, дүүрэг/-ын засаг даргын буцалтгүй тусламжийн заалтаар тодорхойлсон дэмжих тодорхойлолт

• Суралцагч өөрөө хөгжлийн бэрхшээлтэй бол хувь тогтоосон акт

2. Эцэг, эх нь хоёулаа хөгжлийн бэрхшээлтэй бакалаврын хөтөлбөрийн нэг суралцагч:

• Өргөдөл

• Төрсний гэрчилгээ

• Элсэлтийн ерөнхий шалгалтын батламж

• Дээд боловсролын мэдээллийн системд бүртгэлтэй байх

• Сургуулийн голч дүнг тусгасан тодорхойлолт

• Эцэг эх, асран хамгаалагчийн болон суралцагчийн иргэний үнэмлэхийн хуулбар

• Баг, сум /хороо, дүүрэг/-ын засаг даргын буцалтгүй тусламжийн заалтаар тодорхойлсон дэмжих тодорхойлолт

• Эцэг, эх нь хоёулаа хөгжлийн бэрхшээлтэй бол эцэг, эхийн хувь тогтоосон акт

3. Хөдөлмөрийн чадвараа бүрэн алдсан гишүүнтэй өрхийн бакалаврын хөтөлбөрийн нэг суралцагч:

• Өргөдөл

• Суралцагчийн болон хөдөлмөрийн чадвар алдсан ах эгч, дүүгийн төрсний гэрчилгээ

• Элсэлтийн ерөнхий шалгалтын батламж

• Дээд боловсролын мэдээллийн системд бүртгэлтэй байх

• Сургуулийн голч дүнг тусгасан тодорхойлолт

• Эцэг эх, асран хамгаалагч, хөдөлмөрийн чадвар алдсан гишүүний болон суралцагчийн иргэний үнэмлэхийн хуулбар

• Баг, сум /хороо, дүүрэг/-ын засаг даргын буцалтгүй тусламжийн заалтаар тодорхойлсон дэмжих тодорхойлолт

• Хөдөлмөрийн чадвараа бүрэн алдсан өрхийн гишүүнтэй бол хөдөлмөрийн чадвараа алдсан гишүүний хувь тогтоосон акт зэргийг бүрдүүлж өөрийн суралцаж буй сургуульдаа өгөх юм байна.16

Илүү дэлгэрэнгүй мэдээллийг Боловсролын зээлийн сан https://elf.gov.mn/%d0%b1%d1%83%d1%86%d0%b0%d0%bb%d1%82…/ хаягаар орж авах боломжтой аж.

Энэ сард олгох халамжийн тэтгэвэр, тэтгэмж, хөнгөлөлт, тусламжийн хуваарь

nomun — Thu, 04 Aug 2022 17:02:56 +0800

Нийгмийн халамжийн тэтгэвэр, тэтгэмж, хөнгөлөлт, тусламжийн 2022 оны 8 дугаар сарын олголтын хуваарийг танилцуулж байна.

НӨАТ-ын буцаан олголтыг өнөөдрөөс шилжүүлж эхэллээ

nomun — Thu, 28 Jul 2022 15:41:28 +0800

2022 оны II улирлын НӨАТ буцаан олголтыг 1.13 сая иргэнд 61.4 тэрбум төгрөгийг өнөөдрөөс шилжүүлж эхлээд байна. Хуулиа биелүүлэн хамтран ажилласан татвар төлөгчиддөө баярлалаа. Иргэд НӨАТ-ын буцаан олголтоор тухайн улиралд худалдан авсан барааны нийт дүнгийн 2%-ийг буцаан авахын зэрэгцээ цахимд системд бүртгүүлсэн баримтаараа сар бүр урамшууллын сугалаанд хамрагддаг байв.

Харин иргэд сугалааг цуцалж, буцаан олголтын хувийг нэмэгдүүлэхийг шаардсаны хариуд Сангийн сайд Б.Жавхлан "НӨАТ-ын сугалааг энэ сараас явуулахаа болино. Сугалаа тодорхой хугацаанд үүргээ гүйцэтгэсэн. НӨАТ-ын буцаан олголтыг хоёр хувь дээр ойрын жилүүдэд барина гэсэн бодлоготой байна" хэмээн 2022 оны дөрөвдүгээр сарын 20-нд мэдэгдэж байв.

ХААН Банк “ТОП-100 аж ахуйн нэгж”-ийн дөрөвдүгээрт эрэмбэлэгдлээ

khulan — Mon, 23 May 2022 17:37:57 +0800

Монгол Улсын Засгийн газар, МҮХАҮТ хамтран жил бүр уламжлал болгон тодруулдаг Монгол Улсын "ТОП 100 аж ахуйн нэгж”-ийн шалгаруулалтад ХААН Банк дөрөвдүгээр байранд эрэмбэлэгдлээ.

Энэхүү нэр хүндтэй шалгаруулалтыг зарласнаас хойш 20 гаруй жилийн турш ХААН Банк тэргүүлэгчдийн эгнээнд тогтмол нэрлэгдэж ирсэн бөгөөд сүүлийн таван жил дараалан эхний дөрөвт шалгараад буй. ХААН Банк нь 2021 онд нийт 227.8 тэрбум төгрөгийг татварт төлж, дэлхий нийтийг хамарсан цар тахлын үед Монгол Улсын төсвийн орлого бүрдүүлэхэд хувь нэмрээ оруулж ажиллалаа.

"ТОП 100 аж ахуйн нэгж”-ийг шалгаруулахдаа ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн таван үзүүлэлтийг чухалчилдаг төдийгүй харьяа яам, холбогдох төр засгийн байгууллагын статистик мэдээлэлд үндэслэдэг. Иймээс ч улсын татварын орлогын дийлэнхийг нуруундаа үүрдэг эдгээр 100 аж ахуйн нэгжийг Монгол Улсын эдийн засгийн гол хөдөлгөгч хүч хэмээн зүй ёсоор нэрлэдэг билээ.

Бид цар тахлын үед харилцагчдадаа банк санхүүгийн үйлчилгээг зайнаас, цахимаар хурдан шуурхай авах боломжийг бүрдүүлж, цахим шилжилтийг түүчээлэн ажиллаж буй төдийгүй жижиг, дунд бизнес эрхлэгчдээ дэмжин, цар тахлын хүнд үеийг хамтдаа даван туулахаар бүх талаар зорьж ажиллалаа. Түүнчлэн банкны үйлчилгээг шуурхай хүргэх, харилцагчийн үйлчилгээг өндөр түвшинд гаргах чиглэлд шат дараалсан ажлуудыг хийж, тогтвортой хөгжилд хувь нэмрээ оруулахыг зорьж буй бөгөөд олон нийтийн санхүүгийн боловсрол, нийгмийн сайн сайханд чиглэсэн цогц төсөл хөтөлбөр хэрэгжүүлж, бусдадаа үлгэр дуурайл болж чадсан нь энэхүү нэр хүндтэй шагналыг хүртэх гол үзүүлэлт болсон гэж үзэж байна.

ХААН Банк энэ оны эхээр брэндийн шинэчлэл хийж, алсын хараа, эрхэм зорилгоо шинэчилсэн төдийгүй хамгийн ойр, хүртээмжтэй банк байгаад зогсохгүй санхүүгийн аяллын алхам бүрд нь харилцагчид, ажилтнуудтайгаа хамтдаа өсөж хөгжих, илүү сайханд тэмүүлэх, бодит өөрчлөлтүүдийг бий болгохоор зорьж буй билээ.

ХААН Банканд итгэл хүлээлгэн хамтран ажилладаг нийт харилцагчид, түншүүддээ баярлалаа.

Хамтын өсөлт төгөлдөр- ХААН Банк

Хүүхдээ хүчирхийлсэн ээж, аавын данс руу хүүхдийн мөнгө шилжүүлэхгүй

nomun — Fri, 22 Apr 2022 11:40:52 +0800

НХХСайд А.Ариунзаяа хүүхдийн хүчирхийлэлд үйлдсэн аав ээжид хүүхдийн мөнгийг нь өгөхгүй байх шийдлийг хэрэгжүүлж байгаа тухай өөрийн цахим хуудсандаа саяхан мэдээллээ. Тэрбээр “Хүүхдээ хүчирхийлсэн ээж, аавын данс руу хүүхдийн мөнгийг шилжүүлэхгүйгээр хүүхдийн хадгаламжийн данс руу шилжүүлэх,эсвэл асран халамжилж буй жишээ нь: эмээ, өвөө, ах эгчид нь шилжүүлэх зохицуулалтыг Хүүхдийн мөнгөний журамд өөрчлөлт оруулан ажиллаж нилээд олон кейсийг амжилттай шийдвэрлэн ажиллаж байна.

Мөн Хүүхдийн мөнгийг барьцаалан зээл олгох, эсвэл зээлд суутган авахыг хориглосон‼️

Тус журмын заалтуудыг анхаарна биз ээ.

https://legalinfo.mn/mn/detail?lawId=16390165378711…

5.2.Нийгмийн халамжийн асуудал хариуцсан төрийн захиргааны байгууллага дараахь тохиолдолд хуримтлалыг мөнгөн хэлбэрээр олгохыг түр зогсоох шийдвэр гаргана:

5.2.1.регистрийн дугаар давхардах болон өөр бусад шалтгаанаар хүүхдийн мөнгөн хуримтлалаас илүү олгогдсон;

5.2.2.эцэг, эх, асран хамгаалагч нь сураггүй алга болсон;

5.2.3.эцэг, эх, асран хамгаалагч нь хүүхдийн эрхийг зөрчсөн, хүүхдээ асран хамгаалах, тэжээн тэтгэх үүргээ үл биелүүлсэн, хүүхдийн эсрэг гэмт хэрэг үйлдсэн талаар хүүхэд, гэр бүлийн хөгжлийн асуудал хариуцсан орон нутгийн байгууллага, эсхүл хүүхдийн эрхийн улсын байцаагчийн дүгнэлт гарсан.

5.3.Энэ журмын 5.2.1-д заасан тохиолдол үүссэн бол дараа сарын мөнгөн олголтоос суутгана.

5.4.Энэ журмын 5.2.2-т заасны дагуу түр зогсоосон тохиолдолд асран хамгаалагч, харгалзан дэмжигч тогтоосон харьяа сум, дүүргийн Засаг даргын захирамжийг үндэслэн хуримтлалыг мөнгөн хэлбэрээр олгохыг түр зогсоосон хугацаанаас тооцож үргэлжлүүлэн олгоно.

5.5.Энэ журмын 5.2.3-т заасны дагуу мөнгөн олголтыг түр зогсоосон тохиолдолд орон нутгийн хүүхэд, гэр бүлийн хөгжлийн асуудал хариуцсан байгууллага, эсхүл хүүхдийн эрхийн улсын байцаагчийн гаргасан дүгнэлтийг үндэслэн хуримтлалыг мөнгөн хэлбэрээр олгохыг түр зогсоосон хугацаанаас тооцож үргэлжлүүлэн олгоно.

ХҮҮХЭД БҮР АЗ ЖАРГАЛТАЙ БАЙГ” гэжээ.

Б.Ирээдүй

Барууны орнууд 800 гаруй хориг арга хэмжээ авчээ

nomun — Mon, 11 Apr 2022 09:43:04 +0800

АНУ-ын эрх баригчид Москвагийн эсрэг хориг арга хэмжээний хүрээнд тус улсын банкууд дахь ОХУ-ын 600 тэрбум ам.долларын гадаад валютын нөөцийг царцаасан. Тэгвэл АНУ-ын Сангийн яам мягмар гарагт ОХУ-ын ам.доллароор илэрхийлэгдэх гадаад бондын эргэн төлөлтийг хориглолоо. ОХУ-ын цэргүүд Украины нийслэл орчмыг орхин гарахдаа Буча хотод олон зуун энгийн иргэнийг хоморголон хөнөөсөн явдлын хариуд Вашингтон ийм арга хэмжээ авсан аж.

АНУ-ын Сангийн яамны хэвлэлийн төлөөлөгчийн мэдээлснээр уг алхам нь ОХУ-ын валютын нөөцийг шавхаж, Кремлийн эрх баригчид Украин дахь дайны ажиллагааг санхүүжүүлэх боломжгүй болгох зорилготой аж. Тэгвэл барууны орнуудын 800 гаруй хориг арга хэмжээнд ороод байгаа ОХУ-ын Төв банк мягмар гарагт 2022 онд дуусгавар болох 552.4 сая ам.долларын гадаад бондын өрийн үндсэн төлбөр, 2042 онд дуусгавар болох гадаад бондын өрийн 84 сая ам.долларын купоны төлбөрийг хийх хуваарьтай байсан юм. Ингэснээр ОХУ төлбөрийн чадамжгүй болж, дефолт болох асуудал дахин хүчтэй яригдаж эхэллээ.

Өөрөөр хэлбэл, Москва одоо бондын эргэн төлөлтөө хийхийн тулд Төв банк дахь гадаад валютын үлдэгдэл нөөцөө шавхах, экспортын орлогоо шууд бондын төлбөрт тушаах гэсэн хоёрхон сонголттой тулгараад байгаа юм. Эс бөгөөс дефолт болж, ОХУ албан ёсоор дампуурах нөхцөл байдал бий болоод байна. АНУ-ын Сангийн яам өмнө нь, барууны орнуудын эдийн засгийн хориг арга хэмжээ ОХУ-ын гадаад валютын нөөц, төлбөрийн чадамжид төдийлөн нөлөө үзүүлж чадаагүй гэж мэдэгдэж байв. Тэгвэл шинэ хориг арга хэмжээ хэрэгжиж эхэлснээр Москва ирэх тавдугаар сарын дундуур гэхэд дефолт болох магадлалтай гэж тооцсон байна.

Эх сурвалж: ӨГЛӨӨНИЙ СОНИН

Та банкан дахь мэдээллээ шинэчилсэн үү?

khulan — Thu, 17 Mar 2022 11:06:19 +0800

Харилцагч банкнаас тань утсаар холбогдож, эсвэл и-мэйл, мессежээр мэдээллээ шинэчлэх тухай танд сануулж байсан уу? Хэрэв тийм бол энэ нь харилцагч таныг санхүүгийн аливаа эрсдэлээс сэргийлэхээр банк өөрийн үүргээ гүйцэтгэж буй хэрэг юм. Энэ сануулгыг үл тоон мэдээллээ шинэчлүүлэхгүй явснаар харилцагч та санхүүгийн эрсдэлд орж болзошгүй юм.

Нөгөөтэйгүүр банкнаас бүтээгдэхүүн, үйлчилгээгээ хэвийн, саадгүйгээр авахын тулд харилцагч та Монгол Улсын Мөнгө угаах болон терроризмыг санхүүжүүлэхтэй тэмцэх тухай хуулийн дагуу өөрийн бүртгэлтэй мэдээллээ тогтмол шинэчлүүлэх үүрэг хүлээсэн байдаг.

Хэрэв таны дор дурдсан мэдээлэл өөрчлөгдсөн, эсвэл танд банкнаас мэдээллээ шинэчлүүлэх тухай сануулсан мессеж очсон бол та өөрт ойр байрлах салбар нэгжид хандан эсвэл Киоск машинаар дамжуулан (Байгууллагын харилцагчийн хувьд заавал салбар нэгжид хандана) заасан хугацааны дотор мэдээллээ шинэчлүүлнэ үү.

Иргэн:

Овог, нэр
Регистрийн дугаар
Иргэншил
Гэрийн хаяг
Ажил эрхлэлт /албан тушаал, ажлын газрын нэр, хаяг/
Гар утасны дугаар
И-мэйл хаяг
Бичиг баримтын хугацаа дууссан бол шинэчлэх

Байгууллага:

Хуулийн этгээдийн нэр, дүрэм
Үйл ажиллагааны чиглэл
Хаяг
Холбоо барих утасны дугаар
И-мэйл хаяг
Улсын бүртгэлийн гэрчилгээн дээрх мэдээлэл
Хуулийн этгээдийг үүсгэн байгуулах бичиг баримт
Эцсийн өмчлөгч, гүйцэтгэх удирдлага, эрх бүхий этгээдүүдийн мэдээлэл, бичиг баримт

Банканд бүртгүүлсэн дараах бичиг баримтын хүчинтэй хугацаа дууссан тохиолдолд:

Хуулийн этгээдийн гэрчилгээ
Тусгай зөвшөөрөл бүхий үйл ажиллагааны тусгай зөвшөөрөл
Эцсийн өмчлөгч, гүйцэтгэх удирдлага, эрх бүхий этгээдүүдийн мэдээлэл, бичиг баримт

Биечлэн мэдээллээ шинэчлүүлэх тохиолдолд дараах бичиг баримтыг бүрдүүлэн, өөрт ойр байрлах салбар нэгжид хандана уу.

Монгол Улсын иргэн:

Иргэний үнэмлэх эсвэл гадаад паспорт (хүчин төгөлдөр)

Гадаад улсын иргэн:

Гадаад паспорт
Оршин суух үнэмлэх

Байгууллага:

Улсын бүртгэлийн ерөнхий газраас олгосон гэрчилгээ
Хуулийн этгээдийн үүсгэн байгуулах бичиг баримт
Эцсийн өмчлөгчдийн бичиг баримт
Гүйцэтгэх захирал, эрх бүхий этгээдийн бичиг баримт
Үйл ажиллагааны чиглэлд нь тусгай зөвшөөрөлтэй бол тухайн тусгай зөвшөөрөл
Шаардлагатай тохиолдолд бусад нэмэлт материал (Байгууллагын төрлөөс шалтгаалан бүрдүүлэх материал өөр тул бүрдүүлэх материалтай ЭНД дарж танилцана уу.)

Киоск машинаар дамжуулан мэдээллээ шинэчлэх бол танд зөвхөн хүчин төгөлдөр иргэний үнэмлэх байхад хангалттай.

Киоск машинаар хувийн мэдээлэл шинэчлэх зааварчилгаатай ЭНД дарж танилцана уу.

Харилцагч та мэдээллээ шинэчилснээр дараах ач холбогдолтой:

Банкны үйлчилгээг цаг алдалгүй түргэн шуурхай, хэвийн авах
Банкнаас гаргаж буй шинэ бүтээгдэхүүн үйлчилгээ, аян, урамшуулал болон бусад лояалти хөтөлбөр, мэдээллүүдийг цаг алдалгүй авах
Онлайн банкны боломжит үйлчилгээг авах
Интернэт банканд бүртгүүлэх
Мобайл банканд бүртгүүлэх, нууц үгийн блок гаргуулах
Телефон банканд бүртгүүлэх
Карт захиалан гэр болон ажлын хаягаараа хүргүүлэн авах зэрэг үйлчилгээг онлайнаар 24/7 авах боломжтой.

Иймд хэрэв банкны ажилтан тантай утсаар холбогдож, эсвэл банкны зүгээс и-мэйл, мессеж, дуут мессежээр тодорхой хугацааны дотор банкны салбар, нэгжид очин мэдээлэл шинэчлэх тухай мэдэгдсэн бол та даруйхан очиж мэдээллээ шинэчлүүлэх шаардлагатай юм. Хэрэв заасан хугацаанд очиж амжаагүй бол таны банкны үйлчилгээг түр хязгаарлах хүртэл арга хэмжээ авдаг болохыг танд сануулъя.

Харилцагч та хэрэв гадаад улсад амьдардаг бол итгэмжлэгдсэн төлөөлөгчөөр дамжуулан банканд бүртгэлтэй мэдээллээ шинэчлүүлэх боломжтой. Ингэхдээ итгэмжлэлд таны ямар мэдээлэл өөрчлөгдсөн болон ямар мэдээллээ шинэчлүүлэх тухайгаа тодорхой дурдаж өгөх шаардлагатай байдаг.

Оросуудад долларыг Хятадын юань, Швейцарийн франк, алтаар сольж болохыг зөвлөжээ

nomun — Mon, 07 Mar 2022 11:47:08 +0800

BCS World of Investments-ийн чинээлэг үйлчлүүлэгчидтэй ажиллах бүс нутгийн сүлжээний захирал Григорий Сосновский "Прайм” агентлагт өгсөн ярилцлагадаа Оросууд одоо доллараас өөр хувилбарыг сонгох ёстой талаар ярьжээ.

Санхүүч Сосновский өнөөдөр оросууд Хятадын юаньд анхаарлаа хандуулах ёстой гэсэн байна. Гэхдээ энэ мөнгөн тэмдэгтийг бэлэн мөнгө болгоход тодорхой хүндрэл гарч болзошгүйг анхаарууллаа. Мэргэжилтний үзэж байгаагаар Оросын зах зээл дээр юань доллар, еврогоос илүү хөрвөх чадвартай байна.

Түүнчлэн Хятадын эдийн засаг Швейцарь шиг төрөлжсөн биш, бас геополитикийн өндөр эрсдэлтэй тул Швейцарийн франк нь урт хугацаанд юаниас илүү тогтвортой байх давуу талтай гэдгийг мөн онцолжээ.

Сосновский мөн биет алт худалдан авах нь ам.долларыг орлох өөр нэг хувилбар болж болно гэсэн байна.

Эх сурвалж: GAZETA

Зөвлөгөө: Хувийн санхүүдээ дэвшүүлэх зорилтууд-2

khulan — Mon, 28 Feb 2022 16:28:47 +0800

Эрүүл мэнд, гэр бүлийн харилцаа, ажил үйлс, мөнгө санхүү зэрэг бидний амьдралын олон талыг хамарсан том, жижиг зорилго тавьж, биелүүлэхийн тулд хүмүүс их, бага хэмжээгээр хичээцгээдэг. Мөнгөө удирдаж, орлого зарлагаа хянаж, хадгаламжтай болж...Өөрчлөгдөж, өмнөхөөсөө илүү сайн байхад тань туслах санхүүгийн зорилтууд, мөн тавьсан зорилтдоо хүрэх аргуудын талаар хуваалцаж байна.

Өмнө нь та бүхэнд санхүүгийн сахилга баттай байж, хувийн санхүүгээ зохистой удирдахын тулд санхүүгээ хянах, зарлагаа эрэмбэлэх, хэмнэх алхмуудыг зөвлөсөн. Харин одоо хадгаламжтай болохын давуу тал, ашиг тусыг хэлүүлэлтгүйгээр мэддэг ч амьдралдаа хэрэгжүүлэлгүй өнөөг хүрсэн бол энэ онд дэвшүүлж буй санхүүгийн зорилтынхоо жагсаалтад "Хадгаламжтай болох” гэж бичээд дараах аргуудыг туршиж үзээрэй.

Хадгалах нь

Цагийн зүүтэй зэрэгцэн ирэх айсуй өөрчлөлт, шинэ тэмүүлэл, зорилтод тань тус болох алхмууд:

Зорих

Юуны тулд, ямар зорилгоор хадгалж буйгаа тодорхойлох. Шинэ байр, машин, аялал, сургалтын төлбөр... гээд таны хүсэж байгаа юу ч байж болно. Хадгаламжийнхаа зориулалтын зургийг, нарийн деталийг, дэлгэрэнгүй мэдээллийг өөртөө зориулан тэмдэглэж, нааж, төсөөлөөрэй. (Тэгэх ч хэрэгтэй гэж зөвлөдөг шүү дээ). Ингэснээр хадгалах зорилго илүү тод, үнэмшилтэй, сэтгэл хөдөлгөм болох бөгөөд өмнөхөөсөө онц ялгаагүй ч байж мэдэх шинэ гар утас авах хүслээ дарахад тань тус болох вий.

Тооцоолох

Зорилтот хадгаламжийнхаа хугацаа, сард хадгалах дүн, бодогдох хүүг урьдчилан тооцоолоод үзээрэй. Өөрөөр хэлбэл, зорилгоо биелүүлэхэд тань хэр хэмжээний мөнгө хэрэгтэй буйгаа тооцоолоод үүнийгээ хэр хугацаанд, хэр хэмжээгээр хуримтлуулахаа бодно гэсэн үг. Илүү амар, илүү цэгцтэй, гол нь биелүүлж болохоор санагдаж байгаа биз?

Хуримтлуулах

Энэ бүхний дараа зорилгодоо зориулан тодорхой хэмжээний мөнгийг тогтмол хугацаанд хуримтлуулна. Тухайлбал, та сарын эхний долоо хоногт төдий хэмжээний мөнгийг хуримтлалдаа нэмэхээр тооцоолж санхүүгээ зохицуулаарай.

Одоо эцэст нь, ганцхан зөвлөмж!

Дээр өгүүлсэн бүхнийг нэг дороос буюу гар утаснаасаа, хүссэн цагтаа, хүссэн газраасаа хийж болно гэвэл итгэх үү? Та "Khanbank” аппликэйшнд шинээр нэмэгдсэн "Миний санхүү”, "Зорилготой хадгаламж” цэсүүдийг ашиглан, санхүүгийн зөв дадлыг өөртөө төлөвшүүлж, шинэ зорилт, зорилго нээн, мөрөөдлөө биелүүлэх боломжтой боллоо.

Зөвлөгөө: Хувийн санхүүдээ дэвшүүлэх зорилтууд-1

khulan — Fri, 25 Feb 2022 16:10:50 +0800

Хувийн санхүүгээ удирдах нь

Энэ ондоо тавьсан зорилтуудын жагсаалтад тань юу ч байж болно. Гэхдээ түүнийгээ биелүүлэх, өөрчлөгдөх, өмнөх оныхоосоо урагшилж, илүү сайжрахад гол нөлөө үзүүлэх зүйл бол санхүү, хувийн санхүүгээ удирдахуй билээ. Одоогоос яг нэг жилийн өмнө дэвтэртээ бичсэнчлэн, "Илүү их орлого олох”, "Илүү хэмнэх”, "Илүү хадгалах” зорилтыг энэ ондоо ч үргэжлүүлж буй бол үүнийхээ оронд "Хувийн санхүүгээ удирдаж сурах” гэсэн ганцхан өгүүлбэрийг биччихэд гэмгүй. Мэдээж ингэж бичээд л биелүүлчихгүйгээ бид сайн мэдэж байгаа. Санхүүгийн сахилга баттай байж, хувийн санхүүгээ зохистой удирдахын тулд юу хийх ёстой вэ?

Хянах

Санхүүгийн хувьд сахилга баттай байж, зөв дадлыг төлөвшүүлэх хамгийн эхний алхам юу вэ? Төсөв хөтлөх. Олсон орлогоо юунд зарцуулж буйгаа анзаарахгүй, хянахгүй бол мөнгөөр гачигдах үе гарна гэдэгт эргэлзэх ч хэрэггүй. Тиймээс олж буй орлого, гарч байгаа зарлагынхаа хэмжээг хянах, харьцуулах нь маш чухал бөгөөд ингэснээр санхүүгийн зөв дадалд хөтлөх удаах алхмуудыг хийх болно.

Эрэмбэлэх

Тодорхой хугацаанд (Нэг, эсвэл зургаан сар) гаргаж буй зарлагаа том зургаар нь харж, эрэмбэлэх. Ингэхийн тулд хөтөлсөн төсвөө мэдээж "сөхөх” хэрэг гарна. Нэг сарын турш та юунд хамгийн их мөнгө зарцуулж, юуг хэрэглэж буйгаа ийнхүү баримжаалснаар хэрэглээ, зарлагаа эрэмбэлж, улмаар хэрэггүй зардлаа танах, хэмнэх алхмуудын талаар бодож эхлэх нь лавтай. Түүнчлэн анхаарал хандуулах, мөнгө зарцуулах зайлшгүй шаардлагатай зүйлсээ ч тодорхойлох шийдвэр гаргахад илүү дөхөм болно.

Хэмнэх

Энэ ондоо илүү хэмнэж, хэмнэснээ том, чухал зорилгодоо зарцуулахаар төлөвлөсөн бол анхаарлаа хандуулаарай. Мэдээж, бид мөнгөө хэрхэн хэмнэх талаар зөвлөгөөтэй хаа сайгүй таарна, тэднээс сонгоно, зарим маань хэмнэж чадна. Заримдаа үгүй.

Хамгийн их үйлчлүүлдэг, байнга бараа, бүтээгдэхүүн худалдаж авдаг газрууддаа төвлөрөөд үзээрэй. Өөрөөр хэлбэл, хүнсээ цуглуулдаг дэлгүүр, үйлчлүүлдэг кофе шопынхоо байнгын үйлчлүүлэгчийн давуу талыг ашиглаж болно. Тэр тусмаа үнэнч үйлчлүүлэгчдээ хямдрал, бэлэг, урамшуулал санал болгодог шүү дээ. Ингэхийн тулд худалдан авалтын тань ихэнх хэсгийг эзэлдэг үйлчилгээний газруудыг олж мэд, дараа нь сонголтоо хийгээрэй.

KHAN BANK аппликэйшнээрээ хувийн санхүүгээ удирдаарай

khulan — Wed, 23 Feb 2022 13:00:21 +0800

Хувийн санхүүгээ зохистой удирдаж, санхүүгийн эерэг дадлыг төлөвшүүлэхэд шаардлагатай мэдээллийг гар утаснаасаа авмаар байна уу? Эсвэл орлого, зарлагаа хянаж эрэмбэлэх, төлбөр, тооцоогоо бүртгэх ажлыг хэн нэгэнд "даатгамаар” санагддаг уу?

Тэгвэл танд туслах Khan Bank аппликейшнд шинээр нэмэгдсэн "Миний санхүү” цэсийг та бүхэнд танилцуулъя:

ХААН Банкны харилцагч та "Миний санхүү” цэсээр сүүлийн 6 сар хүртэлх хугацаан дахь орлого, зарлагын мэдээллээ ангилан харах боломжтойгоос гадна хамгийн их үйлчлүүлсэн байгууллага, гол худалдан авалт зэрэг мэдээллээ хянах боломжтой. Мөн төсөв оруулах, төлөвлөх зэрэг хувийн санхүүгээ удирдахад хэрэгтэй бүхнийг санал болгож байна.

Эдийн засаг уналтаас аажмаар гарч байна гэв

nomun — Wed, 26 Jan 2022 14:56:46 +0800

Монгол Улсын 2021 оны эдийн засгийн өсөлтийн үзүүлэлт хараахан нэгтгэгдэж гараагүй байгаа. Тэгвэл Төв банкны тооцооллоор эдийн засаг 2021 онд 4% орчим, 2022 онд 5.5% хүрч сэргэлт үргэлжлэх төсөөлөлтэй байна. 2020 онд цар тахлаас үүдэлтэй томоохон шок үүсч дотоодын нийт бүтээгдэхүүн 4.6% агшсан байсантай харьцуулахад эдийн засаг 1990-ээд оны шилжилтийн үеэс хойш хамгийн гүнзгий агшсан тэрхүү уналтаасаа аажмаар гарч байна гэсэн үг гэж Төв банкны ерөнхийлөгч тайлбарлалаа. Тэрбээр хэлэхдээ "Үүнд эдийн засгийг тогтворжуулж, сэргээх зорилгоор хэрэгжүүлсэн бодлого чухал нөлөөтэй байсан. Тухайлбал, төгрөгийн ханшийг тогтвортой, зээлийн хүүг бага байлгахад чиглэн хэрэгжүүлсэн бодлогын багц арга хэмжээ, түүнчлэн бизнес эрхлэгчдийг дэмжсэн санхүүжилтийн шинэ хэрэгслүүд, иргэд аж ахуйн нэгжүүдийн санхүүгийн дарамтыг бууруулах зээлийн бүтцийн өөрчлөлт, зээлийн эргэн төлөлтийг хойшлуулсан арга хэмжээг нэрлэж болно.

Түүнчлэн, цар тахлын хямралын үед Төв банк, Засгийн газартай бодлогоо уялдуулсны үр дүн нь макро эдийн засагт ажиглагдаж байгаа нааштай тоонуудаар илэрхийлэгдэж байна. Анх өнгөрсөн оны эхэнд хөтөлбөр хэрэгжүүлэхэд "яаж ажлын байрыг хадгалах вэ?” гэдэг зорилготой байсан бол одоо "ажлын байрыг яаж нэмэгдүүлэх вэ, хөрөнгө оруулалт руу хэрхэн чиглүүлэх вэ?” гэдэг зорилт тавигдаж байна. Хэдийгээр гадаад зах зээл дээр түүхий эдийн үнэ нааштай байсан боловч хилийн хязгаарлалтаас болж эдийн засагт орлогын гол суваг болсон уул уурхайн салбар энэ боломжийг бүрэн ашиглаж чадсангүй. Иймд сэргэлт эмзэг, салбаруудын өсөлт жигд бус хэвээр, цаашид бодлогын дэмжлэг чухал хэвээр байна” гэлээ.

Цалингийн зээлийг цахимаар шуурхай аваарай

zulaa — Fri, 14 Jan 2022 16:24:44 +0800

Зээл авах ийм амар болсон гэж үү? Гэнэтийн санхүүгийн хэрэгцээ гарсан үед, их ажлын хажуугаар банк орж амжихгүй завгүй явахад тань зайнаас авч

Д.Даваажаргал: Банк таны нэвтрэх нэр, нууц үгийг мэдэх аргагүй учраас харилцагчдын мэдээллийг алдана гэсэн ойлголт байхгүй

khulan — Sat, 01 Jan 2022 13:09:59 +0800

Сүүлийн үед иргэд данснаасаа мөнгөө алдсан, цахим гэмт хэргийн хохирогч болсон тохиолдол цөөнгүй бүртгэгдэж байна. Үүнтэй холбоотойгоор банк харилцагчдынхаа мэдээллийн аюулгүй байдлыг хэрхэн хангадаг, иргэд хувийн мэдээллээ хамгаалахын тулд юунд анхаарвал зохих талаар ХААН Банкны Мэдээллийн аюулгүй байдлын газрын захирал Д.Даваажаргалтай ярилцлаа.

-Та Монголын хамгийн олон харилцагчтай банкны Мэдээллийн аюулгүй байдлыг хариуцан ажилладаг. Тиймээс таны ажил олон талаар онцлогтой болов уу. Энэ тухай хуваалцаач?

- Мэдээллийн аюулгүй байдлыг бусад хүчин зүйлээс салгаж, дангаар нь авч үзэж болдоггүй нь манай салбарын онцлог юм. Хүний нөөц, хууль гээд банкны бүхий л үйл ажиллагаатай холбож, уялдуулж байж бүрэн дүүрэн хэрэгждэг. Би анх 2008 онд төслийн мэргэжилтнээр банканд ажилд орж байсан юм. Тэр үед мэдээллийн аюулгүй байдал өнөөдрийнхтэй харьцуулахад маш шинэлэг, хүмүүс тэр бүр ярьдаггүй сэдэв байлаа. Би төсөл дээр ажиллах явцдаа банканд мэдээллийн аюулгүй байдлын тусдаа мэргэжилтэн шаардлагатай гэдгийг ойлгож, анхны аюулгүй байдлын менежерээр ажиллаж эхэлсэн. Тухайн үед ажилтнуудын хандах эрхийн мэдээллийг утсаар лавлаж олгодог байсныг сайжруулан ажилтнууд хандах эрхийн хүсэлт бөглөх, шат шатны баталгаажуулалт хийгдсэний үндсэн дээр эрх олгогдох шинэ процессыг нэвтрүүлснээр Мэдээллийн аюулгүй байдлын ажил маань эхэлж байсан. Мэдээллийн аюулгүй байдал бидний хувьд шинэ зүйл тул бид суралцах шаардлагатай байсан бөгөөд ISO27001 олон улсын стандартыг нэвтрүүлэх саналыг тухайн үед дэвшүүлэн энэ ажлыг эхлүүлж байсан. Ингээд 4 жил бэлтгэл ажил хийсний дараа 2014 онд ISO 27001 стандарт, 2015 онд Төлбөрийн картын аюулгүй байдлын PCI-DSS стандартуудыг Монгол Улсдаа амжилттай нэвтрүүлсэн анхны банк, санхүүгийн байгууллага болсон.Монголын хамгийн олон харилцагчтай тэргүүлэгч банкны хувьд энэ амжилтаа хадгалж, мэдээллийн аюулгүй байдлаа сайжруулсаар байх нь миний ажлын бас нэг онцлог юм уу даа.

Данснаас мөнгөө алдчихлаа гэсэн хэрэглэгчдийн гомдлыг шалгаж үзэхэд эхнэр, нөхөр, хүүхэд зэрэг ойр дотнын хүмүүс нь гүйлгээ хийсэн тохиолдлууд байдаг.

- Монголд гэлтгүй олон улсад ч хүмүүс хувийн мэдээллээ бусдад алдсанаас хохирох нь олширч байна. Цар тахлын үеэр энэ асуудал бүр ч хурцадмал болсон. Энэ төрлийн цахим гэмт хэрэг юунаас болж гарч байна?

- Хуучин бид түрийвч авч явдаг, бэлэн мөнгөтэй харьцдаг байсан бол одоо бүх зүйл онлайн болчихлоо гэдгийг хүмүүс бүрэн дүүрэн ойлгож амжаагүй байна. Харилцагчид банканд ирж, бэлэн мөнгө ашиглахаа болиод бүх мөнгөө компьютер, гар утсаар хянадаг болж байна. Тиймдээ ч таныг мөн гэдгийг гар утасны дугаар, и-мэйл, банкны нэвтрэх нэр, нууц үгээр таньдаг болсон. Үүнийг ухамсарлахгүйгээр мэдээллээ бусдад задруулах, хялбархан мэдэж болох энгийн нууц үг ашигласаар байгаа нь цахим гэмт хэргийн хохирогч болох эрсдэлийг дагуулж байна.

- Харилцагч мэдээллээ хамгаалахын тулд хамгийн түрүүнд юу хийх ёстой вэ. Яаж өөрсдийгөө хамгаалах вэ?

- Юун түрүүнд хувийн мэдээлэл гэж юу вэ гэдгээс эхлээд мэдээллийн аюулгүй байдлын талаарх ойлголтоо гүнзгийрүүлэх хэрэгтэй. Регистрийн дугаар, гар утасны дугаар, картын дугаар, и-мэйл, гэрийн хаяг энэ бүхэн ганцхан та л мэдэж байх ёстой хувийн мэдээлэл юм. Үүнийг бусдад хэлэх, цахим орчинд задлах шаардлагагүй. Өөрөөр хэлбэл, бусдад дэлгэж болох, болохгүй мэдээллийг ялгаж сурах, хувийн мэдээллээ яаж, ямар үед нууцлах вэ гэдгээ мэддэг байх шаардлагатай юм. Өмнө хэлсэнчлэн эдгээр нь таныг мөн гэдгийг батлах, гүйлгээ хийхэд ашигладаг гол мэдээлэл учраас бусад хүн хялбархан мэдэх боломжгүй сайн нууц үг ашиглахыг бид байнга зөвлөдөг. Үүнээс гадна хэрэглэгчийн нэр, нууц үгийг шинэчлэхэд таны утасны дугаар, и-мэйл зайлшгүй шаардлагатай тул и-мэйлийнхээ нууцлалыг хадгалахад мөн анхаарах хэрэгтэй.

Ихэвчлэн 45-аас дээш насныхан и-мэйл, цахим хэрэглээ зэрэгт төдийлэн ач холбогдол өгдөггүй. 10 жилийн өмнө хүүхдээрээ эсвэл гар утас худалдаалдаг хүнээр нээлгүүлсэн и-мэйл хаягаа одоо болтол ашигладаг, нууц үгээ нэг ч удаа солиогүй байх тохиолдлууд байдаг. Энэ мэт нууцлалтай холбоотой асуудал дээр үр хүүхэд, хамаатан саднаараа хаяг нээлгүүлдэг, нууц үгээ хуваалцдаг байж хэрхэвч болохгүй. Данснаас мөнгөө алдчихлаа гэсэн хэрэглэгчдийн гомдлыг шалгаж үзэхэд эхнэр, нөхөр, хүүхэд зэрэг ойр дотнын хүмүүс нь гүйлгээ хийсэн тохиолдлууд байдаг.

-Тэгвэл харилцагчдынхаа мэдээллийг хамгаалахын тулд банк юу хийх ёстой вэ? Энд юу хамгийн чухал вэ?

- Банкны мэдээллийн аюулгүй байдлыг техник технологи, хүн, процесс гэж гурав хуваадаг. Банк техник технологидоо тогтмол хөрөнгө оруулалт хийж, сүүлийн үеийн тоног төхөөрөмжүүдээр шинэчилж байна. Процесс гэдэг нь харилцагчдын болон банкны бүхий л мэдээллийн аюулгүй байдлыг ханган ажиллахад чиглэсэн, нарийн хяналтуудыг тусгасан цогц стандартууд юм. Гурав дахь нь хүн, хүний нөөцтэй холбоотой асуудал. ХААН Банк ажилтнуудаа тогтмол сургаж, чадавхижуулахаас гадна харилцагчдадаа мэдээллийн аюулгүй байдлын мэдлэг, мэдээлэл олгох зорилготой үйл ажиллагааг байнга зохион байгуулж ирсэн. ATM-ийн дэлгэц, вэб сайт, банкны аппликэйшн, сошиал хуудас, харилцагчийн сонин гээд бүх сувгаа ашиглан мэдээллийн аюулгүй байдалтай холбоотой бүх төрлийн мэдээ, мэдээллийг хүргэж байна.

- Сүүлийн үед хүмүүс цахим гэмт хэргийн хохирогч болсоор байна. Яагаад бусад банкны харилцагчид данснаасаа мөнгөө алдсан ийм хэрэг гарахгүй байгаа юм бэ гэдэг асуултыг ч асууж байна. Танай банкны нууцлалын тухайд танаас хариулт сонсох ёстой байх?

- Нэвтрэх нэр, нууц үгээ алдсан хүмүүс банк дотроосоо мэдээллээ алдчихав уу гэж харддаг. Гэтэл банк, банкны ямар ч ажилтан таны мэдээллийг шууд харах боломжгүй юм. Хүн ороод харсан ч тайлж унших боломжгүй тоо, үсэг, цэг хэлбэрээр харилцагчдын хувийн мэдээллийг шифрлэж (encryption) нууцалдаг. Өөрөөр хэлбэл, банк таны нэвтрэх нэр, нууц үгийг шууд хандаж мэдэх аргагүй учраас алдана гэсэн ойлголт байхгүй. Тийм учраас л харилцагчдын хувийн хариуцлага чухал гэдгийг байнга сануулдаг.

- Харилцагчийн хувьд асууя. Сүүлийн үед үүссэн нөхцөл байдалтай холбоотойгоор миний мөнгө аюулгүй эсэхийг би үнэхээр мэдмээр байна?

- Юун түрүүнд ХААН Банк харилцагч ихтэй, салбар, ATM олонтой нь үүнд нөлөөлж байгаа болов уу. Тийм болохоор олон нийтэд зөвхөн ХААН Банкны харилцагчид л мөнгөө алдаад байгаа юм шиг харагдаж байхыг үгүйсгэхгүй. Түүнээс гадна хувийн мэдээллээ таньдаг, дотнын хүндээ алдах, эсвэл огт танихгүй хэн нэгэнд хакердуулахыг ялгаж салгах хэрэгтэй л дээ. Цагдаад бүртгэгдэж буй тохиолдлуудын дийлэнх нь ойр дотнын хүнтэйгээ банкны мэдээллээ хуваалцсан, хялбархан нууц үг ашигласнаас үүдсэн байдаг.

Нэвтрэх нэр, нууц үгээ алдсан хүмүүс банк дотроосоо мэдээллээ алдчихав уу гэж харддаг. Гэтэл банк, банкны ямар ч ажилтан таны мэдээллийг шууд харах боломжгүй юм.

-Тэгвэл хакердуулна гэж яг юуг хэлээд байна вэ?

- Олон улсад олны танил алдартан, чинээлэг хүмүүсийн мөнгийг авахын тулд зохион байгуулалттайгаар олон жилийн өмнөөс судалж, тэр хүний хувийн мэдээллийг цуглуулсны үндсэн дээр мөнгийг залилж авсан тохиолдол цөөнгүй бий. Энэ бол нэг шөнийн дотор хийчихдэг зүйл биш. Тухайн хүнийг 2, 3 жил судалж байгаад нэг удаа орж, бүх мөнгийг нь авахыг хэлээд байгаа юм. Намайг ажиллаж байх хугацаанд манай банканд хакердах хэрэг гарч байгаагүй. Яагаад гэвэл ХААН Банк энэ асуудалд маш нухацтай хандаж, бүх талын хамгаалалтыг хийдэг, сул тал, цоорхой байгаа эсэхийг мэдэхийн тулд банк гаднын мэргэшсэн олон улсын байгууллагуудаар зориудаар тест хийлгэж үздэг.

- Мөнгөө алдсан хүмүүсийн зүгээс мөнгийг нь шилжүүлж авсан дансны дугаар, нэр эзэнтэй тодорхой байхад тэр хүмүүсийг шууд цагдаад хэлээд бариад авч болдоггүй юм уу?

- Бусдын данснаас мөнгө хулгайлж буй этгээд ихэнх тохиолдолд танихгүй хүний данс руу шилжүүлээд дараа нь ATM-ээс бэлнээр гаргаад авчихдаг учраас хохирогчийн шилжүүлсэн дансыг мэдэж байлаа ч мөнгөө буцааж авах боломжгүй байх нь түгээмэл. Иймд танихгүй хүн танаас "Картаа мартчихжээ. Таны данс руу мөнгө шилжүүлчихээд авч болох уу” гэх мэт хүсэлт тавьбал татгалзаж байгаарай. Хүнд тусалж байгаа мэт боловч та гэмт хэргийн сэжигтэн, хамсаатан болох эрсдэлтэй. Банкнаас холбогдох шалгалтыг хийж, системийн түвшинд болон тухайн харилцагчийн гүйлгээг шалган мэдээллийг гаргаж өгдөг. Хэрэв цахим залилан, гэмт хэргийн шинжтэй байна гэж үзвэл цагдаа, хуулийн байгууллагад нэн даруй хандахыг зөвлөдөг. Хуулийн байгууллагаас тухайн хүний гомдлын дагуу хэрэг үүсгэн мөрдөн шалгах ажиллагаа явуулж шаардлагатай бүхий л мэдээ мэдээллийг банк талаас гарган өгч, хамтран ажилладаг.

Мэдээллийн аюулгүй байдал бол ямар нэгэн сайн мэргэжилтэн, банканд даатгаад орхих зүйл биш, хувь хүн өөрөө заавал анхаарал тавьж, мэдлэгээ дээшлүүлэх шаардлагатай.

- Банкны салбарт тэр дундаа мэдээллийн аюулгүй байдлын чиглэлээр ажиллахдаа анзаарсан, хүмүүс мэдээсэй гэж бодсон зүйлс юу байв?

- Мэдээллийн аюулгүй байдал бол ямар нэгэн сайн мэргэжилтэн, банканд даатгаад орхих зүйл биш, хувь хүн өөрөө заавал анхаарал тавьж, мэдлэгээ дээшлүүлэх шаардлагатай эрин үед бид амьдарч байгаа гэдгийг хүмүүс ойлгоосой гэж хүсдэг. Товчоор, мэдээллийн аюулгүй байдал бол хүн бүрд хамаатай насан туршийн боловсрол юм.

- ХААН Банк цаашид энэ талаар юу хийхээр төлөвлөж байна вэ?

- Харилцагчдаа сургах, ойлголт, мэдлэгийг нь сайжруулахыг зорьж байна. Мэдээллийн аюулгүй байдал бол дан ганц банкны асуудал биш. Энэ бол улс орны хэмжээний асуудал юм. Тэгэхээр байгууллагууд өөр хоорондоо өрсөлдөхөөс илүүтэй хамтарч ажиллах, ойлголтоо жигдрүүлэх, иргэдийнхээ мэдлэгийг нэмэгдүүлэх хэрэгтэй. Нөгөөтэйгүүр, мэдээллийн аюулгүй байдлыг өдөр бүр хэвшил болгон хэрэгжүүлэн ойлгох шаардлагатай байна.

Эх сурвалж: ub.life

Хүүхдийн мөнгийг нөхөн олгоно

nomun — Mon, 20 Dec 2021 09:54:55 +0800

Жилийн эцсийн тэтгэвэр тэтгэмжийн олголтуудыг энэ сарын 13-наас эхлэн шилжүүлэг хийсэн. Нийт 2.4 сая иргэний гүйлгээнээс 54 мянган иргэдийн шилжүүлэг түр саатсан. Энэ нь тухайн дансны мэдээлэл "Монголбанкны CAM” системийн шаардлага хангахгүй байгаатай холбоотой.

Банкны системийн цахимжилт хийж байгаатай холбогдуулан Монголбанк бүх дансны мэдээллийг нэгдсэн нэг стандарт бүртгэлд оруулж байгаа. Ингэснээр цаашид "нэр данс зөрүүтэй” гэж аливаа гүйлгээ буцаагдахгүй болно гэсэн үг. Гүйлгээ саатсан 54 мянган иргэний нөхөн олголт энэ сарын 22-нд хийнэ. Та дансны мэдээллээ Ehalamj.mn цахим хуудсанд засах, харилцагч банктайгаа холбогдож дансны овог нэр зэрэг мэдээллээ нягтлах, "Монголбанкны "САМ” системд бүртгүүлэх” хүсэлт гаргах хэрэгтэй.

ЭМДЕГ “Ковид-19” цар тахалд зориулж 204 тэрбум төгрөгийн санхүүжилтийг олгожээ

nomun — Wed, 20 Oct 2021 10:01:59 +0800

Эрүүл мэндийн даатгалын ерөнхий газар төрийн өмчийн 74, хувийн хэвшлийн 197, сувилал 44, эмийн сан 1708, өрх, сум, тосгоны 525 нийтдээ 2548 эрүүл мэндийн байгууллагатай гэрээ байгуулан ажилладаг байна.

Эрүүл мэндийн даатгалын сангаас эрүүл мэндийн тусламж үйлчилгээнд нэг их наяд хоёр тэрбум төгрөгийн санхүүжилтийг олгох ёстойгоос өнөөдрийн байдлаар 886.8 тэрбум төгрөгийн санхүүжилтийг олгожээ.

Эрүүл мэндийн даатгалын ерөнхий газар xml, Эрүүл мэндийн яам ehealth, Эрүүл мэндийн хөгжлийн төв h-info 3.0 гэсэн програм хангамж буюу өөр өөр программ ашигладгаас системийн алдаа үүсэх хүндрэл арилахгүй байгаа учир алдааг засахын тулд улсын эрүүл мэндийн байгууллагуудад ашиглаж буй программ хангамжуудыг нэн даруй нэгдсэн мэдээлэл солилцооны платформд шилжүүлэхийг УИХ-ын Нийгмийн бодлогын байнгын хорооны гишүүд Эрүүл мэндийн сайдад танилцуулж, анхаарч ажиллахыг ажлын хэсгээс үүрэг болгожээ.

"Ковид-19” цар тахлын улмаас эрүүл мэндийн байгууллагуудад 204 тэрбум төгрөгийн санхүүжилтийг олгосон бөгөөд үүнээс хэвтэн эмчлүүлэх тусламж үйлчилгээнд 166.9 тэрбум, гэрээр эмчлэх тусламж, үйлчилгээнд 11.9 тэрбум, дархлаажуулалтад 21.1 тэрбум, сорьцод PCR шинжилгээ хийхэд 349.6 сая, тандалтын PCR шинжилгээний сорьц цуглуулахад 4.3 тэрбум, нийт 204.7 тэрбум төгрөгийн санхүүжилтийг Эрүүл мэндийн даатгалын сангаас санхүүжүүлжээ.

Монгол Улсын төсвийн зарлагын үнэлгээний 12 үзүүлэлт дээшилж, гурван үзүүлэлт буурчээ

nomun — Tue, 12 Oct 2021 10:08:14 +0800

Дэлхийн улс орнуудын төсөв, санхүүгийн удирдлагын тогтолцоонд үнэлэлт өгөх зорилгоор олон улсын хөгжлийн түншлэгчид санаачилга гаргаж Төсвийн зарлага ба санхүүгийн хариуцлага (ТЗСХ) хөтөлбөрийг 2001 оноос хэрэгжүүлж өнөөдрийг хүртэл 155 улс орныг хамруулсан 701 удаагийн үнэлгээг хийж гүйцэтгэсэн байна.

Улс орнуудын төрийн санхүүгийн удирдлагын үйл ажиллагааны түвшинг 7 бүлэг хүрээнд хамаарах 31 шалгуур үзүүлэлтийг тусгайлсан аргачлалын дагуу тогтоосон A, B, C, D үнэлгээгээр үнэлдэг. ТЗСХ-ын үнэлгээний тайланг олон нийтэд нээлттэй болгосноор бодлого боловсруулагчид, иргэний нийгмийн байгууллагууд, судлаачид болон олон улсын хөгжлийн хамтын ажиллагааны байгууллагууд өөрсдийн дүн шинжилгээндээ өргөн ашигладаг.

Дэлхийн банк Монгол Улсын ТЗСХ-ын үнэлгээг анх 2015 онд гүйцэтгэсэн ба хоёр дахь удаагийн үнэлгээг 2020 оны 12 дугаар сараас 2021 оны 6 дугаар сарын хооронд зохион байгуулж 2018-2020 онуудад хамаарах төсөв санхүүгийн мэдээлэлд дүн шинжилгээ хийж тайланг 2021 оны 10 дугаар сарын 08-ны өдөр Сангийн яам болон холбогдох бусад талуудад албан ёсоор танилцуулаад байна. Үнэлгээний тайлангаар нийт 12 үзүүлэлтийн оноо дээшилж, 13 үзүүлэлтийн оноо өөрчлөлтгүй хэвээр, харин 3 үзүүлэлтийн оноо буурсан байна.

НЭГДҮГЭЭР БҮЛЭГ: ТӨСВИЙН НАЙДВАРТАЙ БАЙДАЛ

Тодорхойлолт: ТЗСХ-ын үнэлгээний "Төсвийн найдвартай байдал” бүлэг нь төсвийн төлөвлөлт болон гүйцэтгэлийн хоорондын зөрүүг харьцуулан үнэлдэг

Төсвийн зарлага: 2015 оны үнэлгээгээр зарлагын гүйцэтгэл батлагдсан төсвөөс 15 хувиас их зөрүүтэй байсан бол энэ удаагийн үнэлгээгээр буюу сүүлийн гурван жилийн хугацаанд зарлагын бодит зөрүү 10 хувиас бага болж буурчээ.

Төсвийн орлого: Дэлхий нийтийг хамарсан КОВИД-19 цар тахлаас өмнөх хоёр жилд орлогын гүйцэтгэл батлагдсан хэмжээнээс давж байсан бол цар тахлын нөлөөлөл нь төсвийн орлого бүрдүүлэлтэд нөлөөлж, 2020 оны төсвийн орлогын гүйцэтгэл төлөвлөснөөс 7.9 хувиар багассан байна.

Эх сурвалж: Сангийн яам

Хүүхдийн 100 мянган төгрөгийг өнөөдрөөс олгож эхэллээ

nomun — Fri, 09 Jul 2021 13:20:21 +0800

Маргааш буюу долдугаар сарын 9-ний өдөр хүүхдийн мөнгийг олгох болохыг Хөдөлмөр, нийгмийн хамгааллын сайд А.Ариунзаяа мэдэгдлээ.

УИХ-ын нэгдсэн чуулганы өчигдрийн хуралдаанаар Монгол Улсын 2021 оны төсвийн тодотгол баталсан. Ингэхдээ ковид цар тахлын үед ард иргэд, өрх гэр бүлийн орлого хамгаалах чиглэлд Хүүхдийн мөнгөний хэмжээг 5 дахин нэмэгдүүлсэн дүнгээр буюу 100 мянган төгрөгөөр 2022.01.01 хүртэл үргэлжлүүлэн олгох шийдвэр гарсан юм.

Хүүхдүүдэд вакцины урамшууллын 50 мянган төгрөг олгоно

nomun — Mon, 21 Jun 2021 11:19:04 +0800

Засгийн газар вакцинд хамрагдсан иргэдээ урамшуулж, 50 мянган төгрөг олгож буй. Вакцинжуулалт үргэлжилж байгаа ч иргэдийн идэвхи оролцоо буурсан тул ийнхүү урамшуулахаар болсныг Сангийн яам өнгөрсөн сард мэдэгдэж байв. Салбарын сайд Б.Жавхлан "Вакцинжуулалтад бүрэн хамрагдсан иргэдийн дархлааг хадгалах, сэргээх зорилгоор 50 мянган төгрөгийн витаминжуулалтын багц бэлдэж байсан. Гэхдээ үүнийг вакцинд хамрагдсан иргэдийг урамшуулах хэлбэрээр бэлэн мөнгөөр тооцож олгох шийдвэр гаргалаа" гэж Засгийн газрын тавдугаар сарын 5-ны өдрийн хуралдааны үеэр мэдэгдэж байв. Энэ дагуу вакцины хоёрдугаар тунд хамрагдсан иргэд тавдугаар сарын 6-наас урамшууллын мөнгөө авч эхэлсэн билээ. Мөн удалгүй вакцины эхний тунгаа тариулсан иргэдэд ч 50 мянган төгрөг олгохоор болсон юм.

Улсын хэмжээнд 18-аас дээш насны хүн амын зорилтот бүлгийн 60 хувь нь буюу 2.1 сая хүн вакцинд хамрагдах тооцоо бий.

Тэдний 1.8 сая буюу 88.6 хувь нь вакцины нэг, хоёрдугаар тунд хамрагдаж, 50 мянган төгрөг авчээ. Өнгөрсөн долоо хоногоос жирэмсэн эмэгтэй, 16-17 насны хүүхдүүдийг дархлаажуулж эхлээд байна. Вакцинд хамрагдсан хүүхдүүдэд урамшууллын 50 мянган төгрөг олгоно гэж Сангийн яамнаас мэдээлэв.

Энэ талаар тус яамнаас тодруулахад "Монгол Улсын иргэн бүрт вакцины урамшуулал 50 мянган төгрөгийг дансаар олгоход ямар ч асуудалгүй. Өмнө нь 300 мянган төгрөг олгосон данс буюу хүүхдийн мөнгөний дансаар олгоно” гэсэн юм.

Монгол Улс 1.1 сая хүүхэдтэй. Тэдний 219 мянга орчим нь 15-18 насныхан. Статистик мэдээллээр, 10-14 насны 299512, 5-9 насны 388928, 0-4 насны 381639 хүүхэд бий. Цар тахлын үед эрсдэлд байгаа хүүхдүүдээс эхний ээлжинд ийнхүү 16, 17 настнуудыг вакцинд хамруулж эхэлсэн бол удалгүй 12 насны хүүхдүүдийг дархлаажуулахаар Эрүүл мэндийн яам, Засгийн газар төлөвлөөд буй.

Иргэдэд вакцины урамшуулал 50 мянган төгрөгийг олгохоос өмнө Засгийн газраас дөрөвдүгээр сарын 10-нд хөл хорио тогтоохтой зэрэгцэн 3.4 сая иргэн бүрт 300 мянган төгрөг олгож эхэлсэн юм. Энэхүү мөнгийг Оюутолгойн татварын орлого болох нэг их наяд төгрөгөөс тарааж байгааг Засгийн газраас мэдээлж байв. Өнөөдрийн байдлаар Монгол Улсын 3.3 сая иргэн буюу 98.9 хувь нь 300 мянган төгрөгийн мөнгөн дэмжлэгээ авчээ.

Сангийн яамнаас мэдээлснээр 3.379.025 хүнд 300 мянган төгрөг олгох ёстой. Үүнээс 3.368.106 иргэний данс руу мөнгө шилжүүлжээ. Өнгөрсөн долоо хоногт дансны мэдээлэл нь шинэчлэгдсэн 2790 хүн 300 мянган төгрөгийн дэмжлэгээ авсан байна. Мөн дансны мэдээлэл зөрүүтэй, е-баримтад холбогдоогүй зэрэг шалтгааны улмаас 139 хүний мэдээлэл буцжээ.

Үүнтэй адил олон шалтгаанаар өнөөдрийг хүртэл 300 мянган төгрөгийн мөнгөн дэмжлэгээс хоцорсон олон хүн бий. Гэхдээ харилцдаг банкны дансаа е-баримт системд бүртгүүлж шинэчилснээр 300 мянган төгрөгөө авах бүрэн боломжтой бол хүүхдүүдэд хүүхдийн мөнгөний дансаар 300 мянган төгрөг олгосныг холбогдох албаны хүмүүс мэдээлж байгаа юм.

Засгийн газар иргэддээ мөнгө тарааж буйг эдийн засагчид тийм ч оновчтой шийдвэр биш хэмээн үзэж буй. Тухайлбал, хүн бүрт 300 мянган төгрөг олгох нь хөл хорионы хугацаанд 14 хоног айл өрхийг хоосон хонуулахгүй ч нэг удаад олгож буй олговрууд өрхийн төсөвт бодит дэмжлэг үзүүлдэггүй болохыг хэлж байсан билээ.

Ирэх сараас ажил олгогч болон даатгуулагчид тэтгэврийн даатгалын шимтгэлийг 8.5 хувиар төлнө

nomun — Mon, 14 Jun 2021 12:49:38 +0800

Улсын Их Хурлын чуулганы өнөөдрийн /2021.06.11/ нэгдсэн хуралдаанаар Нийгмийн даатгалын тухай хуульд өөрчлөлт оруулах тухай хуулийн төсөл болон Нийгмийн даатгалын тухай хуулиудыг хэрэглэх журмын тухай хуульд өөрчлөлт оруулах тухай хуулийн төслийг эцэслэн баталсантай холбогдуулж Улсын Их Хурлын Нийгмийн бодлогын байнгын хорооны дарга, Улсын Их Хурлын гишүүн М.Оюунчимэг, хуулийн төслийг санаачлагч, Улсын Их Хурлын гишүүн Т.Энхтүвшин нар хэвлэлийнхэнд мэдээлэл хийлээ.

Нийгмийн даатгалын тухай хуульд өөрчлөлт оруулах тухай хуулийн төсөл батлагдсанаар 2021 оны долдугаар сарын 1-ний өдрөөс эхлэн ажил олгогч болон даатгуулагчаас төлөх тэтгэврийн даатгалын шимтгэлийг тус бүр нэг хувиар бууруулж байна. Өөрөөр хэлбэл, бүх ажил олгогч болон даатгуулагчид тэтгэврийн даатгалын шимтгэлээ 8.5 хувиар төлөх юм.Мөн сайн дураар даатгуулагчид 12.5 хувийн шимтгэл төлдөг байсан бол 11.5 хувийн шимтгэл төлж эхэлнэ.2021 оноос ажил олгогч болон даатгуулагчаас төлөх тэтгэврийн даатгалын шимтгэл тус бүр 9.5 хувь болон нэмэгдсэн нь коронавируст цар тахалтай холбоотойгоор аж ахуйн нэгж, иргэний орлогод нөлөөлж байгааг үндэслэн дээрх хуулийн төслүүдийг санаачлан, батлуулсан талаар гишүүд мэдээлэлдээ дурьдлаа гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

"Насны хишиг"-ийг наадмын өмнө олгоно

nomun — Mon, 07 Jun 2021 15:31:27 +0800

Улсын хэмжээнд "Насны хишиг" мөнгөн тусламжийг ахмадуудад Улсын баяр наадам болон Сар шинийн баяраар, жилд 2 удаа олгодог. Энэ жил 65 нас хүрч буй, тэр дундаа 7 дугаар сарын 15-наас өмнө төрсөн ахмадууд "Насны хишиг" мөнгөн тусламжийн үйлчилгээ авах эрхтэй болж буй. Тэднийг энэ сарын 30-ны дотор бүртгүүлж уг үйлчилгээг авахыг Хөдөлмөр, халамжийн үйлчилгээний ерөнхий газраас мэдээллээ. Ингэхдээ И-халамж цахим системд холбогдох болон харьяа аймаг, дүүргийнхээ Халамжийн хэлтэст биечлэн өргөдөл гаргаснаар тус үйлчилгээнд хамрагдах юм.

Энэ жил 65 нас хүрч буй ахмадууд заасан хугацаанд амжиж бүртгүүлэхийг сануулж, хугацаандаа бүртгүүлээгүй иргэд энэ онд уг халамжийг авах боломжгүйг мөн анхааруулж байна.

Манай улс 2017 оноос эхлэн Ахмад настны тухай хуулийн дагуу 65, түүнээс дээш насны иргэдэд "Насны хишиг" мөнгөн тусламж үзүүлж байгаа юм. Улсын хэмжээнд жил бүр 140 мянган ахмад настайн "Насны хишиг" үйлчилгээг авдаг байна. "Насны хишиг"-гийн нөхөн олголтыг 6 дугаар сарын 18-25-нд олгох аж.

Нийгмийн даатгалын тогтолцооны гажуудал ба цалингийн татвар 80% гэдгийг та мэдэх үү?

nomun — Mon, 24 May 2021 12:03:55 +0800

Даатгал гэдэг нь ирээдүйд гарах эрсдэлийг урьдчилан тооцож өнөөдөр төлж ирээдүйд буцааж авах мөнгөн төлбөр юм. Татвар гэдэг нь ардчилсан нийгэмд буцаан төлөгдөх нөхцөлгүйгээр нийгмийн тэгш хүртээмжтэй байх зарчмыг баримталж Төр буюу засгийн газраас эдийн засгийн дахин хуваарилалтыг хэрэгжүүлэх гэж Төрөөс эдийн засагт шууд оролцдог үндсэн арга техник болох албадлагын шинжтэй мөнгөн төлбөр юм.

Монгол Улс нь 1990 оны эхээр Ардчилсан нийгэмд шилжсэнтэй холбогдуулан хуучин социалист нийгэмд Капиталын онолын хичээлд хальт ордог байсан даатгал, татвар гэх шинэ ойлголтыг зайлшгүй практикт хэрэгжүүлэх шаардлага гарсан. Гэвч үүнийг хэрэгжүүлэх боловсон хүчин байхгүйгээс өөрсдийн хагас дутуу ойлголт, гаднын орны зөвлөх гэх нөхдийн болсон болоогүй зөвлөмжийг практикт хэрэгжүүлэхдээ даатгал, татвар хоёр тусдаа зүйлийг өөр хооронд нь хольж хутган Хөдөлмөрчин анги буюу цалингаараа амьдардаг иргэдийг өнөөдрийг хүртэл хохироож ирсэн бөгөөд цаашдаа ч хохироох шинжтэй үргэлжилж байна. Төр нь өөрсдийн алдаа дутагдлаа хүлээн зөвшөөрдөггүй засахыг ч оролдог үгүй бөгөөд үүнийгээ зөвтгөхдөө "Эв санааны нэгдэл”-ийн зарчмыг баримталж байна гэх бөгөөд энэ онол нь татвар, даатгал байхгүй байх үе болох бид нарын 1990 оноос өмнөх үеийн ажилчин ангитай хамааралтай юм.

Гажуудал ба цалингийн татвар

Монгол Улсад цалингийн татвар нь Нийгмийн даатгалын шимтгэл, Хувь хүний орлогын албан татвар, эцсийн хэрэглэгч гэдгээр Нэмэгдсэн өртгийн татварыг буцаадаггүй тул НӨАТ, бусад элдэв төрлийн хураамжаас бүрддэг. Их бага цалин авах, олон хүүхэдтэй эсэхээс үл хамаарч адил хувь хэмжээгээр төлдөг. Хувьчилбал 80% хувь байдаг.

Өөрөөр хэлбэл, аливаа төрлийн бизнес эрхлэгч ажил олгогч болж хэн нэгэн нөхрийг ажилд авч цалин гэж 1 сая төгрөг өгөхийн тулд Засгийн газарт зайлшгүй 800 мянган төгрөгийн татвар төлөх албан шаардлага үүсдэг. Энэхүү татвар нь Эрдэнэт, Таван толгой, Оюутолгой, Мобиком, Хаанбанк, АПУ зэрэг томоохон компанид төдийлөн ач холбогдолтой түвшинд нөлөөлдөггүй бөгөөд харин бизнес эдийн засгийн монопол байдлаа хадгалж үлдэхэд тусалж байдаг. Учир нь, том компаниудын улсад төлдөг татвар төсвийн ихэнхийг бүрдүүлдэг ч хүн амын 1% орчим хувь ажилладаг бөгөөд харин төсвийн ихэнхийг бүрдүүлдэг шигээ хүн амын ихэнхийг авч ажиллуулбал жижиг дунд бизнесүүд шигээ шууд дампуурах билээ. Ажлын байр бий болгож иргэд өөрсдийн амьдралаа хэнээс ч хараат бусаар авч явах жижиг дунд бизнес эрхлэгчид маань 3, 4 хүн ажилд авч хуулийн хүрээнд ажиллавал 1 сая төгрөгийн ашиг олохын тулд 3 сая төгрөг Засгийн газарт тушаах хуулийн шаардлага үүсдэг бөгөөд шударгаар бизнес эрхлэх боломжгүй болдог. Харин жижиг дунд бизнес эрхлэгчид Засгийн газрын татварын дарамтаас болж уулаасаа хөгжих боломжгүй байдаг тул томоохон компаниуд өрсөлдөгчгүйгээр монопол байдалтайгаар хөгжиж ирсэн.

Сүхбаатарын талбай дээр нэгэн залуу эр өөрийгөө шатааж хөнөөхөд шалтгааныг нь Засгийн газрын ямар ч албан тушаалтан ойлгоогүй бөгөөд жижиг бизнес эрхлэгч залуу ч яаж ч хичээгээд хэчнээн жил ч хичээгээд бизнес нь хөгжиж өгөхгүй байгааг шударга иргэн өөрөө ч ойлгоогүй шиг дүгнэгдэж байна лээ.

Ядуу Монгол оронд Цалингийн татвар өндөр ч Хөдөлмөрчин анги хамт олон тэмцдэггүй үндсэн шалтгаан нь эдгээр мөнгийг хуулиар төлөх үүрэг нь ажил олгогчид буюу бизнес эрхлэгчид оногддог тул хөдөлмөрчид захиргааны шаардлага хэнд хандаж гаргахаа мэддэггүйгээс ажил олгогчоо хий хоосон шүүмжлэхээс өөр үйлдэл хийдэггүй билээ.

Монгол Улс шиг хоол, унаа, байрны мөнгө, цагийн ажил болох Иргэний хуулийн 343, 359 дахь хөлснөөс Нийгмийн даатгалын шимтгэл авдаг, мөн НӨАТ гэчхээд хөдөлмөрчин ангид буцааж өгдөггүй, мөн олон хүүхэдтэй бага цалин орлоготой гэр бүлээс албан татвар авдаг өөр улс ховорхон.

Тэтгэврийн даатгал төлдөг ажилчин ангийн хамт олныг тэтгэврийн даатгал төлдөггүй 1995 оноос өмнөх хөдөлмөрчид, мөн цэрэг цагдаатай хольж бүртгэж байгаа Засгийн газрын бодлого нь ашиг алдагдлаа ялгахаа больж мэдэхгүйгээ мэддэггүй хүмүүс болцгоосон байдаг. Энгийнээр тайлбарлавал, Төр маань сүүтэй үнээ, сувай үнээ хоёроо өөр хооронд ялгахаа больж энэ тэнэгрэл нь зарим сувдаг зальхай этгээдэд боломж олгодог. Капитал банк гэгч хэсэг нөхөд Нийгмийн даатгалаас 340 тэрбум авчхаад буцааж өгөлгүй дампуурчихсан байхад хүндрэл үүссэн нь нийгэмд мэдрэгдээгүй. Монгол шиг эдийн засаг нь жижиг, хүн ам нь цөөн, ард иргэд нь ядуу оронд энэ нь асар их хэмжээний мөнгө бөгөөд үнэгүй орон сууцуудыг хороолол хорооллоор нь босгох бололцоо билээ.

Нийгмийн даатгалын сайн туршлага

Сингапур Улс: Ажилчин бүр 30-45 жил даатгал төлж тэтгэвэрт гардаг тул санд асар их хэмжээний мөнгөн хуримтлал үүсдэг. Харин ард иргэдийг орон сууцжуулж хороолол хорооллоор ижил стандартын орон сууц барихад нэг дор их хэмжээний мөнгө шаарддаг бөгөөд тэр мөнгө нийгмийн даатгалын санд байдаг тул орон сууцжуулахад зарцуулдаг.

Хятад Ард Улс: Нийгмийн даатгалыг нь Банкны хадгаламж болгож явдаг. Банк нь Засгийн газрын шууд эзэмшлийнх байдаг ба ажилтай хүн бүрийн хадгаламж өсөж ямар ч иргэн нь өөрөө хичээх л юм бол ядуугаас ангижирч байдаг.

Вьетнам Улс: Ажилчин ангийг нийгмийн даатгал төлдөг, төлдөггүй гэж хоёр хуваан цугласан мөнгөөр нь Сингапур шиг орон сууцжуулах ажлыг эхлүүлсэн.

Өмнөд Солонгос Улс: Хятадтай адил хадгаламж хэлбэртэй явж байгаад тэтгэвэрт гарахад нэг дор бөөн дүнгээр хүүгийн хамт их хэмжээний мөнгө авдаг. Эсхүл талыг нь авч талыг тэтгэвэр болгон сар бүр авч болно.

Европын орнууд: Ажлын байрууд нь тогтвортой нэгэнт хэвшсэн маш өндөр түвшинд хөгжсөн систем. Ард иргэд ном их уншдаг тул Засгийн газар нь татвар, даатгал, төлдөг, төлдөггүй гэж сайн ялгаж өөр хооронд хольж хутгадаггүй. Ангиллыг маш өндөр түвшинд гүйцэтгэж тооцооллыг маш сайн тооцоолсон байдаг. Өндөр хэмжээний тэтгэвэр тооцуулж авдаг. Монгол Улс шиг ядуучуудаасаа татвар авдаггүй, харин тэтгэвэр өгдөг.

МННБН-ийн Ерөнхийлөгч Ж.Онон

Ахмадуудын нэг сая төгрөгийг өнөөдрөөс данс руу нь шилжүүлнэ

nomun — Fri, 21 May 2021 11:42:17 +0800

Ахмадуудад олгох нэг сая төгрөгийн мөнгөн тэтгэмжийг өнөөдрөөс /2021.05.21/ иргэдийн тэтгэврийн данс руу шилжүүлж эхэлнэ. Уг мөнгөн тэтгэмжийг 2019 оны арванхоёрдугаар сарын 31-ний байдлаар тэтгэврийн зээлгүй байсан ахмадуудад олгох юм. 2019 оны арванхоёрдугаар сарын 31-ний өдрийг дуусах хүртэлх хугацаанд тэтгэврийн зээлгүй байсан 194.1 мянган ахмад байгаа бол 1.0 саяас доош төгрөгийн зээлтэй байсан 43.9 мянган иргэн байна. Энэхүү арга хэмжээнд нийт 238.0 мянган ахмад хамрагдаж байна.

2000 гаруй малчинд хөнгөлөлттэй зээл

nomun — Thu, 20 May 2021 14:30:11 +0800

"Хөдөө аж ахуйг дэмжих” 500 тэрбум төгрөгийн зээлд жилийн 3 хувийн хүүтэй, 3 жилийн хугацаатай малчдыг дэмжих зээл багтсан. Тус зээлийг малчин, мал бүхий этгээдэд 50 сая төгрөг хүртэл хэмжээтэйгээр 2021 оны 12-р сарын 31-ний өдрийг дуустал олгох зохицуулалттай.

Монгол Улсын Засгийн газар малчин, мал бүхий этгээдийн байгалийн эрсдэлийг даван туулах чадварыг бэхжүүлэх, малын чанарыг сайжруулах, мал аж ахуйн гаралтай бүтээгдэхүүн үйлдвэрлэлийг нэмэгдүүлэхэд малчдын зээл олгох чиглэлийг баримталж байна. Засгийн газар гэрээ байгуулсан арилжааны банкнуудаас малчдад олгосон зээлийн хүүгийн дэмжлэгийг банканд төлөх үүрэг хүлээсэн.

2021 оны 5-р сарын 14-ний байдлаар 3438 хүсэлт ирснээс 2146 малчинд зээл олгожээ. Зээлийн хэмжээний хувьд, 53.3 тэрбум төгрөгийн хүсэлт ирснээс 29.9 тэрбум төгрөгийг олгосон байна.

Арилжааны банкны эрх, үүрэг

Малчдыг дэмжих зээлийг малчин, мал бүхий этгээд банкны хэрэглээний зээлээс бусад ижил төрлийн /малчны/ зээлийн нөхцөлөөр олгоно. Арилжааны банк малчдын зээлийн эх үүсвэрийг хариуцаж байгаа учраас гэрээнд заасан нөхцөл, шаардлагыг баримтлан зээлийн судалгааг хийж, зээлийн бодлого, журмын хүрээнд тухайн малчинд хэдий хэмжээний зээл олгох эсэхийг бие даан шийдвэрлэнэ.

Банк зээлийн хүүгийн дэмжлэгээс бусад бүх төлбөр, үүргийн гүйцэтгэлийн эрсдэлийг хариуцна. Мөн зээлийг зориулалт бусаар ашигласан тохиолдолд хүүг банкны ердийн зээлийн хүүгээр нөхөн хуримтлуулан тооцож, эргүүлэн төлөхийг гэрээнд тусгах эрх үүрэгтэй.

Малчин, мал бүхий иргэд зээл авахад тавигдах шаардлага

Үндэсний статистикийн хорооны жил бүрийн мал тооллогын "А” дансны мэдээллээр малын тоо нь баталгаажсан байна.
Банкны ижил төрлийн зээлийн бүтээгдэхүүнд тавигдах бусад шаардлагыг хангасан байна. Энэ нь банкны эрх, үүргийн хүрээнд хийгдэх зохицуулалтын асуудал юм.

Хүнс, хөдөө аж ахуй, хөнгөн үйлдвэрийн яамнаас малчдын зээлийг дараах чиглэлээр олгох нь зохистой гэж зөвлөж байна

Малын чанар, үүлдэрлэг байдлыг сайжруулах, цөм сүрэг өсгөн үржүүлэх зорилгоор үржлийн өндөр ашиг шимт сүү, махны чиглэлийн өсвөр үхэр, хонь, ямаа, нарийн ноост хонь худалдан авах;
Нэмүү өртөг шингээсэн, эрүүл ахуйн шаардлага хангасан бүтээгдэхүүн үйлдвэрлэлийг нэмэгдүүлэх зорилгоор гахай, шувуу, зөгий үржүүлэх;
Сүү, цагаан идээ, мах, махан бүтээгдэхүүн бэлтгэх, хадгалах, боловсруулалтыг нэмэгдүүлэх зорилгоор жижиг, дунд оврын тоног төхөөрөмж худалдан авах;
Өрхийн орлого, амьжиргааны түвшинг нэмэгдүүлэх зорилгоор эсгий эдлэл, арьс, шир боловсруулах, гар урлалын үйлдвэрлэлийг дэмжин жижиг, дунд оврын техник, тоног төхөөрөмж худалдан авах;
Ган, зудын эрсдэлийг бууруулах зорилгоор бэлчээрийг хамгаалах, усан сан байгуулах, булгийн эх хамгаалах, худаг уст цэг бий болгоход;
Өвс, тэжээлийн нөөц бүрдүүлэх зорилгоор малын тэжээл тариалах, бэлтгэх, хадлан хадах, хадлангийн иж бүрдэл бага, дунд оврын техник худалдан авах;
Өвс, тэжээлийн агуулах, малын өвлийн хашаа саравч барих, хадлангийн талбайг хашиж хамгаалах;
Мал эмнэлгийн зориулалттай зөөврийн хашаа, угаалгын ванн барьж байгуулах;
Өвөлжөө, хаваржаандаа болон отор нүүдэл хийхэд тав тухтай байх

Нийгмийн даатгалын сангийн орлого 15.1 хувиар нэмэгджээ

nomun — Mon, 17 May 2021 16:36:03 +0800

НДЕГ-ын мэдээллээр, нийгмийн даатгалын сангийн орлого энэ оны эхний 4 сард 998.8 тэрбум төгрөг болж, өмнөх оны мөн үеийнхээс 131.1 (15.1хувь) тэрбум төгрөгөөр нэмэгджээ. Ийнхүү нэмэгдэхэд тэтгэврийн даатгалын сангийн орлого 94.1 (14.3хувь) тэрбум төгрөгөөр өссөн нь нөлөөлөв. Мөн өнгөрсөн сард нийгмийн даатгалын сангийн орлого 229.4 тэрбум, зарлага 268.6 тэрбум төгрөг болж, өмнөх сарынхаас орлого 64.1 (21.8хувь) тэрбум, зарлага 91.2 (8.8хувь) тэрбум төгрөгөөр багассан аж.

Нийгмийн даатгалын сангийн зарлага энэ оны эхний 4 сард 1 019.3 тэрбум төгрөг болж, өмнөх оны мөн үеийнхээс 151.2 (17.4хувь) тэрбум төгрөгөөр нэмэгдэхэд тэтгэврийн даатгалын сангийн зарлага 60.9(8.7хувь) тэрбум, ҮОМШӨ-ний даатгалын сангийн зарлага 70.1 (7.4 дахин) тэрбум төгрөгөөр нэмэгдсэн нь нөлөөллөө. Ажилгүйдлийн даатгалын сангаас энэ оны эхний 4 сард 8 323 хүнд 18.2 тэрбум төгрөг олгосон нь өмнөх оны мөн үеийнхтэй харьцуулахад тэтгэмж авагч 825 (11хувь) хүнээр олширч, олгосон тэтгэмжийн хэмжээ 1 162.2 (6.8хувь) тэрбум төгрөгөөр нэмэгдэв. Туссангаас дээрх хугацаанд 454.1 мянган хүн тэтгэвэр авсны 75.9 хувь нь өндөр насны, 15.4 хувь нь хөгжлийн бэрхшээлтэй иргэдийн, 8.7 хувь нь бусад (тэжээгчээ алдсаны болон цэргийн тэтгэвэр) тэтгэвэр авагч байв.

Нийгмийн халамжийн сангаас 2021 оны эхний 4 сард 2.2 (давхардсан тоогоор) сая хүнд 669.6 тэрбум төгрөгийн тэтгэвэр, тэтгэмж, тусламж, үйлчилгээ, хөнгөлөлт олгосон нь өмнөх оны мөн үеийнхээс нийгмийн халамжийн үйлчилгээнд хамрагдагч 126.2(6хувь) мянгаар, үйлчилгээнд олгосон тэтгэвэр, тэтгэмж, тусламж, үйлчилгээ, хөнгөлөлтийн хэмжээ 419.1 (2.7 дахин) тэрбум төгрөгөөр нэмэгджээ.

Засгийн газраас нийгмийн халамжийн сангаас олгож буй халамжийн тэтгэвэр, байнгын асаргаа шаардлагатай 16 хүртэлх насны хүүхдийн амьжиргааг дэмжих мөнгөн тэтгэмжийг нэмж, 288 мянга, хүүхдийн мөнгөн тэтгэмжийн 100 мянга, хүнс тэжээлийн дэмжлэг шаардлагатай хүүхдэд 16 мянга, насанд хүрэгчдэд 32 мянган төгрөгийг олгохоор шийдсэн юм. Нийгмийн халамжийн үйлчилгээнд хамрагдагч, тэдгээрт олгосон тэтгэвэр, тэтгэмж, тусламж, үйлчилгээ, хөнгөлөлтийн хэмжээ өмнөх оны мөн үеийнхээс нэмэгдэхэд "Хүүхдийн мөнгөн тэтгэмж” авсан 0-18 хүртэлх насны хүүхдийн тоо 75 (6.7хувь) мянгаар, олгосон тэтгэмжийн хэмжээ 391.7 тэрбум (5.4 дахин) төгрөгөөр нэмэгдсэн нь нөлөөлснийг ҮСХ мэдээлэв.

Нийгмийн халамжийн тэтгэвэрт энэ оны эхний 4 сард 56.3 мянган хүн хамрагдсан нь өмнөх оны мөн үеийнхээс 2.2 (4хувь) мянган хүнээр, олгосон тэтгэврийн хэмжээ 22.1 (56хувь) тэрбум төгрөгөөр нэмэгджээ. Нийгмийн халамжийн тэтгэвэрт хамрагдсан иргэдийн 67.7 хувь нь хөгжлийн бэрхшээлтэй, 25.6 хувь нь тэжээгч нь нас барсан 18 хүртэлх насны хүүхэд, 6.5 хувь нь ахмад настан, 0.2 хувь нь 16 насанд хүрсэн одой иргэн аж.

Нийгмийн халамжийн тэтгэмжидмөн хугацаанд 99.6 мянган хүн хамрагдсаны 56.3 хувь нь асаргааны тэтгэмжид, 43.7 хувь нь онцгой тохиолдол, амьжиргааг дэмжих мөнгөн тэтгэмжид хамрагдлаа. Нийгмийн халамжийн тэтгэмжид 2021 оны эхний 4 сард 33.1 тэрбум төгрөг олгосон нь өмнөх оны мөн үеийнхээс 5.9 (21.7хувь) тэрбум төгрөгөөр нэмэгджээ. 18 хүртэлх насны 1.2 сая хүүхдэд 481.1 тэрбум төгрөгийн хүүхдийн мөнгөн тэтгэмжийгэнэоны эхний 4 сард олгожээ.

Үйлдвэрлэлийн газрууд 3073,3 сая төгрөгийн бүтээгдэхүүн үйлдвэрлэсэн нь өмнөх оныхоос буурчээ

nomun — Mon, 17 May 2021 16:00:37 +0800

Аймгийн үйлдвэрийн газрууд 2021 оны эхний 4 сард 3073.3 сая төгрөгийн бүтээгдэхүүн үйлдвэрлэсэн нь өмнөх оны мөн үеийнхээс 0.3 хувиар буурсан байна. Харин 3078.9 сая төгрөгийн бүтээгдэхүүн борлуулсан нь өнгөрсөн оныхоос 2.7 хувиар өсжээ.

Нийт үйлдвэрлэлтийн 14.1 хувийг хүнс, ундааны, 0.9 хувийг хэвлэлийн, 68.3 хувийг дулаан, эрчим хүчний, 8.9 хувийг усан хангамж, 1.1 хувийг модон эдлэлийн, 4.9 хувийг гутал, хувцасны, 1.7 хувийг барилгын, 0.1 хувийг бусад үйлдвэрлэл эзэлж байна.

Гол нэрийн бүтээгдэхүүнээс талх, нарийн боов, дулааны үйлдвэрлэл 4.5-26.2 хувиар нэмэгджээ. Харин хэрчсэн гурил, бууз, борц, зүсмэл, хүснэгт, түгээсэн цэвэр ус, монгол гутал, савхин гутал, эсгий шаахай, монгол дээл, эмээлийн мод, гэрийн модон тавилгын үйлдвэрлэлийн хэмжээ 2.4-68.2 хувиар буурсан байна.

Аймгийн тээврийн байгууллагууд 2.3 мянган зорчигч, 5.7 мянган тонн ачаа тээвэрлэн 0.7 сая хүн км, 1.3 сая ткм ажил гүйцэтгэн 162.9 сая төгрөгийн орлоготой ажиллажээ. Өнгөрсөн оны мөн үеийнхээс зорчигч, зорчигчийн эргэлт 86.0-89.6 хувиар, ачаа, ачаа эргэлтийн хэмжээ 49.1-37.1 хувиар тус тус буурсан байна.

Тэтгэврийн зээлгүй байсан ахмадуудад ваучер олгож, мөнгөжүүлэх ажлыг даваа гарагаас эхлүүлэхээр болжээ

nomun — Fri, 07 May 2021 15:38:35 +0800

Монгол Улсын Их Хурлаас 2020 оны нэгдүгээр сард "Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай” болон уг хуулийг дагаж мөрдөх журмын тухай хуулийг баталсан билээ.

Уг хуулиудад 6 сая төгрөг хүртэлх тэтгэврийн зээлтэй ахмадуудын зээлийг бүрмөсөн тэглэх, зээлгүй байсан ахмадуудад 1 сая төгрөгийн ваучер олгож, 2021 оны тавдугаар сарын 21-нээс мөнгөжүүлэх, 1 саяас доош төгрөгийн зээлтэй байсан хүмүүст зөрүүг олгохоор тусгасан билээ.

УИХ-ын дарга Г.Занданшатар өнөөдөр (2021.05.07) Хөдөлмөр, нийгмийн хамгааллын сайд А.Ариунзаяа, Монголбанкны ерөнхийлөгч Б.Лхагвасүрэн, "Эрдэнэс Монгол” компанийн гүйцэтгэх захирал Д.Хаянхярваа, тус компанийн охин компани болох "Эрдэнэс силвер ресурс” ХХК-ийн гүйцэтгэх захирал Т.Мөнхбаяр нартай уулзаж, зээлгүй буюу 1.0 саяас доош төгрөгийн зээлтэй байсан ахмадуудад ваучер олгох, түүнийг мөнгөжүүлэх ажлын явцтай танилцлаа.

"Эрдэнэс Монгол”, "Эрдэнэс силвер ресурс” компаниуд Салхитын мөнгө, алтны ордыг эдийн засгийн эргэлтэд оруулсан орлогоос төрд ногдох өгөөжийг барьцаалан үнэт цаас гаргах замаар иргэний тэтгэвэр барьцаалсан зээлийг төлөх хуулиар хүлээсэн үүргээ амжилттай биелүүлж, дээрх арга хэмжээнд шаардагдах 216 тэрбум төгрөгийг хуримтлуулж, бэлэн болгосон гэдгээ Гүйцэтгэх захирал Д.Хаянхярваа, Т.Мөнхбаяр нар мэдээллээ.

Энэ үйл ажиллагааны төлбөр тооцооны асуудалд ямар нэгэн саад бэрхшээл байхгүй гэдгийг Монголбанкны ерөнхийлөгч Б.Лхагвасүрэн хэлж байна.

Хөдөлмөр, нийгмийн хамгааллын сайд А.Ариунзаяа:

-2019.12.31-ний өдрийг дуусталх хугацаанд тэтгэврийн зээлгүй байсан 194.1 мянган ахмад байгаа. Мөн 1.0 саяас доош төгрөгийн зээлтэй байсан 43.9 мянган иргэн бий. Нийтдээ энэ арга хэмжээнд 238 мянган ахмад хамрагдана. Түүнд 216 тэрбум төгрөг шаардлагатай. Манай яам ахмадуудад ваучер олгох, улмаар мөнгийг дансанд шилжүүлэх бэлтгэлийг хангасан гэж ярилаа.

УИХ-ын дарга Г.Занданшатар:

-Тэтгэврийн зээлгүй буюу 1 сая төгрөгөөс доош төгрөгийн зээлтэй байсан ахмадуудаас энэ арга хэмжээг хэзээ хэрэгжүүлж эхлэх талаар УИХ-ын нэр дээр нэлээд санал хүсэлт ирж байна. Цар тахлын хөл хорионы дэглэмтэй, улсын эдийн засаг, иргэдийн амьжиргаанд таагүй нөлөө үзүүлж буй энэ үед уг мөнгийг олгох нь зүйтэй байна гэж ахмуудад санал хүсэлтдээ дурдаж байгаа юм. Тиймээс ваучер олгож, мөнгөжүүлэх ажлыг ирэх Даваа гарагаас эхлэн яаралтай зохион байгуулах чиглэлийг Та бүхэнд өгч байна. Ваучер олгохдоо ахмадуудыг бөөгнөрүүлж, хөл хорионы дэглэмийг зөрчихгүйгээр гэрт нь, гарт нь хүргэхэд анхаарч ажиллаарай гэлээ.

Ийнхүү иргэний тэтгэвэр барьцаалсан зээлийг нэг удаа нөхөн төлөх тухай хууль бүрэн хэрэгжих боломж бүрдлээ. Үүнээс өмнө 6 сая хүртэл төгрөгийн зээлтэй байсан 228.5 мянган иргэний 695 тэрбум төгрөгийн зээлийг тэглэсэн бол одоо 238 мянган иргэнд 216 тэрбум төгрөг олгогдохоор болж байна.

Нийтдээ ахмадуудын тэтгэврийн зээлийг тэглэх арга хэмжээнд 466.5 мянган ахмад хамрагдаж, 911 тэрбум төгрөг зарцуулагдаж байгаа юм.

Санхүүгийн боловсролыг энгийнээр хүргэдэг Finedu.mn сайтаар “аялсан” минь

zulaa — Fri, 23 Apr 2021 18:19:54 +0800

Санхүү, эдийн засгийн тухай мэдээ мэдээллийг зорьж сонирхох нь битгий хэл нэр, томьёог нь ч ойлгодоггүй над шиг

ЗГ: 8000 гаруй иргэн, ААН 560 тэрбум төгрөгийн зээл авчээ

nomun — Fri, 23 Apr 2021 17:43:44 +0800

"Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд;

Ажлын байрыг дэмжих зээл- 2021 оны 04 дүгээр сарын 19-ний байдлаар 1,228 аж ахуйн нэгж, 6,870 иргэн 563.5 тэрбум төгрөгийн зээл авчээ. Иргэд дунджаар 37, аж ахуйн нэгжүүд 250 сая төгрөгийн зээл авсан байна.

Монголбанкны урт хугацаат репо санхүүжилттэй зээл- 1,146 аж ахуйн нэгж, 473 иргэн 259.9 тэрбум төгрөгийн зээл авсан.

Ипотекийн зээл- 3,064 хүн 226.8 тэрбум төгрөгийн зээл авсан. Иргэд дунджаар 74 сая, үүнээс Улаанбаатар хотод 81.8, орон нутагт 53.9 сая төгрөгийн зээл авчээ.

Товч мэдээ

- Ирэх намар 495 мянган тн үр тариа, үүнээс 471 мянган тн улаан буудай, 222 мянган тн төмс, 116 мянган тн хүнсний ногоо, 170 мянган тн малын тэжээл, 26 мянган тн тосны ургамал, 3,000 тн жимс, жимсгэнэ хурааж авахаар төлөвлөжээ.

- Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуулийн төслийг дэмжиж УИХ-д өргөн мэдүүлэхээр болов.

Иргэдийн 85 хувь нь 300 мянган төгрөгийн дэмжлэг аваад байна

nomun — Tue, 13 Apr 2021 10:17:51 +0800

Засгийн газрын тогтоолоор, коронавируст цар тахлын хорио цээрийн үеийн 300 мянган төгрөгийн дэмжлэгийг нийт хүн амын 85 хувьд нь олгоод буйг Сангийн сайд Б.Жавхлан "Clubhouse" сүлжээнд мэдээллээ.

Тэрбээр, "Оюу Толгой ХХК-д тавьсан татварын актын хүрээнд орж ирсэн нэг их наяд гаруй төгрөгийг дөрөвдүгээр сарын 8-ны өдөр Засгийн газрын 93-р тогтоолоор төсвийн орлогод бүртгэсэн. Шинэчлэгдэн батлагдсан татварын багц хуулийн заалтуудаар төлсөн дээрх татварыг улсын төсвийн орлогод бүртгэх боломж бүрдсэн. Үүний үр дүнд хөл хорионы улмаас иргэдийн санхүү, орлогын тасалдал үүсэх эрсдэлтэй учир иргэн бүрт гурван сая 373 мянга 25 иргэн тус бүрт нь хөл хорионы үеэр 300 мянган төгрөг олгож байна. Энэхүү дэмжлэгийг олгосноор инфляцийн зорилтот түвшинд өөрчлөлт орохгүй гэж үзэж байгаа. Өнөөдрийн байдлаар, улсын хэмжээнд инфляц 2.6 хувь байгаа бол төв банкны энэ жилийн инфляцийн зорилт 6 хувь (+- 2) байгаа юм.

Мөн төгрөгийн ам.доллартай харьцах ханш сүүлийн долоон сарын хугацаанд 2,850 төгрөг дээр тогтвортой байгаа” хэмээв.

Иргэн бүрт 300 мянган төгрөг олгохтой холбоотой Засгийн газрын 93-р тогтоол нь Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн хүрээнд үндэслэн батлагдсан байна.

Сангийн яамнаас өгч буй мэдээллээр, иргэн бүрт олгох 300 мянган төгрөгийг иргэдийн 85 хувьд арилжааны банкуудын оролцоотойгоор шилжүүлээд байгаа бөгөөд анх удаа Монгол Улсын иргэн бүрт ийнхүү мөнгөн дэмжлэгийг олгож буйгаараа онцлог билээ.

Эдийн засгийн тэргүүлэх ач холбогдолтой 100 төслийг хэлэлцэж байна

nomun — Wed, 17 Mar 2021 11:01:38 +0800

Засгийн газрын өнөөдрийн ээлжит хуралдаанаар, COVID-19 цар тахлын нөхцөл байдал, авч хэрэгжүүлж байгаа шуурхай хариу арга хэмжээний талаар хэлэлцэж байна.

Мөн хуралдаанаар, Монгол Улсын Ерөнхийлөгчийн 2017-2021 оны бүрэн эрхийн хугацаан дахь эдийн засаг, санхүү, төсвийн төлөв байдлын тайлангийн тухай хэлэлцэнэ.

Түүнчлэн эдийн засгийн тэргүүлэх ач холбогдолтой 100 төсөл, тэр дундаа Улаанбаатар хотыг цахилгаан, дулаанаар хангах 5 дахь эх үүсвэрийг шийдвэрлэх ажлын хүрээнд хэрэгжүүлж буй ажлын талаар зэрэг 20 орчим асуудлыг хэлэлцэж, танилцахаар төлөвлөөд байна.

Засгийн газрын ээлжит хуралдаан 08.00 цагт эхэлсэн бөгөөд одоо үргэлжилж байна. Хуралдааны дараа дэлгэрэнгүй мэдээллийг эргэн хүргэх болно.

Засгийн газар: Бүх айл өрхүүд болон зарим ААН-үүдийн суурь зардлуудыг тодорхой хугацаанд төр даана

khulan — Sun, 13 Dec 2020 16:38:54 +0800

Өнөөдөр Засгийн газрын ээлжит бус хуралдаан болсон юм. Хуралдаан дуусаж, Ерөнхий сайд иргэдэд хандан мэдээлэл өгч байна.

Бид өнөөдөр хуралдан дараах шийдвэрийг гаргалаа:

-Айлуудын хэрэглээний халуун ус, цахилгаан болон ус, дулаан, хогны төлбөрийг энэ сарын 1-нээс ирэх оны 7 дугаар сар хүртэл ТЭГЛЭВ. Ингэхдээ 100 метр кв талбайн хэмжээнд дүйх төлбөрийг л хөнгөлнө. Хэрэв 120 метр кв талбайтай айл байвал зөрүү болох 20 м кв-ын үнээ өөрөө төлнө. Энэ шийдвэр манай 900 мянган өрхөд хамаатай.

Төсөвт байгууллага, төрийн болон орон нутгийн өмчит хуулийн этгээд, банк, банк бус санхүүгийн байгууллага, уул уурхайн компаниуд, бөөний болон жижиглэн худалдааны тусгай зөвшөөрөл эзэмшигч, согтууруулах ундаа, тамхи үйлдвэрлэх тусгай зөвшөөрөл эзэмшигч гэх мэт нийт 9 салбараас бусад салбарын цахилгааны төлбөрийг ТЭГЛЭВ. Эдгээрийн төлбөрийг улсын төсвөөс биш харин "Эрдэнэт” үйлдвэр 650 тэрбум төгрөгөөр санхүүжүүлнэ. "Эрдэнэт” улсын үйлдвэр болсон.

Сайжруулсан шахмал түлшний үнийг 50 хувь бууруулаад байсан бол 75 хувиар бууруулна. Үнэ бууруулснаар үүсэх зардлыг ЭТТ компани хариуцна.

Эдгээр шийдвэр нийт долоон сарын турш хүчинтэй. Засгийн газраас авч хэрэгжүүлсэн энэ шийдвэрийн нөлөөгөөр талхны үнэ өсөхгүй. Суурь үнэ хэвээрээ байна. Бид хаа хаанаа хохирол багатай даван туулах хэрэгтэй байна. Вакцин худалдан авч, бүх хүнээ хамруулах хүртэл бидэнд дахин 6-8 сарын хугацаа хэрэгтэй тул эдгээр шийдвэрийг гаргалаа. Дээрх төлбөрүүдийг тэглэснээр ААН-үүдэд томоохон дэмжлэг болно.

"2019 онд 963 тэрбум 2020 онд 1 их наяд төгрөгийг давсан татварыг төлсөн. 42 жил ажилласан үйлдвэр маань нийгмийн хариуцлагын хүрээнд хийж байгаа зүйлд талархлаа илэрхийлж байна" хэмээн Сангийн сайд Ч.Хүрэлбаатар хэллээ.

Эдийн засаг - Өдөр тутмын мэдээ мэдээллийн вэб сайт

Хөвсгөл, Архангай аймагт нэг килограмм ноолуур 208-212 мянган төгрөгийн үнэтэй байна

Бид эдийн засгийн эрх чөлөөгүй гэж үү?

Төсвийн орлого 472 тэрбум төгрөгөөр буурчээ

Орон сууц борлуулсны 2 хувийн татварыг хүчингүй болгох эсэх саналыг Өргөдлийн байнгын хороо хэлэлцэж эхэллээ

Бодлогын хүүг огцом нэмж 12 хувьд хүргэлээ

Энэ онд 35 хүртэлх насны иргэдийг ипотекийн зээлд шуурхай хамруулна

“Bitcoin”-ийн үнэ түүхэн дээд түвшинд хүрлээ

ЭКСПОРТ СҮҮЛИЙН 10 ЖИЛД: Төмөр замгүйгээс болоод гаргаж чадаагүй 232 сая тонн нүүрсээ ЭКСПОРТОЛСОН бол өдийд нийтдээ 600 гаруй сая тонн нүүрс зарах байжээ

Б.Энхбаяр: Сайд нартаа л таалагдах төсөв хийгээд байвал ард түмэн таалахгүй

ТӨСӨВ-2025: Дорноговь, Өмнөговь, Сэлэнгэ, Дархан-Уул, Орхон аймаг улсын төсөвт орлого оруулж, бусад нь 527.8 тэрбум төгрөгийн ТАТААС авна

ХААН Банк Азийн Хөгжлийн Банкнаас хос шагнал хүртлээ

Хадгаламждаа мөнгө нэмээд NURA-гийн эрх аваарай

“ЮнионПэйтэй ертөнцийг нээгээрэй” буцаан олголттой урамшуулалт аян эхэллээ

Бизнес эрхлэгчдэд зориулсан “Хөгжлийн хөтөлбөр-2024”-ийн элсэлт эхэллээ

Digi Pay-ээр төлбөр тооцоогоо хийгээд 5 хувийн буцаан олголт аваарай

ХААН Банк бичил болон ЖДБ эрхлэгчдийг дэмжихээр 27.5 сая ам.долларын санхүүжилт татлаа

ХААН Банк шинэ дижитал салбартаа харилцагчдадаа сургалт зохион байгууллаа

Digi Pay- Шимтгэлгүй, хялбар, урамшуулалтай

Бизнесийн “төв цэг” Дорнод, Хэнтий аймагт нээгдлээ

ХААН Банк хөдөө аж ахуйн салбарыг хөгжүүлэх стратегийн санамж бичигт гарын үсэг зурлаа

ХААН Банк “Хамгийн идэвхтэй аккредитив нээгч банк”-аар 14 дэх жилдээ шалгарлаа

ХААН Банкны бяцхан харилцагчдын урамшуулалт аян эхэллээ

Бизнест тань давуу тал нэмэх НОГООН ЗЭЭЛ

Ж.Питер Морроугийн нэрэмжит ХААН Банкны олимпиадыг 11 дэх жилдээ зарлалаа

Мөжитэй хамтдаа хуримтлуулцгаая

ХААН Банк Хөвсгөл аймгийн бизнес эрхлэгчдэд үйлчлэх “Бизнес төв”-өө нээлээ

VISA картаа уншуулаад Парисын олимп үзэх эрхийн эзэн болоорой

Бинзесийн өсөн нэмэгдэх үнэ цэн - Ногоон зээл

Ногоон эдийн засгийн хөгжлийг дэмжихээр ХААН Банк ОУСК-тай хамтран ажиллана

Дуртай бүхнээ хөнгөлөлттэй авахыг хүсвэл шинэчлэгдсэн К картыг сонгоорой

“Ногоон бизнес” хөтөлбөрийн бүртгэл үргэлжилж байна

Ховд аймгийн жижиг дунд бизнес эрхлэгчдэд зориулсан “Бизнес төв” нээгдлээ

ХААН Банк “Цалинтай дадлагын хөтөлбөр”-өө 6 дахь жилдээ зарлаж байна

Хүнсний болон ХАА-н үйлдвэрлэлийг дэмжих 5-6 хувийн хүүтэй хөнгөлөлттэй зээл олгож эхэллээ

2 жилийн дотор гурилын үнэ 1600-аас 2500 төгрөг болж нэмэгджээ

Банкны салбарын анхны Инновацын төв үүдээ нээлээ

DiGi POS ямар боломж авчрах вэ?

ХААН Банкны бизнесийн зээлийн нөхцөл сайжирлаа

ХААН Банкны “Бизнесийн менежментийн цогц сургалт 2024 – Түвшин 1” хөтөлбөрийн бүртгэл эхэллээ

Архангай, Дорнод аймгийн 100 малчин өрхөд дэмжлэг үзүүлэх зорилгоор 66 сая төгрөгийн мөнгөн хандивыг гардууллаа

Хэрэгцээ бүрд шийдэл - ердөө 3 минут

ЮнионПэй картаа уншуулаад “iPhone 15 Pro” гар утасны эзэн болоорой

“ЦАГЛАШГҮЙ ЖАРГАЛАНТ ӨДРҮҮД” урамшуулалт аян эхэллээ

ЮнионПэй картаа уншуулаад “iPhone 15 Pro” гар утасны эзэн болоорой

Хэрэгцээ бүрд шийдэл - ердөө 3 минут

ХААН БАНКНЫ 2023 ОНЫ ОНЦЛОХ 10 АЖИЛ

ХААН Банкийг “Оны шилдэг ААН”, “Банкны салбарын Энтрепренер”-ээр тодрууллаа

ЖДБ эрхлэгчдэд зориулсан “Бизнес төв” Дархан-Уул аймагт үүдээ нээлээ

ХААН Банк ЖДБ эрхлэгчдэд зориулсан “Бизнес төв”-өө Орхон аймагт нээлээ

ХААН Банкны ногоон бондын анхдагч зах зээлийн арилжааны нээлтийн цан цохих ёслол боллоо

Тогтвортой хөгжилд манлайлагч ХААН Банк “Шилдэг ТоС байгууллага”-аар дахин шалгарлаа

ХААН Банк дотоодын зах зээлд Ногоон бонд гаргахаар үнэт цаасны танилцуулгаа хийлээ

ХААН Банкны “Digi Go” дижитал салбар нийслэлд 4 байршилд үүдээ нээлээ

ОХУ-аас ирсэн 140 вагон АИ92 шатахууныг агуулахад буулгаж, ШТС-уудад хуваарилах ажил хийгдэж байна

“Атар” талхны үйлдвэрийн үнэ 300 төгрөгөөр нэмэгдэжээ

Вьетнамаар аялуулах картын урамшуулалт аян эхэллээ!

Хүүхдийн мөнгийг ИРЭХ ОНД бүх хүүхдэд олгохоор ТУСГАЖЭЭ

Урт хугацааны хөрөнгө оруулалт өндөр ургац авчирдаг

Онлайн цалингийн зээл авахад банк хамаарахгүй

Сар шинийг угтсан картын урамшуулал зарлагдлаа

“Нээлттэй Архангай” хөтөлбөрийг батлав

ПОС төхөөрөмжийн орлого барьцаалсан зээлийг онлайнаар аваарай

​Сурвалжлага: 'Найман шарга'-ын хөл хөдөлгөөн нэмэгдэж, юань 507 төгрөгт хүрчээ

Дансны хуулга, тодорхойлолтоо блокчэйн сүлжээг ашиглан авах боломжтой боллоо

С.Ган-Эрдэнэ: Голомт банкны хувьцаа эзэмшигч болох 14 мянга орчим захиалга ирээд байна

С.Ган-Эрдэнэ: Голомт банкны хувьцаа өндөр эрэлттэй байна

Өрхийн зарлага орлогоосоо 15.3 мянган төгрөгөөр давжээ

“E-Mongolia”-гаар НДШ-ийн 50 хувийг буцаах дансны дугаар солих, засах боломжтой боллоо

Боловсролын зээлийн сангаас буцалтгүй тусламжаар ЗЭЭЛ авах нөхцөл

Энэ сард олгох халамжийн тэтгэвэр, тэтгэмж, хөнгөлөлт, тусламжийн хуваарь

НӨАТ-ын буцаан олголтыг өнөөдрөөс шилжүүлж эхэллээ

ХААН Банк “ТОП-100 аж ахуйн нэгж”-ийн дөрөвдүгээрт эрэмбэлэгдлээ

Хүүхдээ хүчирхийлсэн ээж, аавын данс руу хүүхдийн мөнгө шилжүүлэхгүй

Барууны орнууд 800 гаруй хориг арга хэмжээ авчээ

Та банкан дахь мэдээллээ шинэчилсэн үү?

Оросуудад долларыг Хятадын юань, Швейцарийн франк, алтаар сольж болохыг зөвлөжээ

Зөвлөгөө: Хувийн санхүүдээ дэвшүүлэх зорилтууд-2

Зөвлөгөө: Хувийн санхүүдээ дэвшүүлэх зорилтууд-1

KHAN BANK аппликэйшнээрээ хувийн санхүүгээ удирдаарай

Сурвалжлага: 'Найман шарга'-ын хөл хөдөлгөөн нэмэгдэж, юань 507 төгрөгт хүрчээ